ಕಿಕ್ಕೇರಿ

ವಿಕಿಪೀಡಿಯ ಇಂದ
Jump to navigation Jump to search



ಕಿಕ್ಕೇರಿ ಮಂಡ್ಯ ಜಿಲ್ಲೆಯ ಕೃಷ್ಣರಾಜಪೇಟೆ ತಾಲ್ಲೂಕಿನ ಒಂದು ಹೋಬಳಿ ಕೇಂದ್ರ. ೧೯೮೦ರವರೆಗೆ ಇದು ತಾಲ್ಲೂಕು ಕೇಂದ್ರವೇ ಆಗಿತ್ತು. ಹೊಯ್ಸಳರ ಕಾಲದಲ್ಲಿ ಇದು ಅಗ್ರಹಾರವಾಗಿತ್ತು. ಸರ್ವಜ್ನಪುರಿ ಎಂಬ ಹೆಸರೂ ಗ್ರಾಮಕ್ಕಿದೆ. ಕೈಮಗ್ಗದ ವಸ್ತ್ರಗಳಿಗೂ ಈ ಗ್ರಾಮ ಹೆಸರುವಾಸಿ. ಗ್ರಾಮದಲ್ಲಿ ಹೊಯ್ಸಳ ಶಿಲ್ಪಕಲೆಯ ಬ್ರಹ್ಮೇಶ್ವರ ದೇವಾಲಯ ಇದೆ. ಹೊಯ್ಸಳ ದೊರೆ ಒಂದನೇ ನರಸಿಂಹನ ಕಾಲದಲ್ಲಿ ಬಮ್ಮವ್ವೆ ನಾಯಕಿತಿ ಎಂಬಾಕೆ ಕ್ರಿ.ಶ.೧೧೭೧ ರಲ್ಲಿ ಈ ಏಕಕೂಟ ದೇವಾಲಯ ಕಟ್ಟಿ ಸಿದಳು ಎಂದು ದಾಖಲೆಗಳು (ಶಾಸನ- ಕೃ.ಪೇ.೨೭) ತಿಳಿಸುತ್ತವೆ. ಇಲ್ಲಿನ ಗ್ರಾಮದೇವತೆ ಕಿಕ್ಕೇರಮ್ಮ ನ ದೇವಾಲಯ ಬೃಹತ್ ಆಕಾರವನ್ನು ಹೊಂದಿದ್ದು, ವಿಜಯನಗರದ ಹರಿಹರ - ಬುಕ್ಕರಾಯರ ಕಾಲದಲ್ಲಿ ನಿರ್ಮಾಣವಾದದ್ದು ಎಂದು ಹೇಳಲಾಗುತ್ತದೆ. ಕಿಕ್ಕೇರಮ್ಮನ ಹಬ್ಬದ ಸಂದರ್ಭದಲ್ಲಿ ಕೊಂತನನ್ನು ಕುಣಿಸುವ ಆಚರಣೆ ವಿಶಿಷ್ಟ್ವ ವಾದದ್ದು. ವಸಂತನ ಆಗಮನದ ಹಿನ್ನೆಲೆಯಲ್ಲಿ ನಡೆಯುವ ಈ ಹಬ್ಬ ಜಾನಪದೀಯ ಹಿನ್ನೆಲೆ ಹೊಂದಿದೆ. ದಿಮ್ಮಸಾಲೆ ಎಂಬ ದೇವರ ಗುಡ್ಡ ಜನರ ಲೈಂಗಿಕ ಭಾವನೆಗಳನ್ನು ಸಾಂಕೇತೀಕರಿಸಿ ಅಶ್ಲೀಲ ಹಾಡುಗಳ ಜೊತೆಗೆ ಶಿಶ್ನಾಕಾರದ ಕೊಂತವನ್ನು ಕುಣಿಸುತ್ತಾನೆ. ದೇವತೆಯನ್ನು ಒಲಿಸಿಕೊಳ್ಳ ಲು ಈ ಪದ್ದತಿ ಅನುಸರಿಸಲಾಗುತ್ತದೆ ಎಂಬುದು ಹಿರಿಯರ ಅಭಿಪ್ರಾಯ. ಮಹಾತ್ಮಾ ಗಾಂಧೀಜಿ ೧೯೪೨ರಲ್ಲಿ ಕರೆ ನೀಡಿದ ಕ್ವಿಟ್ ಇಂಡಿಯಾ ಚಳವಳಿಗೆ ಇಲ್ಲಿನ ಜನ ಓಗೊಟ್ಟಿದ್ದು ಹೆಮ್ಮೆಯ ಸಂಗತಿ. ಕಾನೂನು ಉಲ್ಲಂಘನೆ ಹಾಗೂ ಸಾರ್ವಜನಿಕ ಆಸ್ತಿಪಾಸ್ತಿ ಹಾಳುಮಾಡುವ ಯೋಜನೆಗಳ ಭಾಗವಾಗಿ ೧೯೪೨ರ ಸೆಪ್ಟೆಂಬರ್ ೧೯ರ ರಾತ್ರಿ ಕಿಕ್ಕೇರಿ ಮತ್ತು ಆನೆಗೊಳ ನಡುವಿನ ಚನ್ನರಾಯಪಟ್ಟಣ ಮಾರ್ಗದಲ್ಲಿ ಸಾವಿರಾರು ಅಡಿಗಳಷ್ಟು ಟೆಲಿಗ್ರಾಫ್ ತಂತಿಯನ್ನು ಕತ್ತರಿಸಿ ಹಾಕಿ, ಕಂಬಗಳನ್ನು ಮುರಿದು ಹಾಕಲಾಯಿತು ಎಂದು ಚರಿತ್ರೆಯ ಪುಟಗಳು ತಿಳಿಸುತ್ತವೆ.

