ಅತಿಕ್ರಮಣ

ಅತಿಕ್ರಮಣವು ಆಪರಾಧಿಕ ಕಾನೂನು ಅಥವಾ ಅಪಕೃತ್ಯ ಕಾನೂನಿನ ಒಂದು ಕ್ಷೇತ್ರವಾಗಿದೆ. ಇದನ್ನು ಮೂರು ಗುಂಪುಗಳಾಗಿ ವಿಭಜಿಸಲಾಗುತ್ತದೆ: ವ್ಯಕ್ತಿಯ ಅತಿಕ್ರಮಣ, ಚರಾಸ್ತಿ/ಚರಸ್ವತ್ತುಗಳ ಅತಿಕ್ರಮಣ ಮತ್ತು ನೆಲ/ಜಮೀನಿನ ಅತಿಕ್ರಮಣ.

ಚರಾಸ್ತಿ/ಚರಸ್ವತ್ತುಗಳ ಅತಿಕ್ರಮಣವನ್ನು ಸರಕುಗಳ ಅತಿಕ್ರಮಣ ಅಥವಾ ವೈಯಕ್ತಿಕ ಆಸ್ತಿಯ ಅತಿಕ್ರಮಣ ಎಂದು ಕೂಡ ಕರೆಯಲಾಗುತ್ತದೆ. ಇದನ್ನು ವೈಯಕ್ತಿಕ ಸ್ವತ್ತಿನ ಸ್ವಾಧೀನದೊಂದಿಗೆ ಉದ್ದೇಶಪೂರ್ವಕ ಹಸ್ತಕ್ಷೇಪ … ಸರಿಸುಮಾರು ಗಾಯ ಮಾಡುವಂಥದ್ದು ಎಂದು ವ್ಯಾಖ್ಯಾನಿಸಲಾಗುತ್ತದೆ. ಚರಾಸ್ತಿ/ಚರಸ್ವತ್ತುಗಳ ಅತಿಕ್ರಮಣಕ್ಕೆ ಹಾನಿಗಳ ತೋರಿಸುವಿಕೆ ಅಗತ್ಯವಿಲ್ಲ. ಕೇವಲ ಮತ್ತೊಬ್ಬರ "ವೈಯಕ್ತಿಕ ಸ್ವತ್ತಿಗೆ ಕೈಹಾಕುವುದು ಅಥವಾ ಅದರ ಬಳಕೆ" ಅತಿಕ್ರಮಣದ ಸಂಬಂಧ ಕ್ರಮ ಜರುಗಿಸುವುದಕ್ಕೆ ಕಾರಣ ನೀಡುತ್ತದೆ.

