ಸಿಹಿ ಕಹಿ ಗೀತಾ
'ಸಿಹಿಕಹಿ ಗೀತಾ, ಮತ್ತು ಸಿಹಿಕಹಿ ಚಂದ್ರು, ದಂಪತಿಗಳು [೧] ಸುಮಾರು ೬ ವರ್ಷಗಳಿಂದ ಸತತವಾಗಿ ಹಾಸ್ಯ ಧಾರಾವಾಹಿಗಳನ್ನು ಕಿರುತೆರೆಯಲ್ಲಿ ನಡೆಸಿಕೊಂಡು ಬರುತ್ತಿದ್ದಾರೆ. 'ಪಾಡುರಂಗ ವಿಠಲ'ದ ಟಿ.ಆರ್.ಪಿ.ಚೆನ್ನಾಗಿದೆ. ಇನ್ನೂ ಜನರಿಂದ ಬೇಡಿಕೆಯಿದೆ. ಇತ್ತೀಚಿನ ದಿನಗಳಲ್ಲಿ ಅನಾರೋಗ್ಯದಿಂದಾಗಿ ಗೀತಾರವರ ಕೆಲಸ ಸ್ವಲ್ಪ ಕಡಿಮೆಯಾಗಿದೆ. ಆದರೆ ಸೀರಿಯಲ್ಸ್ ನಿರ್ಮಾಣಕಾರ್ಯದಲ್ಲಿ ಸಕ್ರಿಯರಾಗಿ ದುಡಿಯುತ್ತಿದ್ದಾರೆ. ಒಟ್ಟು ೮೦-೮೫ ಧಾರಾವಾಹಿಗಳಲ್ಲಿ ಅಭಿನಯಿಸಿದ ಶ್ರೇಯಸ್ಸಿದೆ. 'ಫೈನಲ್ ಕಟ್' ಮುಖ್ಯಸ್ಥರಾಗಿದ್ದಾರೆ.
ಜೀವನ[ಬದಲಾಯಿಸಿ]
ಗೀತಾರವರ, ಕಾಲೇಜ್ ವಿದ್ಯಾಭ್ಯಾಸ ಬೆಂಗಳೂರುನಲ್ಲಿ ನಡೆಯಿತು. ಮಾಗಡಿ ಸಮೀಪದ 'ಚಕ್ರಭಾವಿ'ಯಲ್ಲಿ ಜನಿಸಿದರು. ತಂದೆ, 'ಮಲ್ಲಿಕಾರ್ಜುನ ಶರ್ಮ', ತಾಯಿ, 'ವಿಜಯಮ್ಮ'. ಗೀತಾರವರ ಅಜ್ಜ ಆಯುರ್ವೇದ ಪಂಡಿತರಾಗಿದ್ದರು.
ಸಿಹಿ-ಕಹಿ, ಹೆಸರಿನ ಜೊತೆ ಸೇರಿದ ಬಗ್ಗೆ[ಬದಲಾಯಿಸಿ]
೧೯೮೬-೮೭ ರಲ್ಲಿ 'ಸಿಹಿಕಹಿ'ಎಂಬ ಟೆಲಿವಿಶನ್ ಧಾರಾವಾಹಿ ಮೊದಲಬಾರಿಗೆ ಆರಂಭವಾಯಿತು. ಗೀತಾ ಮತ್ತು ಅವರ ಪತಿ ಚಂದೃ ಒಟ್ಟಾಗಿ ಅಭಿನಯಿಸಿದ್ದರು. ಈ ಧಾರಾವಾಹಿ ವಾರಕ್ಕೊಮ್ಮೆಯಂತೆ ಸುಮಾರು ೨೦೦ ಕಂತುಗಳಲ್ಲಿ ಕಿರುತೆರೆ ಕಂಡಿತು. ಇದು ಹಿಂದಿ ಸೀರಿಯಲ್ 'ಹಮ್ಲೋಗ್' ತರಹ ಜನರಿಗೆ ತೋರಿತು. ಮಧ್ಯಮ ವರ್ಗದ ಜನರ ಸಮಸ್ಯೆಗಳಿಗೆ ಸ್ಪಂದಿಸುವ ಕಥಾವಸ್ತುವನ್ನೊಳಗೊಂಡ ಕಥೆ ಜನರಿಗೆ ತುಂಬಾ ಹಿಡಿಸಿತು. ಕೊನೆಗೆ ಸಿಹಿ-ಹಹಿ ಸತಿ-ಪತಿಯರ ಹೆಸರಿನ ಜೊತೆ ಉಳಿಯಿತು. ದೂರದರ್ಶನ ಕೇಂದ್ರದ ಮೂಲಕ ಪ್ರಾದೇಶಿಕ ಭಾಷೆ ಕನ್ನಡದಲ್ಲಿ ಪ್ರಸಾರವಾದ ಮೊಟ್ಟಮೊದಲ ಧಾರಾವಾಹಿ ಅದಾಗಿತ್ತು.
