ಆಕ್ಲೆಂಡ್‌

ವಿಕಿಪೀಡಿಯ ಇಂದ
ಇಲ್ಲಿಗೆ ಹೋಗು: ಸಂಚರಣೆ, ಹುಡುಕು
This article is about the Auckland metropolitan area. For the territorial authority within the metropolitan area, see Auckland City. For the region encompassing the Auckland metropolitan area, see Auckland Region. For all other uses, see Auckland (disambiguation).
Auckland
Tāmaki-makau-rau (Māori)
Main urban area
New Auckland Infobox Pic Montage 3.jpg
Nickname(s): City of Sails,
Queen City (now rarely used)
Auckland.png
Coordinates ([೧]): 36°50′25.50″S 174°44′23.53″E / 36.8404167°S 174.7398694°E / -36.8404167; 174.7398694
Country  New Zealand
Island North Island
Region Auckland Region
Territorial authorities Auckland City
Manukau City
Waitakere City
North Shore City
Papakura District
Rodney District (part)
Franklin District (part)
Settled by Māori c. 1350
Settled by Europeans 1840
Electorates
Government
 • Mayor(s)
Area
 • Urban ೧,೦೮೬
Highest elevation ೧೯೬
Lowest elevation
Population (June 2010 estimate)[೨]
Time zone NZST (UTC+12)
 • Summer (DST) NZDT (UTC+13)
Area code(s) 09
Local iwi Ngāti Ākarana
Website http://www.aucklandnz.com/

ಆಕ್ಲೆಂಡ್‌ ಮಹಾನಗರದ ಪ್ರದೇಶ ವು (ಸಾಮಾನ್ಯವಾಗಿ ...pronounced /ˈɔːklənd/), ನ್ಯೂಜಿಲೆಂಡ್‌‌ನ ನಾರ್ತ್‌ ಐಲೆಂಡ್‌‌‌ನಲ್ಲಿರುವ ಅತ್ಯಂತ ದೊಡ್ಡ ಮತ್ತು ಅತ್ಯಂತ ಜನನಿಬಿಡವಾದ, ದೇಶದಲ್ಲಿನ ನಗರ ಪ್ರದೇಶವಾಗಿದ್ದು, ೧.೪ ದಶಲಕ್ಷ ನಿವಾಸಿಗಳಷ್ಟು ಪ್ರಮಾಣಕ್ಕೆ ಸಮೀಪಿಸುತ್ತಿರುವ ಒಂದು ಜನಸಂಖ್ಯೆಯೊಂದಿಗೆ, ಅದು ದೇಶದ ಜನಸಂಖ್ಯೆಯ ...Expression error: Unrecognized punctuation character "�".ನಷ್ಟು ಪ್ರತಿಶತ ಪ್ರಮಾಣವನ್ನು ಹೊಂದಿದಂತಾಗಿದೆ.ನಷ್ಟು ಪ್ರತಿಶತ ಪ್ರಮಾಣವನ್ನು ಹೊಂದಿದಂತಾಗಿದೆ.[೨] ಜನಸಂಖ್ಯಾಶಾಸ್ತ್ರದ ಪ್ರವೃತ್ತಿಗಳು ಸೂಚಿಸುವ ಪ್ರಕಾರ, ದೇಶದ ಉಳಿದ ಭಾಗಗಳಿಗಿಂತ ವೇಗವಾಗಿ ಬೆಳೆಯುವುದನ್ನು ಇದು ಮುಂದುವರಿಸಲಿದೆ. ಹೆಚ್ಚುತ್ತಲೇ ಇರುವ ವಿಶ್ವದ ಎಲ್ಲಾ ಭಾಗಗಳಿಗೆ ಸೇರಿದ ಜನರನ್ನೊಳಗೊಂಡಿರುವ ಆಕ್ಲೆಂಡ್‌, ವಿಶ್ವದಲ್ಲಿನ[೩] ಯಾವುದೇ ನಗರದ ಪೈಕಿ ಪಾಲಿನೀಷಿಯಾದವರ ಅತ್ಯಂತ ದೊಡ್ಡ ಜನಸಂಖ್ಯೆಯನ್ನು ಹೊಂದಿದೆ ಮತ್ತು ಕಳೆದ ಎರಡು ದಶಕಗಳಲ್ಲಿ ಏಷ್ಯಾದ ಜನಾಂಗೀಯತೆಗೆ ಸೇರಿದ ಅನೇಕ ಜನರು ಅಲ್ಲಿಗೆ ಬಂದು ಸೇರಿಕೊಂಡಿರುವುದನ್ನು ಅದು ಕಂಡಿದೆ. ಮಯೋರಿ ಭಾಷೆಯಲ್ಲಿ ಆಕ್ಲೆಂಡ್‌ನ ಹೆಸರು ಟಾಮಕಿ-ಮಕಾವು-ರೌ ಎಂದಾಗಿದೆ, ಅಥವಾ ಆಕ್ಲೆಂಡ್‌ನ ಲಿಪ್ಯಂತರ ಮಾಡಲ್ಪಟ್ಟ ರೂಪಾಂತರವು ಆಕರಾನ ಎಂಬುದಾಗಿದೆ.

೨೦೦೯ರ ಮರ್ಸೆರ್‌ ಕ್ವಾಲಿಟಿ ಆಫ್‌ ಲಿವಿಂಗ್‌ ಸರ್ವೆಯು ತನ್ನ ಪಟ್ಟಿಯಲ್ಲಿ ಆಕ್ಲೆಂಡ್‌ಗೆ ವಿಶ್ವದಲ್ಲಿನ ೪ನೇ ಸ್ಥಾನವನ್ನು ನೀಡಿದ್ದರೆ, ದಿ ಇಕನಾಮಿಸ್ಟ್‌‌ನ ೨೦೧೦ರ ವಿಶ್ವದ ಅತ್ಯಂತ ವಾಸಯೋಗ್ಯ ನಗರಗಳ ಸೂಚಿಯು ಆಕ್ಲೆಂಡ್‌ನ್ನು ೧೦ನೇ ಸ್ಥಾನದಲ್ಲಿ ಇರಿಸಿದೆ. ೨೦೦೮ರಲ್ಲಿ, ಲೌಬರೋ ವಿಶ್ವವಿದ್ಯಾಲಯದಿಂದ ಕೈಗೊಳ್ಳಲ್ಪಟ್ಟ ವಿಶ್ವ ನಗರಗಳ ಅಧ್ಯಯನ ಸಮೂಹದ ತಪಶೀಲು ಪಟ್ಟಿಯಲ್ಲಿ ಆಕ್ಲೆಂಡ್‌ ಒಂದು ಆಲ್ಫಾ-ನಗರ ಎಂಬುದಾಗಿ ವರ್ಗೀಕರಿಸಲ್ಪಟ್ಟಿದ್ದು, ಈ ಮಾನ್ಯತೆಯನ್ನು ಪಡೆಯುವಲ್ಲಿ ಇದು ದೇಶದಲ್ಲಿನ ಏಕೈಕ ನಗರವಾಗಿದೆ.[೪]

ಪೂರ್ವಕ್ಕಿರುವ ಶಾಂತಮಹಾಸಾಗರದ ಹೌರಾಕಿ ಕೊಲ್ಲಿ, ಆಗ್ನೇಯಕ್ಕಿರುವ ಕೆಳಭಾಗದ ಹಾನುವಾ ಪರ್ವತ ಶ್ರೇಣಿಗಳು, ನೈಋತ್ಯಕ್ಕಿರುವ ಮನುಕಾವು ಬಂದರು, ಮತ್ತು ಪಶ್ಚಿಮ ಹಾಗೂ ವಾಯವ್ಯಕ್ಕಿರುವ ವೈಟಕೇರ್‌ ಪರ್ವತ ಶ್ರೇಣಿಗಳು ಮತ್ತು ಸಣ್ಣಗಾತ್ರದ ಪರ್ವ ಶ್ರೇಣಿಗಳು ಇವುಗಳ ನಡುವೆ ಆಕ್ಲೆಂಡ್‌ ನೆಲೆಗೊಂಡಿದೆ. ಟಾಸ್ಮನ್‌ ಸಮುದ್ರದ ಮೇಲಿನ ಮನುಕಾವು ಬಂದರು ಹಾಗೂ ಶಾಂತಮಹಾಸಾಗರದ ಮೇಲಿನ ವೈಟ್‌ಮೇಟಾ ಬಂದರು ಇವುಗಳ ನಡುವಿನ ಒಂದು ಕಿರಿದಾದ ಭೂಸಂಧಿಯನ್ನು ನಗರದ ಪ್ರದೇಶದ ಕೇಂದ್ರಭಾಗವು ಆಕ್ರಮಿಸಿಕೊಳ್ಳುತ್ತದೆ. ಪ್ರತ್ಯೇಕವಾದ ಎರಡು ಪ್ರಮುಖ ಜಲಭಾಗಗಳ ಮೇಲೆ ಬಂದರುಗಳನ್ನು ಹೊಂದುವುದಕ್ಕೆ ಸಂಬಂಧಿಸಿದಂತೆ ಇದು ವಿಶ್ವದಲ್ಲಿನ ಕೆಲವೇ ನಗರಗಳ ಪೈಕಿ ಒಂದೆನಿಸಿದೆ.

ಇತಿಹಾಸ[ಬದಲಾಯಿಸಿ]

ಮುಖ್ಯ ಲೇಖನ ಹಿಸ್ಟರಿ ಆಫ್‌ ಆಕ್ಲೆಂಡ್‌

ಹಿಂದಿನ ಮಯೋರಿ ಮತ್ತು ಯುರೋಪಿಯನ್ನರು[ಬದಲಾಯಿಸಿ]

೧೩೫೦ರ ಸುಮಾರಿಗೆ ಈ ಭೂಸಂಧಿಯಲ್ಲಿ ಮಯೋರಿ ಜನಾಂಗದವರು ನೆಲೆಗೊಂಡರು ಮತ್ತು ಈ ಭೂಸಂಧಿಯು ಹೊಂದಿದ್ದ ಸಮೃದ್ಧವಾದ ಮತ್ತು ಫಲವತ್ತಾದ ಭೂಮಿಯಿಂದಾಗಿ ಅದಕ್ಕೆ ಹೆಚ್ಚಿನ ಮೌಲ್ಯ ದೊರೆಯಿತು. ಪಾ (ಕೋಟೆಕಟ್ಟಿ ರಕ್ಷಣೆ ಒದಗಿಸಲ್ಪಟ್ಟ ಹಳ್ಳಿಗಳು) ಎಂದು ಕರೆಯಲ್ಪಡುವ ಅನೇಕ ಹಳ್ಳಿಗಳು ಮುಖ್ಯವಾಗಿ ಅಗ್ನಿಪರ್ವತದಿಂದಾದ ಶಿಖರಗಳ ಮೇಲೆ ಸೃಷ್ಟಿಸಲ್ಪಟ್ಟವು. ಯುರೋಪಿಯನ್ನರ ಆಗಮನವಾಗುವುದಕ್ಕೆ ಮುಂಚೆ ಈ ಪ್ರದೇಶದಲ್ಲಿನ ಮಯೋರಿ ಜನಸಂಖ್ಯೆಯು ಸುಮಾರು ೨೦,೦೦೦ದಷ್ಟಿತ್ತು ಎಂದು ಅಂದಾಜಿಸಲಾಗಿದೆ.[೫][೬] ತರುವಾಯ ಆದ ಫಿರಂಗಿ-ಬಂದೂಕು ಮೊದಲಾದವುಗಳ ಪರಿಚಯವು ಉತ್ತರದ ಭೂಮಿಯಲ್ಲಿ ಶುರುವಾಗಿ, ಶಕ್ತಿಯ ಸಮತೋಲನವನ್ನು ತಲೆಕೆಳಗುಮಾಡಿ ಬುಡಕಟ್ಟಿನ-ನಡುವಣದ ವಿಧ್ವಂಸಕ ಹೋರಾಟಕ್ಕೆ ಕಾರಣವಾಯಿತು. ಇದರಿಂದಾಗಿ ಹೊಸ ಆಯುಧಗಳ ಕೊರತೆಯನ್ನು ಎದುರಿಸಿದ ಐವಿ ಜನರು ಕಡಲತೀರದ ದಾಳಿಗಳಿಗೆ ಕಡಿಮೆ ಪ್ರಮಾಣದಲ್ಲಿ ಒಡ್ಡಿಕೊಂಡಿದ್ದ ಪ್ರದೇಶಗಳಲ್ಲಿ ಆಶ್ರಯವನ್ನು ಪಡೆಯುವಂತಾಯಿತು. ಇದರ ಪರಿಣಾಮವಾಗಿ, ಯುರೋಪಿಯನ್ನರ ನ್ಯೂಜಿಲೆಂಡ್‌ನ ವಸಾಹತು ಪ್ರಾರಂಭವಾದಾಗ, ಈ ಪ್ರದೇಶದಲ್ಲಿ ಮಯೋರಿ ಜನರ ಸಂಖ್ಯೆಯು ತುಲನಾತ್ಮಕವಾಗಿ ಕಡಿಮೆಯಾಗಿತ್ತು. ಅದಾಗ್ಯೂ, ಯುರೋಪಿಯನ್ನರ ಒಂದು ಅನಿವಾರ್ಯವಾದ ಕಾರ್ಯನೀತಿಯಿಂದಾಗಿ ಈ ಸನ್ನಿವೇಶವು ಉದ್ಭವಿಸಿತು ಎಂಬುದನ್ನು ಸೂಚಿಸುವ ಯಾವುದೇ ಪುರಾವೆಗಳಿಲ್ಲ.[೭][೮] ಒಟ್ಯಾಗೊ ಹಾಗೂ ಸಿಡ್ನಿಯ ವೆಲ್ಲರ್‌ ಸೋದರರ ಪೈಕಿಯ ಅತ್ಯಂತ ಹಿರಿಯನಾದ ಜೋಸೆಫ್‌ ಬ್ರೂಕ್ಸ್‌ ವೆಲ್ಲರ್‌ ಎಂಬಾತ ೧೮೩೨ರ ಜನವರಿ ೨೭ರಂದು, ಆಧುನಿಕ ನಗರಗಳಾದ ಆಕ್ಲೆಂಡ್‌ನ ಹಾಗೂ ನಾರ್ತ್‌ ಷೋರ್‌ನ ತಾಣಗಳು ಹಾಗೂ ರಾಡ್ನಿ ಜಿಲ್ಲೆಯ ಭಾಗವನ್ನು ಒಳಗೊಂಡಿರುವ ಭೂಭಾಗವನ್ನು "ಕೋಹಿ ರಂಗಟಿರಾ" ಎಂಬಾತನಿಂದ "ಒಂದು ಬೃಹತ್‌ ಪೀಪಾಯಿಯಷ್ಟು ಪುಡಿಗೆ" ಖರೀದಿಸಿದ.[೯]

೧೮೪೦ರ ಫೆಬ್ರುವರಿಯಲ್ಲಿ ವೈಟಾಂಗಿಯ ಒಡಂಬಡಿಕೆಗೆ ಸಹಿಮಾಡಿದ ನಂತರ, ನ್ಯೂಜಿಲೆಂಡ್‌ನ ಹೊಸ ರಾಜ್ಯಪಾಲನಾದ ವಿಲಿಯಂ ಹಾಬ್ಸನ್‌ ಎಂಬಾತ ಈ ಪ್ರದೇಶವನ್ನು ತನ್ನ ಹೊಸ ರಾಜಧಾನಿಯನ್ನಾಗಿ ಆರಿಸಿಕೊಂಡ, ಮತ್ತು ಅಂದಿನ ಭಾರತದ ವೈಸ್‌ರಾಯ್‌ ಆಗಿದ್ದ, ಆಕ್ಲೆಂಡ್‌ನ ಅರ್ಲ್‌ ಪದವಿಯ ಜಾರ್ಜ್‌ ಈಡನ್‌‌‌ನ ಹೆಸರನ್ನಿಟ್ಟ.[೧೦] ಯಾವ ಭೂಮಿಯ ಮೇಲೆ ಆಕ್ಲೆಂಡ್‌ ಸ್ಥಾಪಿಸಲ್ಪಟ್ಟಿತೋ ಅದನ್ನು ಸ್ಥಳೀಯ ಮವೋರಿ ಐವಿ ಜನಾಂಗದ ವ್ಯಕ್ತಿಯಾದ ನ್ಗಾಟಿ ವಾಟುವಾ ಎಂಬಾತ ರಾಜ್ಯಪಾಲನಿಗೆ ಕೊಡುಗೆಯಾಗಿ ನೀಡಿದ. ಹೃತ್ಪೂರ್ವಕತೆಯ ಒಂದು ಸಂಕೇತವಾಗಿ ಮತ್ತು ಐವಿ ಜನಾಂಗದವರ ಪಾಲಿಗೆ ನಗರವೊಂದರ ನಿರ್ಮಾಣವು ವಾಣಿಜ್ಯ ಮತ್ತು ರಾಜಕೀಯ ಅವಕಾಶಗಳನ್ನು ಹೊತ್ತುತರಲಿದೆ ಎಂಬ ಭರವಸೆಯಲ್ಲಿ ಆತ ಈ ಕೊಡುಗೆಯನ್ನು ನೀಡಿದ.

ಆಕ್ಲೆಂಡ್‌ ನ್ಯೂಜಿಲೆಂಡ್‌ನ ರಾಜಧಾನಿಯಾಗಿ ೧೮೪೧ರಲ್ಲಿ[೧೧] ಅಧಿಕೃತವಾಗಿ ಘೋಷಿಸಲ್ಪಟ್ಟಿತು, ಮತ್ತು ಬೇ ಆಫ್‌ ಐಲೆಂಡ್ಸ್‌ನಲ್ಲಿದ್ದ ರಸ್ಸೆಲ್‌ನಿಂದ (ಈಗ ಹಳೆಯ ರಸ್ಸೆಲ್‌) ಆಡಳಿತದ ವರ್ಗಾವಣೆಯು ೧೮೪೨ರಲ್ಲಿ ಸಂಪೂರ್ಣಗೊಂಡಿತು. ಅದಾಗ್ಯೂ, ಪೋರ್ಟ್‌ ನಿಕೋಲ್ಸನ್‌‌‌‌ (ನಂತರದಲ್ಲಿ ವೆಲಿಂಗ್ಟನ್‌) ಸೌತ್‌ ಐಲೆಂಡ್‌‌‌ಗೆ ಹೊಂದಿದ್ದ ಸಾಮೀಪ್ಯತೆಯಿಂದಾಗಿ ಮತ್ತು ಅದು ಅತ್ಯಂತ ಹೆಚ್ಚು ಕ್ಷಿಪ್ರವಾಗಿ ನೆಲೆಗೊಳ್ಳುತ್ತಿದ್ದ ಕಾರಣದಿಂದಾಗಿ, ಒಂದು ಆಡಳಿತಾತ್ಮಕ ರಾಜಧಾನಿಗೆ ಸಂಬಂಧಿಸಿದಂತೆ ೧೮೪೦ರಲ್ಲೇ ಅದನ್ನು ಒಂದು ಉತ್ತಮ ಆಯ್ಕೆಯಾಗಿ ಕಾಣಲಾಗಿತ್ತು, ಮತ್ತು ೧೮೬೫ರಲ್ಲಿ ವೆಲಿಂಗ್ಟನ್‌ ರಾಜಧಾನಿಯಾಯಿತು. ೧೮೭೬ರಲ್ಲಿ ಪ್ರಾಂತೀಯ ವ್ಯವಸ್ಥೆಯು ರದ್ದುಮಾಡಲ್ಪಡುವವರೆಗೂ ಆಕ್ಲೆಂಡ್‌ ಪ್ರಾಂತದ ಪ್ರಮುಖ ನಗರದ ಸ್ಥಾನವನ್ನು ಆಕ್ಲೆಂಡ್‌ ಅಲಂಕರಿಸಿತ್ತು.

