2014-15ರ-ರಾಷ್ಟ್ರೀಯ ಕ್ರೀಡಾಕೂಟ

ವಿಕಿಪೀಡಿಯದಿಂದ, ಇದು ಮುಕ್ತ ಹಾಗೂ ಸ್ವತಂತ್ರ ವಿಶ್ವಕೋಶ

2014-15ರ-ರಾಷ್ಟ್ರೀಯ ಕ್ರೀಡಾಕೂಟ-ತಿರುವನಂತಪುರ[ಬದಲಾಯಿಸಿ]

  • ದಿನಾಂಕ: 4-2-2015-6-2-2015 ತಿರವನಂತಪುರದಲ್ಲಿ ನೆಟೆದ ರಾಷ್ಟ್ರೀಯ ಕ್ರೀಡಾಕೂಟದಲ್ಲಿ, ಈಜಿನಲ್ಲಿ ಕರ್ನಾಟಕ ರಾಜ್ಯದ ಸ್ಪರ್ಧಿಗಳ ಪದಕ ಬೇಟೆಯಲ್ಲಿ ಮಾಳವಿಕಾ,ಮತ್ತು ಅರವಿಂದ್‌ಗೆ ರಜತ ಬಂದಿದೆ.
  • ಈಜು ಸ್ಪರ್ಧೆಯಲ್ಲಿ ಕರ್ನಾಟಕದ ಸ್ಪರ್ಧಿಗಳ ಪದಕ ಬೇಟೆ ಮುಂದುವರಿದಿದೆ. ಪುರುಷರ ವಿಭಾಗದ 200ಮೀ. ವೈಯಕ್ತಿಕ ಮೆಡ್ಲೆ ಮತ್ತು 50ಮೀ.ಬ್ಯಾಕ್‌ಸ್ಟ್ರೋಕ್‌ನಲ್ಲಿ ಎಂ.ಅರವಿಂದ್‌ ಕ್ರಮವಾಗಿ ಬೆಳ್ಳಿ ಮತ್ತು ಕಂಚು ಗೆದ್ದರೆ, ಮಹಿಳೆಯರ 400ಮೀ. ಫ್ರೀಸ್ಟೈಲ್‌ನಲ್ಲಿ ರಾಜ್ಯದ ವಿ. ಮಾಳವಿಕಾ ರಜತದ ಸಾಧನೆ ತೋರಿದ್ದಾರೆ.
  • ಶುಕ್ರವಾರ ನಡೆದ 50 ಮೀ. ಬ್ಯಾಕ್‌ಸ್ಟ್ರೋಕ್‌ ಸ್ಪರ್ಧೆಯಲ್ಲಿ ಅರ ವಿಂದ್‌ 27.26 ಸೆಕೆಂಡುಗಳಲ್ಲಿ ಗುರಿ ತಲುಪಿ ಕಂಚು ಗೆದ್ದರು. ಸರ್ವಿಸಸ್‌ನ ಪಿ.ಎಸ್‌.ಮಧು 27.02 ಸೆಕೆಂಡುಗಳಲ್ಲಿ ಗುರಿ ಮುಟ್ಟಿ ನೂತನ ಕೂಟ ದಾಖಲೆಯೊಂದಿಗೆ ಚಿನ್ನದ ಸಂಭ್ರಮ ಆಚರಿಸಿದರು. ಮಧ್ಯಪ್ರದೇಶದ ರೋಹಿತ್‌ ಇಮೋಲಿಯಾ (ಕಾಲ: 27.22ಸೆ.) ಬೆಳ್ಳಿ ಪದಕ ಜಯಿಸಿದರು.
  • 200ಮೀ. ವೈಯಕ್ತಿಕ ಮೆಡ್ಲೆ ಸ್ಪರ್ಧೆಯಲ್ಲಿಯೂ ಮಧು ಪ್ರಾಬಲ್ಯ ಮೆರೆದರು. ಅವರು ಎರಡು ನಿಮಿಷ 8.98 ಸೆಕೆಂಡುಗಳಲ್ಲಿ ಗುರಿ ತಲುಪಿ ನೂತನ ಕೂಟ ದಾಖಲೆಯೊಂದಿಗೆ ಸ್ವರ್ಣಕ್ಕೆ ಮುತ್ತಿಟ್ಟರು. 2011ರಲ್ಲಿ ವೀರ್‌ ಧವಳ್‌ ಖಾಡೆ (ಕಾಲ: 2:11.74ಸೆ.) ನಿರ್ಮಿಸಿದ್ದ ದಾಖಲೆ ಯನ್ನು ಅವರು ಮುರಿದರು.
  • ಕರ್ನಾಟಕದ ಎಂ.ಅರವಿಂದ್‌ ಎರಡು ನಿಮಿಷ 9.49 ಸೆಕೆಂಡುಗಳಲ್ಲಿ ಗುರಿ ಸೇರುವಲ್ಲಿ ಯಶಸ್ವಿಯಾಗಿ ರಜತ ಪದಕಕ್ಕೆ ಕೊರಳೊಡ್ಡಿದರು. ಮಧ್ಯಪ್ರದೇಶದ ಸಂದೀಪ್‌ ಸೆಜ್ವಾಲ್‌ ಈ ವಿಭಾಗದ ಕಂಚು ತಮ್ಮದಾಗಿಸಿಕೊಂಡರು.
