ಪ್ರಿಯಾಂಕಾ ಚೋಪ್ರಾ
| ಪ್ರಿಯಾಂಕಾ ಚೋಪ್ರಾ | |
|---|---|
 ಪ್ರಿಯಾಂಕಾ ಚೋಪ್ರಾ. |
|
| ಹುಟ್ಟು ಹೆಸರು ಹುಟ್ಟಿದ ದಿನ ಹುಟ್ಟಿದ ಸ್ಥಳ |
ಜುಲೈ ೧೮, ೧೯೮೨ ಜಮ್ಶೆಡ್ಪುರ, ಝಾರ್ಖಂಡ್, ಭಾರತ |
| ವೃತ್ತಿ | ನಟಿ, ರೂಪದರ್ಶಿ |
| ವರ್ಷಗಳು ಸಕ್ರಿಯ | 2001–present |
ಪ್ರಿಯಾಂಕಾ ಚೋಪ್ರಾ (ಹಿಂದಿ:प्रियंका चोपड़ा; ಜನನ ೧೮ ಜುಲೈ ೧೯೮೨) [೧] ಭಾರತೀಯ ಚಲನಚಿತ್ರ ನಟಿ ಹಾಗೂ ಮಾಜಿ ವಿಶ್ವ ಸುಂದರಿ. ತನ್ನ ನಟನಾ ವೃತ್ತಿಯನ್ನು ಆರಂಭಿಸುವ ಮುಂಚೆ, ರೂಪದರ್ಶಿಯಾಗಿ ಕೆಲಸ ಮಾಡಿದ್ದ ಪ್ರಿಯಾಂಕಾ 2000ನೆ ಇಸವಿಯಲ್ಲಿ ವಿಶ್ವ ಸುಂದರಿ ಕಿರೀಟವನ್ನು ಧರಿಸಿ ಪ್ರಖ್ಯಾತಳಾದಳು. ತಮಿಳು ಚಲನಚಿತ್ರ ತಮಿಳನ್ (2002) ಚೋಪ್ರಾ ನಟಿಸಿದ ಮೊದಲ ಚಲನಚಿತ್ರ.ಆ ನಂತರದ ವರ್ಷ 2003ರಲ್ಲಿ ತೆರೆ ಕಂಡ, ಅನಿಲ್ ಶರ್ಮಾರವರ 'ದಿ ಹೀರೊ: ಲವ್ ಸ್ಟೋರಿ ಆಫ್ ಎ ಸ್ಪೈ' ಪ್ರಿಯಾಂಕಾ ನಟನೆಯ ಚೊಚ್ಚಲ ಹಿಂದಿ ಚಲನಚಿತ್ರ; ಅದೇ ವರ್ಷ ಬಿಡುಗಡೆಗೊಂಡ ಆಕೆ ನಟಿಸಿದ ಎರಡನೆ ಹಿಂದಿ ಚಲನಚಿತ್ರ ರಾಜ್ ಕನ್ಬರ್ರವರ 'ಅಂದಾಜ್' ವಾಣಿಜ್ಯವಾಗಿ ಯಶಸ್ಸು ಕಂಡಿತಲ್ಲದೆ, ಈ ಚಲನಚಿತ್ರದಲ್ಲಿನ ನಟನೆಗಾಗಿ ಫಿಲ್ಮ್ಫೇರ್ ಅತ್ಯುತ್ತಮ ಆರಂಭಿಕ ನಟಿ ಪ್ರಶಸ್ತಿ ಕೂಡ ಪಡೆದಳು.2004ರಲ್ಲಿ ಅಬ್ಬಾಸ್-ಮಸ್ತಾನ್ ನಿರ್ದೇಶಿಸಿದ ಐತ್ರಾಜ್ ಚಲನಚಿತ್ರದಲ್ಲಿನ ನಟನೆಗಾಗಿ ವಿಮರ್ಶಕರ ಪ್ರಶಂಸೆಗೆ ಪಾತ್ರರಾದ ಪ್ರಿಯಾಂಕಾ ಫಿಲ್ಮ್ಫೇರ್ ಅತ್ಯುತ್ತಮ ಖಳನಾಯಕಿ ಪ್ರಶಸ್ತಿ ಗಳಿಸಿ, ಈ ಪ್ರಶಸ್ತಿ ಪಡೆದ ಎರಡನೆ ಮಹಿಳೆ ಎಂಬ ಹೆಗ್ಗಳಿಕೆಗೆ ಪಾತ್ರಳಾದಳು. ಆ ನಂತರ ಚೋಪ್ರಾ ನಟಿಸಿದ ಮುಝ್ಸೆ ಶಾದಿ ಕರೋಗಿ (2004), ಮತ್ತು