ವಿಜಯಶ್ರೀ ಸಬರದ

ವಿಜಯಶ್ರೀ ಸಬರದ (ಜನನ: ೧ ಫೆಬ್ರುವರಿ ೧೯೫೭) ಅವರು ಕನ್ನಡದ ಬಂಡಾಯ ಸಾಹಿತ್ಯ ಸಂದರ್ಭದ ಮತ್ತು ಮಹಿಳೆಯರ ಮೇಲಿನ ಶೋಷಣೆ ಬಗ್ಗೆ ಬರೆಯುವ ಲೇಖಕಿ. ಇವರು ೧೯೫೭ರಲ್ಲಿ ಬೀದರ್ ನಲ್ಲಿ ಗುಣವಂತರಾವ್ ಪಾಟೀಲ್ ಮತ್ತು ಸಂಗಮ್ಮರ ಪುತ್ರಿಯಾಗಿ ಜನಿಸಿದರು.

ವಿಜಯಶ್ರೀ ಸಬರದ
ಜನನ	ವಿಜಯಶ್ರೀ ಪಾಟೀಲ್ ೧ ಫೆಬ್ರುವರಿ ೧೯೫೭ ಬೀದರ್
ವೃತ್ತಿ	ಲೇಖಕಿ ಕವಯತ್ರಿ ಕನ್ನಡ ಪ್ರಾಧ್ಯಾಪಕರು,ಕರ್ನಾಟಕ ರಾಜ್ಯ ಅಕ್ಕಮಹಾದೇವಿ ಮಹಿಳಾ ವಿಶ್ವವಿದ್ಯಾಲಯ, ವಿಜಯಪುರ(೨೦೦೭ ರಿಂದ)
ಭಾಷೆ	ಕನ್ನಡ
ರಾಷ್ಟ್ರೀಯತೆ	ಭಾರತೀಯ
ವಿದ್ಯಾಭ್ಯಾಸ	ಪಿ. ಹೆಚ್. ಡಿ - ಗುಲ್ಬರ್ಗಾ ವಿಶ್ವವಿದ್ಯಾಲಯ, ಗುಲಬರ್ಗಾ(೧೯೯೧ ರಲ್ಲಿ)
ಪ್ರಮುಖ ಕೆಲಸ(ಗಳು)	ಎರಡು ನಾಟಕಗಳು ಮುಗಿಲ ಮಲ್ಲಿಗೆ
ಬಾಳ ಸಂಗಾತಿ	ಡಾಕ್ಟರ್. ಬಸವರಾಜ ಸಬರದ
ತಂದೆ	ಗುಣವಂತ ರಾವ್
ತಾಯಿ	ಸಂಗಮ್ಮ

