ಕೇಸರಿ ಬಾತ್

ಕೇಸರಿ ಬಾತ್

ಗೋಡಂಬಿಯೊಂದಿಗೆ ಹಳದಿ ಬಣ್ಣದ ಕೇಸರಿ ಬಾತ್
ಮೂಲ
ಮೂಲ ಸ್ಥಳ	ಭಾರತ
ಪ್ರಾಂತ್ಯ ಅಥವಾ ರಾಜ್ಯ	ಕರ್ನಾಟಕ
ವಿವರಗಳು
ಸೇವನಾ ಸಮಯ	ಕರ್ನಾಟಕದ ಉಪಹಾರ ಮತ್ತು ಇತರ ಸ್ಥಳಗಳ ಸಿಹಿತಿಂಡಿ
ಮುಖ್ಯ ಘಟಕಾಂಶ(ಗಳು)	ರವೆ

ಕೇಸರಿ ಬಾತ್ (ಕನ್ನಡದಲ್ಲಿ) ಭಾರತ ದೇಶಾದ್ಯಂತ ಸಾಮಾನ್ಯವಾಗಿ ಕಂಡುಬರುವ ಸಿಹಿ ತಿಂಡಿಯಾಗಿದೆ. ರವೆ, ಸಕ್ಕರೆ, ತುಪ್ಪ (ಸಾಮಾನ್ಯವಾಗಿ), ನೀರು ಮತ್ತು ಹಾಲು ಇದರ ತಯಾರಿಕೆಗೆ ಬಳಸುವ ಶ್ರೇಷ್ಠ ಪದಾರ್ಥಗಳು. ಉತ್ತರ ಭಾರತದ ಕೆಲವು ಭಾಗಗಳಲ್ಲಿ ಸಾಮಾನ್ಯವಾಗಿ ಜೊನ್ನಾಡುಲಾ ಹಲ್ವಾ ಎಂದು ಕರೆಯಲ್ಪಡುವ ಸಿಹಿ ತಿಂಡಿ ಕೇಸರಿ ಬಾತ್.

ಕೇಸರಿ ಬಾತ್ ವೈವಿದ್ಯ

ಪದಾರ್ಥಗಳ ಲಭ್ಯತೆಗೆ ಅನುಗುಣವಾಗಿ ಕೇಸರಿ ಬಾತ್‍ ಸಂಯೋಜನೆಯು ಪ್ರಾದೇಶಿಕವಾಗಿ ಬದಲಾಗುತ್ತದೆ. ಅನಾನಸ್ , ಬಾಳೆಹಣ್ಣು, ಮಾವು, ತೆಂಗಿನಕಾಯಿ, ಅಥವಾ ಅನ್ನದೊಂದಿಗೆ ಕೇಸರಿ ಬಾತ್ ಖಾದ್ಯವನ್ನು ತಯಾರಿಸಬಹುದು.

ಕೇಸರಿ ಬಾತ್ ಮೂಲ

ಭಕ್ಷ್ಯದ ಮೂಲದ ಹಕ್ಕುಗಳನ್ನು ಕರ್ನಾಟಕ, ತಮಿಳುನಾಡು ಮತ್ತು ದಕ್ಷಿಣ ಭಾರತದ ಇತರ ಪ್ರದೇಶಗಳು ಹಂಚಿಕೊಂಡಿವೆ. ಈ ಸಿಹಿ ಖಾದ್ಯವು ಕರ್ನಾಟಕದ ಪಾಕಪದ್ಧತಿಯಲ್ಲಿ ಮತ್ತು ದಕ್ಷಿಣ ಭಾರತದ ಅನೇಕ ಪ್ರದೇಶಗಳಲ್ಲಿ ಸಾಮಾನ್ಯವಾಗಿದೆ ಮತ್ತು ಯುಗಾದಿ ಹಬ್ಬಗಳಲ್ಲಿ ಇದು ಜನಪ್ರಿಯ ಸಿಹಿ ಖಾದ್ಯವಾಗಿದೆ. ಅನೇಕ ಭಾರತೀಯ ಭಾಷೆಗಳಲ್ಲಿ ಕೇಸರಿ ಎಂಬ ಪದವು ಮಸಾಲೆ ಕೇಸರಿಯನ್ನು ಸೂಚಿಸುತ್ತದೆ, ಇದು ಖಾದ್ಯದ ಕೇಸರಿ-ಕಿತ್ತಳೆ-ಹಳದಿ-ಬಣ್ಣದ ಛಾಯೆಯನ್ನು ಸೃಷ್ಟಿಸುತ್ತದೆ. ಇದು ಸಿಹಿ ಖಾದ್ಯವಾಗಿದ್ದರೂ, ಆಂಧ್ರಪ್ರದೇಶ, ಕರ್ನಾಟಕ ಮತ್ತು ತಮಿಳುನಾಡಿನಲ್ಲಿ ಇದನ್ನು ಸಿಹಿತಿಂಡಿ ಮಾತ್ರವಲ್ಲದೆ ಸಾಮಾನ್ಯ ಬ್ರೇಕ್‌ಫಾಸ್ಟ್‌ಗೂ ತಯಾರಿಸಲಾಗುತ್ತದೆ. ಇದನ್ನು ಉಪ್ಪಿಟ್ಟು ಅಥವಾ ಖಾರಾ ಬಾತ್‍ನೊಂದಿಗೆ ಸಹ ನೀಡಲಾಗುತ್ತದೆ, ಮತ್ತು ಒಂದು ತಟ್ಟೆಯಲ್ಲಿ ಎರಡೂ ಭಕ್ಷ್ಯಗಳನ್ನು ಬಡಿಸುವುದನ್ನು ಚೌ ಚೌ ಬಾತ್ ಎಂದು ಕರೆಯಲಾಗುತ್ತದೆ.