ಇದುವರೆಗೆ ಆಕೆಗೆ ಅತಿ ಹೆಚ್ಚು ಯಶಸ್ಸು ತಂದುಕೊಟ್ಟ ಚಿತ್ರ ಕೃಷ್ (೨೦೦೬) ಡಾನ್ - ದಿ ಚೇಸ್ ಬಿಗಿನ್ಸ್ ಎಗೇನ್ (2006) ಚಲನಚಿತ್ರಗಳು ವಾಣಿಜ್ಯವಾಗಿಯೂ ಯಶಸ್ಸು ಕಂಡವು.2008ರಲ್ಲಿ, ಫ್ಯಾಷನ್ ಚಲನಚಿತ್ರದಲ್ಲಿನ ನಟನೆಗಾಗಿ ಚೋಪ್ರಾ ಫಿಲ್ಮ್ಫೇರ್ ಅತ್ಯುತ್ತಮ ನಟಿ ಪ್ರಶಸ್ತಿ ಗಳಿಸಿ ಒಬ್ಬ ಜನಪ್ರಿಯ ನಟಿಯಾಗಿ ಖ್ಯಾತಿ ಪಡೆದಳು. [೨]
ಪರಿವಿಡಿ |
ಆರಂಭಿಕ ಜೀವನ [ಬದಲಾಯಿಸಿ]
ಇಂದಿನ ಝಾರ್ಖಂಡ್ ರಾಜ್ಯದ ಜಮ್ಷೆಡ್ಪುರದಲ್ಲಿ, ವೈದ್ಯ-ದಂಪತಿಗಳಾದ ಅಶೋಕ್ ಚೋಪ್ರಾ ಮತ್ತು ಮಧು ಅಖೌರಿ ಅವರ ಮಗಳಾಗಿ ಚೋಪ್ರಾ ಜನಿಸಿದಳು. [೩]ಚೋಪ್ರಾ ತನ್ನ ಬಾಲ್ಯದ ಜೀವನವನ್ನು ಉತ್ತರ ಪ್ರದೇಶದ ಬರೇಲಿ; ಮೆಸಾಚುಸೆಟ್ಸ್ನ ನ್ಯೂಟನ್; ಮತ್ತು ಅಯೊವಾದ ಸಿಡಾರ್ ರಾಪಿಡ್ಸ್ನಲ್ಲಿ ಕಳೆದಳು. [೪] ಆಕೆಯ ತಂದೆ ಭೂಸೇನೆಯಲ್ಲಿದ್ದ ಕಾರಣ ಆಕೆಯ ಕುಟುಂಬ ಆಗಿಂದಾಗ್ಗೆ ಸ್ಥಳಾಂತರಗೊಳ್ಳುತ್ತಿತ್ತು. ಆಕೆಯ ತಂದೆ ಪಂಜಾಬಿ ಖತ್ರಿ ಮೂಲದ ಕುಟುಂಬದವರಾಗಿದ್ದು, ಬರೇಲಿಯಲ್ಲಿ ನೆಲೆಸಿದ್ದರು; ಆಕೆಯ ತಾಯಿ ಜಮ್ಷೆಡ್ಪುರದಲ್ಲಿ ನೆಲೆಸಿದ್ದ ಮಲಯಾಳಿ ಕುಟುಂಬದವರು. ಆಕೆಯ ತಮ್ಮ ಸಿದ್ಧಾರ್ಥ್ ಆಕೆಗಿಂತಲೂ ಏಳು ವರ್ಷ ಕಿರಿಯ.[೫]
ಚೋಪ್ರಾ ತನ್ನ ಬಾಲ್ಯದ ವ್ಯಾಸಂಗವನ್ನು ಬರೇಲಿಯ ಸೇಂಟ್ ಮಾರಿಯಾ ಗೊರೆಟ್ಟಿ ಹಾಗೂ ಲಕ್ನೋದ ಲಾ ಮಾರ್ಟಿನಿಯರ್ ಬಾಲಿಕೆಯರ ಶಾಲೆಗಳಲ್ಲಿ ಮಾಡಿದಳು.ಆಶೋಕ್ ಅವರು ಭಾರತೀಯ ಭೂಸೇನೆಯಲ್ಲಿ ವೈದ್ಯರಾಗಿದ್ದ ಕಾರಣ ಈ ರೀತಿಯ ಸ್ಥಳಾಂತರಗಳು ಆಗ್ಗಾಗ್ಗೆ ನಡೆಯುತ್ತಿದ್ದವು. ಆ ನಂತರ, ಆಕೆ ಅಮೆರಿಕಾಕ್ಕೆ ಸ್ಥಳಾಂತರಗೊಂಡು ಮೆಸಾಚುಸೆಟ್ಸ್ನ ನ್ಯೂಟನ್ನ ನ್ಯೂಟನ್ ಸೌತ್ ಹೈಸ್ಕೂಲ್, ತರುವಾಯ ಅಯೊವಾದ ಜಾನ್ ಎಫ್ ಕೆನೆಡಿ ಹೈಸ್ಕೂಲ್ನಲ್ಲಿ ತನ್ನ ವ್ಯಾಸಂಗ ಮುಂದುವರಿಸಿದಳು.