ಇಂದಿನವರೆಗಿನ ಬೆಳವಣಿಗೆ[ಬದಲಾಯಿಸಿ]

೧೮೬೦ರ ದಶಕದ ಆರಂಭದಲ್ಲಿ, ಮಯೋರಿ ರಾಜರ ಆಂದೋಲನದ ವಿರುದ್ಧದ ಒಂದು ನೆಲೆಯಾಗಿ ಆಕ್ಲೆಂಡ್‌ ಮಾರ್ಪಟ್ಟಿತು. ಇದು, ಹಾಗೂ ದಕ್ಷಿಣದ ವೈಕಾಟೊ ಕಡೆಗಿನ ಮುಂದುವರಿದ ರಸ್ತೆಯ ನಿರ್ಮಾಣವು, ಆಕ್ಲೆಂಡ್‌ನಿಂದ ಪಾಕೆಹಾ (ಯುರೋಪಿಯನ್‌ ನ್ಯೂಜಿಲೆಂಡ್ ಜನರು) ಪ್ರಭಾವವು ಹರಡಲು ಕಾರಣವಾಯಿತು. ೧೮೪೧ರಲ್ಲಿ ೧,೫೦೦ರಷ್ಟಿದ್ದ ಇದರ ಜನಸಂಖ್ಯೆಯು ಸಾಕಷ್ಟು ಕ್ಷಿಪ್ರವಾಗಿ ಬೆಳೆದು, ೧೮೬೪ರ ವೇಳೆಗೆ ೧೨,೪೨೩ರಷ್ಟಕ್ಕೆ ಮುಟ್ಟಿತು. ಇತರ ವಾಣಿಜ್ಯದ-ಪ್ರಾಬಲ್ಯದ ನಗರಗಳಲ್ಲಿ, ಅದರಲ್ಲೂ ಮುಖ್ಯವಾಗಿ ಬಂದರಿನ ಸುತ್ತಮುತ್ತ ಇದ್ದ ಹಾಗೂ ಕಿಕ್ಕಿರಿದ ಜನಸಂದಣಿ ಮತ್ತು ಮಾಲಿನ್ಯದ ಸಮಸ್ಯೆಗಳೊಂದಿಗಿನ ನಗರಗಳಲ್ಲೂ ಇದೇ ರೀತಿಯ ಬೆಳವಣಿಗೆಯು ಸಂಭವಿಸಿತು.

೨೦ನೇ ಶತಮಾನದ ಆರಂಭಿಕ ಪ್ರಥಮಾರ್ಧದಲ್ಲಿ ಟ್ರಾಮ್‌ಗಳು ಮತ್ತು ರೈಲ್ವೆ ಮಾರ್ಗಗಳು ಆಕ್ಲೆಂಡ್‌ನ ಕ್ಷಿಪ್ರ ವಿಸ್ತರಣೆಗೆ ಆಕಾರ ನೀಡಿದವಾದರೂ, ಅದಾದ ಕೆಲವೇ ದಿನಗಳಲ್ಲಿ ಮೋಟಾರು ವಾಹನದ ಪ್ರಾಬಲ್ಯವು ಹೊರಹೊಮ್ಮಿತು ಮತ್ತು ಅಲ್ಲಿಂದೀಚೆಗೆ ಅದಿನ್ನೂ ತಗ್ಗಿಲ್ಲ; ಪ್ರಧಾನ ರಸ್ತೆಗಳು ಮತ್ತು ಮೋಟಾರು ಹಾದಿಗಳು ನಗರದ ಭೂದೃಶ್ಯವನ್ನು ವಿಶದೀಕರಿಸುವ ಹಾಗೂ ಭೌಗೋಳಿಕವಾಗಿ ವಿಭಜಿಸುವ ಎರಡೂ ರೀತಿಯ ಲಕ್ಷಣಗಳಾಗಿ ಮಾರ್ಪಟ್ಟಿವೆ. ಅವು ಮತ್ತಷ್ಟು ಹೆಚ್ಚಿನ ಪ್ರಮಾಣದ ವಿಸ್ತರಣೆಗೂ ಅವಕಾಶ ನೀಡಿದ್ದರಿಂದಾಗಿ, ನಾರ್ತ್‌ ಷೋರ್‌ (ವಿಶೇಷವಾಗಿ ಆಕ್ಲೆಂಡ್‌ ಬಂದರು ಸೇತುವೆಯ ನಿರ್ಮಾಣವಾದ ನಂತರ), ಮತ್ತು ದಕ್ಷಿಣದಲ್ಲಿರುವ ಮನುಕಾವು ನಗರದಂಥ ಸಂಬಂಧಿತ ನಗರದ ಪ್ರದೇಶಗಳ ಬೆಳವಣಿಗೆಯು ಕಂಡುಬಂತು.

ಆಕ್ಲೆಂಡ್‌ನ ಒಂದು ಬೃಹತ್‌ ಶೇಕಡಾವಾರು ಭಾಗವು ಹೆಚ್ಚಿನ ರೀತಿಯಲ್ಲಿ ಒಂದು ಉಪನಗರದ ಕಟ್ಟಡ ಶೈಲಿಯ ಪ್ರಾಬಲ್ಯವನ್ನು ಹೊಂದಿರುವುದರಿಂದ, ಅದು ನಗರಕ್ಕೆ ಒಂದು ಅತ್ಯಂತ ಕಡಿಮೆ ಜನಸಂಖ್ಯೆ ದಟ್ಟಣೆಯನ್ನು ನೀಡಿದೆ. ಇತರ ಅತೀವ-ದಟ್ಟಣೆಯ ನಗರಗಳಿಗೆ ಹೋಲಿಸಿದಾಗ, ಸಾರ್ವಜನಿಕ ಸಾರಿಗೆಯಂಥ ಇಲ್ಲಿನ ಕೆಲವೊಂದು ಸೇವೆಗಳು ಹೆಚ್ಚು ದುಬಾರಿಯಾಗಿವೆ. ಆದರೂ ಸಹ, ನ್ಯೂಜಿಲೆಂಡ್‌ ಜನಸಂಖ್ಯೆಯ ಇತರ ಭಾಗಗಳನ್ನು ಹೋಲುವ ರೀತಿಯಲ್ಲಿ ಆಕ್ಲೆಂಡ್‌ ನಿವಾಸಿಗಳು ಈಗಲೂ ಏಕ-ಕುಟುಂಬ ವಾಸದ ಸ್ಥಳಗಳಲ್ಲಿ ವಾಸಿಸಬಲ್ಲಷ್ಟು ಸಮರ್ಥರಾಗಿದ್ದಾರೆ. ಆದರೂ, ಸ್ಥಳದ ಗಾತ್ರಗಳು ಇತರ ಅನೇಕ ಕೇಂದ್ರಗಳಿಗಿಂತ ಸಣ್ಣದಾಗಿರುವುದರ ಕಡೆಗೆ ಒಲವು ಹೊಂದಿವೆ.

ವೈಟ್‌ಮೇಟಾ ಬಂದರಿನಿಂದ ಕಾಣುವ ಆಕ್ಲೆಂಡ್‌ CBD ನೋಟ

ಭೂಗೋಳ ಮತ್ತು ಹವಾಮಾನ[ಬದಲಾಯಿಸಿ]

ಉತ್ತರದ ಶಿರೋಭಾಗದಿಂದ ಕಾಣುವ ರಂಗಿಟೊಟೊ ದ್ವೀಪ.

ಜ್ವಾಲಾಮುಖಿಗಳು[ಬದಲಾಯಿಸಿ]

ಸರಿಸುಮಾರು ೫೦ ಜ್ವಾಲಾಮುಖಿಗಳನ್ನು ಸೃಷ್ಟಿಸಿರುವ ಆಕ್ಲೆಂಡ್‌ ಜ್ವಾಲಾಮುಖೀಯ ಕ್ಷೇತ್ರದ ಎರಡೂ ಕಡೆ ಆಕ್ಲೆಂಡ್‌ ವ್ಯಾಪಿಸುತ್ತದೆ. ಇವು ಶಂಕುವಿನಾಕಾರದ ದಿಬ್ಬಗಳು, ಸರೋವರಗಳು, ಆವೃತ ಜಲಭಾಗಗಳು, ದ್ವೀಪಗಳು ಮತ್ತು ತಗ್ಗುಗಳ ಸ್ವರೂಪವನ್ನು ತಳೆಯುತ್ತವೆ, ಮತ್ತು ಹಲವಾರು ನಿದರ್ಶನಗಳಲ್ಲಿ ವ್ಯಾಪಕವಾದ ಲಾವಾರಸ ಹರಿವುಗಳು ಸೃಷ್ಟಿಯಾಗಿವೆ. ಶಂಕುವಿನಾಕಾರದ ದಿಬ್ಬಗಳ ಪೈಕಿ ಬಹುಪಾಲು ಆಂಶಿಕವಾಗಿ ಅಥವಾ ಸಂಪೂರ್ಣವಾಗಿ ಕಲ್ಲು ಗಣಿಗಾರಿಕೆಗೆ ಈಡಾಗಿ ತೆಗೆಯಲ್ಪಟ್ಟಿವೆ. ಪ್ರತ್ಯೇಕ ಜ್ವಾಲಾಮುಖಿಗಳೆಲ್ಲವೂ ಅಸ್ತಿತ್ವದಲ್ಲಿಲ್ಲದವುಗಳೆಂದು ಪರಿಗಣಿಸಲ್ಪಟ್ಟಿದ್ದರೂ ಸಹ, ಜ್ವಾಲಾಮುಖೀಯ ಕ್ಷೇತ್ರವು ಸ್ವತಃ ಕೇವಲ ಸುಪ್ತವಾಗಿದೆ (ಸ್ತಬ್ದ ಅಥವಾ ಬೆಂಕಿಯನ್ನು ಹೊರಕಾರದ ಲಕ್ಷಣವನ್ನು ಹೊಂದಿದೆ).

ಮೌಂಟ್‌ ರುವಾಪೆಹು ಮತ್ತು ಲೇಕ್‌ ಟೌಪೊಗಳಲ್ಲಿ ಕಂಡುಬರುವ ರೀತಿಯಲ್ಲಿರುವ, ಮಧ್ಯದ ನಾರ್ತ್‌ ಐಲೆಂಡ್‌ನಲ್ಲಿನ ರಾಚನಿಕ ಪದರ ಜಮಾವಣೆ‌-ಪ್ರಚೋದಿತವಾದ ಸ್ಫೋಟಕ ಜ್ವಾಲಾಮುಖೀಯತೆಗಿಂತ ಭಿನ್ನವಾಗಿರುವ ಆಕ್ಲೆಂಡ್‌ನ ಜ್ವಾಲಾಮುಖಿಗಳು, ಬಸಾಲ್ಟ್‌ ಅಗ್ನಿಶಿಲೆಯ ಶಿಲಾಪಾಕದಿಂದ ಸಂಪೂರ್ಣವಾಗಿ ಪ್ರೇರೇಪಿಸಲ್ಪಡುತ್ತವೆ.[೧೨] ತೀರಾ ಇತ್ತೀಚಿನ ಮತ್ತು ಇದುವರೆಗಿನ ಅತ್ಯಂತ ದೊಡ್ಡ ಜ್ವಾಲಾಮುಖಿಯಾದ ರಂಗಿಟೊಟೊ ದ್ವೀಪವು ಕಳೆದ ೧೦೦೦ ವರ್ಷಗಳೊಳಗೆ ರೂಪುಗೊಂಡಿತು, ಮತ್ತು ಇದರ ಚಿಮ್ಮುವಿಕೆಗಳು ನೆರೆಯ ಮೊಟುಟಾಪು ದ್ವೀಪದಲ್ಲಿದ್ದ ಮಯೋರಿ ವಸಾಹತುಗಳನ್ನು ಸುಮಾರು ೭೦೦ ವರ್ಷಗಳ ಹಿಂದೆ ನಾಶಮಾಡಿದವು. ರಂಗಿಟೊಟೊದ ಗಾತ್ರ, ಅದರ ಸಮ್ಮಿತಿ, ವೈಟ್‌ಮೇಟಾ ಬಂದರಿಗೆ ಇರುವ ಪ್ರವೇಶದ್ವಾರವನ್ನು ಕಾಯುತ್ತಿರುವ ಅದರ ಸ್ಥಾನ ಹಾಗೂ ಆಕ್ಲೆಂಡ್‌ ಪ್ರದೇಶದ ಅನೇಕ ಭಾಗಗಳಿಂದ ಇರುವ ಅದರ ಗೋಚರತ್ವ ಇವೆಲ್ಲವೂ ಅದನ್ನು ಆಕ್ಲೆಂಡ್‌ನ ಅತ್ಯಂತ ಸಾಂಪ್ರದಾಯಿಕ ಮಾದರಿಯ ಸ್ವಾಭಾವಿಕ ಲಕ್ಷಣವನ್ನಾಗಿಸಿವೆ. ದ್ವೀಪದಲ್ಲಿ ಕಂಡುಬರುವ ಆಮ್ಲೀಯ ಮಣ್ಣು, ಹಾಗೂ ಬಂಡೆಯಂತಿರುವ ಮಣ್ಣಿನಿಂದ ಬಲೆಯುವ ಸಸ್ಯವರ್ಗದ ಬಗೆಯ ಕಾರಣದಿಂದಾಗಿ ಕೆಲವೇ ಪಕ್ಷಿಗಳು ಮತ್ತು ಕೀಟಗಳು ಈ ದ್ವೀಪದಲ್ಲಿ ವಾಸಿಸುತ್ತವೆ.

ಅಂತರಿಕ್ಷದಿಂದ ಕಂಡಂತೆ ಆಕ್ಲೆಂಡ್‌ ಹಾಗೂ ಒಳಗಿನ ಹೌರಾಕಿ ಕೊಲ್ಲಿ.

ಬಂದರುಗಳು ಮತ್ತು ಕೊಲ್ಲಿ[ಬದಲಾಯಿಸಿ]

ಒಂದು ಭೂಸಂಧಿಯ ಮೇಲೆ ಮತ್ತು ಅದರ ಸುತ್ತಲೂ ಆಕ್ಲೆಂಡ್‌ ನೆಲೆಗೊಂಡಿದೆ. ತನ್ನ ಅತ್ಯಂತ ಕಿರಿದಾದ ಭಾಗದಲ್ಲಿ ಎರಡು ಕಿಲೋಮೀಟರುಗಳಿಗೂ ಕಡಿಮೆಯಿರುವ ಅಗಲವನ್ನು ಹೊಂದಿರುವ ಈ ಭೂಸಂಧಿಯು, ಮಾನ್‌ಗೆರೆ ಖಾರಿ ಮತ್ತು ತಮಾಕಿ ನದಿಯ ನಡುವಣ ಅದು ಕಂಡುಬರುತ್ತದೆ. ಈ ಭೂಸಂಧಿಯನ್ನು ಸುತ್ತುವರೆದಿರುವ ಆಕ್ಲೆಂಡ್‌ ನಗರದ ಪ್ರದೇಶದಲ್ಲಿ ಎರಡು ಬಂದರುಗಳಿವೆ: ಮೊದಲನೆಯದು ಉತ್ತರಕ್ಕಿರುವ ವೈಟ್‌ಮೇಟಾ ಬಂದರು; ಇದು ಪೂರ್ವಕ್ಕೆ ಹೌರಾಕಿ ಕೊಲ್ಲಿಯೆಡೆಗೆ ತೆರೆದುಕೊಳ್ಳುತ್ತದೆ. ಎರಡನೆಯದು ದಕ್ಷಿಣಕ್ಕಿರುವ ಮನುಕಾವು ಬಂದರು; ಇದು ಪಶ್ಚಿಮಕ್ಕೆ ಟಾಸ್ಮನ್‌ ಸಮುದ್ರದೆಡೆಗೆ ತೆರೆದುಕೊಳ್ಳುತ್ತದೆ.

ಎರಡೂ ಬಂದರುಗಳ ಭಾಗಗಳನ್ನು ಸೇತುವೆಗಳು ವ್ಯಾಪಿಸುತ್ತವೆ. ಗಮನಾರ್ಹವಾಗಿ ಆಕ್ಲೆಂಡ್‌ ಬಂದರು ಸೇತುವೆಯು ಆಕ್ಲೆಂಡ್‌ ಸೆಂಟ್ರಲ್‌ ಬಿಸಿನೆಸ್‌ ಡಿಸ್ಟ್ರಿಕ್ಟ್‌‌ನ (CBD) ಪಶ್ಚಿಮದಲ್ಲಿರುವ ವೈಟ್‌ಮೇಟಾ ಬಂದರನ್ನು ಅಡ್ಡಹಾಯುತ್ತದೆ. ಮಾನ್‌ಗೆರೆ ಸೇತುವೆ ಮತ್ತು ಮೇಲಿನ ಬಂದರಿನ ಸೇತುವೆಗಳು ಕ್ರಮವಾಗಿ ಮನುಕಾವು ಮತ್ತು ವೈಟ್‌ಮೇಟಾ ಬಂದರುಗಳ ಮೇಲ್ಭಾಗದ ಹರವುಗಳನ್ನು ವ್ಯಾಪಿಸುತ್ತವೆ. ಬಹಳ ಹಿಂದಿನ ಕಾಲದಲ್ಲಿ, ದೋಣಿ ಸಾಗಣೆಯ (ಅಥವಾ ಸರಕು ಸಾಗಣೆಯ) ಪಥಗಳು ಭೂಸಂಧಿಯ ಅತ್ಯಂತ ಕಿರಿದಾದ ವಿಭಾಗಗಳನ್ನು ಅಡ್ಡಹಾಯುತ್ತಿದ್ದವು.

ಹೌರಾಕಿ ಕೊಲ್ಲಿಯ ಹಲವಾರು ದ್ವೀಪಗಳು ಆಕ್ಲೆಂಡ್‌ ಮಹಾನಗರದ ಪ್ರದೇಶದ ಅಧಿಕೃತವಾಗಿ ಭಾಗವಲ್ಲದಿದ್ದರೂ ಸಹ, ಆಕ್ಲೆಂಡ್‌ ನಗರವಾಗಿ ಆಡಳಿತ ನಿರ್ವಹಣೆಗೆ ಒಳಗಾಗಿವೆ. ವೈಹೆಕಿ ದ್ವೀಪದ ಭಾಗಗಳು ಆಕ್ಲೆಂಡ್‌ನ ಉಪನಗರಗಳಾಗಿ ಪರಿಣಾಮಕಾರಿಯಾಗಿ ಕಾರ್ಯನಿರ್ವಹಿಸಿದರೆ, ಆಕ್ಲೆಂಡ್‌ ಸಮೀಪದ ಹಲವಾರು ಸಣ್ಣಗಾತ್ರದ ದ್ವೀಪಗಳು ಬಹುತೇಕವಾಗಿ 'ವಿನೋದ-ವಿಹಾರಕ್ಕೆ ಸಂಬಂಧಿಸಿದ ಮುಕ್ತ ತಾಣ'ಗಳಾಗಿ ವರ್ಗೀಕರಿಸಲ್ಪಟ್ಟಿವೆ ಅಥವಾ ಅವು ಪ್ರಕೃತಿಯ ಅಭಯಾರಣ್ಯಗಳಾಗಿವೆ.

