ದ ಪರ್ಸ್ಯೂಟ್ ಆಫ್ ಹ್ಯಾಪಿನೆಸ್ (ಚಲನಚಿತ್ರ)

The Pursuit of Happyness
The Pursuit of Happyness
ನಿರ್ದೇಶನ	Gabriele Muccino
ನಿರ್ಮಾಪಕ	Todd Black; Jason Blumenthal; James Lassiter; Will Smith; Steve Tisch;
ಲೇಖಕ	Steven Conrad
ಪಾತ್ರವರ್ಗ	Will Smith; Jaden Smith; Thandie Newton; Brian Howe; Dan Castellaneta;
ಸಂಗೀತ	Andrea Guerra
ಛಾಯಾಗ್ರಹಣ	Phedon Papamichael
ಸಂಕಲನ	Hughes Winborne
ಸ್ಟುಡಿಯೋ	Relativity Media; Overbrook Entertainment; Escape Artists;
ವಿತರಕರು	Columbia Pictures
ಬಿಡುಗಡೆಯಾಗಿದ್ದು	ಪದವಿನ್ಯಾಸ ದೋಷ: ಗುರುತಿಸಲಾಗದ ವಿರಾಮ ಚಿಹ್ನೆ"೧". ಡಿಸೆಂಬರ್ 15, 2006;
ಅವಧಿ	117 minutes
ದೇಶ	ಟೆಂಪ್ಲೇಟು:Film US
ಭಾಷೆ	English
ಬಂಡವಾಳ	$55 million
ಬಾಕ್ಸ್ ಆಫೀಸ್	$307,077,295

ದ ಪರ್ಸ್ಯೂಟ್‌‌ ಆಫ್‌ ಹ್ಯಾಪಿನೆಸ್ ಎಂಬುದು 2006ನೆಯ ಇಸವಿಯಲ್ಲಿ ಬಿಡುಗಡೆಯಾದ ಅಮೇರಿಕಾದ ಜೀವನಚರಿತ್ರೆಗೆ ಸಂಬಂಧಿಸಿದ ರೂಪಕ ಚಲನಚಿತ್ರವಾಗಿದ್ದು ಗೇಬ್ರಿಯೆಲೆ ಮುಚ್ಚಿ/ಕ್ಕಿನೋರ ನಿರ್ದೇಶನವನ್ನು ಹೊಂದಿದ್ದು ಕ್ರಿಸ್‌ ಗಾರ್ಡನರ್‌‌ನ ಜೀವನದ ಮೇಲೆ ಆಧಾರಿತವಾಗಿದೆ. ಈ ಚಲನಚಿತ್ರದಲ್ಲಿ ವಿಲ್‌‌ ಸ್ಮಿತ್‌‌ರು ನಡುನಡುವೆ ಮನೆಯಿಲ್ಲದೆ ಕಷ್ಟಪಡುವ ಬಂಡವಾಳ/ಷೇರು ದಲ್ಲಾಳಿಯಾಗಿ ಮಾರ್ಪಟ್ಟ ಮಾರಾಟಗಾರನಾದ ಗಾರ್ಡನರ್‌‌ನ ಪಾತ್ರ ವಹಿಸಿದ್ದಾರೆ.

ಸ್ಟೀವನ್‌ ಕಾನ್ರಾಡ್‌‌ರು ರಚಿಸಿದ ಈ ಚಿತ್ರದ ಚಿತ್ರಕಥೆಯು ಅತ್ಯುತ್ತಮ ಮಾರಾಟ ಕಂಡ ಗಾರ್ಡನರ್‌‌ರು ಕ್ವಿನ್ಸಿ ಟ್ರೂಪ್‌/ನಟವರ್ಗದ ಸಹಾಯದಿಂದ ರಚಿಸಿದ ತಮ್ಮ ಆತ್ಮಚರಿತ್ರೆಯ ಮೇಲೆ ಆಧಾರಿತವಾಗಿದೆ. ಈ ಚಿತ್ರವನ್ನು ಕೊಲಂಬಿಯಾ ಪಿಕ್ಚರ್ಸ್‌‌ ಸಂಸ್ಥೆಯು ಡಿಸೆಂಬರ್‌‌ 15, 2006ರಂದು ಬಿಡುಗಡೆ ಮಾಡಿತ್ತು. ಈ ಚಿತ್ರದಲ್ಲಿ ತೋರಿದ ತಮ್ಮ ಅಭಿನಯ ಚಾತುರ್ಯಕ್ಕೆ, ಸ್ಮಿತ್‌ರು ಅತ್ಯುತ್ತಮ ನಟ ಅಕಾಡೆಮಿ ಪ್ರಶಸ್ತಿಯ ನಾಮನಿರ್ದೇಶನವನ್ನು ಹಾಗೂ ಗೋಲ್ಡನ್‌ ಗ್ಲೋಬ್‌ ನಾಮನಿರ್ದೇಶನವನ್ನು ಪಡೆದುಕೊಂಡಿದ್ದರು.