ಆ ನಂತರ ಭಾರತಕ್ಕೆ ವಾಪಸಾದ ಪ್ರಿಯಾಂಕಾ ತನ್ನ ಪ್ರೌಢಶಾಲಾ ಶಿಕ್ಷಣವನ್ನು ಬರೇಲಿಯ ಸೇನಾ ಶಾಲೆಯಲ್ಲಿ ಮುಂದುವರಿಸಿದಳು. ಆಕೆಯ ಕಾಲೇಜ್ ವ್ಯಾಸಂಗ ಮುಂಬಯಿಯ ಜೈ ಹಿಂದ್ ಕಾಲೇಜ್ನಲ್ಲಿ ಆರಂಭವಾಯಿತು. ಆದರೆ ವಿಶ್ವ ಸುಂದರಿ ಸ್ಪರ್ಧೆಯನ್ನು ಗೆದ್ದಾಗ ಕಾಲೇಜ್ ವ್ಯಾಸಂಗವನ್ನು ಮೊಟಕುಗೊಳಿಸಿದಳು.
ವಿಶ್ವ ಸುಂದರಿ [ಬದಲಾಯಿಸಿ]
2000ದಲ್ಲಿ ಚೋಪ್ರಾ ಮಿಸ್ ಇಂಡಿಯಾ ವರ್ಲ್ಡ್ ಆ ನಂತರ ವಿಶ್ವ ಸುಂದರಿ ಕಿರೀಟ ಧರಿಸಿದಳು.[೬] ಇದೇ ಇಸವಿಯಲ್ಲಿ ಭಾರತೀಯರೇ ಆದ ಲಾರಾ ದತ್ತಾ ಮತ್ತು ದೀಯಾ ಮಿರ್ಜಾ, ಅವರು ಕ್ರಮವಾಗಿ ಭುವನ ಸುಂದರಿ ಮತ್ತು ಏಷ್ಯಾ-ಪೆಸಿಫಿಕ್ ಸುಂದರಿ ಕಿರೀಟಗಳನ್ನು ಗೆದ್ದದ್ದು, ಒಂದೇ ದೇಶಕ್ಕೆ ದೊರೆತ ಅಪರೂಪದ ತ್ರಿವಳಿ ಗೆಲುವು.
ಚೋಪ್ರಾ ವಿಶ್ವ ಸುಂದರಿ ಕಿರೀಟವನ್ನು ಗೆದ್ದಾಗ, ಇದನ್ನು ಗೆದ್ದ ಐದನೆಯ ಭಾರತೀಯ ಹಾಗೂ ಏಳು ವರ್ಷದ ಅವಧಿಯಲ್ಲಿ ಗೆದ್ದ ನಾಲ್ಕನೆಯ ಭಾರತೀಯ ಮಹಿಳೆ ಎನಿಸಿಕೊಂಡಳು.
ನಟನಾ ವೃತ್ತಿ [ಬದಲಾಯಿಸಿ]
ವಿಶ್ವ ಸುಂದರಿ ಕಿರೀಟವನ್ನು ಗೆದ್ದ ನಂತರ, ಚೋಪ್ರಾ ಒರ್ವ ನಟಿಯಾದಳು. 2002ರಲ್ಲಿ ತಮಿಳು ಚಲನಚಿತ್ರ ತಮಿಳನ್ ನಲ್ಲಿ ವಿಜಯ್ ಜೊತೆ ನಟಿಸುವುದರೊಂದಿಗೆ ಚಲನಚಿತ್ರರಂಗ ಪ್ರವೇಶಿಸಿದಳು, ಇದರಲ್ಲಿ ಆಕೆ ಒಂದು ಹಾಡನ್ನೂ ಹಾಡಿದ್ದಾಳೆ; ಆ ನಂತರ ಬಾಲಿವುಡ್ನತ್ತ ತೆರಳಿದಳು. 2003ರಲ್ಲಿ ಬಿಡುಗಡೆಯಾದ ಆಕೆಯ ಮೊದಲ ಬಾಲಿವುಡ್ ಚಲನಚಿತ್ರ, ದಿ ಹೀರೊ: ಲವ್ ಸ್ಟೋರಿ ಆಫ್ ಎ ಸ್ಪೈ ಆಕೆಗೆ ಉತ್ತಮ ವಿಮರ್ಶೆಗಳನ್ನು ತಂದುಕೊಟ್ಟಿತು.[೭]ಈ ಚಲನಚಿತ್ರ ಸರಾಸರಿಗಿಂತಲೂ ಕೆಳಮಟ್ಟದ್ದು ಎಂದು ಬಣ್ಣಿಸಲಾಗಿದ್ದರೂ, ಆ ವರ್ಷದಲ್ಲಿ ಅತಿ ಹೆಚ್ಚು ಯಶಸ್ಸು ಕಂಡ ಚಲನಚಿತ್ರಗಳಲ್ಲಿ ಒಂದಾಗಿತ್ತು. [೮]
