ಸೋನಲ್ ಅಂಬಾನಿ

ಸೋನಾಲ್ ಅಂಬಾನಿ ಭಾರತೀಯ ಶಿಲ್ಪಿ ಮತ್ತು ಲೇಖಕಿ . ಅವರು ೨೦೦೪ರ ಪುಸ್ತಕ, ತಾಯಿ-ಮಗಳ ಸಂಬಂಧವನ್ನು ಆಚರಿಸುವ ಫೋಟೋಗ್ರಫಿಕ್ ಜರ್ನಲ್ ಮದರ್ಸ್ ಅಂಡ್ ಡಾಟರ್ಸ್ ಗೆ ಹೆಸರುವಾಸಿಯಾಗಿದ್ದಾರೆ, ಅವರು ತಮ್ಮ ತಾಯಿಯನ್ನು ಕ್ಯಾನ್ಸರ್‌ನಿಂದ ಕಳೆದುಕೊಂಡ ನಂತರ ಅವರನ್ನು ಗೌರವಿಸುವ ಮಾರ್ಗವಾಗಿ ಬರೆದಿದ್ದಾರೆ. 2009ರಲ್ಲಿ ಬಿಡುಗಡೆಯಾದ ಫಾದರ್ಸ್ ಅಂಡ್ ಸನ್ಸ್ ಎಂಬ ಮದರ್ಸ್ ಅಂಡ್ ಡಾಟರ್ಸ್ ನ ಉತ್ತರಭಾಗವನ್ನು ಪೂರ್ಣಗೊಳಿಸಲು ಅಂಬಾನಿ ತಮ್ಮ ಮಕ್ಕಳಿಗೆ ಮಾರ್ಗದರ್ಶನ ನೀಡಿದರು. ಇವರ ಶಿಲ್ಪ ಕಲೆಗಳು ಅನೇಕ ಪ್ರಮುಖ ಪ್ರದರ್ಶನಗಳಲ್ಲಿ ಕಾಣಿಸಿಕೊಂಡಿವೆ, ಅವುಗಳಲ್ಲಿ ಅತ್ಯಂತ ಗಮನಾರ್ಹ ಮತ್ತು ಇತ್ತೀಚಿನ ರೈಡರ್‌ಲೆಸ್ ವರ್ಲ್ಡ್, ಇದನ್ನು ಯುರೋಪಿಯನ್ ಕಲ್ಚರಲ್ ಸೆಂಟರ್ ಆಯೋಜಿಸಿದ ವೆನಿಸ್ ೨೦೨೨ ಆರ್ಟ್ ಬೈನಾಲೆಯಲ್ಲಿ ಪ್ರದರ್ಶಿಸಲಾಗಿತ್ತು . ಮಕ್ಕಳು ಮತ್ತು ಹದಿಹರೆಯದವರಿಗೆ ಹಣಕಾಸು ಸೇವೆಗಳನ್ನು ಒದಗಿಸುವ ವ್ಯವಸ್ಥೆಗಳು ಮತ್ತು ವಿಧಾನಕ್ಕಾಗಿ ಅವರು ಪೇಟೆಂಟ್ ಹೊಂದಿದ್ದಾರೆ. . ಇವರು ಬೆಳದದ್ದು ನ್ಯೂಯಾರ್ಕ್ ನಗರದಲ್ಲಿ . ಅವರ ತಂದೆಯ ನ್ಯೂಯಾರ್ಕ್ ನ ಕಲಾ ಗ್ಯಾಲರಿಯು ಅವರ ಮೇಲೆ ಗಮನಾರ್ಹ ಪ್ರಭಾವ ಬೀರಿತು. ಅವರು ಆರ್ಕೆಸ್ಟ್ರಾ ಮತ್ತು ಜಾಝ್ ಮೇಳದಲ್ಲಿ ಡಬಲ್ ಬಾಸ್ ನುಡಿಸುತ್ತಿದರು . ಅವರ ತಂದೆ ಅವರಿಗೆ ಶಿಲ್ಪಕಲೆಯನ್ನು ಕಲಿಸಿದರು. ಅವಳು ನುರಿತ ಈಕ್ವೆಸ್ಟ್ರಿಯನ್ ಶೋ ಜಂಪರ್ ಆಗಿದ್ದರು .

೨೦೧೦ ರಲ್ಲಿ ಅವರು ಅಹಮದಾಬಾದ್‌ನಲ್ಲಿ FICCI ಯ ಮಹಿಳಾ ಸಂಘಟನೆಯಾದ FLO ನ ಮುಖ್ಯಸ್ಥರಾಗಿ ನೇಮಿಸಲ್ಪಟ್ಟರು .