ಕಥಾವಸ್ತು

ಕ್ರಿಸ್‌ ಗಾರ್ಡನರ್‌‌ನು (ವಿಲ್‌‌ ಸ್ಮಿತ್‌‌) 1981ನೇ ಇಸವಿಯಲ್ಲಿ ಸ್ಯಾನ್‌ ಫ್ರಾನ್ಸಿಸ್ಕೋ ನಗರದಲ್ಲಿ ವೈದ್ಯರುಗಳ ಮುಂದೆ ಪ್ರಾತ್ಯಕ್ಷಿಕೆ ನೀಡಿ ಅವರುಗಳಿಗೆ ಮಾರಾಟ ಮಾಡಲು ಪ್ರಯತ್ನಿಸುವ ಉದ್ದೇಶದಿಂದ ಒಯ್ಯಬಲ್ಲ/ಹಗುರ ಮೂಳೆಗಳ-ಸಾಂದ್ರತೆಯ ಶೋಧಕಯಂತ್ರ/ಸ್ಕ್ಯಾನರ್‌ಗಳ ಮೇಲೆ ತನ್ನ ಕುಟುಂಬದ ಉಳಿತಾಯದ ಹಣವನ್ನು ತೊಡಗಿಸುತ್ತಾನೆ. ಈ ಹೂಡಿಕೆಯು ಬಿಳಿಯಾನೆಯಾಗಿ ಪರಿಣಮಿಸಿ ಆತನ ಕುಟುಂಬವನ್ನು ಆರ್ಥಿಕವಾಗಿ ತೊಂದರೆಗೀಡು ಮಾಡುತ್ತದೆ ಹಾಗೂ ಅದರ ಪರಿಣಾಮವಾಗಿ ಆತನ ಪತ್ನಿ ಲಿಂಡಾ (ಥಾಂಡೀ ನ್ಯೂಟನ್‌) ಆತನನ್ನು ಹಾಗೂ ತಮ್ಮ ಪುತ್ರ ಕ್ರಿಸ್ಟೋಫರ್‌‌(ಜೇಡೆನ್‌‌ ಸ್ಮಿತ್‌)ನನ್ನು ತೊರೆದು ನ್ಯೂಯಾರ್ಕ್‌ಗೆ ಸ್ಥಳಾಂತರಗೊಳ್ಳುತ್ತಾಳೆ. ಪೇಟೆವಲಯದಲ್ಲಿ ತಾನು ತಂದಿದ್ದ ಸ್ಕ್ಯಾನರ್‌/ಶೋಧಕಯಂತ್ರಗಳಲ್ಲಿ ಒಂದನ್ನು ಮಾರಾಟ ಮಾಡಲು ಪ್ರಯತ್ನಿಸುತ್ತಿದ್ದಾಗ ಡೀನ್‌ ವಿಟ್ಟರ್‌ ಸಂಸ್ಥೆಯ ನಿರ್ವಾಹಕ/ಮ್ಯಾನೇಜರ್‌ ಒಬ್ಬನನ್ನು ಕ್ರಿಸ್‌‌ ಭೇಟಿ ಮಾಡುತ್ತಾನೆ ಹಾಗೂ ಆತನೊಂದಿಗೆ ಕ್ಯಾಬ್‌ನಲ್ಲಿ ಕುಳಿತು ಸ್ವಲ್ಪ ದೂರ ಪ್ರಯಾಣಿಸುತ್ತಾ ಇರುವಾಗ ರೂಬಿಕ್‌'ಸ್‌‌‌ ಕ್ಯೂಬ್‌ ಕ್ರೀಡೆಯ ಸಮಸ್ಯೆಯೊಂದನ್ನು ಬಿಡಿಸುವ ಮೂಲಕ ಆತನಲ್ಲಿ ತನ್ನ ಬಗ್ಗೆ ಉತ್ತಮ ಭಾವನೆ ಮೂಡಿಸುತ್ತಾನೆ. ಈ ಹೊಸದಾದ ವ್ಯಾವಹಾರಿಕ ಸಂಬಂಧವು ಅವನಿಗೆ ಓರ್ವ ಪ್ರಾಯೋಗಿಕ ಬಂಡವಾಳ/ಷೇರು ದಲ್ಲಾಳಿಯಾಗುವ ಅವಕಾಶ ದೊರಕಿಸಿಕೊಡುತ್ತದೆ, ಆದರೆ ಆತ ಅದರಿಂದ ಹಣ ಸಿಗುವುದಿಲ್ಲವೆಂದು ತಿಳಿದ ನಂತರ ಬಹುತೇಕ ಅದನ್ನು ತೊರೆಯುವ ನಿರ್ಧಾರ ತೆಗೆದುಕೊಂಡಿರುತ್ತಾನೆ. IRS ಸಂಸ್ಥೆಯು ಪಾವತಿಸಿರದ ತೆರಿಗೆಗಳನ್ನು ವಸೂಲು ಮಾಡುವ ಸಲುವಾಗಿ ಆತನ ಬ್ಯಾಂಕ್‌ ಖಾತೆಯನ್ನು ವಶಪಡಿಸಿಕೊಂಡು ಆತನನ್ನು ಹಾಗೂ ಆತನ ಚಿಕ್ಕ ವಯಸ್ಸಿನ ಪುತ್ರನನ್ನು ಹೊರಹಾಕಿದಾಗ ಮತ್ತಷ್ಟು ಹಿನ್ನಡೆಯನ್ನು ಕ್ರಿಸ್‌‌ ಅನುಭವಿಸುತ್ತಾನೆ. ಇದರ ಪರಿಣಾಮವಾಗಿ ಅವರು ಬೀದಿಗೆ ಬೀಳುತ್ತಾರಲ್ಲದೇ, ಒಂದು ಸಂದರ್ಭದಲ್ಲಂತೂ ಅವರು ಬೇರೆ ದಾರಿಯಿಲ್ಲದೇ BART ನಿಲ್ದಾಣದಲ್ಲಿಯ ಸ್ನಾನಗೃಹ/ಶೌಚಗೃಹದಲ್ಲಿ ಉಳಿದುಕೊಳ್ಳಬೇಕಾಗುತ್ತದೆ. ಆಗ ಆತನಲ್ಲಿ ಉಂಟಾದ ಪ್ರೇರಣೆಯು ಆತನನ್ನು ಗ್ಲೈಡ್‌ ಸ್ಮಾರಕ ಯುನೈಟೆಡ್‌ ಮೆಥಾಡಿಸ್ಟ್‌ ಚರ್ಚು/ಇಗರ್ಜಿಯು ಪ್ರಧಾನವಾಗಿ ಏಕಾಂಗಿ/ಒಂಟಿ ತಾಯಂದಿರು ಹಾಗೂ ಅವರ ಮಕ್ಕಳಿಗಾಗಿ ಉದ್ದೇಶಿಸಿ ನಡೆಸುವ ನಿರಾಶ್ರಿತರ ಕೇಂದ್ರವನ್ನು ಹುಡುಕಿಕೊಂಡು ಹೋಗುವಂತೆ ಮಾಡುತ್ತದೆ. ಕೋಣೆಗಳು ಮಿತವಾದ ಸಂಖ್ಯೆಯಲ್ಲಿದ್ದು ಬೇಡಿಕೆ ಹೆಚ್ಚಿದ್ದ ಕಾರಣ, ಸಾಲಿನಲ್ಲಿ ತಾನೂ ಒಂದು ಸ್ಥಾನ ಪಡೆದುಕೊಳ್ಳಲು ಕ್ರಿಸ್‌‌ ತನ್ನ ಪ್ರಾಯೋಗಿಕ ಉದ್ಯೋಗದಿಂದ ಪ್ರತಿದಿನ ಮಧ್ಯಾಹ್ನವೇ ಎದ್ದುಬಿದ್ದು ಓಡಿಬರಬೇಕಾದ ಪರಿಸ್ಥಿತಿ ಅನಿವಾರ್ಯವಾಗಿರುತ್ತದೆ. ತನ್ನ ಮೇಲಧಿಕಾರಿಯ ಕಾರನ್ನು ನಿಲ್ಲಿಸಬಾರದಲ್ಲಿ ನಿಲ್ಲಿಸಿದುದಕ್ಕಾಗಿ ದಂಡನೆಯಾಗಿ ಆತ ಸೆರೆಮನೆಯಲ್ಲಿ ಒಂದು ರಾತ್ರಿಯನ್ನು ಕೂಡಾ ಕಳೆಯಬೇಕಾಗುತ್ತದೆ. ಆತನ ದುಬಾರಿ ಮೂಳೆಶೋಧಕ ಯಂತ್ರಗಳಲ್ಲಿ ಒಂದನ್ನು ಓರ್ವ ಹುಚ್ಚು ಹಿಡಿದ ವ್ಯಕ್ತಿಯು ಕದ್ದುಕೊಂಡು ಹೋಗಿ ಅದಕ್ಕೆ ಹಾನಿ ಉಂಟುಮಾಡಿರುತ್ತಾನಾದರೂ, ಕಡೆಗೆ ಕ್ರಿಸ್‌‌ ಅದನ್ನು ಮರಳಿ ಪಡೆದುಕೊಂಡು ಸರಿಪಡಿಸಿಕೊಳ್ಳುತ್ತಾನೆ. ತನ್ನ ನಿಯಮಿತವಾದ ಕೆಲಸದ ಸಮಯದಿಂದಾಗಿ ಅನಾನುಕೂಲವನ್ನು ಈಗಾಗಲೇ ಎದುರಿಸುತ್ತಿದ್ದ ಆತನು, ತನ್ನ ಗ್ರಾಹಕ ಸಂಪರ್ಕಗಳ ಸಂಖ್ಯೆಯನ್ನು ಹಾಗೂ ಲಾಭಗಳನ್ನು ಗರಿಷ್ಠವಾಗಿ ಗಳಿಸಿಕೊಳ್ಳುವುದು ಮಾತ್ರವೇ ತಾನು ಹಾಗೂ ತನ್ನ 19 ಮಂದಿ ಪ್ರತಿಸ್ಪರ್ಧಿಗಳು ಪಡೆಯಲು ಆಶಿಸಿ ಹೋರಾಟ ನಡೆಸುತ್ತಿದ್ದ ವೇತನ ಸಹಿತ ಸ್ಥಾನವನ್ನು ಗಳಿಸಿಕೊಳ್ಳಲು ಇರುವ ಏಕಮಾತ್ರ ದಾರಿ ಎಂದು ತಿಳಿದಿದ್ದ, ಕ್ರಿಸ್‌‌ ದೂರವಾಣಿ ಕರೆ ಮಾರಾಟಗಳ ಮೂಲಕ ಹೆಚ್ಚು ಸಮರ್ಥವಾಗಿ ಮಾಡುವ ವಿವಿಧ ದಾರಿಗಳನ್ನು ಕಂಡುಕೊಳ್ಳುತ್ತಾ ಹೋಗುತ್ತಾನೆ. ಆತನು ಸಂಭಾವ್ಯ ಭಾರೀ ಮೊತ್ತದ ವ್ಯವಹಾರ ನಡೆಸಬಲ್ಲ ಗ್ರಾಹಕರನ್ನು ನಿಯಮಾವಳಿಗಳನ್ನು ಮೀರಿಯಾದರೂ ತಲುಪುತ್ತಾನೆ. ಓರ್ವ ಸಹಾನುಭೂತಿಯುಳ್ಳ ಸಂಭಾವ್ಯ ಗ್ರಾಹಕನು ಆತನನ್ನು ಹಾಗೂ ಆತನ ಮಗನನ್ನು ವೃತ್ತಿಪರ ಫುಟ್‌ಬಾಲ್‌ ಪಂದ್ಯವನ್ನು ನೋಡಲು ಕರೆದುಕೊಂಡು ಹೋಗುತ್ತಾನೆ. ಕ್ರಿಸ್‌ನು ತನಗಿದ್ದ ಎಲ್ಲಾ ಸವಾಲುಗಳ ಹೊರತಾಗಿಯೂ, ಎಂದಿಗೂ ತಾನು ತೀರಾ ಕೆಳ ಮಟ್ಟದಲ್ಲಿ ಜೀವಿಸುತ್ತಿದ್ದೇನೆಂದು ತನ್ನ ಸಹೋದ್ಯೋಗಿಗಳ ಮುಂದೆ ಎಂದಿಗೂ ತೋರಿಸಿಕೊಂಡಿರಲಿಲ್ಲ, ಇದು ತೀರ ಎಷ್ಟರಮಟ್ಟಿಗೆಂದರೆ ತನಗೇ ಭಾರೀ ಮೊತ್ತವೆಂದೆನಿಸುವ ಐದು ಡಾಲರ್‌ಗಳ ಮೊತ್ತವನ್ನು ಒಮ್ಮೆ ತನ್ನ ಮೇಲಧಿಕಾರಿಗಳಲ್ಲಿ ಒಬ್ಬರಿಗೆ ಕ್ಯಾಬ್‌ಗೆ ಪಾವತಿಸಲು ಕೈಗಡ ಕೂಡಾ ಕೊಟ್ಟಿರುತ್ತಾನೆ.