ಅಕ್ಷಯ್ ಕುಮಾರ್ ಜೊತೆಗೆ ಆಕೆ ನಟಿಸಿದ ಮುಂದಿನ ಚಲನಚಿತ್ರ ಅಂದಾಜ್ ಯಶಸ್ಸು ಕಂಡಿತು,[೯] ಅಲ್ಲದೆ ಈ ಚಿತ್ರದಲ್ಲಿನ ಅಭಿನಯಕ್ಕಾಗಿ ಪ್ರಿಯಾಂಕಾ ಫಿಲ್ಮ್ಫೇರ್ ಅತ್ಯುತ್ತಮ ಆರಂಭಿಕ ನಟಿ ಪ್ರಶಸ್ತಿ ಮತ್ತು ಫಿಲ್ಮ್ಫೇರ್ ಅತ್ಯುತ್ತಮ ಪೋಷಕ ನಟಿ ಪ್ರಶಸ್ತಿಗಾಗಿ ನಾಮನಿರ್ದೇಶನಗೊಂಡಿದ್ದಳು. ಆಕೆಯ ಮುಂದಿನ ಕೆಲವು ಚಲನಚಿತ್ರಗಳು ಗಲ್ಲಾಪೆಟ್ಟಿಗೆಯಲ್ಲಿ ವಿಫಲವಾದವು.[೧೦]
2004ರಲ್ಲಿ, ಆಕೆ ನಟಿಸಿದ ಚಲನಚಿತ್ರ ಮುಝ್ಸೆ ಶಾದಿ ಕರೋಗಿ ಬಿಡುಗಡೆಗೊಂಡಿತು, ಅಲ್ಲದೆ ಆ ವರ್ಷ ಮೂರನೆಯ ಅತಿ ಹೆಚ್ಚು ಯಶಸ್ಸು ಗಳಿಸಿದ ಚಲನಚಿತ್ರವಾಗಿದೆ.[೧೧] ಆಕೆಯ ಮುಂದಿನ ಚಲನಚಿತ್ರ ಐತ್ರಾಜ್, ಡೆಮಿ ಮೂರ್ ನಟಿಸಿದ ಹಾಲಿವುಡ್ ಚಲನಚಿತ್ರ ಡಿಸ್ಕ್ಲೋಷರ್ ನ ಪುನರ್ತಯಾರಿಕೆ.ಇದರಲ್ಲಿ ಆಕೆಯದ್ದು "ನಕಾರಾತ್ಮಕ" ಪಾತ್ರ, ಮೊದಲ ಬಾರಿಗೆ ಖಳನಾಯಕಿಯಾಗಿ ಅಭಿನಯಿಸಿದಳು. ಆಕೆಯ ನಟನೆಯು ವಿಮರ್ಶಕರ ಪ್ರಶಂಸೆ[೧೨]ಯನ್ನು ಗಳಿಸಿತಲ್ಲದೆ, ಆಕೆಗೆ ಫಿಲ್ಮ್ಫೇರ್ ಅತ್ಯುತ್ತಮ ಖಳ ನಾಯಕಿ ಪ್ರಶಸ್ತಿಯನ್ನು ಗಳಿಸಿಕೊಟ್ಟಿತು. ಅಲ್ಲದೆ ಫಿಲ್ಮ್ಫೇರ್ ಅತ್ಯುತ್ತಮ ಪೋಷಕ ನಟಿ ಪ್ರಶಸ್ತಿಗಾಗಿ ಎರಡನೆಯ ಬಾರಿಗೆ ನಾಮನಿರ್ದೇಶನಗೊಂಡಳು. ಅದೇ ವರ್ಷ, ಇತರೆ ಬಾಲಿವುಡ್ ನಟ-ನಟಿಯರಾದ ಶಾರುಖ್ ಖಾನ್, ಸೈಫ್ ಅಲಿ ಖಾನ್, ರಾಣಿ ಮುಖರ್ಜಿ, ಪ್ರೀತಿ ಜಿಂಟಾ ಮತ್ತು ಅರ್ಜುನ್ ರಾಮ್ಪಾಲ್ ಇವರೊಂದಿಗೆ ಆಕೆ ಟೆಂಪ್ಟೇಷನ್ಸ್ 2004 ಎಂಬ ವಿಶ್ವ ಪ್ರವಾಸದಲ್ಲಿ ಪಾಲ್ಗೊಂಡಳು.
