ಕಲಾಕೃತಿ (ಸಾಂಸ್ಕೃತಿಕ ಉತ್ಸವ)

ಕಲಾಕೃತಿಯು ಚೆನ್ನೈನ ಅಣ್ಣಾ ವಿಶ್ವವಿದ್ಯಾಲಯದ ಅಲಗಪ್ಪ ಕಾಲೇಜ್ ಆಫ್ ಟೆಕ್ನಾಲಜಿಯ ವಿದ್ಯಾರ್ಥಿಗಳು ಆಯೋಜಿಸುವ ವಾರ್ಷಿಕ ಅಂತರ ಕಾಲೇಜು ಸಾಂಸ್ಕೃತಿಕ ಉತ್ಸವವಾಗಿದೆ. ಆರಂಭದಲ್ಲಿ ಮದ್ರಾಸ್ ನಗರದಲ್ಲಿ ವಿದ್ಯಾರ್ಥಿಗಳು ಕಲೆಯನ್ನು ತೊಡಗಿಸಿಕೊಳ್ಳಲು 1983ರಲ್ಲಿ ಈ ಕಾರ್ಯಕ್ರಮವನ್ನು ಪ್ರಾರಂಭಿಸಲಾಯಿತು. ಮತ್ತು 1984 ರಿಂದ ತಮಿಳುನಾಡಿನಾದ್ಯಂತದ ಕಲಾವಿದರನ್ನು ಆಕರ್ಷಿಸಿತು. ಇದು ಸಾಮಾನ್ಯವಾಗಿ ಫೆಬ್ರವರಿಯಲ್ಲಿ ನಡೆಯುತ್ತದೆ ಮತ್ತು ಕಲೆ, ಸಂಗೀತ ಮತ್ತು ಜೀವ ವೈವಿಧ್ಯದ ಮೂರು ದಿನಗಳ ಆಚರಣೆಯಾಗಿದೆ. ಇದರ ಪ್ರಮುಖ ಅಂಶವೆಂದರೆ, ಅಂಗಾಂಗ ದಾನದ ಜಾಗೃತಿ. ಕಲಾಕೃತಿಯ 13ನೇ ವರ್ಷದಲ್ಲಿ ವಿದ್ಯಾರ್ಥಿಗಳು ಲೋಕೋಪಕಾರಿ ಧ್ಯೇಯವಾಕ್ಯ ಕೈಗೊಂಡರು. ಅಲ್ಲಿ ಯುವ ವಿದ್ಯಾರ್ಥಿಗಳು ತಮ್ಮ ಅಂಗಾಂಗಗಳನ್ನು ದಾನ ಮಾಡಲು ಸಹಿ ಹಾಕಿದರು, ಇದನ್ನು ಪ್ರಸಿದ್ಧ ರಾಜಕಾರಣಿಗಳು ಮತ್ತು ಕಾರ್ಯಕರ್ತರು ಹೆಚ್ಚು ಶ್ಲಾಘಿಸಿದರು ಮತ್ತು ಪ್ರೋತ್ಸಾಹಿಸಿದರು . ಈ ಉತ್ಸವವು ಪ್ರಬಂಧ ಬರವಣಿಗೆ, ಚರ್ಚೆ, ಸಾಹಿತ್ಯಿಕ ಚಟುವಟಿಕೆಗಳು, ವಿಡಿಯೋ ಡಬ್ಬಿಂಗ್ ಮತ್ತು ವೈವಿಧ್ಯಮಯ ಪ್ರದರ್ಶನಗಳಂತಹ ನಾಟಕೀಯ ಚಟುವಟಿಕೆಗಳು, ಗುಂಪು ಮತ್ತು ಏಕವ್ಯಕ್ತಿ ಗಾಯನ ಕಾರ್ಯಕ್ರಮಗಳು, ಗುಂಪು ಮತ್ತು ಏಕವ್ಯಕ್ತಿ ನೃತ್ಯ, ರಸಪ್ರಶ್ನೆಗಳು, ಆಟವಾಡುವುದು, ನಿರ್ದೇಶನ, ನೃತ್ಯ, ಛಾಯಾಗ್ರಹಣ ಮತ್ತು ಕುಂಬಾರಿಕೆ ಕುರಿತ ಕಾರ್ಯಾಗಾರಗಳು, ಚಲನಚಿತ್ರೋದ್ಯಮದ ಗಣ್ಯರೊಂದಿಗೆ ಸಂವಾದದ ಸೆಷನ್ಸ್ ಮುಂತಾದ ಕಾರ್ಯಕ್ರಮಗಳನ್ನು ನಡೆಸಿ ಕೊಡುತ್ತದೆ.

