ಅಸ್ತಿತ್ವ (ಚಲನಚಿತ್ರ)

ಅಸ್ತಿತ್ವ (ಚಲನಚಿತ್ರ)
Directed by	ಮಹೇಶ್ ಮಂಜ್ರೇಕರ್
Written by	Iಮತಿಯಾಜ್ ಹುಸೇನ್ ಮಹೇಶ್ ಮಂಜ್ರೇಕರ್
Screenplay by	ಮಹೇಶ್ ಮಂಜ್ರೇಕರ್
Story by	ಮಹೇಶ್ ಮಂಜ್ರೇಕರ್
Produced by	ರಾಹುಲ್ ಸುಗಂದ್
Starring	ತಬು ಸಚಿನ್ ಖೇಡೇಕರ್ ಮೊಹ್ನಿಶ್ ಬಹ್ಲ್ ರವೀಂದ್ರ ಮಂಕಣಿ ಸ್ಮಿತಾ ಜಯಕರ್ ಸುನಿಲ್ ಬಾರ್ವೆ ನಮ್ರತಾ ಶಿರೋಡ್ಕರ್
Cinematography	ವಿಜಯ್ ಕುಮಾರ್ ಅರೋರಾ
Edited by	ವಿ.ಎನ್. ಮಾಯೆಕರ್
Music by	Rahul Ranade ಸುಖ್ವಿಂದರ್ ಸಿಂಗ್
Release date	6 ಫೆಬ್ರವರಿ 2000 (2000-02-06) (India)
Running time	109 ನಿಮಿಷಗಳು
Country	India
Languages	ಮರಾಠಿ ಹಿಂದಿ
Box office	₹ 2.16 ಕೋಟಿ

ಅಸ್ತಿತ್ವ ( ಅನುವಾದ. Existence / Identity ) ಎಂಬುದು 2000 ರ ಭಾರತೀಯ ಚಲನಚಿತ್ರವಾಗಿದ್ದು, ಮರಾಠಿ ಮತ್ತು ಹಿಂದಿ ಭಾಷೆಗಳಲ್ಲಿ ಏಕಕಾಲದಲ್ಲಿ ನಿರ್ಮಿಸಲಾಗಿದೆ, ಇದನ್ನು ಮಹೇಶ್ ಮಂಜ್ರೇಕರ್ ಬರೆದು ನಿರ್ದೇಶಿಸಿದ್ದಾರೆ. ಚಲನಚಿತ್ರವು ಅದಿತಿ ಪಂಡಿತ್ ಎಂಬ ಸುಖಿ ದಾಂಪತ್ಯದ ಮಹಿಳೆಯ ಕಥೆಯನ್ನು ಹೇಳುತ್ತದೆ. ಅದಿತಿ ಪಂಡಿತ್ ಅವರು ಅನಿರೀಕ್ಷಿತವಾಗಿ ಮಾಜಿ ಸಂಗೀತ ಶಿಕ್ಷಕ ಮಲ್ಹಾರ್ ಕಾಮತ್ ಅವರ ಸಹಕಾರದಿಂದ ಉತ್ತುನ್ನತಿ ಹೊಂದಿದಾಗ ಅವರ ಪತಿ ಶ್ರೀಕಾಂತ್ ಅವಳನ್ನು ಅನುಮಾನದಿಂದ ನೊಡುತ್ತಾರೆ. ಅವರು ಸಂಗೀತ ತರಗತಿಗಳು ಮುಗಿದ ಹಲವು ವರ್ಷಗಳ ನಂತರವೂ ಕಾಮತ್ ಅವರಿಂದ ಏಕೆ ಉತ್ತರಾಧಿಕಾರವನ್ನು ಪಡೆದರು ಎಂದು ಕಂಡುಹಿಡಿಯಲು ಅವಳ ಪತಿ ಪ್ರಯತ್ನಿಸುತ್ತಾರೆ. ಮತ್ತು ಅದರ ಬಗ್ಗೆ ವಿಚಾರ ಮಾಡಲು ಪ್ರಾರಂಭಿಸುತ್ತಾರೆ.