2005ರಲ್ಲಿ ಈಕೆಯ ಹಲವು ಚಲನಚಿತ್ರಗಳು ಬಿಡುಗಡೆಗೊಂಡವು, ಆದರೆ ಇವುಗಳಲ್ಲಿ ಹೆಚ್ಚಿನವು ಗಲ್ಲಾಪೆಟ್ಟಿಗೆಯಲ್ಲಿ ಯಶಸ್ಸು ಕಾಣಲಿಲ್ಲ.[೧೩]
2006ರಲ್ಲಿ ಭಾರೀ ಯಶಸ್ಸು ಗಳಿಸಿದ ಚಲನಚಿತ್ರಗಳ ಪೈಕಿ ಎರಡರಲ್ಲಿ ಚೋಪ್ರಾ ನಟಿಸಿದ್ದಳು - ಕೃಷ್ ಮತ್ತು ಡಾನ್ - ದಿ ಚೇಸ್ ಬಿಗಿನ್ಸ್ ಎಗೇನ್. [೧೪]
ಚಿತ್ರ ಸಂಗೀತಕ್ಕಾಗಿ ಖ್ಯಾತಿ ಪಡೆದ ನಿಖಿಲ್ ಆಡ್ವಾಣಿಯ ಸಲಾಮ್-ಎ-ಇಷ್ಕ್: ಎ ಟ್ರಿಬ್ಯೂಟ್ ಟು ಲವ್ 2007ರಲ್ಲಿ ಬಿಡುಗಡೆಯಾದ ಚೋಪ್ರಾಳ ಮೊದಲ ಚಲನಚಿತ್ರ. ಆದರೆ ಈ ಚಲನಚಿತ್ರ ಗಲ್ಲಾಪೆಟ್ಟಿಗೆಯಲ್ಲಿ ವಿಫಲವಾಯಿತು.[೧೫] ಚೋಪ್ರಾಳ ಮುಂದಿನ ಚಲನಚಿತ್ರ ಬಿಗ್ ಬ್ರದರ್ ಸಹ ವಿಫಲವಾಯಿತು.
2008ರಲ್ಲಿ, ಚೋಪ್ರಾ ಆರು ಚಲನಚಿತ್ರಗಳಲ್ಲಿ ಕಾಣಿಸಿಕೊಂಡಳು. ಆಕೆಯ ಮೊದಲ ನಾಲ್ಕು ಚಲನಚಿತ್ರಗಳಾದ ಲವ್ ಸ್ಟೊರಿ 2050, ಗಾಡ್ ತುಸೀ ಗ್ರೇಟ್ ಹೊ, ಚಮ್ಕು ಹಾಗೂ ದ್ರೋಣ ಯಶಸ್ಸು ಗಳಿಸಲಿಲ್ಲ.[೧೬] ಆದಾಗ್ಯೂ ಆಕೆಯ ಉಳಿದ ಎರಡು ಚಲನಚಿತ್ರಗಳಾದ ಫ್ಯಾಷನ್ ಮತ್ತು ದೋಸ್ತಾನಾ ಗಲ್ಲಾ ಪೆಟ್ಟಿಗೆಯಲ್ಲಿ ಕ್ರಮವಾಗಿ 26,68,00,000 ಮತ್ತು 44,42,00,000 ರೂಪಾಯಿಗಳನ್ನು ಗಳಿಸಿದವು;[೧೬] ಮೊದಲಿನದಲ್ಲಿ ಆಕೆಯ ನಟನೆಯು ಆಕೆಗೆ ಫಿಲ್ಮ್ಫೇರ್ ಅತ್ಯುತ್ತಮ ನಟಿ ಪ್ರಶಸ್ತಿ ಸೇರಿದಂತೆ ಹಲವು ಪ್ರಶಸ್ತಿಗಳನ್ನು ತಂದುಕೊಟ್ಟಿತು.