ಶಿಕ್ಷಣ

ಸಬರದ ಅವರು ೧೯೭೦ರಲ್ಲಿ ಬೆಂಗಳೂರಿನ ಎಂ.ಎಸ್. ಎಸ್.ಇ ಬೋರ್ಡ್ ನ ಅಡಿಯಲ್ಲಿ ಎಸ್. ಎಸ್.ಎಲ್. ಸಿ ಶಿಕ್ಷಣ, ೧೯೭೨ರಲ್ಲಿ ಪಿಯುಸಿ ಶಿಕ್ಷಣವನ್ನು ಬೆಂಗಳೂರಿನಲ್ಲಿ ಪೂರ್ಣಗೊಳಿಸಿದರು. ನಂತರ ಅವರು ಬಿ.ಎ ೧೯೭೫ರಲ್ಲಿ ಮತ್ತು ಎಂ.ಎ ಪದವಿ ೧೯೭೭ ರಲ್ಲಿ ಕರ್ನಾಟಕ ವಿಶ್ವವಿದ್ಯಾಲಯ ಧಾರವಾಡದಲ್ಲಿ ಪೂರ್ಣಗೊಳಿಸಿದರು. ಅನುಪಮ ನಿರಂಜನರ ಕಾದಂಬರಿಗಳು - ಒಂದು ಅಧ್ಯಯನ ಎಂಬ ವಿಷಯ ಮಂಡಿಸಿ ಪಿ.ಹೆಚ್.ಡಿ ಪದವಿ ೧೯೯೧ರಲ್ಲಿ ಗುಲಬರ್ಗಾ ವಿಶ್ವವಿದ್ಯಾಲಯದಲ್ಲಿ ಪಡೆದರು. ಇವರು ಕನ್ನಡ ಅಧ್ಯಯನ ವಿಭಾಗದ ಪ್ರಾಧ್ಯಾಪಕರು ಆಗಿದ್ದರು. ಆರ್‌ಆರ್‌ಕೆ ಸಮಿತಿಯ ಪದವಿ ಕಾಲೇಜು ಬೀದರ್‌ನಲ್ಲಿ ಮೂರು ವರ್ಷಗಳ ಆಡಳಿತ ಸೇವೆ ಮಾಡಿದ್ದಾರೆ. ವಿಜಯಪುರ ಮಹಿಳಾ ವಿಶ್ವವಿದ್ಯಾಲಯದಲ್ಲಿ ಐದು ವರ್ಷಗಳ ಕಾಲ ಕನ್ನಡ ವಿಭಾಗದ ಮುಖ್ಯಸ್ಥೆ ಆಗಿದ್ದರು.

ಕೃತಿಗಳು

ಇವರು ಕನ್ನಡ ಸಾಹಿತ್ಯ ಮತ್ತು ಸಂಸ್ಕೃತಿ ಬಗ್ಗೆ 100ಕ್ಕೂ ಹೆಚ್ಚು ಸಂಶೋಧನಾ ಪ್ರಬಂಧಗಳನ್ನು ವಿವಿಧ ಪತ್ರಿಕೆಗಳಲ್ಲಿ ಪ್ರಕಟಿಸಿದ್ದಾರೆ. ಕಾವ್ಯ, ನಾಟಕ, ವಿಮರ್ಶೆ, ಸಂಶೋಧನೆ ಮತ್ತು ಸಂಪಾದಿಸಿದ ಪುಸ್ತಕಗಳು ಸೇರಿದಂತೆ 40ಕ್ಕೂ ಹೆಚ್ಚು ಪುಸ್ತಕಗಳು ಪ್ರಕಟವಾಗಿವೆ.

ಕವನ ಸಂಕಲನಗಳು

ವರ್ಷ	ಹೆಸರು
೧೯೭೯	ಜ್ವಲಂತ
೧೯೯೧	ಲಕ್ಷ್ಮಣರೇಖೆ ದಾಟಿದವರು
೨೦೧೦	ಮುಗಿಲ ಮಲ್ಲಿಗೆ

ನಾಟಕ

ವರ್ಷ	ಹೆಸರು
೨೦೦೮	ಎರಡು ನಾಟಕಗಳು
೨೦೧೦	ಉರಿಲಿಂಗ

ವಿಮರ್ಶಾ ಗ್ರಂಥಗಳು

ವರ್ಷ	ಹೆಸರು
೧೯೮೦	ತ್ರಿವೇಣಿಯವರ ಕಾದಂಬರಿಗಳು
೧೯೮೯	ಸಾಹಿತ್ಯ ಮತ್ತು ಮಹಿಳೆ
೧೯೯೦ ಮತ್ತು ೨೦೦೩	ಅಕ್ಕ ಮಹಾದೇವಿ
೧೯೯೪	ಅನುಪಮಾ ನಿರಂಜನ ಅವರ ಕಾದಂಬರಿಗಳು
೧೯೯೮	ಶಿವಶರಣರ ದೃಷ್ಟಿಯಲ್ಲಿ ಬಸವಣ್ಣ
೨೦೦೧ ಮತ್ತು ೨೦೧೨	ವಚನ ವಾಹಿನಿ
೨೦೦೧	ಚಣ್ಣ ಬಸವಣ್ಣ
೨೦೦೨ ಮತ್ತು ೨೦೧೪	ಸಾಹಿತ್ಯ ಸಂವಹನ
೨೦೦೫	ಮೋಳಿಗೆಯ ಮಾರಯ್ಯ
	ಶಿವಶರಣೆಯರು ಪ್ರಸ್ತುತ ಸಂದರ್ಭ
೨೦೦೬	ಜನಪದ ಮತ್ತು ಮಹಿಳೆ
೨೦೧೫	ನಡೆದದ್ದೇ ದಾರಿ

