ಇನ್‌ಫ್ರಾ‌ರೆಡ್‌

ವಿಕಿಪೀಡಿಯ ಇಂದ
ಇಲ್ಲಿಗೆ ಹೋಗು: ಸಂಚರಣೆ, ಹುಡುಕು
ಎರಡು ಮಾನವ ದೇಹಗಳ ಮಧ್ಯ-ನಸುಗೆಂಪು ಕಿರಣಗಳ ("ಥರ್ಮಲ್‌") ಬೆಳಕಿನ(ತಪ್ಪು-ಬಣ್ಣ) ಚಿತ್ರಗಳು

ಅತಿಗೆಂಪು ವಿಕಿರಣತೆ ಅಥವಾ ಇನ್‌ಫ್ರಾರೆಡ್ ರೇಡಿಯೇಶನ್ (ಐಆರ್ ) ಇದು 0.7 ಮತ್ತು 300 ಮೈಕ್ರೊಮೀಟರ್ ತರಂಗಾಂತರದಲ್ಲಿ ಇರುವ ವಿದ್ಯುತ್ ಕಾಂತೀಯ ವಿಕಿರಣವಾಗಿದೆ. ಅದು ಅಂದಾಜು 1 ಮತ್ತು 430 THz ಆವರ್ತನ ಶ್ರೇಣಿಯ ನಡುವೆ ಸಮನಾಗಿರುತ್ತದೆ.[೧]

ಇದರ ತರಂಗಾಂತರವು ಕಾಣುವ ಬೆಳಕಿನ ತರಂಗಾಂತರಕ್ಕಿಂತ ದೀರ್ಘವಾಗಿದೆ(ಮತ್ತು ಆವರ್ತನವು ಕಡಿಮೆ), ಆದರೆ [[ಟೆರಾ ಹರ್ಟ್ಜ್ ಸೂಕ್ಷ್ಮ ತರಂಗ|ಟೆರಾ ಹರ್ಟ್ಜ್ ಸೂಕ್ಷ್ಮ ತರಂಗ]]ಗಳ ವಿಕಿರಣಕ್ಕಿಂತಲೂ ಕಡಿಮೆಯಾಗಿರುತ್ತದೆ (ಮತ್ತು ಆವರ್ತನವು ಹೆಚ್ಚು). ಸಮುದ್ರಮಟ್ಟದಲ್ಲಿ ಪ್ರಖರವಾದ ಸೂರ್ಯನ ಬೆಳಕು ಪ್ರತಿ ಒಂದು ಚದರ ಕಿಲೋಮಿಟರ್ ವ್ಯಾಪ್ತಿಯಲ್ಲಿ 1 ಕಿಲೋ ವ್ಯಾಟ್ ಪೂರೈಸುತ್ತದೆ. ಇದರಲ್ಲಿ 527 ವ್ಯಾಟ್ ಇನ್‌ಫ್ರಾರೆಡ್ ವಿಕಿರಣ ಆಗಿರುತ್ತದೆ, 445 ವ್ಯಾಟ್ ನೋಡುವಂತಹ ಬೆಳಕಾಗಿದ್ದು, ಮತ್ತು 32 ವ್ಯಾಟ್ ಅತಿನೆರಳೆ ವಿಕಿರಣವಾಗಿರುತ್ತದೆ.[೨]

ಪರಿವಿಡಿ

ಸ್ಥೂಲ ಅವಲೋಕನ[ಬದಲಾಯಿಸಿ]

ಅತಿಗೆಂಪು ಚಿತ್ರಣವನ್ನು ಅತಿಯಾಗಿ ಮಿಲಿಟರಿ ಮತ್ತು ನಾಗರಿಕ ಉದ್ದೇಶಗಳಿಗೆ ಉಪಯೋಗಿಸಲಾಗುತ್ತಿದೆ. ಗುರಿನಿರ್ಧಿಷ್ಟಪಡಿಸುವಿಕೆ, ಸರ್ವೇಕ್ಷಣೆ, ರಾತ್ರಿ ನೋಡುವುದಕ್ಕೆ, ಶೋಧನೆ ಮತ್ತು ಜಾಡು ಶೋಧಿಸುವಿಕೆ ಮಿಲಿಟರಿ ಅಳವಡಿಕೆಯಲ್ಲಿ ಸೇರಿವೆ. ಮಿಲಿಟರಿಯೇತರ ಉಪಯೋಗಗಳಲ್ಲಿ ಉಷ್ಣತೆಯ ದಕ್ಷತೆಯ ವಿಮರ್ಶೆ, ರಿಮೋಟ್ ಟೆಂಪರೇಚರ್ ಸೆನ್ಸಿಂಗ್, ಅಲ್ಪವ್ಯಾಪ್ತಿಯ ನಿಸ್ತಂತು ಸಂಪರ್ಕ, ಸ್ಪೇಕ್ಟ್ರೋಸ್ಕೋಪಿ ಮತ್ತು ಹವಾಮಾನ ಮುನ್ಸೂಚನೆಗೆ ಉಪಯೋಗಿಸಲಾಗುತ್ತದೆ. ಅತಿಗೆಂಪು ಖಗೋಳ ವಿಜ್ಞಾನದಲ್ಲಿ ಧೂಳಿನಿಂದ ಆವೃತವಾದ ಪ್ರದೇಶಗಳನ್ನು ಭೇದಿಸುವುದಕ್ಕೆ ಸೆನ್ಸಾರ್ ಅಳವಡಿಸಲಾಗಿರುವ ಟೆಲಿಸ್ಕೋಪ್‌ಗಳನ್ನು ಮೋಡಗಳ ಗುಂಪು, ಗ್ರಹಗಳಂತಹ ಕಾಯಗಳನ್ನು ಪತ್ತೆ ಹಚ್ಚುವುದಕ್ಕೆ, ವಿಶ್ವದ ಪ್ರಾರಂಭದ ದಿನಗಳಲ್ಲಿ ಅತಿಗೆಂಪು ಆಗಿರುವ ಕಾಯಗಳನ್ನು ನೋಡುವುದಕ್ಕೆ ಉಪಯೋಗಿಸಲಾಗುತ್ತದೆ.[೩]

ವೇನ್ ಡಿಸಪ್ಲೆಸ್ ಮೆಂಟ್ ಲಾ ನಲ್ಲಿ ಹೇಳಿರುವ ಪ್ರಕಾರ ಸಾಧಾರಣ ಉಷ್ಣತೆಯಲ್ಲಿ ಮಾನವರು 12 ಪಿಎಂ (ಮೈಕ್ರೊಮೀಟರ್) ತರಂಗಾಂತರದಲ್ಲಿ ವಿಕಿರಣವನ್ನು ಹೊರಸೂಸುತ್ತಾರೆ.

ಪರಮಾಣು ಮಟ್ಟದಲ್ಲಿ ಅತಿಗೆಂಪು ಶಕ್ತಿಯು ಕಂಪನ ಮಾದರಿಯಲ್ಲಿ ಶಕ್ತಿಯನ್ನು ದ್ವೀದಿಕ್ಕು ಚಲನೆಯು ಅಣುರೂಪದಲ್ಲಿ ಹೊರಸೂಸುವುದರಿಂದ ಅಣುಗಳ ಸೂಕ್ತ ಸಾಮಂಜಸ್ಯವನ್ನು ಯೋಗ್ಯವಾಗಿ ಅಧ್ಯಯನ ಮಾಡುವುದಕ್ಕೆ ಉಪಯುಕ್ತವಾಗುವಂತೆ ಮಾಡುತ್ತದೆ. ಅತಿಗೆಂಪು ಸ್ಪೆಕ್ಟ್ರೋಸ್ಕೊಪಿಯು ಅತಿಗೆಂಪು ಶಕ್ತಿಯ ವ್ಯಾಪ್ತಿಯಲ್ಲಿ ವರ್ಗಾವಣೆಯಾಗುವ, ಸ್ಥಾನಾಂತರವಾಗುವ ಫೋಟೊನ್‌ಗಳ ಹೀರಿಕೊಳ್ಳುವಿಕೆಯನ್ನು ಅವುಗಳ ತರಂಗಾಂತರ ಮತ್ತು ತೀವ್ರತೆಯ ಆಧಾರದ ಮೇಲೆ ಪರೀಕ್ಷಿಸುತ್ತದೆ.[೪]

ಪದದ ಮೂಲ[ಬದಲಾಯಿಸಿ]

ಈ ಹೆಸರಿನ ಅರ್ಥವು ಕೆಂಪು ಬಣ್ಣದ ಕೆಳಗಿನದ್ದು ಎಂದಾಗುತ್ತದೆ. ಲ್ಯಾಟಿನ್‌ ಶಬ್ಧ ಇನ್ಫ್ರಾ ದ ಅರ್ಥವು ’ಕೆಳಗೆ’ ಎಂದಾಗುತ್ತದೆ. ಕೆಂಪು ಎಂದರೆ ಕಣ್ಣಿಗೆ ಕಾಣುವ ಬೆಳಕಿನಲ್ಲಿಯ ಅತಿ ಉದ್ದವಾದ ತರಂಗಾಂತರ ಇರುವ ಬೆಳಕು ಎಂದಾಗುತ್ತದೆ. ಅತಿಗೆಂಪು ದೀರ್ಘವಾದ ತರಂಗಾಂತರವನ್ನು (ಮತ್ತು ಕಡಿಮೆ ಸಂಭವಿಸುವಿಕೆಯದ್ದಾಗಿದೆ) ಮನುಷ್ಯರಿಗೆ ಗೋಚರಿಸುವ ಕೆಂಪು ದೀಪಕ್ಕಿಂತ ಕಡಿಮೆ ಹೊಂದಿದೆ. ಹೀಗಾಗಿ ಯಥಾವತ್ ಅರ್ಥವು ಕೆಂಪು ಬಣ್ಣದ ಬೆಳಕಿನ ಕೆಳಗಿನದ್ದು ಎಂದಾಗುತ್ತದೆ.

ಅತಿಗೆಂಪಿನಲ್ಲಿನ ಭಿನ್ನವಾದ ಪ್ರದೇಶಗಳು[ಬದಲಾಯಿಸಿ]

ಸಾಮಾನ್ಯವಾಗಿ ಕಾಯಗಳು ತಮ್ಮ ಸುತ್ತಲಿನ ರೋಹಿತ ತರಂಗಾಂತರದಲ್ಲಿ ಅತಿಗೆಂಪನ್ನು ಹೊರಸೂಸುತ್ತವೆ. ಆದರೆ ನಿರ್ಧಿಷ್ಟಪಡಿಸಿದ ಪ್ರದೇಶದ ರೋಹಿತದಲ್ಲಿ ಮಾತ್ರ ಆಸಕ್ತಿ ಇರುತ್ತದೆ. ಎಕೆಂದರೆ ಸಾಮಾನ್ಯವಾಗಿ ಸೆನ್ಸರ್ ಗಳನ್ನು ನಿರ್ಧಿಷ್ಟಪಡಿಸಿದ ಬ್ಯಾಂಡ್ ವಿಡ್ತ್ ನಲ್ಲಿ ಸಂಗ್ರಹಿಸುವಂತೆ ವಿನ್ಯಾಸಗೊಳಿಸಲಾಗಿರುತ್ತದೆ. ಇದರ ಪರಿಣಾಮವಾಗಿ ಅತಿಗೆಂಪು ಬ್ಯಾಂಡ್ ಅನ್ನು ಕೆಲವೊಂದು ಬಾರಿ ಸಣ್ಣ ವಿಭಾಗಗಳಾಗಿ ವಿಭಜಿಸಲಾಗುತ್ತದೆ.

ಸಿಐಇ ವಿಭಾಗ ಯೋಜನೆ[ಬದಲಾಯಿಸಿ]

ಇಂಟರನ್ಯಾಷನಲ್ ಕಮಿಷನ್ ಆನ್ ಇಲ್ಯೂಮಿನೇಷನ್ , ಕೆಳಗಿನ ಮೂರು ಬ್ಯಾಂಡ್ ಗಳಂತೆ ಆಪ್ಟಿಕಲ್ ವಿಕಿರಣ ವಿಭಾಗಕ್ಕೆ ಶಿಫಾರಸು ಮಾಡುತ್ತದೆ:[೫]

  • # ಐಆರ್-ಎ 700 µm-1400 µm (0.7 µm-1.4 µm)
  • ಐಆರ್-ಬಿ 1400 µm-3000 µm (1.4 µm-3 µm)
  • ಐಆರ್-ಸಿ 3000 µm-1 ಎಂಎಂ (3 µm-1000 µm)

ಸಾಮಾನ್ಯವಾಗಿ ಉಪಯೋಗಿಸಲಾಗುವ ಸಬ್ ಡಿವಿಜನ್ ಯೋಜನೆಯೆಂದರೆ:[೬]

