ಜೇಮ್ಸ್ ಬುಕಾನನ್

ವಿಕಿಪೀಡಿಯ ಇಂದ
ಇಲ್ಲಿಗೆ ಹೋಗು: ಸಂಚರಣೆ, ಹುಡುಕು
James Buchanan
ಜೇಮ್ಸ್ ಬುಕಾನನ್

ಅಧಿಕಾರದ ಅವಧಿ
March 4, 1857 – March 4, 1861
ಉಪ ರಾಷ್ಟ್ರಪತಿ   John C. Breckinridge
ಪೂರ್ವಾಧಿಕಾರಿ Franklin Pierce
ಉತ್ತರಾಧಿಕಾರಿ Abraham Lincoln

ಅಧಿಕಾರದ ಅವಧಿ
March 10, 1845 – March 7, 1849
ಪೂರ್ವಾಧಿಕಾರಿ John C. Calhoun
ಉತ್ತರಾಧಿಕಾರಿ John M. Clayton

ಅಧಿಕಾರದ ಅವಧಿ
December 6, 1834 – March 5, 1845
ಪೂರ್ವಾಧಿಕಾರಿ William Wilkins
ಉತ್ತರಾಧಿಕಾರಿ Simon Cameron

ಅಧಿಕಾರದ ಅವಧಿ
January 4, 1832 – August 5, 1833
ಪೂರ್ವಾಧಿಕಾರಿ John Randolph
ಉತ್ತರಾಧಿಕಾರಿ Mahlon Dickerson

ಜನನ (1791-04-23)ಏಪ್ರಿಲ್ 23, 1791
Mercersburg, Pennsylvania
ಮರಣ ಜೂನ್ 1 1868 (ತೀರಿದಾಗ ವಯಸ್ಸು ೭೭)
Lancaster, Pennsylvania
ರಾಜಕೀಯ ಪಕ್ಷ Democratic
ಜೀವನಸಂಗಾತಿ None (Bachelor)
ಧರ್ಮ Presbyterian
ಹಸ್ತಾಕ್ಷರ James Buchanan Signature2.svg

ಜೇಮ್ಸ್ ಬುಕಾನನ್ , ಜೂ. (ಏಪ್ರಿಲ್ 23, 1791 –ಜೂನ್ 1, 1868) 1857-1861ವರೆಗೂ ಹದಿನೈದನೇ ಯುನೈಟೆಡ್ ಸ್ಟೇಟ್ಸ್ ಅಧ್ಯಕ್ಷರಾಗಿದ್ದರು. ಅಲ್ಲದೇ ಹದಿನೆಂಟನೆ ಶತಮಾನದಲ್ಲಿ ಜನಿಸಿದ ಕೊನೆಯ ಅಧ್ಯಕ್ಷರು. ಇವರು ಇಲ್ಲಿಯವರೆಗೂ ಪೆನ್ಸಿಲ್ವೇನಿಯಾ ರಾಜ್ಯದಿಂದ ಅಧ್ಯಕ್ಷಗಿರಿಗೆ ಆಯ್ಕೆಯಾದ ಏಕೈಕ ಅಭ್ಯರ್ಥಿ ಹಾಗು ಜೀವನಪೂರ್ತಿ ಅವಿವಾಹಿತರಾಗಿ ಉಳಿದ ಏಕೈಕ ಅಧ್ಯಕ್ಷರೂ ಹೌದು.

ತಮ್ಮ ಅಧ್ಯಕ್ಷಗಿರಿಗೆ ಮುಂಚೆ ಒಬ್ಬ ಜನಪ್ರಿಯ ಹಾಗು ಅನುಭವಿ ರಾಜಕಾರಣಿಯಾಗಿದ್ದ ಬುಕಾನನ್ ಹೌಸ್ ಆಫ್ ರಿಪ್ರಸೆಂಟೆಟಿವ್ಸ್ ನಲ್ಲಿ ಪೆನ್ಸಿಲ್ವೇನಿಯಾ ಪ್ರತಿನಿಧಿಸಿದ್ದರು. ನಂತರ ಸೆನೆಟ್ ನಲ್ಲಿ ಪ್ರತಿನಿಧಿಸುವುದರ ಜೊತೆಗೆ ಜೇಮ್ಸ್ K. ಪೋಲ್ಕ್ ರ ಅಧ್ಯಕ್ಷಗಿರಿಯಲ್ಲಿ ವಿದೇಶಾಂಗ ಕಾರ್ಯದರ್ಶಿಯಾಗಿ ಸೇವೆ ಸಲ್ಲಿಸಿದರು. ಸುಪ್ರೀಂ ಕೋರ್ಟ್ ನಲ್ಲಿ ನೇಮಕದ ಆಹ್ವಾನವನ್ನು ತಿರಸ್ಕರಿಸಿದ ನಂತರ, ಫ್ರಾಂಕ್ಲಿನ್ ಪಿಯರ್ಸ್ ರ ಅಧ್ಯಕ್ಷಗಿರಿಯಲ್ಲಿ ಯುನೈಟೆಡ್ ಕಿಂಗ್ಡಮ್‌ಗೆ ಮಂತ್ರಿ(ರಾಯಭಾರಿ)ಯಾಗಿ ಕಾರ್ಯ ನಿರ್ವಹಿಸಿದರು. ಮಂತ್ರಿಯಾಗಿ ಅವರು ಪ್ರಚೋದನಾಕಾರಿ ಓಸ್ಟೆನ್ಡ್ ಮ್ಯಾನಿಫೆಸ್ಟೋ ಕರಡುಪ್ರತಿಯನ್ನು ರೂಪಿಸಲು ಸಹಾಯಮಾಡಿದರು. ಇದರಂತೆ ಸ್ಪೇನ್ ಕ್ಯೂಬಾವನ್ನು ಮಾರಾಟ ಮಾಡಲು ನಿರಾಕರಿಸಿದರೆ U.S. ಅದರ ಮೇಲೆ ಯುದ್ಧ ಘೋಷಿಸುತ್ತದೆ ಎಂಬುದನ್ನು ಅದು ಸೂಚಿಸುತ್ತದೆ. ಓಸ್ಟೆನ್ಡ್ ಮ್ಯಾನಿಫೆಸ್ಟೋ ಕಾರ್ಯರೂಪಕ್ಕೆ ಬರಲಿಲ್ಲ. ಪಿಯರ್ಸ್ ಆಡಳಿತಕ್ಕೆ ಇದು ಬಹಳವಾದ ನಷ್ಟವನ್ನುಂಟುಮಾಡಿತು.

ಇಸವಿ 1844, 1848, ಹಾಗು 1852ರಲ್ಲಿ ಡೆಮೋಕ್ರ್ಯಾಟಿಕ್ ಅಧ್ಯಕ್ಷೀಯ ನಾಮನಿರ್ದೇಶನಕ್ಕೆ ನಡೆಸಿದ ವಿಫಲ ಯತ್ನದ ಹೊರತಾಗಿಯೂ, ಬುಕಾನನ್ ರನ್ನು 1856ರ ಚುನಾವಣೆಯಲ್ಲಿ, ಎರಡೂ ಪಕ್ಷಗಳ ನಡುವೆ ಉದ್ಭವಿಸಿದ ಗುಲಾಮಗಿರಿಯ ವಿವಾದಕ್ಕೆ ರಾಜಿಯಾಗಿ ಅಧ್ಯಕ್ಷ ಪದವಿಗೆ ನಾಮ ನಿರ್ದೇಶನ ಮಾಡಲಾಯಿತು; ಇದು ಅವರು ತಮ್ಮ ಕೆಲಸದ ಮೇಲೆ ಹೊರಹೋಗಿದ್ದಾಗ ನಡೆದಂತಹ ಘಟನೆ. ಅವರ ತರುವಾಯದ ಆಯ್ಕೆಯು ಬಹುತೇಕ ಪ್ರತಿಪಕ್ಷದ ವಿಭಜಿತ ಸ್ಥಿತಿಯಿಂದ ಉಂಟಾಯಿತು. ಅಧ್ಯಕ್ಷರಾಗಿ ಅವರು "ಡೋಫೇಸ್" ನ್ನು ಹೊಂದಿದ್ದರು, ಒಬ್ಬ ಉತ್ತರ ಭಾಗದ ವಾಸಿಯಾಗಿದ್ದರೂ, ದಕ್ಷಿಣ ಭಾಗದ ಜನರೆಡೆಗೆ ಸಹಾನುಭೂತಿಯನ್ನು ಹೊಂದಿದ್ದರು. ಅವರು ಡೆಮೋಕ್ರ್ಯಾಟಿಕ್ ಪಕ್ಷದ ನಿಯಂತ್ರಣಕ್ಕೆ ಸ್ಟೀಫನ್ A. ಡೊಗ್ಲಾಸ್ ಜೊತೆಗೆ ಹೋರಾಡಿದರು. ಉತ್ತರ ಹಾಗು ದಕ್ಷಿಣ ಭಾಗದ ನಡುವೆ ಶಾಂತಿಯನ್ನು ಕಾಪಾಡುವ ಬುಕಾನನ್ ರ ಪ್ರಯತ್ನವು ಎರಡೂ ಭಾಗದವರನ್ನು ದೂರ ಮಾಡುವುದರ ಜೊತೆಗೆ ಅಮೆರಿಕನ್ ಅಂತರ್ಯುದ್ಧಕ್ಕೆ ಪೀಠಿಕೆಯಾಗಿ ದಕ್ಷಿಣದ ರಾಜ್ಯಗಳು ತಮ್ಮ ಪ್ರತ್ಯೇಕತೆಯನ್ನು ಘೋಷಿಸಿಕೊಂಡವು. ಬುಕಾನನ್‌ರ ಅಭಿಪ್ರಾಯದಲ್ಲಿ ಪ್ರತ್ಯೇಕತೆಯು ಕಾನೂನುಬಾಹಿರವಾಗಿತ್ತು, ಆದರೆ ಅದನ್ನು ನಿಲ್ಲಿಸಲು ಯುದ್ಧಕ್ಕೆ ಹೋಗುವುದೂ ಕೂಡ ಕಾನೂನುಬಾಹಿರವಾಗಿತ್ತು; ಆದ್ದರಿಂದ, ಅವರು ನಿಷ್ಕ್ರಿಯವಾಗಿ ಉಳಿದರು. ಅವರ ಅಧಿಕಾರಾವಧಿಯ ನಂತರ, ಅವರ ಬಗೆಗಿನ ಜನಪ್ರಿಯ ಅಭಿಪ್ರಾಯಗಳು ಅವರಿಗೆ ವಿರುದ್ಧವಾದವು ಇದಲ್ಲದೆ ಡೆಮೋಕ್ರ್ಯಾಟಿಕ್ ಪಕ್ಷವು ಇಬ್ಬಾಗವಾಯಿತು. ಬುಕಾನನ್, ಒಂದೊಮ್ಮೆ ತಮ್ಮ ಅಧ್ಯಕ್ಷಗಿರಿಯು ಜಾರ್ಜ್ ವಾಶಿಂಗ್ಟನ್ ರ ಅಧ್ಯಕ್ಷಗಿರಿಯಷ್ಟೇ ಜನಪ್ರಿಯತೆ ಗಳಿಸಿ ಇತಿಹಾಸ ಸೃಷ್ಟಿಸಬಹುದೆಂದು ಆಶಿಸಿದ್ದರು.[೧] ಆದಾಗ್ಯೂ, ಅಂತರ್ಯುದ್ಧಕ್ಕೆ ಮುಂಚೆ ಅವರು ಬಿಕ್ಕಟ್ಟನ್ನು ನಿರ್ವಹಿಸಿದ ರೀತಿಗೆ, ಇತಿಹಾಸಜ್ಞರು ಅವರನ್ನು ಅತ್ಯಂತ ಕೆಟ್ಟ ಅಧ್ಯಕ್ಷರಲ್ಲಿ ಒಬ್ಬರೆಂಬ ಶ್ರೇಣಿ ನೀಡಿದರು.

ಆರಂಭಿಕ ಜೀವನ[ಬದಲಾಯಿಸಿ]

ಜೇಮ್ಸ್ ಬುಕಾನನ್, ಜೂ.,ಪೆನ್ಸಿಲ್ವೇನಿಯಾದ ಫ್ರಾಂಕ್ಲಿನ್ ಕೌಂಟಿಹಾರ್ರಿಸ್ಬರ್ಗ್ ನ ಸಮೀಪದ ಕೋವ್ ಗ್ಯಾಪ್ ನ ಒಂದು ದಿಮ್ಮಿ ಮನೆಯಲ್ಲಿ (ಇದು ಈಗ ಜೇಮ್ಸ್ ಬುಕಾನನ್ ಬರ್ತ್ ಪ್ಲೇಸ್ ಸ್ಟೇಟ್ ಪಾರ್ಕ್ ಎಂದು ಹೆಸರಾಗಿದೆ), ಏಪ್ರಿಲ್ 23, 1791ರಲ್ಲಿ ಜೇಮ್ಸ್ ಬುಕಾನನ್, ಸೀ. (1761–1833), ಹಾಗು ಎಲಿಜಬೆಥ್ ಸ್ಪೀರ್ (1767–1833) ದಂಪತಿಗೆ ಜನಿಸಿದರು. ಅವರ ಪೋಷಕರಿಬ್ಬರೂ ಸ್ಕಾಚ್-ಐರಿಶ್ ವಂಶಜರು. ಅವರ ತಂದೆ 1783ರಲ್ಲಿ ಉತ್ತರ ಐರ್ಲ್ಯಾಂಡ್‌ನಿಂದ ವಲಸೆ ಬಂದಿದ್ದರು. ಇವರು ಹನ್ನೊಂದು ಮಕ್ಕಳಲ್ಲಿ ಎರಡನೇಯವರು, ಮತ್ತು ಮೂವರು ತಮ್ಮ ಬಾಲ್ಯದಲ್ಲೇ ಮರಣಹೊಂದಿದ್ದರು. ಬುಕಾನನ್‌ಗೆ ಆರು ಮಂದಿ ಸಹೋದರಿಯರು ಹಾಗು ನಾಲ್ಕು ಮಂದಿ ಸಹೋದರರಿದ್ದರು. ಇವರಲ್ಲಿ ಒಬ್ಬರು ಮಾತ್ರ ಕಳೆದ 1840ರ ತನಕ ಜೀವಿಸಿದ್ದರು.[೨]

ಅವರು ತಮ್ಮ ಬಾಲ್ಯವನ್ನು ಜೇಮ್ಸ್ ಬುಕಾನನ್ ಹೋಟೆಲ್ ನಲ್ಲಿ ಕಳೆದರು.[೩]

ಬುಕಾನನ್ ಹಳ್ಳಿಯ ಶಾಲೆಯಲ್ಲಿ ತಮ್ಮ ಪ್ರಾಥಮಿಕ ಶಿಕ್ಷಣವನ್ನು ಮುಗಿಸಿದ ನಂತರ ಕಾರ್ಲೈಲ್, ಪೆನ್ಸಿಲ್ವೇನಿಯಾಡಿಕಿನ್ಸನ್ ಕಾಲೇಜ್ ನಲ್ಲಿ ತಮ್ಮ ಪದವಿ ಶಿಕ್ಷಣವನ್ನು ಪಡೆದರು. ಒಂದು ಹಂತದಲ್ಲಿ ದುರ್ನಡತೆಗಾಗಿ ಕಾಲೇಜಿನಿಂದ ಅವರನ್ನು ಹೊರಹಾಕಲಾಗಿತ್ತು, ಆದರೆ ಮತ್ತೊಂದು ಅವಕಾಶಕ್ಕೆ ಮನವಿ ಮಾಡಿಕೊಂಡು, ಸೆಪ್ಟೆಂಬರ್ 19, 1809ರಲ್ಲಿ ಹಾನರ್ಸ್ ಪದವಿಯನ್ನು ಪಡೆದರು.[೪] ನಂತರ ಅದೇ ವರ್ಷದಲ್ಲಿ, ಅವರು ಲಾಂಕಾಸ್ಟರ್ ಗೆ ಸ್ಥಳ ಬದಲಾವಣೆ ಮಾಡಿಕೊಂಡು ಕಾನೂನು ಪದವಿಗೆ ಅಧ್ಯಯನ ನಡೆಸಿದರು. 1812ರಲ್ಲಿ ಅವರು ವಕೀಲವೃತ್ತಿಗೆ ಸೇರ್ಪಡೆಗೊಂಡರು. ಒಬ್ಬ ಸಮರ್ಪಿತ ಸಂಯುಕ್ತತಾವಾದಿಯಾಗಿ, ಅವರು 1812ರ ಯುದ್ಧವನ್ನು ಒಂದು ಅನವಶ್ಯಕ ಕಲಹವೆಂದು ಬಲವಾಗಿ ವಿರೋಧಿಸಿದರು. ಆದಾಗ್ಯೂ, ಬ್ರಿಟಿಷರು ನೆರೆಯ ಮೇರಿಲ್ಯಾಂಡ್‌ನ ಮೇಲೆ ದಾಳಿ ಮಾಡಿದಾಗ, ಅವರು ಒಂದು ಸ್ವಯಂಸೇವಕ ಹಗುರ ಡ್ರಗೂನ್ ತಂಡವನ್ನು ಸೇರಿ ಬಾಲ್ಟಿಮೋರ್ರಕ್ಷಣೆಗೆ ಸೇವೆ ಸಲ್ಲಿಸಿದರು.[೫]