ಗಮನಾರ್ಹ ಕಲಾತ್ಮಕ ಸಾಧನೆಗಳು

ಅಂಬಾನಿ ವಿವಿಧ ಮಾಧ್ಯಮಗಳು ಮತ್ತು ಶೈಲಿಗಳ ಕೆತ್ತನೆಯನ್ನು ಪ್ರಾರಂಭಿಸಿದರು. ಅವರ ಕೆಲಸವು ಅನೇಕ ಭಾರತೀಯ ಕಲಾ ಸಂಗ್ರಾಹಕರ ಸಂಗ್ರಹಗಳ ಭಾಗವಾಗಿದೆ ಮತ್ತು ಯುರೋಪ್, ಮಧ್ಯಪ್ರಾಚ್ಯ ಮತ್ತು USA ಗಳ ಸಂಗ್ರಹಕಾರರೊಂದಿಗೆ. ಆಕೆಯ ಕಲಾಕೃತಿಗಳನ್ನು ವೆನಿಸ್ ಆರ್ಟ್ ಬಿನಾಲೆ, ಇಂಡಿಯಾ ಆರ್ಟ್ ಫೇರ್, ದಿ ಬಹ್ರೇನ್ ಆರ್ಟ್ ಫೇರ್, ಅಹಮದಾಬಾದ್ ಆರ್ಟ್ ಫೇರ್ ಮತ್ತು ಹಲವಾರು ಕಲಾ ಉತ್ಸವಗಳು ಮತ್ತು ಭಾರತದ ಗ್ಯಾಲರಿಗಳಲ್ಲಿ ಪ್ರದರ್ಶಿಸಲಾಗಿದೆ. ೨೦೧೮ರಲ್ಲಿ, ಭಾರತದಲ್ಲಿ ಆನೆ ಮೆರವಣಿಗೆಗಾಗಿ ಒಂದು ತುಣುಕನ್ನು ರಚಿಸಲು ೧೦೧ ಜನರಲ್ಲಿ ಅವರನ್ನು ಆಯ್ಕೆ ಮಾಡಲಾಯಿತು. ಆಕೆಯ ಸ್ಟೇನ್‌ಲೆಸ್ ಸ್ಟೀಲ್ ಶಿಲ್ಪ "ದಿ ಮಾರ್ಚ್ ಆಫ್ ಟೈಮ್" ಅನ್ನು ಲಂಡನ್‌ನ ಮೇಫೇರ್‌ನಲ್ಲಿ ಕಾನ್ಕೋರ್ಸ್ ಡಿ ಎಲಿಫೆಂಟ್ ಹರಾಜಿನಲ್ಲಿ ಪ್ರದರ್ಶಿಸಲು ಮತ್ತು ಹರಾಜು ಹಾಕಲು ಆಯ್ಕೆ ಮಾಡಲಾಯಿತು. ಆಕೆಯ ಹಲವಾರು ಶಿಲ್ಪಗಳು ಬಹ್ರೇನ್ ರಾಜಮನೆತನದ ಸಂಗ್ರಹದಲ್ಲಿನ ಒಂದು ಭಾಗವಾಗಿದೆ. ಆರ್ಟ್ ಸೊಸೈಟಿ ಆಫ್ ಇಂಡಿಯಾದಿಂದ ಆಯ್ಕೆಯಾದ ನಂತರ ಆಕೆಯ ಶಿಲ್ಪಗಳನ್ನು ಹ್ಯಾಬಿಟಾಟ್ ಸೆಂಟರ್ ಮತ್ತು ಜಹಾಂಗೀರ್ ಆರ್ಟ್ ಗ್ಯಾಲರಿಯಲ್ಲಿ ಪ್ರದರ್ಶಿಸಲಾಗಿದೆ. ಆಕೆಯ ಸ್ಟೇನ್‌ಲೆಸ್ ಸ್ಟೀಲ್ ಆನೆ "ಎಲಿಗನ್ಸ್ ಇನ್ ಸ್ಟೀಲ್" ಅನ್ನು ೨೦೧೫ ರಲ್ಲಿ ಇಂಡಿಯಾ ಆರ್ಟ್ ಫೇರ್‌ನಲ್ಲಿ ಪ್ರದರ್ಶಿಸಲಾಯಿತು, ಇದು ಸ್ವಿಟ್ಜರ್ಲೆಂಡ್‌ನಲ್ಲಿ ನೆಲೆ ಕಂಡುಕೊಂಡಿದೆ. ನಾಸಿಕ್‌ನಲ್ಲಿರುವ ದ್ರಾಕ್ಷಿತೋಟಕ್ಕೆ 25 ಅಡಿ ಎತ್ತರದ, ಭವ್ಯವಾದ ಶಿಲ್ಪಕಲೆ, "ಟ್ರೀ ಆಫ್ ಸೆರಿನಿಟಿ" ಯಿಂದ ರೆಡ್ ಟ್ರೀ ವೈನ್‌ಯಾರ್ಡ್ ಎಂದು ಹೆಸರಿಸಲಾಗಿದೆ.

ಪ್ರಶಸ್ತಿಗಳು ಮತ್ತು ಮನ್ನಣೆ

• ಕಲೆ ಮತ್ತು ಶಿಲ್ಪಕಲೆಗಾಗಿ ಟೈಮ್ಸ್ ಆಫ್ ಇಂಡಿಯಾ ಮಹಿಳಾ ಶಕ್ತಿ ಪ್ರಶಸ್ತಿ (೨೦೧೯)
• FICCI-FLO(೨೦೧೮) ನಿಂದ ವುಮೆನ್ ಆಫ್ ಎಕ್ಸಲೆನ್ಸ್ ಪ್ರಶಸ್ತಿ
• ಪಿಫೆಫರ್ ಶಾಂತಿ ಪ್ರಶಸ್ತಿ (೨೦೧೧)
• ಪ್ರೈಡ್ ಆಫ್ ಗುಜರಾತ್-ಮಹಾರಾಷ್ಟ್ರ ಪ್ರಶಸ್ತಿ(೨೦೧೧)
• ತೇಜ್ ಜ್ಞಾನ್ ಫೌಂಡೇಶನ್(೨೦೧೧)