ಹವಾಮಾನ[ಬದಲಾಯಿಸಿ]

ಆಕ್ಲೆಂಡ್‌ CBDಯ ನೋಟ.

ಬೆಚ್ಚನೆಯ, ಆರ್ದ್ರತೆಯ ಬೇಸಿಗೆಗಳು ಮತ್ತು ಸೌಮ್ಯ, ಒದ್ದೆಯಾದ ಚಳಿಗಾಲಗಳೊಂದಿಗೆ, ಆಕ್ಲೆಂಡ್‌ ಒಂದು ಬೆಚ್ಚನೆಯ-ಸಮಶೀತೋಷ್ಣದ ಹವಾಮಾನವನ್ನು ಹೊಂದಿದೆ. ಕೊಪ್ಪೆನ್‌ನ ಹವಾಮಾನ ವರ್ಗೀಕರಣದ ಅನುಸಾರ, ಈ ನಗರವು ಒಂದು ಸಾಗರ ಪರಿಣಾಮಿ ಹವಾಮಾನವನ್ನು ಹೊಂದಿದೆ. ಇದು ನ್ಯೂಜಿಲೆಂಡ್‌ನ ಅತ್ಯಂತ ಬೆಚ್ಚನೆಯ ಮುಖ್ಯ ಕೇಂದ್ರವಾಗಿದೆ ಮತ್ತು ಅತ್ಯಂತ ಬಿಸಿಲಿನ ಕೇಂದ್ರಗಳ ಪೈಕಿ ಒಂದು ಎಂಬುದಾಗಿಯೂ ಕರೆಸಿಕೊಂಡಿದೆ; ಪ್ರತಿ ವರ್ಷಕ್ಕೆ ಒಂದು ಸರಾಸರಿ ೨೦೬೦ ಗಂಟೆಗಳಷ್ಟು ಸೂರ್ಯನ ಬೆಳಕನ್ನು ಇದು ಪಡೆಯುತ್ತದೆ.[೧೩] ಇಲ್ಲಿನ ದೈನಂದಿನ ಸರಾಸರಿ ಗರಿಷ್ಟ ತಾಪಮಾನವು ಫೆಬ್ರುವರಿಯಲ್ಲಿ ೨೩.೭ °Cನಷ್ಟಿರುತ್ತದೆ, ಮತ್ತು ಜುಲೈನಲ್ಲಿ ೧೪.೫ °Cನಷ್ಟಿರುತ್ತದೆ. ದಾಖಲಿಸಲ್ಪಟ್ಟಿರುವ ನಿರಪೇಕ್ಷ ಗರಿಷ್ಟ ಪ್ರಮಾಣವು ೩೨.೪ °C[೧೪] ನಷ್ಟಿದ್ದರೆ, ನಿರಪೇಕ್ಷ ಕನಿಷ್ಟ ಪ್ರಮಾಣವು -೨.೫ °Cನಷ್ಟಿದೆ.[೧೩] ಹೆಚ್ಚಿನ ಮಟ್ಟಗಳಲ್ಲಿನ ಮಳೆಬೀಳುವಿಕೆಯು ಹೆಚ್ಚೂಕಮ್ಮಿ ವರ್ಷಾದ್ಯಂತ ಕಂಡುಬರುತ್ತದೆ; ಪ್ರತಿವರ್ಷವೂ ಸರಾಸರಿ ೧೨೪೦ ಮಿ.ಮೀ.ಯಷ್ಟು ಪ್ರಮಾಣದ ಮಳೆಯು ೧೩೭ 'ಮಳೆದಿನಗಳಷ್ಟು' ಅವಧಿಯನ್ನು ವ್ಯಾಪಿಸುತ್ತದೆ.[೧೩] ಬೆಟ್ಟಗಳು, ಭೂಮಿಯ ಹೊದಿಕೆ ಮತ್ತು ಸಮುದ್ರದಿಂದ ಇರುವ ಅಂತರದಂಥ ನಗರದ ಭೌಗೋಳಿಕ ಲಕ್ಷಣಗಳ ಕಾರಣದಿಂದಾಗಿ, ನಗರದ ವಿಭಿನ್ನ ಭಾಗಗಳಲ್ಲಿನ ಹವಾಮಾನದ ಪರಿಸ್ಥಿತಿಗಳು ಬದಲಾಗುತ್ತವೆ. ಆದ್ದರಿಂದ ಪಶ್ಚಿಮ ಆಕ್ಲೆಂಡ್‌ನಲ್ಲಿ ಕಂಡುಬಂದ ೩೪ °Cನಷ್ಟು ಒಂದು ಗರಿಷ್ಟಮಟ್ಟದಂಥ ಅನಧಿಕೃತ ತಾಪಮಾನದ ದಾಖಲೆಗಳು ಅಸ್ತಿತ್ವದಲ್ಲಿವೆ.[೧೪] ೧೯೩೯ರ ಜುಲೈ ೨೭ರಂದು ಆಕ್ಲೆಂಡ್‌ ತನ್ನ ಏಕೈಕ ದಾಖಲಿತ ಹಿಮಸುರಿತವನ್ನು ಸ್ವೀಕರಿಸಿತು.[೧೫]

ಸಮುದ್ರದ ಮೆಲುಗಾಳಿಯು ಹುಟ್ಟುವುದಕ್ಕೆ ಮುಂಚಿತವಾಗಿ, ನೆಲೆಗೊಂಡ ಹವಾಮಾನದ ಅವಧಿಯಲ್ಲಿ ಭೂಸಂಧಿ ಮೇಲಿನ ಮುಂಜಾವಿನ ಶಾಂತತೆಯು ೧೮೫೩ರಷ್ಟು ಹಿಂದಿನ ಕಾಲದಲ್ಲೇ ವರ್ಣಿಸಲ್ಪಟ್ಟಿದೆ: "ಎಲ್ಲಾ ಋತುಗಳಲ್ಲಿಯೂ, ದಿನದ ಸೌಂದರ್ಯವಿರುವುದು ಮುಂಜಾವಿನಲ್ಲೇ. ಆ ಸಮಯದಲ್ಲಿ, ಸಾಮಾನ್ಯವಾಗಿ, ಒಂದು ಗಂಭೀರವಾದ ಪ್ರಶಾಂತತೆ ಆವರಿಸಿಕೊಂಡಿರುತ್ತದೆ, ಮತ್ತು ಒಂದು ನಿಖರವಾದ ಶಾಂತತೆಯದೇ ಮೇಲುಗೈಯಾಗುತ್ತದೆ..." ಅನೇಕ ಆಕ್ಲೆಂಡ್‌ ನಿವಾಸಿಗಳು ದಿನದ ಈ ಸಮಯವನ್ನು ಉದ್ಯಾನವನಗಳಲ್ಲಿ ನಡೆಯಲು ಮತ್ತು ಓಡಲು ವಿನಿಯೋಗಿಸುತ್ತಿದ್ದರು.[೧೬]

ಕಾರು ಮಾಲೀಕತ್ವದ ಪ್ರಮಾಣಗಳು ಅತ್ಯಂತ ಹೆಚ್ಚಿನದಾಗಿರುವುದರಿಂದ ಮತ್ತು ಹೊರಸೂಸುವಿಕೆಗಳ ನಿಯಂತ್ರಣಗಳು ತುಲನಾತ್ಮಕವಾಗಿ ಕಳಪೆಯಾಗಿರುವುದರಿಂದ, ವಾಯು ಮಾಲಿನ್ಯದಿಂದ, ಅದರಲ್ಲೂ ವಿಶೇಷವಾಗಿ ಸೂಕ್ಷ್ಮ ಕಣಗಳ ಹೊರಸೂಸುವಿಕೆಗಳಿಗೆ ಸಂಬಂಧಿಸಿದಂತೆ ಆಕ್ಲೆಂಡ್‌ ತೊಂದರೆಯನ್ನು ಎದುರಿಸುತ್ತಿದೆ.[೧೭] ಇಂಗಾಲದ ಮಾನಾಕ್ಸೈಡ್‌‌ನ ಮಟ್ಟಗಳ ಮಾರ್ಗದರ್ಶಿ ಸೂತ್ರದ ಸಾಂದರ್ಭಿಕ ಉಲ್ಲಂಘನೆಗಳ ನಿದರ್ಶನಗಳೂ ಇಲ್ಲಿ ಕಂಡುಬರುತ್ತಿವೆ.[೧೮] ಸಮುದ್ರ ತೀರದ ಬೀಸುಗಾಳಿಗಳು ಮಾಲಿನ್ಯವನ್ನು ಸಾಕಷ್ಟು ಕ್ಷಿಪ್ರವಾಗಿ ಸಾಮಾನ್ಯವಾಗಿ ಚೆದುರಿಸುತ್ತವೆಯಾದರೂ, ಇದು ಕೆಲವೊಮ್ಮೆ, ಅದರಲ್ಲೂ ವಿಶೇಷವಾಗಿ ಚಳಿಗಾಲದ ಪ್ರಶಾಂತ ದಿನಗಳಲ್ಲಿ ಹೊಗೆಮಂಜಿನ ರೀತಿಯಲ್ಲಿ ಗೋಚರವಾಗುತ್ತದೆ.[೧೯]

Climate data for Auckland
Month Jan Feb Mar Apr May Jun Jul Aug Sep Oct Nov Dec Year
Source: NIWA Science climate data[೨೦]

ಜನರು[ಬದಲಾಯಿಸಿ]

ಸಂಸ್ಕೃತಿಗಳು[ಬದಲಾಯಿಸಿ]

ಜನರು[ಬದಲಾಯಿಸಿ]

ಸಂಸ್ಕೃತಿಗಳು[ಬದಲಾಯಿಸಿ]

2006ರ ಈ ಛಾಯಾಚಿತ್ರದಲ್ಲಿರುವ ಪ್ರಧಾನಮಂತ್ರಿ ಹೆಲೆನ್‌ ಕ್ಲಾರ್ಕ್, ಆಕ್ಲೆಂಡ್‌ನ ಹೊವಾನಿ ವೈಟಿಟಿ ಮಾರೇಗೆ ಆಹ್ವಾನಿಸಲ್ಪಡುತ್ತಿರುವುದು.

ಆಕ್ಲೆಂಡ್‌ ಅನೇಕ ಸಂಸ್ಕೃತಿಗಳಿಗೆ ನೆಲೆಯಾಗಿದೆ. ಬಹುಪಾಲು ನಿವಾಸಿಗಳು ಯುರೋಪಿಯನ್‌ ಮೂಲಕ್ಕೆ- ಅದರಲ್ಲೂ ಪ್ರಧಾನವಾಗಿ ಬ್ರಿಟಿಷ್‌- ಮೂಲಕ್ಕೆ ಸೇರಿದವರಾಗಿದ್ದಾರಾದರೂ, ಗಣನೀಯ ಪ್ರಮಾಣದಲ್ಲಿ ಮಯೋರಿಗಳು, ಪೆಸಿಫಿಕ್‌ ದ್ವೀಪನಿವಾಸಿಗಳು ಮತ್ತು ಏಷ್ಯಾದ ಸಮುದಾಯಗಳಿಗೆ ಸೇರಿದ ಜನರೂ ಇಲ್ಲಿ ಕಂಡುಬರುತ್ತಾರೆ. ವಿಶ್ವದಲ್ಲಿನ ಯಾವುದೇ ನಗರದಲ್ಲಿರುವುದಕ್ಕಿಂತ ಅತ್ಯಂತ ದೊಡ್ಡ ಪ್ರಮಾಣದ ಪಾಲಿನೀಷಿಯಾದವರ ಜನಸಂಖ್ಯೆಯನ್ನು ಮತ್ತು ನ್ಯೂಜಿಲೆಂಡ್‌ನ ಉಳಿದ ಭಾಗಕ್ಕಿಂತ ಹೆಚ್ಚಿನ ಪ್ರಮಾಣದಲ್ಲಿ ಏಷ್ಯಾದ ಮೂಲಕ್ಕೆ ಸೇರಿದ ಜನರ ಒಂದು ಅನುಪಾತವನ್ನು ಆಕ್ಲೆಂಡ್‌ ಹೊಂದಿದೆ. ವಿಶ್ವದ ಎಲ್ಲಾ ಮೂಲೆಗಳಿಗೆ ಸೇರಿದ ಜನಾಂಗೀಯ ಸಮೂಹಗಳು ಆಕ್ಲೆಂಡ್‌ನಲ್ಲಿ ಒಂದು ಹಾಜರಿಯನ್ನು ಹೊಂದಿವೆ; ಇದರಿಂದಾಗಿ ಆಕ್ಲೆಂಡ್‌ ಇದುವರೆಗೆ ವಿಶ್ವದ ಎಲ್ಲಾ ಭಾಗಗಳಿಗೆ ಸೇರಿದ ಜನರನ್ನೊಳಗೊಂಡಿರುವ ದೇಶದ ನಗರವಾಗಿದೆ.

ಜನಸಂಖ್ಯಾಶಾಸ್ತ್ರ[ಬದಲಾಯಿಸಿ]

ಏಷ್ಯಾದ ಜನರ ಮತ್ತು ಯುರೋಪಿಯನ್ನರಲ್ಲದ ಇತರ ವಲಸೆಗಾರರ ಅನುಪಾತವು, ವಲಸೆಯ[೨೧] ಕಾರಣದಿಂದಾಗಿ ಕಳೆದ ದಶಕಗಳ ಅವಧಿಯಲ್ಲಿ ಹೆಚ್ಚಳಗೊಂಡಿದೆ ಮತ್ತು ಕಟ್ಟುಪಾಡುಗಳ ತೆಗೆದುಹಾಕುವಿಕೆಯು ಪ್ರತ್ಯಕ್ಷವಾಗಿ ಅಥವಾ ಪರೋಕ್ಷವಾಗಿ ಜನಾಂಗವನ್ನು ಆಧರಿಸಿದೆ. ನ್ಯೂಜಿಲೆಂಡ್‌ಗೆ ಬರುವ ವಲಸೆಗಾರಿಕೆಯು ಆಕ್ಲೆಂಡ್‌ ಕಡೆಗೆ ಅತೀವವಾಗಿ (ಉದ್ಯೋಗ ಮಾರುಕಟ್ಟೆ ಕಾರಣಗಳಿಗೆ ಸಂಬಂಧಿಸಿದಂತೆ ಆಂಶಿಕವಾಗಿ) ಗಮನವನ್ನು ಕೇಂದ್ರೀಕರಿಸಿರುತ್ತದೆ. ಆಕ್ಲೆಂಡ್‌ ಮೇಲಿನ ಈ ತೆರನಾದ ದೃಢವಾದ ಗಮನಹರಿಸುವಿಕೆಯು, ನ್ಯೂಜಿಲೆಂಡ್‌ನ ಇತರ ಭಾಗಗಳಿಗೆ ಸಾಗಲು ಬಯಸುವ ಜನರಿಗೆ ಸಂಬಂಧಿಸಿದ ವಲಸೆ ವೀಸಾದ ಅವಶ್ಯಕತೆಗಳ ಕಡೆಗೆ ವಲಸೆ ಸೇವೆಗಳು ಹೆಚ್ಚುವರಿ ಅಂಕಗಳನ್ನು ಅಥವಾ ಹೆಚ್ಚಿನ ಪ್ರಾಮುಖ್ಯತೆಯನ್ನು ನೀಡುವುದಕ್ಕೆ ಕಾರಣವಾಗಿದೆ.[೨೨]

ಕೆಳಗೆ ನೀಡಲಾಗಿರುವ ಕೋಷ್ಟಕವು ೨೦೦೧ ಮತ್ತು ೨೦೦೬ರ ನ್ಯೂಜಿಲೆಂಡ್‌ ಜನಗಣತಿಯಲ್ಲಿ ದಾಖಲಿಸಲ್ಪಟ್ಟಿರುವಂತೆ, ಆಕ್ಲೆಂಡ್‌ನ ಜನಸಂಖ್ಯೆಯ ಜನಾಂಗೀಯ ಚಿತ್ರಣವನ್ನು ತೋರಿಸುತ್ತದೆ. ಕೆಲವೊಂದು ಜನರು ತಮ್ಮನ್ನು ಒಂದಕ್ಕಿಂತ ಹೆಚ್ಚು ಜನಾಂಗೀಯ ಸಮೂಹಕ್ಕೆ ಸೇರಿದವರೆಂಬಂತೆ ಎಣಿಸಿಕೊಂಡಿರುವುದರಿಂದಾಗಿ, ಶೇಕಡಾವಾರು ಪ್ರಮಾಣಗಳು ೧೦೦%ಗಿಂತ ಹೆಚ್ಚಿನ ಪ್ರಮಾಣದವರೆಗೆ ಸೇರ್ಪಡೆಯಾಗುತ್ತವೆ. ೨೦೦೬ಕ್ಕೆ ಸಂಬಂಧಿಸಿದ ಅಂಕಿ-ಅಂಶಗಳು ಕೇವಲ ನಗರದ ಪ್ರದೇಶಕ್ಕೆ ಮಾತ್ರವಲ್ಲದೇ ಸಮಗ್ರ ಆಕ್ಲೆಂಡ್‌ ಪ್ರದೇಶಕ್ಕೆ ಅನ್ವಯವಾಗುತ್ತವೆ. 'ಯುರೋಪಿಯನ್ನರ' ಶೇಕಡಾವಾರು ಪ್ರಮಾಣದಲ್ಲಿನ ಗಣನೀಯ ಕುಸಿತಕ್ಕೆ ಮುಖ್ಯ ಕಾರಣವೇನೆಂದರೆ, ಈ ಸಮೂಹದಿಂದ ಹೆಚ್ಚೆಚ್ಚು ಸಂಖ್ಯೆಯಲ್ಲಿ ಬರುತ್ತಿರುವ ಜನರು ತಮ್ಮನ್ನು 'ನ್ಯೂಜಿಲೆಂಡ್ ಜನರು' ಎಂದು ವ್ಯಾಖ್ಯಾನಿಸಿಕೊಳ್ಳುವುದನ್ನು ಆಯ್ಕೆ ಮಾಡಿಕೊಳ್ಳುತ್ತಿದ್ದರು; ಆದರೂ ಸಹ ಜನಗಣತಿಯ ನಮೂನೆಯಲ್ಲಿ ಪಟ್ಟಿಮಾಡಲ್ಪಟ್ಟ ಸಮೂಹಗಳ ಪೈಕಿ 'ನ್ಯೂಜಿಲೆಂಡ್ ಜನರು' ಎಂಬ ಸಮೂಹವು ಒಂದೆನಿಸಿಕೊಂಡಿರದಿದ್ದರೂ ಸಹ ಇದು ಸಂಭವಿಸಿತ್ತು.