ಇಂದು ನೆಲ/ಜಮೀನಿನ ಅತಿಕ್ರಮಣವು ಅತಿಕ್ರಮಣ ಪದಕ್ಕೆ ಸಂಬಂಧಿಸಲಾದ ಅತ್ಯಂತ ಸಾಮಾನ್ಯವಾದ ಅಪಕೃತ್ಯ; ಇದು "ಸ್ಥಿರಾಸ್ತಿಯ ಒಬ್ಬರ ಸ್ವಾಮ್ಯದ ಹಕ್ಕುಗಳಲ್ಲಿ ನ್ಯಾಯಬಾಹಿರ ಹಸ್ತಕ್ಷೇಪ"ದ ರೂಪ ತೆಗೆದುಕೊಳ್ಳುತ್ತದೆ. ಸಾಮಾನ್ಯವಾಗಿ, ಮಾಲೀಕನ ಕಾನೂನು ಅನುಸಾರವಾಗಿ ರಕ್ಷಿತ ಹಿತಕ್ಕೆ ಹಾನಿಯನ್ನು ಸಾಬೀತುಪಡಿಸುವ ಅಗತ್ಯವಿಲ್ಲ; ಅನುದ್ದೇಶಿತ ಅತಿಕ್ರಮಣಕ್ಕೆ ಹೊಣೆಗಾರಿಕೆಯು ನ್ಯಾಯವ್ಯಾಪ್ತಿಯಾನುಸಾರ ಬದಲಾಗುತ್ತದೆ. "ಸಾಮಾನ್ಯ ಕಾನೂನಿನಲ್ಲಿ, ಮತ್ತೊಬ್ಬನ ಜಮೀನಿನ ಮೇಲೆ ಪ್ರತಿ ಅನಧಿಕೃತ ಪ್ರವೇಶವು ಅತಿಕ್ರಮಣವಾಗುತ್ತದೆ"; ಆದರೆ, ಅಪಕೃತ್ಯಗಳ ಮರುಹೇಳಿಕೆಯಿಂದ ಸ್ಥಾಪಿತವಾದ ಅಪಕೃತ್ಯ ಯೋಜನೆಯ ಅಡಿಯಲ್ಲಿ, ಅನುದ್ದೇಶಪೂರ್ವಕ ಅತಿಕ್ರಮಣಗಳಿಗೆ ಹೊಣೆಗಾರಿಕೆಯು ಕೇವಲ ನಿರ್ಲಕ್ಷ್ಯವನ್ನು ಸೂಚಿಸುವ ಸಂದರ್ಭಗಳಲ್ಲಿ ಅಥವಾ ಅತಿಕ್ರಮಣವು ಅತ್ಯಂತ ಅಪಾಯಕರ ಚಟುವಟಿಕೆಯನ್ನು ಒಳಗೊಂಡಾಗ ಉದ್ಭವಿಸುತ್ತದೆ. ಅನುದ್ದೇಶಪೂರ್ವಕವಾಗಿ ರಸ್ತೆಗೆ ಹೊಂದಿಕೊಂಡಿರುವ ಜಮೀನನ್ನು ಪ್ರವೇಶಿಸುವಂತಹ (ಉದಾಹರಣಗೆ ಕಾರು ಅಪಘಾತದಲ್ಲಿ) ಅಪವಾದಗಳಿವೆ. ಕೆಲವು ನ್ಯಾಯವ್ಯಾಪ್ತಿಗಳಲ್ಲಿ, ಬಂದೂಕನ್ನು ಹೊಂದಿರುವಾಗ ಮಾಡಿದ ಅತಿಕ್ರಮಣವು (ಇದರಲ್ಲಿ ಮದ್ದುಗುಂಡುಗಳಿಲ್ಲದ ಕಡಿಮೆ ಶಕ್ತಿಯ ಗಾಳಿ ಅಸ್ತ್ರ ಸೇರಿರಬಹುದು) ಸಶಸ್ತ್ರ ಅತಿಕ್ರಮಣದ ಹೆಚ್ಚು ಗಂಭೀರ ಅಪರಾಧವಾಗುತ್ತದೆ.

"ಹಸ್ತಕ್ಷೇಪವು" ಅಪಕೃತ್ಯದ ಮುಖ್ಯ ಅಂಶವಾಗಿರುತ್ತದೆ. ಇದು ನೇರ ಮತ್ತು ಭೌತಿಕ ಎರಡೂ ಆಗಿರಬೇಕು. ಪರೋಕ್ಷ ಹಸ್ತಕ್ಷೇಪವು ನಿರ್ಲಕ್ಷ್ಯ ಅಥವಾ ಉಪದ್ರವ ವಿಷಯದಲ್ಲಿ ಒಳಗೊಂಡಿರುತ್ತದೆ. ಹಸ್ತಕ್ಷೇಪ ಪದವು ಜಮೀನಿಗೆ ಯಾವುದೇ ಶಾರೀರಿಕ ಪ್ರವೇಶವನ್ನು, ಜೊತೆಗೆ ಪ್ರವೇಶಾಧಿಕಾರದ ದುರುಪಯೋಗವನ್ನು ಒಳಗೊಂಡಿರುತ್ತದೆ, ಅಂದರೆ ಜಮೀನನ್ನು ಪ್ರವೇಶಿಸುವ ಹಕ್ಕನ್ನು ಹೊಂದಿರುವ ವ್ಯಕ್ತಿಯು ಅನುಮತಿಯಲ್ಲಿ ಒಳಗೊಳ್ಳದ ಏನನ್ನಾದರೂ ಮಾಡುತ್ತಾನೆ. ವ್ಯಕ್ತಿಗೆ ಜಮೀನನ್ನು ಪ್ರವೇಶಿಸುವ ಹಕ್ಕಿದ್ದರೆ, ಆದರೆ ಈ ಹಕ್ಕಿನ ಅವಧಿ ಮೀರಿದ ನಂತರವೂ ಉಳಿದುಕೊಂಡರೆ, ಅದು ಕೂಡ ಅತಿಕ್ರಮಣವಾಗುತ್ತದೆ.