ಚಾರಿವಾರಿ (ಅಲಂಕಾರಿಕ ಸರ)

ಒಂದು "ಶ್ರೇಷ್ಠ" ಚಾರಿವಾರಿ. ಮಧ್ಯದಲ್ಲಿ ನರಿ ಮೂಗು, ಅಮೂಲ್ಯ ಕಲ್ಲುಗಳು, ರಾಪ್ಟರ್ ಪಂಜ ಮತ್ತು "ಶೆರ್ಗ್ರಾಬರ್ಲ್" (ಮೋಲ್ ಪಾವ್) ಅಪ್ಪರ್ ಬವೇರಿಯಾ, ೨೦ ನೇ ಶತಮಾನ

ಚಾರಿವಾರಿ ಎಂಬುದು ಜರ್ಮನಿಯ ಬವೇರಿಯಾದಲ್ಲಿ ಜನಪ್ರಿಯವಾಗಿರುವ ಒಂದು ಆಭರಣವಾಗಿದೆ. ಘನವಾದ ಬೆಳ್ಳಿಯ ಅಥವಾ ಬೆಳ್ಳಿಯ ಲೇಪಿತ ಸರಪಳಿಯಿಂದ ತಯಾರಿಸಲ್ಪಟ್ಟ ಇದನ್ನು ರತ್ನದ ಕಲ್ಲುಗಳು, ನಾಣ್ಯಗಳು, ಪದಕಗಳು, ಕೊಂಬು ಮತ್ತು ವಿವಿಧ ಪ್ರಾಣಿಗಳ ದೇಹದ ಸಣ್ಣ ಸಣ್ಣ ಭಾಗಗಳನ್ನು ಬಳಸಿ ಮಾಡಲಾಗುತ್ತದೆ.

ಮೂಲ ಮತ್ತು ಬಳಕೆ

ಚಾರಿವಾರಿ ಎಂಬ ಹೆಸರು ಲ್ಯಾಟಿನ್‌ನ ಕ್ಯಾರಿಬೇರಿಯಾ ಎಂಬ ಪದದಿಂದ ಬಂದಿದೆ. ಇದರರ್ಥ "ಅವ್ಯವಸ್ಥೆ" ಅಥವಾ "ಹುಚ್ಚು". "ಪೆಂಡೆಮೋನಿಯಂ" ಅಥವಾ "ಗದ್ದಲ" ಎಂದೂ ಇದು ಅರ್ಥವನ್ನು ನೀಡುತ್ತದೆ.

ಬವೇರಿಯಾದ ಪುರುಷರು ಚಾರಿವಾರಿಯ ಬೆಲ್ಟ್‌ ಅನ್ನು ತಮ್ಮ ಲೆಡರ್ಹೋಸನ್‌ನಲ್ಲಿ ಧರಿಸುತ್ತಾರೆ. ಚಾರಿವಾರಿಯು ಸಾಂಪ್ರದಾಯಿಕ ಆಭರಣವಾಗಿ ಅಥವಾ ಯಶಸ್ವಿ ಬೇಟೆಗೆ ತಾಯಿತವಾಗಿ ಉಪಯೋಗಿಸಲ್ಪಡುತ್ತಿತ್ತು. ಇದು ಬಹುಶಃ ಒಂದು ಸರದಿಂದ ಅಭಿವೃದ್ಧಿಗೊಂಡಿದೆ, ಅದರಿಂದ ಬೇಟೆಯಾಡುವ ವಸ್ತುಗಳ ಜೊತೆ ಅದನ್ನು ನೇತುಹಾಕಲಾಗುತಿತ್ತು. ಇದನ್ನು ಖರೀದಿಸಲು ಸಾಧ್ಯವಿಲ್ಲ. ಅದಕ್ಕಾಗಿ ಇದನ್ನು ಎಚ್ಚರಿಕೆಯಿಂದ ಸಂರಕ್ಷಿಸಲಾಯಿತು ಮತ್ತು ಒಂದೇ ಕುಟುಂಬದಲ್ಲಿ ತಲೆಮಾರುಗಳಿಂದ ವರ್ಗಾಯಿಸಲಾಯಿತು. ಕೆಲವು ಹಳೆಯ ಚಾರಿವಾರಿಗಳು ೧೦,೦೦೦ ಯುರೋಗಳಷ್ಟು (ಸುಮಾರು £೮,೭೭೦) ಮೌಲ್ಯವನ್ನು ಹೊಂದಿವೆ. ಮಹಿಳೆಯರ ಸರವನ್ನು ಸಾಮಾನ್ಯವಾಗಿ "ಎರ್ಬ್ಸ್ಕೆಟೆನ್" ನಿಂದ ತಯಾರಿಸಲಾಗುತ್ತದೆ ಮತ್ತು ತಾಲಿಸ್ಮೆನ್ ನಿಂದ ಅಲಂಕರಿಸಲಾಗುತ್ತದೆ.

ಚಾರಿವಾರಿ ಅರಿಜೋನಾ-ಶೈಲಿ

• 
  ಸಾಂಪ್ರದಾಯಿಕ ಚಾರಿವಾರಿ - ಪೆಂಡೆಂಟ್‌ಗಳೊಂದಿಗೆ ಬೆಳ್ಳಿ ಸರಪಳಿ
• 
  ಅನೇಕ ಅಲಂಕಾರಗಳಿಂದ ಕೂಡಿದ ಚಾರಿವಾರಿ
• 
  ಬವೇರಿಯಾ,ಬಾಡೆನ್ ಮತ್ತು ಪ್ರಶ್ಯ ೧೯ ನೇ ಮತ್ತು ೨೦ ನೇ ಶತಮಾನದ ಆರಂಭದಲ್ಲಿ ಬೆಳ್ಳಿ ನಾಣ್ಯದೊಂದಿಗೆ ಚಾರಿವಾರಿ. ಇದನ್ನು ಬವೇರಿಯಾದ ರಾಜ ಲುಡ್ವಿಗ್ IIರ ಸ್ಮರಣಾರ್ಥ ಅಲ್ಲಿನ ನಾಣ್ಯಗಳನ್ನು ಬಳಸಿ ತಯಾರಿಸಲಾಗಿದೆ.
• 
  ಜೀನ್ಸ್‌ ಮೇಲೆ ಧರಿಸಿರುವ ಆಧುನಿಕ ಚಾರಿವಾರಿ