ಕೀಮೋಥೆರಪಿ
ಆಧುನಿಕ ಕೀಮೋಥೆರಪಿಯ ಜನಕರೆನಿಸಿರುವ ಸಿಡ್ನಿ ಫ಼ಾರ್ಬರ್.
ಕೀಮೋಥೆರಪಿ ಮುಖ್ಯವಾಗಿ "ನವಾಂಗಾಂಶ ನಿರೋಧಕ" ಔಷಧ (ಆಂಟಿನೀಯಪ್ಲಾಸ್ಟಿಕ್ ಡ್ರಗ್) ಅಥವಾ ಅಂತಹ ಔಷಧಗಳ ಸಂಯೋಗವನ್ನು ಪ್ರಮಾಣಬದ್ಧ ಚಿಕಿತ್ಸಾ ಕ್ರಮದಲ್ಲಿ ಬಳಸಿ ನಡೆಸಲಾಗುವ ಕ್ಯಾನ್ಸರ್‍ನ ಚಿಕಿತ್ಸೆಯನ್ನು ಸೂಚಿಸುತ್ತದೆ. ಕೆಲವು ಕೀಮೋಥೆರಪಿ ರಾಸಾಯನಿಕಗಳು, ಆಂಕಲೋಸಿಂಗ್ ಸ್ಪಾಂಡ್ಲೈಟಿಸ್, ಮಲ್ಟಿಪಲ್ ಸ್ಕ್ಲಿರೋಸಿಸ್, ಕ್ರೋನ್‍ನ ಕಾಯಿಲೆ, ಸರಾಯಸಿಸ್, ಸರಾಯಟಿಕ್ ಆರ್ಥ್ರೈಟಿಸ್, ರೂಮಟಾಯ್ಡ್ ಆರ್ಥ್ರೈಟಿಸ್, ಮತ್ತು ಸ್ಕ್ಲೀರಡರ್ಮಾವನ್ನು ಒಳಗೊಂಡಂತೆ, ಇತರ ಪರಿಸ್ಥಿತಿಗಳ ಚಿಕಿತ್ಸೆಯಲ್ಲೂ ಪಾತ್ರ ಹೊಂದಿರುತ್ತವೆ. ಬಹುತೇಕ ಸಾಮಾನ್ಯ ಕೀಮೋಥೆರಪಿ ರಾಸಾಯನಿಕಗಳು, ಬಹುತೇಕ ಕ್ಯಾನ್ಸರ್ ಜೀವಕೋಶಗಳ ಪ್ರಮುಖ ಗುಣಲಕ್ಷಣಗಳ ಪೈಕಿ ಒಂದಾದ, ಕ್ಷಿಪ್ರವಾಗಿ ವಿಭಜನೆಗೊಳ್ಳುವ ಜೀವಕೋಶಗಳನ್ನು ಕೊಲ್ಲುವ ಮೂಲಕ ಕಾರ್ಯನಿರ್ವಹಿಸುತ್ತವೆ.[೧]
ಕೀಮೋಥೆರಪಿಕ್ಯಾನ್ಸರ್ ಚಿಕಿತ್ಸೆಯ ಒಂದು ವರ್ಗವಾಗಿದ್ದು ಅದು ಒಂದು ಅಥವ ಹಲವಾರು ಕ್ಯಾನ್ಸರ್ ಔಷಧಗಳನ್ನು ಉಪಯೋಗಿಸುತ್ತದೆ.