ಪ್ರಸಿದ್ಧ ವ್ಯಕ್ತಿಗಳು[ಬದಲಾಯಿಸಿ]

  • ಕರ್ನಾಟಕ ಉಚ್ಚ ನ್ಯಾಯಾಲಯದ ನಿವೃತ್ತ ನ್ಯಾಯಾಧೀಶ ಗದ್ದೆಹೊಸೂರಿನ ಜಿ.ಪಿ.ಜಗದೀಶ್
  • ಮಾಜಿ ಜಿಲ್ಲಾ ಪಂಚಾಯಿ ಉಪಾದ್ಯಕ್ಷ ಕೆ.ಎಸ್ ಪ್ರಭಾಕರ್.
  • ಮಾಜಿ ತಾಲ್ಲೂಕು ಪಂಚಾಯಿತಿ ಅದ್ಯಕ್ಷ ಕಿಕ್ಕೇರಿ ಸುರೇಶ್.
  • ಕೃಷಿಕ ದಬ್ಬೇಘಟ್ಟದ ಪುಟ್ಟೇಗೌಡ,
  • ಹಿರಿಯ ಪೋಲಿಸ್ ಅಧಿಕಾರಿ ಶರತ್ ಚಂದ್ರು,
  • ಕಾಡುಗಳ್ಳ ವೀರಪ್ಪನ್ ಗುಂಡಿಗೆ ಬಲಿಯಾದ ಪೋಲಿಸ್ ಅಧಿಕಾರಿ ದಬ್ಬೇಘಟ್ಟದ ಡಿ.ಪಿ.ಜಗನ್ನಾಥ್,
  • ತಾಲ್ಲೂಕು ಪಂಚಾಯಿತಿ ಉಪಾದ್ಯಕ್ಷ ವಡ್ಡರಹಳ್ಳಿ ರವಿ,
  • ಸ್ವಾತಂತ್ರ್ಯ ಹೋರಾಟಗಾರ್ತಿ ಐನೋರಹಳ್ಳಿಯ ಸಾವಿತ್ರಮ್ಮ
  • ಹಿರಿಯ ಪತ್ರಕರ್ತರಾದ ಕಿಕ್ಕೇರಿ ಶ್ರೀನಿವಾಸ್.
  • ಪತ್ರಕರ್ತರಾದ ಕಿಕ್ಕೇರಿ ಕೆ.ಆರ್.ಲೋಕೇಶ್ ಕುಮಾರ್.
  • ಪತ್ರಕರ್ತ ಸೊಳ್ಳೇಪುರ ಶಂಭು (ಗೌಡ).

ಪ್ರಮುಖ ದೇವಾಲಯಗಳು[ಬದಲಾಯಿಸಿ]

  • ಮಲ್ಲೇಶ್ವರ,
  • ಜನಾರ್ಧನ,
  • ದೊಡ್ಡ ನರಸಿಂಹಸ್ವಾಮಿ,
  • ಚಿಕ್ಕ ನರಸಿಂಹಸ್ವಾಮಿ