2009ರಲ್ಲಿ ಪ್ರಿಯಾಂಕಾ ವಿಶಾಲ್ ಭಾರದ್ವಾಜ್ ನಿರ್ದೇಶಿಸಿದ ಕಮೀನೆ, ಆಶುತೋಷ್ ಗೋವಾರಿಕರ್ ನಿರ್ದೇಶನದ ವಾಟ್ ಇಸ್ ಯುವರ್ ರಾಶೀ? ಮತ್ತು ಜುಗಲ್ ಹಂಸ್ರಾಜ್ರ ಪ್ಯಾರ್ ಇಂಪಾಸಿಬಲ್ ಚಿತ್ರಗಳಲ್ಲಿ ಕಾಣಿಸಿಕೊಳ್ಳಲಿದ್ದಾಳೆ. [೧೭]
ಪ್ರಶಸ್ತಿಗಳು ಮತ್ತು ಗೌರವಗಳು [ಬದಲಾಯಿಸಿ]
ವಿಮರ್ಶೆಗಳು/ಟೀಕೆಗಳು [ಬದಲಾಯಿಸಿ]
2008ರಲ್ಲಿ ಹಿಂದೂಸ್ಥಾನ್ ಯೂನಿಲೀವರ್ ಸಂಸ್ಥೆ ಚೋಪ್ರಾಳನ್ನು ಪಾಂಡ್ಸ್ನ ರಾಯಭಾರಿಯಾಗಿ ನೇಮಿಸಿತು. [೧೮] ಇದೇ ಸಂಸ್ಥೆಯ ತ್ವಚೆ ತಿಳಿಗೊಳಿಸುವ ಉತ್ಪನ್ನಗಳ ಕುರಿತ ಟಿವಿ ಜಾಹೀರಾತುಗಳಲ್ಲಿ, ಸೈಫ್ ಆಲಿ ಖಾನ್ ಮತ್ತು ನೇಹಾ ಧೂಪಿಯಾ ಜೊತೆ ಕಾಣಿಸಿಕೊಂಡಳು.; ಆದರೆ ಈ ಜಾಹೀರಾತುಗಳು ಜನಾಂಗೀಯತೆಯನ್ನು ಅನುಮೋದಿಸುತ್ತಿದೆಯೆಂಬ ಕಾರಣಕ್ಕೆ ವ್ಯಾಪಕ ಟೀಕೆಯನ್ನು ಎದುರಿಸಿದವು. [೧೯]
ಚಿತ್ರಗಳು [ಬದಲಾಯಿಸಿ]
| ವರ್ಷ | ಚಿತ್ರ | ಪಾತ್ರ | ಇತರೆ ಟಿಪ್ಪಣಿಗಳು |
|---|---|---|---|
| (2002) | ತಮಿಳನ್ | ಪ್ರಿಯಾ | ತಮಿಳು ಚಲನಚಿತ್ರ |
| 2003 | ದಿ ಹೀರೊ: ಲವ್ ಸ್ಟೋರಿ ಆಫ್ ಎ ಸ್ಪೈ | ಷಾಹೀನ್ ಝಕಾರಿಯಾ | |
| ಅಂದಾಜ್ | ಜೀಯಾ | ವಿಜೇತೆ, ಫಿಲ್ಮ್ಫೇರ್ ಅತ್ಯುತ್ತಮ ಆರಂಭಿಕ ನಟಿ ಪ್ರಶಸ್ತಿ, ನಾಮನಿರ್ದೇಶನ, ಫಿಲ್ಮ್ಫೇರ್ ಅತ್ಯುತ್ತಮ ಪೋಷಕ ನಟಿ ಪ್ರಶಸ್ತಿ |
|
| 2004 | ಪ್ಲ್ಯಾನ್ | ರಾಣಿ | |
| ಕಿಸ್ಮತ್ | ಸಪ್ನಾ | ||
| ಅಸಂಭವ್ | ಅಲಿಷಾ | ||
| ಮುಝ್ಸೆ ಶಾದಿ ಕರೋಗಿ | ರಾಣಿ ಸಿಂಗ್ | ||
| ಐತ್ರಾಜ್ | ಶ್ರೀಮತಿ ಸೋನಿಯಾ ರಾಯ್ | ವಿಜೇತೆ, ಫಿಲ್ಮ್ಫೇರ್ ಅತ್ಯುತ್ತಮ ಖಳನಾಯಕಿ ಪ್ರಶಸ್ತಿ, ನಾಮನಿರ್ದೇಶನ, ಫಿಲ್ಮ್ಫೇರ್ ಅತ್ಯುತ್ತಮ ಪೋಷಕ ನಟಿ ಪ್ರಶಸ್ತಿ |
|
| 2005. | ಬ್ಲ್ಯಾಕ್ಮೇಲ್ | ಶ್ರೀಮತಿ ರಾಠೋಡ್ | |
| ಕರಮ್ | ಶಾಲಿನಿ | ||
| ವಕ್ತ್: ದಿ ರೇಸ್ ಎಗೇನ್ಸ್ಟ್ ಟೈಮ್ | ಪೂಜಾ | ||
| ಯಕೀನ್ | ಸಿಮರ್ | ||
| ಬರಸಾತ್ | ಕಾಜಲ್ | ||
| ಬ್ಲಫ್ಮಾಸ್ಟರ್ | ಸಿಮಿ ಅಹುಜಾ | ||
| 2006 | ಟ್ಯಾಕ್ಸಿ ನಂಬರ್ 9211 | ವಿಶೇಷ ಪಾತ್ರ | |
| 36 ಚೈನಾ ಟೌನ್ | ಶೌನ್ ಮಹಾರಾಜ್ | ವಿಶೇಷ ಪಾತ್ರ | |
