ಜೈವಿಕ ಸಂಶ್ಲೇಷಣ ಕ್ರಿಯಾಕಾರಕ

ವಿಕಿಪೀಡಿಯ ಇಂದ
Jump to navigation Jump to search

DRDO/DFRL (ರಕ್ಷಣಾ ಆಹಾರ ಸಂಶೋಧನಾಲಯ,ಮೈಸೂರು) ಸ೦ಸ್ಥೆಯವರು ಒಂದು ಜೈವಿಕ-ಸಂಶ್ಲೇಷಣ ಕ್ರಿಯಾಕಾರಕವನ್ನು ಅಭಿವೃದ್ಧಿಗೊಳಿಸಿದ್ದಾರೆ. ಇದರಿಂದಾಗಿ ವಿವಿಧ ರೀತಿಯ ಸೂಕ್ಷ್ಮ ರಾಸಾಯನಿಕಗಳಾದ ಜೈವಿಕ ಪಾಲಿಮರುಗಳು (ಬಹ್ವ೦ಗಿಗಳು), ಜೈವಿಕ ಸಂರಕ್ಷಕ ಲೇಪನಗಳು (bio preservative coatings), ಮತ್ತು ಕೂರ್ಚ ಪಟಲಗಳೇ (packing films) ಮುಂತಾದುವುಗಳ ನಿಯಂತ್ರಣ, ಮಾಪನ ಹಾಗೂ ಸಂಸ್ಕರಣಗಳಲ್ಲಿ ಇದು ನೆರವಾಗುತ್ತದೆ.

ತಾಜಾ ಉತ್ಪನ್ನಗಳ ಜೀವಿತಾವಧಿಯನ್ನು ಹೆಚ್ಚಿಸುವ ಸಲುವಾಗಿ ಪರಿಸರ-ಸ್ನೇಹಿ ಅಡಕು ವ್ಯವಸ್ಥೆಗಳನ್ನು ಸೂಕ್ತವಾಗಿ ಬದಲಾಯಿಸಲೂ ಸಹ ಇದು ನೆರವಾಗುವುದು. ಈ ವ್ಯವಸ್ಥೆಯು ಸರಳ, ಸುಲಭವಾಗಿ ಒಯ್ಯಬಹುದಾದ ಹಾಗೂ ಅಗ್ಗ ಬೆಲೆಯದ್ದಾಗಿದೆ. ಈ ಉಪಕರಣವನ್ನು ಕೊಬ್ಬಿನ ಅಂಶಗಳ ಸ್ಥಳಾಂತರ, ಪಾಯಸ ಸ್ಥಿರಕಾರಕಗಳು, (emulsion stabilizers)ಮಂದ್ರಕಾರಕಗಳು (thickeners), ವಿಲಂಬನಕಾರಕಗಳು (suspending agents), ಜೆಲ್ ಕಾರಕಗಳು (gelling agents), ನಾರು ಮೂಲಗಳು (fibre sources), ಅಥವಾ ಹೈಡ್ರೊಕೊಲ್ಲಾಯ್ಡು ಮಿಶ್ರಣ (ಉಷ್ಣತೆ ಸಹಿತ/ರಹಿತ) ಮತ್ತು ಅಧಿಕ ವೇಗದ ವಪನ ಪ್ರಕ್ರಿಯೆಗಳ (shear processing)ಮೂಲಕ ಬಾಯಿ ರುಚಿಯನ್ನು ಹೆಚ್ಚಿಸುವ ಉತ್ಪನ್ನಗಳನ್ನು ತಯಾರಿಸಲು ಬಳಸಬಹುದಾಗಿದೆ. ೧೫೦ ಡಿಗ್ರಿ ಸೆ. ಗಳವರೆಗೂ ತಾಪವನ್ನು ಹೆಚ್ಚಿಸಬಹುದಾಗಿದೆ.

ತಾಪ, ಒತ್ತಡ, ಭ್ರಾಮಕ (torque) ಕ್ಷೋಭೆಯ ಗತಿ (agitation speed), ಉಣಿಸುವಿಕೆಯ ಪ್ರಮಾಣ, ಮತ್ತು ಜಡ ಪರಿಸರದಲ್ಲಿನ ಆವರ್ತನ ಕ್ರಿಯೆ ಮೊದಲಾದ ಪರಿಮಿತಿಗಳನ್ನು ಪ್ರಶಸ್ತೀಕರಣಗೊಳಿಸಬಹುದಾಗಿದೆ. ಆದರೆ ಇವು ಸಂಶ್ಲೇಷಿತಗೊಳ್ಳುವ ಜೈವಿಕ ಪಾಲಿಮರುಗಳ ಮೇಲೆ ಅವಲಂಬಿತಗೊಳ್ಳುತ್ತದೆ. ಪ್ರಕೃತಿಯಲ್ಲಿ ಹೇರಳವಾಗಿ ಸಿಗುವ ಕೃಷಿ ಮೂಲದ ಜೈವಿಕ ಪಾಲಿಮರುಗಳ (ಸಸ್ಯ/ಪ್ರಾಣಿ ಸಸಾರಜನಕ) ಮೌಲ್ಯ ವರ್ಧನೆಗೆ ಇದು ಸೂಕ್ತವಾಗಿದೆಯಲ್ಲದೆ ಹಲವಾರು ಆಹಾರ ಸಂಸ್ಕರಣ ಉದ್ಯಮಗಳ ಸಹ-ಉತ್ಪಾದನೆಗಳಿಗೆ ಅವಕಾಶಗಳನ್ನು ಒದಗಿಸುತ್ತದೆ. ಇದರಿಂದಾಗಿ ಸಂಶ್ಲೇಷಿತ ಪಟಲಗಳು ಉಂಟು ಮಾಡುವ ಪರಿಸರ ಹಾನಿ ಹಾಗೂ ಆರೋಗ್ಯ ಅಪಾಯಗಳನ್ನು ಗಣನೀಯವಾಗಿ ಕಡಿಮೆ ಮಾಡಬಹುದು. ಆಹಾರ ವಿಜ್ಞಾನಿಗಳು ಮತ್ತು ತಂತ್ರಜ್ಞರು, ಅಡಕು ವಿಜ್ಞಾನಿಗಳು ಮತ್ತು ತಂತ್ರಜ್ಞರು, ಸಸಾರಜನಕ ರಾಸಾಯನಿಕರು, ಪಾಲಿಮರ್ ತಜ್ಞರು ಮೊದಲಾದ ಸಂಶೋಧನೆ ಮತ್ತು ಅಭಿವೃದ್ಧಿ ಕ್ಷೇತ್ರದಲ್ಲಿ ನಿರತರಾಗಿರುವವರು ಈ ಕ್ರಿಯಾಕಾರಕದಿಂದ ಲಾಭ ಪಡೆಯಬಹುದು