ಪ್ರಶಸ್ತಿಗಳು

• ೧೯೮೦ರಲ್ಲಿ ಜ್ವಲಂತ ಕೃತಿಗೆ ಕರ್ನಾಟಕ ವಿದ್ಯಾವರ್ಧಕ ಸಂಘ ಧಾರವಾಡದಿಂದ ರತ್ನಮ್ಮ ಹೆಗ್ಗಡೆ ಪ್ರಶಸ್ತಿ.
• ೧೯೯೦ರಲ್ಲಿ ಕನ್ನಡ ಸಾಹಿತ್ಯ ಪರಿಷತ್ ನಿಂದ ಸಾಹಿತ್ಯ ಮತ್ತು ಮಹಿಳೆ ಎಂಬ ವಿಮರ್ಶಾ ಗ್ರಂಥಕ್ಕೆ ದತ್ತಿನಿಧಿ ಪ್ರಶಸ್ತಿ.
• ೧೯೯೩ರಲ್ಲಿ ಮೈಸೂರಿನಿಂದ ಲಕ್ಷ್ಮಣ ರೇಖೆ ದಾಟಿದವರು ಕೃತಿಗೆ ಸಾಹಿತ್ಯಶ್ರೀ ಪ್ರಶಸ್ತಿ.
• ೧೯೯೪ರಲ್ಲಿ ಕನ್ನಡ ಸಾಹಿತ್ಯ ಪರಿಷತ್ ನಿಂದ ಕಾದಂಬರಿ ಸಾಹಿತ್ಯಕ್ಕೆ ಮಹಿಳೆಯರ ಕೊಡುಗೆ ಪ್ರಬಂಧಕ್ಕೆ ಸಾವಿತ್ರಮ್ಮ ಪ್ರಶಸ್ತಿ.
• ೨೦೦೨ರಲ್ಲಿ ಗುಲಬರ್ಗಾ ವಿಶ್ವವಿದ್ಯಾಲಯದಿಂದ ವಚನ ವಾಹಿನಿ ಕೃತಿಗೆ ರಾಜ್ಯೋತ್ಸವ ಪ್ರಶಸ್ತಿ, ಅತ್ತಿಮಬ್ಬೆ ಸಮಿತಿ ಬೆಂಗಳೂರು ವತಿಯಿಂದ ಅತ್ತಿಮಬ್ಬೆ ಪ್ರಶಸ್ತಿ, ಗೊರೂರು ಪ್ರತಿಷ್ಠಾನ ಬೆಂಗಳೂರು ಕಡೆಯಿಂದ ಗೊರೂರು ಪ್ರಶಸ್ತಿ, ಮುದ್ದೇಬಿಹಾಳದಿಂದ ನಾಲ್ವತವಾಡ ಸಾಹಿತ್ಯಶ್ರೀ ಪ್ರಶಸ್ತಿ.
• ೨೦೦೨ರಲ್ಲಿ ಕನ್ನಡ ಸಾಹಿತ್ಯ ಪರಿಷತ್ತು ಬೆಂಗಳೂರು ಕಡೆಯಿಂದ ಸಾಹಿತ್ಯ ಸಂವಹನ ಕೃತಿಗೆ ಅಂತಾರಾಷ್ಟ್ರೀಯ ಮಹಿಳಾ ವರ್ಷದ ಮಹಿಳಾ ಪ್ರಶಸ್ತಿ.