ಜನಾಂಗೀಯ ಗುಂಪು 2001 (%)[೨೩] 2001 (ಜನರು) 2006 (%)[೨೪] ೨೦೦೬ (ಜನರು)
ನ್ಯೂಜಿಲೆಂಡ್‌ ಯುರೋಪಿಯನ್ನರು ೬೬.೯ ೬೮೪,೨೩೭ ೫೬.೫ ೬೯೮,೬೨೨
ಪೆಸಿಫಿಕ್‌ ದ್ವೀಪದ ಜನರು ೧೪.೯ ೧೫೨,೫೦೮ ೧೪.೪ ೧೭೭,೯೩೬
ಏಷ್ಯನ್ನರು ೧೪.೬ ೧೪೯,೧೨೧ ೧೮.೯ ೨೩೪,೨೨೨
ಮಯೋರಿ ಜನರು ೧೧.೫ ೧೧೭,೫೧೩ ೧೧.೧ ೧೩೭,೧೩೩
ಮಧ್ಯ ಪೌರಸ್ತ್ಯರು/ಲ್ಯಾಟಿನ್‌ ಅಮೆರಿಕನ್ನರು/ಆಫ್ರಿಕನ್ನರು n/a n/a ೧.೫ ೧೮,೫೫೫
ಇತರರು ೧.೩ ೧೩,೪೫೫ ೦.೧ ೬೪೮
'ನ್ಯೂಜಿಲ್ಯಾಂಡ್‌ನವರು' n/a n/a ೮.೦ ೯೯,೨೫೮
ಅವರ ಜನಾಂಗೀಯತೆಯನ್ನು ನೀಡುವ ಒಟ್ಟು ಪ್ರಮಾಣ ೧,೦೨೨,೬೧೬ (ವ್ಯಕ್ತಿಗಳು) ೧,೨೩೭,೨೩೯ (ವ್ಯಕ್ತಿಗಳು)

೨೦೦೬ರ ಜನಗಣತಿಯು ಈ ಪ್ರದೇಶದ ಬಹುಭಾಷೀಯತೆಯ ಕುರಿತೂ ಮಾಹಿತಿ ಒದಗಿಸುತ್ತದೆ. ಆಕ್ಲೆಂಡ್‌ ಪ್ರದೇಶದಲ್ಲಿನ ೮೬೭,೮೨೫ ಜನರು ಒಂದು ಭಾಷೆಯನ್ನಷ್ಟೇ ಮಾತನಾಡಿದರೆ, ೨೭೪,೮೬೩ ಜನರು ಎರಡು ಭಾಷೆಗಳನ್ನು, ಮತ್ತು ೫೭,೦೫೧ ಜನರು ಮೂರು ಅಥವಾ ಅದಕ್ಕಿಂತ ಹೆಚ್ಚು ಭಾಷೆಗಳನ್ನು ಆಡಬಲ್ಲವರಾಗಿದ್ದರು.[೨೪]

ಡಿಸೆಂಬರ್‌‌ ಅವಧಿಯಲ್ಲಿ ಕ್ರಿಸ್‌ಮಸ್‌ ಬಣ್ಣಗಳಲ್ಲಿ ಸ್ಕೈ ಟವರ್‌ ಬೆಳಗುತ್ತಿರುವುದು.

ಧರ್ಮ[ಬದಲಾಯಿಸಿ]

ದೇಶದ ಉಳಿದ ಭಾಗಗಳ ರೀತಿಯಲ್ಲಿಯೇ, ಆಕ್ಲೆಂಡ್‌ನ ಅರ್ಧಕ್ಕೂ ಹೆಚ್ಚಿನ ನಿವಾಸಿಗಳು ಕ್ರೈಸ್ತಧರ್ಮದಲ್ಲಿ ಶ್ರದ್ಧಾಭಕ್ತಿಯನ್ನು ಹೊಂದಿದ್ದಾರೆ. ಆದರೆ ೧೦%ಗಿಂತ ಕಡಿಮೆ ಜನರು ತಪ್ಪದೆ ಚರ್ಚ್‌ಗೆ ಭೇಟಿ ನೀಡಿದರೆ, ಸರಿಸುಮಾರು ೪೦%ನಷ್ಟು ಜನರು ಯಾವುದೇ ಧಾರ್ಮಿಕ ಒಳಪಡುವಿಕೆ ಅಥವಾ ನಂಬಿಕೆಯಲ್ಲಿ ಶ್ರದ್ಧಾಭಕ್ತಿಯನ್ನು ಹೊಂದಿಲ್ಲ (೨೦೦೧ರ ಜನಗಣತಿ ಅಂಕಿ-ಅಂಶಗಳು). ರೋಮನ್‌ ಕ್ಯಾಥಲಿಕ್‌, ಆಂಗ್ಲಿಕನ್‌ ಮತ್ತು ಪ್ರೆಸ್‌ಬೈಟೇರಿಯನ್‌ ಇವು ಚರ್ಚಿನ ಮುಖ್ಯ ಪಂಥಗಳಾಗಿವೆ. ಪೆಂಟಿಕಾಸ್ಟಲ್‌ ಪಂಥದ ಮತ್ತು ದಿವ್ಯಶಕ್ತಿಯ ಚರ್ಚುಗಳು ಅತ್ಯಂತ ವೇಗವಾಗಿ ಬೆಳೆಯುತ್ತಿವೆ. ಕಾಪ್ಟ್‌ ಪಂಗಡದ ಸಂಪ್ರದಾಯಶೀಲ ಕ್ರಿಶ್ಚಿಯನ್ನರ ಒಂದು ಸಣ್ಣ ಸಮುದಾಯವೂ ಸಹ ಅಸ್ತಿತ್ವದಲ್ಲಿದೆ.[೨೫]

ಏಷ್ಯಾದಿಂದ ನಡೆದಿರುವ ಇತ್ತೀಚಿನ ವಲಸೆಯು ನಗರದ ಧಾರ್ಮಿಕ ವೈವಿಧ್ಯತೆಗೆ ಮತ್ತಷ್ಟು ಸೇರ್ಪಡೆಯನ್ನು ಮಾಡಿದೆ. ಜನಸಂಖ್ಯೆಯ ಸುಮಾರು ೧೦%ನಷ್ಟು ಭಾಗವು ಬೌದ್ಧಮತ, ಹಿಂದೂಧರ್ಮ, ಇಸ್ಲಾಂ ಮತ್ತು ಸಿಖ್‌ಮತದಂಥ ನಂಬಿಕೆಗಳನ್ನು ಅನುಸರಿಸುತ್ತದೆಯಾದರೂ, ಧಾರ್ಮಿಕ ಹಾಜರಾತಿಯ ಕುರಿತಾಗಿ ಯಾವುದೇ ಅಂಕಿ-ಅಂಶಗಳು ಲಭ್ಯವಿಲ್ಲ.[೨೬] ಒಂದು ಸಣ್ಣ ಪ್ರಮಾಣದಲ್ಲಿರುವ, ಬಹಳ ಹಿಂದೆಯೇ ನೆಲೆಗೊಂಡಿದ್ದ ಯೆಹೂದಿ ಸಮುದಾಯವೂ ಸಹ ಇಲ್ಲಿ ಅಸ್ತಿತ್ವದಲ್ಲಿದೆ.[೨೭]

ಜೀವನ ಶೈಲಿ[ಬದಲಾಯಿಸಿ]

ಆಕ್ಲೆಂಡ್‌ ಜೀವನದ ಧನಾತ್ಮಕ ಅಂಶಗಳಲ್ಲಿ, ಅದರ ಸೌಮ್ಯ ಹವಾಮಾನ, ಹೇರಳವಾದ ಉದ್ಯೋಗ ಮತ್ತು ಶೈಕ್ಷಣಿಕ ಅವಕಾಶಗಳಷ್ಟೇ ಅಲ್ಲದೇ ಹಲವಾರು ವಿರಾಮಮಜಾ ಸೌಕರ್ಯಗಳೂ ಸೇರಿವೆ. ಈ ಮಧ್ಯೆ, ಅಪರಾಧದ ಜೊತೆಜೊತೆಗೆ, ಸಂಚಾರದ ಸಮಸ್ಯೆಗಳು, ಒಳ್ಳೆಯ ಸಾರ್ವಜನಿಕ ಸಾರಿಗೆಯ ಕೊರತೆ, ಹೆಚ್ಚುತ್ತಿರುವ ವಸತಿ ವ್ಯವಸ್ಥೆಯ ವೆಚ್ಚಗಳು ಅಲ್ಲಿ ವಾಸಿಸುವಾಗ[೨೮] ಕಂಡುಬರುವ ಪ್ರಬಲವಾದ ಋಣಾತ್ಮಕ ಅಂಶಗಳ ಪೈಕಿ ಸೇರಿವೆ ಎಂದು ಆಕ್ಲೆಂಡ್‌ನ ಅನೇಕ ನಿವಾಸಿಗಳು ಉಲ್ಲೇಖಿಸಿದ್ದಾರೆ.[೨೯] ಅದೇನೇ ಇದ್ದರೂ, ವಿಶ್ವದ ೨೧೫ ಪ್ರಮುಖ ನಗರಗಳ ಜೀವನದ ಗುಣಮಟ್ಟದ ಸಮೀಕ್ಷೆಯೊಂದರಲ್ಲಿ ಆಕ್ಲೆಂಡ್‌ ಪ್ರಸಕ್ತವಾಗಿ ೪ನೇ ಸ್ಥಾನಕ್ಕೆ ಸಮನಾಗಿ ನಿಂತಿದೆ (೨೦೦೯ರ ದತ್ತಾಂಶ).[೩೦][೩೧] ೨೦೦೬ರಲ್ಲಿ, ವಿಶ್ವದ ಅತ್ಯಂತ ಶ್ರೀಮಂತ ನಗರಗಳ UBS ಪಟ್ಟಿಯಲ್ಲಿ ಆಕ್ಲೆಂಡ್‌ಗೆ ೨೩ನೇ ಸ್ಥಾನ ದೊರಕಿತ್ತು.[೩೨]

ನೌಕಾವಿಹಾರಗಳ ನಗರ - ವೆಸ್ಟ್‌ಹ್ಯಾವನ್‌ ವಿಹಾರ ದೋಣಿಗಳ ಬಂದರಿನ ಮೇಲಿಂದ ಕಾಣುವ ನೋಟ
ಚಿತ್ರ:View of Aukland from outside city.JPG
ಮೌಂಟ್‌ ಈಡನ್‌ನ ತುದಿಯಿಂದ ಕಾಣುವ ಆಕ್ಲೆಂಡ್‌ CBD

ಬಿಡುವಿನ ಸಮಯ[ಬದಲಾಯಿಸಿ]

ಆಕ್ಲೆಂಡ್‌ "ನೌಕಾವಿಹಾರಗಳ ನಗರ"ವೆಂದೇ ಜನಪ್ರಿಯತೆಯನ್ನು ಪಡೆದಿದೆ. ಇಲ್ಲಿನ ಬಂದರಿನಲ್ಲಿ ನೂರಾರು ವಿಹಾರದೋಣಿಗಳು ಚುಕ್ಕೆ ಹೊಯ್ದಿರುವ ರೀತಿಯಲ್ಲಿ ಅನೇಕ ವೇಳೆ ಕಂಗೊಳಿಸುವುದರಿಂದ ಇದಕ್ಕೆ ಈ ಹೆಸರು ಬಂದಿದೆ. ಸುಮಾರು ೧೩೫,೦೦೦ದಷ್ಟು ವಿಹಾರದೋಣಿಗಳು ಮತ್ತು ಮೋಟಾರು ದೋಣಿಗಳನ್ನು ಹೊಂದುವುದರೊಂದಿಗೆ, ವಿಶ್ವದಲ್ಲಿನ ಬೇರಾವುದೇ ನಗರಕ್ಕಿಂತ ಹೆಚ್ಚಿನ ತಲಾದಾಯವನ್ನು ಆಕ್ಲೆಂಡ್‌ ಹೊಂದಿದೆ. ದೇಶದ ೧೪೯,೯೦೦ರಷ್ಟು ನೋಂದಾಯಿತ ನೌಕಾವಿಹಾರಿಗಳ ಪೈಕಿ ಸುಮಾರು ೬೦,೫೦೦ರಷ್ಟು ಮಂದಿ ಆಕ್ಲೆಂಡ್‌ ಪ್ರದೇಶಕ್ಕೆ ಸೇರಿದವರಾಗಿದ್ದಾರೆ.[೩೩][೩೪] ಆಕ್ಲೆಂಡ್‌ನ ಸುಮಾರು ಮೂರು ಶ್ರೀಮಂತ ಕುಟುಂಬಗಳ ಪೈಕಿ ಒಂದು ಕುಟುಂಬವು ದೋಣಿಯೊಂದನ್ನು ಹೊಂದಿರುತ್ತದೆ.[೩೫]

ವಯಾಡಕ್ಟ್‌ ಹಡಗುಕಟ್ಟೆಯು ಅಮೆರಿಕನ್‌‌ ಕಪ್‌‌‌‌ನ ಎರಡು ಸವಾಲು ಪಂದ್ಯಗಳನ್ನೂ (2000 ಕಪ್‌ ಮತ್ತು 2003 ಕಪ್‌) ಸಹ ಆಯೋಜಿಸಿದೆ, ಮತ್ತು ಆಕ್ಲೆಂಡ್‌ನ ರೋಮಾಂಚಕ ರಾತ್ರಿಜೀವನಕ್ಕೆ ಇಲ್ಲಿನ ಕೆಫೆಗಳು, ರೆಸ್ಟೋರೆಂಟುಗಳು, ಮತ್ತು ಕ್ಲಬ್ಬುಗಳು ರಂಗು ತುಂಬುತ್ತವೆ. ತನ್ನ ಅತಿ ಸಮೀಪದಲ್ಲಿ ರಕ್ಷಿತ ವೈಟ್‌ಮೇಟಾ ಬಂದರನ್ನು ಹೊಂದಿರುವ ಆಕ್ಲೆಂಡ್‌, ನೌಕಾಯಾನಕ್ಕೆ ಸಂಬಂಧಿಸಿದ ಅಥವಾ ಕಡಲ ಸಂಬಂಧವಾದ ಅನೇಕ ವಿದ್ಯಮಾನಗಳಿಗೆ ಸಾಕ್ಷಿಯಾಗುತ್ತದೆ. ಆಕ್ಲೆಂಡ್‌ನಲ್ಲಿ ನೌಕಾವಿಹಾರಕ್ಕೆ ಸಂಬಂಧಿಸಿದ ಹೆಚ್ಚಿನ ಸಂಖ್ಯೆಯ ಕ್ಲಬ್ಬುಗಳು ಇರುವುದರ ಜೊತೆಗೆ, ದಕ್ಷಿಣಾರ್ಧ ಗೋಳದಲ್ಲೇ ಅತ್ಯಂತ ದೊಡ್ಡದಾದ ವೆಸ್ಟ್‌ಹ್ಯಾವನ್‌ ವಿಹಾರ ದೋಣಿಗಳ ಬಂದರು ಕೂಡಾ ನೆಲೆಗೊಂಡಿದೆ.[೩೪][೩೬]

ಹೈ ಸ್ಟ್ರೀಟ್‌, ಕ್ವೀನ್‌ ಸ್ಟ್ರೀಟ್‌, ಪೊನ್‌ಸೊನ್‌ಬಿ ರೋಡ್‌, ಮತ್ತು ಕ್ಯಾರಂಗಾಹೇಪ್‌ ರೋಡ್‌ ಇವು ನಗರದ ಸಂಗಶೀಲತೆಗಳೊಂದಿಗೆ ಅತ್ಯಂತ ಜನಪ್ರಿಯವಾಗಿವೆ. ನ್ಯೂಮಾರ್ಕೆಟ್ ಮತ್ತು ಪರ್ನೆಲ್‌‌‌ಗಳು ದುಬಾರಿ-ಬೆಲೆಯ ವ್ಯಾಪಾರ ಪ್ರದೇಶಗಳಾಗಿದ್ದರೆ, ಒಟಾರಾದ ಮತ್ತು ಅವೊಂಡೇಲ್‌‌‌ನ ಬಯಲು ಮಾರುಕಟ್ಟೆಗಳು ಒಂದು ವರ್ಣರಂಜಿತ ಪರ್ಯಾಯ ವ್ಯಾಪಾರದ ಅನುಭವವನ್ನು ನೀಡುತ್ತವೆ. ಹೊಸದಾದ ಷಾಪಿಂಗ್‌ ಮಾಲ್‌ಗಳು ನಗರ ಕೇಂದ್ರಗಳ ಹೊರಗಡೆ ಇರುವಲ್ಲಿ ಒಲವು ತೋರಿದ್ದು, ಸಿಲ್ವಿಯಾ ಪಾರ್ಕ್‌ (ಸಿಲ್ವಿಯಾ ಪಾರ್ಕ್‌, ಆಕ್ಲೆಂಡ್‌ ನಗರ), ಬಾಟನಿ ಟೌನ್‌ ಸೆಂಟರ್‌‌ (ಹೋವಿಕ್‌, ಮನುಕಾವು ನಗರ) ಮತ್ತು ವೆಸ್ಟ್‌ಫೀಲ್ಡ್‌ ಆಲ್ಬೆನಿ (ಆಲ್ಬೆನಿ, ನಾರ್ತ್‌ ಷೋರ್‌ ನಗರ) ಇವು ಮೂರು ಅತ್ಯಂತ ದೊಡ್ಡ ಮಾಲ್‌ಗಳಾಗಿವೆ.

ರಂಗಭೂಮಿ, ಕಪಾ ಹಾಕಾ, ಮತ್ತು ಗೀತನಾಟಕದಂಥ ಸಮಾವೇಶಗಳು ಮತ್ತು ಸಾಂಸ್ಕೃತಿಕ ಕಾರ್ಯಕ್ರಮಗಳನ್ನು ಆಕ್ಲೆಂಡ್‌ ಪರಭವನ ಮತ್ತು ಅಯೋಟಿಯಾ ಸೆಂಟರ್‌ ಆಯೋಜಿಸುತ್ತವೆ. ಆಕ್ಲೆಂಡ್‌ ಫಿಲ್‌ಹಾರ್ಮೋನಿಯಾ ವಾದ್ಯವೃಂದದಲ್ಲಿರುವ ಒಂದು ಫೂರ್ಣಾವಧಿಯ ವೃತ್ತಿಪರ ಸ್ವರಮೇಳದ ಮೇಳಭಾಗದ ಕುರಿತೂ ಸಹ ಆಕ್ಲೆಂಡ್‌ ಹೆಮ್ಮೆಪಡುತ್ತದೆ.

