ನೀಲಗಿರಿ ಕಾಡು ಪಾರಿವಾಳ

ನೀಲಗಿರಿ ಕಾಡು ಪಾರಿವಾಳ
ನೀಲಗಿರಿ ಕಾಡು ಪಾರಿವಾಳ 'ಕೋಲಂಬ ಎಲ್ಫಿನಸ್ಟೊನೀ
Egg fossil classification
Kingdom:	ಎನಿಮೆಲಿಯಾ
Phylum:	ಖೊರ್ಡೇಟಾ
Class:	ಏವ್ಸ
Order:	ಕೊಲಂಬಿಫೋರ್ಮ್ಸ
Family:	ಕೊಲಂಬಿಡೇ
Genus:	ಕೊಲಂಬ
Species:	ಸಿ. ಎಲ್ಫಿನಸ್ಟೊನೀ
Binomial nomenclature
ಕೋಲಂಬ ಎಲ್ಫಿನಸ್ಟೊನೀ ಸೈಕ್ಸ್, ೧೮೩೨
Synonym (taxonomy)
ಆಲ್ಸೊಕೊಮಸ್‌ ಎಲ್ಫಿನಸ್ಟೊನೀ ಪ್ಟಯಲಿನೊಪಸ್‌ ಎಲ್ಫಿನಸ್ಟೊನೀ

ನೀಲಗಿರಿ ಕಾಡು ಪಾರಿವಾಳ(ಕೊಲಂಬಾ ಎಲ್ಫಿನ್ಸ್ಟೋನಿ) ದೊಡ್ಡ ಗಾತ್ರದ ಪಾರಿವಾಳವಾಗಿದ್ದು, ನೈರುತ್ಯ ಭಾರತದಲ್ಲಿ ಪಶ್ಚಿಮ ಘಟ್ಟಗಳ ತೇವಾಂಶವುಳ್ಳ ಪರ್ಣಪಾತಿ ಕಾಡುಗಳಲ್ಲಿ ಮತ್ತು ಶೋಲಾಗಳಲ್ಲಿ ಕಂಡುಬರುತ್ತದೆ. ದಟ್ಟವಾದ ಬೆಟ್ಟದ ಕಾಡುಗಳ ಮೇಲಾವರಣದಲ್ಲಿ ಕಂಡು ಬರುವ ನೀಲಗಿರಿ ಮರದ ಪಾರಿವಾಳಗಳ ಮುಖ್ಯ ಆಹಾರ ಹಣ್ಣು ಮತ್ತು ಮೇವು. ಅವುಗಳ ದೊಡ್ಡ ಗಾತ್ರ, ಗಾಡ ಬಣ್ಣ ಮತ್ತು ಅವುಗಳ ಕುತ್ತಿಗೆಯಲ್ಲಿರುವ ವಿಶಿಷ್ಟ ಚೆಕರ್‌ಬೋರ್ಡ್ ಮಾದರಿಯಿಂದ ಅವುಗಳನ್ನು ಗುರುತಿಸಲಾಗುತ್ತದೆ.

ಹೆಸರುಗಳು

ಭಾಷೆ	ಹೆಸರು
ಕನ್ನಡ	ನೀಲಗಿರಿ ಕಾಡು ಪಾರಿವಾಳ
ಇಂಗ್ಲಿಷ್ ಹೆಸರು	Nilgiri wood – Pigeon
ವೈಜ್ಞಾನಿಕ ಹೆಸರು	ಕೊಲಂಬಾ ಎಲ್ಫಿನ್ಸ್ಟೋನಿ

ಬಾಹ್ಯ ಲಕ್ಷಣ

೪೨ ಸೆಂ.ಮೀ. - ಈ ಪಾರಿವಾಳವು ಕಡು ಬೂದು ಬಣ್ಣದಲ್ಲಿ ಕಾಣುತ್ತದೆ ಮತ್ತು ಕುತ್ತಿಗೆಯ ಹಿಂಭಾಗದಲ್ಲಿ ಬಿಳಿ ತುದಿಯಿಂದ ಗಟ್ಟಿಯಾದ ಗರಿಗಳಿಂದ ಮಾಡಿದ ಕಪ್ಪು ಮತ್ತು ಬಿಳಿ ಮಾದರಿಯ ಪ್ಯಾಚ್ ವಿಶಿಷ್ಟವಾಗಿದೆ. ಗಂಡು ತೆಳು ಬೂದು ಬಣ್ಣದ ಕಿರೀಟವನ್ನು ಹೊಂದಿದ್ದರೆ, ಹೆಣ್ಣು ಕಡು ಬೂದು ಬಣ್ಣದ ಕಿರೀಟವನ್ನು ಮಸುಕಾದ ಗಂಟಲಿನೊಂದಿಗೆ ಹೊಂದಿರುತ್ತದೆ. ಪಾದಗಳು ಮತ್ತು ಬಿಲ್‌ನ ತಳವು ಕೆಂಪು ಬಣ್ಣದ್ದಾಗಿದೆ. ಈ ಜಾತಿಯ ಪಕ್ಷೀಯು ವಿಕಸನೀಯವಾಗಿ ಸಿಲೋನ್ ವುಡ್‌ಪಿಜನ್ ಕೊಲಂಬಾ ಟೊರಿಂಗ್ಟೋನಿ ಮತ್ತು ಬೂದಿ ಮರದ ಪಾರಿವಾಳ ಕೊಲಂಬ ಪುಲ್ಚ್ರಿಕೊಲ್ಲಿಸ್‌ಗೆ ಹತ್ತಿರದಲ್ಲಿದೆ, ಇದು ಹಳೆಯ ಪ್ರಪಂಚದ ಕುಲವಾದ ಕೊಲಂಬದಲ್ಲಿ ಮೂಲವನ್ನು ಹೊಂದಿದೆ. ಇದರ ದ್ವಿಪದವು ಮೌಂಟ್ ಸ್ಟುವರ್ಟ್ ಎಲ್ಫಿನ್ ಸ್ಟೋನ್ ನ ಸ್ಮರಣಾರ್ಥವಾಗಿದೆ