ಸಹಾಯಕ ಮಾರಾಟಗಾರಿಕೆಯ ಅವಧಿಯನ್ನು ಕೊನೆಗೊಳಿಸುವ ಸಮಯದಲ್ಲಿ, ಕ್ರಿಸ್‌‌ನಿಗೆ ತನ್ನ ಮೇಲಧಿಕಾರಿಗಳೊಂದಿಗೆ ಒಂದು ಭೇಟಿಯ ಕೂಟಕ್ಕೆ ಕರೆಯಲಾಗುತ್ತದೆ. ಅವಸರದ/ತುರ್ತು ಸನ್ನಿವೇಶದಿಂದಾಗಿ ಸಭೆಗೆ ತಲೆ ಕೆದರಿಕೊಂಡು ಅಸ್ತವ್ಯಸ್ತವಾಗಿರುವ ಬಟ್ಟೆಗಳನ್ನು ಧರಿಸಿಕೊಂಡು ಹಾಜರಾದರೂ, ಆತನ ಅದುವರೆಗಿನ ಹೋರಾಟವು ಕೊನೆಗೂ ಆತನ ಕೈಹಿಡಿದು ಆತನಿಗೆ ಆ ಸ್ಥಾನವನ್ನು ನೀಡಲಾಗುತ್ತದೆ. ಉಕ್ಕಿಬಂದ ಸಂತೋಷದ ಕಣ್ಣೀರನ್ನು ಹತ್ತಿಕ್ಕಿಕೊಳ್ಳುತ್ತಾ, ತನ್ನ ಪುತ್ರನಿರುವ ಮಕ್ಕಳ ಆರೈಕೆ ಕೇಂದ್ರಕ್ಕೆ ದೌಡಾಯಿಸಿದ ಆತನು ಪುತ್ರನನ್ನು ಬಿಗಿದಪ್ಪಿಕೊಳ್ಳುತ್ತಾನೆ. ಅವರಿಬ್ಬರು ಅಲ್ಲಿಂದ ಹೊರ ಹೊರಟು ರಸ್ತೆಯಲ್ಲಿ ನಿಧಾನವಾಗಿ ನಡೆದುಕೊಂಡು ಹೋಗುತ್ತಾ ಪರಸ್ಪರ ತಮಾಷೆ ಮಾಡಿಕೊಂಡು ಹೋಗುತ್ತಾ ಇರುವಾಗ ಅವರನ್ನು ಓರ್ವ ವ್ಯಾವಹಾರಿಕ ದಿರಿಸಿನಲ್ಲಿದ್ದ ವ್ಯಕ್ತಿ ಹಾದುಹೋಗುತ್ತಾನೆ(ಉಬ್ಬುಗೆತ್ತನೆಯ ಶಿಲೆಯಲ್ಲಿ ನಿಜವಾದ ಕ್ರಿಸ್‌ ಗಾರ್ಡನರ್‌‌). ಕಥೆಯ ಉಪಸಂಹಾರವು ಕ್ರಿಸ್‌‌ ಆನಂತರ ತನ್ನದೇ ಆದ ಬಹು-ದಶಲಕ್ಷ ಡಾಲರ್‌ಗಳ ಮೌಲ್ಯದ ದಲ್ಲಾಳಿ ಸಂಸ್ಥೆಯನ್ನು ಕಟ್ಟುತ್ತಾನೆ ಎಂದು ವಿಷದೀಕರಿಸುತ್ತವೆ.

ಪಾತ್ರವರ್ಗ

ಕ್ರಿಸ್‌ ಗಾರ್ಡನರ್‌‌ ಪಾತ್ರದಲ್ಲಿ ವಿಲ್‌‌ ಸ್ಮಿತ್‌‌
ಕ್ರಿಸ್ಟೋಫರ್‌‌ ಗಾರ್ಡನರ್‌‌ Jr. (ಜೇಡೆನ್‌‌ ಕ್ರಿಸ್ಟೋಫರ್‌‌ ಸೈರ್‌ ಸ್ಮಿತ್‌ ಪಾತ್ರದಲ್ಲಿ) ಪಾತ್ರದಲ್ಲಿ ಜೇಡೆನ್‌‌ ಸ್ಮಿತ್‌
ಲಿಂಡಾ ಗಾರ್ಡನರ್‌ ಪಾತ್ರದಲ್ಲಿ ಥಾಂಡೀ ನ್ಯೂಟನ್‌‌
ಜೇ ಟ್ವಿಸ್ಟಲ್‌ ಪಾತ್ರದಲ್ಲಿ ಬ್ರಿಯಾನ್ ಹೋವೆ
ಅಲನ್‌ ಫ್ರಾಕೇಶ್‌ ಪಾತ್ರದಲ್ಲಿ ಡ್ಯಾನ್‌ ಕ್ಯಾಸ್ಟೆಲ್ಲಾನೆಟಾ
ಮಾರ್ಟಿನ್‌ ಫ್ರಾಹ್ಮ್‌ ಪಾತ್ರದಲ್ಲಿ ಜೇಮ್ಸ್‌ ಕಾರೆನ್‌
ವಾಲ್ಟರ್‌ ರಿಬ್ಬನ್‌ ಪಾತ್ರದಲ್ಲಿ ಕರ್ಟ್‌ ಫುಲ್ಲರ್‌
ಟಿಮ್‌ ರಿಬ್ಬನ್‌ ಪಾತ್ರದಲ್ಲಿ ಡೊಮೆನಿಕ್‌ ಬೌ/ಬೋವ್
ವಿಶ್ವದ ಅತಿಶ್ರೇಷ್ಠ ತಂದೆ 56702 ಪಾತ್ರದಲ್ಲಿ ಕೆವಿನ್‌ ವೆಸ್ಟ್‌
Mrs. ಛೂ ಪಾತ್ರದಲ್ಲಿ ಟಕಾಯೋ ಫಿಷರ್‌

ನಿರ್ಮಾಣ

ಈ ಚಲನಚಿತ್ರದ ಬಹುಭಾಗವನ್ನು ಸ್ಯಾನ್‌ ಫ್ರಾನ್ಸಿಸ್ಕೋ ನಗರದಲ್ಲಿಯೇ ಚಿತ್ರೀಕರಿಸಲಾಗಿದೆ.^[೧] ನಕಲಿ BART ಕೇಂದ್ರವೊಂದನ್ನು ಡ್ಯುಬೋಸ್‌ ಉದ್ಯಾನ/ಪಾರ್ಕ್‌ ಎಂಬಲ್ಲಿ ನಿರ್ಮಿಸಲಾಗಿತ್ತು ಹಾಗೂ ಚಿತ್ರೀಕರಣದ ನಂತರ ಅದನ್ನು ತೆಗೆದುಹಾಕಲಾಗಿತ್ತು,^[೨] ಟ್ರೆಷರ್‌‌ ಐಲೆಂಡ್‌/ದ್ವೀಪದ ಮೇಲಿರುವ ಸುಭದ್ರವಾದ ಫಲಕಗಳನ್ನು ಕ್ರಿಸ್‌ನ ವಾಸಗೃಹವೂ ಸೇರಿದಂತೆ ಚಿತ್ರದ ದೃಶ್ಯಾವಳಿಗಳನ್ನು ನಿರ್ಮಿಸಲು ಬಳಸಲಾಗಿತ್ತು. ಈ ಚಿತ್ರದಲ್ಲಿ ಹಲವು ಸ್ಥಳೀಯ ಸಿಬ್ಬಂದಿಗಳನ್ನು ಕೂಡಾ ಚಿತ್ರೀಕರಣದಲ್ಲಿ ತೊಡಗಿಸಿಕೊಳ್ಳಲಾಗಿತ್ತು.

