ವರ್ಜೀನಿಯ

ವರ್ಜೀನಿಯ ಅಮೇರಿಕ ಸಂಯುಕ್ತ ಸಂಸ್ಥಾನದ ರಾಜ್ಯಗಳಲ್ಲಿ ಒಂದು. ಅಮೇರಿಕ ದೇಶದ ಆಗ್ನೇಯ ರಾಜ್ಯಗಳಲ್ಲಿ ಇದೂ ಒಂದು. ಅಮೆರಿಕ ಸಂಯುಕ್ತ ಸಂಸ್ಥಾನದ ಪೂರ್ವ ಭಾಗದಲ್ಲಿ ನೆಲೆಗೊಂಡಿರುವ ವರ್ಜೀನಿಯಾ ವಿಸ್ತೀರ್ಣದಲ್ಲಿ 35 ನೇ ಅತಿದೊಡ್ಡ ರಾಜ್ಯ ಮತ್ತು 12 ನೇ ಅತಿ ಹೆಚ್ಚು ಜನಸಂಖ್ಯೆ ಹೊಂದಿರುವ ರಾಜ್ಯವಾಗಿದೆ .

ವರ್ಜೀನಿಯಾವು ಪೂರ್ವಕ್ಕೆ ಅಟ್ಲಾಂಟಿಕ್ ಮಹಾಸಾಗರ , ಉತ್ತರಕ್ಕೆ ಮೇರಿಲ್ಯಾಂಡ್ ಮತ್ತು ವಾಷಿಂಗ್ಟನ್ ಡಿ.ಸಿ. , ವಾಯುವ್ಯಕ್ಕೆ ಪಶ್ಚಿಮ ವರ್ಜೀನಿಯಾ , ಪಶ್ಚಿಮಕ್ಕೆ ಕೆಂಟುಕಿ , ನೈಋತ್ಯಕ್ಕೆ ಟೆನ್ನೆಸ್ಸೀ ಮತ್ತು ದಕ್ಷಿಣಕ್ಕೆ ಉತ್ತರ ಕೆರೊಲಿನಾದಿಂದ ಸುತ್ತುವರೆದಿದೆ . ರಿಚ್ಮಂಡ್ ವರ್ಜೀನಿಯಾದ ರಾಜಧಾನಿ, ವರ್ಜೀನಿಯಾ ಬೀಚ್ ಅತಿದೊಡ್ಡ ನಗರ ಮತ್ತು ಫೇರ್‌ಫ್ಯಾಕ್ಸ್ ಕೌಂಟಿ ವಾಷಿಂಗ್ಟನ್ ಡಿ.ಸಿ. ಮಹಾನಗರ ಪ್ರದೇಶದ ಅತಿದೊಡ್ಡ ಕೌಂಟಿಯಾಗಿದೆ .

ಉತ್ತರ ವರ್ಜೀನಿಯಾವು ರಾಷ್ಟ್ರೀಯ ರಾಜಧಾನಿ ವಾಷಿಂಗ್ಟನ್ ಡಿ.ಸಿ.ಯ ಗಡಿಯನ್ನು ಹೊಂದಿದೆ ಮತ್ತು ಇದು ಸಿಐಎ , ಪೆಂಟಗನ್ ಮತ್ತು ಇತರ ಹಲವು ಪ್ರಮುಖ ಸರ್ಕಾರಿ ಸಂಸ್ಥೆಗಳ ಪ್ರಧಾನ ಕಚೇರಿಗಳಿಗೆ ನೆಲೆಯಾಗಿದೆ .

ವರ್ಜೀನಿಯಾ ವೈವಿಧ್ಯಮಯ ಆರ್ಥಿಕತೆಯನ್ನು ಹೊಂದಿರುವ ಆರ್ಥಿಕವಾಗಿ ಮುಂದುವರಿದ ರಾಜ್ಯವಾಗಿದೆ. ಕೃಷಿ, ಪ್ರವಾಸೋದ್ಯಮ, ಸಾಫ್ಟ್‌ವೇರ್ ಸೇವೆಗಳು ಇತ್ಯಾದಿಗಳು ಇಲ್ಲಿ ಪ್ರಮುಖ ಕೈಗಾರಿಕೆಗಳಾಗಿವೆ. ವರ್ಜೀನಿಯಾ ಹಲವು ವರ್ಷಗಳಿಂದ ಅತ್ಯುತ್ತಮ ವ್ಯವಹಾರ ರಾಜ್ಯ ಪ್ರಶಸ್ತಿಯನ್ನು ಪಡೆದಿದೆ.