ಆಕ್ಲೆಂಡ್‌ ಆರ್ಟ್‌ ಗ್ಯಾಲರಿಯಲ್ಲಿ ಕಾಲಿನ್‌ ಮೆಕ್‌ಕಹಾನ್‌‌ನ ಕೃತಿಯಂಥ ಅನೇಕ ರಾಷ್ಟ್ರೀಯ ಪ್ರಶಸ್ತ-ಸಂಗ್ರಹಗಳನ್ನು ಪ್ರದರ್ಶಿಸಲಾಗಿದ್ದರೆ, ಇತರ ಅನೇಕ ಗಮನಾರ್ಹ ಸಾಂಸ್ಕೃತಿಕ ಕರಕುಶಲ ವಸ್ತುಗಳು ಆಕ್ಲೆಂಡ್‌ ವಾರ್‌ ಮೆಮರಿಯಲ್‌ ಮ್ಯೂಸಿಯಂ, ನ್ಯಾಷನಲ್‌ ಮೇರಿಟೈಂ ಮ್ಯೂಸಿಯಂ, ಅಥವಾ ಮ್ಯೂಸಿಯಂ ಆಫ್‌ ಟ್ರಾನ್ಸ್‌ಪೋರ್ಟ್‌ ಅಂಡ್‌ ಟೆಕ್ನಾಲಜಿ (MOTAT) ಇವೇ ಮೊದಲಾದವುಗಳಲ್ಲಿ ನೆಲೆಗೊಂಡಿವೆ. ವಿಲಕ್ಷಣವಾಗಿರುವ ಜೀವಿಗಳನ್ನು ಆಕ್ಲೆಂಡ್‌ ಮೃಗಾಲಯ ಮತ್ತು ಕೆಲ್ಲಿ ಟಾರ್ಲ್‌ಟನ್‌'ಸ್‌ ಅಂಡರ್‌ವಾಟರ್‌ ವರ್ಲ್ಡ್‌ ಎಂಬೆರಡು ತಾಣಗಳಲ್ಲಿ ವೀಕ್ಷಿಸಬಹುದಾಗಿದೆ. ಚಲನಚಿತ್ರಗಳು ಮತ್ತು ರಾಕ್‌ ಸಂಗೀತದ ಕಚೇರಿಗಳಿಗೆ (ಗಮನಾರ್ಹವಾಗಿ, "ಬಿಗ್‌ ಡೇ ಔಟ್‌") ಉತ್ತಮ ರೀತಿಯಲ್ಲಿ ಆಶ್ರಯ ದೊರೆತಿದೆ.

ಮಿಷನ್‌ ಕೊಲ್ಲಿ, ಡೆವನ್‌ಪೋರ್ಟ್‌, ಟಾಕಾಪುನಾ ಮುಂತಾದ ಕಡೆಗಳಲ್ಲಿ ವೈಟ್‌ಮೇಟಾ ಬಂದರು ಜನಪ್ರಿಯವಾಗಿರುವ ಈಜುಗಾರಿಕೆಯ ಬೀಚುಗಳನ್ನು ಹೊಂದಿದ್ದರೆ, ಪಿಹಾ ಮತ್ತು ಮುರಿವಾಯಿಯಂಥ ಜನಪ್ರಿಯವಾಗಿರುವ, ಕಡಲಲೆಯ ಸವಾರಿ ಮಾಡುವ ತಾಣಗಳನ್ನು (ಸರ್ಫ್‌ ಸ್ಪಾಟ್ಸ್) ಪಶ್ಚಿಮ ಕಡಲತೀರವು ಹೊಂದಿದೆ. ಸರ್ಫ್‌ ಲೈಫ್‌ ಸೇವಿಂಗ್‌ ನಾರ್ದರ್ನ್ಸ್‌ ರೀಜನ್‌‌ನ ಭಾಗವಾಗಿರುವ ಕಡಲಲೆ ಸವಾರಿಯ ಜೀವರಕ್ಷಕ ಕ್ಲಬ್ಬುಗಳು ಆಕ್ಲೆಂಡ್‌ನ ಅನೇಕ ಬೀಚುಗಳಲ್ಲಿ ಗಸ್ತು ತಿರುಗುತ್ತವೆ.

ಉದ್ಯಾನವನಗಳು ಮತ್ತು ಪ್ರಕೃತಿ[ಬದಲಾಯಿಸಿ]

ಆಕ್ಲೆಂಡ್‌ ಡೊಮೈನ್‌ ಎಂಬುದು ನಗರದ ಅತ್ಯಂತ ದೊಡ್ಡ ಉದ್ಯಾನವನಗಳ ಪೈಕಿ ಒಂದೆನಿಸಿದ್ದು, ಇದು ಆಕ್ಲೆಂಡ್‌ CBDಗೆ ನಿಕಟವಾಗಿದೆ ಮತ್ತು ಹೌರಾಕಿ ಕೊಲ್ಲಿ ಹಾಗೂ ರಂಗಿಟೊಟೊ ದ್ವೀಪದ ಒಂದು ಒಳ್ಳೆಯ ನೋಟವನ್ನು ಇದು ಹೊಂದಿದೆ. ಆಲ್ಬರ್ಟ್‌ ಪಾರ್ಕ್‌, ಮೈಯರ್ಸ್‌‌ ಪಾರ್ಕ್‌, ವೆಸ್ಟರ್ನ್‌ ಪಾರ್ಕ್‌ ಮತ್ತು ವಿಕ್ಟೋರಿಯಾ ಪಾರ್ಕ್‌ ಇವು ನಗರ ಕೇಂದ್ರಕ್ಕೆ ಸಮೀಪದಲ್ಲಿರುವ ಸಣ್ಣಗಾತ್ರದ ಉದ್ಯಾನವನಗಳಾಗಿವೆ.

ಆಕ್ಲೆಂಡ್‌ ಜ್ವಾಲಾಮುಖೀಯ ಕ್ಷೇತ್ರದಲ್ಲಿರುವ, ಜ್ವಾಲಾಮುಖಿಯಿಂದಾದ ಶಂಕುವಿನಾಕಾರದ ಬಹುತೇಕ ದಿಬ್ಬಗಳು ಕಲ್ಲುಗಣಿಗಾರಿಕೆಯಿಂದ ತೊಂದರೆಗೆ ಒಳಗಾಗಿವೆ; ಉಳಿದಿರುವ ಅನೇಕ ದಿಬ್ಬಗಳು ಈಗ ಉದ್ಯಾನವನಗಳ ಒಳಗಡೆ ಇವೆ, ಮತ್ತು ಸುತ್ತುವರೆದಿರುವ ನಗರಕ್ಕಿಂತ ಒಂದು ಹೆಚ್ಚು ಸ್ವಾಭಾವಿಕವಾದ ಗುಣವನ್ನು ಅವು ಉಳಿಸಿಕೊಂಡಿವೆ. ಈ ಉದ್ಯಾನವನಗಳ ಪೈಕಿ ಹಲವದರಲ್ಲಿ ಇತಿಹಾಸಪೂರ್ವ ಮಣ್ಣುದಂಡೆಗಳು ಮತ್ತು ಐತಿಹಾಸಿಕ ದುರ್ಗಶಿಲ್ಪಗಳಿದ್ದು, ಮೌಂಟ್‌ ಈಡನ್‌, ನಾರ್ತ್‌ ಹೆಡ್‌ ಮತ್ತು ಒನ್‌ ಟ್ರೀ ಹಿಲ್‌ (ಮೌಂಗಕೀಕೀ) ಇವು ಅಂಥ ಕೆಲವು ಉದಾಹರಣೆಗಳಾಗಿವೆ.

ನಗರದ ಸುತ್ತಲಿರುವ ಇತರ ಉದ್ಯಾನವನಗಳು ವೆಸ್ಟರ್ನ್‌ ಸ್ಪ್ರಿಂಗ್ಸ್‌ ಎಂಬಲ್ಲಿದ್ದು, MOTAT ವಸ್ತುಸಂಗ್ರಹಾಲಯ ಮತ್ತು ಆಕ್ಲೆಂಡ್‌ ಮೃಗಾಲಯದ ಅಂಚಿನಲ್ಲಿರುವ ಒಂದು ಬೃಹತ್‌ ಉದ್ಯಾನವನವನ್ನು ಇದು ಹೊಂದಿದೆ. ಇನ್ನೂ ಮುಂದಕ್ಕೆ ದಕ್ಷಿಣದ ಮನುರೇವಾದಲ್ಲಿ ಆಕ್ಲೆಂಡ್‌ ಬಟಾನಿಕಲ್‌ ಗಾರ್ಡನ್ಸ್‌ (ಆಕ್ಲೆಂಡ್‌ ಸಸ್ಯಶಾಸ್ತ್ರೀಯ ತೋಟಗಳು) ಇದೆ.

ಡೆವನ್‌ಪೋರ್ಟ್‌, ವೈಹೆಕಿ ದ್ವೀಪ, ರಂಗಿಟೊಟೊ ದ್ವೀಪ ಮತ್ತು ಟಿರಿಟಿರಿ ಮಾತಂಗಿ ಇವೇ ಮೊದಲಾದ ಕಡೆ ಇರುವ ಉದ್ಯಾನವನಗಳು ಮತ್ತು ಪ್ರಕೃತಿಯ ಮೀಸಲು ಪ್ರದೇಶಗಳಿಗೆ ಹಾಯುವ ದೋಣಿಗಳು ಸಾರಿಗೆ ಸೌಲಭ್ಯವನ್ನು ಒದಗಿಸುತ್ತವೆ. ದಕ್ಷಿಣದಲ್ಲಿ ಹಾನುವಾ ರೇಂಜಸ್‌ (ಹಾನುವಾ ಪರ್ವತ ಶ್ರೇಣಿಗಳು) ತನ್ನ ಕೊಡುಗೆಯನ್ನು ನೀಡಿರುವಂತೆಯೇ, ಆಕ್ಲೆಂಡ್‌ನ ಪಶ್ಚಿಮ ಭಾಗಕ್ಕಿರುವ ವೈಟಕೇರ್‌ ರೇಂಜಸ್‌ ರೀಜನಲ್‌ ಪಾರ್ಕ್‌ (ವೈಟಕೇರ್‌ ಪರ್ವತಶ್ರೇಣಿಗಳ ಪ್ರಾದೇಶಿಕ ಉದ್ಯಾನವನ) ಸುಂದರವಾದ ಮತ್ತು ತುಲನಾತ್ಮಕವಾಗಿ ಹಾಳಾಗದ ಪೊದೆಕಾಡಿನ ಸೀಮೆಯನ್ನು ಕೊಡುಗೆಯಾಗಿ ನೀಡಿದೆ.

ಕ್ರೀಡೆ[ಬದಲಾಯಿಸಿ]

ತಾಣಗಳು

ರಗ್ಬಿ ಯೂನಿಯನ್‌ ಮತ್ತು ಕ್ರಿಕೆಟ್‌ ಆಕ್ಲೆಂಡ್‌ನಲ್ಲಿನ ಅತ್ಯಂತ ಜನಪ್ರಿಯ ಕ್ರೀಡೆಗಳಾಗಿವೆ. ವಾಹನ ಕ್ರೀಡೆಗಳು, ಟೆನಿಸ್‌, ಬ್ಯಾಡ್ಮಿಂಟನ್‌, ನೆಟ್‌ಬಾಲ್‌, ಈಜುಗಾರಿಕೆ, ಸಾಕರ್‌, ರಗ್ಬಿ ಲೀಗ್‌, ಮತ್ತು ಅನೇಕ ಇತರ ಕ್ರೀಡೆಗಳಿಗೆ ಸಂಬಂಧಿಸಿದಂತೆ ಒಂದು ಪರಿಗಣನಾರ್ಹ ಸಂಖ್ಯೆಯಲ್ಲಿರುವ ರಗ್ಬಿ ಯೂನಿಯನ್‌ ಮತ್ತು ಕ್ರಿಕೆಟ್‌ ಮೈದಾನಗಳು, ಮತ್ತು ಸ್ಥಳಗಳನ್ನು ಆಕ್ಲೆಂಡ್‌ ಹೊಂದಿದೆ.

ಮುಖ್ಯ ತಂಡಗಳು
ಪ್ರಮುಖ ಸ್ಪರ್ಧೆಗಳು

ಜನಪ್ರಿಯ ವಾರ್ಷಿಕ ಕ್ರೀಡಾ ಸ್ಪರ್ಧೆಗಳಲ್ಲಿ ಈ ಕೆಳಗಿನವು ಸೇರಿವೆ:

  • ಆಕ್ಲೆಂಡ್‌ ಬಂದರು ದಾಟುವ ಈಜುಸ್ಪರ್ಧೆಯು ನಾರ್ತ್‌ ಷೋರ್‌ ನಗರದಿಂದ ಆಕ್ಲೆಂಡ್‌ CBDಯಲ್ಲಿರುವ ವಯಾಡಕ್ಟ್‌ ಹಡಗುಕಟ್ಟೆ‌ಯವರೆಗಿನ ಈಜುಗಾರಿಕೆಯಾಗಿದ್ದು, ಇದು ಒಂದು ವಾರ್ಷಿಕ ಬೇಸಿಗೆಯ ಸ್ಪರ್ಧೆಯಾಗಿದೆ. ೨.೮ ಕಿ.ಮೀ.ಯಷ್ಟು ಅಂತರವನ್ನು (ಅನೇಕವೇಳೆ ಇದು ಪರಿಗಣನಾರ್ಹ ಎದುರು-ಪ್ರವಾಹಗಳನ್ನು ಒಳಗೊಂಡಿರುತ್ತದೆ) ಒಳಗೊಂಡಿರುವ ಈ ಸ್ಪರ್ಧೆಯಲ್ಲಿ, ಸಾವಿರಕ್ಕೂ ಹೆಚ್ಚಿನ ಬಹುತೇಕ ಹವ್ಯಾಸಿ ಸ್ಪರ್ಧಿಗಳು ಪಾಲ್ಗೊಳ್ಳುತ್ತಾರೆ. ಇದು ನ್ಯೂಜಿಲೆಂಡ್‌ನ ಅತ್ಯಂತ ದೊಡ್ಡ, ಸಾಗರದ ಈಜುಗಾರಿಕೆಯಾಗಿದೆ.[೩೭]
  • 'ರೌಂಡ್‌ ದಿ ಬೇಸ್‌' ಫನ್‌-ರನ್‌ ಎಂಬ ಸ್ಪರ್ಧೆಯು ನಗರದಲ್ಲಿ ಪ್ರಾರಂಭಗೊಂಡು, ಜಲಾಭಿಮುಖದ ಉದ್ದಕ್ಕೂ ೮.೪ ಕಿಲೋಮೀಟರುಗಳಷ್ಟು (೫.೨ ಮೈಲಿಗಳು) ದೂರಕ್ಕೆ ಸಾಗಿ ಸೇಂಟ್‌ ಹೀಲಿಯರ್ಸ್‌‌ ಉಪನಗರವನ್ನು ಮುಟ್ಟುತ್ತದೆ. ಅನೇಕ ಹತ್ತಾರು ಸಾವಿರದಷ್ಟು ಸಂಖ್ಯೆಯಲ್ಲಿ ಇದು ಜನರನ್ನು ಆಕರ್ಷಿಸುತ್ತದೆ ಮತ್ತು 1972ರಿಂದಲೂ ಒಂದು ವಾರ್ಷಿಕ ಮಾರ್ಚ್‌ ತಿಂಗಳ ಕಾರ್ಯಕ್ರಮವಾಗಿ ಇದು ನಡೆದುಕೊಂಡು ಬಂದಿದೆ.
  • ಆಕ್ಲೆಂಡ್‌ ಮ್ಯಾರಥಾನ್‌ (ಮತ್ತು ಅರ್ಧ-ಸುದೀರ್ಘ ಓಟ) ಎಂಬುದು ಒಂದು ವಾರ್ಷಿಕ ಸುದೀರ್ಘ ಓಟವಾಗಿದ್ದು, ಸಾವಿರಾರು ಸ್ಪರ್ಧಿಗಳನ್ನು ಅದು ಸೆಳೆಯುತ್ತದೆ.

1950ರ ಬ್ರಿಟಿಷ್‌ ಸಾಮ್ರಾಜ್ಯದ ಆಟಗಳು ಮತ್ತು ೧೪ನೆಯ ಅನುಕ್ರಮದಲ್ಲಿ ಬಂದ 1990ರಲ್ಲಿನ ಕಾಮನ್‌ವೆಲ್ತ್‌‌ ಆಟಗಳನ್ನು[೧೦] ಆಕ್ಲೆಂಡ್‌ ಆಯೋಜಿಸಿತು, ಮತ್ತು 2011ರ ರಗ್ಬೀಸ್‌ ವಿಶ್ವ ಕಪ್‌‌ನ (ಉಪಾಂತ್ಯ ಮತ್ತು ಅಂತಿಮ ಪಂದ್ಯವನ್ನೊಳಗೊಂಡಂತೆ) ಅನೇಕ ಪಂದ್ಯಗಳನ್ನು ಇದು ಆಯೋಜಿಸಲಿದೆ.[೩೮]

ಆರ್ಥಿಕ ವ್ಯವಸ್ಥೆ[ಬದಲಾಯಿಸಿ]

328 ಮೀ. ಎತ್ತರವಿರುವ ಸ್ಕೈ ಟವರ್‌ ದಕ್ಷಿಣಾರ್ಧ ಗೋಳದಲ್ಲಿನ ಅತ್ಯಂತ ಎತ್ತರದ ಮುಕ್ತವಾಗಿ-ನಿಂತಿರುವ ರಚನೆಯಾಗಿದೆ.

ಬಹುಪಾಲು ಪ್ರಮುಖ ಅಂತರರಾಷ್ಟ್ರೀಯ ಸಂಸ್ಥೆಗಳು ಆಕ್ಲೆಂಡ್‌ನಲ್ಲಿ ಒಂದು ಕಚೇರಿಯನ್ನು ಹೊಂದಿವೆ. ಈ ನಗರವು ರಾಷ್ಟ್ರದ ಆರ್ಥಿಕ ರಾಜಧಾನಿಯಾಗಿರುವುದೇ ಇದಕ್ಕೆ ಕಾರಣ. ಆಕ್ಲೆಂಡ್‌ CBDಯಲ್ಲಿರುವ ಕೆಳಭಾಗದ ಕ್ವೀನ್‌ ಸ್ಟ್ರೀಟ್‌ ಹಾಗೂ ವಯಾಡಕ್ಟ್‌ ಹಡಗುಕಟ್ಟೆ‌ಯ ಸುತ್ತಮುತ್ತಲಿನ ಕಚೇರಿ ಸ್ಥಳಾವಕಾಶವು ಅತ್ಯಂತ ದುಬಾರಿಯಾಗಿದ್ದು, ಅನೇಕ ಹಣಕಾಸಿನ ಮತ್ತು ವ್ಯವಹಾರ ಸೇವಾ ಸಂಸ್ಥೆಗಳು ಅಲ್ಲಿ ನೆಲೆಗೊಂಡಿವೆ. ಇವು CBD ಆರ್ಥಿಕತೆಯ ಒಂದು ಬೃಹತ್‌ ಶೇಕಡಾವಾರು ಭಾಗವನ್ನು ರೂಪಿಸುತ್ತವೆ.[೩೯] ಒಂದು ಬೃಹತ್‌ ಪ್ರಮಾಣದಲ್ಲಿರುವ ತಾಂತ್ರಿಕ ಮತ್ತು ವ್ಯಾಪಾರಗಳ ಕಾರ್ಯಪಡೆಯು ದಕ್ಷಿಣ ಆಕ್ಲೆಂಡ್‌ನ ಕೈಗಾರಿಕಾ ವಲಯಗಳಲ್ಲಿ ನೆಲೆಗೊಂಡಿದೆ.