| ಅಲಗ್ | ಸಬಸೆ ಅಲಗ್ ಹಾಡಿನಲ್ಲಿ ವಿಶೇಷ ಪಾತ್ರ | ||
| ಕೃಷ್ | ಪ್ರಿಯಾ | ||
| ಆಪ್ ಕೀ ಖಾತಿರ್ | ಅನು | ||
| ಡಾನ್ - ದಿ ಚೇಸ್ ಬಿಗಿನ್ಸ್ ಎಗೇನ್ | ರೊಮಾ | ||
| 2007 | ಸಲಾಮ್-ಎ-ಇಷ್ಕ್: ಎ ಟ್ರಿಬ್ಯೂಟ್ ಟು ಲವ್ | ಕಾಮಿನಿ | |
| ಬಿಗ್ ಬ್ರದರ್ | ಆರತಿ ಶರ್ಮಾ | ||
| ಓಂ ಶಾಂತಿ ಓಂ | ಆಕೆ | ದೀವಾನಗೀ ದೀವಾನಗೀ ಹಾಡಿನಲ್ಲಿ ವಿಶೇಷ ಪಾತ್ರ | |
| 2008 | ಮೈ ನೇಮ್ ಈಸ್ ಆಂಟನಿ ಗಾಂಸಲ್ವ್ಸ್ | ಆಕೆ | ವಿಶೇಷ ಪಾತ್ರ |
| ಲವ್ ಸ್ಟೋರಿ 2050 | ಸನಾ/ಜೀಷಾ | ದ್ವಿಪಾತ್ರ | |
| ಗಾಡ್ ತುಸೀ ಗ್ರೇಟ್ ಹೊ | ಅಲಿಯಾ ಕಪೂರ್ | ||
| ಚಮ್ಕು | ಶುಭಿ | ||
| ದ್ರೋಣ | ಸೋನಿಯಾ | ||
| [[Fashion (film)|ಫ್ಯಾಷನ್ಫ್ಯಾಷನ್ ]] | ಮೇಘನಾ ಮಾಥುರ್ | ವಿಜೇತೆ, ಫಿಲ್ಮ್ಫೇರ್ ಅತ್ಯುತ್ತಮ ನಟಿ ಪ್ರಶಸ್ತಿ | |
| ದೋಸ್ತಾನಾ | ನೇಹಾ ಮೇಲ್ವಾನಿ | ||
| 2009 | ಬಿಲ್ಲು | ಆಕೆ | ಯು ಗೆಟ್ ಮೀ ರಾಕಿಂಗ್ ಅಂಡ್ ರೀಲಿಂಗ್ ಹಾಡಿನಲ್ಲಿ ವಿಶೇಷ ಪಾತ್ರ |
| ಕಮೀನೆ | ಸ್ವೀಟಿ | 14 ಆಗಸ್ಟ್ 2009ರಂದು ಬಿಡುಗಡೆ | |
| ವಾಟ್ ಇಸ್ ಯುವರ್ ರಾಶೀ? | 25 ಸೆಪ್ಟೆಂಬರ್ 2009ರಂದು ಬಿಡುಗಡೆ | ||
| ಪ್ಯಾರ್ ಇಂಪಾಸಿಬಲ್ | ಅಲಿಷಾ | ಚಿತ್ರೀಕರಣಗೊಳ್ಳುತ್ತಿದೆ | |
| 2010 | ಅಲಿಬಾಬಾ ಔರ್ 41 ಚೋರ್ | ಮರ್ಜೀನಾ | ಧ್ವನಿ |
ಇವನ್ನು ನೋಡಿ [ಬದಲಾಯಿಸಿ]
ಆಕರಗಳು [ಬದಲಾಯಿಸಿ]
- ↑ liveindia.com ವ್ಯಕ್ತಿಚಿತ್ರ. 14 ಜನವರಿ, 2006ರಂದು ಹಿಂಪಡೆದದ್ದು
- ↑ Powerlist: Top Bollywood Actresses. Priyanka ranks #2 on Rediff's Top Bollywood Actresses. ಮರುಕಳಿಸಿದ ದಿನಾಂಕ 25 August 2006.
- ↑ Indianuncle.com ವ್ಯಕ್ತಿಚಿತ್ರ. 14 ಜನವರಿ, 2006ರಂದು ಹಿಂಪಡೆದದ್ದು
- ↑ priyankachopra.org ವ್ಯಕ್ತಿಚಿತ್ರ. 19 ನವೆಂಬರ್, 2008ರಂದು ಹಿಂಪಡೆದದ್ದು
- ↑ Priyanka's precious gift for her brother. Siddharth: Priyanka's younger brother. ಮರುಕಳಿಸಿದ ದಿನಾಂಕ 17 March 2007.