ವಿದ್ಯಾರ್ಥಿಗಳ ಸಂಘ ಮತ್ತು ಕಲಾ ಸಂಘ

ಅಳಗಪ್ಪ ತಂತ್ರಜ್ಞಾನ ಕಾಲೇಜಿನ ವಿದ್ಯಾರ್ಥಿ ಸಂಘ ಮತ್ತು ಕಲಾ ಸಂಘಗಳು ಕಲಾಕೃತಿಯನ್ನು ಆಯೋಜಿಸುತ್ತವೆ. ಇದು ವಿದ್ಯಾರ್ಥಿಗಳಿಂದ ನಡೆಸಲ್ಪಡುವ ಸಂಸ್ಥೆಯಾಗಿದ್ದು, ವಿವಿಧ ರೀತಿಯ ಕಲೆಗಳನ್ನು ಪೋಷಿಸಲು ಮತ್ತು ಚಿತ್ರಿಸಲು ಬದ್ಧವಾಗಿದೆ. ವಿದ್ಯಾರ್ಥಿಗಳಿಂದ ವಾರ್ಷಿಕವಾಗಿ ಪಧಾಧಿಕಾರಿಗಳನ್ನು ಆಯ್ಕೆ ಮಾಡಲಾಗುತ್ತದೆ.

ಚಟುವಟಿಕೆಗಳು ಮತ್ತು ಕಾರ್ಯಕ್ರಮಗಳು

ಈ ಕಾರ್ಯಕ್ರಮವು ಮೂರು ದಿನ ಮತ್ತು ರಾತ್ರಿಗಳಲ್ಲಿ ನಡೆಯುತ್ತದೆ. ಮೂರು ದಿನಗಳ ಸಂಜೆ ನಡೆಯುವ ಸಂಗೀತ ಕಚೇರಿ, ವೈವಿಧ್ಯಮಯ ಪ್ರದರ್ಶನ ಮತ್ತು ನೃತ್ಯ-ರಾತ್ರಿಗಳು ಮುಖ್ಯ ಕಾರ್ಯಕ್ರಮಗಳಾಗಿವೆ. ಇದರ ಆರಂಭದಿಂದಲೂ, ಕಲಾಕೃತಿಯು ಸೆಲೆಬ್ರಿಟಿಗಳ ಶ್ರೇಣಿಯನ್ನು ಆಯೋಜಿಸುತ್ತದೆ. ಇದು ಉತ್ಸವದ ಯಶಸ್ಸಿಗೆ ಕಾರಣವಾಗಿದೆ ಮತ್ತು ಉತ್ಸವದ ಸಂಭ್ರಮವನ್ನು ಹೆಚ್ಚಿಸಿದೆ.

ಕಲಾಕೃತಿ ಉತ್ಸವವು ಈ ಕೆಳಗಿನ ಕಾರ್ಯಕ್ರಮಗಳನ್ನು ಒಳಗೊಂಡಿವೆ:

