ರವಿ ಕಲ್ಪನಾ

ರವಿ ವೆಂಕಟೇಶ್ವರಲು ಕಲ್ಪನಾ (ಜನನ ೫ ಮೇ ೧೯೯೬) ಒಬ್ಬ ಭಾರತೀಯ ಕ್ರಿಕೆಟಿಗ . ಇವರು ಭಾರತ ಮಹಿಳಾ ರಾಷ್ಟ್ರೀಯ ಕ್ರಿಕೆಟ್ ತಂಡದಲ್ಲಿ ವಿಕೆಟ್ ಕೀಪರ್ ಮತ್ತು ಬಲಗೈ ಬ್ಯಾಟರ್ ಆಗಿ ತಮ್ಮ ರಾಷ್ಟ್ರೀಯ ಮಟ್ಟದ ವೃತ್ತಿಜೀವನವನ್ನು ಪ್ರಾರಂಭಿಸಿದರು.

ವೈಯಕ್ತಿಕ ಜೀವನ

ಆಕೆಯ ತಂದೆ ಆಟೋ ರಿಕ್ಷಾ ಡ್ರೈವರ್ ಮತ್ತು ಕಲ್ಪನಾ ತನ್ನ ಚಿಕ್ಕ ವಯಸ್ಸಿನಲ್ಲಿಯೇ ತನ್ನ ಮದುವೆಯನ್ನು ಮಾಡದಂತೆ ತನ್ನ ಪೋಷಕರನ್ನು ಮನವೊಲಿಸಲು ಹೆಣಗಾಡಿದಳು. ಅವಳು "ನನ್ನ ಅತ್ಯಂತ ಸ್ಮರಣೀಯ ಗೆಲುವು ನನ್ನ ಕುಟುಂಬವನ್ನು ಮನವೊಲಿಸುವುದು ಮತ್ತು ನನ್ನ ಮದುವೆಯನ್ನು ನಿಲ್ಲಿಸುವುದು" ಎಂದರು.

ಕಲ್ಪನಾ ಭಾರತೀಯ ರೈಲ್ವೇಯಲ್ಲಿ ಕೆಲಸ ಮಾಡುತ್ತಾರೆ ಮತ್ತು ವಿಜಯವಾಡದಲ್ಲಿ ವಾಸಿಸುತ್ತಿದ್ದಾರೆ. ವಿಜಯವಾಡದ ನಳಂದ ಪದವಿ ಕಾಲೇಜಿನಲ್ಲಿ ಬಿಕಾಂ ಪದವಿ ಪಡೆದಿದ್ದಾಳೆ.

ವೃತ್ತಿ

ಆಂಧ್ರಪ್ರದೇಶ ಕ್ರಿಕೆಟ್ ಅಸೋಸಿಯೇಷನ್ (ಎ.ಪಿ.ಸಿ.ಎ) ಯಿಂದ ರೂ ೪೦೦೦ ಭತ್ಯೆಯೊಂದಿಗೆ ರಾಜ್ಯ ತಂಡಕ್ಕಾಗಿ ಆಡುವ ಮೂಲಕ ಅವರು ತಮ್ಮ ವೃತ್ತಿಜೀವನವನ್ನು ಪ್ರಾರಂಭಿಸಿದರು.

ಅವರು ಆರಂಭದಲ್ಲಿ ೧೬ ವರ್ಷದೊಳಗಿನವರ ತಂಡಕ್ಕಾಗಿ ದಕ್ಷಿಣ ವಲಯ ವಿಭಾಗದ ಭಾಗವಾಗಿದ್ದರು. ೨೦೧೧ ರಲ್ಲಿ, ಅವರು ಅಂಡರ್ ೧೯ ತಂಡಕ್ಕೆ ಮತ್ತು ನಂತರ ೨೦೧೨ ರಲ್ಲಿ ಇಂಡಿಯಾ ಗ್ರೀನ್ ಟೀಮ್‌ಗಾಗಿ, ೨೦೧೪ ರಲ್ಲಿ ಹಿರಿಯ ದಕ್ಷಿಣ ವಲಯ ತಂಡಕ್ಕೆ ತೆರಳಿದರು. ನಂತರ ಅವರು ೨೦೧೫ ರಲ್ಲಿ ಭಾರತೀಯ ಮಹಿಳಾ ಕ್ರಿಕೆಟ್ ತಂಡಕ್ಕೆ ಆಯ್ಕೆಯಾದರು. ಆಗ ಅವರು ೨೦೧೫ ರಲ್ಲಿ ನ್ಯೂಜಿಲೆಂಡ್ ವಿರುದ್ಧ ತಮ್ಮ ಅಂತರರಾಷ್ಟ್ರೀಯ ಚೊಚ್ಚಲ ಪಂದ್ಯವನ್ನು ಆಡಿದರು.

ಬಾಹ್ಯ ಕೊಂಡಿಗಳು

• Ravi Kalpana at ESPNcricinfo