ವಿಮರ್ಶಕರ ಪ್ರತಿಕ್ರಿಯೆಗಳು

ಸ್ಯಾನ್‌ ಫ್ರಾನ್ಸಿಸ್ಕೋ ಕ್ರಾನಿಕಲ್‌‌ ಪತ್ರಿಕೆ ಯಲ್ಲಿ, ಮಿಕ್‌ ಲಾಸಲ್ಲೇಯವರು ಹೀಗೆಂದು ವಿಮರ್ಶಾತ್ಮಕ ಅಭಿಪ್ರಾಯ ವ್ಯಕ್ತಪಡಿಸಿದ್ದರು, "ಈ ಚಿತ್ರದ ಒಂದು ಅತ್ಯಂತ ಶ್ರೇಷ್ಠ ವಿಸ್ಮಯವೆಂದರೆ ಇದು ಚರ್ವಿತ ಚರ್ವಣ ಕಥೆಯಲ್ಲ . . . ಈ ಚಲನಚಿತ್ರದ ನಿಜವಾದ ಸೊಬಗು ಅದರ ಸತ್ಯಪರತೆಯಲ್ಲಿದೆ. ಇದು ಪರದೆಯ ಮೇಲೆ ತೋರಿಸಿದ ಸಮಂಜಸವಾದ ಆಶಾಭಂಗದ ಅವಧಿಯ ನಂತರ, ಯಶಸ್ಸು ಸಾಲಂಕೃತವಾದ ಕಿರೀಟದೊಂದಿಗೆ ಬರುವಂತಹಾ ಯಾವುದೇ ಯಶಸ್ವಿ ಕಥೆಯ ಹಾಗೆ ತನ್ನ ಸಂಗ್ರಹ ನಿರೂಪಣೆಯಲ್ಲಿಲ್ಲ. ಬದಲಿಗೆ ಈ ಯಶಸ್ಸಿನ ಕಥೆಯು ಜೀವನದಲ್ಲಿ ಬಹು ಸಾಮಾನ್ಯವಾಗಿ ಘಟಿಸುವ ಮಾದರಿಯಲ್ಲಿಯೇ ಇದೆ — ಮನಸ್ಸನ್ನು-ಕಂಗೆಡಿಸುವಂತಹಾ ವೈಫಲ್ಯತೆಗಳು ಹಾಗೂ ಸೋಲುಗಳ ಸರಣಿಗಳು, ತಪ್ಪಿಹೋದ ಅವಕಾಶಗಳನ್ನು ಇದು ನಿರೂಪಿಸುತ್ತಾ ಹೋಗುತ್ತದೆ, ಖಚಿತವಾಗಿ ಆಗಬೇಕಾದ ಆದರೆ ಹಾಗೆ ಆಗದ ವಿಚಾರಗಳು, ಇವೆಲ್ಲವನ್ನೂ ಸಹವರ್ತಿಯಾಗಿಸಿ ಸಂಚಯಗೊಳಿಸುತ್ತಾ ಅಪರೋಕ್ಷವಾಗಿ ಗೆಲುವುಗಳೆಂದು ಅನಿಸಲಾರದಂಥವುಗಳು ನಿಧಾನವಾಗಿ ಒಟ್ಟು ಸೇರಿ ಒಂದು ಸರಿಯಾದ ಸ್ವರೂಪವಾಗುವುದನ್ನು ಇದು ಚಿತ್ರಿಸಿದೆ. ಇತರೆ ಪದಗಳಲ್ಲಿ ಹೇಳುವುದಾದರೆ, ಇದು ನಿಜವಾಗಿಯೂ ನಡೆದದ್ದಂತೆ ತೋರುತ್ತದೆ."^[೩]

ದ ನ್ಯೂಯಾರ್ಕ್‌ ಟೈಮ್ಸ್‌ ಪತ್ರಿಕೆ ಯ ಮನೋಹ್ಲಾ ಡರ್ಗಿಸ್‌ ರವರು ಈ ಚಿತ್ರವನ್ನು ಹೀಗೆಂದು ಕರೆದಿದ್ದರು "ವಾಸ್ತವವಾದ ರೂಪದಲ್ಲಿ ಅವತರಿಸುವ ಒಂದು ರಮ್ಯ ಕಥೆ . . . ಇದೊಂದು ಸಹಿಸಲಸಾಧ್ಯವೆನಿಸುವವರೆಗೆ ಸುಗಮವಾಗಿ ಸಾಗುವ ರೀತಿಯ ಮನರಂಜನೆ . . . ಇದೊಂದು ಸ್ವಸಾಮರ್ಥ್ಯದಿಂದಲೇ ಜೀವನದಲ್ಲಿ ಮೇಲೆ ಬರುವ ಅದೇ ಹಳೆಯ ಕಥೆ, ಅಮೇರಿಕಾದವರ ಕನಸನ್ನು ಕಲಾತ್ಮಕವಾಗಿ ಹೇಳಿ, ಕೌಶಲ್ಯದಿಂದ ಬಿಕರಿ ಮಾಡಲಾಗಿದೆ. ಈ ತರಹದ ಲೆಕ್ಕಾಚಾರದಿಂದ ಕೂಡಿದ ಕಥೆಯ ಅಂತ್ಯವನ್ನು ಪರಿಗಣಿಸಿದರೆ, ಚಿತ್ರ ನಿರ್ಮಾಣವು ಸರಳವಾದ, ಅನಲಂಕೃತ, ಪಾರದರ್ಶಕ ಪ್ರಕ್ರಿಯೆಯಾಗಿದ್ದು Mr. ಸ್ಮಿತ್‌'ನ ಉತ್ಸಾಹಪೂರಿತವಾದ ಅಭಿವ್ಯಕ್ತಾತ್ಮಕತೆಯನ್ನು ಸೂಕ್ತವಾಗಿ ಒಡಮೂಡಿಸಬಲ್ಲದೆನಿಸುತ್ತದೆ . . . ಈ ವ್ಯಕ್ತಿಯ ಹೃದಯಸ್ಪರ್ಶಿ ಕಥೆಗೆ ನೀವು ಹೇಗೆ ಸ್ಪಂದಿಸುತ್ತೀರಿ ಎಂಬುದು ಬಡತನವು ಕೇವಲ ದುರಾದೃಷ್ಟ ಹಾಗೂ ಕೆಟ್ಟ ಆಯ್ಕೆಗಳ ಉತ್ಪನ್ನ ಹಾಗೂ ಯಶಸ್ಸು ಎನ್ನುವುದು ವೀರೋಚಿತ ಶ್ರಮವಹಿಕೆ ಹಾಗೂ ಅದರ ಕನಸುಗಳನ್ನು ನನಸಾಗುವುದು ಎಂಬ ಭಾವನೆಯನ್ನುಂಟು ಮಾಡುವಷ್ಟು ನಿಮಗೆ Mr. ಸ್ಮಿತ್‌'ನ ಹಾಗೂ ಆತನ ಪುತ್ರನ ಸಾಧನೆಗಳು ಬಹಳವೇ ಹಿಡಿಸುವಂತಿದೆಯೇ ಎಂಬುದರ ಮೇಲೆ ಅವಲಂಬಿತವಾಗಿರುತ್ತದೆ."^[೪]