ತಮ್ಮ ಜೀವಿತಾವಧಿಯಲ್ಲಿ ಒಬ್ಬ ಸಕ್ರಿಯ ಫ್ರೀಮೇಸನ್(ಕ್ರೈಸ್ತ ರಹಸ್ಯ ಸೋದರ ಸಂಘದ ಸದಸ್ಯ )ಆಗಿದ್ದ ಅವರು, ಪೆನ್ಸಿಲ್ವೇನಿಯಾದ ಲಾಂಕಾಸ್ಟರ್‌ನ #43 ಸೌಭ್ರಾತೃಗಳ ಸಭಾಗೃಹದ ಒಡೆಯರಾಗಿದ್ದರು. ಜೊತೆಗೆ ಗ್ರಾಂಡ್ ಲಾಡ್ಜ್ ಆಫ್ ಪೆನ್ಸಿಲ್ವೇನಿಯಾ ದ ಡಿಸ್ಟ್ರಿಕ್ಟ್ ಡೆಪ್ಯೂಟಿ ಗ್ರಾಂಡ್ ಮಾಸ್ಟರ್ ಆಗಿದ್ದರು.[೬]

ರಾಜಕೀಯ ಜೀವನ[ಬದಲಾಯಿಸಿ]

ಬುಕಾನನ್ ತಮ್ಮ ರಾಜಕೀಯ ವೃತ್ತಿಜೀವನವನ್ನು ಪೆನ್ಸಿಲ್ವೇನಿಯಾ ಹೌಸ್ ಆಫ್ ರೆಪ್ರೆಸೆಂಟಿಟಿವ್ಸ್ ನಲ್ಲಿ 1814-1816ರವರೆಗೂ ಒಬ್ಬ ಸಂಯುಕ್ತತಾವಾದಿಯಾಗಿ ಸೇವೆ ಸಲ್ಲಿಸುವ ಮೂಲಕ ಪ್ರಾರಂಭಿಸಿದರು.[೭] ಇವರು 17ನೇ ಯುನೈಟೆಡ್ ಸ್ಟೇಟ್ಸ್ ಕಾಂಗ್ರೆಸ್‌ಗೆ ಚುನಾಯಿತರಾಗುವುದರ ಜೊತೆಗೆ ಅನುಕ್ರಮವಾಗಿ ನಾಲ್ಕು ಕಾಂಗ್ರೆಸ್‌ಗಳಿಗೆ ಆಯ್ಕೆಯಾದರು (ಮಾರ್ಚ್ 4, 1821 - ಮಾರ್ಚ್ 4, 1831). ಜೊತೆಗೆ 21ನೇ ಯುನೈಟೆಡ್ ಸ್ಟೇಟ್ಸ್ ಕಾಂಗ್ರೆಸ್‌ನ U.S. ಹೌಸ್ ಕಮಿಟಿ ಆನ್ ದಿ ಜ್ಯುಡಿಷರಿಯಲ್ಲಿ ಅಧ್ಯಕ್ಷರಾಗಿ ಸೇವೆ ಸಲ್ಲಿಸಿದರು. ಇಸವಿ 1830ರಲ್ಲಿ ಜೇಮ್ಸ್ H. ಪೆಕ್ ವಿರುದ್ಧ ದೋಷಾರೋಪಣೆ ಪ್ರಕ್ರಿಯೆಗಳನ್ನು ನಡೆಸಲು ಸದನ ನೇಮಕ ಮಾಡಿದ ಸದಸ್ಯರಲ್ಲಿ ಅವರು ಒಬ್ಬರಾಗಿದ್ದರು. ಪೆಕ್ ಯುನೈಟೆಡ್ ಸ್ಟೇಟ್ಸ್ ಡಿಸ್ಟ್ರಿಕ್ಟ್ ಕೋರ್ಟ್ ಫಾರ್ ದಿ ಡಿಸ್ಟ್ರಿಕ್ಟ್ ಆಫ್ ಮಿಸ್ಸೋರಿ ಯ ನ್ಯಾಯಾಧೀಶರಾಗಿದ್ದರು, ಇವರನ್ನು ಅಂತಿಮವಾಗಿ ಆರೋಪದಿಂದ ಮುಕ್ತಗೊಳಿಸಲಾಯಿತು.[೮] ಬುಕಾನನ್ ಮರುಚುನಾವಣೆಗಾಗಿ ಕೋರಲಿಲ್ಲ. 1832ರಿಂದ 1834ರವರೆಗೆ ರಷ್ಯಾದ ರಾಯಭಾರಿಯಾಗಿ ಕಾರ್ಯ ನಿರ್ವಹಿಸಿದರು.

ಫೆಡರಲಿಸ್ಟ್ ಪಕ್ಷದ ದೀರ್ಘಕಾಲದ ನಿಷ್ಕ್ರಿಯತೆಯಿಂದಾಗಿ, ಖಾಲಿ ಹುದ್ದೆಯನ್ನು ಭರ್ತಿ ಮಾಡುವ ಸಲುವಾಗಿ ಬುಕಾನನ್‌ರನ್ನು ಯುನೈಟೆಡ್ ಸ್ಟೇಟ್ಸ್ ಸೆನೆಟ್ ಗೆ ಡೆಮೋಕ್ರ್ಯಾಟ್‌ಪಕ್ಷದಿಂದ ಆಯ್ಕೆ ಮಾಡಲಾಯಿತು ಹಾಗು ಡಿಸೆಂಬರ್ 1834ರಿಂದ ಪಕ್ಷಕ್ಕೆ ಸೇವೆಯನ್ನು ಸಲ್ಲಿಸಿದರು; ಇವರನ್ನು 1837 ಮತ್ತು 1843ರಲ್ಲಿ ಮತ್ತೆ ಆಯ್ಕೆ ಮಾಡಲಾಯಿತು ಹಾಗೂ 1845ರಲ್ಲಿ ತಮ್ಮ ಸ್ಥಾನಕ್ಕೆ ರಾಜಿನಾಮೆ ನೀಡಿದರು.

ಇವರು ಕಮಿಟಿ ಆಫ್ ಫಾರಿನ್ ರಿಲೇಶನ್ಸ್ ನ ಅಧ್ಯಕ್ಷರಾಗಿದ್ದರು (24ರಿಂದ 26ನೇ ಕಾಂಗ್ರೆಸ್‌ಗಳ ಅವಧಿಯಲ್ಲಿ)

ಇಸವಿ 1844ರಲ್ಲಿ ಸುಪ್ರೀಂ ಕೋರ್ಟ್ ನ್ಯಾಯಮೂರ್ತಿ ಹೆನ್ರಿ ಬಾಲ್ಡ್‌ವಿನ್‌ರ ನಿಧನದ ನಂತರ, ಬುಕಾನನ್‌ರನ್ನು ಅಧ್ಯಕ್ಷ ಪೋಲ್ಕ್ ಸುಪ್ರೀಂ ಕೋರ್ಟ್‌ನ ನ್ಯಾಯಮೂರ್ತಿಯನ್ನಾಗಿ ಸೇವೆ ಸಲ್ಲಿಸಲು ನಾಮ ನಿರ್ದೇಶನ ಮಾಡಿದರು. ಅವರು ಈ ನಾಮ ನಿರ್ದೇಶನವನ್ನು ನಿರಾಕರಿಸಿದರು, ಹಾಗು ಈ ಸ್ಥಾನವನ್ನು ರಾಬರ್ಟ್ ಕೂಪರ್ ಗ್ರಿಯೆರ್ ಅಲಂಕರಿಸಿದರು.

ಬುಕಾನನ್, ಜೇಮ್ಸ್ K. ಪೋಲ್ಕ್‌ರ ಅಧ್ಯಕ್ಷಗಿರಿಯಲ್ಲಿ 1845ರಿಂದ 1849ರವರೆಗೆ ಬುಕಾನನ್ ವಿರೋಧಿ ಉಪಾಧ್ಯಕ್ಷ ಜಾರ್ಜ್ ಡಲ್ಲಾಸ್ ರ ಆಕ್ಷೇಪಗಳ ನಡುವೆಯೂ ವಿದೇಶಾಂಗ ಕಾರ್ಯದರ್ಶಿಯಾಗಿ ಸೇವೆ ಸಲ್ಲಿಸಿದರು.[೯] ತಮ್ಮ ಅಧಿಕಾರಾವಧಿಯಲ್ಲಿ, 1846ರ ಒರೆಗೊನ್ ಒಪ್ಪಂದವನ್ನು ಸಂಧಾನದ ಮೂಲಕ ತೀರ್ಮಾನಿಸುವುದರ ಜೊತೆಗೆ 49ನೇ ಅಕ್ಷಾಂಶ ವೃತ್ತ ವನ್ನು ಪಶ್ಚಿಮ U.S. ನ ಉತ್ತರ ದಿಕ್ಕಿನ ಗಡಿರೇಖೆಯಾಗಿ ಸ್ಥಾಪನೆ ಮಾಡಿದರು.[೧೦] ಜೇಮ್ಸ್ ಬುಕಾನನ್ ನಂತರ ಯಾವುದೇ ವಿದೇಶಾಂಗ ಕಾರ್ಯದರ್ಶಿಯು ಅಧ್ಯಕ್ಷ ಸ್ಥಾನವನ್ನು ಅಲಂಕರಿಸಿಲ್ಲ, ಆದಾಗ್ಯೂ ವಿಲ್ಲಿಯಮ್ ಹೊವರ್ಡ್ ಟಫ್ಟ್, ಅಮೆರಿಕದ 27ನೇ ಅಧ್ಯಕ್ಷರು ಥಿಯೋಡೋರ್ ರೂಸ್ವೆಲ್ಟ್ ಆಡಳಿತದಲ್ಲಿ ಸರಕಾರದ ಉಸ್ತುವಾರಿ ವಿದೇಶಾಂಗ ಕಾರ್ಯದರ್ಶಿಯಾಗಿ ಸೇವೆ ಸಲ್ಲಿಸಿದ್ದರು.

ಇಸವಿ 1852ರಲ್ಲಿ, ಬುಕಾನನ್‌ರನ್ನು ಅವರ ತವರೂರು ಪೆನ್ಸಿಲ್ವೇನಿಯಾದ ಲಾಂಕ್ಯಾಸ್ಟರ್‌ನಲ್ಲಿರುವ ಫ್ರಾಂಕ್ಲಿನ್ ಅಂಡ್ ಮಾರ್ಷಲ್ ಕಾಲೇಜ್ ಟ್ರಸ್ಟಿಗಳ ಮಂಡಳಿಯ ಅಧ್ಯಕ್ಷರನ್ನಾಗಿ ಹೆಸರಿಸಲಾಯಿತು. ಇದಲ್ಲದೆ ಅವರನ್ನು ಸೇವೆಯಿಂದ ವಜಾಗೊಳಿಸಲಾಗಿದೆಯೆಂಬ ತಪ್ಪು ವರದಿಯ ಹೊರತಾಗಿಯೂ[೧೧] 1866ರವರೆಗೂ ತಮ್ಮ ಅಧಿಕಾರವನ್ನು ನಿರ್ವಹಿಸಿದರು.[೧೨]

ಅವರು 1853 ರಿಂದ 1856ರವರೆಗೆ St. ಜೇಮ್ಸ್ 'ಸ್ ಕೋರ್ಟ್‌ನ ಸಚಿವ(ಬ್ರಿಟನ್) ಸೇವೆ ಸಲ್ಲಿಸಿದರು. ಈ ಅವಧಿಯಲ್ಲಿ ಓಸ್ಟೆನ್ಡ್ ಮ್ಯಾನಿಫೆಸ್ಟೋ ಕರಡುಪ್ರತಿಯನ್ನು ಸಿದ್ಧಪಡಿಸಲು ಸಹಾಯ ಮಾಡಿದರು. ಇದರ ಪ್ರಕಾರ ಗುಲಾಮಗಿರಿಯನ್ನು ವಿಸ್ತರಿಸುವ ಉದ್ದೇಶದೊಂದಿಗೆ ಸ್ಪೇನ್ ನಿಂದ ಕ್ಯೂಬಾ ವನ್ನು ಖರೀದಿಸುವ ಪ್ರಸ್ತಾಪವನ್ನು ಒಳಗೊಂಡಿತ್ತು. ಈ ಪ್ರಣಾಳಿಕೆಯು ಪಿಯರ್ಸ್ ಆಡಳಿತದ ಒಂದು ದೊಡ್ಡ ಪ್ರಮಾದವೆಂದು ಸಾಬೀತಾಯಿತು. ಇದಲ್ಲದೆ ಸುವ್ಯಕ್ತ ನಿಯಾಮಕ(ಉತ್ತರ ಅಮೆರಿಕ ಖಂಡದಾದ್ಯಂತ ಯುನೈಟೆಡ್ ಸ್ಟೇಟ್ಸ್ ವಿಸ್ತರಣೆ ದೈವಸಂಕಲ್ಪವೆಂಬ ನಂಬಿಕೆ) ಬಹುಮಟ್ಟಿಗೆ ಬೆಂಬಲವನ್ನು ಬಹುಮಟ್ಟಿಗೆ ದುರ್ಬಲಗೊಳಿಸಿತು.

1856ರ ಚುನಾವಣೆ[ಬದಲಾಯಿಸಿ]

ಬುಕಾನನ್ ರನ್ನು-ವಿರೋಧಿಸುವ 1856ರ ಚುನಾವಣೆಯ ಒಂದು ರಾಜಕೀಯ ವ್ಯಂಗ್ಯಚಿತ್ರ ಹಲವು ಉತ್ತರ ಭಾಗದವರ ಭಾವನೆಗಳನ್ನು ಬಿಂಬಿಸುತ್ತದೆ.ಬುಕಾನನ್, ಗುಲಾಮರ ಒಡೆಯ ("ಫೈರ್ ಈಟರ್") ಹಾಗು ಗುಲಾಮನ ಕೆಳಗೆ ಮಲಗಿದ್ದು, ಹೇಳುತ್ತಾರೆ, "ನಾನು ಇನ್ನು ಮುಂದೆ ಜೇಮ್ಸ್ ಬುಕಾನನ್ ಅಲ್ಲ, ಆದರೆ ನನ್ನ ಪಕ್ಷದ ರಾಜಕೀಯ ವೇದಿಕೆ."

ಡೆಮೋಕ್ರ್ಯಾಟ್ ಪಕ್ಷದವರು ಬುಕಾನನ್ ರನ್ನು 1856ರಲ್ಲಿ ನಾಮ ನಿರ್ದೇಶನ ಮಾಡಿದರು. ಇದರ ಪ್ರಮುಖ ಕಾರಣವೆಂದರೆ ಇವರು ಕಾನ್ಸಾಸ್ -ನೆಬ್ರಾಸ್ಕ ಚರ್ಚೆಯ ಸಮಯದಲ್ಲಿ ಇಂಗ್ಲೆಂಡ್ ನಲ್ಲಿದ್ದು, ಎರಡೂ ಕಡೆಯಿಂದ ಈ ವಿಷಯದ ಬಗ್ಗೆ ನಿಷ್ಕಳಂಕರಾಗಿ ಉಳಿದರು. ಇವರನ್ನು 17ನೇ ಚುನಾವಣೆಯಲ್ಲಿ ನಾಮನಿರ್ದೇಶನ ಮಾಡುವುದರ ಜೊತೆಗೆ ಆಯ್ಕೆ ಮಾಡಲಾಯಿತು, ಆದಾಗ್ಯೂ ಅವರು ಇದರಿಂದ ಹಿಂದೆ ಸರಿಯಲು ಇಚ್ಛಿಸಲಿಲ್ಲ.[ಸಾಕ್ಷ್ಯಾಧಾರ ಬೇಕಾಗಿದೆ]

ಮಾಜಿ ಅಧ್ಯಕ್ಷ ಮಿಲ್ಲರ್ಡ್ ಫಿಲ್ಮೋರ್ನೋ ನಥಿಂಗ್ ಉಮೇದುವಾರಿಕೆಯು ಬುಕಾನನ್ ರಿಗೆ ಜಾನ್ C. ಫ್ರೆಮೊಂಟ್ ರನ್ನು ಸೋಲಿಸಲು ಸಹಾಯ ಮಾಡಿತು. ಫ್ರೆಮೊಂಟ್ 1856ರಲ್ಲಿ ಅಧ್ಯಕ್ಷಗಿರಿಗೆ ಮೊದಲ ರಿಪಬ್ಲಿಕನ್ ಅಭ್ಯರ್ಥಿ ಮತ್ತು ಅವರು ಮಾರ್ಚ್ 4, 1857ರಿಂದ ಮಾರ್ಚ್ 4, 1861ರವರೆಗೆ ಸೇವೆ ಸಲ್ಲಿಸಿದರು. ಬುಕಾನನ್, ಅಧ್ಯಕ್ಷಗಾದಿಗೆ ಚುನಾವಣೆಯ ಮೂಲಕ ತಮ್ಮ ಸಾಮರ್ಥ್ಯದಿಂದ ಅಧಿಕಾರವನ್ನು ವಹಿಸಿಕೊಂಡ ತೀರ ಇತ್ತೀಚಿನ ಇಬ್ಬರು ಡೆಮೋಕ್ರ್ಯಾಟ್‌ಗಳಲ್ಲಿ ಒಬ್ಬರಾಗಿ ಉಳಿದಿದ್ದಾರೆ(ಮತ್ತೊಬ್ಬರು ಮಾರ್ಟಿನ್ ವ್ಯಾನ್ ಬುರೆನ್).