ಪ್ರಬಂಧ ಬರವಣಿಗೆ, ಚರ್ಚೆ, ಜಾಮ್, ಜಾಹೀರಾತು-ಜಾಪ್ ಮತ್ತು ತಾತ್ಕಾಲಿಕ ಭಾಷಣಗಳಂತಹ ಸಾಹಿತ್ಯಿಕ ಚಟುವಟಿಕೆಗಳು, ವಿಡಿಯೋ ಡಬ್ಬಿಂಗ್ ಮತ್ತು ವೈವಿಧ್ಯಮಯ ಪ್ರದರ್ಶನಗಳಂತಹ ನಾಟಕೀಯ ಚಟುವಟಿಕೆಗಳು, ಗುಂಪು ಮತ್ತು ಏಕವ್ಯಕ್ತಿ ಗಾಯನ ಕಾರ್ಯಕ್ರಮಗಳು, ಗುಂಪು ಮತ್ತು ಏಕವ್ಯಕ್ತಿ ನೃತ್ಯ, ಸಂಗೀತ ಕಚೇರಿಗಳು, ರಸಪ್ರಶ್ನೆಗಳು, ನಿಧಿಗಳ ಬೇಟೆ, ಆಟವಾಡುವುದು, ನಿರ್ದೇಶನ, ನೃತ್ಯ, ಛಾಯಾಗ್ರಹಣ ಮತ್ತು ಕುಂಬಾರಿಕೆ ಕುರಿತ ಕಾರ್ಯಾಗಾರಗಳು, ಚಲನಚಿತ್ರೋದ್ಯಮದ ಗಣ್ಯರೊಂದಿಗೆ ಸಂವಾದ ಮುಂತಾದವುಗಳನ್ನು ಒಳಗೊಂಡಿದೆ.

ಸೆಲೆಬ್ರಿಟಿಗಳು

ಸಂಗೀತ ಮತ್ತು ಕಲಾ ಸಮಾಜಕ್ಕೆ ಗೌರವ ತಂದುಕೊಡುವ ಈ ಸಾಂಸ್ಕೃತಿಕ ಉತ್ಸವಕ್ಕೆ ನಟರುಗಳಾದ ಈರಂ ಆದಿ, ನಾನಿ, ಶರತ್ಕುಮಾರ್, ವಿಜಯ್ ಸೇತುಪತಿ, ಸಿಂಹ ಬಾಬಿ, ವರಲಕ್ಷ್ಮಿ ಶರತ್ಕುಮಾರ್, ವಾಣಿ ಕಪೂರ್, ಕಜುಗು ಕೃಷ್ಣ ಮತ್ತು ಹಾಸ್ಯನಟರು ಭೇಟಿ ನೀಡಿದ್ದಾರೆ. ವಿದ್ವಾನ್ ಎಸ್ ಬಾಲಚಂದರ್ (ವೀಣಾ ಕಾರ್ತಿಕ್, ಆಲಪ್ ರಾಜು, ನರೇಶ್ ಅಯ್ಯರ್, ಕ್ರಿಶ್, ಸ್ಟೀಫನ್ ದೇವಸ್ಸಿ, ಶಿವಮಣಿ ಮತ್ತು ಏರ್ಟೆಲ್ ಸೂಪರ್ ಸಿಂಗರ್ ಪ್ರಸಿದ್ಧ ಗಾಯಕರು ಮತ್ತು ಸಂಗೀತಗಾರರ ಸಂಗೀತ ಕಚೇರಿಗಳು ಮತ್ತು ಲೆಕ್-ಡೆಮ್ಗಳು ಈ ಕಾರ್ಯಕ್ರಮದಲ್ಲಿ ಕಾಣಿಸಿಕೊಂಡಿವೆ. ಈ ಕಾರ್ಯಕ್ರಮದಲ್ಲಿ ಘಿಲ್ಲಿ ಧರಣಿ, ಗೌತಮ್ ವಾಸುದೇವ್ ಮೆನನ್, ವೆಟ್ರಿ ಮಾರನ್, ವಿಷ್ಣುವರ್ಧನ್ ಮತ್ತು ವಿವಿಧ ತಮಿಳು ನಟರಂತಹ ವಿವಿಧ ನಿರ್ದೇಶಕರು ಸಹ ಆತಿಥ್ಯ ವಹಿಸಿದ್ದಾರೆ.

ಸ್ವಾಗತ

ಈ ಕಾರ್ಯಕ್ರಮವು ಚೆನ್ನೈ ಮತ್ತು ದೇಶದ ಇತರ ಭಾಗಗಳ ಕಾಲೇಜು ವಿದ್ಯಾರ್ಥಿಗಳಿಂದ ವ್ಯಾಪಕವಾದ ಸಕಾರಾತ್ಮಕ ವಿಮರ್ಶೆಗಳನ್ನು ಕಂಡಿದೆ.