  • ಸಮೀಪದ ಅತಿಗೆಂಪು (ಎನ್ಐಆರ್, ಐಆರ್-ಎ ಡಿಐಎನ್): .75-1.4 ಯುಎಂ ಶಬ್ದಾಂತರವನ್ನು ನೀರಿನ ಹೀರುವಿಕೆಯಿಂದ ವ್ಯಾಖ್ಯಾನಗೊಳಿಸಲಾಗಿದ್ದು, ಎಕೆಂದರೆ, ಎಸ್ಐಒ2 ಗಾಜಿನ (ಸಿಲಿಕಾ) ಮಾಧ್ಯಮದಲ್ಲಿ ಕೃಷಗೊಳ್ಳುವಿಕೆ ಕಡಿಮೆ ಇರುವ ನಷ್ಟದ ಕಾರಣ ಸಾಮಾನ್ಯವಾಗಿ ಫೈಬರ್ ಆಪ್ಚಿಕ್ ಅನ್ನು ಟೆಲಿಕಮ್ಯೂನಿಕೇಷನ್ ಗಳಲ್ಲಿ ಉಪಯೋಗಿಸಲಾಗುತ್ತದೆ. ಈ ವ್ಯಾಪ್ತಿಯ ಸ್ಪೆಕ್ಟ್ರಮ್ ಗಳ ವ್ಯಾಪ್ತಿಯ ಪ್ರದೇಶಗಳಲ್ಲಿ ಚಿತ್ರಗಳನ್ನು ದಟ್ಟವಾಗಿಸುವಿಕೆ ಸಂವೇದನಾಶೀಲವಾಗಿರುತ್ತದೆ. ಉದಾಹರಣೆಯಲ್ಲಿ ರಾತ್ರಿ ನೋಡುವ ಉಪಕರಣಗಳಾದ ನೈಟ್ ವೀಜನ್ ಗಾಗಲ್ ಗಳು ಸೇರಿರುತ್ತವೆ.
  • ಕಡಿಮೆ ತರಂಗಾಂತರದ ಅತಿಗೆಂಪು (ಎಸ್ ಡಬ್ಲ್ಯೂಐಆರ್, ಐಆರ್-ಬಿ ಡಿಐನ್): 1.4-3 ಯುಎಂ, ನೀರು ಹೀರುವಿಕೆಯು 1,450µmನಲ್ಲಿ ಗಮನಾರ್ಹವಾಗಿ ಏರಿಕೆಯಾಗುತ್ತದೆ. 1,530ದಿಂದ 1,560ವರಗಿನ ಪ್ರಮಾಣವು ದೀರ್ಘ ಅಂತರ ಟೆಲಿಕಮ್ಯೂನಿಕೇಷನ್ ಗಳಲ್ಲಿ ಸ್ಪೇಕ್ಟ್ರಲ್ ಪ್ರದೇಶವು ಪ್ರಭಾವಶಾಲಿಯಾಗಿರುತ್ತದೆ.
  • ಮಧ್ಯಮ ಅತಿಗೆಂಪು ತರಂಗಾಂತರ (ಎಂಡಬ್ಲ್ಯೂಐಆರ್. ಐಆರ್-ಸಿ ಡಿಐಎನ್), ಅಂತರ ಮಾಧ್ಯಮ ಅತಿಗೆಂಪು (ಐಐಆರ್) ಎಂದೂ ಕರೆಯಲಾಗುತ್ತದೆ. ನಿರ್ದೇಶಿತ ಕ್ಷಿಪಣಿ ತಂತ್ರಜ್ಞಾನದಲ್ಲಿ ಈ ಬ್ಯಾಂಡಿನ 3.5 ಯುಎಂ ಭಾಗವು ವಾತಾವರಣದ ಕಿಟಕಿಯಂತಿದ್ದು, ಇದರಲ್ಲಿ ಹೋಮಿಂಗ್ ಹೆಡ್ ಗಳು ಉಷ್ಣತೆಯ ಅಗತ್ಯವಿರುವ ಕ್ಷಿಪಣಿಗಳನ್ನು ಕೆಲಸ ಮಾಡುವುದಕ್ಕೆ ವಿನ್ಯಾಸಗೊಳಿಸಲಾಗಿದೆ. ಹೋಮಿಂಗ್ ಸಿಗ್ನೆಚರ್ ಗಳನ್ನು ಜೆಟ್ ಎಂಜೀನ್ ಪ್ಲೂಮ್ ನಂತಹ ಟಾರ್ಗೆಟ್ ಏರ್ ಕ್ರಾಪ್ಟ್ ಗಳಲ್ಲಿ ಉಪಯೋಗಿಸಲಾಗುತ್ತದೆ.
  • ದೀರ್ಘ ಅತಿಗೆಂಪು ತರಂಗಾಂತರ(ಎಲ್ ಡಬ್ಲ್ಯೂಐಆರ್, ಐಆರ್-ಸಿ ಡಿಐಎನ್): 8-15 ಯುಎಂ. ಇದು ಥರ್ಮಲ್ ಇಮೇಜಿಂಗ್ ಪ್ರದೇಶವಾಗಿದೆ. ಇದರಲ್ಲಿ ಸೆನ್ಸರ್ ಗಳು ಪೂರ್ಣವಾಗಿ ಹೊರ ಜಗತ್ತಿನ ಜಡ ಚಿತ್ರವನ್ನು ಥರ್ಮಲ್ ಹೊರಸೂಸುವಿಕೆಯಿಂದ ಮಾತ್ರ ಮತ್ತು ಅತಿರಿಕ್ತ ಬೆಳಕು ಅಥವ ಸೂರ್ಯ ಅಥವ ಚಂದ್ರ ಅಥವ ಅತಿಗೆಂಪು ದೀಪಕಗಳಂತಹ ಥರ್ಮಲ್ ಮೂಲದ ಅಗತ್ಯವಿಲ್ಲದೇ ಪಡೆಯಬಹುದಾಗಿದೆ. ಈ ಸ್ಪೆಕ್ಟ್ರಮ್ ಪ್ರದೇಶದಲ್ಲಿ ಪಾರ್ವರ್ಡ್ ಲುಕಿಂಗ್ ಇನ್ಫ್ರಾರೆಡ್ ಸಿಸ್ಟಮ್ ಗಳಲ್ಲಿ ಉಪಯೋಗಿಸಲಾಗುತ್ತದೆ. ಕೆಲ ಬಾರಿ ಇದನ್ನು "ಫಾರ್ ಇನ್ಫ್ರಾರೆಡ್" ಎಂದೂ ಕರೆಯಲಾಗುತ್ತದೆ.
  • ಫಾರ್ ಇನ್ಪ್ರಾರೆಡ್ (ಎಫ್ಐಆರ್): 15-1-1,000 ಯುಎಂ (ಇನ್ಫ್ರಾರೆಡ್ ಲೇಸರ್ ಕೂಡ ನೋಡಿ)

ಎನ್ಐಆರ್ ಮತ್ತು ಎಸ್ ಡಬ್ಲ್ಯೂಐರ್ ಅನ್ನು ಕೆಲ ಬಾರಿ “ಪ್ರತಿಫಲಿತ ಇನ್ಪ್ರಾರೆಡ್” ಎಂದೂ ಕರೆಯಲಾಗುತ್ತದೆ. ಇದೇ ವೇಳೆ ಎಂಡಬ್ಲ್ಯೂಐಆರ್ ಮತ್ತು ಎಲ್ ಡಬ್ಲ್ಯೂಐಆರ್ ಅನ್ನು ಅವುಗಳ ಕಪ್ಪು ದೇಹದ ವಿಕಿರಣ ಕರ್ವ್, ಎಕ್ಸಾಸ್ಟ್ ಪೈಪ್ ಗಳಂತಹ ಬಿಸಿಯಾಗಿರುವ ಕಾಯಗಳ ಸ್ವರೂಪದ ಕಾರಣ “ಥರ್ಮಲ್ ಇನ್ಪ್ರಾರೆಡ್ ” ಎಂದೂ ಉಲ್ಲೇಖಿಸಲಾಗುತ್ತದೆ. ಎಲ್ ಡಬ್ಯ್ಲೂನಲ್ಲಿ ನೋಡಿದ ಕಾಯವೇ ಎಂಡಬ್ಲ್ಯೂನಲ್ಲಿ ನೋಡಿ ಹೋಲಿಸಿದಲ್ಲಿ ಕೆಲ ಬಾರಿ ಪ್ರಖರವಾಗಿ ಗೋಚರಿಸುತ್ತದೆ.

ಖಗೋಳ ವಿಭಾಗ ಯೋಜನೆ[ಬದಲಾಯಿಸಿ]

ಅತಿಗೆಂಪು ಸ್ಪೇಕ್ಪ್ರಮ್ ಅನ್ನು ಖಗೋಳ ಶಾಸ್ತ್ರಜ್ಞರು ಇದೇ ಮಾದರಿಯಲ್ಲಿ ವಿಭಾಗಿಸಿದ್ದಾರೆ.[೭]

  • ಸಮೀಪ (0.7-1)ದಿಂದ 5 µm
  • ಮಧ್ಯಮ: 5 ದಿಂದ(25-40) µm
  • ದೀರ್ಘ: (25-40) ದಿಂದ (200-350) µm.

ಈ ವಿಭಜನೆಯು ಕರಾರುವಾಕ್ ಆಗಿಲ್ಲ ಮತ್ತು ಪ್ರಕಟಣೆಯ ಆವಲಂಬನದ ಮೇಲೆ ಅವುಗಳು ಭಿನ್ನವಾಗಬಹುದು. ಮೂರು ಪ್ರದೇಶಗಳನ್ನು ಬಿನ್ನ ಪ್ರದೇಶದ ಉಷ್ಣತೆಯನ್ನು ಮತ್ತು ಹೀಗಾಗಿ ಆಕಾಶದಲ್ಲಿನ ಬಿನ್ನ ಪರಿಸರದ ನಿಗಾವಣೆ ಮಾಡುವುದಕ್ಕೆ ಉಪಯೋಗಿಸಲಾಗಿದೆ.

ಸೆನ್ಸರ್ ಪ್ರತಿಕ್ರಿಯಿತ ವಿಭಾಗ ಯೋಜನೆ[ಬದಲಾಯಿಸಿ]

ವಾತಾವರಣದಲ್ಲಿ ಪ್ರಸಾರಣ ಮಾಡುವಂತಹ ಭಾಗವೇ ನಸುಗೆಂಪು ವಲಯದ ಜಾಗ.

ವಿವಿಧ ಶೋಧಕಗಳ ಪ್ರತಿಕ್ರಿಯೆಗಳ ಆಧಾರದ ಮೇಲೆ ಮೂರನೇ ಯೋಜನೆಯು ಬ್ಯಾಂಡ್ ಗಳನ್ನು ವಿಭಜಿಸುತ್ತದೆ:[೮]

  • ಸಮೀಪದ ಅತಿಗೆಂಪು: 0.7ದಿಂದ 1 ಮೈಕ್ರೊಮೀಟರ್ ವರೆಗೆ (ಮನುಷ್ಯನ ಕಣ್ಣಿನ ಅಂದಾಜು ಮುಕ್ತಾಯದಿಂದ ಆ ಸಿಲಿಕಾನ್ ವರೆಗೆ)
  • ಕಡಿಮೆ-ತರಂಗದ ಅತಿಗೆಂಪು:1.0 ದಿಂದ 3 ಮೈಕ್ರೋಮೀಟರ್‌ವರೆಗೆ (ಸಿಲಿಕಾನ್‌ನ ಕಟ್ ಆಫ್‌ದಿಂದ ಎಮ್‌ಡಬ್ಲುಐಆರ್ ವಾಯುಮಂಡಲ ಕಿಟಕಿಯವರೆಗೆ. ಇನ್‌ಗ್ಯಾಸ್ ಇದು 1.8 ಮೈಕ್ರೋಮೀಟರ್‌ವರೆಗೆ ಆವರಿಸುತ್ತದೆ; ಕಡಿಮೆ ಸೂಕ್ಷ್ಮಸಂವೇದನೆಯ ಸೀಸದ ಲವಣಗಳು ಈ ವಲಯವನ್ನು ಆವರಿಸುತ್ತವೆ.
  • ಮಧ್ಯ-ತರಂಗ ಅತಿಗೆಂಪು: 3 ರಿಂದ 5 ಮೈಕ್ರೋಮೀಟರ್‌ಗಳವರೆಗೆ (ವಾಯುಮಂಡಲದ ಕಿಟಕಿಯಿಂದ ಉಲ್ಲೇಖಿಸಲ್ಪಡುತ್ತದೆ ಮತ್ತು ಇಂಡಿಯಮ್ ಆಂಟಿಮೊನೈಡ್ [InSb] ಮತ್ತು ಎಚ್‌ಜಿಸಿಡಿಟಿಇ ಮತ್ತು ಭಾಗಶಃ ಸೀಸದ ಸೆಲನೈಡ್‌ಗಳಿಂದ ಆವರಿಸಲ್ಪಟ್ಟಿರುತ್ತದೆ[PbSe]).
  • ದೀರ್ಘ-ತರಂಗ ಅತಿಗೆಂಪು: 8 ರಿಂದ 12 ಮೈಕ್ರೋಮೇಟರ್‌ವರೆಗೆ, ಅಥವಾ 7 ರಿಂದ 14 ಮೈಕ್ರೋಮೇಟರ್‌ವರೆಗೆ: ವಾಯುಮಂಡಲದ ಕಿಟಕಿ (ಎಚ್‌ಜಿಸಿಡಿಟಿಇಗಳಿಂದ ಮತ್ತು ಮೈಕ್ರೋಬೋಲೋಮೀಟರ್‌ಗಳಿಂದ ಆವರಿಸಿರಲ್ಪಡುತ್ತದೆ)
  • ಅತಿ-ದೀರ್ಘ ತರಂಗ ಅತಿಗೆಂಪು (ವಿಎಲ್‌ಡಬ್ಲುಐಆರ್): 12 ರಿಂದ ಸುಮಾರು 30 ಮೈಕ್ರೋಮೀಟರ್‌ವರೆಗೆ, ಉತ್ತೇಜಿತ ಸಿಲಿಕಾನ್‌ನಿಂದ ಆವರಿಸಲ್ಪಟ್ಟಿರುತ್ತದೆ.

ಈ ವಿಭಾಗಗಳು ಈ ವಿಕಿರಣಗಳಿಗೆ ಮಾನವನ ವಿಭಿನ್ನ ಪ್ರತಿಕ್ರಿಯೆಯಿಂದ ಸಮರ್ಥಿಸಲ್ಪಡುತ್ತವೆ: ಸಮೀಪದ ಅತಿಗೆಂಪು ಇದು ತರಂಗಾಂತರದಲ್ಲಿ ಮನುಷ್ಯನ ಕಣ್ಣಿನಿಂದ ವಿಕಿರಣವನ್ನು ಕಂಡುಹಿಡಿಯುವುದಕ್ಕೆ ಹತ್ತಿರದಲ್ಲಿರುವ ಪ್ರದೇಶವಾಗಿರುತ್ತದೆ, ಮಧ್ಯ ಮತ್ತು ದೂರದ ಅತಿಗೆಂಪುಗಳು ಗೋಚರ ವರ್ಣಪಟಲದಿಂದ ಮುಂದುವರೆದಂತೆ ಕಂಡುಬರುತ್ತವೆ. ಇತರ ಉಲ್ಲೇಖಗಳು ವಿಭಿನ್ನ ಭೌತಿಕ ಯಂತ್ರ ವಿನ್ಯಾಸವನ್ನು ಹಿಂಬಾಲಿಸುತ್ತವೆ (ಉತ್ಸರ್ಜನ ತುದಿಗಳು ವಿರುದ್ಧ ಸಮೂಹಗಳು, ನೀರಿನ ಹೀರುವಿಕೆ) ಮತ್ತು ಹೊಸ ತಾಂತ್ರಿಕ ಕಾರಣಗಳನ್ನು ಅನುಸರಿಸುತ್ತವೆ (ಸಾಮಾನ್ಯ ಸಿಲಿಕಾನ್ ಅನ್ವೇಷಕಗಳು ಸುಮಾರು 1,050 ಎನ್‌ಎಮ್‌ಗಳಿಗೆ ಸೂಕ್ಷ್ಮಗ್ರಾಹಿಗಳಾಗಿರುತ್ತವೆ, ಹಾಗೆಯೇ ಇನ್‌ಗ್ಯಾಸ್‌ಗಳ ಸೂಕ್ಷ್ಮಗ್ರಾಹಕತೆಯು ಸುಮಾರು 950 ಎನ್‌ಎಮ್‌ಗಳಿಂದ ಪ್ರಾರಂಭವಾಗುತ್ತದೆ ಮತ್ತು 1,700 ಮತ್ತು 2,600 ಎನ್‌ಎಮ್‌ಗಳ ಮಧ್ಯದಲ್ಲಿ, ನಿರ್ದಿಷ್ಟ ರೂಪುರೇಘೆಗಳಿಗೆ ಅನುಗುಣವಾಗಿ ಕೊನೆಯಾಗುತ್ತದೆ). ದುರದೃಷ್ಟಕರವಾಗಿ, ಈ ನಿರ್ದಿಷ್ಟ ವಿವರಣೆಗಳ ಅಂತರಾಷ್ಟ್ರೀಯ ಮಾನದಂಡಗಳು ಪ್ರಸ್ತುತದಲ್ಲಿ ದೊರೆಯುತ್ತಿಲ್ಲ.