ದೇಶದಲ್ಲಿ ಹೆಚ್ಚುತ್ತಿದ್ದ ಒಡಕಿಗೆ ಸಂಬಂಧಿಸಿದಂತೆ, ಅಧ್ಯಕ್ಷರಾಗಿ ಚುನಾಯಿತರಾದ ಬುಕಾನನ್ ತಮ್ಮ ನೇಮಕಗಳಲ್ಲಿ ಒಂದು ವರ್ಗೀಯ ಸಮತೋಲನವನ್ನು ನಿರ್ವಹಿಸುವ ಮೂಲಕ ಬಿಕ್ಕಟ್ಟಿನಿಂದ ದೂರ ಉಳಿಯಲು ಉದ್ದೇಶಿಸಿದರು. ಜೊತೆಗೆ ಸುಪ್ರೀಂ ಕೋರ್ಟ್ ವ್ಯಾಖ್ಯಾನಿಸಿದ ಸಾಂವಿಧಾನಿಕ ಕಾನೂನುಗಳನ್ನು ಒಪ್ಪಿಕೊಳ್ಳುವಂತೆ ಜನರಿಗೆ ಮನವೊಲಿಸಿದರು. ನ್ಯಾಯಾಲಯವು ಪ್ರದೇಶಗಳಲ್ಲಿ ಗುಲಾಮಗಿರಿಯನ್ನು ನಿರ್ಬಂಧಿಸುವ ಕಾನೂನುಬದ್ಧತೆಯ ಬಗ್ಗೆ ಪರಿಗಣಿಸಿತು. ಹಾಗು ಇಬ್ಬರು ನ್ಯಾಯಾಧೀಶರು ಬುಕಾನನ್‌ಗೆ ತೀರ್ಪು ಏನಾಗಿರಬಹುದೆಂಬ ಇಂಗಿತ ನೀಡಿದರು.

ಅಧ್ಯಕ್ಷ ಪದವಿ 1857-1861[ಬದಲಾಯಿಸಿ]

ಮಾರ್ಚ್ 4, 1857 ಜೇಮ್ಸ್ ಬುಕಾನನ್ ರ ಅಧಿಕಾರ ಪ್ರತಿಷ್ಠಾಪನೆಯ ಜಾನ್ ವುಡ್‌ರ ಒಂದು ಛಾಯಾಚಿತ್ರ.ಬುಕಾನನ್ ರ ಅಧಿಕಾರ ಪ್ರತಿಷ್ಠಾಪನೆ ಮೊದಲ ಬಾರಿಗೆ ಛಾಯಾಚಿತ್ರಗಳ ಮೂಲಕ ದಾಖಲಿಸಲಾಯಿತು.

ಡ್ರೆಡ್ ಸ್ಕಾಟ್ ಘಟನೆ[ಬದಲಾಯಿಸಿ]

ತಮ್ಮ ಆರಂಭಿಕ ಭಾಷಣದಲ್ಲಿ, ಮತ್ತೆ ಸ್ಪರ್ಧಿಸುವುದಿಲ್ಲವೆಂದು ಭರವಸೆ ನೀಡುವುದರ ಜೊತೆಗೆ, ಬುಕಾನನ್ ಪ್ರಾದೇಶಿಕತೆಯ ಪ್ರಶ್ನೆಯನ್ನು " ಒಂದು ಸಂಗತಿಯಾದರೂ ಹೆಚ್ಚಿನ ಕಾರ್ಯಸಾಧ್ಯ ಪ್ರಾಮುಖ್ಯತೆಯನ್ನು ಹೊಂದಿಲ್ಲ" ಏಕೆಂದರೆ ಸುಪ್ರೀಂ ಕೋರ್ಟ್ ಸಮಸ್ಯೆಯನ್ನು "ತ್ವರಿತವಾಗಿ ಹಾಗು ಅಂತಿಮವಾಗಿ" ಬಗೆಹರಿಸುತ್ತದೆಂದು ಉಲ್ಲೇಖಿಸಿದರು. ಎರಡು ದಿನಗಳ ಬಳಿಕ, ಮುಖ್ಯ ನ್ಯಾಯಾಧೀಶ ರೋಜರ್ B. ಟ್ಯಾನಿ (ಡಿಕಿನ್ಸನ್ ಕಾಲೇಜಿನ ಒಬ್ಬ ಹಳೆ ವಿದ್ಯಾರ್ಥಿ)ಡ್ರೆಡ್ ಸ್ಕಾಟ್ ನಿರ್ಣಯಕ್ಕೆ ತೀರ್ಪನ್ನು ನೀಡಿದರು. ಇದರ ಪ್ರಕಾರ ಪ್ರದೇಶಗಳಲ್ಲಿ ಗುಲಾಮಗಿರಿಯನ್ನು ಬಹಿಷ್ಕರಿಸುವ ಯಾವುದೇ ಸಾಂವಿಧಾನಿಕ ಅಧಿಕಾರವು ಕಾಂಗ್ರೆಸ್‌ಗೆ ಇಲ್ಲವೆಂದು ಪ್ರತಿಪಾದಿಸಿದರು. ಟ್ಯಾನಿಯ ಲಿಖಿತ ತೀರ್ಪಿನ ಹೆಚ್ಚಿನ ಭಾಗವನ್ನು ಒಬಿಟೇರ್ ಡಿಕ್ಟಂ (ಅಭಿಪ್ರಾಯ,ಕೋರ್ಟ್ ತೀರ್ಪಿನ ಅವಶ್ಯಕ ಭಾಗವಲ್ಲ) ಎಂದು ವ್ಯಾಪಕವಾಗಿ ವ್ಯಾಖ್ಯಾನಿಸಲಾಗುತ್ತದೆ - ನ್ಯಾಯಾಧೀಶರ ಹೇಳಿಕೆಗಳು ಪ್ರಕರಣದ ಫಲಿತಾಂಶಕ್ಕೆ ಅನಾವಶ್ಯಕವಾಗಿದ್ದರೂ, ಈ ಪ್ರಸಂಗವು ದಕ್ಷಿಣ ಭಾಗದವರನ್ನು ಸಂತೋಷಗೊಳಿಸಿದರೆ ಉತ್ತರಭಾಗದವರಲ್ಲಿ ಕೋಲಾಹಲವನ್ನು ಉಂಟುಮಾಡಿತು.

ಬುಕಾನನ್, ಈ ತೀರ್ಮಾನದಲ್ಲಿ ವೈಯುಕ್ತಿಕವಾಗಿ ಭಾಗಿಯಾಗಿದ್ದಾರೆಂದು ವ್ಯಾಪಕವಾಗಿ ನಂಬಲಾಯಿತು. ಇದರ ಜೊತೆಗೆ ಉತ್ತರ ಭಾಗದವರು, ಬುಕಾನನ್ ತಮ್ಮ ಆರಂಭಿಕ ಭಾಷಣದಲ್ಲಿ ಟ್ಯಾನಿಯೊಡನೆ ಪಿಸುಗುಟ್ಟುತ್ತಿದ್ದುದ್ದನ್ನು ನೆನಪಿಸಿಕೊಂಡರು. ಬುಕಾನನ್, ಪ್ರಾದೇಶಿಕ ಸಮಸ್ಯೆಯನ್ನು ಸುಪ್ರೀಂ ಕೋರ್ಟ್ ಬಗೆಹರಿಸಬೇಕೆಂದು ಇಚ್ಛಿಸಿದರು. ಇದಕ್ಕೆ ಪುಷ್ಟಿ ನೀಡುವಂತೆ, ಅವರು ವೈಯಕ್ತಿಕವಾಗಿ ತಮ್ಮ ಸಂಗಡಿಗ ಪೆನ್ಸಿಲ್ವೇನಿಯಾದ ನ್ಯಾಯಾಧೀಶ ರಾಬರ್ಟ್ ಕೂಪರ್ ಗ್ರಿಯೆರ್‌ಗೆ ಗುಲಾಮಿ ಆಸ್ತಿಯ ಮೇಲೆ ಮಾಲೀಕತ್ವವನ್ನು ಎತ್ತಿಹಿಡಿಯುವ ಸಲುವಾಗಿ ಬಹುಮತದೊಂದಿಗೆ ಮತ ನೀಡಬೇಕೆಂದು ಲಾಬಿ ಮಾಡಿದರು. ಗುಲಾಮಿ ಆಳ್ವಿಕೆ ಗೆ ಶಾಮೀಲಾಗಿದ್ದಾರೆಂದು ಇವರನ್ನು ಅಬ್ರಹಾಂ ಲಿಂಕನ್ ಬಹಿರಂಗವಾಗಿ ಖಂಡಿಸುತ್ತಾರೆ. ಲಿಂಕನ್ ಇದನ್ನು ಗುಲಾಮಿ ಒಡೆಯರು ಫೆಡೆರಲ್ ಸರಕಾರದ ಅಧಿಕಾರವನ್ನು ವಶಪಡಿಸಿಕೊಂಡು ಗುಲಾಮಗಿರಿಯನ್ನು ರಾಷ್ಟ್ರೀಕರಿಸಲು ಹೂಡಿದ ಒಂದು ಒಳಸಂಚು ಎಂದು ಭಾವಿಸುತ್ತಾರೆ.

ರಕ್ತಸಿಕ್ತ ಕಾನ್ಸಾಸ್[ಬದಲಾಯಿಸಿ]

ಆದಾಗ್ಯೂ, ಬುಕಾನನ್ ಮತ್ತಷ್ಟು ಪ್ರಾದೇಶಿಕ ಸಮಸ್ಯೆಗಳ ಬಗ್ಗೆ ತೊಂದರೆಯನ್ನು ಎದುರಿಸುತ್ತಾರೆ. ಅವರು ಕಾನ್ಸಾಸ್ಲೆಕಾಂಪ್ಟನ್ ಕಾಂಸ್ಟಿಟ್ಯೂಶನ್ ಕುರಿತು ಕಾಂಗ್ರೆಸ್ಸಿನ ಅನುಮೋದನೆಯ ಹಿಂದೆ ಅವರು ತಮ್ಮ ಆಡಳಿತದ ಸಂಪೂರ್ಣ ಘನತೆಯನ್ನು ಕಡೆಗಣಿಸಿದರು. ಇದರ ಪ್ರಕಾರ ಕಾನ್ಸಾಸ್‌ನ್ನು ಒಂದು ಗುಲಾಮಿ ರಾಜ್ಯವಾಗಿ ಅಂಗೀಕರಿಸುವುದರ ಜೊತೆಗೆ ಅನುಗ್ರಹ(ಕೃಪೆ)ದ ನೇಮಕಗಳ ಪ್ರಸ್ತಾವನೆ ಹಾಗು ಮತಗಳ ಬದಲಿಯಾಗಿ ಹಣದ ಲಂಚಗಳನ್ನು ನೀಡುವವರೆಗೆ ಹೋಯಿತು. ಲೆಕಾಂಪ್ಟನ್ ಸರಕಾರವು ಉತ್ತರಭಾಗದವರಲ್ಲಿ ಹೆಚ್ಚಿನ ಜನಪ್ರಿಯತೆಯನ್ನು ಗಳಿಸಿರಲಿಲ್ಲ. ಏಕೆಂದರೆ ಇದು ಗುಲಾಮರ ಒಡೆಯರ ಪ್ರಾಬಲ್ಯದಲ್ಲಿತ್ತು. ಇವರು ಗುಲಾಮರ ಒಡೆಯರಲ್ಲದವರ ಹಕ್ಕುಗಳನ್ನು ಮೊಟಕುಗೊಳಿಸಿ ಕಾನೂನುಗಳನ್ನು ರೂಪಿಸಿದರು. ಲೆಕಾಂಪ್ಟನ್ ಕಾಂಸ್ಟಿಟ್ಯೂಶನ್ ನನ್ನು ಕಾನ್ಸಾಸ್‌ನ ಮತದಾರರು ತಿರಸ್ಕರಿಸಿದರೂ, ಬುಕಾನನ್ ಸದನದ ಮೂಲಕ ತನ್ನ ವಿಧೇಯಕಕ್ಕೆ ಅನುಮೋದನೆ ಪಡೆಯುವಲ್ಲಿ ಸಫಲರಾದರು. ಆದರೆ ಇದನ್ನು ಸ್ಟೀಫನ್ A. ಡೌಗ್ಲಾಸ್ ಮುಖಂಡತ್ವದ ಉತ್ತರ ಭಾಗದ ಜನರು ಸೆನೆಟ್‌ನಲ್ಲಿ ತಡೆಯೊಡ್ಡಿದರು. ಅಂತಿಮವಾಗಿ, ಕಾಂಗ್ರೆಸ್ ಲೆಕಾಂಪ್ಟನ್ ಸಂವಿಧಾನ ಕುರಿತು ಹೊಸದಾಗಿ ಮತ ಯಾಚಿಸಲು ನಿರ್ಧರಿಸಿತು. ಈ ಪ್ರಯತ್ನವು ದಕ್ಷಿಣ ಭಾಗದವರನ್ನು ಕೆರಳಿಸಿತು. ಬುಕಾನನ್ ಹಾಗು ಡೋಗ್ಲಾಸ್ 1859-60ರಲ್ಲಿ ಪಕ್ಷದ ಅಧಿಕಾರವನ್ನು ಹಿಡಿತದಲ್ಲಿಡುವ ಸಲುವಾಗಿ ತಮ್ಮ ಪೂರ್ಣಮಟ್ಟದ ಶಕ್ತಿಯನ್ನು ಬಳಸಿ ಹೋರಾಟವನ್ನು ನಡೆಸಿದರು. ಬುಕಾನನ್ ತಮ್ಮ ಅನುಗ್ರಹದ ನೇಮಕ ಅಧಿಕಾರವನ್ನು ಬಳಸಿಕೊಂಡರೆ ಡೋಗ್ಲಾಸ್ ಸ್ಥಳೀಯ ಮಟ್ಟದ ಜನಸಾಮಾನ್ಯರ ಬಲವನ್ನು ಸೇರಿಸಿದರು. ಬುಕಾನನ್ ಬಹಳವಾಗಿ ದುರ್ಬಲಗೊಂಡಿದ್ದ ತಮ್ಮ ಪಕ್ಷದ ಮೇಲೆ ಹಿಡಿತವನ್ನು ಕಳೆದುಕೊಂಡರು.

