ಸಾರಾಂಶ

ಸಾರಾಂಶ (ತಾತ್ಪರ್ಯ) ಎಂದರೆ ಒಂದು ಸಂಶೋಧನಾ ಲೇಖನ, ಮಹಾಪ್ರಬಂಧ, ವಿಮರ್ಶೆ, ಸಮ್ಮೇಳನದ ವಿದ್ವತ್ಪ್ರಬಂಧದ ಸಂಕ್ಷಿಪ್ತ ಗೋಷ್ವಾರೆ ಅಥವಾ ಒಂದು ನಿರ್ದಿಷ್ಟ ವಿಷಯದ ಯಾವುದೇ ಆಳವಾದ ವಿಶ್ಲೇಷಣೆ. ಓದುಗರು ವಿದ್ವತ್ಪ್ರಬಂಧದ ಉದ್ದೇಶವನ್ನು ಶೀಘ್ರವಾಗಿ ಖಚಿತಪಡಿಸಿಕೊಳ್ಳಲು ನೆರವಾಗಲು ಇದನ್ನು ಹಲವುವೇಳೆ ಬಳಸಲಾಗುತ್ತದೆ. ಇದನ್ನು ಬಳಸಿದಾಗ, ಸಾರಾಂಶವು ಯಾವಾಗಲೂ ಹಸ್ತಪ್ರತಿ ಅಥವಾ ಬೆರಳಚ್ಚಿಸಿದ ಬರಹದ ಆರಂಭದಲ್ಲಿ ಕಾಣಿಸಿಕೊಳ್ಳುತ್ತದೆ, ಮತ್ತು ಯಾವುದೇ ನಿರ್ದಿಷ್ಟ ಶೈಕ್ಷಣಿಕ ವಿದ್ವತ್ಪ್ರಬಂಧ ಅಥವಾ ಪೇಟೆಂಟ್ ಅರ್ಜಿಗೆ ಪ್ರವೇಶ ಬಿಂದುವಾಗಿ ಕಾರ್ಯನಿರ್ವಹಿಸುತ್ತದೆ. ವಿವಿಧ ಶೈಕ್ಷಣಿಕ ಕ್ಷೇತ್ರಗಳಿಗೆ ಸಾರಾಂಶ ಮತ್ತು ಅನುಕ್ರಮಣಿಕೆ ಸೇವೆಗಳು ಆ ನಿರ್ದಿಷ್ಟ ವಿಷಯಕ್ಕೆ ಸಾಹಿತ್ಯದ ಪ್ರಧಾನಭಾಗವನ್ನು ಸಂಕಲಿಸುವ ಗುರಿಹೊಂದಿವೆ.