ಎರ್ನೆಸ್ಟ್ ಥಾಮಸ್ ಸಿಂಟನ್ ವಾಲ್ಟನ್

ವಿಕಿಪೀಡಿಯ ಇಂದ
Jump to navigation Jump to search
ಎರ್ನೆಸ್ಟ್ ಥಾಮಸ್ ಸಿಂಟನ್ ವಾಲ್ಟನ್
Ernest Walton.jpg
ಜನನ
ಎರ್ನೆಸ್ಟ್ ಥಾಮಸ್ ಸಿಂಟನ್ ವಾಲ್ಟನ್

೧೯೦೩ ಅಕ್ಟೋಬರ್ ೬
ಐರ್‌ಲೆಂಡ್
ರಾಷ್ಟ್ರೀಯತೆಐರ್‌ಲೆಂಡ್

ಐರ್‌ಲೆಂಡಿನ ಭೌತವಿಜ್ಞಾನಿಯಾಗಿದ್ದ ಎರ್ನೆಸ್ಟ್ ಥಾಮಸ್ ಸಿಂಟನ್ ವಾಲ್ಟನ್‌ರವರು ೧೯೦೩ರ ಅಕ್ಟೋಬರ್ ೬ರಂದು ವಾಟರ್‌ಫೋರ್ಡ್ ಕೌಂಟಿಯ ಡುಂಗಾರ್ವನ್ ಪ್ರದೇಶದಲ್ಲಿ ಜನಿಸಿದರು. ವಾಲ್ಟನ್‌ರವರು ಇನ್ನೊಬ್ಬ ವಿಜ್ಞಾನಿ ಜಾನ್ ಡೊಗ್ಲಾಸ್ ಕಾಕ್‌ಕ್ರಾಫ್ಟ್‌ರವರ ಜೊತೆ ಸೇರಿಕೊಂಡು ೧೯೩೨ರಲ್ಲಿ ಮೊತ್ತಮೊದಲ ಯಶಸ್ವೀ ಕಣ ವೇಗೋತ್ಕರ್ಷಕವನ್ನು (particle accelerator) ನಿರ್ಮಿಸಿದರು. ಆ ಸಾಧನದಲ್ಲಿ ೫೦೦,೦೦೦ ಇಲೆಕ್ಟ್ರಾನ್-ವೋಲ್ಟ್‌ಗಳಿಗಿಂತ ಹೆಚ್ಚಿನ ಪ್ರಮಾಣದಲ್ಲಿ ವೇಗೋತ್ಕರ್ಷಕ್ಕೆ ಒಳಗಾದ ಪ್ರೋಟಾನ್‌ಗಳ ಧೂಲವನ್ನು ಉತ್ಪತ್ತಿ ಮಾಡಬಹುದಾಗಿದೆ. ಆ ಕಣ ವೇಗೋತ್ಕರ್ಷಕವನ್ನು ಉಪಯೋಗಿಸಿಕೊಂಡು ಮೊದಲ ಸಲವಾಗಿ ಕೃತಕ ದ್ರವ್ಯಾಂತರಣ ಕ್ರಿಯೆಯನ್ನು (artificial transmutation) ನಡೆಸಲಾಯಿತು. ಮುಂದೆ ವಾನ್ ಡಿ ಗ್ರಾಫ್‌ರವರು (೧೯೦೭-೧೯೬೭) ನಿರ್ಮಿಸಿದ ಜನರೇಟರ್‌ಗಳು ಮತ್ತು ಎರ್ನೆಸ್ಟ್ ಲಾರೆನ್ಸ್‌ರವರು (೧೯೦೧-೧೯೫೮) ನಿರ್ಮಿಸಿದ ಸೈಕ್ಲೋಟ್ರಾನ್ ಸಾಧನಗಳು ವಾಲ್ಟನ್-ಕಾಕ್‌ಕ್ರಾಫ್ಟ್‌ರವರ ಕಣ ವೇಗೋತ್ಕರ್ಷಕವನ್ನು ಹಿಂದೆ ಹಾಕಿತು. ಅದೇನೇ ಇರಲಿ ಅವರುಗಳ ಸಂಶೋಧನೆ ಬೈಜಿಕ ಭೌತವಿಜ್ಞಾನದ ಮುನ್ನಡೆಗೆ ನಾಂದಿಯಾಯಿತು. ೧೯೫೧ರ ಭೌತವಿಜ್ಞಾನಕ್ಕೆ ಮೀಸಲಾದ ನೊಬೆಲ್ ಪ್ರಶಸ್ತಿಯನ್ನು ವಾಲ್ಟನ್‌ರವರಿಗೆ ಕಾಕ್‌ಕ್ರಾಫ್ಟ್‌ರವರ ಜೊತೆ ನೀಡಲಾಯಿತು.[೧] ವಾಲ್ಟನ್‌ರವರು ೧೯೯೫ ಜೂನ್ ೨೫ರಂದು ನಿಧನರಾದರು.

ಉಲೇಖಗಳು[ಬದಲಾಯಿಸಿ]