ಹಾಸ್ಯ ಎಲ್ಲವರ್ಗದವರಿಗೂ ಮುದಕೊಡುತ್ತದೆ[ಬದಲಾಯಿಸಿ]
ಮಲಗುವ ಮೊದಲು ಮನಸ್ಸನ್ನು ಹಗುರಮಾದಿಕೊಂಡು ನಗುನಗುತ್ತಾ ವಿರಮಿಸುವ ಆಶೆ ಎಲ್ಲರಿಗೂ ಪ್ರಿಯ. [೨]ಕೊಲೆ ಸುಲಿಗೆ ಮೊದಲಾದ 'ಕ್ರೈಮ್ ಧಾರಾವಾಹಿ'ಗಳು ಮನಸ್ಸಿನ ಧೃತಿಗೆಡಿಸುತ್ತವೆ ಇನ್ನುವ ವಾದವಿದೆ.
ಪತಿ ಅಡುಗೆಯಲ್ಲೂ ಪ್ರಸಿದ್ಧರು[ಬದಲಾಯಿಸಿ]
ಹೋದೆಡೆಯಲ್ಲೆಲ್ಲಾ 'ಚಂದ್ರು' ಏನಾದರೊಂದು ಹೊಸರುಚಿಯನ್ನು ಕಲಿತು ಬರುತ್ತಾರೆ. ಅವನ್ನು ಕಿರುತೆರೆಯಮೇಲೆ ಪ್ರದರ್ಶಿಸಲು ಅವರಿಗೆ ಅತಿ ಆಸೆ. ಮನೆಯಲ್ಲೂ ಬಿಡುವಾದಾಗ ಅಡುಗೆಯನ್ನು ಮಾಡುವ ಚಟವನ್ನು ಇಟ್ಟುಕೊಂಡಿದ್ದಾರೆ.
ಚಂದೃ ಈಗ ಸ್ವಲ್ಪ ತೆಳ್ಳಗಾಗಿದ್ದಾರೆ[ಬದಲಾಯಿಸಿ]
'ರಿಯಾಲಿಟಿ ಶೋ'ಗಳಲ್ಲಿ ಡ್ಯಾನ್ಸ್ ಮಾಡಲು ಬೇಡಿಕೆಬಂದಾಗ ಯಶಸ್ವಿಯಾಗಿ ಅವರು ಮಾಡಿತೋರಿಸಿದ್ದಾರೆ. ಅದಕ್ಕಾಗಿ ತಮ್ಮತೂಕವನ್ನು ಕಡಿಮೆ ಮಾಡಿಕೊಳ್ಳುವ ಅಗತ್ಯ ಬಂತು.
ಉಲ್ಲೇಖಗಳು[ಬದಲಾಯಿಸಿ]
- ↑ ಸಿಹಿ-ಕಹಿಯಲ್ಲಿ ಸಮಭಾಗಿಗಳು 'ಚಂದ್ರು ಮತ್ತು ಗೀತಾ'
- ↑ ನಾವು ತರಲೆ ಆಗಿದ್ರೆ ಹಾಸ್ಯ ಹುಟ್ಟುತ್ತೆ