ಕಂಡುಬರುವ ಪ್ರದೇಶಗಳು ಹಾಗೂ ಆಹಾರ

ನೀಲಗಿರಿ ಕಾಡು ಪಾರಿವಾಳಗಳು ಸಾಮಾನ್ಯವಾಗಿ ಜೋಡಿಯಾಗಿ ಅಥವಾ ಸಣ್ಣ ಗುಂಪುಗಳಲ್ಲಿ ಕಂಡುಬರುತ್ತವೆ, ಬಹುತೇಕ ಮರಗಳ ಮೇಲಿನ ಹಣ್ಣು ಇವುಗಳ ಆಹಾರ.ಆದರೆ ಕೆಲವೊಮ್ಮೆ ಬಿದ್ದ ಹಣ್ಣುಗಳನ್ನು ತಿನ್ನಲು ನೆಲಕ್ಕೆ ಇಳಿಯುತ್ತವೆ. ಮುಖ್ಯವಾಗಿ ಹಣ್ಣುಗಳೇ ಇವುಗಳ ಆಹಾರವಾದರೂ, ಕೆಲವೊಮ್ಮೆ ಸಣ್ಣ ಬಸವನ ಮತ್ತು ಇತರ ಅಕಶೇರುಕಗಳನ್ನು ತಿನ್ನುವುದನ್ನು ದಾಖಲಿಸಲಾಗಿದೆ. ಸಂತಾನವೃದ್ಧಿ ಕಾಲವು ಮಾರ್ಚ್‌ನಿಂದ ಜುಲೈ ತಿಂಗಳುಗಳಾಗಿದ್ದು, ಆ ಸಮಯದಲ್ಲಿ ಅವುಗಳು ಕೊಂಬೆಗಳ ಒಂದು ತೆಳುವಾದ ವೇದಿಕೆಯನ್ನು ಮಾಡುತ್ತವೆ ಮತ್ತು ಸಾಮಾನ್ಯವಾಗಿ ಒಂದು ಬಿಳಿ ಮೊಟ್ಟೆಯನ್ನು ಇಡುತ್ತವೆ. ಈ ಪ್ರಭೇದದ ಪಾರಿವಾಳಗಳು ದೊಡ್ಡ ಹಣ್ಣುಗಳನ್ನು ತಿನ್ನುತ್ತವೆ ಮತ್ತು ಅನೇಕ ಕಾಡಿನ ಮರಗಳ ಬೀಜಗಳ ಪ್ರಸರಣದಲ್ಲಿ ಪ್ರಮುಖ ಪಾತ್ರವಹಿಸುತ್ತವೆ. ನೆಲ್ಥರೆ ಕುಟುಂಬದ ಹಣ್ಣುಗಳು ಈ ಪಾರಿವಾಳಗಳಿಗೆ ವಿಶೇಷವಾಗಿ ಇಷ್ಟವಾಗುತ್ತವೆ ಎಂದು ತಿಳಿಯಲಾಗಿದೆ. ನೀಲಗಿರಿ ಮರದ ಪಾರಿವಾಳಗಳು ಖನಿಜ ಪೋಷಕಾಂಶಗಳನ್ನು ಒದಗಿಸುವ ಅಥವಾ ಜೀರ್ಣಕ್ರಿಯೆಗೆ ಸಹಾಯ ಮಾಡುವ ಮಣ್ಣನ್ನು ಸೇವಿಸುವುದನ್ನು ಕೂಡ ದಾಖಲಿಸಲಾಗಿದೆ. ಆಗಾಗ ತಮ್ಮ ನೆಚ್ಚಿನ ಮರಗಳಲ್ಲಹಣ್ಣು ಬಿಡುವ ಸಮಯದ ಅನುಗುಣವಾಗಿ ಕಾಡಿನೊಳಗೆ ಚಲನೆಯನ್ನು ಮಾಡುತ್ತವೆ.