ಅಸ್ತಿತ್ವ 2000 ರಲ್ಲಿ ಮರಾಠಿಯಲ್ಲಿ ಅತ್ಯುತ್ತಮ ಚಲನಚಿತ್ರವೆಂದು ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿಯನ್ನು ಗೆದ್ದುಕೊಂಡಿತು ಟಬು ಅವರ ಅಭಿನಯವು ಹೆಚ್ಚು ಮೆಚ್ಚುಗೆ ಗಳಿಸಿತು ಮತ್ತು ಅವರಿಗೆ ಹಲವಾರು ಪ್ರಶಸ್ತಿಗಳನ್ನು ತಂದು ಕೊಟ್ಟಿತು ಮತ್ತು ಇದು ಅವರ ಅತ್ಯುತ್ತಮ ಚಿತ್ರ ಗಳಲ್ಲಿ ಒಂದು ಎಂದು ಪರಿಗಣಿಸಲಾಗಿದೆ.

ಕಥಾವಸ್ತು

ಅಸ್ತಿತ್ವವು ಪುರುಷ ಕೋಮುವಾದ, ವಿವಾಹೇತರ ಸಂಬಂಧಗಳು ಮತ್ತು ಸಂಗಾತಿಯ ದುರುಪಯೋಗದಂತಹ ಸಮಸ್ಯೆಗಳನ್ನು ಒಳಗೊಂಡಿದೆ. ಇದು ಮಹಿಳೆ ತನ್ನ ಮದುವೆಯ ಹೊರಗೆ ಗುರುತನ್ನು ಹುಡುಕಲು ಪ್ರಯತ್ನಿಸುವ ಕಥೆಯಾಗಿದೆ.

ಅದು 1997. ಹಳೆಯ ಸಂಗೀತಗಾರ ಮತ್ತು ಸಂಗೀತ ಶಿಕ್ಷಕ ಮಲ್ಹರ್ ಕಾಮತ್ ( ಮೊಹ್ನಿಶ್ ಬಹ್ಲ್ ) ಸಾಯುವಾಗ ತನ್ನಹವೇಲಿ (ಮಹಲು), 1.5 acres (6,100 m²) ಒಳಗೊಂಡಿರುವ — ತನ್ನ ಸಂಪೂರ್ಣ ಜಯದಾದ್ (ಎಸ್ಟೇಟ್) ಅನ್ನು ಬಿಡುವಾಗ ಅವನು ತನ್ನ ವಿಲ್ ಅನ್ನು ಸಿದ್ಧಪಡಿಸುತ್ತಾನೆ. ಭೂಮಿ, 1,400 ಗ್ರಾಂ ಚಿನ್ನ ಮತ್ತು ಸರಿಸುಮಾರು 860,000 ರೂಪಾಯಿಗಳು — ಅದಿತಿ ಶ್ರೀಕಾಂತ್ ಪಂಡಿತ್ ( ಟಬು ). ಎರಡು ವರ್ಷಗಳ ನಂತರ ಅವನ ಮರಣದ ನಂತರ, ವಿಲ್ ಅನ್ನು ಅದಿತಿಗೆ ತಲುಪಿಸಲಾಗುತ್ತದೆ.