ರಾಲ್ಲಿಂಗ್‌ ಸ್ಟೋನ್‌ ಸಂಸ್ಥೆ ಯ ಪೀಟರ್‌ ಟ್ರಾವರ್ಸ್‌‌‌‌‌‌‌‌ರವರು ಈ ಚಿತ್ರಕ್ಕೆ ನಿಯಮಿತ ಮಿತಿಯಾದ ನಾಲ್ಕು ತಾರೆಗಳ ದರ್ಜೆಯಲ್ಲಿ ಮೂರು ತಾರೆಗಳನ್ನು ನೀಡಿ ಹೀಗೆ ವಿಮರ್ಶೆ ಬರೆದಿದ್ದರು, "ವಿಲ್‌‌ ಸ್ಮಿತ್‌‌ರವರು ಆಸ್ಕರ್‌ ಪ್ರಶಸ್ತಿಯತ್ತ ದಾಪುಗಾಲಿಡುತ್ತಾ ಇದ್ದಾರೆ . . . [ಅವರ] ಪಾತ್ರವು ಘನತೆ, ಚುರುಕುತನ, ಆಕರ್ಷಣೆ, ವಿನೋದಗಳನ್ನು ಹಾಗೂ ಕೃತಕವಲ್ಲದ ಒಂದು ಚೈತನ್ಯವನ್ನು ಬೇಡುತ್ತದೆ. ಸ್ಮಿತ್‌ ಆ ಪಾತ್ರಕ್ಕೆ ಅದನ್ನಿತ್ತಿದ್ದಾರೆ. ಅವರೇ ಆ ಪಾತ್ರಕ್ಕೆ ಸರಿಸೂಕ್ತರಾದ ವ್ಯಕ್ತಿ."^[೫]

ವೆರೈಟಿ ಎಂಬ ಪತ್ರಿಕೆ ಯಲ್ಲಿ, ಬ್ರಿಯಾನ್‌ ಲೌರಿಯವರು ಚಿತ್ರದ ಬಗ್ಗೆ ಹೀಗೆಂದಿದ್ದರು ಈ ಚಿತ್ರವು "ಸೃಜನಾತ್ಮಕವಾಗಿ ಸ್ಫೂರ್ತಿ ಹೊಂದಿರುವುದಕ್ಕಿಂತ ಪ್ರಧಾನ ಹಲ್ಲು/ನೋವನ್ನು ಉದ್ದೀಪಿಸಬಹುದಾದಂತಹಾ ಶಾಲಾನಂತರದ ವಯಸ್ಸಿನವರ-ವಿಶೇಷ ಗುಣಧರ್ಮಗಳ ಉನ್ನತಿಗೇರಿಸುವಿಕೆಯನ್ನು ವ್ಯಾಪಿಸುವ ರೀತಿಯ ಹೆಚ್ಚು ಸ್ಫೂರ್ತಿದಾಯಕತೆಯನ್ನು ಹೊಂದಿದೆ . . . ಸ್ಮಿತ್‌'ರ ಹೃದಯಸ್ಪರ್ಶಿ ಅಭಿನಯವನ್ನು ಮೆಚ್ಚುವುದು ಬಲು ಸುಲಭ. ಆದರೆ ಚಿತ್ರದ ನೋವಿನಿಂದ ಕೂಡಿದ ಶ್ರದ್ಧಾಯುಕ್ತವಾದ ದೃಷ್ಟಿಕೋನವು ತನ್ನ ವಿಜ್ಞಾಪನೆಯನ್ನು, ಸರ್ವಸಮ್ಮತವಾಗಿರುವಂತೆ, ಅನೇಕ ಬೇಸರ ತರಿಸುವಂತಹಾ TV ಚಲನಚಿತ್ರಗಳನ್ನು ಯಶಸ್ವಿ ಚಿತ್ರಗಳನ್ನಾಗಿ ಮೇಲಕ್ಕೇರಿಸಿದ ವೀಕ್ಷಕರ ತಂಡಕ್ಕೆ ಇದನ್ನು ಸರಿಯಾದ ರೀತಿಯಲ್ಲಿ ಅರ್ಥಮಾಡಿಸಬೇಕು . . . ಅಂತಿಮ ಘಟ್ಟದ ವಿಮರ್ಶೆಯಲ್ಲಿ ಹೇಳಬಹುದಾದರೆ, [ಇದು] ಸ್ವಲ್ಪಮಟ್ಟಿಗೆ ನಿರ್ದಿಷ್ಟ ಉದ್ದೇಶ ಹೊಂದಿದ ಮಾರಾಟಗಾರ ಸ್ವತಃ Mr. ಗಾರ್ಡನರ್‌‌ನ ಹಾಗೆಯೇ ಮುಕ್ತಾಯಗೊಳ್ಳುತ್ತದೆ : ಉತ್ತೇಜನ ಕೊಡುವುದಕ್ಕೆ ಸುಲಭವಾದ, ಆದರೆ ಖಚಿತವಾಗಿಯೇ ಸಮಯ ಕಳೆಯಲು ಸೂಕ್ತವೆನಿಸದ ವ್ಯಕ್ತಿಯ ಹಾಗೆ."^[೬]

ಲಾಸ್‌ ಏಂಜಲೀಸ್ ಟೈಮ್ಸ್ ಪತ್ರಿಕೆ ಯ ಕೆವಿನ್‌ ಕ್ರಸ್ಟ್‌ ಹೀಗೆಂದಿದ್ದರು, " ಇದು ಮೇಲ್ನೋಟಕ್ಕೆ ಹೋಲುವ ಪದರಪದರವಾಗಿ ಏರ್ಪಡಿಸಿದ ಕ್ರೇಮರ್‌‌ vs. ಕ್ರೇಮರ್‌‌ ಗಳದ್ದೇ ಕೊರತೆಯನ್ನು ಎದ್ದು ಕಾಣುವಂತೆ ಈ ಚಿತ್ರವು ಹೊಂದಿದೆ . . . ಚರ್ಚೆಯಲ್ಲಿ ಇರುವ ವಿಷಯವು ಗಂಭೀರವಾದದ್ದೇ ಆದರೂ, ಚಿತ್ರವೇ ಸಾಕಷ್ಟು ಲಘುತನವನ್ನು ಹೊಂದಿದೆ ಹಾಗೂ, ತನಗೆ ಯಾವುದೇ ಬಲವನ್ನು ಪಡೆದುಕೊಳ್ಳಲು ನಟರ ಮೇಲೆ ಅವಲಂಬಿತವಾಗಿದೆ. ಸಾಕಷ್ಟು ಅತಿಶಯಿಸದ ಸ್ಥಾಯಿಶ್ರೇಣಿಯಲ್ಲೂ, ಸ್ಮಿತ್‌ರು ಓರ್ವ ಗಮನಸೆಳೆಯುವ ನಾಯಕ ನಟರಾಗಿದ್ದು, ಅವರು ಗಾರ್ಡನರ್‌‌'ನ ದುರವಸ್ಥೆಯು ಮನಮುಟ್ಟುವ ಹಾಗೆ ಮಾಡಿದ್ದಾರೆ . . . ದ ಪರ್ಸ್ಯೂಟ್‌‌ ಆಫ್‌ ಹ್ಯಾಪಿನೆಸ್ ಎಂಬುದು ಒಂದು ಸಾಧಾರಣವಾದ ಚಲನಚಿತ್ರವಾಗಿದ್ದು ಅಸಾಧಾರಣ ಪಾತ್ರ ನಿರ್ವಹಣೆಗಳನ್ನು ಹೊಂದಿದೆ . . . ರಜಾದಿನಗಳನ್ನು ಕಳೆಯಲು ತೀರಾ ಕೆಟ್ಟದಾದ ದಾರಿಗಳೂ ಇವೆ, ಹಾಗೂ ಕನಿಷ್ಟ ಈ ಚಿತ್ರವು ನೀವು ಈಗಿರುವ ಪರಿಸ್ಥಿತಿಯ ಬಗ್ಗೆ ಮೆಚ್ಚುಗೆ ಪಟ್ಟುಕೊಳ್ಳುವ ಹಾಗಾದರೂ ಮಾಡಬಲ್ಲದು."^[೭]

