ಟೀರೋಫೋರಿಡೀ
![](http://upload.wikimedia.org/wikipedia/commons/thumb/9/9b/Emmelina_monodactyla_MHNT.jpg/220px-Emmelina_monodactyla_MHNT.jpg)
ಟೀರೋಫೋರಿಡೀ -ಲೆಪಿಡಾಪ್ಪರ ಗಣಕ್ಕೆ ಸೇರಿದ ಒಂದು ಕುಟುಂಬ. ಇದಕ್ಕೆ ಸೇರಿದ ಪತಂಗಗಳ ರೆಕ್ಕೆಗಳು ಹಕ್ಕಿಗಳ ಗರಿಗಳಂತೆ ವಿಭಾಗಗಳಾಗಿ ಸೀಳಿರುವುದರಿಂದ ಇವನ್ನು ಗರಿಪತಂಗಗಳು (ಪ್ಲೂಮ್ ಮಾತ್ಸ್) ಎಂದು ಕರೆಯಲಾಗುತ್ತದೆ.
ಇವು ತುಂಬ ಚಿಕ್ಕಗಾತ್ರದ, ತೆಳುದೇಹದ ಕೀಟಗಳು. ಮೈ ಬಣ್ಣ ಬೂದಿ ಇಲ್ಲವೆ ಕಂದು. ಒಂದು ಜೊತೆ ಮುಂದಿನ ರೆಕ್ಕೆಗಳು ಮತ್ತು ಒಂದು ಜೊತೆ ಹಿಂದಿನ ರೆಕ್ಕೆಗಳು ಉಂಟು. ಮುಂದಿನ ರೆಕ್ಕೆಗಳು ಎರಡು ವಿಭಾಗಗಳಾಗಿಯೂ ಹಿಂದಿನವು ಎರಡು ವಿಭಾಗಗಳಾಗಿಯೂ ಸೀಳಿಕೊಂಡಿವೆ. ಕಾಲುಗಳು ಬಲು ಉದ್ದವಾಗಿವೆ. ಮೊಣಕಾಲಿನ ಮೇಲೆ ಚಾಚಿಕೊಂಡಿರುವ ಮುಳ್ಳುಗಳಿವೆ (ಸ್ಪರ್ಸ್). ಡಿಂಬಗಳ ಉದರಭಾಗದಲ್ಲಿನ ಕಾಲುಗಳು ಬಲು ಉದ್ದ. ಅಲ್ಲದೆ ಡಿಂಬಗಳ ಮೈಮೇಲೆ ಆನುಷಂಗಿಕ ಬಿರುಗೂದಲುಗಳಿವೆ. ಡಿಂಬಗಳು ತರಕಾರಿ ಮತ್ತು ಹಣ್ಣಿನ ಗಿಡಗಳ ಎಲೆ ಮತ್ತು ಕಾಂಡಗಳನ್ನು ತಿನ್ನುವುದರಿಂದ ಕೆಲವು ಸಲ ಅಪಾರ ನಷ್ಟವನ್ನುಂಟುಮಾಡುವುವು. ಉದಾಹರಣೆ: ಟೀರೋಫೋರಸ್ ಪೆರಿಸ್ಕಲಿಡ್ಯಾಕ್ಟಿಲಸ್-ದ್ರಾಕ್ಷಿ ಗಿಡಕ್ಕೂ ಹತ್ತುವ ಎಕ್ಸೆಲಾಸ್ಟಿಸ್ ಅಟಮೋಸ ಮತ್ತು ಸ್ಫೀನಾರ್ಕಿಸ್ ಕ್ಯಾಫರ್-ಸೋರೆಕಾಯಿಗೂ ಎರಗುವ ಪತಂಗಗಳು.
![](http://upload.wikimedia.org/wikipedia/commons/thumb/4/4c/Wikisource-logo.svg/50px-Wikisource-logo.svg.png)