- ↑ "Priyanka Chopra is Miss World 2000", rediff.com, 2000-12-01. Retrieved on 2006-08-02.
- ↑ Movie Review: The Hero. Priyanka wins good review for her debut performance in The Hero. ಮರುಕಳಿಸಿದ ದಿನಾಂಕ 11 April 2003.
- ↑ Box Office 2003. The Hero becomes one of the highest grossing films of 2003. ಮರುಕಳಿಸಿದ ದಿನಾಂಕ 7 July 2003.
- ↑ Box Office 2003. Andaaz becomes a hit at the bos office. ಮರುಕಳಿಸಿದ ದಿನಾಂಕ 7 July 2003.
- ↑ Priyanka Chopra Filmography. Priyanka's films fail to do well at the box office. ಮರುಕಳಿಸಿದ ದಿನಾಂಕ 7 July 2003.
- ↑ Box Office 2004. MSK becomes the third highest grossing film of 2004. ಮರುಕಳಿಸಿದ ದಿನಾಂಕ 7 July 2003.
- ↑ Movie Review: Aitraaz. Priyanka wins critical acclaim for her negative role. ಮರುಕಳಿಸಿದ ದಿನಾಂಕ 11 November 2004.
- ↑ Priyanka Chopra Filmography. Priyanka's releases in 2005 fail to do well at the box office. ಮರುಕಳಿಸಿದ ದಿನಾಂಕ 7 July 2003.
- ↑ Box Office 2006. Krrish & Don become one of the most successful films of 2006. ಮರುಕಳಿಸಿದ ದಿನಾಂಕ 7 July 2003.
- ↑ Box Office 2007. Salaam-e-Ishq flops at the box office. ಮರುಕಳಿಸಿದ ದಿನಾಂಕ 7 July 2003.
- ↑ ೧೬.೦ ೧೬.೧ Box Office 2008. BoxOffice India.com. ಮರುಕಳಿಸಿದ ದಿನಾಂಕ August 7, 2009.
- ↑ Pyaar Impossible. Yash Raj Films. ಮರುಕಳಿಸಿದ ದಿನಾಂಕ May 2009.
- ↑ ಪ್ರಿಯಾಂಕಾ ಚೋಪ್ರಾ ಪಾಂಡ್ಸ್ನ ಹೊಸ ಮುಖ. ಥಾಯಿಂಡಿಯನ್ ನ್ಯೂಸ್, 6 ಮೇ 2008
- ↑ ತ್ವಚೆ ತಿಳಿಗೊಳಿಸುವಿಕೆಯ ಬಗ್ಗೆ ಭಾರತದಲ್ಲಿ ಟೀಕೆ,, ಡೈಲಿ ಟೆಲೆಗ್ರಾಫ್, 10 ಜುಲೈ 2008
ಹೊರಗಿನ ಕೊಂಡಿಗಳು [ಬದಲಾಯಿಸಿ]
| ಪ್ರಶಸ್ತಿಗಳು | ||
|---|---|---|
| ಫಿಲ್ಮ್ಫೇರ್ ಪ್ರಶಸ್ತಿಗಳು | ||
| ಪೂರ್ವಾಧಿಕಾರಿ: Esha Deol for Koi Mere Dil Se Poochhe |
Best Female Debut for Andaaz tied with Lara Dutta for Andaaz 2004 |
ಉತ್ತರಾಧಿಕಾರಿ: Ayesha Takia for Taarzan: The Wonder Car & Dil Maange More |
| ಪೂರ್ವಾಧಿಕಾರಿ: Irfan Khan for Haasil |
Best Villain for Aitraaz 2005 |
ಉತ್ತರಾಧಿಕಾರಿ: Nana Patekar for Apaharan |
| ಪೂರ್ವಾಧಿಕಾರಿ: Kareena Kapoor for Jab We Met |
Best Actress for Fashion 2009 |
ಉತ್ತರಾಧಿಕಾರಿ: TBD |
| ಪೂರ್ವಾಧಿಕಾರಿ: ಯುಕ್ತ ಮೂಖೀ |
Miss India World 2000 |
ಉತ್ತರಾಧಿಕಾರಿ: ಸಾರಾ ಕಾರ್ನರ್ |
| ಪೂರ್ವಾಧಿಕಾರಿ: ಯುಕ್ತ ಮೂಖೀ |
ಮಿಸ್ ವರ್ಲ್ಡ್ ೨೦೦೦ |
ಉತ್ತರಾಧಿಕಾರಿ: Agbani Darego |