  • ಮಿಂಚಿದ ಮಾಳವಿಕಾ: ಮಹಿಳೆಯರ 400 ಮೀ. ಫ್ರೀಸ್ಟೈಲ್‌ನಲ್ಲಿ ರಾಜ್ಯದ ಮಾಳವಿಕಾ ನಾಲ್ಕು ನಿಮಿಷ 35.07ಸೆಕೆಂಡುಗಳಲ್ಲಿ ಗುರಿ ಮುಟ್ಟಿ ಬೆಳ್ಳಿ ಪದಕದ ಒಡತಿಯಾದರು.
  • ಮಹಾರಾಷ್ಟ್ರದ ಆಕಾಂಕ್ಷಾ ವೋಹ್ರಾ (ಕಾಲ: 4:32.50ಸೆ.) ನೂತನ ಕೂಟ ದಾಖಲೆಯೊಂದಿಗೆ ಬಂಗಾರದ ಸಾಧನೆ ತೋರಿದರು. ಮಧ್ಯಪ್ರದೇಶದ ರಿಚಾ ಮಿಶ್ರಾ ಕಂಚಿಗೆ ತೃಪ್ತಿಪಟ್ಟರು.
  • ವಾನಿಯಾ, ದಾಮಿನಿಗೆ ಕಂಚು: ಮಹಿಳೆಯರ 50ಮೀ. ಬ್ಯಾಕ್‌ಸ್ಟ್ರೋಕ್‌ ಸ್ಪರ್ಧೆಯಲ್ಲಿ ಕರ್ನಾಟಕದ ವಾನಿಯಾ ಕಪೂರ್‌ 31.40 ಸೆಕೆಂಡುಗಳಲ್ಲಿ ಮುಕ್ತಾಯದ ಗೆರೆ ಮುಟ್ಟಿ ಕಂಚು ಗೆದ್ದುಕೊಂಡರು. ಗುಜರಾತ್‌ನ ಮಾನಾ ಪಟೇಲ್‌ ಮತ್ತು ಮಹಾರಾಷ್ಟ್ರದ ಜ್ಯೋತ್ಸ್ನಾ ಪನ್ಸಾರೆ ಕ್ರಮವಾಗಿ ಈ ವಿಭಾಗದ ಚಿನ್ನ ಮತ್ತು ಬೆಳ್ಳಿಯನ್ನು ಒಲಿಸಿಕೊಂಡರು.
  • ಮಹಿಳೆಯರ 200ಮೀ. ವೈಯಕ್ತಿಕ ಮೆಡ್ಲೆ ವಿಭಾಗದಲ್ಲಿ ರಾಜ್ಯದ ಈಜುಗಾರ್ತಿ ದಾಮಿನಿ ಕೆ.ಗೌಡ ಪದಕ ಗೆಲ್ಲುವಲ್ಲಿ ಯಶಸ್ವಿಯಾದರು.
  • ಅವರು ಎರಡು ನಿಮಿಷ 29.34 ಸೆಕೆಂಡುಗಳಲ್ಲಿ ಗುರಿ ತಲುಪಿ ಕಂಚಿಗೆ ತೃಪ್ತಿಪಟ್ಟರು.
  • ಮಧ್ಯಪ್ರದೇಶದ ರಿಚಾ ಮಿಶ್ರಾ (ಕಾಲ: 2:25.78ಸೆ.) ನೂತನ ಕೂಟ ದಾಖಲೆಯೊಂದಿಗೆ ಬಂಗಾರ ಗೆದ್ದರೆ, ತಮಿಳುನಾಡಿನ ಎ.ವಿ.ಜಯವೀಣಾ ರಜತ ತಮ್ಮದಾಗಿಸಿಕೊಂಡರು.
  • ಅನಿಶಾಗೆ ಕಂಚು: ಮಹಿಳೆಯರ 1ಮೀ. ಸ್ಪ್ರಿಂಗ್‌ ಬೋರ್ಡ್‌ ಡೈವಿಂಗ್‌ನಲ್ಲಿ ರಾಜ್ಯದ ಅನಿಶಾ ಗಾಂವ್ಕರ್‌ 86.10 ಪಾಯಿಂಟ್ಸ್‌ ಕಲೆಹಾಕಿ ಕಂಚು ಗೆದ್ದುಕೊಂಡರು.
  • ಈ ವಿಭಾಗದ ಚಿನ್ನ ಮತ್ತು ಬೆಳ್ಳಿ ಕ್ರಮವಾಗಿ ಮಧ್ಯಪ್ರದೇಶದ ರಾಧಿಕಾ ಮತ್ತು ಭವಿಕಾ ಅವರ ಪಾಲಾದವು.
  • ‘ಚಿನ್ನ’ದ ದೀಪಾ: ಜಿಮ್ನಾಸ್ಟಿಕ್ಸ್‌ನಲ್ಲಿ ತ್ರಿಪುರದ ದೀಪಾ ಕರ್ಮಾಕರ್ ಚಿನ್ನದ ಬೇಟೆಯಾಡಿದರು. ಅವರು ಮಹಿಳೆ ಯರ ವಿಭಾಗದ ಸ್ಪರ್ಧೆಯಲ್ಲಿ ಒಟ್ಟು 5 ಬಂಗಾರ ಕೊರಳಿಗೆ ಹಾಕಿಕೊಂಡರು. ಮೊದಲ ದಿನ ಮೂರು ಸ್ವರ್ಣ ಗೆದ್ದಿದ್ದ ಅವರು ಅಂತಿಮ ದಿನವಾದ ಶುಕ್ರವಾರ ‘ಫ್ಲೋರ್‌ ಎಕ್ಸರ್‌ಸೈಸಸ್‌’ ಮತ್ತು ‘ಬ್ಯಾಲೆನ್ಸ್‌ ಬೀಮ್‌’ ಸ್ಪರ್ಧೆಗಳಲ್ಲೂ ಬಂಗಾರದ ನಗು ಚೆಲ್ಲಿದರು.