St. ಪೀಟರ್ಸ್‌ಬರ್ಗ್‌ ಟೈಮ್ಸ್ ಪತ್ರಿಕೆ ಯಲ್ಲಿ, ಸ್ಟೀವ್‌ ಪರ್ಸಾಲ್‌ರವರು ಈ ಚಿತ್ರಕ್ಕೆ B- ದರ್ಜೆಯನ್ನು ದಯಪಾಲಿಸಿ ಹೀಗೆಂದರು, "[ಇದೊಂದು] ರಜಾದಿನಗಳ ಋತುವಿನಲ್ಲಿ ಖುಷಿಯೆನಿಸುವಂತಹಾ ರೂಪಕ ಚಿತ್ರವನ್ನು ಕೊಡಲೇಬೇಕೆಂಬ ಬದ್ಧತೆಯಿಂದ ಮಾಡಿರುವ ಚಿತ್ರವಾಗಿದ್ದು ಆ ಜವಾಬ್ದಾರಿಯನ್ನು ಸ್ವಲ್ಪ ಮಟ್ಟಿಗೆ ಹೆಚ್ಚಾಗಿಯೇ ಗಂಭೀರವಾಗಿ ತೆಗೆದುಕೊಂಡಂತಿದೆ . . . ಈ ಚಿತ್ರವು ಬಹಳಷ್ಟು ತೊಂದರೆಗಳನ್ನು ಅವುಗಳಿಗೆ ಪರಿಹಾರಗಳನ್ನೂ ತನ್ನ ಚೇತರಿಸಿಕೊಳ್ಳುವ ಸ್ವಭಾವದ ನಾಯಕನಿಗೆ ನೀಡುತ್ತದೆಂದರೆ ಭಾವಾತಿರೇಕತೆ ಹಾಗೂ ಕಾಕತಾಳೀಯತೆಗಳ ಪ್ರಮಾಣವು ಅದನ್ನು ಅನುಮಾನಿಸುವಂತೆ ಮಾಡುತ್ತದೆ . . . ಕಾನ್ರಾಡ್‌'ರ ಚಿತ್ರಕಥೆಯೇ ಆಗಲಿ ಅಥವಾ ಮುಕ್ಕಿ/ಚ್ಚಿನೋರ ಪುನರಾವರ್ತನೆಯಿಂದ ಕೂಡಿದ ನಿರ್ದೇಶನವಾಗಲಿ ಯಾವುದೂ ನಿಜ ಜೀವನದ ಕ್ರಿಸ್‌‌ನನ್ನು ತನಗಿಂತ ಹೆಚ್ಚು ಶಿಕ್ಷಣ ಪಡೆದಿದ್ದ ಹಾಗೂ ತನಗಿಂತ ಹೆಚ್ಚು ಅನುಭವ ಪಡೆದಿದ್ದ ಅಭ್ಯರ್ಥಿಗಳಿಗಿಂತ ಎತ್ತರದ ಮಟ್ಟಕ್ಕೆ [ಯಾವ ಸಾಮರ್ಥ್ಯ/ಏನು] ಏರಿಸಿತು ಎಂಬುದನ್ನು ತೋರಿಸುವಲ್ಲಿ ವಿಫಲವಾಗಿವೆ, ಆದರೆ ಈ ಚಿತ್ರವು ತನ್ನ ಹೆಗ್ಗಳಿಕೆಯನ್ನು ಈರ್ವರು ಸ್ಮಿತ್‌ಗಳ ಶ್ರದ್ಧಾಪೂರ್ವಕ ಪಾತ್ರ ನಿರ್ವಹಣೆಯಿಂದ ಗಳಿಸಿಕೊಂಡಿದೆ. ಆ ತಂದೆಯು ಎಲ್ಲೋ ವಿರಳವಾಗಿ ಈ ಮಟ್ಟದ ಪರಿಪಕ್ವತೆಯನ್ನು ತನ್ನ ಪರದೆಯ ಮೇಲೆ ಸಾಧಿಸಿರಬಹುದಷ್ಟೇ ; ಅಂತಿಮವಾಗಿ, ಆತನು ಆಸ್ಕರ್‌-ಪ್ರಶಸ್ತಿಗೆ ಅರ್ಹವಾದ ಭಾವಾಭಿವ್ಯಕ್ತಿಯನ್ನು ಸಾಧಿಸಿದ್ದಾರೆ. ಪುಟ್ಟ ಜೇಡೆನ್‌‌ನು ಅಪ್ಪನದೇ ಅಚ್ಚು, ಚಿತ್ರೀಕರಣದ ಛಾಯಾಗ್ರಾಹಿ/ಕ್ಯಾಮರಾಗಳ ಮುಂದೆ ಆತನದು ಅಸಾಮಾನ್ಯ ಸರಾಗವಾದ ಅಭಿನಯ. ಯಾವುದೇ ಒಂದು ಭಿನ್ನಾಭಿಪ್ರಾಯದ ಮೂಲಕ ಕಾನ್ರಾಡ್‌ ಪರೀಕ್ಷಿಸದೇ ಹೋದರೂ ಅವರಿಬ್ಬರ ನಡುವಿನ ನಿಜ ಜೀವನದ ಬಾಂಧವ್ಯವು ಪರದೆಯ ಮೇಲಿನ ಪಾತ್ರಗಳ ಸಂಬಂಧಕ್ಕೆ ಅಮೂಲ್ಯವಾದ ಮೆರುಗನ್ನು ನೀಡಿತ್ತು."^[೮]

ನ್ಯಾಷನಲ್‌ ರಿವ್ಯೂ ಆನ್‌ಲೈನ್‌ ಸಂಸ್ಥೆಯ ಸಮೀಕ್ಷೆಯು ಈ ಚಲನಚಿತ್ರಕ್ಕೆ ತನ್ನ 'ಅತ್ಯುತ್ತಮ ವೈಪರೀತ್ಯವಿಲ್ಲದ/ಮಿತವೆಚ್ಚದ ಚಲನಚಿತ್ರಗಳ ಪಟ್ಟಿ'ಯಲ್ಲಿ #7ನೆಯ ಸ್ಥಾನವನ್ನು ನೀಡಿದೆ. ಸೆಂಟರ್‌ ಫಾರ್‌ ಈಕ್ವಲ್‌ ಆಪರ್ಚುನಿಟಿ ಸಂಸ್ಥೆಯ ಲಿಂಡಾ ಛಾವೆಜ್‌ರು ಹೀಗೆಂದಿದ್ದರು, "ಈ ಚಲನಚಿತ್ರವು ಹಣಕಾಸಿನ ವಿಶ್ವವು ಕೇವಲ ದುರಾಶೆಯಿಂದ ಕೂಡಿದ್ದು ಅವರಲ್ಲಿ ಭಾವನೆಯೇ ಇಲ್ಲ ಎಂದು ಚಿತ್ರಿಸುವ ವಾಲ್‌ಸ್ಟ್ರೀಟ್ ಹಾಗೂ ಇತರೆ ಹಾಲಿವುಡ್‌ ಟೀಕಾತ್ಮಕ ಚಿತ್ರಗಳಿಗೆ ಸೂಕ್ತವಾದ ಪ್ರತ್ಯುತ್ತರವನ್ನು ಕೊಟ್ಟಿದೆ."^[೯]