ವಿಲ್ ಪುಣೆಯಲ್ಲಿ ಅದಿತಿಯನ್ನು ತಲುಪಿದಾಗ, ಡಾ. ರವಿ ಬಾಪಟ್ ( ರವೀಂದ್ರ ಮಂಕಣಿ ) ಮತ್ತು ಅವರ ಪತ್ನಿ ಮೇಘನಾ ( ಸ್ಮಿತಾ ಜಯಕರ್ ) ಅವರ ಆಗಮನದ ಸಂದರ್ಭದಲ್ಲಿ ಅವಳು ಪೂರ್ವಸಿದ್ಧತೆಯಿಲ್ಲದ ಪಾರ್ಟಿಯ ಮಧ್ಯದಲ್ಲಿದ್ದಾಳೆ. ರವಿ ಅದಿತಿಯ ಪತಿ ಶ್ರೀಕಾಂತ್ ಪಂಡಿತ್ ( ಸಚಿನ್ ಖೇಡೇಕರ್ ) ಅವರ ಅತ್ಯಂತ ನಿಕಟ ಸ್ನೇಹಿತ. ಅದಿತಿ ಮತ್ತು ಶ್ರೀಕಾಂತ್ ಅವರ ಏಕೈಕ ಮಗು, ಅನಿಕೇತ್ ( ಸುನೀಲ್ ಬಾರ್ವೆ ) ತನ್ನ ಗೆಳತಿ ಮತ್ತು ಪತ್ನಿ ರೇವತಿಯನ್ನು ( ನಮ್ರತಾ ಶಿರೋಡ್ಕರ್ ) ಪಾರ್ಟಿಯಲ್ಲಿ ಎಲ್ಲರಿಗೂ ಪರಿಚಯಿಸುತ್ತಾನೆ.

ಶ್ರೀಕಾಂತ್ ಅವರು ವಿಲ್ ಹೊಂದಿರುವ ಪ್ರಮಾಣೀಕೃತ ಪ್ಯಾಕೇಜ್ ಅನ್ನು ತೆರೆಯುತ್ತಾರೆ, ಅದು ಅದಿತಿಯನ್ನು ಉದ್ದೇಶಿಸಿದ್ದರೂ ಸಹ, ಮೇಘನಾಳ ಅಸಮಾಧಾನಕ್ಕೆ ಮತ್ತು ರವಿಗೆ ಆಶ್ಚರ್ಯವನ್ನು ಉಂಟು ಮಾಡುತ್ತದೆ. ಶ್ರೀಕಾಂತ್ ಕುತೂಹಲದಿಂದ ಮತ್ತು 25 ವರ್ಷಗಳ ಹಿಂದಿನ ದಿನಚರಿಗಳನ್ನು ಉಲ್ಲೇಖಿಸುತ್ತಾನೆ, ಅದರಲ್ಲಿ ಅವರು ತಮ್ಮ ದೈನಂದಿನ ಜೀವನದ ಘಟನೆಗಳನ್ನು ವಿವರಿಸಿದ್ದಾರೆ. ಅವನು ಕೆಲಸದ ಮೇಲೆ ಪ್ರಯಾಣಿಸುತ್ತಿದ್ದ ಕಾರಣ, ಆ ಸಮಯದಲ್ಲಿ ಅದಿತಿ ತನ್ನಿಂದ ಗರ್ಭಿಣಿಯಾಗಿರಲು ಸಾಧ್ಯವಿಲ್ಲ ಎಂದು ಅವನು ಅರಿತುಕೊಂಡನು. ಅವನು ಅವಳಿಗೆ ಡೈರಿಯನ್ನು ತೋರಿಸುತ್ತಾನೆ, ಅದರಲ್ಲಿರುವ ಸತ್ಯಗಳನ್ನು ತೋರಿಸಿ ಅದರ ಬಗ್ಗೆ ವಿವರಣೆಯನ್ನು ಕೇಳುತ್ತಾನೆ.

ಕಥೆಯಲ್ಲಿ ಹಿಂತಿರುಗಿ ನೋಡುವುದಾದರೆ, ಶ್ರೀಕಾಂತ್ ಒಂದು ಸಂಸ್ಥೆಯಲ್ಲಿ ಉದಯೋನ್ಮುಖ ತಾರೆಯಾಗಿರುತ್ತಾರೆ, ಅವರು ತಮ್ಮದೇ ಪ್ರಯತ್ನದಿಂದ ಮೇಲೆ ಬರಲು ಬಯಸುತ್ತಿರುತ್ತಾರೆ. ಅವರ ಕೆಲಸವು ಅವರನ್ನು ನಿರಂತರವಾಗಿ ಪ್ರಯಾಣಿಸುವಂತೆ ಮಾಡುತ್ತದೆ. ಇದರಿಂದ ಅವರ ನವವಿವಾಹಿತ ಪತ್ನಿ ಅದಿತಿ ಒಂಟಿಯಾಗುತ್ತಾರೆ ಮತ್ತು ಹತಾಶರಾಗುತ್ತಾರೆ.