ಗೋಚರ ಮತ್ತು ಅತಿಗೆಂಪು ಬೆಳಕುಗಳ ನಡುವಣ ಸೀಮಾರೇಖೆಯು ನಿಖರವಾಗಿ ಉಲ್ಲೇಖಿಸಲ್ಪಟ್ಟಿಲ್ಲ. ಮಾನವನ ಕಣ್ಣು ಸ್ಪಷ್ಟವಾಗಿ 700 ಎನ್‌ಎಮ್ ತರಂಗಾಂತರವನ್ನು ಹೊಂದಿರುವ ಬೆಳಕಿಗೆ ಕಡಿಮೆ ಸೂಕ್ಷ್ಮಗ್ರಾಹಿಯಾಗಿರುತ್ತದೆ, ಆದ್ದರಿಂದ ಕಡಿಮೆ ಆವರ್ತನಗಳು ಸಾಮಾನ್ಯ ಬೆಳಕಿನ ಮೂಲಗಳಿಂದ ಪ್ರಕಾಶಿಸಲ್ಪಟ್ಟ ದೃಶ್ಯಗಳಿಗೆ ಅತ್ಯಲ್ಪ ಕೊಡುಗೆಯನ್ನು ನೀಡುತ್ತವೆ. ಆದರೆ ನಿರ್ದಿಷ್ಟವಾಗಿ ತೀವ್ರವಾಗಿರುವ ಬೆಳಕು (ಉದಾಹರಣೆಗೆ, ಲೇಸರ್‌ಗಳಿಂದ, ಅಥವಾ ಬಣ್ಣಗಳ ಅರೆ ಘನರೂಪದ ದ್ರಾವಣ(ಜೆಲ್)ಗಳಿಂದ ಅಳಿಸಿ ಹಾಕಲ್ಪಟ್ಟ ಗೋಚರ ಬೆಳಕಿನ ಜೊತೆ ಪ್ರಕಾಶಮಾನ ದಿನದ ಬೆಳಕಿನಿಂದ)ಗಳು ಸರಿಸುಮಾರಾಗಿ 780 ಎನ್‌ಎಮ್‌ಗಳವರೆಗೆ ಅನ್ವೇಷಿಸಬಹುದು,ತೀವ್ರ ಬೆಳಕಿನ ಮೂಲಗಳಲ್ಲಿ ಒಂದು ಮಂದ ಕೆಂಪು ಬೆಳಕು ೮೦೦ ಎನ್‌ಎಮ್‌ನ ಮೂಲಗಳಲ್ಲಿ ನೋಡಲ್ಪಟ್ಟರೂ ಕೂಡ ಅವುಗಳು ಕೆಂಪು ಬೆಳಕುಗಳಾಗಿ ಗ್ರಹಿಸಲ್ಪಡುತ್ತವೆ. ಅತಿಗೆಂಪಿನ ನುಗ್ಗುವಿಕೆಯು (ವಿವಿಧ ಮಾನದಂಡಗಳಿಗೆ ಅನುಗುಣವಾಗಿ) ವಿಭಿನ್ನ ಮೌಲ್ಯಗಳಲ್ಲಿ 700 ಎನ್‌ಎಮ್ ಮತ್ತು 800 ಎನ್‌ಎಮ್ ಗಳ ನಡುವೆ ಪ್ರಾತಿನಿಧಿಕವಾಗಿರುತ್ತದೆ ಎಂದು ಉಲ್ಲೇಖಿಸಲಾಗಿದೆ.

ಅತಿಗೆಂಪಿನಲ್ಲಿ ದೂರಸಂಪರ್ಕ ವ್ಯವಸ್ಥೆಯ ಗುಂಪುಗಳು[ಬದಲಾಯಿಸಿ]

ದೃಗ್ವಿಜ್ಞಾನ ಸಂವಹನಗಳಲ್ಲಿ, ಬಳಸಲ್ಪಡುವ ಅತಿಗೆಂಪಿನ ವರ್ಣಪಟಲವು ಬೆಳಕಿನ ಮೂಲಗಳ ಪ್ರಸಾರಣ/ಹೀರಿಕೊಳ್ಳುವ ಮೂಲವಸ್ತುಗಳ (ಫೈಬರ್) ಮತ್ತು ಅನ್ವೇಷಕಗಳ ದೊರಕುವಿಕೆಯ ಆಧಾರದ ಮೇಲೆ ಅವಲಂಬಿತವಾಗಿ ಏಳು ಗುಂಪುಗಳಾಗಿ ವಿಭಾಗಿಸಲ್ಪಡುತ್ತದೆ:[೯]

ಗುಂಪು ವಿವರಕ ತರಂಗಾಂತರದ ವ್ಯಾಪ್ತಿ
ಒ ಗುಂಪು ಮೂಲದ 1260–1360 nm
ಇ ಗುಂಪು ವಿಸ್ತರಿಸಲ್ಪಟ್ಟ 1360–1460 nm
ಎಸ್ ಗುಂಪು ಕಡಿಮೆ ತರಂಗಾಂತರ 1460–1530 nm
ಸಿ ಗುಂಪು ಸಾಂಪ್ರದಾಯಿಕ 1530–1565 nm
ಎಲ್ ಗುಂಪು ದೀರ್ಘ ತರಂಗಾಂತರ 1565–1625 nm
ಯು ಗುಂಪು ತುಂಬಾ ದೀರ್ಘ ತರಂಗಾಂತರ 1625–1675 nm

ಸಿ-ಗುಂಪು ದೀರ್ಘ-ದೂರದ ದೂರ ಸಂಪರ್ಕ ವ್ಯವಸ್ಥೆಗೆ ಪ್ರಬಲವಾದ ಗುಂಪಾಗಿದೆ. ಎಸ್ ಮತ್ತು ಎಲ್ ಗುಂಪುಗಳು ಕಡಿಮೆ ಚೆನ್ನಾಗಿ ಸ್ಥಾಪಿಸಲ್ಪಟ್ಟ ತಾಂತ್ರಿಕತೆಯ ಮೇಲೆ ಅವಲಂಬಿತವಾಗಿದೆ, ಮತ್ತು ಅವು ವ್ಯಾಪಕವಾಗಿ ನಿಯೋಜಿಸಲ್ಪಡುವುದಿಲ್ಲ.

ಶಾಖ[ಬದಲಾಯಿಸಿ]

ಅತಿಗೆಂಪಿನ ವಿಕಿರಣವು ಜನಪ್ರಿಯವಾಗಿ "ಶಾಖ" ಎಂದು ತಿಳಿಯಲ್ಪಟ್ಟಿದೆ, ಅಥವಾ ಕೆಲವು ವೇಳೆ "ಶಾಖದ ವಿಕಿರಣ" ಎಂದು ಕರೆಯಲ್ಪಡುತ್ತದೆ, ಹಲವಾರು ಜನರು ಎಲ್ಲಾ ವಿಕಿರಣಾತ್ಮಕ ಶಾಖವನ್ನು ಅತಿಗೆಂಪಿನ ಬೆಳಕಿನ ಸಹಜಗುಣಕ್ಕೆ ಮತ್ತು/ಅಥವಾ ಎಲ್ಲಾ ಅತಿಗೆಂಪು ವಿಕಿರಣವನ್ನು ಶಾಖಕ್ಕೆ ಹೋಲಿಸುತ್ತಾರೆ. ಇದು ವ್ಯಾಪಕವಾಗಿ ಹರಡಿರುವ ತಪ್ಪುಕಲ್ಪನೆ, ಬೆಳಕು ಮತ್ತು ಯಾವುದೇ ಆವರ್ತನದ ವಿದ್ಯುದ್ಕಾಂತೀಯ ತರಂಗಗಳು ಶಾಖವನ್ನು ಹೀರಿಕೊಳ್ಳುವ ಶಾಖದ ಮೇಲ್ಮೈಯನ್ನು ಹೊಂದಿರುತ್ತವೆ. ಭೂಮಿಯ ಶಾಖದ 49%[೧೦] ವು ಸೂರ್ಯನೊಬ್ಬನಿಂದಲೇ ಬರುವ ಅತಿಗೆಂಪು ಬೆಳಕಿನಿಂದ ಉಂಟಾಗುತ್ತದೆ, ಉಳಿದವುಗಳು ಗೋಚರ ಬೆಳಕಿನಿಂದ ಉತ್ಪತ್ತಿಯಾಗುತ್ತವೆ ಅಂದರೆ ಹೀರಿಕೊಳ್ಳಲ್ಪಟ್ಟ ಮತ್ತು ನಂತರ ಬಹುದೀರ್ಘ ತರಂಗಾಂತರಗಳಲ್ಲಿ ಪುನಃ-ವಿಕಿರಣಗೊಳಿಸಲ್ಪಟ್ಟ ಬೆಳಕುಗಳಿಂದ ಉಂಟಾಗುತ್ತವೆ. ಗೋಚರ ಬೆಳಕು ಅಥವಾ ನೇರಳಾತೀತ ವಿಸರ್ಜಕ ಲೇಸರ್‌ಗಳು ಹಾಳೆಯನ್ನು ಸೀದುಹೋಗುವಂತೆ ಮಾಡುತ್ತವೆ ಮತ್ತು ಪ್ರಕಾಶಮಾನವಾಗಿರುವ ಬಿಸಿ ಭೌತಿಕ ವಸ್ತುಗಳು ಗೋಚರ ಬೆಳಕನ್ನು ಹೊರಸೂಸುತ್ತವೆ. ಹೆಚ್ಚಾಗಿ 8 ರಿಂದ 25 ಮೈಕ್ರೋಮೀಟರ್ ಗುಂಪಿನಲ್ಲಿ ಕೇಂದ್ರೀಕೃತವಾಗಿರುವ ಕೋಣೆಯ ಉಷ್ಣಾಂಶದಲ್ಲಿರುವ ವಸ್ತುಗಳು ವಿಕಿರಣವನ್ನು ಹೊರಸೂಸುತ್ತವೆ ಎಂಬುದು ಸತ್ಯ, ಆದರೆ ಇದು ಪ್ರಕಾಶಮಾನ ಭೌತಿಕ ವಸ್ತುಗಳಿಂದ ಹೊರಸೂಸಲ್ಪಡುವ ಗೋಚರ ಬೆಳಕು ಮತ್ತು ಅದಕ್ಕಿಂತಲೂ ಬಿಸಿಯಾಗಿರುವ ನೇರಳಾತೀತ ಭೌತಿಕ ವಸ್ತುಗಳ (ಕಪ್ಪು ಕಾಯ ಮತು ವೇನ್‌ನ ಸ್ಥಳಾಂತರ ನಿಯಮವನ್ನು ನೋಡಿ) ಬೆಳಕುಗಳಿಗಿಂತ ಭಿನ್ನವಾಗಿಲ್ಲ.[೧೧]

ಶಾಖವು ಅಸ್ಥಿರ ವಿಧದಲ್ಲಿರುವ ಶಕ್ತಿ ಅದು ಉಷ್ಣಾಂಶದ ಭಿನ್ನತೆಯಿಂದಾಗಿ ಪ್ರವಹಿಸಲ್ಪಡುತ್ತದೆ. ಶಾಖದ ನಿರ್ವಹಣೆ ಅಥವಾ ಶಾಖದ ಸಂವಹನಗಳಿಂದ ಪ್ರಸಾರವಾಗುವ ಶಾಖಗಳಂತಲ್ಲದೇ, ವಿಕಿರಣವು ನಿರ್ವಾತ ಪ್ರದೇಶದಲ್ಲಿ ಪ್ರಸರಿಸಲ್ಪಡುತ್ತದೆ.

ಹೊರಸೂಸುವಿಕೆ (ವಿಸರ್ಜನೆ) ಎಂಬ ವಿಷಯವು ಭೌತಿಕ ವಸ್ತುಗಳ ಅತಿಗೆಂಪಿನ ಹೊರಸೂಸುವಿಕೆಯನ್ನು ಅರ್ಥಮಾಡಿಕೊಳ್ಳುವುದರಲ್ಲಿ ಪ್ರಮುಖವಾಗಿದೆ. ಇದರ ಶಾಖದ ಹೊರಸೂಸುವಿಕೆಯು ಹೇಗೆ ಆದರ್ಶಯುತ ಕಪ್ಪು ಕಾಯ ಗಳಿಂದ ವಿಪಥಗೊಳ್ಳುತ್ತದೆ ಎಂಬುದನ್ನು ವರ್ಣಿಸುವ ಒಂದು ಮೇಲ್ಮೈಯ ಆಸ್ತಿಯಾಗಿದೆ. ಇನ್ನೂ ಹೆಚ್ಚು ವಿವರಿಸಬೇಕೆಂದರೆ, ಎರಡು ಭೌತಿಕ ವಸ್ತುಗಳು ವಿಭಿನ್ನ ವಿಸರ್ಜಕಗಳನ್ನು ಹೊಂದಿದ್ದರೆ ಒಂದೇ ರೀತಿಯ ಭೌತಿಕ ಉಷ್ಣಾಂಶದಲ್ಲಿ ಹೇಗೆ ’ಕಾಣಿಸು’ತ್ತವೆಯೋ ಅದೇ ರೀತಿಯಾಗಿ ಅತಿಗೆಂಪಿನ ಚಿತ್ರದ ಒಂದೇ ರೀತಿಯ ಉಷ್ಣಾಂಶದಲ್ಲಿ ಕಂಡುಬರುವುದಿಲ್ಲ

ಉಪಯೋಗಗಳು[ಬದಲಾಯಿಸಿ]

ಅತಿಗೆಂಪಿನ ಶೋಧಕಗಳು[ಬದಲಾಯಿಸಿ]

ಅತಿಗೆಂಪಿನ (ಪ್ರಸಾರಕ/ದಾಟುವುದು)ಶೋಧಕಗಳು ಹಲವಾರು ವಿಭಿನ್ನ ಮೂಲವಸ್ತುಗಳಿಂದ ಮಾಡಲ್ಪಡುತ್ತವೆ. ಒಂದು ವಿಧವು ಪಾಲಿಸಲ್ಫೋನ್ ಪ್ಲಾಸ್ಟಿಕ್‌ನಿಂದ ಮಾದಲ್ಪಟ್ಟಿರುತ್ತದೆ. ಅದು 99% ಪ್ರಕಾಶಕ ನವಿರಾದ ತಂತುವನ್ನು ಹೊಂದಿರುವ ಬಲ್ಬುಗಳಂತಹ "ಬಿಳಿ" ಬೆಳಕಿನ ಮೂಲಗಳಿಂದ ಗೋಚರ ಬೆಳಕಿನ ವರ್ಣಪಟಲವನ್ನು ತಡೆಯುತ್ತದೆ. ಅತಿಗೆಂಪಿನ ಶೋಧಕಗಳು ಅತಿ ಹೆಚ್ಚಿನ ಅತಿಗೆಂಪಿನ ಉತ್ಪಾದನೆಯನ್ನು ಅನುಮತಿಸುತ್ತವೆ ಹಾಗೆಯೇ ಅಳತೆ ಮೀರಿದ ಪರಿವರ್ತನೆಯನ್ನು ಮುಂದುವರೆಸಿಕೊಂಡು ಹೋಗುತ್ತವೆ. ಪ್ರಸ್ತುತದಲ್ಲಿ ಜಗತ್ತಿನೆಲ್ಲೆಡೆ, ಮಿಲಿಟರಿಯಲ್ಲಿ, ಕಾನೂನು ಪ್ರವರ್ತನೆ, ಔದ್ಯಮಿಕ ಮತ್ತು ವಾಣಿಜ್ಯ ಅನ್ವಯಿಸುವಿಕೆಗಳಲ್ಲಿ ಅತಿಗೆಂಪಿನ ಶೋಧಕಗಳು ಬಳಸಲ್ಪಡುತ್ತವೆ ಪ್ಲಾಸ್ಟಿಕ್‌ನ ಅತ್ಯುತ್ಕ್ರಷ್ಟ ಪ್ರಸಾಧನವು ಹೆಚ್ಚಿನ ಬಾಳಿಕೆ ಮತ್ತು ಶಾಖ ಪ್ರತಿರೋಧವನ್ನು ಒದಗಿಸುತ್ತದೆ. ಅತಿಗೆಂಪಿನ ಶೋಧಕಗಳು ಹೆಚ್ಚು ವೆಚ್ಚ ಪರಿಣಾಮಕಾರಿಯಾಗಿರುತ್ತವೆ ಮತ್ತು ಗುಣಮಟ್ಟದ ಬಲ್ಬಿನ ಬದಲಿ ತರುವಿಕೆಯ ಪರ್ಯಾಯಗಳ ಮೇಲೆ ಪರಿಣಾಮಕಾರಿಯಾದ ಫಲಿತಾಂಶವನ್ನು ನೀಡುತ್ತದೆ. ರಾತ್ರಿ ವೀಕ್ಷಣ ಸಾಧನಗಳ ಎಲ್ಲಾ ಪೀಳಿಗೆಗಳು ಮಹತ್ತರವಾಗಿ ಅತಿಗೆಂಪಿನ ಶೋಧಕಗಳ ಬಳಕೆಯ ಜೊತೆ ವರ್ಧಿಸಲ್ಪಟ್ಟಿವೆ.

