ಜಾಫರಾಬಾದ್
ಜಾಫರಾಬಾದ್ - ಈಗಿನ ಗುಜರಾತ್ ರಾಜ್ಯದಲ್ಲಿಯ ಒಂದು ಪಟ್ಟಣ; ಜಾನ್‍ಪುರ ತಹಸೀಲಿನ ಅದೇ ಹೆಸರಿನ ಕಸಬೆ. ಉ.ಅ 25º 41` ಮತ್ತು ಪೂ.ರೇ. 82º 44` ಮೇಲೆ, ಜೌನ್ ಪುರದಿಂದ ಆಗ್ನೇಯಕ್ಕೆ 5 ಮೈ. ಮತ್ತು ಮುಂಬಯಿಯಿಂದ 135 ಮೈ.ದೂರದಲ್ಲಿ ಇದೆ. ಸಮುದ್ರ ದಂಡೆಯಿಂದ ಒಂದು ಮೈ.ಮೇಲೆ ರಣಾಯಿ ನದಿಯ ತೀರದಲ್ಲಿದೆ. ಈ ನದಿ ಜನಮಾರ್ಗಕ್ಕೆ ಅನುಕೂಲವಾದ್ದರಿಂದ ವ್ಯಾಪಾರ ವ್ಯವಹಾರಕ್ಕೆ ತುಂಬ ಅನುಕೂಲಕರ. ಇಲ್ಲಿಯ ವಾರ್ಷಿಕ ಮಳೆ 25.
ಸಜ್ಜೆ, ಗೋಧಿ, ಮತ್ತು ಹತ್ತಿ ಇಲ್ಲಿಯ ಮುಖ್ಯ ಬೆಳೆಗಳು. ಕಟ್ಟಡಗಳನ್ನು ಕಟ್ಟಲು ಕಲ್ಲುಚಪ್ಪಡಿಗಳು ಇಲ್ಲಿ ಸಿಕ್ಕುತ್ತವೆ. ದಪ್ಪ ಹತ್ತಿ ಬಟ್ಟೆಗಳು ತಯಾರಾಗುತ್ತವೆ.
ಇತಿಹಾಸ
[ಬದಲಾಯಿಸಿ]ಇದೊಂದು ಪ್ರಾಚೀನ ನಗರ. ಬುದ್ಧನ ಕಾಲದಲ್ಲಿ ಇದನ್ನು ಮನೈಭ ಎಂಬ ಹೆಸರಿನಿಂದ ಕರೆಯಲಾಗುತ್ತಿತ್ತೆಂದು ತಿಳಿದು ಬಂದಿದೆ. ಜಾಫರಾಬಾದ್ ಹಿಂದಿನ ಜಂಜೀರಾ ಸಂಸ್ಥಾನದ ನವಾಬನ ಆಡಳಿತದಲ್ಲಿತ್ತು. 1621ರಲ್ಲಿ ಘಿಯಾಸ್-ಉದ್-ದೀನ್ ತುಘಲಕನ ಮಗ ಈ ನಗರವನ್ನು ಗೆದ್ದದ್ದರಿಂದ ಇದಕ್ಕೆ ಜಾಫರಾಬಾದ್ ಎಂಬ ಹೆಸರು ಬಂತೆನ್ನಲಾಗಿದೆ. ನಗರದ ಸುತ್ತಮುತ್ತ ಪ್ರಾಚೀನ ಕಟ್ಟಡಗಳ ಅನೇಕ ಭಗ್ನಾವಶೇಷಗಳನ್ನು ಕಾಣಬಹುದು.