ಬುಕಾನನ್‌ರ ವೈಯಕ್ತಿಕ ದೃಷ್ಟಿಕೋನಗಳು[ಬದಲಾಯಿಸಿ]

ಅಧ್ಯಕ್ಷ ಬುಕಾನನ್ ಹಾಗು ಅವರ ಸಚಿವ ಸಂಪುಟ ಎಡದಿಂದ ಬಲಕ್ಕೆ: ಜೇಕಬ್ ಥಾಮ್ಸನ್, ಲೆವಿಸ್ ಕಾಸ್ಸ್, ಜಾನ್ B. ಫ್ಲಾಯ್ಡ್, ಜೇಮ್ಸ್ ಬುಕಾನನ್, ಹೋವೆಲ್ ಕಾಬ್ಬ್, ಐಸ್ಸಾಕ್ ಟೌಸಿ, ಜೋಸೆಫ್ ಹೊಲ್ಟ್ ಹಾಗು ಜೆರೇಮಿಃ S. ಬ್ಲಾಕ್, (ಸಿ. 1859)

ಬುಕಾನನ್ ವೈಯುಕ್ತಿಕವಾಗಿ ಗುಲಾಮಿ ಒಡೆಯರ ಹಕ್ಕುಗಳ ಬಗ್ಗೆ ಹೆಚ್ಚಿನ ಒತ್ತಾಸೆಯನ್ನು ನೀಡುವುದರ ಜೊತೆಗೆ ಕ್ಯೂಬಾವನ್ನು ಹೆಚ್ಚಿಗೆ ಬಯಸುತ್ತಿದ್ದ ಗುಲಾಮಿ-ವಿಸ್ತರಣವಾದಿಗಳ ಬಗ್ಗೆ ಅನುಕಂಪವನ್ನು ಹೊಂದಿದ್ದರು. ಬುಕಾನನ್ ಗುಲಾಮ ನಿರ್ಮೂಲನಾವಾದಿಗಳು ಹಾಗುಫ್ರೀ ಸಾಯಿಲ್ ರಿಪಬ್ಲಿಕನ್ಸ್ ಇಬ್ಬರನ್ನು ಉಪೇಕ್ಷಿಸುವುದರ ಜೊತೆಗೆ ಇಬ್ಬರನ್ನು ಮನಸೋಇಚ್ಛೆ ಒಟ್ಟುಗೂಡಿಸಿದರು. ಗುಲಾಮಿ ಅಧಿಕಾರದ ವಿರೋಧಿಗಳ ಜೊತೆ ಹೋರಾಡಿದರು. ಅವರ ಮೂರನೇ ವಾರ್ಷಿಕ ಸಂದೇಶದಲ್ಲಿ ಬುಕಾನನ್ ಗುಲಾಮರನ್ನು "ದಯೆಯಿಂದ ಹಾಗು ಮಾನವೀಯತೆಯಿಂದ ನಡೆಸಿಕೊಳ್ಳಲಾಗುತ್ತಿದೆ ಎಂದು ಸಮರ್ಥಿಸಿಕೊಂಡರು..... ಲೋಕೋಪಕಾರ ಹಾಗು ಒಡೆಯರ ಸ್ವ-ಹಿತಾಸಕ್ತಿ ಎರಡೂ ಸೇರಿ ಈ ಮಾನವೀಯ ಪರಿಣಾಮಕ್ಕೆ ಕಾರಣವಾಗಿದೆ"[೧೩]. ಇತಿಹಾಸಜ್ಞ ಕೆನ್ನೆತ್ ಸ್ಟಾಂಪ್ಪ್ ರ ಬರೆಯತ್ತಾರೆ:

Shortly after his election, he assured a southern Senator that the "great object" of his administration would be "to arrest, if possible, the agitation of the Slavery question in the North and to destroy sectional parties. Should a kind Providence enable me to succeed in my efforts to restore harmony to the Union, I shall feel that I have not lived in vain." In short, in the northern anti-slavery idiom of his day Buchanan was the consummate "doughface," a northern man with southern principles.[೧೪]

ಅವರ ಕ್ರಿಯಾಶೂನ್ಯತೆ ಮಹತ್ತರವಾಗಿತ್ತು,ಹೆಚ್ಚು ಕಾಲೇಜುಗಳನ್ನು ಸ್ಥಾಪಿಸಬೇಕೆಂಬ ಕಾಂಗ್ರೆಸ್ ಅನುಮೋದಿಸಿದ ಮಸೂದೆಗೆ ಅವರು ವಿರುದ್ಧ ಮತ ಚಲಾಯಿಸಿದರು. "ಅಲ್ಲಿ ಈಗಾಗಲೇ ಹೆಚ್ಚಿನ ವಿದ್ಯಾವಂತ ಜನರಿದ್ದಾರೆಂದು ಅವರು ನಂಬಿದ್ದರು.[೧೫]

1857ರ ಭೀತಿ[ಬದಲಾಯಿಸಿ]

1857ರ ಭೀತಿಯ ಸ್ಫೋಟದಿಂದ ಬುಕಾನನ್‌ರ ಆಡಳಿತಕ್ಕೆ ಆರ್ಥಿಕ ಸಮಸ್ಯೆಗಳು ಕಾಡಿದವು. ಸರಕಾರವು ಇದ್ದಕ್ಕಿದ್ದಂತೆ ಆದಾಯದ ಕೊರತೆಯನ್ನು ಎದುರಿಸಿತು. ಇದಕ್ಕೆ ಆಂಶಿಕವಾಗಿ ಡೆಮೋಕ್ರ್ಯಾಟ್‌ಗಳು ಸುಂಕವನ್ನು ಕಡಿಮೆ ಮಾಡಿಸಲು ಯಶಸ್ವಿಯಾಗಿ ಒತ್ತಡಹಾಕಿದ್ದು ಕಾರಣವಾಗಿತ್ತು. ಖಜಾನೆ ಕಾರ್ಯದರ್ಶಿ ಹೋವೆಲ್ ಕಾಬ್ಬ್ ರ ಆಣತಿಯ ಮೇರೆಗೆ ಬುಕಾನನ್ ರ ಆಡಳಿತವು ಸರಕಾರಕ್ಕೆ ಖೋತಾ ಹಣಕಾಸು ಪೂರೈಕೆಯನ್ನು ಮಾಡಿತು. ಈ ಪ್ರಯತ್ನವು ಎರಡು ದಶಕಗಳಿಂದ ಡೆಮೋಕ್ರ್ಯಾಟಿಕ್‌ಗಳು ಬೆಂಬಲಿಸಿದ ಹಾರ್ಡ್ ಮನಿ ನೀತಿಗಳಿಗೆ ಮುಖಭಂಗವನ್ನು ತರುವುದರ ಜೊತೆಗೆ ರಿಪಬ್ಲಿಕನ್ ಪಕ್ಷದವರು ಬುಕಾನನ್‌ರ ಆರ್ಥಿಕ ದುರಾಡಳಿತದ ಬಗ್ಗೆ ಟೀಕಾಪ್ರಹಾರ ಮಾಡಲು ಅವಕಾಶ ನೀಡಿತು.

ಉಟಾ ಯುದ್ಧ[ಬದಲಾಯಿಸಿ]

ಮಾರ್ಚ್ 1857ರಲ್ಲಿ ಬುಕಾನನ್ ಸುಳ್ಳು ವರದಿಗಳನ್ನು ಸ್ವೀಕರಿಸಿದರು.[ಸಾಕ್ಷ್ಯಾಧಾರ ಬೇಕಾಗಿದೆ] ಮೊರ್ಮೊನ್ ಪ್ರಾಬಲ್ಯದ ಉಟಾ ಪ್ರದೇಶದ ಗವರ್ನರ್ ಬ್ರಿಗ್ಹಾಮ್ ಯಂಗ್ ಬಂಡಾಯದ ಯೋಜನೆ ಹಾಕಿದ್ದಾರೆಂಬುದು ಈ ವರದಿಯಾಗಿತ್ತು. ಅದೇ ವರ್ಷ ನವೆಂಬರ್ ನಲ್ಲಿ, ಬುಕಾನನ್, ಮೊರ್ಮೊನ್-ಅಲ್ಲದ ಅಲ್ಫ್ರೆಡ್ ಕಮ್ಮಿಂಗ್‌ನನ್ನು ಯಂಗ್ ಬದಲಿಗೆ ರಾಜ್ಯಪಾಲರನ್ನಾಗಿ ನೇಮಿಸಲು ಸೈನ್ಯವನ್ನು ಕಳುಹಿಸಿದರು. ಇದಕ್ಕೆ ಅವರು ವರದಿಗಳ ಸತ್ಯಾಸತ್ಯತೆಯ ಬಗ್ಗೆ ಪರಿಶೀಲನೆ ನಡೆಸುವುದಾಗಲಿ ಅಥವಾ ಯಂಗ್‌ ಸ್ಥಾನ ಬದಲಿಸಲಾಗುವುದೆಂದು ಅವರಿಗೆ ಸೂಚನೆ ನೀಡುವುದಾಗಲಿ ಮಾಡಲಿಲ್ಲ. ವಾಶಿಂಗ್ಟನ್ ನಲ್ಲಿ ವರ್ಷಾಂತರಗಳಿಂದ ನಡೆಯುತ್ತಿದ್ದ ಮೊರ್ಮೊನ್ ವಿರೋಧಿಪೊಳ್ಳು ಮಾತುಗಳು ಜತೆಗೆ ಖಂಡನೆಗಳು ಹಾಗು ಮೊರ್ಮೊನ್ ರ ಬಹುವಿವಾಹ ಪದ್ಧತಿ ಹಾಗು ಅಧ್ಯಕ್ಷರ ಹಾಗು ಸೈನ್ಯದ ಉದ್ದೇಶಗಳ ಬಗ್ಗೆ ಪೂರ್ವ ಭಾಗದ ದಿನಪತ್ರಿಕೆಗಳಲ್ಲಿ ಪ್ರಕಟವಾದ ಅಸಹಜ ವಿವರಣೆಗಳು, ಮೊರ್ಮೊನ್‌ಗಳು ಕೆಟ್ಟದ್ದನ್ನು ನಿರೀಕ್ಷಿಸಲು ದಾರಿ ಕಲ್ಪಿಸಿತು. ಯಂಗ್ ಹಲವು ಸಾವಿರ ಜನರ ಒಂದು ಸೈನ್ಯವನ್ನು ಪ್ರದೇಶದ ರಕ್ಷಣೆಗೆ ಕರೆಸಿದರು. ಜೊತೆಗೆ ಸೇನೆಯು ಪ್ರದೇಶದೊಳಕ್ಕೆ ಪ್ರವೇಶಿಸದಂತೆ ಕಿರುಕುಳ ನೀಡಲು ಮತ್ತು ವಿಳಂಬಿಸಲು ಒಂದು ಸಣ್ಣ ತಂಡವನ್ನು ಕಳಿಸಿದರು. ಅದೃಷ್ಟವಶಾತ್, ಮುಂಚಿತವಾಗಿ ಚಳಿಗಾಲದ ಬಿರುಸಿನಿಂದ, ಸೈನ್ಯವನ್ನು ಇಂದಿನ ವ್ಯೋಮಿಂಗ್ ನಲ್ಲಿ ಬೀಡು ಬಿಡುವಂತೆ ಮಾಡಿತು. ಇದು ಪ್ರಾದೇಶಿಕ ಹಾಗು ಫೆಡೆರಲ್ ಸರಕಾರದ ನಡುವೆ ಸಂಧಾನಕ್ಕೆ ಎಡೆ ಮಾಡಿಕೊಟ್ಟಿತು. ಒಂದು ದುರ್ಬಲ ಯೋಜನೆ, ಸೈನ್ಯಕ್ಕೆ ಆಹಾರ ಸರಬರಾಜಿನ ಕೊರತೆ, ಹಾಗು ದಂಗೆಯ ವರದಿಗಳನ್ನು ಪರಿಶೀಲಿಸುವಲ್ಲಿ ಅಧ್ಯಕ್ಷರ ವಿಫಲತೆ ಹಾಗು ಪ್ರಾದೇಶಿಕ ಸರ್ಕಾರಕ್ಕೆ ತಮ್ಮ ಉದ್ದೇಶಗಳ ಬಗ್ಗೆ ನೀಡಿದ ಎಚ್ಚರಿಕೆಯಿಂದಾಗಿ, ಕಾಂಗ್ರೆಸ್ಸ್ ನಿಂದ ಬುಕಾನನ್ ವ್ಯಾಪಕವಾದ ಖಂಡನೆಗೆ ಒಳಗಾದರು ಹಾಗು ಮಾಧ್ಯಮಗಳು, ಯುದ್ಧವನ್ನು "ಬುಕಾನನ್ ರ ಪ್ರಮಾದ" ಎಂದು ಹೆಸರಿಸಿತು. ತಮ್ಮ ಬದಲಿಗೆ ಕಮ್ಮಿಂಗ್‌ ಬರಲು ಯಂಗ್ ಒಪ್ಪಿಕೊಂಡು,ಸೈನ್ಯವನ್ನು ಉಟಾ ಪ್ರದೇಶದ ಒಳಗೆ ತಮ್ಮ ನೆಲೆಯನ್ನು ಸ್ಥಾಪಿಸಲು ಅನುಮತಿ ನೀಡಿದರು. ಆದರೆ ಬುಕಾನನ್ ಪ್ರಕಟಣೆಗಳನ್ನು ಹೊರಡಿಸಿ ಅದರಲ್ಲಿ "ಬಂಡುಕೋರ"ರಿಗೆ ಹೇಗೆ ತಾವು ಕರುಣಾಮಯ ಕ್ಷಮಾಪಣೆ ನೀಡಿರುವುದಾಗಿ ವಿವರಿಸುವ ಮೂಲಕ ತಮ್ಮ ಮುಖಭಂಗ ತಪ್ಪಿಸಲು ಯತ್ನಿಸಿದರು. ಈ ಪ್ರಕಟಣೆಗೆ ಕಾಂಗ್ರೆಸ್ ಹಾಗು ಉಟಾದ ನಿವಾಸಿಗಳು ಇಬ್ಬರೂ ನಕಾರಾತ್ಮಕ ಪ್ರತಿಕ್ರಿಯೆಯನ್ನು ತೋರಿದರು. ಈ ತಂಡಗಳನ್ನು, ಅಂತರ್ಯುದ್ಧ ಹುಟ್ಟಿಕೊಂಡ ಹಿನ್ನೆಲೆಯಲ್ಲಿ ಪೂರ್ವಭಾಗಕ್ಕೆ ಶೀಘ್ರದಲ್ಲೇ ಮತ್ತೆ ಕರೆಸಿಕೊಳ್ಳಲಾಯಿತು.

ಪಕ್ಷಪಾತಿ ಬಿಕ್ಕಟ್ಟು[ಬದಲಾಯಿಸಿ]

ಬುಕಾನನ್‌ರ ಕಾರ್ಯನೀತಿಗಳಿಂದ ತೀವ್ರಗೊಂಡಿದ್ದ ಉತ್ತರ ಹಾಗು ದಕ್ಷಿಣ ಡೆಮೋಕ್ರ್ಯಾಟ್ಸ್ ನಡುವಿನ ಒಡಕು1858ರ ಚುನಾವಣೆಯಲ್ಲಿ ಸದನದಲ್ಲಿದೊಡ್ಡ ಸಂಖ್ಯೆ ಯಲ್ಲಿ ರಿಪಬ್ಲಿಕನ್ಸ್ ಗೆಲ್ಲಲು ಅವಕಾಶ ಮಾಡಿಕೊಟ್ಟಿತು. ಸದನದ ಮೇಲಿನ ಅವರ ನಿಯಂತ್ರಣವು ರಿಪಬ್ಲಿಕನ್ಸ್ ಗೆ ಬುಕಾನನ್‌ರ ಹೆಚ್ಚಿನ ಕಾರ್ಯಸೂಚಿಗಳನ್ನು ತಡೆಹಿಡಿಯಲು ಅವಕಾಶ ನೀಡಿತು (ಇದರಲ್ಲಿ ಮೆಕ್ಸಿಕೋ ಹಾಗು ಪೆರುಗ್ವೆ ವಿರುದ್ಧದ ಆಕ್ರಮಣದ ಪ್ರಸ್ತಾವನೆಗಳು ಹಾಗು ಕ್ಯೂಬಾದ ಖರೀದಿ). ಇದಕ್ಕೆ ವಿರುದ್ಧವಾಗಿ, ಬುಕಾನನ್ ರಿಪಬ್ಲಿಕನ್ ಶಾಸನದ ಆರು ಪ್ರಮುಖ ಅಂಶಗಳಿಗೆ ವಿರುದ್ಧ ಮತ ಚಲಾಯಿಸಿದರು.ಇದರೊಂದಿಗೆ ಕಾಂಗ್ರೆಸ್ ಹಾಗು ವೈಟ್ ಹೌಸ್ ನಡುವೆ ಮತ್ತಷ್ಟು ಹೆಚ್ಚಿನ ವೈರ ಹುಟ್ಟಿಕೊಂಡಿತು.

ಮಾರ್ಚ್ 1860ರಲ್ಲಿ, ಸದನವು ಲಿಕಾಂಪ್ಟನ್ ಸಂವಿಧಾನಕ್ಕಾಗಿ ಮತಗಳ ಬದಲಿಗೆ ಕಾಂಗ್ರೆಸ್ ಸದಸ್ಯರಿಗೆ ಲಂಚ ಮತ್ತು ಬಲಾತ್ಕಾರ ಮುಂತಾದ ದೋಷಾರೋಪಣೆಯ ಅಪರಾಧಗಳ ಪುರಾವೆಗಾಗಿ ಆಡಳಿತವನ್ನು ತನಿಖೆಗೆ ಒಳಪಡಿಸಲು ಕೊವೊಡೊ ಸಮಿತಿಯನ್ನು ರಚಿಸಿದ್ದರಿಂದ ಪರಿಸ್ಥಿತಿ ಇನ್ನಷ್ಟು ಹದಗೆಟ್ಟಿತು. ಕಮಿಟಿಯು ಸ್ಪಷ್ಟವಾಗಿ ಪಕ್ಷಪಾತಿಯಾಗಿದ್ದು ಜೊತೆಗೆ (ಮೂರು ರಿಪಬ್ಲಿಕನ್ನರು ಹಾಗು ಒಬ್ಬ ಡೆಮೊಕ್ರ್ಯಾಟ್) ಅಧ್ಯಕ್ಷರಿಗೆ ಧಕ್ಕೆ ತರುವ ಮಾಹಿತಿಯನ್ನು ಹೊರಗೆಡವಿತು. ಅವರಿಗೆ ಅಧಿಕೃತವಾಗಿ ಸಾಕ್ಷ್ಯ ಹೇಳುವುದಕ್ಕೆ ಅಥವಾ ಅಧಿಕೃತವಾಗಿ ಪ್ರತಿಕ್ರಯಿಸಲಾಗಲಿ ಅವಕಾಶ ನೀಡಲಿಲ್ಲ; ಆದಾಗ್ಯೂ, ಸಮಿತಿಯು ಬುಕಾನನ್‌‌ರನ್ನು ದೋಷಾರೋಪಕ್ಕೆ ಒಳಪಡಿಸುವಷ್ಟು ಆಧಾರಗಳನ್ನು ದೃಢೀಕರಿಸಲು ಅಸಮರ್ಥವಾಯಿತು. ಜೂನ್‌ನಲ್ಲಿ ಅದರ ಅಂತಿಮ ವರದಿಯಲ್ಲಿ ಒಂದು ಅಸಾಧಾರಣ ಮಟ್ಟದ ಭ್ರಷ್ಟಾಚಾರ ಹಾಗೂ ಅವರ ಸಚಿವ ಸಂಪುಟದ ಸದಸ್ಯರ ಅಧಿಕಾರದ ದುರುಪಯೋಗದ ಬಗ್ಗೆ ಬಯಲು ಮಾಡಿತು. ರಿಪಬ್ಲಿಕನ್ ಪಕ್ಷದ ಕಾರ್ಯಕರ್ತರು ಕಾವೊಡ್ ಸಮಿತಿ ವರದಿಯ ಸಾವಿರಾರು ಪ್ರತಿಗಳನ್ನು ದೇಶದುದ್ದಕ್ಕೂ ಹಂಚಿದರು. ಇದು ಆ ವರ್ಷದ ಅಧ್ಯಕ್ಷೀಯ ಚುನಾವಣೆಗೆ ಪ್ರಚಾರ ಕಾರ್ಯದ ವಸ್ತುವಾಯಿತು.[೧೬]

ವಿಭಜನೆ: 1860ರ ಚುನಾವಣೆ[ಬದಲಾಯಿಸಿ]

ಜಾನ್ C. ಬ್ರೆಕ್ಕಿನ್ರಿಡ್ಜ್, ಬುಕಾನನ್ ರ ಅಧ್ಯಕ್ಷಗಿರಿಯಲ್ಲಿ ಯುನೈಟೆಡ್ ಸ್ಟೇಟ್ಸ್‌ನ ಉಪಾಧ್ಯಕ್ಷರು.