ಗಲ್ಲಾ ಪೆಟ್ಟಿಗೆ

ಈ ಚಲನಚಿತ್ರವು ಉತ್ತರ ಅಮೇರಿಕಾದ ಗಲ್ಲಾ ಪೆಟ್ಟಿಗೆಗಳಲ್ಲಿ #1ನೇ ಸ್ಥಾನದಲ್ಲಿ ಆರಂಭದಿಂದಲೇ ರಾರಾಜಿಸಿತು, ತನ್ನ ಬಿಡುಗಡೆಯಾದ ವಾರಾಂತ್ಯದಲ್ಲಿಯೇ $27 ದಶಲಕ್ಷ ಮೊತ್ತವನ್ನು ಗಳಿಸಿ ಎರಾಗನ್‌ ಮತ್ತು ಚಾರ್ಲೊಟ್ಟೆ'ಸ್‌‌ ವೆಬ್‌ ನಂತಹಾ ಭರ್ಜರಿ ಪ್ರಚಾರಗಳ ಬೆಂಬಲವನ್ನು ಹೊಂದಿದ್ದ ಚಿತ್ರಗಳನ್ನು ಧೂಳೀಪಟಗೊಳಿಸಿತು. ಈ ಚಿತ್ರವು ವಿಲ್‌‌ ಸ್ಮಿತ್‌‌'ರ ಆರನೇ ಸತತವಾದ #1 ಮಟ್ಟದ ಬಿಡುಗಡೆಗೊಂಡ ಚಿತ್ರವಾಗಿತ್ತು. ಈ ಚಲನಚಿತ್ರವು US ಮತ್ತು ಕೆನಡಾಗಳಲ್ಲಿಯೇ $162,586,036ಗಳ ಗಳಿಕೆಯನ್ನು, ಸ್ಥೂಲವಾಗಿ ಇದೇ ಅದರ ನಿರ್ಮಾಣವೆಚ್ಚದ ಮೂರರಷ್ಟಾಗಿತ್ತು, ಮಾತ್ರವಲ್ಲದೇ ಇನ್ನೂ $141,700,000ಗಳ ಗಳಿಕೆಯನ್ನು ಇತರ ಮಾರುಕಟ್ಟೆಗಳಲ್ಲಿ ಗಳಿಸಿದ ಇದರ ಒಟ್ಟಾರೆ ವಿಶ್ವದಾದ್ಯಂತದ ಗಲ್ಲಾಪೆಟ್ಟಿಗೆ ಗಳಿಕೆಯು $304,286,031ರಷ್ಟಿತ್ತು.

DVD ಮಾರಾಟಗಳು

DVDಯ ರೂಪದಲ್ಲಿ ಈ ಚಲನಚಿತ್ರವನ್ನು ಮಾರ್ಚ್‌ 27, 2007ರಂದು ಬಿಡುಗಡೆಗೊಳಿಸಲಾಯಿತು, ನವೆಂಬರ್‌ 2007ರ ವೇಳೆಗೆ, US ವಲಯ 1ರ DVD ಮಾರಾಟವು ಹೆಚ್ಚುವರಿಯಾಗಿ $89,923,088 ಮೊತ್ತದ ಆದಾಯವನ್ನು ತಂದುಕೊಟ್ಟಿತು, ಈ ಮೊತ್ತವು ಅದು ತನ್ನ ಬಿಡುಗಡೆಯಾದ ವಾರದಲ್ಲಿ ಗಳಿಸಿದ್ದ ಮೊತ್ತದ ಅರ್ಧಕ್ಕಿಂತ ಸ್ವಲ್ಪವೇ ಕಡಿಮೆಯ ಮೊತ್ತವಾಗಿದೆ.^[೧೦] ಸರಿಸುಮಾರು 5,570,577 ಡಿವಿಡಿಗಳನ್ನು ಮಾರಾಟ ಮಾಡಲಾಗಿದ್ದು, ಅವುಗಳಿಂದ ಬಂದ ಆದಾಯವು $90,582,602ರಷ್ಟಿತ್ತು.^[೧೧]

ಪ್ರಶಸ್ತಿ ಪುರಸ್ಕಾರಗಳು

ಅತ್ಯುತ್ತಮ ನಟ ಅಕಾಡೆಮಿ ಪ್ರಶಸ್ತಿ (ವಿಲ್‌‌ ಸ್ಮಿತ್‌‌, ನಾಮನಿರ್ದೇಶಿತ)
ಅತ್ಯುತ್ತಮ ನಟ ಗೋಲ್ಡನ್‌ ಗ್ಲೋಬ್‌ ಪ್ರಶಸ್ತಿ - ರೂಪಕ ಚಲನಚಿತ್ರ/ಮೋಷನ್‌ ಪಿಕ್ಚರ್‌ ಡ್ರಾಮಾ ವಿಭಾಗದಲ್ಲಿ (ವಿಲ್‌‌ ಸ್ಮಿತ್‌‌, ನಾಮನಿರ್ದೇಶಿತ)
ಅತ್ಯುತ್ತಮ ಮೂಲಗೀತೆಗಾಗಿ ಗೋಲ್ಡನ್‌ ಗ್ಲೋಬ್‌ ಪ್ರಶಸ್ತಿ ("A ಫಾದರ್ಸ್‌ ವೇ," ಗೀತಸಾಹಿತ್ಯ ಮತ್ತು ಸಂಗೀತ ಸೀಲ್‌ರಿಂದ, ನಾಮನಿರ್ದೇಶಿತ)
ಅತ್ಯುತ್ತಮ ಚಲನಚಿತ್ರ ಬ್ಲ್ಯಾಕ್‌ ರೀಲ್‌ ಪ್ರಶಸ್ತಿ (ನಾಮನಿರ್ದೇಶಿತ)
ಚಲನಚಿತ್ರ/ಮೋಷನ್‌ ಪಿಕ್ಚರ್‌ ವಿಭಾಗದಲ್ಲಿ ಅತ್ಯುತ್ತಮ ನಟ ಬ್ಲ್ಯಾಕ್‌ ರೀಲ್‌ ಪ್ರಶಸ್ತಿ (ವಿಲ್‌‌ ಸ್ಮಿತ್‌‌, ನಾಮನಿರ್ದೇಶಿತ)
ಅತ್ಯುತ್ತಮ ಮಹತ್ತರ ನಟ ಬ್ಲ್ಯಾಕ್‌ ರೀಲ್‌ ಪ್ರಶಸ್ತಿ (ಜೇಡೆನ್‌‌ ಸ್ಮಿತ್‌, ನಾಮನಿರ್ದೇಶಿತ)
ಮಹೋನ್ನತ ಚಲನಚಿತ್ರ/ಮೋಷನ್‌ ಪಿಕ್ಚರ್‌ ವಿಭಾಗದಲ್ಲಿ NAACP ಇಮೇಜ್‌ ಪ್ರಶಸ್ತಿ (ವಿಜೇತ )
ಚಲನಚಿತ್ರ/ಮೋಷನ್‌ ಪಿಕ್ಚರ್‌ ವಿಭಾಗದಲ್ಲಿ ಮಹೋನ್ನತ ನಟ NAACP ಇಮೇಜ್‌ ಪ್ರಶಸ್ತಿ (ವಿಲ್‌‌ ಸ್ಮಿತ್‌‌, ನಾಮನಿರ್ದೇಶಿತ)
ಚಲನಚಿತ್ರ/ಮೋಷನ್‌ ಪಿಕ್ಚರ್‌ ವಿಭಾಗದಲ್ಲಿ ಮಹೋನ್ನತ ಪೋಷಕ ನಟ NAACP ಇಮೇಜ್‌ ಪ್ರಶಸ್ತಿ (ಜೇಡೆನ್‌‌ ಸ್ಮಿತ್‌, ನಾಮನಿರ್ದೇಶಿತ)
ಚಲನಚಿತ್ರ/ಮೋಷನ್‌ ಪಿಕ್ಚರ್‌ ವಿಭಾಗದಲ್ಲಿ ಮಹೋನ್ನತ ಪೋಷಕ ನಟಿ NAACP ಇಮೇಜ್‌ ಪ್ರಶಸ್ತಿ (ಥಾಂಡೀ ನ್ಯೂಟನ್, ನಾಮನಿರ್ದೇಶಿತ)
ಪ್ರಧಾನ ಪಾತ್ರದಲ್ಲಿನ ನಟನ ಮಹೋನ್ನತ ಅಭಿನಯಕ್ಕಾಗಿ ಸ್ಕ್ರೀನ್‌ ಆಕ್ಟರ್ಸ್ ಗಿಲ್ಡ್‌ ಪ್ರಶಸ್ತಿ - ಚಲನಚಿತ್ರ/ಮೋಷನ್‌ ಪಿಕ್ಚರ್‌ ವಿಭಾಗ (ವಿಲ್‌‌ ಸ್ಮಿತ್‌, ನಾಮನಿರ್ದೇಶಿತ)
ಅತ್ಯುತ್ತಮ ಪುರುಷರ ಅಭಿನಯ ಸಾಧನೆಗೆ MTV ಮೂವೀ ಪ್ರಶಸ್ತಿ (ವಿಲ್‌‌ ಸ್ಮಿತ್‌‌, ನಾಮನಿರ್ದೇಶಿತ)
ಅತ್ಯುತ್ತಮ ಪುರುಷ ಮಹತ್ತರ ಅಭಿನಯಕ್ಕಾಗಿ MTV ಮೂವೀ ಪ್ರಶಸ್ತಿ (ಜೇಡೆನ್‌‌ ಸ್ಮಿತ್‌, ವಿಜೇತ )
ಛಾಯ್ಸ್ ಮೂವೀ: ಮಹೋನ್ನತ ಪುರುಷ ಟೀನ್‌ ಛಾಯ್ಸ್ ಪ್ರಶಸ್ತಿ (ಜೇಡೆನ್‌‌ ಸ್ಮಿತ್‌, ವಿಜೇತ )
ಛಾಯ್ಸ್ ಮೂವೀ: ಸಂಯೋಜನೆ/ಕೆಮಿಸ್ಟ್ರಿ ಟೀನ್‌ ಛಾಯ್ಸ್ ಪ್ರಶಸ್ತಿ (ಜೇಡೆನ್‌‌ ಸ್ಮಿತ್‌ ಮತ್ತು ವಿಲ್‌‌ ಸ್ಮಿತ್‌‌, ವಿಜೇತ )
ಅತ್ಯುತ್ತಮ ನಟ ಬ್ರಾಡ್‌ಕ್ಯಾಸ್ಟ್‌ ಫಿಲ್ಮ್‌ ಕ್ರಿಟಿಕ್ಸ್‌ ಅಸೋಸಿಯೇಷನ್‌ ಪ್ರಶಸ್ತಿ (ವಿಲ್‌‌ ಸ್ಮಿತ್‌‌, ನಾಮನಿರ್ದೇಶಿತ)
ಅತ್ಯುತ್ತಮ ಯುವ ನಟ BFCA ಕ್ರಿಟಿಕ್ಸ್‌ ಛಾಯ್ಸ್‌/ವಿಮರ್ಶಕರ ಆಯ್ಕೆ ಪ್ರಶಸ್ತಿ (ಜೇಡೆನ್‌‌ ಸ್ಮಿತ್‌, ನಾಮನಿರ್ದೇಶಿತ)
ಅತ್ಯುತ್ತಮ ನಟ BET ಪ್ರಶಸ್ತಿ (ವಿಲ್‌‌ ಸ್ಮಿತ್‌‌, ನಾಮನಿರ್ದೇಶಿತ)
ಪ್ರಧಾನ ಅಥವಾ ಪೋಷಕ ಪಾತ್ರದಲ್ಲಿನ ಅತ್ಯುತ್ತಮ ಯುವ ಅಭಿನಯಕ್ಕಾಗಿ PFCS ಪ್ರಶಸ್ತಿ - ಪುರುಷ (ಜೇಡೆನ್‌‌ ಸ್ಮಿತ್‌, ವಿಜೇತ )
ಅತ್ಯುತ್ತಮ ನಟ ಶಿ/ಷಿಕಾಗೋ ಫಿಲ್ಮ್‌ ಕ್ರಿಟಿಕ್ಸ್ ಅಸೋಸಿಯೇಷನ್‌ ಪ್ರಶಸ್ತಿ (ವಿಲ್‌‌ ಸ್ಮಿತ್‌‌, ನಾಮನಿರ್ದೇಶಿತ)
ಅತ್ಯುತ್ತಮ ಸಂಗೀತಕ್ಕಾಗಿ ಇಟಾಲಿಯನ್‌ ನ್ಯಾಷನಲ್‌ ಸಿಂಡಿಕೇಟ್‌ ಆಫ್‌ ಫಿಲ್ಮ್‌ ಜರ್ನಲಿಸ್ಟ್ಸ್‌‌ ಪ್ರಶಸ್ತಿ (ಆಂಡ್ರಿಯಾ ಗುಯೆರ್ರಾ, ನಾಮನಿರ್ದೇಶಿತ)
ಅತ್ಯುತ್ತಮ ವಿದೇಶೀ ಭಾಷೆಯ ಚಲನಚಿತ್ರಕ್ಕಾಗಿ ಡೇವಿಡ್‌ ಡಿ ಡೊನೇಟೆಲ್ಲೋ ಪ್ರಶಸ್ತಿಗಳು (ಗೇಬ್ರಿಯೆಲೆ ಮುಚ್ಚಿ/ಕ್ಕಿನೋ, ನಾಮನಿರ್ದೇಶಿತ)
ವರ್ಷದ ಚಲನಚಿತ್ರ ಕ್ಯಾಪ್ರಿ ಪ್ರಶಸ್ತಿ (ವಿಜೇತ )