ಮಹಾ ಆಕ್ಲೆಂಡ್‌ನ ಅತ್ಯಂತ ದೊಡ್ಡ ವಾಣಿಜ್ಯ ಮತ್ತು ಕೈಗಾರಿಕಾ ಪ್ರದೇಶಗಳು ಆಕ್ಲೆಂಡ್‌ ನಗರದ ಆಗ್ನೇಯ ಭಾಗ ಮತ್ತು ಮನುಕಾವು ನಗರದ ಪಶ್ಚಿಮದ ಭಾಗಗಳಲ್ಲಿದ್ದು, ಬಹುತೇಕವಾಗಿ ಮನುಕಾವು ಬಂದರು ಮತ್ತು ತಮಾಕಿ ನದಿ ನದೀಮುಖಕ್ಕೆ ಅವು ಎಲ್ಲೆಯಾಗಿ ಪರಿಣಮಿಸಿವೆ.

ಆಕ್ಲೆಂಡ್‌ ಪ್ರದೇಶದ ಉಪ-ರಾಷ್ಟ್ರೀಯ GDPಯು ೨೦೦೩ರಲ್ಲಿ ೪೭.೬ ಶತಕೋಟಿ US$ನಷ್ಟಿತ್ತು ಎಂದು ಅಂದಾಜಿಸಲ್ಪಟ್ಟಿದ್ದು, ಇದು ನ್ಯೂಜಿಲೆಂಡ್‌ನ ರಾಷ್ಟ್ರೀಯ GDPಯ ೩೬%ನಷ್ಟಿದೆ ಮತ್ತು ಸಮಗ್ರ ಸೌತ್‌ ಐಲೆಂಡ್‌ನದಕ್ಕಿಂತ ೧೫%ನಷ್ಟು ಜಾಸ್ತಿಯಿದೆ.[೪೦]

ದೇಶದ ಅತ್ಯಂತ ದೊಡ್ಡ ವಾಣಿಜ್ಯ ಕೇಂದ್ರವಾಗಿ ಆಕ್ಲೆಂಡ್‌ನ ಸ್ಥಾನಮಾನವು ಉನ್ನತವಾದ ಸರಾಸರಿ ವೈಯಕ್ತಿಕ ಆದಾಯದಲ್ಲಿ (ತಲಾ ಕಾರ್ಯನಿರತ ವ್ಯಕ್ತಿಗೆ, ತಲಾ ವರ್ಷಕ್ಕೆ) ಪ್ರತಿಬಿಂಬಿಸಲ್ಪಟ್ಟಿದೆ. ೨೦೦೫ರಲ್ಲಿ ಈ ವಲಯಕ್ಕೆ ಸಂಬಂಧಿಸಿದಂತೆ ಸರಾಸರಿ ವೈಯಕ್ತಿಕ ಆದಾಯವು ೪೪,೩೦೪ NZ$ನಷ್ಟಿತ್ತು (ಸರಿಸುಮಾರು ೩೩,೦೦೦ US$). ಆಕ್ಲೆಂಡ್‌ CBDಯಲ್ಲಿನ ಉದ್ಯೋಗಗಳು ಅನೇಕವೇಳೆ ಹೆಚ್ಚು ಗಳಿಕೆಯನ್ನು ಮಾಡಿದ್ದು ಇದಕ್ಕೆ ಕಾರಣವಾಗಿತ್ತು.[೪೧] ೨೦೦೧ರಲ್ಲಿನ[೪೨] ಸರಾಸರಿ ವೈಯಕ್ತಿಕ ಆದಾಯವು (೧೫ ವರ್ಷಗಳಿಗಿಂತ ವಯಸ್ಸಾದ ಎಲ್ಲಾ ವ್ಯಕ್ತಿಗಳಿಗೆ ಸಂಬಂಧಿಸಿ, ಪ್ರತಿ ವರ್ಷಕ್ಕೆ) ೨೨,೩೦೦ NZ$ನಷ್ಟಿತ್ತು; ಕೇವಲ ನಾರ್ತ್‌ ಷೋರ್‌ ನಗರ (ಇದೂ ಸಹ ಮಹಾ ಆಕ್ಲೆಂಡ್‌ ಪ್ರದೇಶದ ಭಾಗ) ಮತ್ತು ವೆಲಿಂಗ್ಟನ್‌ ನಂತರದ ಸ್ಥಾನಗಳಲ್ಲಿದ್ದವು. ಆಕ್ಲೆಂಡ್‌ನ ನಿತ್ಯ ಪ್ರಯಾಣಿಕರ ಪೈಕಿ ಕಚೇರಿ ಕೆಲಸಗಾರರು ಈಗಲೂ ಒಂದು ಬೃಹತ್‌ ಭಾಗವನ್ನು ಆಕ್ರಮಿಸಿಕೊಂಡಿದ್ದರೆ, ನಗರದ ಇತರ ಭಾಗಗಳಲ್ಲಿನ ಕಚೇರಿಯ ಬೃಹತ್‌ ಬೆಳವಣಿಗೆಗಳು ನಿಧಾನವಾಗಿ ಹೆಚ್ಚು ಸಾಮಾನ್ಯವಾಗುತ್ತಿವೆ. ಒಂದು ರೀತಿಯಲ್ಲಿ ಆಕ್ಲೆಂಡ್‌ CBDಯ ಮೇಲಿನ ದಟ್ಟಣೆಯನ್ನು ಈ ಬೆಳವಣಿಗೆಯು ತಗ್ಗಿಸುತ್ತಿದೆ ಎಂದು ಹೇಳಬಹುದು. ನಾರ್ತ್‌ ಷೋರ್‌ ನಗರಗಳಾದ ಟಾಕಾಪುನಾ ಅಥವಾ ಆಲ್ಬೆನಿ ಇದಕ್ಕೆ ಉದಾಹರಣೆಗಳಾಗಿವೆ.

ಶಿಕ್ಷಣ[ಬದಲಾಯಿಸಿ]

ದೇಶದಲ್ಲಿನ ಕೆಲವೊಂದು ಅತ್ಯಂತ ದೊಡ್ಡ ವಿಶ್ವವಿದ್ಯಾಲಯಗಳನ್ನು ಒಳಗೊಂಡಂತೆ, ಹಲವಾರು ಮುಖ್ಯ ಶೈಕ್ಷಣಿಕ ಸಂಸ್ಥೆಗಳನ್ನು ಆಕ್ಲೆಂಡ್‌ ಹೊಂದಿದೆ. ಆಕ್ಲೆಂಡ್‌ ಕಡಲಾಚೆಯ ಭಾಷಾ ಶಿಕ್ಷಣದ ಒಂದು ಪ್ರಮುಖ ಕೇಂದ್ರವಾಗಿದ್ದು, ವಿದೇಶಿ ವಿದ್ಯಾರ್ಥಿಗಳು (ನಿರ್ದಿಷ್ಟವಾಗಿ ಪೂರ್ವ ಏಷ್ಯಾದವರು) ಬೃಹತ್‌ ಸಂಖ್ಯೆಗಳಲ್ಲಿ ನಗರಕ್ಕೆ ಬರುತ್ತಿದ್ದಾರೆ. ಇಂಗ್ಲಿಷ್‌ ಕಲಿಯಲು ಅಥವಾ ವಿಶ್ವವಿದ್ಯಾಲಯಗಳಲ್ಲಿ ಅಧ್ಯಯನ ಮಾಡಲು ಹಲವಾರು ತಿಂಗಳುಗಳು ಅಥವಾ ವರ್ಷಗಳವರೆಗೆ ಈ ವಿಧ್ಯಾರ್ಥಿಗಳು ನಗರದಲ್ಲಿ ಇರುವುದು ವಾಡಿಕೆ. ಆದರೂ, ೨೦೦೩ರಲ್ಲಿ ಉಚ್ಚ್ರಾಯ ಸ್ಥಿತಿಯಲ್ಲಿದ್ದ ಇದರ ಸಂಖ್ಯಾಚಿತ್ರಣವು ಅಲ್ಲಿಂದೀಚಿಗೆ ನ್ಯೂಜಿಲೆಂಡ್‌-ಆದ್ಯಂತ ಗಣನೀಯ ಪ್ರಮಾಣದಲ್ಲಿ ಕುಸಿದಿವೆ.[೪೩] ೨೦೦೭ರ ವೇಳೆಗೆ ಇದ್ದಂತೆ, ಆಕ್ಲೆಂಡ್‌ ಪ್ರದೇಶದಲ್ಲಿ ಸುಮಾರು ೫೦ NZQA ಪ್ರಮಾಣೀಕೃತ ಶಾಲೆಗಳು ಮತ್ತು ಸಂಸ್ಥೆಗಳಿದ್ದು, ಇಂಗ್ಲಿಷ್‌ನ್ನು ಅವು ಬೋಧಿಸುತ್ತಿವೆ.[೪೪]

ಪ್ರಾಥಮಿಕ ಮತ್ತು ಪ್ರೌಢ ಶಾಲೆಗಳ ಒಂದು ಬಾಹುಳ್ಯವನ್ನು ಆಕ್ಲೆಂಡ್‌ ಹೊಂದಿದೆ. ಈ ನಗರವು ಹಲವಾರು ಖಾಸಗಿ ಶಾಲೆಗಳನ್ನೂ ಹೊಂದಿದೆ. ನ್ಯೂಜಿಲೆಂಡ್‌ನ ಮೂರು ಅತ್ಯಂತ ದೊಡ್ಡ (ಫೂರ್ಣಾವಧಿ ವಿದ್ಯಾರ್ಥಿ ಸಂಖ್ಯೆಗಳ ಆಧಾರದ ಮೇಲೆ) ಪ್ರೌಢ ಶಾಲೆಗಳನ್ನು ಆಕ್ಲೆಂಡ್‌ ಒಳಗೊಂಡಿದೆ. ಅವುಗಳೆಂದರೆ, ಕ್ರಮವಾಗಿ ರಂಗಿಟೊಟೊ ಕಾಲೇಜು, ಅವೊಂಡೇಲ್‌ ಕಾಲೇಜು ಮತ್ತು ಮ್ಯಾಸ್ಸೆ ಪ್ರೌಢಶಾಲೆ. ನ್ಯೂಜಿಲೆಂಡ್‌ನ ಅತ್ಯಂತ ದೊಡ್ಡ ಕ್ಯಾಥಲಿಕ್‌ ಶಾಲೆಯಾದ ಸೇಂಟ್‌ ಪೀಟರ್ಸ್‌ ಕಾಲೇಜನ್ನೂ ಸಹ ಇದು ಒಳಗೊಂಡಿದೆ.

ಅತ್ಯಂತ ಮುಖ್ಯ ತೃತೀಯಕ ಶೈಕ್ಷಣಿಕ ಸಂಸ್ಥೆಗಳಲ್ಲಿ ಇವು ಸೇರಿವೆ: ಆಕ್ಲೆಂಡ್‌ ವಿಶ್ವವಿದ್ಯಾಲಯ (ನಗರ, ತಮಾಕಿ, ಗ್ರಾಫ್ಟನ್‌ ಕ್ಯಾಂಪಸ್‌ ಮತ್ತು ಉಪ ವಿದ್ಯಾಸಂಸ್ಥೆಗಳು) ಆಕ್ಲೆಂಡ್‌ ಕಾಲೇಜು ಆಫ್‌ ಎಜುಕೇಷನ್‌ (ಎಪ್ಸಮ್‌ ಅಂಡ್‌ ಟಾಯ್‌ ಟೊಕೆರು ಕ್ಯಾಂಪಸ್‌), AUT (ನಗರ, ನಾರ್ತ್‌ ಷೋರ್‌ ಮತ್ತು ಮನಕಾವು ಆವರಣ), ನ್ಯೂಜಿಲೆಂಡ್‌ನ ಅತ್ಯಂತ ಹೊಸದಾದ ವಿಶ್ವವಿದ್ಯಾಲಯವಾದ ಮ್ಯಾಸ್ಸೆ ವಿಶ್ವವಿದ್ಯಾಲಯ (ಆಲ್ಬೆನಿ ಆವರಣ) ಮತ್ತು ಮನುಕಾವು ಇನ್‌‌ಸ್ಟಿಟ್ಯೂಟ್‌ ಆಫ್‌ ಟೆಕ್ನಾಲಜಿ (ಒಟಾರಾ ಆವರಣ). ಇವಷ್ಟೇ ಅಲ್ಲದೇ, ಯೂನಿಟೆಕ್‌ ನ್ಯೂಜಿಲೆಂಡ್‌ (ಮೌಂಟ್‌ ಆಲ್ಬರ್ಟ್‌ ವಿದ್ಯಾಸಂಸ್ಥೆ) ಎಂಬುದು ಆಕ್ಲೆಂಡ್‌ನಲ್ಲಿನ ಅತ್ಯಂತ ದೊಡ್ಡ ತಾಂತ್ರಿಕ ಶಿಕ್ಷಣಸಂಸ್ಥೆಯಾಗಿದೆ.

ವಸತಿ ವ್ಯವಸ್ಥೆ[ಬದಲಾಯಿಸಿ]

ವಸತಿ ವ್ಯವಸ್ಥೆಯು ಪರಿಗಣನೀಯವಾಗಿ ಬದಲಾಗುತ್ತದೆ. ಕೆಲವೊಂದು ಉಪನಗರಗಳು ಕಡಿಮೆ ಆದಾಯದ ನೆರೆಹೊರೆಗಳಲ್ಲಿ ಸರ್ಕಾರಿ ಸ್ವಾಮ್ಯದ ವಸತಿ ವ್ಯವಸ್ಥೆಯನ್ನು ಹೊಂದಿದ್ದರೆ, ವಿಶೇಷವಾಗಿ ವೈಟ್‌ಮೆಟಾದಲ್ಲಿ ವೈಭವಯುತ ಜಲಾಭಿಮುಖ ಸ್ಥಿರಾಸ್ತಿಗಳಿವೆ. ಸಾಂಪ್ರದಾಯಿಕವಾಗಿ ಹೇಳುವುದಾದರೆ, ಆಕ್ಲೆಂಡ್‌ ನಿವಾಸಿಗಳ ಅತ್ಯಂತ ಸಾಮಾನ್ಯ ನಿವಾಸವು ಒಂದು 'ಕಾಲು ಎಕರೆ' (೧,೦೦೦ m²) ಪ್ರದೇಶದಲ್ಲಿನ ಒಂದು ಬಂಗಲೆಯಾಗಿತ್ತು.[೪೫] ಅದಾಗ್ಯೂ, 'ಒಳಭರ್ತಿ ವಸತಿ ವ್ಯವಸ್ಥೆ'ಯೊಂದಿಗೆ ಇಂಥ ಸ್ವತ್ತುಗಳನ್ನು ಮರುವಿಂಗಡಣೆ ಮಾಡುವುದು ಬಹಳ ಕಾಲದಿಂದಲೂ ರೂಢಮಾದರಿಯಾಗಿದೆ. ಗೃಹಸ್ತೋಮಗಳ ಒಂದು ಕೊರತೆ ಮತ್ತು ಕಳಪೆ ಸಾರ್ವಜನಿಕ ಸಾರಿಗೆಯಿಂದ ಉದ್ಭವಿಸಿರುವ ಆಕ್ಲೆಂಡ್‌ ನಿವಾಸಿಗಳ ವಸತಿ ವ್ಯವಸ್ಥೆಯ ಆದ್ಯತೆಗಳು, ಒಂದು ಬೃಹತ್‌ ನಗರದ ಅವ್ಯವಸ್ಥಿತ ಬೆಳವಣಿಗೆ ಹಾಗೂ ಮೋಟಾರು ವಾಹನಗಳ ಮೇಲಿನ ಅವಲಂಬನೆಗೆ ಕಾರಣವಾಗಿವೆ. ಇದು ಪ್ರಾಯಶಃ ಹೀಗೆಯೇ ಮುಂದುವರಿಯುತ್ತದೆ. ಏಕೆಂದರೆ, ದೊಡ್ಡ ಸಂಖ್ಯೆಯ ಆಕ್ಲೆಂಡ್‌ ನಿವಾಸಿಗಳು ಕಡಿಮೆ-ದಟ್ಟಣೆಯ ವಸತಿ ವ್ಯವಸ್ಥೆಯಲ್ಲಿ ವಾಸಿಸುತ್ತಿದ್ದು, ಇದು ೨೦೫೦ರಲ್ಲಿಯೂ ಸಹ ಒಟ್ಟು ಪಾಲಿನ ೭೦%ನಷ್ಟು ಮಟ್ಟದವರೆಗೆ ಉಳಿಯುತ್ತದೆಂದು ನಿರೀಕ್ಷಿಸಲಾಗಿದೆ.[೪೫]

ಕೆಲವೊಂದು ಪ್ರದೇಶಗಳಲ್ಲಿ, ಟೆನಿಸ್‌ ಅಂಗಣಗಳು ಮತ್ತು ಈಜುಕೊಳಗಳನ್ನು ಒಳಗೊಂಡಿರುವ ಬೃಹತ್‌ ಗಿಲಾವಿನ ಮಹಲುಗಳಿಗಾಗಿ ಅವಕಾಶವನ್ನು ಕಲ್ಪಿಸಿಕೊಡಲು, ವಿಕ್ಟೋರಿಯಾ ಶೈಲಿಯ ವಿಲ್ಲಾಗಳು ಹೆಚ್ಚಿನ ಸಂಖ್ಯೆಯಲ್ಲಿ ಒಡೆಯಲ್ಪಡುತ್ತಿವೆ.

ಪರಂಪರೆಯ ಉಪನಗರಗಳು ಅಥವಾ ಬೀದಿಗಳನ್ನು ತನ್ನ ತೆಕ್ಕೆಗೆ ತೆಗೆದುಕೊಂಡು ರಕ್ಷಿಸುವ ಕಾನೂನುಗಳನ್ನು ಜಾರಿಮಾಡುವ ಮೂಲಕ, ಆಕ್ಲೆಂಡ್‌ ನಗರ ಪರಿಷತ್ತು ಹಳೆಯದಾಗಿರುವ ಸ್ವತ್ತುಗಳ ನಾಶವನ್ನು ಪ್ರತಿಭಟಿಸುತ್ತಾ ಬಂದಿದೆ. 'ಮರದಲ್ಲಿ ಕಟ್ಟಿದ ವಸತಿ ವ್ಯವಸ್ಥೆಯ ಅತ್ಯಂತ ವ್ಯಾಪಕ ಶ್ರೇಣಿಯನ್ನು ಆಕ್ಲೆಂಡ್‌ ಹೊಂದಿದೆ, ಈ ವ್ಯವಸ್ಥೆಯ ವಿವರಗಳು ಮತ್ತು ಬಾಹ್ಯರೇಖಾಲಂಕಾರಗಳು ವಿಶ್ವದಲ್ಲೇ ಶ್ರೇಷ್ಠವಾಗಿವೆ' ಎಂದು ವರ್ಣಿಸಲ್ಪಟ್ಟಿದ್ದು, ಅವುಗಳ ಪೈಕಿ ಅನೇಕವು ವಿಕ್ಟೋರಿಯಾದ-ಎಡ್ವರ್ಡಿನ ಶೈಲಿ ಮನೆಗಳಾಗಿವೆ.[೪೬]

ಸರ್ಕಾರ[ಬದಲಾಯಿಸಿ]

ಸ್ಥಳೀಯ ಸರ್ಕಾರ[ಬದಲಾಯಿಸಿ]

See also: Auckland Regionಮತ್ತು Auckland Council

ಮಹಾನಗರದ ಪ್ರದೇಶವು ಆಕ್ಲೆಂಡ್‌ ನಗರ (ಹೌರಾಕಿ ಕೊಲ್ಲಿ ದ್ವೀಪಗಳನ್ನು ಹೊರತುಪಡಿಸಿದ್ದು), ನಾರ್ತ್‌ ಷೋರ್‌ ನಗರ, ವೈಟಕೇರ್‌ ಮತ್ತು ಮನುಕಾವು ನಗರಗಳ ನಗರದ ಭಾಗಗಳು, ಮತ್ತು ಪಾಪಾಕುರಾ ಜಿಲ್ಲೆ ಹಾಗೂ ರಾಡ್ನಿ ಮತ್ತು ಫ್ರಾಂಕ್ಲಿನ್‌ ಜಿಲ್ಲೆಗಳ ಕೆಲವೊಂದು ನಗರದ ಭಾಗಗಳಿಂದ ಮಾಡಲ್ಪಟ್ಟಿದೆ. ಆಕ್ಲೆಂಡ್‌ ಪ್ರಾದೇಶಿಕ ಪರಿಷತ್ತು, ಸದರಿ ಪ್ರದೇಶಕ್ಕೆ ಸಂಬಂಧಿಸಿದ ಅಧಿಕಾರ ವ್ಯಾಪ್ತಿಯೊಂದಿಗಿನ ಪ್ರಾದೇಶಿಕ ಪರಿಷತ್ತು ಆಗಿದೆ.