ಅವಳು ಅವನನ್ನು ತಾನು ಎಲ್ಲಾದರು ಕೆಲಸ ಮಾಡುತ್ತೆನೆ ಎಂದು ಕೇಳಿದಾಗ (ಸ್ಪಷ್ಟವಾಗಿ ಅವಳ ಬೇಸರವನ್ನು ನಿವಾರಿಸಲು ಮತ್ತು ಅವಳ ಸಮಯವನ್ನು ಸದುಪಯೋಗಪಡಿಸಿಕೊಳ್ಳಲು), ಅವನು ಅದನ್ನು ಅವಮಾನವೆಂದು ಪರಿಗಣಿಸುತ್ತಾನೆ ಮತ್ತು ತನ್ನ ಕುಟುಂಬದ ಯಾವುದೇ ಮಹಿಳೆ ಮನೆಯ ಹೊರಗೆ ಕೆಲಸ ಮಾಡಿಲ್ಲ ಮತ್ತು ತಾನು ಸಂಪಾದಿಸುತ್ತೆನೆಂದು ಅವಳನ್ನು ನಿರಾಕರಿಸುತ್ತಾನೆ. ಅವನು ಅವಳಿಗೆ ಸಂಗೀತ ಶಿಕ್ಷಕ ಮಲ್ಹಾರ್ ಕಾಮತ್ ಅವರ ಬಳಿ ಸಂಗೀತವನ್ನು ತೆಗೆದುಕೊಳ್ಳುವಂತೆ ಅವನು ಸೂಚಿಸುತ್ತಾನೆ (ಅತ್ಯಂತ ಉತ್ಸಾಹದಿಂದಲ್ಲದಿದ್ದರೂ). ಶ್ರೀಕಾಂತ್ ಅವರು ಪ್ರಪಂಚದಾದ್ಯಂತ ತಮ್ಮ ಕೊನೆಯಿಲ್ಲದ ಪ್ರಯಾಣವನ್ನು ಮುಂದುವರೆಸುತ್ತಾರೆ, ಆದರೂ ಅವರು ಮಲ್ಹರ್‌ ಬಳಿ ಅದಿತಿಗೆ ಸಂಗೀತವು ಒಂದು ಹವ್ಯಾಸ ಎಂದು ಮಾತೃ ಹೇಳುತ್ತಾನೆ.

ಅದಿತಿಯ ತಂಗಿ (ಸುಧಾ) ಅವಳ ಗಂಡನ ಜೊತೆ ಪ್ರೀತಿ ಮಾಡುವುದನ್ನು ನೋಡಿ ಮನ ಪರಿವರ್ತನೆಯಾಗುತ್ತದೆ. ಹೀಗೆ ಒಂದು ದಿನ ಮಧ್ಯಾಹ್ನ ಮಳೆ ಬೀಳುವ ಸಂದರ್ಭದಲ್ಲಿ ಅವಳು ತನ್ನನ್ನು ಮಲಾರ್‌ಗೆ ಒಪ್ಪಿಸುತ್ತಾಳೆ ಮತ್ತು ಇದರಿಂದ ಅವಳು ಗರ್ಭಿಣಿಯಾಗುತ್ತಾಳೆ. ಈ ವಿಚಾರ ಸುಧಾಳಿಗೆ ತಿಳಿದು ಇದಕ್ಕೆ ಏನಾದರೂ ಮಾಡುವಂತೆ ಸಲಹೆ ನೀಡುತ್ತಾಳೆ.

