ಹೃದಯವೈಶಾಲ್ಯ

ಹೃದಯವೈಶಾಲ್ಯವು (ದೊಡ್ಡತನ) ಮನಸ್ಸು ಮತ್ತು ಹೃದಯದಿಂದ ವಿಶಾಲವಾಗಿರುವ ಸದ್ಗುಣವಾಗಿದೆ. ಆಂಗ್ಲ ಭಾಷೆಯಲ್ಲಿ ಮ್ಯಾಗ್ನ್ಯಾನಿಮಿಟಿ. ಇದು ಸಾಮಾನ್ಯವಾಗಿ, ಸಂಕುಚಿತ ಮನಸ್ಸನ್ನು ಹೊಂದದಿರುವುದು, ಅಪಾಯವನ್ನು ಎದುರಿಸಲು ಮನಸ್ಸು ಮಾಡುವುದು, ಮತ್ತು ಉದಾತ್ತ ಉದ್ದೇಶಗಳಿಗಾಗಿ ಮಾಡುವ ಕಾರ್ಯಗಳನ್ನು ಒಳಗೊಳ್ಳುತ್ತದೆ. ಇದರ ವಿರುದ್ಧಾರ್ಥಕ ಪದವೆಂದರೆ ಹೇಡಿತನ/ಪುಕ್ಕಲು. ಆಂಗ್ಲ ಪದವಾದ ಮ್ಯಾಗ್ನ್ಯಾನಿಮಿಟಿ ಅರಿಸ್ಟಾಟಲ್‍ನ ತತ್ತ್ವಶಾಸ್ತ್ರಕ್ಕೆ ಸಾಂಪ್ರದಾಯಿಕ ಸಂಬಂಧ ಹೊಂದಿದೆ.

ಅರಿಸ್ಟಾಟಲ್

ಮ್ಯಾಗ್ನಾನಿಮಿಟಿ ಪದವು ಗ್ರೀಕ್ ಶಬ್ದವಾದ ಮೆಗಾಲೊಸೈಕಿಯಾ ದಿಂದ ವ್ಯುತ್ಪನ್ನವಾಗಿದೆ. ಅರಿಸ್ಟಾಟಲ್‌ ಮೆಗಾಲೊಸೈಕಿಯಾ ಶಬ್ದವನ್ನು ಹೆಮ್ಮೆ ಮತ್ತು ಆತ್ಮಾಭಿಮಾನದ ಭಾವದೊಂದಿಗೆ ಸಂಬಂಧಿಸುತ್ತಾನೆ. ಇದು ಆಧುನಿಕ ಅರ್ಥವನ್ನು ಕೊಡುವುದಿಲ್ಲ. ಅರಿಸ್ಟಾಟಲ್ ಹೀಗೆ ಬರೆಯುತ್ತಾನೆ:

ತಾನು ಅರ್ಹನಾಗಿದ್ದಕ್ಕಿಂತ ಕಡಿಮೆ ಬೇಡುವವನು ಸಣ್ಣಮನಸ್ಸಿನವನು...ಏಕೆಂದರೆ ಇತರ ಜನರನ್ನು ಕಡೆಗಣಿಸುವುದರಲ್ಲಿ ದೊಡ್ಡ ಮನಸ್ಸಿನ ವ್ಯಕ್ತಿಯು ಸಮರ್ಥಿಸಿಕೊಳ್ಳಬಲ್ಲನು—ಅವನ ಅಂದಾಜುಗಳು ಸರಿಯಿರುತ್ತವೆ;