೨೦೦೦ದ ದಶಕದ ಅಂತ್ಯದಲ್ಲಿ, ನ್ಯೂಜಿಲೆಂಡ್‌ನ ಕೇಂದ್ರ ಸರ್ಕಾರ ಮತ್ತು ಆಕ್ಲೆಂಡ್‌ನ ಸಮಾಜದ ಭಾಗಗಳು ಚಿಂತನೆಗೆ ತೊಡಗಿಸಿಕೊಂಡು, ಈ ಬೃಹತ್‌ ಸಂಖ್ಯೆಯಲ್ಲಿನ ಪರಿಷತ್ತುಗಳು, ಮತ್ತು ಪ್ರಬಲವಾದ ಪ್ರಾದೇಶಿಕ ಸರ್ಕಾರದ ಕೊರತೆಯು (ಆಕ್ಲೆಂಡ್‌ ಪ್ರಾದೇಶಿಕ ಪರಿಷತ್ತು ಕೇವಲ ಸೀಮಿತ ಅಧಿಕಾರಗಳನ್ನು ಹೊಂದಿದ್ದರಿಂದಾಗಿ), ಆಕ್ಲೆಂಡ್‌ನ ಪ್ರಗತಿಗೆ ಅಡ್ಡಿಯುಂಟುಮಾಡುತ್ತಿವೆ ಎಂದು ಒಂದು ಅಭಿಪ್ರಾಯವನ್ನು ತಳೆದವು. ಒಂದು ರಾಯಲ್‌ ಕಮಿಷನ್‌ ಆನ್‌ ಆಕ್ಲೆಂಡ್‌ ಗವರ್ನೆನ್ಸ್‌‌‌ನ್ನು ೨೦೦೭ರಲ್ಲಿ[೪೭][೪೮] ಸ್ಥಾಪಿಸಲಾಯಿತು ಮತ್ತು ಇದು ೨೦೦೯ರಲ್ಲಿ ಪರಿಷತ್ತುಗಳನ್ನು ಸಂಯೋಜಿಸುವ ಮೂಲಕ, ಆಕ್ಲೆಂಡ್‌ಗೆ ಸಂಬಂಧಿಸಿದ ಒಂದು ಏಕೀಕೃತ ಸ್ಥಳೀಯ ಆಡಳಿತ ಸ್ವರೂಪವನ್ನು ಶಿಫಾರಸು ಮಾಡಿತು.[೪೯] ತರುವಾಯದಲ್ಲಿ ಸರ್ಕಾರವು ಒಂದು ಪ್ರಕಟಣೆಯನ್ನು ಹೊರಡಿಸಿ, ೨೦೧೦ರಲ್ಲಿ ನ್ಯೂಜಿಲೆಂಡ್‌ನ ಸ್ಥಳೀಯ ಸಂಸ್ಥೆಯ ಚುನಾವಣೆಗಳು ಬರುವ ವೇಳೆಗೆ ಒಂದು ಏಕ ಮೇಯರ್‌ನೊಂದಿಗೆ ಒಂದು "ಸೂಪರ್‌‌ ನಗರ"ವನ್ನು ಸ್ಥಾಪಿಸಲಾಗುವುದು ಎಂದು ಘೋಷಿಸಿತು.[೫೦][೫೧]

ಪ್ರಸ್ತಾವಿಸಲ್ಪಟ್ಟ ಮರುಸಂಘಟನೆಯ ಅನೇಕ ಅಂಶಗಳು ವಿವಾದಾತ್ಮಕವಾಗಿದ್ದವು ಅಥವಾ ಈಗಲೂ ವಿವಾದಾತ್ಮಕವಾಗಿವೆ. ಮವೋರಿಗೆ ಸಂಬಂಧಿಸಿದ ಪ್ರಾತಿನಿಧ್ಯದ ಸ್ವರೂಪ, ಸೂಪರ್‌‌ ನಗರದಲ್ಲಿ ಗ್ರಾಮೀಣ ಪರಿಷತ್ತಿನ ಪ್ರದೇಶಗಳನ್ನು ಸೇರ್ಪಡೆಮಾಡಿಕೊಳ್ಳುವಿಕೆ ಅಥವಾ ಹೊರಗಿಡುವಿಕೆ ಇವೇ ಮೊದಲಾದ ವಿಷಯಗಳಿಂದ ಮೊದಲ್ಗೊಂಡು, ಪರಿಷತ್ತಿನಿಂದ ನಿಯಂತ್ರಿಸಲ್ಪಡುವ ಸಂಘಟನೆಗಳ ಪಾತ್ರದವರೆಗಿನ ಅನೇಕ ಅಂಶಗಳು ಸದರಿ ಪ್ರಸ್ತಾವಿತ ಮರುಸಂಘಟನೆಯ ಅಂಶಗಳಲ್ಲಿ ಸೇರಿದ್ದವು. ಪರಿಷತ್ತಿನ ಸೇವೆಗಳ ದೈನಂದಿನ ಆಗುಹೋಗುಗಳ ಬಹುಪಾಲನ್ನು ಚುನಾಯಿತ ಪರಿಷತ್ತಿನಿಂದ ಕೈಯಳತೆ ದೂರದಲ್ಲಿರಿಸುವುದು ಪರಿಷತ್ತಿನಿಂದ ನಿಯಂತ್ರಿಸಲ್ಪಡುವ ಸಂಘಟನೆಗಳ ಆಶಯವಾಗಿತ್ತು.

ರಾಷ್ಟ್ರೀಯ ಸರ್ಕಾರ[ಬದಲಾಯಿಸಿ]

೧೮೪೨ ಮತ್ತು ೧೮೬೫ರ ನಡುವೆ, ಆಕ್ಲೆಂಡ್‌ ನ್ಯೂಜಿಲೆಂಡ್‌ನ ರಾಜಧಾನಿ ನಗರವಾಗಿತ್ತು. ಆಕ್ಲೆಂಡ್‌ ವಿಶ್ವವಿದ್ಯಾಲಯದ ನಗರದ ವಿದ್ಯಾಸಂಸ್ಥೆಯ ಆವರಣದ ಮೇಲಿರುವ ಈಗಿನ ಓಲ್ಡ್‌ ಗೌರ್ನ್‌ಮೆಂಟ್‌ ಹೌಸ್‌ನಲ್ಲಿ ಸಂಸತ್ತು ಸೇರುತ್ತಿತ್ತು. ೧೮೬೫ರಲ್ಲಿ ರಾಜಧಾನಿಯು ವೆಲಿಂಗ್ಟನ್‌‌‌ಗೆ ಬದಲಾಯಿತು.

ತನ್ನ ಬೃಹತ್‌ ಜನಸಂಖ್ಯೆಯ ಕಾರಣದಿಂದಾಗಿ ಆಕ್ಲೆಂಡ್ ಪ್ರಸಕ್ತವಾಗಿ Expression error: Unexpected < operator. ೨೧ ಸಾರ್ವತ್ರಿಕ ಮತಕ್ಷೇತ್ರಗಳು ಮತ್ತು ಮೂರು ಮವೋರಿ ಮತಕ್ಷೇತ್ರಗಳನ್ನು ಒಳಗೊಂಡಿದೆ. ೨೦೦೮ಕ್ಕೆ ಮುಂಚಿತವಾಗಿ, ಅಲ್ಲಿ ಕೇವಲ ೨೦ ಸಾರ್ವತ್ರಿಕ ಮತಕ್ಷೇತ್ರಗಳಿದ್ದವು; ಆಕ್ಲೆಂಡ್‌ ಸುತ್ತಮುತ್ತಲಿನ ಜನಸಂಖ್ಯೆಯಲ್ಲಿ ಹೆಚ್ಚಳವಾದ ಕಾರಣದಿಂದಾಗಿ, ೨೦೦೮ರಲ್ಲಿ ಬಾಟನಿ ಎಂಬ ಹೊಸ ಸ್ಥಾನವು ಸೃಷ್ಟಿಸಲ್ಪಟ್ಟಿತು. ೨೦೦೮ರ ಚುನಾವಣೆಯ ವೇಳೆಗೆ ಇದ್ದಂತೆ, ಆಡಳಿತ ನಡೆಸುತ್ತಿರುವ ರಾಷ್ಟ್ರೀಯ ಪಕ್ಷವು (ನ್ಯಾಷನಲ್‌ ಪಾರ್ಟಿ) ಒಟ್ಟು ಸ್ಥಾನಗಳ ಪೈಕಿ ಹದಿಮೂರು ಸ್ಥಾನಗಳನ್ನು ಹೊಂದಿದ್ದರೆ, ವಿರೋಧ ಪಕ್ಷವಾದ ಕಾರ್ಮಿಕ ಪಕ್ಷವು (ಲೇಬರ್‌ ಪಾರ್ಟಿ) ಎಂಟು ಸ್ಥಾನಗಳನ್ನು (ಏಳು ಸಾರ್ವತ್ರಿಕ, ಒಂದು ಮವೋರಿ), ACT ಪಕ್ಷವು ಒಂದು ಸ್ಥಾನವನ್ನು, ಮತ್ತು ಮವೋರಿ ಪಕ್ಷವು ಎರಡು ಸ್ಥಾನಗಳನ್ನು (ಎರಡೂ ಮವೋರಿ) ಹೊಂದಿವೆ.

ಮತಕ್ಷೇತ್ರ MP ಪಕ್ಷ
ಆಕ್ಲೆಂಡ್‌ ಸೆಂಟ್ರಲ್‌ ನಿಕ್ಕಿ ಕಾಯೆ ರಾಷ್ಟ್ರೀಯ
ಬಾಟನಿ ಪಾನ್ಸಿ ವಾಂಗ್‌ ರಾಷ್ಟ್ರೀಯ
ಈಸ್ಟ್‌ ಕೋಸ್ಟ್‌ ಬೇಸ್‌ ಮರ್ರೆ ಮೆಕ್‌ಕಲ್ಲಿ ರಾಷ್ಟ್ರೀಯ
ಎಪ್ಸಮ್‌ ರಾಡ್ನಿ ಹೈಡ್‌ ACT
ಹೆಲೆನ್ಸ್‌ವಿಲ್ಲೆ ಜಾನ್‌ ಕೀ ರಾಷ್ಟ್ರೀಯ
ಹಾನುವಾ ಪಾಲ್‌ ಹಚಿನ್‌ಸನ್‌ ರಾಷ್ಟ್ರೀಯ
ಮಾನ್‌ಗೆರೆ ಸು'ವಾ ವಿಲಿಯಂ ಸಿಯೋ ಕಾರ್ಮಿಕ
ಮನುಕಾವು ಈಸ್ಟ್‌ ರಾಸ್‌ ರಾಬರ್ಟ್‌ಸನ್‌ ಕಾರ್ಮಿಕ
ಮನುರೇವಾ ಜಾರ್ಜ್‌ ಹಾಕಿನ್ಸ್‌ ಕಾರ್ಮಿಕ
ಮೌಂಗಕೀಕೀ ಪೆಸೆಟಾ ಸ್ಯಾಮ್‌ ಲೊಟು-ಲಿಗಾ ರಾಷ್ಟ್ರೀಯ
ಮೌಂಟ್‌ ಆಲ್ಬರ್ಟ್‌ ಡೇವಿಡ್‌ ಷಿಯರರ್‌‌ ಕಾರ್ಮಿಕ
ಮೌಂಟ್‌ ರಾಸ್ಕಿಲ್‌ ಫಿಲ್‌ ಗಾಫ್‌ ಕಾರ್ಮಿಕ
ನ್ಯೂ ಲಿನ್‌ ಡೇವಿಡ್‌ ಕನ್‌ಲಿಫ್ಫೆ ಕಾರ್ಮಿಕ
ನಾರ್ತ್‌ ಷೋರ್‌ ವೈನೆ ಮ್ಯಾಪ್‌ ರಾಷ್ಟ್ರೀಯ
ನಾರ್ತ್‌ಕೋಟ್‌ ಜೋನಾಥನ್‌ ಕೋಲ್‌ಮನ್‌ ರಾಷ್ಟ್ರೀಯ
ಪಕುರಂಗಾ ಮೌರಿಸ್‌ ವಿಲಿಯಂಸನ್‌ ರಾಷ್ಟ್ರೀಯ
ಪಾಪಾಕುರಾ ಜ್ಯುಡಿತ್‌ ಕಾಲಿನ್ಸ್‌ ರಾಷ್ಟ್ರೀಯ
ರಾಡ್ನಿ ಲಾಕ್‌ವುಡ್‌ ಸ್ಮಿತ್‌‌ ರಾಷ್ಟ್ರೀಯ
ಟೆ ಅಟಾಟು ಕ್ರಿಸ್‌ ಕಾರ್ಟರ್‌‌ ಕಾರ್ಮಿಕ
ಟಾಮಕಿ ಅಲನ್‌ ಪೀಚೆ ರಾಷ್ಟ್ರೀಯ
ವೈಟಕೇರ್‌ ಪೌಲಾ ಬೆನೆಟ್‌ ರಾಷ್ಟ್ರೀಯ
ಹೌರಾಕಿ-ವೈಕಾಟೊ (ಮವೋರಿ) ನಾನೈಯಾ ಮಹುತಾ ಕಾರ್ಮಿಕ
ಟಮಾಕಿ ಮಕೌರೌ (ಮವೋರಿ) ಪಿಟಾ ಷಾರ್ಪಲ್ಸ್‌ ಮವೊರಿ
ಟೆ ಟಾಯ್‌ ಟೊಕೆರು (ಮವೋರಿ) ಹೊನೆ ಹರಾವಿರಾ ಮವೊರಿ

ಸಾರಿಗೆ[ಬದಲಾಯಿಸಿ]

ಆಕ್ಲೆಂಡ್‌ನ ಕೆಲವೊಂದು ಗಮ್ಯಸ್ಥಾನಗಳಿಗೆ ಸಂಬಂಧಿಸಿದಂತೆ ದೋಣಿಯ ಪ್ರಯಾಣವು ಸಾರ್ವಜನಿಕ ಸಾಗಣೆಯ ಒಂದು ಜನಪ್ರಿಯ ಬಗೆಯಾಗಿದೆ.

ಪ್ರಯಾಣದ ವಿಧಾನಗಳು[ಬದಲಾಯಿಸಿ]

ರಸ್ತೆ ಮತ್ತು ರೈಲು

ಖಾಸಗಿ ವಾಹನಗಳು ಆಕ್ಲೆಂಡ್‌ ಪ್ರದೇಶದಲ್ಲಿನ ಸಾರಿಗೆ ವ್ಯವಸ್ಥೆಯ ಪ್ರಮುಖ ಸ್ವರೂಪವಾಗಿದ್ದು, ವಾಹನ ಪ್ರಯಾಣಗಳ ಪೈಕಿಯ ಕೇವಲ ಸುಮಾರು ೭%ನಷ್ಟು ಭಾಗವು ಬಸ್‌ನಿಂದ ನೆರವೇರುತ್ತದೆ (೨೦೦೬ರ ದತ್ತಾಂಶ)[೫೨], ಆದರೂ ಅಲ್ಲಿಂದೀಚೆಗೆ ಈ ಸಂಖ್ಯೆಗಳು ಒಂದಷ್ಟು ಹೆಚ್ಚಿವೆ ಎನ್ನಬಹುದು. ೨೦೦೯ರ ವೇಳೆಗೆ ಇದ್ದಂತೆ, ಈ ವಿಷಯಕ್ಕೆ ಸಂಬಂಧಿಸಿದಂತೆ ಆಕ್ಲೆಂಡ್‌ ಈಗಲೂ ಸಹ ಕೊಂಚ ಕೆಳಗಿನ ಸ್ಥಾನದಲ್ಲಿದೆ. ಪ್ರತಿವ್ಯಕ್ತಿಗೆ ಪ್ರತಿವರ್ಷಕ್ಕೆ ೪೧ ಸಾರ್ವಜನಿಕ ಸಾರಿಗೆಯ ಕೇವಲ ಪರ್ಯಟನಗಳನ್ನು ಆಕ್ಲೆಂಡ್‌ ಹೊಂದಿದ್ದರೆ, ೯೧ ಪರ್ಯಟನಗಳನ್ನು ಹೊಂದುವ ಮೂಲಕ ದುಪ್ಪಟ್ಟು ಪ್ರಮಾಣಕ್ಕಿಂತ ಹೆಚ್ಚಿನದನ್ನು ಹೊಂದಿದೆ, ಮತ್ತು ಸಿಡ್ನಿಯು ೧೧೪ ಪರ್ಯಟನಗಳನ್ನು ಹೊಂದಿದೆ.[೫೩] ರಸ್ತೆ ಸಾರಿಗೆಯೆಡೆಗಿನ ಈ ತೆರನಾದ ಬಲವಾದ ಗಮನದಿಂದಾಗಿ, ಒತ್ತಡದ ಕಾಲಗಳ ಅವಧಿಯಲ್ಲಿ ಗಣನೀಯ ಪ್ರಮಾಣದಲ್ಲಿ ಸಂಚಾರದ ದಟ್ಟಣೆಯು ಕಂಡುಬರುತ್ತದೆ.[೫೪]