ವಿಧಗಳು

ಉತ್ತರ ಭಾರತದಲ್ಲಿ ಇದನ್ನು ಶೀರಾ ಅಥವಾ ಸುಜಿ ಹಲ್ವಾ ಎಂಬ ಸಿಹಿ ಖಾದ್ಯವಾಗಿ ನೀಡುತ್ತಾರೆ. ಕೇಸರಿ ಬಾತ್ ಕರ್ನಾಟಕದ ನಿಜವಾದ ಸಾಂಪ್ರದಾಯಿಕ ಪಾಕವಿಧಾನವಾಗಿದ್ದು ಕಡಿಮೆ ತುಪ್ಪ, ಕೇಸರಿ ಬಣ್ಣ ಇಲ್ಲದೆ ಹೆಚ್ಚು ಸರಳವಾಗಿಯೂ ತಯಾರಿಸುತ್ತಾರೆ. ಸಾಮಾನ್ಯವಾಗಿ ಮರಾಠಿ / ಹಿಂದಿ ಭಾಷೆಯಲ್ಲಿ ಶೀರವೆಂದೂ ತೆಲುಗು ಮತ್ತು ತಮಿಳಿನಲ್ಲಿ ರವ ಕೇಸರಿಯೆಂದೂ ಹಾಗೂ ಉತ್ತರ ಭಾರತ ಮತ್ತು ಬಾಂಗ್ಲಾದೇಶಗಳಲ್ಲಿ ಸುಜಿ ಹಲ್ವಾ ಎಂದು ತಿಳಿದಿರುವ ಸಂಗತಿ.

ಇತಿಹಾಸ

12 ನೇ ಶತಮಾನದ ಚಾಲುಕ್ಯ ರಾಜ ೩ನೆಯ ಸೋಮೇಶ್ವರನ ಕೃತಿಯಾದ ಮನಸೊಲ್ಲಾಸದಲ್ಲಿ ಈ ಖಾದ್ಯವನ್ನು ಶಾಲಿ-ಅನ್ನಾ ಎಂದು ಪಟ್ಟಿ ಮಾಡಲಾಗಿದೆ.

ಚಿತ್ರ ಗ್ಯಾಲರಿ

• 
  ಕರ್ನಾಟಕದ ಸಾಮಾನ್ಯ ಉಪಾಹಾರವಾದ ಚೌ ಚೌ ಬ್ಯಾತ್ ಮಸಾಲೆಯುಕ್ತ ಖಾರಾ ಬ್ಯಾತ್‌ ಆಗಿದ್ದು ಸಿಹಿ ಕೇಸರಿ ಬಾತನ್ನು ಹೊಂದಿದೆ.
• 
  ಕೇಸರಿ ಬಾತನ್ನು ಸಾಂಪ್ರದಾಯಿಕವಾಗಿ ದಕ್ಷಿಣ ಭಾರತದಲ್ಲಿ ಬಾಳೆ ಎಲೆಯಲ್ಲಿ ಬಡಿಸಲಾಗುತ್ತದೆ.
• 
  ಚೌ ಚೌ ಬಾತ್ (ಖಾರಾ ಬಾತ್ ಮತ್ತು ಕೇಸರಿ ಬಾತ್ )
• 
  ಪೆಥಾ ಕೇಸರಿ
• 
  ಬಾಳೆ ಎಲೆಯಲ್ಲಿ ಬಡಿಸಿರುವ ಸುಲಭ ರಾವ ಕೇಸರಿ
• 
  ಹುರಿದ ಒಣ ಹಣ್ಣುಗಳಿಂದ ಅಲಂಕರಿಸಲ್ಪಟ್ಟ ರವ ಕೇಸರಿ
• 
  ಗೋಡಂಬಿಯಿಂದ ಅಲಂಕರಿಸಲಾದ ರವ ಕೇಸರಿ