ವರ್ಗೀಯ ಸಂಘರ್ಷವು ಯಾವ ಮಟ್ಟಕ್ಕೆ ಹೆಚ್ಚಿತೆಂದರೆ ಅದು 1860ರ ಡೆಮೋಕ್ರ್ಯಾಟಿಕ್ ಪಕ್ಷದ ರಾಷ್ಟ್ರೀಯ ಸಭೆಯಲ್ಲಿ ಪಕ್ಷದ ನೇರ ಒಡಕಿಗೆ ಕಾರಣವಾಯಿತು. ಬಿಕ್ಕಟ್ಟಿನಿಂದ ಕೂಡಿದ ಚಾರ್ಲೆಸ್ಟನ್, ಸೌತ್ ಕ್ಯಾರೊಲಿನ ನಲ್ಲಿ ನಡೆದ ರಾಷ್ಟ್ರೀಯ ಸಭೆಯಲ್ಲಿ ಬುಕಾನನ್ ಬಹಳ ಚಿಕ್ಕ ಪಾತ್ರವನ್ನು ವಹಿಸಿದರು. ದಕ್ಷಿಣದ ಗುಂಪು ಸಭೆಯನ್ನು ತ್ಯಜಿಸುವುದರ ಜೊತೆಗೆ ಹಾಲಿ ಉಪಾಧ್ಯಕ್ಷ ಜಾನ್ C.ಬ್ರೆಕಿನ್‌ರಿಜ್‌ರನ್ನು ಅಧ್ಯಕ್ಷಗಾದಿಗೆ ತಮ್ಮದೇ ಅಭ್ಯರ್ಥಿಯಾಗಿ ನಾಮನಿರ್ದೇಶನ ಮಾಡಿದರು. ಪಕ್ಷದ ಉಳಿದವರು ಅಂತಿಮವಾಗಿ ಬುಕಾನನ್‌ ಕಡುವೈರಿ, ಡೌಗ್ಲಾಸ್‌ರ ಹೆಸರನ್ನು ನಾಮನಿರ್ದೇಶನ ಮಾಡಿದರು. ಇದರ ಪರಿಣಾಮವಾಗಿ, ರಿಪಬ್ಲಿಕನ್ಸ್ ಅಬ್ರಹಾಂ ಲಿಂಕನ್‌ರನ್ನು ನಾಮ ನಿರ್ದೇಶನ ಮಾಡಿದಾಗ,ಅವರ ಹೆಸರು ಸ್ವತಂತ್ರ ರಾಜ್ಯಗಳು, ಡೆಲವೇರ್, ಹಾಗು ಬೆರಳೆಣಿಕೆಯ ಇತರ ಗಡಿ ರಾಜ್ಯಗಳ ಮತಪತ್ರಗಳಲ್ಲಿ ಕಾಣಿಸಿಕೊಂಡಿದ್ದರೂ ಸಹ, ನವೆಂಬರ್ 6, 1860ರಂದು ಅವರು ಆಯ್ಕೆಗೊಳ್ಳುತ್ತಾರೆನ್ನುವುದು ಒಂದು ಪೂರ್ವನಿರ್ಧರಿತ ನಿರ್ಣಯವಾಗಿತ್ತು.

ಅಕ್ಟೋಬರ್ ಪ್ರಾರಂಭಕ್ಕೂ ಮುಂಚಿತವಾಗಿ ಸೇನೆಯ ಕಮಾಂಡಿಂಗ್ ಜನರಲ್ ವಿನ್ಫೀಲ್ಡ್ ಸ್ಕಾಟ್, ಲಿಂಕನ್‌ರ ಆಯ್ಕೆಯು ಕಡೇಪಕ್ಷ ಏಳು ರಾಜ್ಯಗಳ ವಿಯೋಜನೆಗೆ ದಾರಿ ಮಾಡಿಕೊಡಬಹುದೆಂದು ಎಚ್ಚರಿಸಿದರು. ಜೊತೆಗೆ ಫೆಡೆರಲ್ ಆಸ್ತಿಯನ್ನು ರಕ್ಷಿಸುವ ಸಲುವಾಗಿ ಅಗಾಧ ಪ್ರಮಾಣದ ಫೆಡೆರಲ್ ತುಕಡಿಗಳನ್ನು ಹಾಗು ಫಿರಂಗಿದಳವನ್ನು ಆ ರಾಜ್ಯಗಳಿಗೆ ನಿಯೋಜಿಸಬೇಕೆಂದು ಸಲಹೆ ನೀಡಿದರು. ಬುಕಾನನ್ ತಮ್ಮ ದಕ್ಷಿಣ ಭಾಗದವರ ಮೇಲೆ ಸಹಾನುಭೂತಿಯ ಜತೆಗೆ ಸ್ಕಾಟ್‌ರನ್ನು ಉಪೇಕ್ಷಿಸಿದರು ಮತ್ತು ಇದರ ಬಗ್ಗೆ ಕಾರ್ಯೋನ್ಮುಖರಾಗಲಿಲ್ಲ. ಫೆಡೆರಲ್‌ನ ಯಾವುದೇ ಹಸ್ತಕ್ಷೇಪವಿಲ್ಲದೆ ರಾಜ್ಯಗಳು ಒಕ್ಕೂಟವನ್ನು ತೊರೆಯುವುದಕ್ಕೆ ಅಡಿಪಾಯ ಹಾಕಿದರು.

ಲಿಂಕನ್‌ರ ಜಯಭೇರಿಯೊಂದಿಗೆ, ಪ್ರತ್ಯೇಕತೆ ಹಾಗು ಒಡಕಿನ ಬಗ್ಗೆ ಚರ್ಚೆಗಳು ಯಾವ ಪ್ರಮಾಣದಲ್ಲಿ ಉದ್ರಿಕ್ತ ಸ್ಥಿತಿಯನ್ನು ತಲುಪಿತೆಂದರೆ,ಚುನಾವಣೆಯಾದ ಒಂದು ತಿಂಗಳವರೆಗೆ ಬಾಕಿವುಳಿದಿದ್ದ ಕಾಂಗ್ರೆಸ್‌ಗೆ ಬುಕಾನನ್ ಅಂತಿಮ ಸಂದೇಶವು ಸಹಾಯ ಮಾಡಲಾಗಲಿಲ್ಲ, ಆದರೆ ಅಭಿಪ್ರಾಯ ತಿಳಿಸಿದರು. ಎರಡೂ ಪಕ್ಷದವರು ಬುಕಾನನ್ ಹೇಗೆ ಸಮಸ್ಯೆಯನ್ನು ಎದುರಿಸುತ್ತಾರೆ ಎಂಬುದರ ಬಗ್ಗೆ ಸುದ್ದಿಗಳಿಗೆ ಕುತೂಹಲದಿಂದ ಕಾಯುತ್ತಿದ್ದವು. ತಮ್ಮ ಸಂದೇಶದಲ್ಲಿ (ಡಿಸೆಂಬರ್ 3, 1860), ಬುಕಾನನ್ ರಾಜ್ಯಗಳ ಪ್ರತ್ಯೇಕತೆಯ ಕಾನೂನುಬದ್ಧ ಹಕ್ಕನ್ನು ನಿರಾಕರಿಸಿದರು ಹಾಗು ಫೆಡೆರಲ್ ಸರಕಾರವು ಕಾನೂನುರೀತ್ಯಾ ಅವುಗಳನ್ನು ತಡೆಗಟ್ಟಲು ಸಾಧ್ಯವಿಲ್ಲವೆಂಬುದನ್ನು ಪ್ರತಿಪಾದಿಸಿದರು. ಇದಲ್ಲದೆ, "ದಕ್ಷಿಣ ರಾಜ್ಯಗಳಲ್ಲಿ ಗುಲಾಮಗಿರಿಯನ್ನು ಪ್ರಶ್ನಿಸಿದ ಉತ್ತರಭಾಗದ ಜನರ ಒಂದು ಸಂಯಮರಹಿತ ಹಸ್ತಕ್ಷೇಪವು" ಈ ಬಿಕ್ಕಟ್ಟಿಗೆ ಏಕಮಾತ್ರ ಕಾರಣವಾಯಿತು ಎಂದು ಆರೋಪಿಸಿದರು.[೧೭]. ಅವರು ಸಂಧಾನಕ್ಕೆ ಆಶಿಸಿದರು, ಆದರೆ ಪ್ರತ್ಯೇಕತಾವಾದಿ ನಾಯಕರುಗಳಿಗೆ ಅದು ಬೇಕಿರಲಿಲ್ಲ; ಬುಕಾನನ್ ತಾವು ಪ್ರತ್ಯೇಕತೆಯನ್ನು ತಡೆಯಲು ಸಾಧ್ಯವಾಗಲಿಲ್ಲ ಎಂಬ ಘೋಷಣೆಯು ಪ್ರತ್ಯೇಕತಾವಾದಿ ನಾಯಕರಿಗೆ ಅವಕಾಶವನ್ನು ಒದಗಿಸಿಕೊಟ್ಟಿತು. ಬುಕಾನನ್ ವೈರುದ್ಧ್ಯದ ಸಮರ್ಥನೆಯಲ್ಲಿ, ರಾಜ್ಯಗಳಿಗೆ ಪ್ರತ್ಯೇಕತೆಯನ್ನು ಹೊಂದುವ ಯಾವುದೇ ಹಕ್ಕಿಲ್ಲ ಎಂಬ ವ್ಯಾಖ್ಯಾನವು,ಅವರ ರಾಜಕೀಯ ನೆಲೆಯ ಕೊನೆಯ ಕುರುಹಾದ ದಕ್ಷಿಣದ ಅವರ ಬೆಂಬಲಿಗರಿಂದ ಅವರನ್ನು ಅಗಲಿಸುವಲ್ಲಿ ಫಲ ಕಂಡಿತು.

ಬುಕಾನನ್, ಸೌತ್ ಕ್ಯಾರೊಲಿನ ಡಿಸೆಂಬರ್ 20ರಂದು ಪ್ರತ್ಯೇಕಗೊಂಡಾಗ ಮೂಕ ಪ್ರೇಕ್ಷಕರಾದರು. ತರುವಾಯ ಇತರ ಆರು ಹತ್ತಿ ಬೆಳೆಯ ರಾಜ್ಯಗಳು ಫೆಬ್ರವರಿಯಲ್ಲಿ ಅನುಸರಿಸಿದವು. ಇವೆಲ್ಲವೂ ಕಾಂಫೆಡೆರೇಟ್ ಸ್ಟೇಟ್ಸ್ ಆಫ್ ಅಮೆರಿಕವನ್ನು ಸ್ಥಾಪಿಸಿದವು. ಸ್ಕಾಟ್ ಮೊದಲೇ ಊಹಿಸಿದಂತೆ, ಪ್ರತ್ಯೇಕತಾವಾದಿ ಸರಕಾರಗಳು, ರಾಜ್ಯಗಳ ಒಳಗೆ ಫೆಡೆರಲ್ ಆಸ್ತಿಯ ಮೇಲೆ ತಮ್ಮ ಪರಮ ಸ್ವಾಮ್ಯವನ್ನು ಘೋಷಿಸಿಕೊಂಡವು. ಇದನ್ನು ಉಳಿಸಿಕೊಳ್ಳುವ ಆಡಳಿತದ ಕಡೆಯಿಂದ ಯಾವುದೇ ಪ್ರಯತ್ನ ನಡೆಯಲಿಲ್ಲ.

ಡಿಸೆಂಬರ್‌ ಕೊನೆಯಲ್ಲಿ ಬುಕಾನನ್ ತಮ್ಮ ಸಚಿವ ಸಂಪುಟದ ಪುನರ್ರಚನೆ ಪ್ರಾರಂಭಿಸಿದರು. ಕಾನ್ಫಫೆಡೆರೇಟ್ ಸಹಾನುಭೂತಿಗಾರರನ್ನು ಹೊರಗಟ್ಟಿ, ಬಿಗಿನೀತಿಯ ರಾಷ್ಟ್ರೀಯವಾದಿಗಳಾದ ಜೆರೇಮಿಯ S. ಬ್ಲಾಕ್, ಎಡ್ವಿನ್ M. ಸ್ಟಾನ್ಟನ್, ಜೋಸೆಫ್ ಹೊಲ್ಟ್ ಹಾಗು ಜಾನ್ A. ಡಿಕ್ಸ್ ಬದಲಿಯಾಗಿ ಬಂದರು.

ಸಂಪ್ರದಾಯವಾದಿ ಡೆಮೋಕ್ರ್ಯಾಟ್ಸ್‌ಗಳು ಅಮೆರಿಕನ್ ರಾಷ್ಟ್ರೀಯತೆಯನ್ನು ಬಲವಾಗಿ ನಂಬಿದ್ದರು ಹಾಗು ಪ್ರತ್ಯೇಕತೆಯ ಅನುಮತಿಗೆ ನಿರಾಕರಿಸಿದರು. ಒಂದು ಹಂತದಲ್ಲಿ, ಖಜಾನೆ ಕಾರ್ಯದರ್ಶಿ ಡಿಕ್ಸ್, ಖಜಾನೆ ಪ್ರತಿನಿಧಿಗಳಿಗೆ ನ್ಯೂ ಆರ್ಲಿಯನ್ಸ್ ನಲ್ಲಿ "ಯಾರಾದರು ಅಮೆರಿಕನ್ ಧ್ವಜ ವನ್ನು ಕಿತ್ತೊಗೆಯಲು ಪ್ರಯತ್ನಿಸಿದರೆ, ಅಂತಹವರನ್ನು ಅದೇ ಸ್ಥಳದಲ್ಲಿ ಗುಂಡಿಕ್ಕಿ ಸಾಯಿಸಿ" ಎಂದು ಆದೇಶ ನೀಡಿದರು. ಹೊಸ ಸಚಿವ ಸಂಪುಟವು, ಸೈನ್ಯಗಳನ್ನು ಕರೆಸುವ ಅಧಿಕಾರವನ್ನು ಮತ್ತು ಸ್ವತಃ ಬುಕಾನನ್‌ಗೆ ತುರ್ತು ಮಿಲಿಟರಿ ಅಧಿಕಾರಗಳನ್ನು ನೀಡುವಂತೆ ಕಾಂಗ್ರೆಸ್‌ಗೆ ಮನವಿ ಮಾಡುವಂತೆ ಬುಕಾನನ್‌ಗೆ ಸಲಹೆ ನೀಡಿತು. ಆದರೆ ಆ ಸಮಯದಲ್ಲಿ ಕಾಂಗ್ರೆಸ್ ಜೊತೆಗಿನ ಬುಕಾನನ್ ರ ಸಂಬಂಧ ತೀರಾ ಹದಗೆಟ್ಟಿತ್ತು ಹಾಗು ಅವರ ನಾಯಕತ್ವದ ಮೇಲಿನ ಭರವಸೆಯು ಕ್ಷೀಣಿಸಿ, ಅವರ ಮನವಿಗಳು ಸಂಪೂರ್ಣ ತಿರಸ್ಕೃತವಾದವು.