ರಾತ್ರಿ ವೀಕ್ಷಣೆ[ಬದಲಾಯಿಸಿ]

ಸಕ್ರಿಯ-ನಸುಗೆಂಪು ಕಿರಣದ ರಾತ್ರಿಯ ನೋಟ: ಕ್ಯಾಮರವು ಮಾನವನ ಬರಿಗಣ್ಣಿಗೆ ಕಾಣದಂತಹ ನಸುಗೆಂಪು ಕಿರಣಗಳ ವೇವ್‌ಲೆಂಥ್‌ನ್ನು ಸ್ಪಷ್ಟಗೊಳಿಸುತ್ತದೆ. ಮಂದ ಕಪ್ಪು ಭೂತರೂಪದ ದೃಶ್ಯದ ಹೊರತಾಗಿ, ಪ್ರದರ್ಶನ ಮಾನಿಟರ್‌ನಲ್ಲಿ ಕಂಡಂತೆ, ಸಕ್ರಿಯ ನಸುಗೆಂಪು ಕಿರಣಗಳ ರಾತ್ರಿಯ ನೋಟ ಗುರುತಿಸಬಹುದಾದ ವಿವರಗಳನ್ನು ಮುಟ್ಟಿಸುತ್ತದೆ.

}ಅತಿಗೆಂಪುಗಳು ರಾತ್ರಿ ವೀಕ್ಷಣಾ ಸಾಧನಗಳಲ್ಲಿ ಯಾವಾಗ ವೀಕ್ಷಿಸಲು ಗೋಚರ ಬೆಳಕಿನ ಅಭಾವವಿರುತ್ತದೆಯೋ ಆಗ ಬಳಸಲ್ಪಡುತ್ತವೆ.[೧೨] ರಾತ್ರಿ ವೀಕ್ಷಣಾ ಸಾಧನಗಳು ಆವರಿಸಿದ ಬೆಳಕಿನ ಫೋಟೋನ್‌ಗಳನ್ನು ಎಲೆಕ್ಟ್ರೋನ್‌ಗಳಾಗಿ ಬದಲಾಯಿಸಲ್ಪಡುವುದನ್ನು ಹೊಂದಿರುವ ಪ್ರಕ್ರಿಯೆ ಮೂಲಕ ಕಾರ್ಯ ನಿರ್ವಹಿಸಲ್ಪಡುತ್ತದೆ. ಆ ಎಲೆಕ್ಟ್ರೋನ್‌ಗಳು ನಂತರ ಒಂದು ರಾಸಾಯನಿಕ ಪದಾರ್ಥ ಮತ್ತು ವಿದ್ಯುತ್ತಿನ ಪ್ರಕ್ರಿಯೆಗಳ ಮೂಲಕ ಹಿಗ್ಗಿಸಲ್ಪಡುತ್ತದೆ ಮತ್ತು ನಂತರ ಪುನಃ ಗೋಚರ ಬೆಳಕಾಗಿ ಪರಿವರ್ತಿಸಲ್ಪಡುತ್ತದೆ.[೧೨] ಅತಿಗೆಂಪಿನ ಬೆಳಕಿನ ಮೂಲಗಳು ದೊರಕುವ ವಿಸ್ತೃತ ಬೆಳಕನ್ನು, ಕತ್ತಲಿನ ಗೋಚರತೆಯಲ್ಲಿ ವಾಸ್ತವವಾಗಿ ಒಂದು ಗೋಚರ ಬೆಳಕಿನ ಮೂಲವನ್ನು ಬಳಸದೆಯೇ, ರಾತ್ರಿ ವೀಕ್ಷಣಾ ಸಾಧನಗಳಿಂದ ಮಾರ್ಪಡಿಸುವುದನ್ನು ವೃದ್ಧಿಸಲು ಬಳಸಲಾಗುತ್ತದೆ.[೧೨]

ಅತಿಗೆಂಪು ಬೆಳಕು ಮತ್ತು ರಾತ್ರಿ ವೀಕ್ಷಣಾ ಸಾಧನಗಳ ಉಪಯೋಗವು ಶಾಖದ ಚಿತ್ರಣದ ಜೊತೆ ಗೊಂದಲಗೊಳಿಸಿಕೊಳ್ಳಬಾರದು. ಶಾಖದ ಚಿತ್ರಣಗಳು ಭೌತಿಕ ವಸ್ತುಗಳಿಂದ ಮತ್ತು ಅವುಗಳ ವಾತಾವರಣದಿಂದ ಹೊರಸೂಸಲ್ಪಡುವ ಅತಿಗೆಂಪಿನ ವಿಕಿರಣಗಳ ಅನ್ವೇಷಣೆಯಿಂದ (ಶಾಖ) ಮೇಲ್ಮೈಯ ಉಷ್ಣಾಂಶದಲ್ಲಿನ ವಿಭಿನ್ನತೆಗಳ ಆಧಾರದ ಮೇಲೆ ನಿರ್ಮಿಸಲ್ಪಡುತ್ತದೆ.[೧೩]

ಥರ್ಮೋಗ್ರಫಿ[ಬದಲಾಯಿಸಿ]

ನಾಯಿಯ ಥರ್ಮೊಗ್ರಾಫಿಕ್‌ ಚಿತ್ರ

ಅತಿಗೆಂಪಿನ ವಿಕಿರಣಗಳು ಭೌತಿಕ ವಸ್ತುಗಳ ಉಷ್ಣಾಂಶವನ್ನು ದೂರದಿಂದಲೇ ಕಂಡುಹಿಡಿಯಲು ಬಳಸುತ್ತಾರೆ (ಹೊರಸೂಸುವುವಿಕೆಯು ತಿಳಿದಿದ್ದರೆ). ಇದು ಥರ್ಮೋಗ್ರಫಿ, ಅಥವಾ ಎನ್‌ಐಆರ್‌ನಲ್ಲಿನ ಅಥವಾ ಗೋಚರವಾಗಿರುವ ತುಂಬಾ ಬಿಸಿಯಾದ ಭೌತಿಕ ವಸ್ತುಗಳ ವಿಷಯದಲ್ಲಿ ಇದು ಪೈರೋಮೆಟ್ರಿ ಎಂದು ಕರೆಯಲ್ಪಡುತ್ತದೆ. ಥರ್ಮೋಗ್ರಫಿ (ಶಾಖದ ಚಿತ್ರಣ)ಯು ಹೆಚ್ಚಾಗಿ ಮಿಲಿಟರಿ ಮತ್ತು ಉದ್ಯಮದ ಅನ್ವಯಿಸುವಿಕೆಗಳಲ್ಲಿ ಬಳಸಲ್ಪಡುತ್ತದೆ ಆದರೆ ಇದರ ಉತ್ಪಾದನಾ ವೆಚ್ಚದ ಪರಿಣಾಮಕಾರಿ ತಗ್ಗುವಿಕೆಯ ಕಾರಣದಿಂದ ಕಾರುಗಳ ಮೇಲಿನ ಅತಿಗೆಂಪಿನ ಕ್ಯಾಮರಾಗಳ ರೂಪದಲ್ಲಿ ಅದರ ತಾಂತ್ರಿಕತೆಯು ಸಾರ್ವಜನಿಕ ಮಾರುಕಟ್ಟೆಯನ್ನು ತಲುಪಿತು.

ಶಾಖೀಕೃತ ಕ್ಯಾಮರಾಗಳು ವಿದ್ಯುತ್ಕಾಂತೀಯ ವರ್ಣಪಟಲದ (ಸರಿ ಸುಮಾರಾಗಿ 900-1,400 ನ್ಯಾನೋಮೀಟರ್‌ಗಳು ಅಥವಾ 0.9-14 µm) ಅತಿಗೆಂಪಿನ ವ್ಯಾಪ್ತಿಯಲ್ಲಿರುವ ವಿಕಿರಣವನ್ನು ಕಂಡುಹಿಡಿಯುತ್ತದೆ ಮತ್ತು ಆ ವಿಕಿರಣದ ಚಿತ್ರವನ್ನು ಉತ್ಪತ್ತಿ ಮಾಡುತ್ತದೆ. ಅತಿಗೆಂಪಿನ ವಿಕಿರಣಗಳು ಅವುಗಳ ಉಷ್ಣಾಂಶಗಳ ಆಧಾರದ ಮೇಲೆ ಎಲ್ಲಾ ಭೌತಿಕ ವಸ್ತುಗಳಿಂದ ಹೊರಸೂಸಲ್ಪಡುತ್ತವೆ ನಂತರ, ಕಪ್ಪು ಕಾಯಕ್ಕೆ ಅನುಗುಣವಾಗಿ ವಿಕಿರಣದ ನಿಯಮ, ಥರ್ಮೋಗ್ರಫಿಯು ಇದನ್ನು ಒಬ್ಬನ ವಾತಾವರಣದ ಜೊತೆ ಅಥವಾ ಗೋಚರ ಪ್ರಕಾಶವಿಲ್ಲದೆಯೇ "ನೋಡು"ವಂತೆ ಮಾಡುತ್ತದೆ. ಒಂದು ಭೌತಿಕ ವಸ್ತುವಿನಿಂದ ಹೊರಸೂಸಲ್ಪಟ್ಟ ವಿಕಿರಣದ ಮೊತ್ತವು ಉಷ್ಣಾಂಶದ ಜೊತೆಗೆ ಹೆಚ್ಚಾಗುತ್ತ ಹೋಗುತ್ತದೆ, ಆದ್ದರಿಂದ ಥರ್ಮೋಗ್ರಫಿಯು ಉಷ್ಣಾಂಶದಲ್ಲಿನ ಬದಲಾವಣೆಯನ್ನು ನೋಡಲು ಸಹಾಯ ಮಾಡುತ್ತದೆ (ಹಾಗೆಯೇ ಹೆಸರು).

ಇತರ ಚಿತ್ರಣಗಳು[ಬದಲಾಯಿಸಿ]

ಅಂಕೀಯ ಕ್ಯಾಮರಾದಿಂದ ನೋಡಿದಾಗ ಎಲ್‌ಇಡಿಯಿಂದ ಬರುವ ನಸುಗೆಂಪು ಬೆಲಕಿನ ಕಿರಣವು ಒಂದು Xbox 360 ರಿಮೊಟ್‌ ಕಂಟ್ರೋಲ್ ಆಗಿದೆ.

ಅತಿಗೆಂಪಿನ ಛಾಯಾಚಿತ್ರಗ್ರಹಣ, ಅತಿಗೆಂಪಿನ ಶೋಧಕಗಳು ಹತ್ತಿರದ-ವರ್ಣಪಟಲವನ್ನು ಸೆರೆಹಿಡಿಯುವಲ್ಲಿ ಬಳಸಿಕೊಳ್ಳಲ್ಪಡುತ್ತವೆ. ಡಿಜಿಟಲ್ ಕ್ಯಾಮರಾಗಳು ಅನೇಕ ವೇಳೆ ಅತಿಗೆಂಪಿನ ಪ್ರತಿಬಂಧಕಗಳನ್ನು ಬಳಸುತ್ತವೆ. ಅಗ್ಗದ ಡಿಜಿಟಲ್ ಕ್ಯಾಮರಗಳು ಮತ್ತು ಕ್ಯಾಮರಾ ಫೋನ್‌ಗಳು ಕಡಿಮೆ ಪರಿಣಾಮಕಾರಿಯಾದ ಶೋಧಕಗಳನ್ನು ಹೊಂದಿರುತ್ತವೆ ಮತ್ತು ಕಾಂತಿಯುತ ನೇರಳೆ-ಬಿಳಿ ಬಣ್ಣವಾಗಿ ಕಂಡುಬರುವ ಹತ್ತಿರದ-ಅತಿಗೆಂಪಿನ ತೀವ್ರತೆಯನ್ನು "ನೋಡು"ತ್ತವೆ ಇದು ಹೆಚ್ಚಾಗಿ ಅತಿಗೆಂಪಿನ ವಿಕಿರಣದ ಪ್ರದೇಶದ (ಒಂದು ಲ್ಯಾಂಪ್‌ನ ಬಳಿಯಲ್ಲಿರುವಂತೆ) ಹತ್ತಿರದಲ್ಲಿರುವ ಭೌತಿಕ ವಸ್ತುಗಳ ಚಿತ್ರಣವನ್ನು ತೆಗೆದುಕೊಳ್ಳುವಾಗ ಉಚ್ಚರಿಸಲ್ಪಡುತ್ತದೆ, ಅಲ್ಲಿ ಫಲಿತಾಂಶದ ಅತಿಗೆಂಪಿನ ಹಸ್ತಕ್ಷೇಪವು ಚಿತ್ರವನ್ನು ಅಳಿಸಿ ಹಾಕುತ್ತದೆ. ಅಲ್ಲಿ ಟಿ-ರೇ ಚಿತ್ರಣ ಎಂದು ಕರೆಯಲ್ಪಡುವ ಒಂದು ತಾಂತ್ರಿಕತೆಯೂ ಕೂಡ ಇದೆ. ಟಿ-ರೇ ಅಂದರೆ ದೂರದ ಅತಿಗೆಂಪುಗಳನ್ನು ಅಥವಾ ತೆರಾಹರ್ಟ್ಜ್ಸ್ ವಿಕಿರಣಗಳನ್ನು ಬಳಸಿಕೊಂಡು ಚಿತ್ರಣವನ್ನು ಮಾಡುವುದು ಎಂಬುದಾಗಿದೆ ಪ್ರಕಾಶಮಾನ ಮೂಲಗಳ ಕೊರತೆಯು ತೆರಾಹರ್ಟ್ಜ್ಸ್ ಛಯಾಚಿತ್ರಗ್ರಹಣವನ್ನು ಇತರ ಅತಿಗೆಂಪಿನ ಚಿತ್ರಣ ತಂತ್ರಗಾರಿಕೆಗಳಿಗಿಂತ ತಾಂತ್ರಿಕವಾಗಿ ಹೆಚ್ಚು ಸ್ಪರ್ಧಾತ್ಮಕವನ್ನಾಗಿ ಮಾಡುತ್ತದೆ ಇತ್ತೀಚಿನ ದಿನಗಳಲ್ಲಿ ಟಿ-ರೇ ಚಿತ್ರಣವು ತೆರಾಹರ್ಟ್ಜ್ಸ್ ಸಮಯ-ಕ್ಷೇತ್ರ ಸ್ಪೆಕ್ಟ್ರೋಸ್ಕೋಪಿಯಂತಹ ಹೊಸ ಬೆಳವಣಿಗೆಗಳ ಕಾರಣದಿಂದಾಗಿ ಗಣನೀಯ ಕುತೂಹಲವನ್ನು ಪಡೆದುಕೊಂಡಿದೆ.