ಇವನ್ನೂ ಗಮನಿಸಿ‌

ಟೆಂಪ್ಲೇಟು:Portal

2006ರ ಸಾಲಿನ ಅಮೇರಿಕಾದ ಚಲನಚಿತ್ರಗಳ ಪಟ್ಟಿ

ಉಲ್ಲೇಖಗಳು‌

↑ Sanders, Adrienne (2007-02-09), "Bay Area movies still rolling", San Francisco Business Times
↑ Garchik, Leah (2005-09-19), "Leah Garchik column", San Francisco Chronicle
↑ Mick LaSalle, Chronicle Movie Critic (2006-12-15). "''San Francisco Chronicle'' review". Sfgate.com. Retrieved 2011-02-13.
↑ Dargis, Manohla (2006-12-15). "''New York Times'' review". Movies.nytimes.com. Retrieved 2011-02-13.
↑ "ರಾಲ್ಲಿಂಗ್‌ ಸ್ಟೋನ್‌ ವಿಮರ್ಶೆ". Archived from the original on 2009-07-25. Retrieved 2011-03-10.
↑ Lowry, Brian (2006-12-07). "''Variety'' review". Variety.com. Archived from the original on 2012-12-10. Retrieved 2011-02-13.
↑ Boucher, Geoff (2011-01-26). "''Los Angeles Times'' review". Calendarlive.com. Retrieved 2011-02-13.
↑ "''St. Petersburg Times'' review". Sptimes.com. Archived from the original on 2011-06-04. Retrieved 2011-02-13.
↑ Miller, John (February 23, 2009), The Best Conservative Movies, National Review Online, archived from the original on ಅಕ್ಟೋಬರ್ 22, 2010, retrieved August 19, 2009
↑ "''The Pursuit of Happyness'' at TheNumbers.com". The-numbers.com. Archived from the original on 2011-06-11. Retrieved 2011-02-13.
↑ "The Pursuit of Happyness - DVD Sales". The Numbers. Archived from the original on 2011-06-11. Retrieved 2011-02-13.

ಬಾಹ್ಯ ಕೊಂಡಿಗಳು‌

[1] Sanders, Adrienne (2007-02-09), "Bay Area movies still rolling", San Francisco Business Times

[2] Garchik, Leah (2005-09-19), "Leah Garchik column", San Francisco Chronicle

[3] Mick LaSalle, Chronicle Movie Critic (2006-12-15). "''San Francisco Chronicle'' review". Sfgate.com. Retrieved 2011-02-13.

[4] Dargis, Manohla (2006-12-15). "''New York Times'' review". Movies.nytimes.com. Retrieved 2011-02-13.

[5] "ರಾಲ್ಲಿಂಗ್‌ ಸ್ಟೋನ್‌ ವಿಮರ್ಶೆ". Archived from the original on 2009-07-25. Retrieved 2011-03-10.

[6] Lowry, Brian (2006-12-07). "''Variety'' review". Variety.com. Archived from the original on 2012-12-10. Retrieved 2011-02-13.

[7] Boucher, Geoff (2011-01-26). "''Los Angeles Times'' review". Calendarlive.com. Retrieved 2011-02-13.

[8] "''St. Petersburg Times'' review". Sptimes.com. Archived from the original on 2011-06-04. Retrieved 2011-02-13.

[9] Miller, John (February 23, 2009), The Best Conservative Movies, National Review Online, archived from the original on ಅಕ್ಟೋಬರ್ 22, 2010, retrieved August 19, 2009

[10] "''The Pursuit of Happyness'' at TheNumbers.com". The-numbers.com. Archived from the original on 2011-06-11. Retrieved 2011-02-13.

[11] "The Pursuit of Happyness - DVD Sales". The Numbers. Archived from the original on 2011-06-11. Retrieved 2011-02-13.

[೧]

[೨]

[೩]

[೪]

[೫]

[೬]

[೭]

[೮]

[೯]

[೧೦]

[೧೧]