  • ಶೂಟಿಂಗ್‌ನಲ್ಲಿ ಸರ್ವಿಸಸ್‌ ಪ್ರಾಬಲ್ಯ: ಪುರುಷರ 50ಮೀ.ರೈಫಲ್‌–3 ಪೊಷಿಸನ್‌ ಸ್ಪರ್ಧೆಯಲ್ಲಿ ಸರ್ವಿಸಸ್‌ನ ಸತ್ಯೇಂದರ್‌ ಸಿಂಗ್‌ 445.5 ಪಾಯಿಂಟ್ಸ್‌ ಗಳಿಸಿ ಚಿನ್ನ ಗೆದ್ದರು.
  • ಪದಕ ಪಟ್ಟಿಯಲ್ಲಿ ಸರ್ವಿಸಸ್‌ 38 ಚಿನ್ನ, 11ಬೆಳ್ಳಿ ಮತ್ತು 12 ಕಂಚು ಸೇರಿದಂತೆ 61ಪದಕ ಪಡೆದು ಅಗ್ರಸ್ಥಾನದಲ್ಲಿ ವಿರಾಜಮಾನವಾಗಿದೆ.
  • ಮಹಾರಾಷ್ಟ್ರ 25 ಚಿನ್ನ, 29 ಬೆಳ್ಳಿ ಮತ್ತು 20 ಕಂಚು ಒಳಗೊಂಡಂತೆ 74 ಪದಕ ಗಳಿಸಿ ಎರಡನೇ ಸ್ಥಾನದಲ್ಲಿದ್ದರೆ, 25 ಬಂಗಾರ, 13 ರಜತ ಮತ್ತು 6 ಕಂಚು ಸೇರಿದಂತೆ 44ಪದಕ ಗಳಿಸಿರುವ ಹರಿಯಾಣ ಮೂರನೇ ಸ್ಥಾನಕ್ಕೆ ಬಡ್ತಿ ಪಡೆದಿದೆ.
  • ಎರಡು ಚಿನ್ನ ಹಾಗೂ ತಲಾ 13 ಬೆಳ್ಳಿ ಹಾಗೂ ಕಂಚಿನೊಟ್ಟಿಗೆ 28 ಪದಕ ಗೆದ್ದಿರುವ ಕರ್ನಾಟಕ 16ನೇ ಸ್ಥಾನದಲ್ಲಿದೆ.

[೧][೨][೩][೪][೫][೬]

ನೋಡಿ[ಬದಲಾಯಿಸಿ]

ಕರ್ನಾಟಕ

ಉಲ್ಲೇಖಗಳು[ಬದಲಾಯಿಸಿ]

  1. "Kerala to host 35th National Games from January 31". The Hindu. 27 June 2014. Retrieved 27 June 2014.
  2. "Sachin Tendulkar to be goodwill ambassador for national games". The Hindu. 28 May 2014. Retrieved 27 June 2014.
  3. "Glitter and glamour mark opening ceremony". January 31, 2015.
  4. "Indian National Games 2015 Kerala Schedule - Calendar". Indian Crux. 4 December 2014. Retrieved 21 January 2014.
  5. "Green rules of the National Games". Thehindu.com. 9 February 2015. Retrieved 18 April 2018.
  6. ಪ್ರಜಾವಾಣಿ ೭-೨-೨೦೧೫

ಉಲ್ಲೇಖ[ಬದಲಾಯಿಸಿ]