ಕಂಡುಹಿಡಿಯುವಿಕೆ[ಬದಲಾಯಿಸಿ]

ಅತಿಗೆಂಪಿನ ಗೃಹಗಾಹಿಗಳು ಎಂದೂ ಕರೆಯಲ್ಪಡುವ ಅತಿಗೆಂಪುಗಳ ಕಂಡುಹಿಡಿಯುವಿಕೆಯು ಒಂದು ನಿಷ್ಕ್ರಿಯ ಕ್ಷಿಪಣಿ ಮಾರ್ಗದರ್ಶನ ವ್ಯವಸ್ಥೆಯನ್ನು ಸೂಚಿಸುತ್ತದೆ, ಅದು ಅದನ್ನು ಕಂಡುಹಿಡಿಯಲು ವರ್ಣಪಟಲದ ಅತಿಗೆಂಪಿನ ಭಾಗದಲ್ಲಿನ ವಿದ್ಯುದ್ಕಾಂತೀಯ ವಿಕಿರಣದ ಒಂದು ಗುರಿಯಿಂದ ಹೊರಸೂಸುವಿಕೆಯನ್ನು ಬಳಸುತ್ತದೆ. ಅತಿಗೆಂಪಿನ ಅನ್ವೇಷನೆಯನ್ನು ಬಳಸುವ ಕ್ಷಿಪಣಿಗಳು ಅನೇಕ ವೇಳೆ "ಶಾಖದ-ಅನ್ವೇಷಕರು" ಎಂದು ಕರೆಯಲ್ಪಡುತ್ತವೆ, ಅತಿಗೆಂಪುಗಳು (ಅತಿಗೆಂಪಿನ ವಿಕಿರಣ)ಆವರ್ತನದಲ್ಲಿನ ಬೆಳಕಿನ ಗೋಚರ ವರ್ಣಪಟಲದ ಸ್ವಲ್ಪ ಮಾತ್ರ ಕೆಳಗಿರುತ್ತವೆ ಮತ್ತು ಬಿಸಿಯಾದ ಕಾಯಗಳಿಂದ ಶಕ್ತಿಯುತವಾಗಿ ವಿಕಿರಣಗೊಳ್ಳಲ್ಪಡುತ್ತವೆ. ಜನರು, ವಾಹನಗಳ ಯಂತ್ರಗಳು ಮತ್ತು ವಿಮಾನ ಉತ್ಪಾದಕಗಳು ಮತ್ತು ಶಾಖವನ್ನು ಹಿಡಿದಿಟ್ಟುಕೊಳ್ಳುವಂತಹ ಹಲವಾರು ಭೌತಿಕ ವಸ್ತುಗಳು ಪ್ರಮುಖವಾಗಿ ಹಿಂಬದ್ಯಲ್ಲಿರುವ ಭೌತಿಕ ವಸ್ತುಗಳೊಂದಿಗೆ ಹೋಲಿಸಿ ನೋಡಿದಾಗ ಬೆಳಕಿನ ಅತಿಗೆಂಪಿನ ತರಂಗಾಂತರಗಳು ಗೋಚರವಾಗುತ್ತವೆ.[೧೪]

ಶಾಖೋತ್ಪಾದನೆ[ಬದಲಾಯಿಸಿ]

ಅತಿಗೆಂಪಿನ ವಿಕಿರಣವು ಉದ್ದೇಶಪೂರ್ವಕ ಶಾಖೋತ್ಪಾದನಾ ಮೂಲವಾಗಿ ಬಳಸಲ್ಪಡಬಹುದು. ಉದಾಹರಣೆಗೆ, ಅತಿಗೆಂಪಿನ ಆವಿ ಸ್ನಾನ ಕೊಠಡಿಗಳಲ್ಲಿ ಅನುಭವದಾರರಿಗೆ ಶಾಖವನ್ನು ನೀಡಲು ಮತ್ತು ವಿಮಾನದ ರೆಕ್ಕೆಗಳಿಂದ ಮಂಜುಗಡ್ಡೆಯನ್ನು ಹೊರತೆಗೆಯಲು (ಡಿ-ಐಸಿಂಗ್) ಬಳಸಿಕೊಳ್ಳಲಾಗುತ್ತದೆ ಎಫ್‌ಐ‌ಆರ್ ಕೂಡ ಸ್ವಾಭಾವಿಕ ಆರೋಗ್ಯ ರಕ್ಷಣೆ ಮತ್ತು ಭೌತಚಿಕಿತ್ಸೆಯ ಒಂದು ಸುರಕ್ಷಿತ ವಿಧಾನವಾಗಿ ಜನಪ್ರಿಯತೆಯನ್ನು ಪಡೆದುಕೊಳ್ಳುತ್ತಿದೆ. ದೂರದ ಅತಿಗೆಂಪಿನ ಶಾಖೋತ್ಪಾದಕ ಚಿಕಿತ್ಸೆಯ ಉಡುಪುಗಳು ಸಂಕೋಚಕ ಒತ್ತಾಸೆ ನೀಡಲು ಮತ್ತು ಸಂಧಿವಾತ, ಗಾಯ ಮತ್ತು ನೋವುಗಳ ಗುಣಲಕ್ಷಣಗಳನ್ನು ನಿಗ್ರಹಿಸುವಲ್ಲಿ ಒತ್ತಾಸೆ ನೀಡಲು ಶಾಖದ ತಾಂತ್ರಿಕತೆಯನ್ನು ಬಳಸುತ್ತವೆ. ಅತಿಗೆಂಪುಗಳು ಅಡುಗೆ ಮಾಡಲು ಮತ್ತು ಆಹಾರವನ್ನು ಬಿಸಿಮಾಡಲು, ಪ್ರಮುಖವಾಗಿ ತನ್ನ ಸುತ್ತಲಿರುವ ಗಾಳಿಯನ್ನು ಬಿಸಿ ಮಾಡುವುದರ ಬದಲು, ಇದು ಅಪಾರದರ್ಶಕ, ಹೀರಿಕೊಳ್ಳುವ ಭೌತಿಕ ವಸ್ತುಗಳನ್ನು ಬಿಸಿ ಮಾಡುತ್ತದೆ

ಅತಿಗೆಂಪಿನ ಶಾಖೋತ್ಪಾದನೆಯು ಉದ್ಯಮದ ಉತ್ಪಾದನೆಗಳಲ್ಲೂ ಕೂಡ ಜನಪ್ರಿಯವಾಗುತ್ತಿದೆ, ಉದಾಹರಣೆಗೆ ಕವಚಗಳನ್ನು ಸರಿಪಡಿಸುವುದು, ಪ್ಲಾಸ್ಟಿಕ್‌ಗಳ ತಯಾರಿಕೆ, ಹದಗೊಳಿಸುವಿಕೆ, ಪ್ಲಾಸ್ಟಿಕ್ ಬೆಸುಗೆ ಹಾಕುವುದು, ಬಣ್ನವನ್ನು ಒಣಗಿಸುವುದು ಇತ್ಯಾದಿ. ಈ ಅನ್ವಯಿಸುವಿಕೆಗಳಲ್ಲಿ, ಅತಿಗೆಂಪಿನ ಶಾಖೋತ್ಪಾದಕಗಳು ಸಾಂಪ್ರದಾಯಿಕ ಗೂಡೊಲೆ ಮತ್ತು ಸಂಪರ್ಕ ಶಾಖೋತ್ಪಾದನೆಯ ಪರ್ಯಾಯವಾಗಿ ಬಳಸಲ್ಪಡುತ್ತವೆ. ಅತಿಗೆಂಪಿನ ಶಾಖೋತ್ಪಾದಕಗಳ ತರಂಗಾಂತರವನ್ನು ಮೂಲವಸ್ತುವಿನ ಹೀರಿಕೊಳ್ಳುವ ವಿಶಿಷ್ಟಗುಣಕ್ಕೆ ಅನುರೂಪವಾಗಿಸುವುದರ ಮೂಲಕ ಕಾರ್ಯಪಟುತ್ವವನ್ನು ಸಾಧಿಸಬಹುದು.

ಸಂವಹನಗಳು[ಬದಲಾಯಿಸಿ]

ಅತಿಗೆಂಪಿನ ವಿಕಿರಣಗಳ ಮಾಹಿತಿ ಪ್ರಸಾರಣೆಯೂ ಕೂಡ ಕಂಪ್ಯೂಟರ್ ಫೆರಿಫಿರಲ್‌ಗಳು ಮತ್ತು ಪರ್ಸನಲ್ ಡಿಜಿಟಲ್ ಅಸಿಸ್ಟಂಟ್‌ ಗಳಲ್ಲಿ ಸಣ್ಣ-ವ್ಯಾಪ್ತಿಯ ಸಂವಹನದಲ್ಲಿ ಉಪಯೋಗಿಸಿಕೊಳ್ಳಲ್ಪಡುತ್ತವೆ. ಈ ಸಾಧನಗಳು ಸಾಮಾನ್ಯವಾಗಿ ಐಆರ್‌ಡಿಎ ದಿಂದ ಪ್ರಕಟಿಸಲ್ಪಟ್ಟ ಮಾನದಂಡಕ್ಕೆ ಅನುಗುಣವಾಗಿರುತ್ತವೆ. ದೂರ ನಿಯಂತ್ರಕಗಳು ಮತ್ತು ಐಆರ್‌ಡಿಎ ಸಾಧನಗಳು ಅತಿಗೆಂಪು ವಿಕಿರಣಗಳನ್ನು ಹೊರಸೂಸಲು ಅತಿಗೆಂಪು ಬೆಳಕು ವಿಸರ್ಜಕ ಡಿಯೋಡ್ (ಎಲ್‌ಇಡಿ)ಗಳನ್ನು ಬಳಸುತ್ತವೆ, ಅದು ಒಂದು ಚಿಕ್ಕದಾದ ವಿಕಿರಣ ರಶ್ಮಿಯ ಒಳಗೆ ಪ್ಲಾಸ್ಟಿಕ್ ಮಸೂರದಿಂದ ಕೇಂದ್ರೀಕರಿಸಲ್ಪಟ್ಟಾಗ ಉಂಟಾಗುತ್ತದೆ. ವಿಕಿರಣ ರಶ್ಮಿಯು ಸಮನ್ವಯಗೊಳಿಸಲ್ಪಟ್ಟಿರುತ್ತದೆ, ಅಂದರೆ ಮಾಹಿತಿಯನ್ನು ಕ್ರೋಢೀಕರಿಸಲು ಹಾಕು ಮತ್ತು ಆರಿಸು ಸ್ವಿಚ್‌ಗಳಿಂದ ಆವರಿಸಲ್ಪಟ್ಟಿರುತ್ತದೆ. ಗ್ರಾಹಕವು ಅತಿಗೆಂಪು ವಿಕಿರಣವನ್ನು ವಿದ್ಯುತ್ ಪ್ರವಾಹವನ್ನಾಗಿ ಬದಲಾಯಿಸಲು ಒಂದು ಸಿಲಿಕಾನ್ ಫೊಟೊಡಿಯೋಡ್ ಅನ್ನು ಬಳಸುತ್ತದೆ. ಇದು ಪ್ರಸಾರಕಗಳಿಂದ ನಿರ್ಮಿತವಾದ ಜೋರಾಗಿ ಕಂಪಿಸುವ ಸಂಕೇತಗಳಿಗೆ ಮಾತ್ರ ಪ್ರತಿಸ್ಪಂದಿಸುತ್ತದೆ ಮತ್ತು ನಿಧಾನವಾಗಿ ಅತಿಗೆಂಪು ವಿಕಿರಣವನ್ನು ವಿಸ್ತೃತ ಬೆಳಕಿನಿಂದ ಶೋಧಿಸಿ ಹೊರತೆಗೆಯುತ್ತದೆ. ಅತಿಗೆಂಪು ಸಂವಹನಗಳು ಹೆಚ್ಚಿನ ಜನಸಾಂಖ್ಯಾ ಸಾಂದ್ರತೆಯನ್ನು ಹೊಂದಿರುವ ಪ್ರದೇಶಗಳ ಆಂತರಿಕ ಬಳಕೆಗೆ ಬಹಳ ಉಪಯೋಗಕರವಾಗಿದೆ. ಅತಿಗೆಂಪು ವಿಕಿರಣ ಗೋಡೆಯನ್ನು ಭೇದಿಸುವುದಿಲ್ಲ ಮತ್ತು ಆದ್ದರಿಂದ ಕೋಣೆಗಳನ್ನು ಒಂದುಗೂಡಿಸುವ ಇತರ ಸಾಧನಗಳೊಂದಿಗೆ ಅಡ್ಡಿಬರುವುದಿಲ್ಲ. ಅತಿಗೆಂಪು ಯಂತ್ರೋಪಸಾಧನಗಳ ಹಿಡಿತಕ್ಕೆ ದೂರ ನಿಯಂತ್ರಕಗಳ ಒಂದು ಸಾಮಾನ್ಯ ಮಾರ್ಗವಾಗಿದೆ.

ಅತಿಗೆಂಪು ಲೇಸರನ್ನು ಬಳಸಿಕೊಂಡು ಅನಿರ್ಬಂಧಿತ ಸ್ಥಳ ದೃಗ್ವಿಜ್ಞಾನ ಸಂವಹನವು ಫೈಬರ್ ದೃಗ್ವಿಜ್ಞಾನ ಕೇಬಲ್‍ ಅನ್ನು ಹೂಳುವ ವೆಚ್ಚಕ್ಕೆ ಹೋಲಿಸಿದಾಗ ನಗರ ಪ್ರದೇಶದಲ್ಲಿ ೪ ಗಿಗಾಬೈಟ್ಸ್‌ಗಳ ತನಕ ಕೆಲಸ ಮಾಡುವ ಒಂದು ಸಂವಹನ ಕೊಂಡಿಯನ್ನು ಪ್ರತಿಷ್ಠಾಪಿಸುವುದು ತುಲನಾತ್ಮಕವಾಗಿ ಅಗ್ಗದರದ ಮಾರ್ಗವಾಗಿರುತ್ತದೆ.

ಅತಿಗೆಂಪು ಲೇಸರ್‌ಗಳು ದೃಗ್ವಿಜ್ಞಾನ ಫೈಬರ್ ಸಂವಹನ ವ್ಯವಸ್ಥೆಗೆ ಬೆಳಕನ್ನು ಒದಗಿಸಲು ಬಳಸಲ್ಪಡುತ್ತವೆ. ಸುಮಾರು 1,330 ಎನ್‍ಎಮ್ (ಕಡಿಮೆ ಪ್ರಸರಣ)ತರಂಗಾಂತರದ ಜೊತೆ ಇರುವ ಅತಿಗೆಂಪು ಬೆಳಕು ಅಥವಾ ೧,೫೫೦ ಎನ್‌ಎಮ್(ಅತ್ಯುತ್ತಮ ಪ್ರಸಾರಣ)ಗಳು ಒಳ್ಳೆಯ ಗುಣಮಟ್ಟದ ಸಿಲಿಕಾ ಫೈಬರ್‌ಗಳ ಅತ್ಯುತ್ತಮ ಆಯ್ಕೆಗಳು.

ಮುದ್ರಿಸಲ್ಪಟ್ತ ಚಿಹ್ನೆಗಳ ಕ್ರೋಢೀಕೃತ ಶ್ರವ್ಯ ಆವೃತ್ತಿಗಳ ಅತಿಗೆಂಪು ಮಹಿತಿ ಪ್ರಸಾರಣವು ದೃಷ್ಟಿಯಿಂದ ದುರ್ಬಲಗೊಂಡ ಜನರಿಗೆ ಆರ್‌ಐಎ‌ಎಸ್ (Remote ಇನ್‌ಫ್ರಾ‌ರೆಡ್‌ Audible Signage) ಯೋಜನೆಗಳ ಮೂಲಕ ಒಂದು ನೆರವು ನೀಡುವ ಮಾಧ್ಯಮವಾಗಿ ಸಂಶೋಧಿಸಲ್ಪಟ್ಟಿತು.