ಅವರ ಅಧಿಕಾರಾವಧಿ ಕೊನೆಗೊಳ್ಳುವ ಮುಂಚೆ,ಪ್ರತ್ಯೇಕಗೊಂಡ ರಾಜ್ಯಗಳ ಎಲ್ಲ ಶಸ್ತ್ರಾಗಾರಗಳು ಹಾಗು ಕೋಟೆಗಳು ನಿಯಂತ್ರಣ ತಪ್ಪಿದವು.( ಫೋರ್ಟ್ ಸಮ್ಟರ್ ಹಾಗು ಫ್ಲೋರಿಡದ ಹೊರ ಶಿಬಿರದಲ್ಲಿರುವ ಮೂರು ದ್ವೀಪಗಳನ್ನು ಹೊರತುಪಡಿಸಿ) ಫೆಡೆರಲ್ ಸೈನಿಕರಲ್ಲಿ ಕಾಲುಭಾಗದಷ್ಟು ಜನ ಟೆಕ್ಸಾಸ್ ತುಕಡಿಗಳಿಗೆ ಶರಣಾದರು. ಸರಕಾರವು ಫೋರ್ಟ್ ಸಮ್ಟರ್ ಮೇಲಿನ ತಮ್ಮ ಅಧಿಕಾರವನ್ನು ಹಾಗೆ ಉಳಿಸಿಕೊಂಡಿತು. ಇದು ಕಾನ್ಫೆಡೆರೆಸಿಯಲ್ಲಿ ಪ್ರಮುಖವಾಗಿ ಗಮನ ಸೆಳೆಯುವಂತಹ ಚಾರ್ಲೆಸ್ಟನ್ ಬಂದರಿನಲ್ಲಿ ನೆಲೆಗೊಂಡಿತ್ತು.

ಜನವರಿ 5ರಂದು, ಬುಕಾನನ್ ಒಂದು ನಾಗರೀಕ ಸ್ಟೀಮರ್ಸ್ಟಾರ್ ಆಫ್ ದಿ ವೆಸ್ಟ್ ನ್ನು ಸೇನೆಗಳು ಹಾಗು ಅಗತ್ಯ ವಸ್ತುಗಳನ್ನು ಫೋರ್ಟ್ ಸಮ್ಟರ್‌ಗೆ ಒಯ್ಯಲು ಕಳುಹಿಸುತ್ತಾರೆ. ಜನವರಿ 9, 1861ರಲ್ಲಿ, ಸೌತ್ ಕ್ಯಾರೊಲಿನ ರಾಜ್ಯದ ಫಿರಂಗಿ ದಳವು ಸ್ಟಾರ್ ಆಫ್ ದಿ ವೆಸ್ಟ್ ಮೇಲೆ ಗುಂಡು ಹಾರಿಸುತ್ತವೆ, ಪರಿಣಾಮವಾಗಿ ಇದು ನ್ಯೂಯಾರ್ಕ್ ಗೆ ವಾಪಸಾಗುತ್ತದೆ. ಇದರಿಂದ ದುರ್ಬಲಗೊಂಡ ಬುಕಾನನ್ ಯುದ್ಧಕ್ಕೆ ತಯಾರಿ ಮಾಡುವ ಯಾವುದೇ ಕ್ರಮಕ್ಕೆ ಮುಂದಾಗಲಿಲ್ಲ.

ಅಧ್ಯಕ್ಷರಾಗಿ ಬುಕಾನನ್ ತಮ್ಮ ಕಡೆ ದಿನ, ಮಾರ್ಚ್ 4, 1861ರಲ್ಲಿ, ಆಗಮಿಸಿದ ತಮ್ಮ ಉತ್ತರಾಧಿಕಾರಿ ಲಿಂಕನ್‌ಗೆ "ವೀಟ್ಲ್ಯಾಂಡ್ ಗೆ ಹಿಂದಿರುಗಲು ನಾನು ಉತ್ಸುಕನಾಗಿರುವಂತೆ, ನೀವು ವೈಟ್ ಹೌಸ್ ನ್ನು ಪ್ರವೇಶಿಸಲು ಉತ್ಸುಕರಾಗಿದ್ದರೆ, ನೀವು ಅತ್ಯಂತ ಸಂತುಷ್ಟ ಮನುಷ್ಯನಾಗುತ್ತೀರಿ." ಎಂದು ಹೇಳಿದರು.[೧೮]

ಜೇಮ್ಸ್ ಬುಕಾನನ್ ರ ಅಧ್ಯಕ್ಷೀಯ ಮಂತ್ರಿಮಂಡಲ[ಬದಲಾಯಿಸಿ]

ಟೆಂಪ್ಲೇಟು:Infobox cabinet

ನ್ಯಾಯಾಂಗ ನೇಮಕಾತಿಗಳು[ಬದಲಾಯಿಸಿ]

ಜೇಮ್ಸ್ ಬುಕಾನನ್ ರ ಅಧ್ಯಕ್ಷೀಯ ಡಾಲರು

ಸುಪ್ರೀಂ ಕೋರ್ಟ್[ಬದಲಾಯಿಸಿ]

ಬುಕಾನನ್ ಕೆಳಕಂಡ ನ್ಯಾಯಾಧೀಶರುಗಳನ್ನು ಸುಪ್ರೀಂ ಕೋರ್ಟ್ ಆಫ್ ಯುನೈಟೆಡ್ ಸ್ಟೇಟ್ಸ್ ಗೆ ನೇಮಕ ಮಾಡಿದರು:

ನ್ಯಾಯಾಧೀಶ ಪೀಠ ರಾಜ್ಯ ಸಕ್ರಿಯವಾಗಿ ಪ್ರಾರಂಭಗೊಂಡ
ಸೇವೆ
ಸಕ್ರಿಯವಾಗಿ ಕೊನೆಗೊಂಡ
ಸೇವೆ
ನಥಾನ್ ಕ್ಲಿಫೋರ್ಡ್ ಪೀಠ 2 ಮೈನೆ 18580112ಜನವರಿ 12, 1858 18810725ಜುಲೈ 25, 1881

ಇತರ ನ್ಯಾಯಾಲಯಗಳು[ಬದಲಾಯಿಸಿ]

ಬುಕಾನನ್ ಕೇವಲ ಏಳು ಇತರ ಫೆಡೆರಲ್ ನ್ಯಾಯಾಧೀಶರನ್ನು ಯುನೈಟೆಡ್ ಸ್ಟೇಟ್ಸ್‌ನ ಜಿಲ್ಲಾ ನ್ಯಾಯಾಲಯ ಗಳಿಗೆ ನೇಮಕ ಮಾಡಿಕೊಂಡರು:

ನ್ಯಾಯಾಧೀಶ ನ್ಯಾಯಾಲಯ ಸಕ್ರಿಯವಾಗಿ ಪ್ರಾರಂಭಗೊಂಡ
ಸೇವೆ
ಸಕ್ರಿಯವಾಗಿ ಕೊನೆಗೊಂಡ
ಸೇವೆ
ಆಸಾ ಬಿಗ್ಗ್ಸ್ D.N.C. 01858-05-13 ಟೆಂಪ್ಲೇಟು:Dts/fmt 01861-04-03 ಟೆಂಪ್ಲೇಟು:Dts/fmt
ಜಾನ್ ಕಾಡ್ವಾಲಡರ್ E.D. Pa. 01858-04-24 ಟೆಂಪ್ಲೇಟು:Dts/fmt 01879-01-26 ಟೆಂಪ್ಲೇಟು:Dts/fmt
ಮಾಥ್ಯೂ ಡೆಯಡಿ D. Or. 01859-03-09 ಟೆಂಪ್ಲೇಟು:Dts/fmt 01893-03-24 ಟೆಂಪ್ಲೇಟು:Dts/fmt
ವಿಲ್ಲಿಯಮ್ ಗಿಲೆಸ್ ಜೋನ್ಸ್ N.D. Ala.
S.D. Ala.
01859-09-29 ಟೆಂಪ್ಲೇಟು:Dts/fmt[೧೯] 01861-01-12 ಟೆಂಪ್ಲೇಟು:Dts/fmt
ವಿಲ್ಸನ್ ಮ್ಯಾಕ್ ಕ್ಯಾಂಡ್ಲೆಸ್ಸ್ W.D. Pa. 01859-02-08 ಟೆಂಪ್ಲೇಟು:Dts/fmt 01876-07-24 ಟೆಂಪ್ಲೇಟು:Dts/fmt
ರೇನ್ಸ್ಸೇಲಯೇರ್ ರಸೆಲ್ ನೆಲ್ಸನ್ D. ಮಿನ್. 01858-05-20 ಟೆಂಪ್ಲೇಟು:Dts/fmt 01896-05-16 ಟೆಂಪ್ಲೇಟು:Dts/fmt
ವಿಲ್ಲಿಯಮ್ ಡೇವಿಸ್ ಶಿಪ್ ಮ್ಯಾನ್ D. ಕಾನ್. 01860-03-12 ಟೆಂಪ್ಲೇಟು:Dts/fmt 01873-04-16 ಟೆಂಪ್ಲೇಟು:Dts/fmt

ಯುನೈಟೆಡ್ ಸ್ಟೇಟ್ಸ್ ನ ಕೋರ್ಟ್ ಆಫ್ ಕ್ಲೈಮ್ಸ್[ಬದಲಾಯಿಸಿ]

ನ್ಯಾಯಾಧೀಶ ಸಕ್ರಿಯವಾಗಿ ಪ್ರಾರಂಭಗೊಂಡ
ಸೇವೆ
ಸಕ್ರಿಯವಾಗಿ ಕೊನೆಗೊಂಡ
ಸೇವೆ
Gilchrist, John JamesJohn James Gilchrist 1855 1858
Scarburgh, George ParkerGeorge Parker Scarburgh 1855 1861

ಒಕ್ಕೂಟಕ್ಕೆ ಸೇರಲ್ಪಟ್ಟ ರಾಜ್ಯಗಳು[ಬದಲಾಯಿಸಿ]

ವೈಯುಕ್ತಿಕ ಸಂಬಂಧಗಳು[ಬದಲಾಯಿಸಿ]

ವಿಲ್ಲಿಯಮ್ ರುಫುಸ್ ಡಿವೇನ್ ಕಿಂಗ್, ಯುನೈಟೆಡ್ ಸ್ಟೇಟ್ಸ್‌ನ ಹದಿಮೂರನೇ ಉಪಾಧ್ಯಕ್ಷರು.ಜೇಮ್ಸ್ ಬುಕಾನನ್ ತಮ್ಮ ಮನೆಯನ್ನು ಹಂಚಿಕೊಂಡ ಅವರ ಸ್ನೇಹಿತ.

ಇಸವಿ 1819ರಲ್ಲಿ, ಬುಕಾನನ್, ಆನ್ ಕ್ಯಾರೊಲಿನ್ ಕೋಲ್ಮನ್ ಜೊತೆಗೆ ನಿಶ್ಚಿತಾರ್ಥ ಮಾಡಿಕೊಂಡರು. ಈಕೆ ಒಬ್ಬ ಶ್ರೀಮಂತ ಕಬ್ಬಿಣ ತಯಾರಿಕ ಉದ್ಯಮಿಯ ಮಗಳು ಹಾಗು ಫಿಲಡೆಲ್ಫಿಯ ದ ನ್ಯಾಯಾಧೀಶ ಜೋಸೆಫ್ ಹೆಮ್ಫಿಲ್ ರ ನಾದಿನಿ. ಜೋಸೆಫ್, ಬುಕಾನನ್ ರ ಹೌಸ್ ಆಫ್ ರೆಪ್ರಸೆಂಟಟಿವ್ಸ್ ನ ಒಬ್ಬ ಸಹೋದ್ಯೋಗಿ. ಆದಾಗ್ಯೂ, ಬುಕಾನನ್ ತಮ್ಮ ಮದುವೆಗೆ ಮುಂಚಿನ ಅವಧಿಯಲ್ಲಿ ಆಕೆಯ ಜೊತೆ ಅಲ್ಪ ಸಮಯವನ್ನು ಕಳೆದರು. ಅವರು ತಮ್ಮ ಕಾನೂನು ಸಂಸ್ಥೆಯಲ್ಲಿ ಹಾಗು 1819ರ ಭೀತಿಯ ಸಂದರ್ಬದಲ್ಲಿ ರಾಜಕೀಯ ಯೋಜನೆಗಳಲ್ಲಿ ತುಂಬಾ ಮಗ್ನರಾಗಿದ್ದರು. ಇದರಿಂದ ಅವರು ಕೋಲ್ಮನ್‌ಳಿಂದ ವಾರಗಟ್ಟಳೆ ದೂರವಿರಬೇಕಾಗಿ ಬಂದಿತು. ಬುಕಾನನ್‌ ಕುಟುಂಬ ಅಷ್ಟೊಂದು ಸಿರಿವಂತಿಕೆಯನ್ನು ಹೊಂದಿಲ್ಲದ ಕಾರಣ ಆಕೆಯನ್ನು ಅವರು ಹಣಕ್ಕಾಗಿ ವರಿಸುತ್ತಿರಬಹುದು ಅಥವಾ ಅವರು ಬೇರೆ ಮಹಿಳೆಯರ ಜತೆ ಸಂಬಂಧವಿರಿಸಿಕೊಂಡಿರಬಹುದೆಂಬ ವಿರುದ್ಧವಾದ ವದಂತಿಗಳು ಹುಟ್ಟಿಕೊಂಡವು. ಬುಕಾನನ್ ರ ವಿಷಯಕ್ಕೆ ಬಂದಾಗ ತಮ್ಮ ಉದ್ದೇಶಗಳ ಬಗೆಗಾಗಲಿ ಅಥವಾ ಭಾವನೆಗಳ ಬಗೆಗಾಗಲಿ ಅವರು ಸಾರ್ವಜನಿಕವಾಗಿ ಎಂದು ಪ್ರಸ್ತಾಪ ಮಾಡಿರಲಿಲ್ಲ. ಆದರೆ ಆನ್‌ರ ಪತ್ರಗಳಲ್ಲಿ ಆಕೆ ವದಂತಿಗಳ ಬಗ್ಗೆ ಗಮನವಹಿಸಿದ್ದು ಬಹಿರಂಗವಾಯಿತು. ಬುಕಾನನ್ ಒಮ್ಮೆ ತಮ್ಮ ಸ್ನೇಹಿತನ ಪತ್ನಿಯ ಜೊತೆ ತಂಗಿದ ನಂತರ, ಆನ್ ತಮ್ಮ ನಿಶ್ಚಿತಾರ್ಥವನ್ನು ಮುರಿದುಬಿಡುತ್ತಾಳೆ; ಇದಾದ ನಂತರ ಶೀಘ್ರದಲ್ಲೇ ಡಿಸೆಂಬರ್ 9, 1819ರಲ್ಲಿ ಆಕೆ ನಿಧನ ಹೊಂದುತ್ತಾಳೆ. ಆನ್ ಅಂತಿಮ ಗಂಟೆಗಳಲ್ಲಿ ಅವಳನ್ನು ನೋಡಿಕೊಂಡ Dr. ಚಾಪ್ಮನ್‌ರ ದಾಖಲೆಗಳಲ್ಲಿ "ಚಿತ್ತೋನ್ಮಾದತೆ ಯಿಂದಲೂ ಸಾವು ಸಂಭವಿಸಬಹುದು ಎಂದು ತಾವು ಕಂಡ ಮೊದಲ ಉದಾಹರಣೆ" ಎಂದು ಹೇಳುತ್ತಾರೆ. ಆಕೆಯ ಸಾವಿಗೆ ಲಾಡನಂ ಎಂಬ ಅಫೀಮಿನ ಸಾಂದ್ರೀಕೃತ ಟಿಂಚರ್(ಅಫೀಮಿನ ಮದ್ಯಾರ್ಕ)ನ ಅತಿಪ್ರಮಾಣವೇ ಕಾರಣವೆಂದು ಬಹಿರಂಗ ಮಾಡಿದ್ದಾರೆ.[೨೦] ತಮ್ಮ ನಿಶ್ಚಿತ ವಧುವಿನ ಸಾವು ಬುಕಾನನ್‌ಗೆ ದೊಡ್ಡ ಪೆಟ್ಟನ್ನು ಕೊಟ್ಟಿತು. ತೆರೆಯದೇ ಹಿಂದೆ ಬಂದ ಆಕೆಯ ತಂದೆಗೆ ಬರೆದ ಪತ್ರದಲ್ಲಿ– - ಬುಕಾನನ್, "ಇದು ವಿವರಣೆ ನೀಡುವುದಕ್ಕೆ ಸೂಕ್ತ ಸಮಯವಲ್ಲ, ಆದರೆ ಮುಂದೆ ಕಾಲ ಕೂಡಿ ಬಂದಾಗ ನಾನು ಹಾಗು ಆಕೆ ಯಾವ ರೀತಿ ದುರ್ಬಳಕೆಗೆ ಒಳಗಾಗಿದ್ದೆವೆಂಬುದು ನಿಮಗೇ ತಿಳಿಯುತ್ತದೆ" ಎಂದು ಹೇಳುತ್ತಾರೆ. ದೇವರೇ ಇದರ ಪ್ರವರ್ತಕರನ್ನು ಕ್ಷಮಿಸಿಬಿಡು.... ನಾನು ಆಕೆಯ ಸಾವಿನ ಆಘಾತ ವನ್ನು ಸಹಿಸಿಕೊಳ್ಳಬಲ್ಲೆ, ಆದರೆ ಸಂತೋಷವು ನನ್ನಿಂದ ಶಾಶ್ವತವಾಗಿ ದೂರಸರಿದುಬಿಟ್ಟಿದೆಯೆಂದು ಭಾವಿಸುತ್ತೇನೆ."[೨೦] ಕೋಲ್ಮನ್ ಕುಟುಂಬವು ಬುಕಾನನ್ ಬಗ್ಗೆ ಕಹಿಭಾವನೆಯನ್ನು ಹೊಂದಿತಲ್ಲದೇ ಆನ್‌ಳ ಅಂತ್ಯಕ್ರಿಯೆಯಲ್ಲಿ ಅವರಿಗೆ ಪಾಲ್ಗೊಳುವುದಕ್ಕೆ ನಕಾರವನ್ನು ಸೂಚಿಸಿತು.[೨೧] ಬುಕಾನನ್, ಅವಿವಾಹಿತರಾಗೇ ಉಳಿಯಲು ಶಪಥ ಮಾಡಿದರೂ, ತಮ್ಮ ಪ್ರಣಯ ಚೇಷ್ಟೆಯನ್ನು ಮುಂದುವರೆಸಿದರು. ಕೆಲವರು ಅವರಿಗೆ ವಿವಾಹವಾಗುವಂತೆ ಒತ್ತಾಯಿಸಿದರು. ಇದಕ್ಕೆ ಪ್ರತಿಕ್ರಯಿಸುತ್ತಾ, "ಮದುವೆಯಾಗುವುದು ನನ್ನಿಂದ ಸಾಧ್ಯವಿಲ್ಲ, ಏಕೆಂದರೆ ನನ್ನ ವಾತ್ಸಲ್ಯಗಳೆಲ್ಲ ಮಣ್ಣಾಗಿ ಹೋಗಿದೆ." ಆನ್ ಕೋಲ್ಮನ್ ಳ ಪತ್ರಗಳನ್ನು ಅವರು ತಮ್ಮ ಜೀವಿತಾವಧಿಯವರೆಗೂ ರಕ್ಷಿಸಿಡುತ್ತಾರಲ್ಲದೆ ಅವರ ಕೋರಿಕೆಯ ಮೇರೆಗೆ ಅವರ ಸಾವಿನ ನಂತರ ಅವುಗಳನ್ನು ಸುಡಲಾಗುತ್ತದೆ.[೨೦]