ಶ್ರೀಕಾಂತ್ ಹಿಂತಿರುಗಿದಾಗ ಅದಿತಿ ತಾನು ಗರ್ಭಿಣಿ ಎಂದು ನಿಜ ಹೇಳಲು ಪ್ರಯತ್ನಿಸುತ್ತಾಳೆ. ಅದಿತಿ ತನ್ನ ಮಾತನ್ನು ಮುಗಿಸುವ ಮೊದಲೆ ಶ್ರೀಕಾಂತ್ ಉತ್ಸಾಹದಲ್ಲಿ ತಂದೆಯಾಗುತ್ತಿದ್ದೆನೆ ಮತ್ತು ವ್ಯಾಪಾರ ಒಪ್ಪಂದವನ್ನೂ ಗೆದ್ದಿದ್ದೆನೆ ಎಂದು ಅವನು ಭಾವಿಸುತ್ತಾರನೆ.

ಕಥೆಗೆ ಹಿಂತಿರುಗಿ ಬಂದರೆ, ಶ್ರೀಕಾಂತ್ ಅದಿತಿಯನ್ನು ಅನಿಕೇತ್, ರವಿ ಮತ್ತು ಮೇಘನಾ ಮುಂದೆ ಸತ್ಯವನ್ನು ಹೇಳುವಂತೆ ಮಾಡಿ ಶಿಕ್ಷಿಸುತ್ತಾನೆ. ಮೇಘನಾ ಶ್ರೀಕಾಂತ್‌ನನ್ನು ದ್ವೇಷಿಸುತ್ತಾಳೆ, ಏಕೆಂದರೆ ಅವಳು ತನ್ನ ಕುಡುಕ ಪತಿಯಿಂದ ವೈವಾಹಿಕ ನಿಂದನೆಯನ್ನು ಅನುಭವಿಸಿ ವಿಚ್ಛೇದನ ಪಡೆದು ರವಿಯನ್ನು ಮದುವೆಯಾಗಿರುತ್ತಾಳೆ. ತನ್ನ ಪಿತೃತ್ವದ ಸತ್ಯವನ್ನು ತಿಳಿದ ನಂತರ ಅನಿಕೇತ್ ತನ್ನ ತಾಯಿಯ ಬಗ್ಗೆ ಅಸಹ್ಯಪಡುತ್ತಾನೆ

ರವಿ ಶ್ರೀಕಾಂತ್‌ಗೆ ಮುಖಾಮುಖಿಯಾಗಿ ಅವನ ಅನೇಕ ವಿವಾಹೇತರ ಸಂಬಂಧಗಳನ್ನು ನೆನಪಿಸುತ್ತಾನೆ. ಶ್ರೀಕಾಂತ್ ಅದನ್ನು ಒಪ್ಪಿಕೊಳ್ಳುವುದಿಲ್ಲ, ಆತ ತಾನು ಗಂಡಸಾಗಿದ್ದು, ಅಕ್ರಮವಾಗಿ ಯಾವುದೇ ಮಕ್ಕಳನ್ನು ಹೊಂದಿಲ್ಲ ಎಂದು ಹೆಳುತ್ತಾನೆ.

ಶ್ರೀಕಾಂತ್ ಅದಿತಿಯ ಜೊತೆ ಬದುಕುವ ನಿರ್ಧಾರ ಮಾಡುತ್ತಾನೆ ಆದರೆ ಅವರ ನಡುವೆ ಯಾವುದೇ ಉತ್ತಮ ಸಂಬಂಧ ಇರುವುದಿಲ್ಲ. ರೇವತಿ ಸತ್ಯವನ್ನು ತಿಳಿದ ನಂತರ, ಅವಳು ತನ್ನ ನಿಶ್ಚಿತಾರ್ಥವನ್ನು ಮುರಿದುಬಿಡುತ್ತಾಳೆ, ಆದರೆ ಸತ್ಯದ ಕಾರಣದಿಂದಲ್ಲ, ಅನಿಕೇತ್ ಅವರು ತಮ್ಮ ತಂದೆಗಿಂತ ಭಿನ್ನವಾಗಿಲ್ಲ ಎಂದು ಅವಳು ಅರಿತುಕೊಂಡು ನಿಶ್ಚಿತಾರ್ಥವನ್ನು ಮುರಿದುಬಿಡುತ್ತಾಳೆ.