ವರ್ಣಪಟಲ ದರ್ಶನ[ಬದಲಾಯಿಸಿ]

ಅತಿಗೆಂಪು ಕಂಪಿತ ವರ್ಣಪಟಲದರ್ಶನವು (ಸಮೀಪ ಅತಿಗೆಂಪು ವರ್ಣಪಟಲ ದರ್ಶನವನ್ನೂ ನೋಡಿ)ಅಣುಗಳ ಘಟಕಗಳ ಬಂಧಗಳ ವಿಶ್ಲೇಷಣೆಯಿಂದ ಅಣುಗಳನ್ನು ಗುರುತಿಸುವ ಪ್ರಕ್ರಿಯೆಯಲ್ಲಿ ಬಳಸುವ ಒಂದು ತಂತ್ರಗಾರಿಕೆಯಾಗಿದೆ. ಒಂದು ಅಣುವಿನಲ್ಲಿನ ಪ್ರತಿ ರಾಸಾಯನಿಕ ಬಂಧವು ಆ ಬಂಧದ ವಿಶಿಷ್ಟಗುಣದ ಆವರ್ತನದಲ್ಲಿ ಕಂಪಿಸುತ್ತದೆ. ಒಂದು ಅಣುವಿನಲ್ಲಿನ ಪರಮಾಣುಗಳ ಒಂದು ಗುಂಪು (ಉದಾಹರಣೆಗೆ CH2) ಪೂರ್ತಿ ಒಂದು ಗುಂಪಿನ ವ್ಯಾಪಿಸುವಿಕೆ ಮತ್ತು ಬಾಗುವಿಕೆಯಿಂದ ಆಗಲ್ಪಟ್ಟ ವಿವಿಧ ವಿಧಾನಗಳ ಅನಿಶ್ಚಿತತೆಯನ್ನು ಹೊಂದಿರಬಹುದು. ಅನಿಶ್ಚಿತತೆಯು ಅಣುವಿನಲ್ಲಿನ ದ್ವಿಧ್ರುವಗಳಲ್ಲಿನ ಬದಲಾವಣೆಗೆ ಕಾರಣವಾದರೆ, ನಂತರ ಇದು ಸಮಾನ ಆವರ್ತನವನ್ನು ಹೊಂದಿರುವ ಫೊಟೊನ್ ಅನ್ನು ಹೀರಿಕೊಳ್ಳುತ್ತದೆ. ಹೆಚ್ಚಿನ ಅಣುಗಳ ಕಂಪಿತ ಆವರ್ತನಗಳು ಅತಿಗೆಂಪು ಬೆಳಕಿನ ಆವರ್ತನಗಳಿಗೆ ಸಂಬಂಧಿಸಿರುತ್ತವೆ. ಪ್ರಾತಿನಿಧಿಕವಾಗಿ, ಈ ತಂತ್ರಗಳು ಬೆಳಕಿನ ವಿಕಿರಣ 4000 ದಿಂದ 400 ಸಿಎಮ್−೧, ಮಧ್ಯಮ ಅತಿಗೆಂಪು, ಇದನ್ನು ಬಳಸಿಕೊಂಡು ಜೈವಿಕ ಮಿಶ್ರಣವನ್ನು ಅಭ್ಯಸಿಸಲು ಬಳಸಲ್ಪಡುತ್ತದೆ. ಒಂದು ಮಾದರಿಯಲ್ಲಿನ ಹೀರಿಕೊಳ್ಲುವಿಕೆಯ ಎಲ್ಲಾ ಆವರ್ತನಗಳ ಒಂದು ವರ್ಣಪಟಲವನ್ನು ದಾಖಲಿಸಲಾಗಿದೆ. ಇದನ್ನು ಅಸ್ತಿತ್ವದಲ್ಲಿರುವ ರಾಸಾಯನಿಕ ಗುಪುಗಳ ಮಾದರಿ ಮಿಶ್ರಣದ ಬಗೆಗೆ ಮಾಹಿತಿಯನ್ನು ತಿಳಿಯಲು ಮತ್ತು ಇದರ ನಿರ್ಮಲತ್ವವನ್ನು ತಿಳಿಯಲು ಬಳಸಿಕೊಳ್ಳಬಹುದು (ಉದಾಹರಣೆಗೆ ಒಂದು ಒದ್ದೆಯಾದ ಮಾದರಿಯು ಸುಮಾರು 3200 cm−1ಒಂದು ವಿಶಾಲ O-H ಹೀರುವಿಕೆಯನ್ನು ತೋರಿಸುತ್ತದೆ.

ಪವನಶಾಸ್ತ್ರ[ಬದಲಾಯಿಸಿ]

ಐಆರ್‌ ಉಪಗ್ರಹವು 15ನೇ ಅಕ್ಟೋಬರ್‌ 2006ರಂದು 1315 Z ವನ್ನು ತೆಗೆಯಿತು. ಸಾಂದ್ರಗೊಂಡ ಮೊಡದಿಂದ ಕೂಡಿದ ಮುಂಭಾಗದ ವ್ಯೂಹವು ಮೆಕ್ಸಿಕೊದ ಕೊಲ್ಲಿಯಲ್ಲಿ ನೋಡಬಹುದು. ಪೊಳ್ಳಾದ ದಟ್ಟಮೊಡಗಳು ಮತ್ತು ದೊಡ್ಡ ಸಾಂದ್ರ ಮೊಡಗಳನ್ನು ಪೂರ್ವ ದಿಕ್ಕಿಗಿರುವ ಕರಾವಳಿಗಳಲ್ಲಿ ನೋಡಬಹುದು.

ಕ್ಷಿಪ್ರವಾಗಿ ವೀಕ್ಷಿಸುವ ರೇಡಿಯೋಮಾಪಕಗಳಿಂದ ಸಜ್ಜುಗೊಂಡಿರುವ ಹವಾಮಾನ ಉಪಗ್ರಹಗಳು ಶಾಖದ ಅಥವಾ ಅತಿಗೆಂಪು ಚಿತ್ರಗಳನ್ನು ಉತ್ಪತ್ತಿ ಮಡುತ್ತವೆ, ಅವು ನಂತರ ತರಬೇತಿ ಹೊಂದಿದ ಒಬ್ಬ ವಿಶ್ಲೇಷಕನಿಗೆ ಮೋಡದ ಎತ್ತರ ಮತ್ತು ವಿಧಗಳು, ಭೂಮಿ ಮತ್ತು ಮೇಲ್ಮೈನ ನೀರಿನ ಉಷ್ಣಾಂಶ, ಮತ್ತು ಸಮುದ್ರ ಮೇಲ್ಮೈಗಳ ಲಕ್ಷಣಗಳನ್ನು ಕಂಡುಹಿಡಿಯುವಲ್ಲಿ ಸಹಾಯ ಮಾಡುತ್ತವೆ. ಕ್ಷಿಪ್ರ ವೀಕ್ಷಕಗಳು ಪ್ರಾತಿನಿಧಿಕವಾಗಿ 10.3 -12.5 µm (IR4 ಮತ್ತು IR5 ಚಾನೆಲ್ಸ್)ನ ವ್ಯಾಪ್ತಿಯಲ್ಲಿರುತ್ತವೆ.

ಎತ್ತರದ, ಸೀರಸ್ ಅಥವಾ ಕ್ಯುಮುಲೋನಿಂಬಸ್‌ಗಳಂತಹ ಶೀತಲ ಮಂಜುಗಡ್ಡೆ ಮೋಡವು ಮೇಲೆ ಪ್ರಕಾಶಮಾನ ಬಿಳಿ ಬಣ್ಣವನ್ನು ತೋರಿಸುತ್ತವೆ, ಸ್ಟ್ರಾಟಸ್ ಅಥವಾ ಸ್ಟ್ರಾಟೋಕ್ಯುಮುಲಸ್‌ಗಳಂತಹ ಕೆಳ ಬೆಚ್ಚಗಿನ ಮೋಡಗಳು ಬೂದು ಬಣ್ಣವನ್ನು ಮಧ್ಯಂತರದ ಮೋಡಗಳ ಛಾಯೆಗೆ ಅನುಗುಣವಾಗಿ ತೋರಿಸುತ್ತವೆ. ಬಿಸಿ ಭೂಮಿ ಮೇಲ್ಮೈಗಳು ದಟ್ಟ ಬೂದು ಬಣ್ಣ ಅಥವಾ ಕಪ್ಪು ಬಣ್ಣವನ್ನು ತೋರಿಸುತ್ತವೆ. ಅತಿಗೆಂಪು ಚಿತ್ರಣದ ಒಂದು ಅನನುಕೂಲವೇನೆಂದರೆ ಸ್ಟ್ರಾಟಸ್ ಅಥವಾ ಫೊಗ್‌ಗಳಂತಹ ಕೆಳಗಿನ ಮೋಡವು ಸುತ್ತುವರೆದ ಭೂಮಿಯ ಒಂದು ಸಮಾನವಾದ ಉಷ್ಣಾಂಶವನ್ನು ಹೊಂದಿರುತ್ತದೆ ಅಥವಾ ಸಮುದ್ರದ ಮೇಲ್ಮೈಗಳು ಮೇಲೆ ತೋರಿಸಲ್ಪಡುವುದಿಲ್ಲ. ಆದಾಗ್ಯೂ, IR4 ಚಾನೆಲ್‌ (10.3-11.5 µm)ಮತ್ತು ಹತ್ತಿರದ ಅತಿಗೆಂಪು ಚಾನೆಲ್(1.58-1.64 µm)ಗಳ ಭಿನ್ನತೆಯನ್ನು ಬಳಸಿಕೊಂಡು, ಒಂದು ಫೊಗ್ ಉಪಗ್ರಹ ಚಿತ್ರವನ್ನು ಉತ್ಪತ್ತಿ ಮಾಡುವ ಕೆಳಗಿನ ಮೋಡದ ವ್ಯತ್ಯಾಸವನ್ನು ತೋರಿಸಬಹುದು. ಅತಿಗೆಂಪಿನ ಪ್ರಮುಖ ಅನುಕೂಲವೇನೆಂದರೆ ಹವಾಮಾನದ ಒಂದು ನಿರಂತರ ಅನುಕ್ರಮವನ್ನು ಅಭ್ಯಸಿಸುವುದನ್ನು ಅನುಮತಿಸುವುದರ ಮೂಲಕ ಚಿತ್ರಗಳನ್ನು ರಾತ್ರಿಯಲ್ಲಿಯೂ ಉತ್ಪತ್ತಿ ಮಾಡಬಹುದು

ಈ ಅತಿಗೆಂಪು ಚಿತ್ರಗಳು ಸಮುದ್ರ ಸುಳಿ ಅಥವಾ ವೊರ್ಟೈಸ್ ಮತ್ತು ನೌಕಾ ಉದ್ಯಮಕ್ಕೆ ಉಪಯೋಗಕರವಾದ ಗಲ್ಫ್ ಸ್ಟ್ರೀಮ್‌ಗಳಂತಹ ಭೂಪಟ ಗತಿಗಳನ್ನು ನಿರೂಪಿಸುತ್ತದೆ. ಮೀನುಗಾರರು ಮತ್ತು ಕೃಷಿಕರು ಅವರ ಬೆಳೆಗಳನ್ನು ಹಿಮಗಳಿಂದ ರಕ್ಷಿಸಲು ಅಥವಾ ಸಮುದ್ರದಿಂದ ರಕ್ಷಣೆ ಪಡೆಯಲು ಭೂಮಿಯ ಬಗೆಗೆ ಮತ್ತು ನೀರಿನ ಉಷ್ಣಾಂಶದ ಬಗೆಗೆ ತಿಳಿಯಲು ಆಸಕ್ತರಾಗಿರುತ್ತಾರೆ. ಎಲ್ ನಿನೋ ವಿಷಯವನ್ನೂ ಕೂಡ ಉಲ್ಲೇಖಿಸಬಹುದು. ಬಣದ-ಡಿಜಿಟಲ್ ತಂತ್ರಗಳನ್ನು ಬಳಸಿಕೊಂಡು, ಬೂದು ಛಯೆಯ ಶಾಖದ ಚಿತ್ರಗಳು ಉದ್ದೇಶಿತ ಮಾಹಿತಿಗಳ ಸುಲಭವಾದ ಕಂಡುಹಿಡಿಯುವಿಕೆಗಾಗಿ ಬಣ್ನಕ್ಕೆ ಬದಲಾಯಿಸಬಹುದು.

ವಾಯುಗುಣ ಶಾಸ್ತ್ರ[ಬದಲಾಯಿಸಿ]

ವಾಯುಗುಣ ಶಾಸ್ತ್ರದ ಕಾರ್ಯಕ್ಷೇತ್ರದಲ್ಲಿ, ಭೂಮಿ ಮತ್ತು ವಾತಾವರಣದ ನಡುವೆ ಶಕ್ತಿಯ ವಿನಿಮಯದ ಒಟ್ಟಾರೆ ಗತಿಯನ್ನು ಕಂಡುಹಿಡಿಯುವುದಕ್ಕೆ ವಾತಾವರಣದ ಅತಿಗೆಂಪು ವಿಕಿರಣವು ಪರಿವೀಕ್ಷಿಸಲ್ಪಡುತ್ತದೆ ಈ ಒಟ್ಟಾರೆ ಗತಿಗಳು ಭೂಮಿಯ ಹವಾಮಾನದಲ್ಲಿನ ದೀರ್ಘಾವಧಿಯ ಬದಲಾವಣೆಗಳನ್ನು ನೀಡುತ್ತದೆ. ಇದು ಸೌರಶಕ್ತಿಯ ವಿಕಿರಣದ ಜೊತೆ ಭೂಮಂಡಲದ ಉಷ್ಣತೆ ಅಧ್ಯಯನ ಮಾಡಿದ ಪ್ರಾಥಮಿಕ ಮನದಂಡಗಳಲ್ಲಿ ಒಂದಾಗಿದೆ.

ಒಂದು ಪೈರ್‌ಜಿಯೋಮಿಟರ್ ಅವಿರತ ಬಾಹಿಕ ಅಳತೆಗಳನ್ನು ಪೂರೈಸಿಕೊಂಡುಹೋಗಲು ಈ ವಿಭಾಗದ ಸಂಶೋಧನೆಗೆ ಬಳಸಿಕೊಳ್ಳಲ್ಪಡುತ್ತದೆ. ಇದು ಸರಿಸುಮಾರು 4.5 µm ಮತ್ತು 50 µm ಗಳ ನಡುವಿನ ಅತಿಗೆಂಪು ವಿಕಿರಣಗಳ ಸೂಕ್ಷ್ಮಗ್ರಾಹಕತೆಯ ಜೊತೆಗಿನ ಒಂದು ವಿಶಾಲಪಟ್ಟಿಯ ಅತಿಗೆಂಪು ವಿಕಿರಣವಾಗಿದೆ.

ಖಗೋಳಶಾಸ್ತ್ರ[ಬದಲಾಯಿಸಿ]

ಖಗೋಳಶಾಸ್ತ್ರಜ್ಞರು ದೃಗ್ವಿಜ್ಞಾನ ಘಟಕಗಳು, ಕನ್ನಡಿಗಳು, ಮಸೂರಗಳು ಮತ್ತು ಘನ ರೂಪದ ಡಿಜಿಟಲ್ ಸಂಶೋಧಕಗಳನ್ನು ಬಳಸಿಕೊಂಡು ವಿದ್ಯುದ್ಕಾಂತೀಯ ವರ್ಣಪಟಲದ ಅತಿಗೆಂಪು ಭಾಗದಲ್ಲಿನ ಭೌತಿಕ ವಸ್ತುಗಳನ್ನು ವೀಕ್ಷಿಸುತ್ತಾರೆ. ಈ ಕಾರಣಕ್ಕಾಗಿ ಇದು ದೃಗ್ವಿಜ್ಞಾನ ಖಗೋಳಶಾಸ್ತ್ರದ ಒಂದು ಭಾಗವಾಗಿ ವಿಭಾಗಿಸಲ್ಪಡುತ್ತದೆ. ಒಂದು ಚಿತ್ರವನ್ನು ರೂಪಿಸಲು, ಒಂದು ಅತಿಗೆಂಪು ದುರ್ಬೀನನ್ನು ಎಚ್ಚರಿಕೆಯಿಂದ ಬಿಸಿ ಮೂಲಗಳಿಂದ ರಕ್ಷಿಸಬೇಕು ಮತ್ತು ಸಂಶೋಧಕಗಳು ದ್ರವ ಹೀಲಿಯಂಗಳನ್ನು ಬಳಸಿಕೊಂಡು ತಣ್ಣಗಾಗಿಸಲ್ಪಡುತ್ತವೆ.