ಚಿತ್ರ:Buch poster.jpg
ನತ್ಹಾನಿಯಲ್ ಕುರ್ರಿಯೇರ್ ಕೈಯಲ್ಲಿ ಬಣ್ಣಹಾಕಿದ ಬುಕಾನನ್‌ರ ಶಿಲಾಮುದ್ರಣ

ತಮ್ಮ ಅಧ್ಯಕ್ಷಗಿರಿಗೆ ಮುಂಚೆ 15 ವರ್ಷಗಳ ಕಾಲ ವಾಶಿಂಗ್ಟನ್, D.C. ಯಲ್ಲಿ, ಬುಕಾನನ್ ತಮ್ಮ ಆಪ್ತ ಸ್ನೇಹಿತ ಅಲಬಾಮ ಸೆನೆಟರ್ ವಿಲ್ಲಿಯಮ್ ರುಫುಸ್ ಕಿಂಗ್ ನೊಟ್ಟಿಗೆ ವಾಸಿಸುತ್ತಿದ್ದರು.[೨೨][೨೩] ಫ್ರಾಂಕ್ಲಿನ್ ಪಿಯೇರ್ಸ್ ಅಧ್ಯಕ್ಷಗಿರಿಯಲ್ಲಿ ಕಿಂಗ್ ಉಪಾಧ್ಯಕ್ಷರಾದರು. ಇದಾದ ನಂತರ ಅವರು ಅಸ್ವಸ್ಥರಾಗುತ್ತಾರೆ ಜೊತೆಗೆ ಪಿಯೆರ್ಸ್ ಪ್ರತಿಷ್ಠಾಪನೆಗೆ ಸ್ವಲ್ಪ ನಂತರ ಸಾವಪ್ಪುತ್ತಾರೆ.ಇದು ಬುಕಾನನ್ ಅಧ್ಯಕ್ಷರಾಗುವ ನಾಲ್ಕು ವರ್ಷಗಳ ಮುಂಚಿನ ಘಟನೆ. ಬುಕಾನನ್ ಹಾಗು ಕಿಂಗ್‌ರ ಆಪ್ತ ಸಂಬಂಧವನ್ನು ಆಂಡ್ರ್ಯೂ ಜಾಕ್ಸನ್, ಕಿಂಗ್‌ ರನ್ನು "ಮಿಸ್ ನ್ಯಾನ್ಸಿ" ಹಾಗು "ಆಂಟ್ ಫಾನ್ಸಿ" ಎಂದು ಕರೆಯಲು ಪ್ರೇರೇಪಿಸುತ್ತದೆ. ಈ ನಡುವೆ ಆರೋನ್ V. ಬ್ರೌನ್ ಇವರಿಬ್ಬರನ್ನು "ಬುಕಾನನ್ ಹಾಗು ಅವರ ಪತ್ನಿ" ಎಂದು ಸಂಭೋದಿಸುತ್ತಾರೆ.[೨೪] ಇದಲ್ಲದೆ, ಕೆಲವು ಸಮಕಾಲೀನ ಮಾಧ್ಯಮ ಸಹ ಬುಕಾನನ್ ಹಾಗು ಕಿಂಗ್‌ರ ಸಂಬಂಧದ ಬಗ್ಗೆ ಊಹಾಪೋಹ ಮಾಡುತ್ತವೆ. ಬುಕಾನನ್ ಹಾಗು ಕಿಂಗ್‌ರ ಸಹೋದರರ ಮಕ್ಕಳು ತಮ್ಮ ಚಿಕ್ಕಪ್ಪ ಯಾ ದೊಡ್ಡಪ್ಪರ(ಬುಕಾನನ್ ಹಾಗೂ ಕಿಂಗ್‌ರ) ಪತ್ರವ್ಯವಹಾರವನ್ನು ನಾಶಮಾಡುತ್ತಾರೆ. ಇದರಿಂದ ಇವರಿಬ್ಬರಲ್ಲಿ ಯಾವ ರೀತಿ ಸಂಬಂಧವಿತ್ತೆಂಬುದು ಕಡೆಯವರೆಗೆ ಪ್ರಶ್ನೆಯಾಗೇ ಉಳಿಯುತ್ತದೆ. ಆದರೆ ಉಳಿದ ಪತ್ರಗಳ ದೀರ್ಘತೆ ಹಾಗು ಆತ್ಮೀಯತೆಯು "ಒಂದು ವಿಶೇಷ ಸ್ನೇಹದ ವಾತ್ಸಲ್ಯ"[೨೪] ಎಂದು ವಿಶದಪಡಿಸುತ್ತದೆ. ಬುಕಾನನ್ ತಮ್ಮ ಸ್ನೇಹಿತನ ಜೊತೆಗಿನ "ಒಡನಾಟದ" ದ ಬಗ್ಗೆ ಬರೆಯುತ್ತಾರೆ.[೨೫] ಆದಾಗ್ಯೂ, ಈ ರೀತಿಯಾದ ಮನೋಭಾವವು, ಆ ಕಾಲದ ವ್ಯಕ್ತಿಗಳಲ್ಲಿ ಅಸಾಧಾರಣವಾಗೇನೂ ಇರಲಿಲ್ಲ. ಬುಕಾನನ್ ರನ್ನು ಸುತ್ತುವರಿದ ಪರಿಸ್ಥಿತಿಗಳು ಹಾಗು ಕಿಂಗ್ ರ ಭಾವನಾತ್ಮಕ ಸಂಬಂಧಗಳು, ಬುಕಾನನ್ ಒಬ್ಬ ಸಲಿಂಗಕಾಮಿ ಎಂಬ ಊಹೆಗೆ ಎಡೆ ಮಾಡಿಕೊಟ್ಟಿತು.[೨೪] ತಮ್ಮ ಪುಸ್ತಕ ಲೈಸ್ ಅಕ್ರಾಸ್ ಅಮೆರಿಕ ,ದಲ್ಲಿ ಜೇಮ್ಸ್ W. ಲೋಯೆವೆನ್ ಸೂಚಿಸುವಂತೆ, ಮೇ 1844ರಲ್ಲಿ, ಕಿಂಗ್ ಫ್ರಾನ್ಸ್‌ನ ಸಚಿವರಾಗಿ ನೇಮಕಗೊಂಡಾಗ, ಕಿಂಗ್ ಹಾಗು ಬುಕಾನನ್ ನಡುವಿನ ಸಂಬಂಧಕ್ಕೆ ಅಡ್ಡಿಯಾದ ಸಂದರ್ಭದಲ್ಲಿ, ಬುಕಾನನ್ ತಮ್ಮ ಸಾಮಾಜಿಕ ಬದುಕಿನ ಬಗ್ಗೆ ಶ್ರೀಮತಿ. ರೂಸ್ವೆಲ್ಟ್‌ಗೆ ಪತ್ರಬರೆಯುತ್ತಾ, "ನಾನೀಗ 'ಏಕಾಂಗಿ ಹಾಗು ಒಂಟಿ', ಮನೆಯಲ್ಲಿ ನನ್ನೊಂದಿಗೆ ಯಾರು ಸಂಗಡಿಗರಿಲ್ಲ ಎಂದು ಹೇಳುತ್ತಾರೆ. ನಾನು ಹಲವಾರು ವ್ಯಕ್ತಿಗಳಿಗೆ ಮೇಲೆ ಒಲವು ತೋರಿದ್ದೇನೆ, ಆದರೆ ಯಾರೊಬ್ಬರೊಂದಿಗೂ ಸಂಬಂಧ ಬೆಳೆಸುವಲ್ಲಿ ಯಶಸ್ವಿಯಾಗಿಲ್ಲ. ನನ್ನ ಪ್ರಕಾರ ಪುರುಷ ಒಂಟಿಯಾಗಿರುವುದು ಅಷ್ಟು ಒಳ್ಳೆಯದಲ್ಲ, ಅಲ್ಲದೆ ನಾನು ಯಾರೇ ಒಬ್ಬ ವಯಸ್ಸಾದ ಅವಿವಾಹಿತೆಯೊಂದಿಗೆ ಮದುವೆ ಮಾಡಿಕೊಂಡರೆ ಅದು ವಿಸ್ಮಯಗೊಳ್ಳುವಂತ ವಿಷಯವೇನಲ್ಲ. ಆಕೆ ನಾನು ಅಸ್ವಸ್ಥನಾದಾಗ ದಾದಿಯಂತೆ ಉಪಚರಿಸಲು ಸಾಧ್ಯವಾಗಬೇಕು, ನಾನು ಚೇತರಿಸಿಕೊಂಡಾಗ ಒಳ್ಳೆಯ ಆಹಾರವನ್ನು ಒದಗಿಸಬೇಕು ಜೊತೆಗೆ ನನ್ನಿಂದ ಯಾವುದೇ ತರಹದ ಉತ್ಕಟ ಅಥವಾ ರಮ್ಯ ವಾತ್ಸಲ್ಯವನ್ನು ಬಯಸಬಾರದು."[೨೬][೨೭][೨೮] ಅವಿವಾಹಿತರಾಗೇ ಉಳಿದ ಏಕೈಕ ಅಧ್ಯಕ್ಷರೆನಿಸಿಕೊಂಡ ಬುಕಾನನ್ ಹ್ಯಾರಿಯೆಟ್ ಲಾನೇ ಎಡೆಗೆ ಮುಖ ಮಾಡುತ್ತಾರೆ. ಮುಂಚೆ ದತ್ತು ತೆಗೆದುಕೊಂಡ ಅವರ ಅನಾಥ ಸೋದರ ಸೊಸೆಗೆ ತಮ್ಮ ಮೊದಲ ಮಹಿಳೆ ಯ ಸ್ಥಾನ ನೀಡುತ್ತಾರೆ.

ಪರಂಪರೆ[ಬದಲಾಯಿಸಿ]

ಅಧ್ಯಕ್ಷ ಜೇಮ್ಸ್ ಬುಕಾನನ್

ಇಸವಿ 1866ರಲ್ಲಿ ಬುಕಾನನ್ Mr ಬುಕಾನನ್'ಸ್ ಅಡ್ಮಿನಿಸ್ಟ್ರೇಷನ್ ಆನ್ ದಿ ಈವ್ ಆಫ್ ದಿ ರೆಬೆಲ್ಯನ್ ಎಂಬ ಪುಸ್ತಕ ಪ್ರಕಟಿಸುತ್ತಾರೆ. ಇದು ಮೊದಲ ಬಾರಿಗೆ ಪ್ರಕಟಗೊಂಡ ಒಬ್ಬ ಅಧ್ಯಕ್ಷರ ಆತ್ಮಚರಿತ್ರೆ. ಇದರಲ್ಲಿ ಅವರು ತಮ್ಮ ಕಾರ್ಯಗಳ ಬಗ್ಗೆ ಸಮರ್ಥಿಸಿಕೊಳ್ಳುತ್ತಾರೆ; ತಮ್ಮ ಸಾವಿನ ಮುನ್ನಾದಿನ "ಇತಿಹಾಸವು ನನ್ನ ಸ್ಮರಣೆಯನ್ನು ಎತ್ತಿ ಹಿಡಿಯುತ್ತದೆ" ಎಂದು ಅವರು ಭವಿಷ್ಯನುಡಿಯುತ್ತಾರೆ.[೨೯] ಬುಕಾನನ್, ಜೂನ್ 1, 1868ರಂದು ತಮ್ಮ 77ನೇ ವಯಸ್ಸಿನಲ್ಲಿ ವೀಟ್ಲ್ಯಾಂಡ್ ನ ತಮ್ಮ ನಿವಾಸದಲ್ಲಿ ನಿಧನರಾಗುತ್ತಾರೆ. ಇವರ ಶವವನ್ನು ಲಾಂಕಾಸ್ಟರ್‌ನ ವುಡ್ ವರ್ಡ್ ಹಿಲ್ ಸಿಮೆಟ್ರಿ ಯಲ್ಲಿ ಹೂಳಲಾಯಿತು.

ಬುಕಾನನ್. ಸಿರ್ಕ 1860.

ಅದೇನೇ ಇದ್ದರೂ, ಇತಿಹಾಸಜ್ಞರು ಬುಕಾನನ್ ರನ್ನು ಪ್ರತ್ಯೇಕತೆಯ ಸಂದರ್ಭದಲ್ಲಿ ಅವರ ಇಚ್ಛಾರಹಿತ ಸ್ಥಿತಿ ಹಾಗು ಅಸಮರ್ಥತೆಯ ಬಗ್ಗೆ ಇಂದಿಗೂ ಟೀಕಿಸುತ್ತಾರೆ. ಇತಿಹಾಸಜ್ಞರು 2006 ಹಾಗು 2009 ಎರಡೂ ವರ್ಷಗಳಲ್ಲಿ, ಪ್ರತ್ಯೇಕತೆಯನ್ನು ಅವರು ನಿಭಾಯಿಸಲು ಅಸಮರ್ಥರಾದ ಹಿನ್ನೆಲೆಯಲ್ಲಿ ಎಂದಿಗೂ ಮಾಡಿರದ ಕೆಟ್ಟ ಅಧ್ಯಕ್ಷೀಯ ಪ್ರಮಾದವೆಂದು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.[೩೦] ಅಮೆರಿಕ ಅಧ್ಯಕ್ಷರುಗಳ ಐತಿಹಾಸಿಕ ಶ್ರೇಯಾಂಕಗಳಲ್ಲಿ, ಅಧ್ಯಕ್ಷರಾಗಿ ಅವರ ಸಾಧನೆಗಳು, ನಾಯಕತ್ವದ ಗುಣಗಳು, ವಿಫಲತೆ ಹಾಗು ದೋಷಗಳು ಇವೆಲ್ಲವನ್ನು ಪರಿಗಣಿಸಿದಾಗ, ಬುಕಾನನ್ U.S. ಇತಿಹಾಸದಲ್ಲೇ ಕೆಟ್ಟದಾಗಿಲ್ಲದಿದ್ದರೂ ಅತೀ ಕೆಟ್ಟ ಅಧ್ಯಕ್ಷರೆಂಬ ಸ್ಥಾನ ನೀಡಿದ್ದಾರೆ.[೩೧][೩೨]

ಬುಕಾನನ್ ಸ್ಮಾರಕ, ವಾಶಿಂಗ್ಟನ್, D.C.