ಮೇಘನಾ ಅದಿತಿಯನ್ನು ತನ್ನೊಂದಿಗೆ ಗೋವಾಕ್ಕೆ ಕರೆದೊಯ್ಯಲು ನಿರ್ಧರಿಸುತ್ತಾಳೆ, ಆದರೆ ಅದಿತಿ ನಿರಾಕರಿಸುತ್ತಾಳೆ. ಮನೆಯಿಂದ ಹೊರಡುವ ಮೊದಲು, ಅವಳು ತನ್ನ ಪತಿ ಮತ್ತು ಮಗನ ಉಪಸ್ಥಿತಿಯನ್ನು ಕೇಳಲು ಒತ್ತಾಯಿಸುತ್ತಾಳೆ. ಅವಳು ತನ್ನ ದೌರ್ಬಲ್ಯವನ್ನು ಪಾಪ ಎಂದು ಹೇಗೆ ಕರೆಯುತ್ತಾರೆ, ಆದರೆ ಶ್ರೀಕಾಂತ್ ಅವರ ದೌರ್ಬಲ್ಯಗಳನ್ನು ಸುಲಭವಾಗಿ ಒಪ್ಪಿಕೊಳ್ಳುತ್ತಾರೆ. ಅವನ ದೌರ್ಬಲ್ಯವನ್ನು ಒಪ್ಪಿಕೊಳ್ಳುವ ಅಧಿಕಾರ ಯಾರಿಗಿದೆ ಎಂದು ಪ್ರಶ್ನಿಸುತ್ತಾಳೆ. ಅದಿತಿಯು ಶ್ರೀಕಾಂತ್‌ಗೆ ಅವನು ದುರ್ಬಲನಾಗಿರುವ ಇನ್ನೊಂದು ರಹಸ್ಯವನ್ನು ತನ್ನಿಂದ ಮುಚ್ಚಿಟ್ಟಿದ್ದಾಳೆ ಮತ್ತು ಅದಕ್ಕಾಗಿಯೇ ಅವನೊಂದಿಗೆ ಮಕ್ಕಳನ್ನು ಹೊಂದಲು ಸಾಧ್ಯವಾಗಲಿಲ್ಲ ಎಂದು ಬಹಿರಂಗಪಡಿಸುತ್ತಾಳೆ. ಮತ್ತು ಅವಳು ಮಗುವನ್ನು ಹೊಂದಿಲ್ಲದಿದ್ದರೆ ಅವಳನ್ನು ಬಂಜೆತನ ಎಂದು ಹೇಗೆ ಕರೆಯುತ್ತಿದ್ದರು ಎಂದು ಹೆಳುತ್ತಾಳೆ. ರೇವತಿ ಅನಿಕೇತ್‌ಗೆ ವಾಗ್ದಂಡನೆ ಮಾಡುತ್ತಾಳೆ, ಏಕೆಂದರೆ ಅವನ ತಾಯಿ ಬೇರೆ ನಿರ್ಧಾರ ತೆಗೆದುಕೊಳ್ಳದೆ ನಿನ್ನನ್ನು ಬಳೆಸಿದರು ಎಂದು ತಿಳಿಸುತ್ತಾಳೆ. ರೇವತಿ ಮತ್ತು ಅದಿತಿ ಮನೆಯಿಂದ ಹೊರಗೆ ಮತ್ತು ರಸ್ತೆಯಲ್ಲಿ ನಡೆಯುವುದರೊಂದಿಗೆ ಚಲನಚಿತ್ರವು ಕೊನೆಗೊಳ್ಳುತ್ತದೆ, ಶ್ರೀಕಾಂತ್ ಮತ್ತು ಅನಿಕೇತ್ ಅವರು ಹೋಗುವುದನ್ನು ನೋಡುತ್ತಾ ಬಾಗಿಲಲ್ಲಿ ನಿಂತಿರುತ್ತಾರೆ.

ವ್ಯಕ್ತಿಯ ನಿರಾಕರಣೆ ಸ್ವಭಾವ ಅಸ್ತಿತ್ವದ ಸಾರವನ್ನು ಸೆರೆಹಿಡಿಯುತ್ತದೆ.[6]