ಭೂಮಿ-ಸಂಬಂಧಿತ ಅತಿಗೆಂಪು ದುರ್ಬೀನುಗಳ ಸೂಕ್ಷ್ಮಗ್ರಾಹಕತೆಯು ವಾತಾವರಣದಲ್ಲಿನ ನೀರಿನ ಆವಿಯಿಂದ ಗಮನಾರ್ಹವಾಗಿ ನಿರ್ಬಂಧಿತವಾಗಿರುತ್ತದೆ, ಅದು ಆರಿಸಿಕೊಳ್ಳಲ್ಪಟ್ಟ ವಾತಾವರಣದ ಕಿಟಕಿಗಳಹೊರಗಿನ ಪ್ರದೇಶದಿಂದ ಬರುವ ಅತಿಗೆಂಪು ವಿಕಿರಣಗಳ ಒಂದು ಭಾಗವನ್ನು ಹೀರಿಕೊಳ್ಳುತ್ತದೆ. ಈ ಪರಿಮಿತಿಯನ್ನು ಒಂದು ಎತ್ತರದ ಉನ್ನತಿಯಲ್ಲಿ ದುರ್ಬೀನು ವೀಕ್ಷಣಾಲಯವನ್ನು ಇಡುವುದರ ಮೂಲಕ ಭಾಗಶಃವಾಗಿ ತಗ್ಗಿಸಬಹುದು ಅಥವಾ ದುರ್ಬೀನನ್ನು ಒಂದು ಬಲೂನಿನ ಅಥವಾ ಒಂದು ವಿಮಾನದ ಜೊತೆಗೆ ತೆಗೆದುಕೊಂಡು ಹೋಗುವುದರ ಮೂಲಕ ತಗ್ಗಿಸಬಹುದು. ಅಂತರಿಕ್ಷ ದುರ್ಬೀನುಗಳು ಈ ಅಂಗವಿಕಲತೆಯಿಂದ ಬಾಧೆಪಡುವುದಿಲ್ಲ, ಮತ್ತು ಆದ್ದರಿಂದ ಅತಿಗೆಂಪು ಖಗೋಳಶಾಸ್ತ್ರಕ್ಕೆ ಬಾಹಿಕ ಅಂತರಿಕ್ಷವು ಯೋಗ್ಯವಾಗಿದೆ ಎಂದು ತಿಳಿಯಲಾಗುತ್ತದೆ.

ವರ್ಣಪಟಲದ ಅತಿಗೆಂಪು ಭಾಗವು ಖಗೋಳಶಾಸ್ತ್ರಜ್ಞರಿಗೆ ಹಲವಾರು ಉಪಯೋಗಗಳನ್ನು ನೀಡುತ್ತದೆ. ಶೀತಲ, ಗ್ಯಾಸ್‌ನ ದಟ್ಟ ಅಣುಸಂಬಂಧಿ ಮೋಡಗಳು ಮತ್ತು ನಮ್ಮ ನಕ್ಷತ್ರ ಸಮೂಹದಲ್ಲಿನ ಧೂಳು ಗಳು ಅವುಗಳು ಸರಿಯಾಗಿ ಸ್ಥಾಪಿತವಾದ ನಕ್ಷತ್ರಗಳಿಂದ ಬೆಳಗುವಂತೆ ವಿಕಿರಣಾತ್ಮಕ ಶಾಖದ ಜೊತೆ ಹೊಳೆಯುತ್ತವೆ. ಅತಿಗೆಂಪುಗಳನ್ನು ಪ್ರೊಟೊಸ್ಟಾರ್‌ಗಳನ್ನು ಅವುಗಳು ಗೋಚರ ಬೆಳಕನ್ನು ಉತ್ಪತ್ತಿ ಮಾಡುವ ಮೊದಲು ಕಂಡುಹಿಡಿಯಲು ಬಳಸಲಾಗುತ್ತದೆ. ನಕ್ಷತ್ರಗಳು ಅವುಗಳ ಶಕ್ತಿಯ ಒಂದು ಚಿಕ್ಕ ಭಾಗವನ್ನು ಅತಿಗೆಂಪು ವರ್ಣಪಟಲದಲ್ಲಿ ಹೊರಸೂಸುತ್ತದೆ, ಆದ್ದರಿಂದ ಹತ್ತಿರದಲ್ಲಿರುವ ಗ್ರಹಗಳಂತಹ ಶೀತಲ ಭೌತಿಕ ವಸ್ತುಗಳು ಬಹು ವೇಗವಾಗಿ ಕಂಡುಹಿಡಿಯಲ್ಪಡುತ್ತವೆ. (ಗೋಚರ ಬೆಳಕು ವರ್ಣಪಟಲದಲ್ಲಿ, ನಕ್ಷತ್ರದಿಂದ ಬರುವ ಪ್ರಜ್ವಲಿಸುವ ಬೆಳಕು ಒಂದು ಗ್ರಹದ ಪ್ರತಿಫಲಿತ ಬೆಳಕನ್ನು ಹೊರ ಹಾಕುತ್ತದೆ. )

ಅತಿಗೆಂಪು ಬೆಳಕು ಸಕ್ರಿಯ ನಕ್ಷತ್ರ ಸಮೂಹಗಳ ಮಧ್ಯ ಭಾಗವನ್ನು ವೀಕ್ಷಿಸಲೂ ಕೂಡ ಉಪಯೋಗಕರವಾಗಿದೆ. ಅದು ಅನೇಕವೇಳೆ ಗ್ಯಾಸ್ ಮತ್ತು ಧೂಳುಗಳಲ್ಲಿ ಬಂಧಿತವಾಗಿರುತ್ತವೆ. ಒಂದು ಎತ್ತರದ ಕೆಂಪು ಸ್ಥಳಾಂತರದ ದೂರದ ನಕ್ಷತ್ರ ಸಮೂಹಗಳು ದೀರ್ಘ ತರಂಗಾಂತರಗಳ ಕಡೆಗೆ ಸ್ಥಳಾಂತರಿಸಲ್ಪಟ್ಟ ಅವುಗಳ ವರ್ಣಪಟಲದ ತುದಿಯ ಭಾಗವನ್ನು ಹೊಂದಿರುತ್ತವೆ, ಆದ್ದರಿಂದ ಅವುಗಳು ಅತಿಗೆಂಪಿನಲ್ಲಿ ಬಹು ವೇಗವಾಗಿ ವೀಕ್ಷಿಸಲ್ಪಡುತ್ತವೆ.[೩]

ಕಲೆಯ ಇತಿಹಾಸ[ಬದಲಾಯಿಸಿ]

ಜಾನ್‌ ವಾನ್‌ ಐಕೆಯ, ಲಂಡನ್ನಿನಲ್ಲಿರುವ ರಾಷ್ಟ್ರೀಯ ಗ್ಯಾಲರಿಯ ಆರ್ನೊಲ್‌ಫಿನಿಯ ಚಿತ್ರ.

ಕಲಾ ಇತಿಹಾಸಕಾರರಿಂದ ಅತಿಗೆಂಪು ರಿಫ್ಲೆಕ್ಟೋಗ್ರಾಮ್‌ಗಳು ಎಂದು ಕರೆಯಲ್ಪಡುತ್ತದೆ[೧೫],ಚಿತ್ರದ ಕೆಳಗಿನ ಪದರವನ್ನು ತೋರಿಸಲು, ಪ್ರತ್ಯೇಕವಾಗಿ ಅಂಡರ್‌ಡ್ರಾಯಿಂಗ್ ಅಥವಾ ಹೊರಗೆರೆ ರಚಿಸಲು ಕಲಾವಿದರು ಮಾರ್ಗದರ್ಶನಕ್ಕಾಗಿ ತೆಗೆದುಕೊಳ್ಳುತ್ತಾರೆ. ಇದು ರೆಫ್ಲೆಕ್ಟೊಗ್ರಾಮ್ಸ್‌ಗಳಲ್ಲಿ ಕಪ್ಪು ಕಾರ್ಬನ್ ಉಪಯೋಗಿಸಿದಾಗ ಚೆನ್ನಾಗಿ ಕಂಡುಬರುತ್ತದೆ,ಪೂರ್ಣ ಚಿತ್ರದ ಕೆಳಗಿನಲ್ಲಿ ದೀರ್ಘವಾಗಿ ಉಪಯೋಗಿಸುವುದಿಲ್ಲ. ಕಲಾ ಇತಿಹಾಸಕಾರರು ಚಿತ್ರದ ಪದರದಿಂದ ಅಂಡರ್‌ಡ್ರಾಯಿಂಗ್- ಅಥವಾ ಪದರದ ಮಧ್ಯದಲ್ಲಿ ವ್ಯತ್ಯಾಸ ಕಂಡುಬಂದದ್ದನ್ನು ನೋಡಿದರೆ -ಅಂತಹ ಮಾರ್ಪಾಡುಗಳನ್ನು ಮೂಲ ಕಲಾವಿದನಿಂದ ಮಾಡಲ್ಪಟ್ಟಾಗ ಪೆಂಟಿಮೆಂಟಿ ಎಂದು ಕರೆಯುತ್ತಾರೆ. ಇದು ಮೂಲ ಕಲಾವಿದನ ಮುಖ್ಯ ಆವೃತ್ತಿಯೋ ಅಥವಾ ನಕಲೊ ,ಮತ್ತು ಹೆಚ್ಚು-ಕುತೂಹಲದಿಂದ ಪುನಃಸ್ಥಾಪನೆ ಮಾಡಿದ ಮಾರ್ಪಾಡಾದ ಕೃತಿಯೋ ಎಂದು ನಿರ್ಧರಿಸಲು ಉಪಯುಕ್ತ ಮಾಹಿತಿಯಾಗಿದೆ. ಸಾಮಾನ್ಯವಾಗಿ ಹೆಚ್ಚಿನ ಪೆಂಟಿಮೆಂಟಿ,ಹೆಚ್ಚಿನ ಪೇಂಟಿಂಗ್‌ಗಳು ಮೂಲ ರೂಪವೆ ಆಗಿವೆ. ಅಧ್ಯಯನ ಮಾಡಲು ಇದು ಕೂಡ ಉಪಯುಕ್ತ ಒಳನೋಟ ಕೊಡುತ್ತದೆ.[೧೬]

1434 ರ (ಬಲ)ಆರ್ನೊಲ್ಫಿನಿ ಫೋರ್ಟ್ರೆಟ್ ನ ಮಧ್ಯದಲ್ಲಿ ಇಂತಹ ಹಲವಾರು ಬದಲಾವಣೆಗಳಿವೆ, ಅವನ ಕಣ್ಣಿನ ಎತ್ತರಕ್ಕಿಂತ ಅವನ ಮುಖ ಎತ್ತರದಲ್ಲಿದೆ,ಅವಳ ಕಣ್ಣು ಹೆಚ್ಚು ಮುಂದಕ್ಕೆ ನೋಡುತ್ತಿದೆ. ಅವನ ಪ್ರತಿಯೊಂದು ಪಾದವು ಒಂದು ಸ್ಥಾನದಲ್ಲಿ ಎಳೆಯಲ್ಪಟ್ಟಿದೆ,ಬೇರೆಯದರಲ್ಲಿ ಚಿತ್ರಿಸಲಾಗಿದೆ,ಮತ್ತು ಮೂರನೇಯದರಲ್ಲಿ ಪುನಃ ಬಣ್ಣ ಬಳಿಯುಲಾಗಿದೆ. ಈ ಬದಲಾವಣೆಗಳು ಅತಿಗೆಂಪು ರಿಫ್ಲೆಕ್ಟೋಗ್ರಾಮ್‌ಗಳಲ್ಲಿ ಕಂಡುಬರುತ್ತದೆ.[೧೭]

ಇತಿಹಾಸಕಾರರು ಅತಿಗೆಂಪು ವಿಕಿರಣತೆಯನ್ನು ಬೇರೆ ಬೇರೆ ವಿಧಗಳ ಅಂಶಗಳಲ್ಲಿ ಉಪಯೋಗ ಮಾಡಿದ್ದಾರೆ,ಮುಖ್ಯವಾಗಿ ಡೆಡ್ ಸೀ ಸ್ಕ್ರಾಲ್ಸ್,ರೋಮನ್ ಕೃತಿ ವಿಲ್ಲಾ ಆಫ್ ದ ಪ್ಯಾಪಿರಿಯಲ್ಲಿ,ಮತ್ತು ಸಿಲ್ಕ್ ರೋಡ್ ಟೇಕ್ಸ್ಟ್ ಫೌಂಡ್ ಇನ್ ದ ದನ್‌ಹಾಂಗ್ ಕೇವ್ಸ್‌ ನಂತಹ ಹಳೆಯ ಬರೆದ ದಾಖಲೆಗಳಲ್ಲಿ ಬಳಸಿದ್ದಾರೆ.[೧೮] ಶಾಯಿಯಲ್ಲಿ ಕಾರ್ಬನ್ ಕಪ್ಪು ಬಳಸಿದಾಗ ಇನ್ನೂ ಚೆನ್ನಾಗಿ ತೋರಿಸುತ್ತಾದೆ.

ಜೈವಿಕ ವ್ಯವಸ್ಥೆಗಳು[ಬದಲಾಯಿಸಿ]

ಇಲಿಯನ್ನು ಹಾವು ತಿನ್ನುವ ಥರ್ಮೊಗ್ರಫಿಕ್‌ ಚಿತ್ರ
ಫ್ರೂಟ್‌ ಬ್ಯಾಟ್‌ನ ಥರ್ಮೊಗ್ರಫಿಕ್‌ ಚಿತ್ರ.

ಪಿಟ್‌ವೈಪರ್ ಅದರ ತಲೆಯ ಮೇಲೆ ಒಂದು ಜೊತೆ ಅತಿಗೆಂಪು ಸಂವೇದನಾವಾಹಕ ಹೊಂಡ ಹೊಂದಿದೆ. ಕರಾರುವಾಕ್ಕಾದ ಉಷ್ಣ ಸಂವೇದನಾವಾಹಕ ಈ ಜೈವಿಕ ಅತಿಗೆಂಪು ಪತ್ತೆ ಮಾಡುವ ವ್ಯವಸ್ಥೆಯ ಸಂಬಂಧವಾಗಿ ಅನಿಶ್ಚಿತತೆಯಿದೆ.[೧೯][೨೦]

ಇತರೆ ಉಷ್ಣಗ್ರಾಹಿ ಅಂಗ ಹೊಂದಿರುವ ಪ್ರಾಣಿಗಳು ಹೆಬ್ಬಾವುಗಳು (ಪೈನಾನಿಡೆ ಕುಟುಂಬ),ಕೆಲವು ಬೊಯಾಸ್ (ಬೈಯೊಡೆ ಕುಟುಂಬ), ಕಾಮನ್ ರಕ್ತ ಹೀರುವ ಬಾವಲಿ (ಡೆಸ್ಮೊಡಾಸ್ ರೊಟಾಂಡಸ್ ), ವಿವಿಧ ರತ್ನ ಜೀರುಂಡೆಗಳು (ಮೆಲಾನೊಪಿಲಾ ಆಕ್ಯುಮಿನೆಟಾ ),[೨೧] ಕಪ್ಪು ವರ್ಣದ್ರವ್ಯ ಹೊಂದಿರುವ ಚಿಟ್ಟೆಗಳು (Pachliopta aristolochiae and Troides rhadamantus plateni ),ಮತ್ತು ರಕ್ತ ಹೀರುವ ಸಾಧ್ಯತೆಯಿರುವ ತಿಣೆಗಳು ( ಟ್ರೈಯಾಟೋಮಾ ಇನ್‌ಫೆಸ್ಟಾನ್ಸ್ ).[೨೨]

ಫೋಟೊಬಯೊಮಾಡ್ಯುಲೇಷನ್[ಬದಲಾಯಿಸಿ]

ಸಮೀಪ ಅತಿಗೆಂಪು ಬೆಳಕು, ಅಥವಾ ಫೋಟೊಬಯೊಮಾಡ್ಯುಲೇಷನ್, ಬಾಯಿ ಹುಣ್ಣಿನಂತಹ ಗಾಯ ವಾಸಿ ಮಾಡವ ಕೀಮೊಥೆರಪಿ ಚಿಕಿತ್ಸೆಯಲ್ಲಿ ಬಳಸಲಾಗುತ್ತದೆ. ಆ‍ಯ್‌೦ಟಿ ಹರ್ಪ್ಸ್ ವೈರಸ್ ಚಿಕಿತ್ಸೆಯಲ್ಲೂ ಕೆಲವು ಸಂಬಂಧಿತ ಕೆಲಸಗಳಿವೆ.[೨೩] ಸಂಶೋಧನಾ ಪ್ರೋಜೆಕ್ಟ್‌ಗಳು cytochrome ಸಿ ಆಕ್ಸಿಡೇಸ್ ಅಪ್‌ಗ್ರೇಡೆಶನ್ ಮತ್ತು ಇತರೆ ಸಾಧ್ಯತೆಯಿರುವ ಯಾಂತ್ರಿಕರಚನೆ ಮೂಲಕ ಕೇಂದ್ರೀಯ ನರ ವ್ಯವಸ್ಥೆಯ ವಾಸಿಮಾಡುವಿಕೆ ಪ್ರಭಾವದ ಮೇಲೆ ಕಾರ್ಯಪ್ರವೃತ್ತವಾಗಿದೆ.