ಒಂದು ಕಂಚಿನ ಹಾಗು ಗ್ರ್ಯಾನೈಟ್ ಕಲ್ಲಿನ ಅವರ ಸ್ಮಾರಕವು ವಾಶಿಂಗ್ಟನ್, D.C.ಮೆರಿಡಿಯನ್ ಹಿಲ್ ಪಾರ್ಕ್ ನ ಆಗ್ನೇಯ ಮೂಲೆಯಲ್ಲಿ ನೆಲೆಗೊಂಡಿದೆ. ಇದನ್ನು ವಿನ್ಯಾಸಕ ವಿಲ್ಲಿಯಮ್ ಗೋರ್ಡೆನ್ ಬೀಚೆರ್ ವಿನ್ಯಾಸಗೊಳಿಸಿ ಮೇರಿಲ್ಯಾಂಡ್ ನ ಕಲಾವಿದ ಹನ್ಸ್ ಸ್ಚುಲರ್ ನಿರ್ಮಿಸಿದ್ದಾರೆ. ಕಳೆದ 1916ರಲ್ಲೇ ಅಧಿಕೃತ ಅನುಮೋದನೆ ಪಡೆದರೂ, 1918ರವರೆಗೆ U.S. ಕಾಂಗ್ರೆಸ್‌ನಿಂದ ಅನುಮೋದನೆ ದೊರಕಲಿಲ್ಲ. ಇದು ಜೂನ್ 26, 1930ರವರೆಗೂ ಪೂರ್ಣಗೊಂಡಿರಲಿಲ್ಲ ಹಾಗು ಅನಾವರಣಗೊಂಡಿರಲಿಲ್ಲ. ಸ್ಮಾರಕವು, ಬುಕಾನನ್ ರ ಪ್ರತಿಮೆಯ ಜೊತೆಗೆ ಕಾನೂನು ಹಾಗು ರಾಜತಂತ್ರವನ್ನು ಸೂಚಿಸುವ ಪುರುಷ ಹಾಗು ಸ್ತ್ರೀಯ ಸಾಂಪ್ರದಾಯಿಕ ಚಿತ್ರಗಳನ್ನು ಒಳಗೊಂಡಿದೆ. ಇದರ ಜೊತೆಗೆ ಬುಕಾನನ್ ರ ಸಚಿವ ಸಂಪುಟದಲ್ಲಿ ಸದಸ್ಯರಾಗಿದ್ದ ಜೆರೇಮಿಃ S. ಬ್ಲಾಕ್ ರ ಉಲ್ಲೇಖ "ಒಬ್ಬ ನೈತಿಕಭ್ರಷ್ಟರಲ್ಲದ ರಾಜನೀತಿಜ್ಞ, ಕಾನೂನಿನ ಪರ್ವತಶ್ರೇಣಿಗಳ ಮೇಲೆ ಅವರ ನಡಿಗೆಯಿತ್ತು" ಎಂಬ ಸಾಲುಗಳನ್ನು ಕೆತ್ತಲಾಗಿದೆ. ದೇಶದ ರಾಜಧಾನಿಯಲ್ಲಿ ಅವರ ಸ್ಮಾರಕವು ಹಿಂದಿನ ಸ್ಮಾರಕಕ್ಕೆ ಪೂರಕ ವಾಗಿತ್ತು. ಇದನ್ನು 1907-08ರಲ್ಲಿ ನಿರ್ಮಿಸಲಾಗಿ 1911ರಲ್ಲಿ ಬುಕಾನನ್ ರ ಜನ್ಮಸ್ಥಳ ಸ್ಟೋನಿ ಬಟ್ಟೆರ್, ಪೆನ್ಸಿಲ್ವೇನಿಯಾ ದಲ್ಲಿ ಲೋಕಾರ್ಪಣೆ ಮಾಡಲಾಯಿತು. ಸ್ಮಾರಕದ Script errorಒಂದು ಭಾಗ, ಮುಂಚಿನ ಸ್ಮಾರಕವು 250-ಟನ್ ಪಿರಮಿಡ್ ರಚನೆಯ ವಿನ್ಯಾಸವಾಗಿದ್ದು, ಸ್ಥಳೀಯ ಕ್ರಮವಲ್ಲದ ಕಲ್ಲುಗಳ ಹಾಗು ಸುಣ್ಣದಗಾರೆಯ ಮೂಲ ಶಿಥಿಲವಾದ ಹೊರಮೈಯನ್ನು ಪ್ರದರ್ಶಿಸುತ್ತದೆ.

ಮೂರು ಕೌಂಟಿಗಳನ್ನು ಅವರ ಗೌರವಾರ್ಥವಾಗಿ ಹೆಸರಿಸಲಾಗಿದೆ: ಐಯೋವಬುಕಾನನ್ ಕೌಂಟಿ, ಮಿಸ್ಸೋರಿ, ಹಾಗು ವರ್ಜೀನಿಯ. ಟೆಕ್ಸಾಸ್ ನ ಮತ್ತೊಂದು ಪ್ರದೇಶವನ್ನು 1858ರಲ್ಲಿ ಇವರ ಗೌರವಾರ್ಥವಾಗಿ ಹೆಸರಿಸಲಾಯಿತಾದರೂ 1861ರಲ್ಲಿ, ಅಲೆಕ್ಸಾಂಡರ್ ಸ್ಟೀಫನ್ಸ್, ಕಾಂಫೆಡರೇಟ್ ಸ್ಟೇಟ್ಸ್ ಆಫ್ ಅಮೆರಿಕದ ನೂತನ ಉಪಾಧ್ಯಕ್ಷರಾಗಿ ನೇಮಕಗೊಂಡಾಗ ಅದನ್ನು ಸ್ಟೀಫನ್ಸ್ ಕೌಂಟಿ ಎಂದು ಮರು ನಾಮಕರಣ ಮಾಡಲಾಯಿತು.[೩೩]

ಗ್ರಂಥಸೂಚಿ[ಬದಲಾಯಿಸಿ]

ISBN 0-19-503902-5 ಆನ್ಲೈನ್ ವರ್ಶನ್

ಆಕರಗಳು[ಬದಲಾಯಿಸಿ]

  1. ಕ್ಲಿಯೆನ್(1962), pp. xviii.
  2. [೧]
  3. [೨]
  4. ಕ್ಲಿಯೆನ್ (1962), pp. 9-12.
  5. ಬೇಕರ್(2004), p. 18.
  6. ಕ್ಲಿಯೆನ್ (1962), p. 27.
  7. ಕರ್ಟಿಸ್ (1883), p. 22.
  8. ಕರ್ಟಿಸ್ (1883), pp. 107-109.
  9. ಸೆಯಿಗೆನ್ಥಲರ್(2004), pp. 107-108.
  10. ಕ್ಲೆಯಿನ್ (1962), pp. 181-183.
  11. ಕ್ಲೆಯಿನ್ (1962), p. 210.
  12. ಕ್ಲೆಯಿನ್ (1962), p. 415.
  13. http://millercenter.org/scripps/archive/speeches/detail/3734
  14. Stampp (1990) p. 48
  15. ಹಕೀಮ್, ಜಾಯ್. ದಿ ನ್ಯೂ ನೇಶನ್: 1789-1850 ಏ ಹಿಸ್ಟರಿ ಆಫ್ US ಬುಕ್ 4
  16. ಬೇಕರ್ (2004), pp.114-118.
  17. >ಬುಕಾನನ್ (1860)
  18. ಬೇಕರ್ (2004), p. 140.
  19. ಮಧ್ಯಂತರ ನೇಮಕಾತಿ; ಅಧಿಕೃತವಾಗಿ ಜನವರಿ 23, 1860ರಲ್ಲಿ ನಾಮ ನಿರ್ದೇಶನ ಮಾಡಲಾಯಿತು. ಇದನ್ನು ಯುನೈಟೆಡ್ ಸ್ಟೇಟ್ಸ್ ಸೆನೆಟ್ ಜನವರಿ 30ರಂದು ದೃಢಪಡಿಸಿತು, ಹಾಗು ಜನವರಿ 30, 1860ರಲ್ಲಿ ಅಧಿಕೃತ ಅಂಗೀಕಾರ ಪಡೆಯಿತು.
  20. ೨೦.೦ ೨೦.೧ ೨೦.೨ Klein, Philip Shriver (December 1955). "The Lost Love of a Bachelor President". American Heritage Magazine 7 (1). Retrieved 2007-06-18. 
  21. ಯುನಿವೆರ್ಸಿಟಿ ಆಫ್ ವರ್ಜೀನಿಯ: ಮಿಲ್ಲರ್ ಸೆಂಟರ್ ಆಫ್ ಪಬ್ಲಿಕ್ ಅಫ್ಫೆರ್ಸ್: ಜೇಮ್ಸ್ ಬುಕಾನನ್: ಲೈಫ್ ಬಿಫೋರ್ ದಿ ಪ್ರೆಸಿಡೆನ್ಸಿ.
  22. ಕ್ಲೆಯಿನ್ (1962), p. 111.
  23. Katz, Jonathan (1976). Gay American History: Lesbians and Gay Men in the U.S.A. : A Documentary. Crowell. p. 647. ISBN 9780690011654. 
  24. ೨೪.೦ ೨೪.೧ ೨೪.೨ ಬೇಕರ್ (2004), p. 75.
  25. ಸ್ಟೀವ್ ಟ್ಯಾಲಿ ಕಿಂಗ್ ಹಾಗು ಬುಕಾನನ್‌ರ ಹೆಚ್ಚು ಆಳವಾದ ಸಂಬಂಧ ತಮ್ಮ ಪುಸ್ತಕ ಬ್ಲಾಂಡ್ ಆಂಬಿಷನ್: ಫ್ರಮ್ ಆಡಮ್ಸ್ ಟು ಕ್ವಾಯ್ಲೆ--ದಿ ಕ್ರಾನ್ಕ್ಸ್, ಕ್ರಿಮಿನಲ್ಸ್, ಟ್ಯಾಕ್ಸ್ ಚೀಟ್ಸ್, ಅಂಡ್ ಗಾಲ್ಫಾರ್ಸ್ ಹೂ ಮೇಡ್ ಇಟ್ ಟು ವೈಸ್ ಪ್ರೆಸಿಡೆಂಟ್ ನಲ್ಲಿ ಚರ್ಚಿಸಿದ್ದಾರೆ.
  26. ಜೇಮ್ಸ್ W. ಲೋಯೆವೆನ್. ಲೈಸ್ ಅಕ್ರಾಸ್ ಅಮೆರಿಕ . ಪುಟ 367 ದಿ ನ್ಯೂ ಪ್ರೆಸ್. 1999
  27. ಕ್ಲಿಯೆನ್ (1962), p. 156.
  28. ಕರ್ಟಿಸ್(1883), pp. 188, 519.
  29. "Buchanan's Birthplace State Park". Pennsylvania State Parks. Pennsylvania Department of Conservation and Natural Resources. Retrieved 2009-03-28. 
  30. "U.S. historians pick top 10 presidential errors". Associated Press (CTV). 2006-02-18. 
  31. Tolson, Jay (2007-02-16). "The 10 Worst Presidents". U.S. News & World Report. Retrieved 2009-03-26. 
  32. Hines, Nico (2008-10-28). "The 10 worst presidents to have held office". London: The Times. Retrieved 2009-03-26. 
  33. Beatty, Michael A. (2001). County Name Origins of the United States. Jefferson, N.C.: McFarland. p. 310. ISBN 0786410256. 

ಹೆಚ್ಚಿನ ಮಾಹಿತಿಗಾಗಿ[ಬದಲಾಯಿಸಿ]

  • ಬಿಂಡರ್, ಫ್ರೆಡೆರಿಕ್ ಮೂರ್. "ಜೇಮ್ಸ್ ಬುಕಾನನ್: ಜ್ಯಾಕ್ಸನಿಯನ್ ಎಕ್ಸ್‌ಪಾನ್ಫನಿಸ್ಟ್" ಹಿಸ್ಟಾರಿಯನ್ 1992 55(1): 69–84. Issn: 0018-2370 ಸಂಪೂರ್ಣ ವಿವರ: ಎಬ್ಸ್ಕೋ ನಲ್ಲಿ
  • ಬೈಂಡರ್, ಫ್ರೆಡೆರಿಕ್ ಮೂರ್. ಜೇಮ್ಸ್ ಬುಕಾನನ್ ಅಂಡ್ ದಿ ಅಮೆರಿಕನ್ ಎಂಪೈರ್. ಸಸ್ಕ್ವೆಹನ್ನ U. ಪ್ರೆಸ್, 1994. 318 pp.
  • ಬಿರ್ಕ್ನೆರ್, ಮೈಕಲ್ J., ed. ಜೇಮ್ಸ್ ಬುಕಾನನ್ ಅಂಡ್ ದಿ ಪೊಲಿಟಿಕಾಲ್ ಕ್ರೈಸಿಸ್ ಆಫ್ ದಿ 1850ಸ್. ಸಸ್ಕ್ವೆಹನ್ನ U. ಪ್ರೆಸ್, 1996. 215 pp.
  • ಮೀರ್ಸೆ, ಡೇವಿಡ್. "ಬುಕಾನನ್, ದಿ ಪೆಟ್ರೋನೆಜ್, ಅಂಡ್ ದಿ ಲೆಕಾಂಪ್ಟನ್ ಕಾಂಸ್ಟಿಟ್ಯೂಶನ್: ಏ ಕೇಸ್ ಸ್ಟಡಿ" ಸಿವಿಲ್ ವಾರ್ ಹಿಸ್ಟರಿ 1995 41(4): 291–312. Issn: 0009-8078
  • ನೆವಿನ್ಸ್, ಅಲ್ಲನ್. ದಿ ಎಮರ್ಜೆನ್ಸ್ ಆಫ್ ಲಿಂಕನ್ 2 ವೊಲ್ಸ್. (1960) ಅವರ ಅಧ್ಯಕ್ಷಗಿರಿಯ ಬಗ್ಗೆ ಸವಿಸ್ತಾರವಾದ ನಿರೂಪಣೆ
  • ನಿಕೋಲಸ್, ರಾಯ್ ಫ್ರಾಂಕ್ಲಿನ್; ದಿ ಡೆಮೋಕ್ರ್ಯಾಟಿಕ್ ಮೆಷಿನ್, 1850–1854 (1923), ಡೀಟೈಲ್ಡ್ ನ್ಯಾರೇಟಿವ್; ಆನ್ಲೈನ್
  • ಪಾಟರ್, ಡೇವಿಡ್ ಮೊರ್ರಿಸ್. ದಿ ಇಂಪೆನ್ಡಿಂಗ್ ಕ್ರೈಸಿಸ್, 1848–1861 (1976). ISBN 0-06-013403-8 ಪುಲಿಟ್ಜರ್ ಪ್ರಶಸ್ತಿ.
  • ರೋಡ್ಸ್, ಜೇಮ್ಸ್ ಫೋರ್ಡ್ ಹಿಸ್ಟರಿ ಆಫ್ ದಿ ಯುನೈಟೆಡ್ ಸ್ಟೇಟ್ಸ್ ಫ್ರೊಂ ದಿ ಕಾಂಪ್ರೋಮೈಸ್ ಆಫ್ 1850 ಟು ದಿ ಮೆಕ್ಕಿನ್ಲೆ-ಬ್ರಯಾನ್ ಕ್ಯಾಂಪೈನ್ ಆಫ್ 1896 ಸಂಪುಟ 2. (1892)
  • ಸ್ಮಿತ್, ಎಲ್ಬರ್ಟ್ B. ದಿ ಪ್ರೆಸಿಡೆನ್ಸಿ ಆಫ್ ಜೇಮ್ಸ್ ಬುಕಾನನ್ (1975). ISBN 0-7006-0132-5, ಅವರ ಆಡಳಿತದ ಪ್ರಮಾಣ ಚರಿತ್ರೆ
  • ಅಪ್ಡೈಕ್, ಜಾನ್ ಬುಕಾನನ್ ಡೈಯಿಂಗ್ (1974). ISBN 0-8117-0238-3.

ಬಾಹ್ಯ ಕೊಂಡಿಗಳು[ಬದಲಾಯಿಸಿ]

ಪ್ರಾಥಮಿಕ ಮೂಲಗಳು[ಬದಲಾಯಿಸಿ]

  1. REDIRECT Template:U.S. Cabinet official box
Political offices
Preceded by
Franklin Pierce
President of the United States
March 4, 1857 – March 4, 1861
Succeeded by
Abraham Lincoln
United States Senate
Preceded by
William Wilkins
United States Senator (Class 3) from Pennsylvania
1834 – 1845
Served alongside: Samuel McKean, Daniel Sturgeon
Succeeded by
Simon Cameron
United States House of Representatives
  1. Redirect Template:USRepSuccessionBox
  2. Redirect Template:USRepSuccessionBox
Preceded by
Philip P. Barbour
Chairman of the House Judiciary Committee
1829 – 1831
Succeeded by
Warren R. Davis
Party political offices
Preceded by
Franklin Pierce
Democratic Party presidential candidate
1856
Succeeded by
Stephen A. Douglas
John C. Breckinridge¹
Diplomatic posts
Preceded by
Joseph R. Ingersoll
United States Minister to Great Britain
1853 – 1856
Succeeded by
George M. Dallas
Preceded by
John Randolph
United States Minister to Russia
1832 – 1833
Succeeded by
Mahlon Dickerson
Honorary titles
Preceded by
Martin Van Buren
Oldest U.S. President still living
July 24, 1862 – June 1, 1868
Succeeded by
Millard Fillmore
Notes and references
1. The Democratic party split in 1860, producing two presidential candidates. Douglas was nominated by Northern Democrats; Breckinridge was nominated by Southern Democrats.