ಆರೋಗ್ಯ ಹಾನಿ[ಬದಲಾಯಿಸಿ]

ಕೆಲವು ಉದ್ಯಮದಲ್ಲಿನ ಪ್ರಬಲ ಅತಿಗೆಂಪು ವಿಕಿರಣವು ಅತಿ ಉಷ್ಣವನ್ನು ಸೇರಿಸಿ ಕಣ್ಣುಗಳ ಮತ್ತು ದೃಷ್ಟಿಯ ಆರೋಗ್ಯಕ್ಕೆ ಹಾನಿಯುಂಟು ಮಾಡಬಹುದು. ಇಲ್ಲಿಯವರೆಗೂ ವಿಕಿರಣವು ಅಗೋಚರವಾಗಿವೆ. ಅಂತಹ ಸ್ಥಳಗಳಲ್ಲಿ ವಿಶಿಷ್ಟವಾದ ಐಆರ್ ನಿರೋಧಕ ಕನ್ನಡಕವನ್ನು ರಕ್ಷಣೆಯಾಗಿ ಬಳಸಬೇಕು.[೨೪]

ಅತಿಗೆಂಪು ಉತ್ಸರ್ಜಕವಾಗಿ ಭೂಮಿ[ಬದಲಾಯಿಸಿ]

ಹಸಿರುಮನೆ ಪರಿಣಾಮವನ್ನು ವಿವರಿವಾಗಿ ತೊರಿಸುವ ಚಿತ್ರ.

ಭೂಮಿಯ ಮೇಲ್ಮೈ ಮತ್ತು ಮೋಡಗಳು ಸೂರ್ಯನಿಂದ ಗೋಚರವಾಗುವ ಮತ್ತು ಅಗೋಚರವಾದ ವಿಕಿರಣಗಳನ್ನು ಹೀರಿಕೊಂಡು ಹೆಚ್ಚಿನ ಶಕ್ತಿಯನ್ನು ಅತಿಗೆಂಪನ್ನು ಪುನಃ ಉತ್ಸರ್ಜಿಸಿ ಮತ್ತೆ ವಾತಾವರಣಕ್ಕೆ ಹಿಂದಿರುಗಿಸುತ್ತದೆ. ವಾತಾವರಣದಲ್ಲಿನ ವಿಶಿಷ್ಟವಾದ ವಸ್ತುಗಳು, ಮುಖ್ಯವಾಗಿ ಮೋಡ ಡ್ರಾಪ್‌ಲೆಟ್‌ಗಳು ಮತ್ತು ನೀರಿನ ಆವಿ,ಆದರೆ ಕಾರ್ರ್ಬನ್ ಡೈಯಾಕ್ಸೈಡ್, ಮಿಥೇನ್, ನೈಟ್ರೆಸ್ ಆಕ್ಸೈಡ್, ಸಲ್ಫರ್ ಹೆಕ್ಸಾಫ್ಲೋೈಡ್,ಮತ್ತು ಕ್ಲೋರೋಫ್ಲೂರೋಕಾರ್ಬನ್‌ಗಳು ಕೂಡ,[೨೫] ಅತಿಗೆಂಪು ಹೀರಿಕೊಂಡು ಇದನ್ನು ಭುಮಿಯನ್ನು ಒಳಗೊಂಡಂತೆ ಎಲ್ಲಾ ದಿಕ್ಕುಗಳಲ್ಲು ಪುನಃ ಪ್ರಸರಿಸುತ್ತವೆ. ಹಸಿರುಮನೆ ಪರಿಣಾಮವು ವಾತಾವರಣವನ್ನು ಮತ್ತು ಮೇಲ್ಮೈಯನ್ನು ಅತಿಗೆಂಪು ಹೀರುಗಗಳು ವಾತಾವರಣದಿಂದ ಮೆರೆಯಾದುದಕ್ಕಿಂತ ಹೆಚ್ಚಿನ ಉಷ್ಣತೆ ಉಂಟುಮಾಡುತ್ತದೆ.[೨೬]

ಅತಿಗೆಂಪು ವಿಜ್ಞಾನದ ಇತಿಹಾಸ[ಬದಲಾಯಿಸಿ]

ಹತ್ತೊಂಭತ್ತನೇಯ ಶತಮಾನದ ಮೊದಲಿಗೆ ವಿಲಿಯಂ ಹರ್ಷ್ಚೆಲ್‌ ಎಂಬ ಜ್ಯೋತಿಷಿ ಅತಿಗೆಂಪು ವಿಕಿರಣವನ್ನು ಸಂಶೋಧಿಸಿದವರು. 1800 ರಲ್ಲಿ ಹರ್ಷ್ಚೆಲ್‌‍ ತನ್ನ ಫಲಿತಾಂಶವನ್ನು ರಾಯಲ್ ಸೊಸೈಟಿ ಆಫ್ ಲಂಡನ್ ಮೊದಲಿಗೆ ಪ್ರಕಟಿಸಿದನು. ಹರ್ಷ್ಚೆಲ್‌ ಸೂರ್ಯನಿಂದ ಬೆಳಕಿನ ಕಿರಣವನ್ನು ಪಟ್ಟಕದ ಮೂಲಕ ವಕ್ರೀಭವಿಸುವಂತೆ ಮಾಡಿ ಅತಿಗೆಂಪು ಕಂಡುಹಿಡಿದನು, ಸ್ಪೆಕ್ಟ್ರಮ್ ಮೂಲಕ ಹೊರಬಂದ ಕೆಂಪು ಭಾಗ, ತಾಪಮಾನದಲ್ಲಿ ಹೆಚ್ಚಿಳವಾದುದನ್ನು ಉಷ್ಣಮಾಪಕ ಮೇಲೆ ದಾಖಲು ಮಾಡಲಾಯಿತು. ಫಲಿತಾಂಶವನ್ನು ನೋಡಿ ಆಶ್ಚರ್ಯ ಪಟ್ಟನು ಮತ್ತು ಇದನ್ನು "ಕರೊಲಿಫಿಕ್ ರೇಸ್" ಎಂದು ಕರೆದನು. ”ಅತಿಗೆಂಪು’ ಎನ್ನುವ ಶಬ್ದವು ಹತ್ತೊಂಭತ್ತನೇಯ ಶತಮಾನದ ವರೆಗೂ ಕಾಣಿಸಿಕೊಂಡಿರಲಿಲ್ಲ.[೨೭]

ಇತರೆ ಪ್ರಮುಖ ದಿನಾಂಕಗಳು ಒಳಗೊಂಡಂತೆ  :[೮]

ಆಕರಗಳು[ಬದಲಾಯಿಸಿ]

  1. Dr. S. C. Liew. "Electromagnetic Waves". Centre for Remote Imaging, Sensing and Processing. Retrieved 2006-10-27. 
  2. "Reference Solar Spectral Irradiance: Air Mass 1.5". Retrieved 2009-11-12. 
  3. ೩.೦ ೩.೧ "IR Astronomy: Overview". NASA Infrared Astronomy and Processing Center. Retrieved 2006-10-30. 
  4. Reusch, William (1999). "Infrared Spectroscopy". Michigan State University. Retrieved 2006-10-27. 
  5. Henderson, Roy. "Wavelength considerations". Instituts für Umform- und Hochleistungs. Retrieved 2007-10-18. 
  6. Byrnes, James (2009). Unexploded Ordnance Detection and Mitigation. Springer. pp. 21–22. ISBN 9781402092527. 
  7. IPAC Staff. "Near, Mid and Far-Infrared". NASA ipac. Retrieved 2007-04-04. 
  8. ೮.೦ ೮.೧ ಮಿಲ್ಲರ್‌, ನಸುಗೆಂಪು ಕಿರಣಗಳ ತಂತ್ರಜ್ಞಾನದ ಸಿದ್ಧಾಂತಗಳು (ವ್ಯಾನ್‍ ನೊಸ್ಟ್ರಾಂಡ್‌ ರೇನ್‌ಹೊಲ್ಡ್‌, 1992), ಮತ್ತು ಮಿಲ್ಲರ್‌ ಮತ್ತು ಫ್ರೈಡ್‌ಮನ್‍, ಫೊಟೊನಿಕ್ ರೂಲ್ಸ್‍ ಆಫ್‌ ಥಂಬ್ಸ್‌ , 2004. ಐಎಸ್ಬಿಎನ್ 978-0804680752
  9. Ramaswami, Rajiv (May 2002). "Optical Fiber Communication: From Transmission to Networking" (PDF). IEEE. Retrieved 2006-10-18. 
  10. "Introduction to Solar Energy" (DOC). Passive Solar Heating & Cooling Manual. Rodale Press, Inc. 1980. Retrieved 2007-08-12. 
  11. McCreary, Jeremy (October 30, 2004). "Infrared (IR) basics for digital photographers-capturing the unseen (Sidebar: Black Body Radiation)". Digital Photography For What It's Worth. Retrieved 2006-11-07. 
  12. ೧೨.೦ ೧೨.೧ ೧೨.೨ "How Night Vision Works". American Technologies Network Corporation. Retrieved 2007-08-12. 
  13. Bryant, Lynn (2007-06-11). "How does thermal imaging work? A closer look at what is behind this remarkable technology". Retrieved 2007-08-12. 
  14. ಮಹುಲಿಕರ್, ಎಸ್.ಪಿ., ಸೊನವೇನ್‌, ಹೆ‌ಚ್‌.ಆರ್‌., & ರಾವ್‌, ಜಿ.ಎ.: (2007) "ನಸುಗೆಂಪು ಕಿರಣಗಳ ಸಿಗ್ನೇಚರ್‌ ಸ್ಟಡೀಸ್‌ ಆಫ್ ಎರೋಸ್ಪೇಸ್‌ ವೆಹಿಕಲ್ಸ್‌", ಎರೋಸ್ಪೇಸ್‌ ವಿಜ್ಞಾನದಲ್ಲಿನ ಪ್ರಗತಿಗಳು , ವಾ. 43(7-8) , pp. 218-245.
  15. "IR Reflectography for Non-destructive Analysis of Underdrawings in Art Objects". Sensors Unlimited, Inc. Retrieved 2009-02-20. 
  16. "The Mass of Saint Gregory: Examining a Painting Using Infrared Reflectography". The Cleveland Museum of Art. Retrieved 2009-02-20. 
  17. ರಾಷ್ಟ್ರೀಯ ಗ್ಯಾಲರಿ ವಿಷಯಪಟ್ಟಿಗಳು:ಲಾರ್ನ್‌ ಕಾಂಪ್‌ಬೆಲ್‌ನ 1998ರ ಐಎಸ್‌ಬಿಎನ್‌ 185709171ನಲ್ಲಿರುವ ಹದಿನೈದನೇ ಶತಮಾನದ ನೆದರ್‌ಲ್ಯಾಂಡಿನ ವರ್ಣಚಿತ್ರಗಳು[page needed]
  18. ಅಂಕೀಯ ನಸುಗೆಂಪು ಕಿರಣಗಳ ಚಿತ್ರಪಟಗಳು ಮತ್ತು ಅದರ ಐಡಿಪಿ-ಪೇಪರ್ ಪಿಡಿಎಫ್ 6.4 ಎಮ್‌ಬಿಯೊಳಗಿನ ಅನ್ವಯಿಸುವಿಕೆಯ ಅಂತರಾಷ್ಟ್ರೀಯ ಡನ್‌ಹಾಂಗ್‌ ಯೊಜನೆಗಳ ಪೀಠಿಕೆ
  19. B. S. Jones; W. F. Lynn; M. O. Stone (2001). "Thermal Modeling of Snake Infrared Reception: Evidence for Limited Detection Range". Journal of Theoretical Biology 209 (2): 201–211. doi:10.1006/jtbi.2000.2256. 
  20. V. Gorbunov; N. Fuchigami; M. Stone; M. Grace; V. V. Tsukruk (2002). "Biological Thermal Detection: Micromechanical and Microthermal Properties of Biological Infrared Receptors". Biomacromolecules 3 (1): 106–115. doi:10.1021/bm015591f. 
  21. Evans, W.G. (1966). "Infrared receptors in Melanophila acuminata De Geer". Nature 202: 211. doi:10.1038/202211a0. 
  22. A.L. Campbell, A.L. Naik, L. Sowards, M.O. Stone (2002). "Biological infrared imaging and sensing". Micrometre 33 (2): 211–225. doi:10.1016/S0968-4328(01)00010-5. 
  23. ಹಾರ್ಗೇಟ್‌ ಜಿ.1072-ಎನ್‍ಎಮ್ ಬೆಳಕಿನ ವಿರುದ್ಧವಾದ ಪ್ಲಸಿಬೊ ಹರ್ಪೆಸ್ ಲಬಿಯಲಿಸ್‌ನ ಚಿಕಿತ್ಸೆಗಾಗಿನ ಪರಿಣಾಮಗಳ ಹೋಲಿಸುವಿಕೆಯ ಯಾದೃಚ್ಛಿಕವಾದ ಡಬಲ್‌-ಬ್ಲೈಂಡ್‌ ಅಧ್ಯಯನ. ಕ್ಲಿನ್‌ ಎಕ್ಸ್‌ಪೆರಿಮೆಂಟ್ ಡರ್ಮಟಾಲ್‌. 2006 ಸೆ;31(5):638-41.ಪಿ ಎಮ್ ಐ ಡಿ 19765993
  24. http://books.google.com/books?id=E7-9unTgJrwC&pg=PA33&lpg=PA33&dq=ಇನ್‌ಫ್ರಾ‌ರೆಡ್‌+protective+goggles
  25. "Global Sources of Greenhouse Gases". Emissions of Greenhouse Gases in the United States 2000. Energy Information Administration. 2002-05-02. Archived from the original on 2012-08-01. Retrieved 2007-08-13. 
  26. "Clouds & Radiation". Retrieved 2007-08-12. 
  27. ಹರ್ಶೆಲ್ ಕಂಡುಹಿಡಿದ ನಸುಕೆಂಪು ಕಿರಣಗಳು

ಬಾಹ್ಯ ಕೊಂಡಿಗಳು[ಬದಲಾಯಿಸಿ]