ಆಕ್ಲೆಂಡ್‌ ಒಂದು ಭೂಸಂಧಿಯ ಮೇಲೆ ಇರುವ ಕಾರಣದಿಂದಾಗಿ, ಆಕ್ಲೆಂಡ್‌ನಲ್ಲಿನ ಬಸ್‌ ಸೇವೆಗಳು ವರ್ತುಲ-ಮಾರ್ಗಗಳ ಸ್ವರೂಪದಲ್ಲಿರುವುದಕ್ಕಿಂತ ಹೆಚ್ಚಾಗಿ ಬಹುತೇಕವಾಗಿ ಕೇಂದ್ರಾಪಸರಣದ ಸ್ವರೂಪದಲ್ಲಿವೆ. ತಡರಾತ್ರಿಯ ಸೇವೆಗಳು (ಅಂದರೆ ಮಧ್ಯರಾತ್ರಿಯ ನಂತರದ ಸೇವೆಗಳು) ಸೀಮಿತವಾಗಿದ್ದು, ವಾರಾಂತ್ಯಗಳಲ್ಲೂ ಸಹ ಇದೇ ಸ್ಥಿತಿ ಕಂಡುಬರುತ್ತದೆ. ಸುದೀರ್ಘ-ಅಂತರದ ಆಯ್ಕೆಗಳು ವಿರಳವಾಗಿರುವುದರಿಂದ, ಟ್ರೇನುಗಳು ಆಕ್ಲೆಂಡ್‌ನ ಪಶ್ಚಿಮ ಮತ್ತು ಆಗ್ನೇಯ ಭಾಗಕ್ಕೆ ಸೇವೆಯನ್ನು ಒದಗಿಸುತ್ತವೆ. ಆಕ್ಲೆಂಡ್‌ ಪ್ರದೇಶದಲ್ಲಿನ ರೈಲು ಮತ್ತು ಸಾರ್ವಜನಿಕ ಸಾಗಣೆ ಆಶ್ರಯವನ್ನು ಸುಧಾರಿಸಲು, ೨೦೦೭ರಲ್ಲಿ ಸರಿಸುಮಾರು ೫.೩ ಶತಕೋಟಿ NZ$ನಷ್ಟು ಮೌಲ್ಯದ ಬೃಹತ್‌-ಪ್ರಮಾಣದ ಯೋಜನೆಗಳು ಪ್ರಗತಿಯಲ್ಲಿದ್ದವು ಅಥವಾ ಯೋಜಿಸಲ್ಪಟ್ಟಿದ್ದವು (ಮತ್ತು ಇದಕ್ಕಾಗಿ ಆಯವ್ಯಯದಲ್ಲಿ ಅವಕಾಶ ಕಲ್ಪಿಸಲಾಗಿತ್ತು) ಮತ್ತು ಇದು ಸಾರಿಗೆ ಆಯವ್ಯಯದ ೩೧%ನಷ್ಟಿತ್ತು.[೫೫][೫೬] ಅದಾಗ್ಯೂ, ಅಧಿಕಾರಕ್ಕೆ ಬಂದ ರಾಷ್ಟ್ರೀಯ ಸರ್ಕಾರವು ೨೦೦೯ರ ಆರಂಭದಲ್ಲಿ ಮಾಡಿದ ಕಾರ್ಯನೀತಿಯಲ್ಲಿನ ಬದಲಾವಣೆಗಳು ಹೆಚ್ಚು ಹೆದ್ದಾರಿಗಳ ನಿರ್ಮಾಣಕ್ಕೆ ಸಂಬಂಧಿಸಿದಂತೆ ನೀಡುವ ಪ್ರಾಮುಖ್ಯತೆಯಲ್ಲಿ ಒಂದು ಪರಿವರ್ತನೆಯನ್ನು ತಂದಿವೆ, ಮತ್ತು ARTAನ ಸಾರ್ವಜನಿಕ ಸಾರಿಗೆ ಪರಿಷ್ಕರಣೆಗಳಿಗೆ ಸಂಬಂಧಿಸಿದಂತೆ ಪಾವತಿಸಬೇಕಿರುವ ಒಂದು ಪ್ರಾದೇಶಿಕ ಇಂಧನ ತೆರಿಗೆಯ ಒಂದು ಅವಕಾಶವನ್ನು ತೆಗೆದುಹಾಕಿವೆ.[೫೭] ರೈಲು ವಿದ್ಯುದೀಕರಣ ಯೋಜನೆಗೆ ಧನಸಹಾಯವನ್ನು ನೀಡಲು ಸರ್ಕಾರವು ಭರವಸೆಯನ್ನು ನೀಡಿದ್ದರೂ, ಇದಕ್ಕೆ ಸಂಬಂಧಿಸಿದ ಪ್ರಕ್ರಿಯೆ ಮತ್ತು ಟೆಂಡರುಗಳು ಸರಿಸುಮಾರು ಒಂದು ವರ್ಷದಷ್ಟು ವಿಳಂಬಗೊಂಡವು. ಅಷ್ಟೇ ಅಲ್ಲ, ಕೆಲವೊಂದು ರೈಲು ನಿಲ್ದಾಣಗಳ ಪರಿಷ್ಕರಣೆಗಳು ಮತ್ತು ಸಮಗ್ರವಾಗಿಸಲ್ಪಟ್ಟ ಟಿಕೆಟ್‌ ನೀಡಿಕೆಯ ಪರಿಷ್ಕರಣೆಯೆಡೆಗೆ ಧನಸಹಾಯವು ದೊರೆಯುವುದು ಅನುಮಾನವಾಗಿತ್ತು. ಭವಿಷ್ಯದ ಧನಸಹಾಯದ ಕೊರತೆಯೂ ಸಹ ಆಕ್ಲೆಂಡ್‌ ಪ್ರದೇಶದ ರೈಲು ನಿಲ್ದಾಣಗಳನ್ನು ಸರ್ಕಾರ ನಿಯಂತ್ರಣಕ್ಕೆ ವರ್ಗಾಯಿಸುವಂತೆ ARTAಯನ್ನು ಒತ್ತಾಯಿಸಿದವು.[೫೮][೫೯][೬೦]

ಇತರ ವಿಧಾನಗಳು

ಆಕ್ಲೆಂಡ್‌ನ ಬಂದರುಗಳು ದೇಶದ ಅತ್ಯಂತ ದೊಡ್ಡ ಬಂದರುಗಳಾಗಿವೆ, ಮತ್ತು ಬಹುತೇಕವಾಗಿ ಆಕ್ಲೆಂಡ್‌ CBDಯ ಈಶಾನ್ಯದಲ್ಲಿರುವ ಸೌಕರ್ಯಗಳ ಮಾರ್ಗವಾಗಿ ಅವುಗಳ ಮೂಲಕ ಸಾಗುವ ಒಳನಾಡಿನ ಮತ್ತು ಹೊರನಾಡಿನ ನ್ಯೂಜಿಲೆಂಡ್‌ ವಾಣಿಜ್ಯ ಪ್ರವಾಸಗಳೆರಡರ ಒಂದು ಬೃಹತ್‌ ಭಾಗವೇ ಆಗಿವೆ. ಸಾಗಣೆಯ ಸರಕು ಸಾಮಾನ್ಯವಾಗಿ ಇಲ್ಲಿಗೆ ಆಗಮಿಸುತ್ತದೆ ಅಥವಾ ಬಂದರು ಸೌಕರ್ಯಗಳು ರೈಲು ಸಂಪರ್ಕವನ್ನು ಹೊಂದಿದ್ದರೂ ಸಹ, ಸಾಗಣೆಯ ಸರಕು ಈ ಬಂದರಿನಿಂದ ರಸ್ತೆಯ ಮಾರ್ಗವಾಗಿ ವಿತರಿಸಲ್ಪಡುತ್ತದೆ. ವಿಹಾರ ನೌಕಾಯಾನದ ಹಡಗಿಗೆ ಸಂಬಂಧಿಸಿದಂತೆ, ಆಕ್ಲೆಂಡ್‌ ಒಂದು ಪ್ರಮುಖವಾದ ಪ್ರಯಾಣದ ನಡುವಿನ ತಂಗುದಾಣವಾಗಿದ್ದು, ಪ್ರಿನ್ಸಸ್‌ ವಾರ್ಫ್‌ ಎಂಬಲ್ಲಿ ಹಡಗುಗಳು ವಾಡಿಕೆಯಂತೆ ತೀರಕ್ಕೆ ಕಟ್ಟಿಹಾಕಲ್ಪಡುತ್ತವೆ. ಕಡಲತೀರದ ಉಪನಗರಗಳಿಗೆ, ನಾರ್ತ್‌ ಷೋರ್‌ ನಗರಕ್ಕೆ ಮತ್ತು ಹೊರವಲಯದಲ್ಲಿರುವ ದ್ವೀಪಗಳಿಗೆ ಆಕ್ಲೆಂಡ್‌ CBDಯು ಹಾಯಿದೋಣಿಯಿಂದ ಸಂಪರ್ಕಿಸಲ್ಪಡುತ್ತವೆ.

ಆಕ್ಲೆಂಡ್‌ ಹಲವಾರು ಸಣ್ಣ ಪ್ರಾದೇಶಿಕ ವಿಮಾನ ನಿಲ್ದಾಣಗಳನ್ನು ಹೊಂದಿದ್ದು, ಆಕ್ಲೆಂಡ್‌ ವಿಮಾನ ನಿಲ್ದಾಣವು ದೇಶದ ಅತ್ಯಂತ ಚಟುವಟಿಕೆಯ ವಿಮಾನ ನಿಲ್ದಾಣವೆನಿಸಿಕೊಂಡಿದೆ.

ಕಾರ್ಯನೀತಿಗಳು

ಗ್ರಿಫಿತ್‌ ವಿಶ್ವವಿದ್ಯಾಲಯದಲ್ಲಿನ ಸಂಶೋಧನೆಯು ಸೂಚಿಸಿರುವ ಪ್ರಕಾರ, ವಿಶ್ವದಲ್ಲಿ ಸ್ವಲ್ಪಮಟ್ಟಿಗಾದರೂ ಮೋಟಾರು ವಾಹನ-ಪರವಾದ ಸಾರಿಗೆ ಕಾರ್ಯನೀತಿಗಳ ಪೈಕಿ ಕೆಲವೊಂದರಲ್ಲಿ ಕಳೆದ ೫೦ ವರ್ಷಗಳಲ್ಲಿ ಆಕ್ಲೆಂಡ್‌ ತನ್ನನ್ನು ತೊಡಗಿಸಿಕೊಂಡಿದೆ.[೬೧] ೨೦ನೇ ಶತಮಾನದ ದ್ವಿತೀಯಾರ್ಧದ ಅವಧಿಯಲ್ಲಿ ಸಾರ್ವಜನಿಕ ಸಾರಿಗೆಯು ಅತೀವವಾಗಿ ಕುಸಿತ ಕಂಡಿದ್ದರಿಂದಾಗಿ (ಇದೇ ಪ್ರವೃತ್ತಿಯು USನಂಥ ಬಹುಪಾಲು ಪಾಶ್ಚಿಮಾತ್ಯ ದೇಶಗಳಲ್ಲಿ ಪ್ರತಿಬಿಂಬಿತವಾಯಿತು),[೬೨] ಮತ್ತು ರಸ್ತೆಗಳು ಹಾಗೂ ಕಾರುಗಳ ಮೇಲೆ ಹಣವನ್ನು ಖರ್ಚುಮಾಡುವುದು ಹೆಚ್ಚಾದ್ದರಿಂದಾಗಿ, ನ್ಯೂಜಿಲೆಂಡ್‌ (ಮತ್ತು ನಿರ್ದಿಷ್ಟವಾಗಿ ಆಕ್ಲೆಂಡ್‌) ಈಗ ವಿಶ್ವದಲ್ಲಿನ ಎರಡನೇ-ಅತಿ ಹೆಚ್ಚಿನ ವಾಹನ ಮಾಲೀಕತ್ವದ ಪ್ರಮಾಣವನ್ನು ಹೊಂದಿದ್ದು, ಪ್ರತಿ ೧೦೦೦ ಜನರಿಗೆ ಸುಮಾರು ೫೭೮ ವಾಹನಗಳಿವೆ.[೬೩] ಆಕ್ಲೆಂಡ್‌ ನಗರವು ಪಾದಚಾರಿ- ಮತ್ತು ಸೈಕಲ್‌ ಸವಾರ-ಸ್ನೇಹಿಯಲ್ಲದ ನಗರವೆಂದು ಕರೆಯಲ್ಪಟ್ಟಿದ್ದರೂ, ಈ ಅಭಿಪ್ರಾಯವನ್ನು ಬದಲಿಸಲು ಒಂದಷ್ಟು ಪ್ರಯತ್ನಗಳನ್ನು ಮಾಡಲಾಗುತ್ತಿದೆ.[೬೪][೬೪] ಅದೇ ವೇಳೆಗೆ, ವೈಟ್‌ಮೇಟಾ ಬಂದರನ್ನು ದಾಟುವುದಕ್ಕೆ ಪಾದಚಾರಿಗಳು ಮತ್ತು ಸೈಕಲ್‌ ಸವಾರರು ಅಸಮರ್ಥರಾಗಿರುವಂಥ, ಸಂಕೀರ್ಣ-ವ್ಯವಸ್ಥೆಯಲ್ಲಿನ ಎದ್ದುಕಾಣುವ ನ್ಯೂನತೆಗಳು ಪ್ರಾಯಶಃ ಮುಂಗಾಣಬಹುದಾದ ಭವಿಷ್ಯಕ್ಕೆ ಸಂಬಂಧಿಸಿದಂತೆ ಉಳಿಯಲಿದೆ. ಏಕೆಂದರೆ, ಅರ್ಥಪೂರ್ಣ ವೆಚ್ಚವಾಗಿ ಒಳಗೊಂಡಿರುವ ವೆಚ್ಚಗಳನ್ನು ಪರಿಷತ್ತುಗಳು ಸಾಮಾನ್ಯವಾಗಿ ಪರಿಗಣಿಸುವುದಿಲ್ಲ.[೬೫]

ನಾರ್ತ್‌ ಷೋರ್‌ ನಗರದಿಂದ ಕಾಣುವ ಬಂದರಿನ ಸೇತುವೆ.

ಮೂಲಭೂತ ಸೌಕರ್ಯ[ಬದಲಾಯಿಸಿ]

ರಾಜ್ಯ ಹೆದ್ದಾರಿಯ ಜಾಲವು ಆಕ್ಲೆಂಡ್‌ ನಗರದ ಪ್ರದೇಶದಲ್ಲಿನ ನಗರಗಳನ್ನು ಉತ್ತರದ, ದಕ್ಷಿಣದ, ವಾಯವ್ಯದ ಮತ್ತು ನೈಋತ್ಯದ ಮೋಟಾರು ಹಾದಿಗಳ ಮೂಲಕ ಸಂಪರ್ಕಿಸುತ್ತದೆ.

ಆಕ್ಲೆಂಡ್‌ ಬಂದರು ಸೇತುವೆಯು (ಉತ್ತರದ ಮೋಟಾರು ಹಾದಿ) ನಾರ್ತ್‌ ಷೋರ್‌ ನಗರಕ್ಕಿರುವ ಮುಖ್ಯ ಸಂಪರ್ಕವಾಗಿದೆ, ಮತ್ತು ಇದು ಒಂದು ಪ್ರಮುಖ ಸಂಚಾರದ ಅಡಚಣೆಯೂ ಆಗಿದೆ. ಬಂದರು ಸೇತುವೆಯು ರೈಲು, ಪಾದಚಾರಿಗಳು ಅಥವಾ ಸೈಕಲ್‌ ಸವಾರರಿಗೆ ಸಂಪರ್ಕವನ್ನು ಒದಗಿಸುವುದಿಲ್ಲ. ಇದು ಸ್ವರೂಪದ ಮರುಮಾರ್ಪಾಟು ಮಾಡುವಿಕೆಗೆ ಸಂಬಂಧಿಸಿದಂತೆ ಮತ್ತೆ ಮತ್ತೆ (ತೀರಾ ಇತ್ತೀಚಿಗೆ ೨೦೦೮ರಲ್ಲಿ) ಆಂದೋಲನಗಳು ಮತ್ತು ಈ ಕುರಿತಾದ ತನಿಖೆಗಳು ನಡೆಯುವುದಕ್ಕೆ ಕಾರಣವಾಗಿದೆ.

ಸೆಂಟ್ರಲ್‌ ಮೋಟಾರ್‌ವೇ ಜಂಕ್ಷನ್‌ ತನ್ನ ಸಂಕೀರ್ಣತೆಯಿಂದಾಗಿ 'ಸ್ಪಾಘೆಟಿ ಜಂಕ್ಷನ್‌' ಎಂದೂ ಕರೆಯಲ್ಪಡುತ್ತದೆ. ಇದು ಆಕ್ಲೆಂಡ್‌ನ ರಡು ಪ್ರಮುಖ ಮೋಟಾರು ಹಾದಿಗಳ (ರಾಜ್ಯ ಹೆದ್ದಾರಿ ೧ ಮತ್ತು ರಾಜ್ಯ ಹೆದ್ದಾರಿ ೧೬) ಒಂದು ಛೇದನವಾಗಿದೆ.

ಮಹಾ ಆಕ್ಲೆಂಡ್‌ ಒಳಗಿನ ಅತ್ಯಂತ ಉದ್ದದ ಎರಡು ಪ್ರಧಾನ ರಸ್ತೆಗಳೆಂದರೆ ಗ್ರೇಟ್‌ ನಾರ್ತ್‌ ರೋಡ್‌ ಮತ್ತು ಗ್ರೇಟ್‌ ಸೌತ್‌ ರೋಡ್‌ ಆಗಿವೆ. ರಾಜ್ಯ ಹೆದ್ದಾರಿ ಜಾಲದ ನಿರ್ಮಾಣವಾಗುವುದಕ್ಕೆ ಮುಂಚೆ ಇವು ಆ ದಿಕ್ಕಿನಲ್ಲಿನ ಮುಖ್ಯ ಸಂಪರ್ಕಗಳಾಗಿದ್ದವು.

ಆಕ್ಲೆಂಡ್‌ ಮೂರು ಮುಖ್ಯ ರೈಲ್ವೆ ಮಾರ್ಗಗಳನ್ನು ಹೊಂದಿದ್ದು, ಇವು ಮಧ್ಯಭಾಗದ ಆಕ್ಲೆಂಡ್‌ನಲ್ಲಿನ ಬ್ರಿಟೋಮಾರ್ಟ್‌ ಸಾರಿಗೆ ಕೇಂದ್ರದಿಂದ ಹೊರಡುವ ಸಾರ್ವತ್ರಿಕವಾದ ಪಶ್ಚಿಮದ, ದಕ್ಷಿಣದ, ಮತ್ತು ಮಧ್ಯದ ಪೂರ್ವದ ದಿಕ್ಕುಗಳಿಗೆ ಸೇವೆ ಸಲ್ಲಿಸುತ್ತವೆ. ಎಲ್ಲಾ ಮಾರ್ಗಗಳಿಗೂ ಸಂಬಂಧಿಸಿದಂತೆ ಇದು ಕೊನೆಯ ನಿಲ್ದಾಣವಾಗಿದೆ, ಮತ್ತು ಅವುಗಳನ್ನು ಹಾಯಿದೋಣಿ ಮತ್ತು ಬಸ್‌ ಸೇವೆಗಳೊಂದಿಗೆ ಇದು ಸಂಪರ್ಕಿಸುತ್ತದೆ.

ಭವಿಷ್ಯದ ಬೆಳವಣಿಗೆ[ಬದಲಾಯಿಸಿ]

ಸರಿಸುಮಾರು 2007ರ ವೇಳೆಗೆ ಇದ್ದಂತೆ, ಆಕ್ಲೆಂಡ್‌ನ ನಗರೀಕರಣಗೊಳಿಸಲ್ಪಟ್ಟ ವಿಸ್ತರಣೆಗಳುಳನ್ನು ಬೂದುಬಣ್ಣದಲ್ಲಿ ತೋರಿಸಲಾಗಿದೆ.
ಆಕ್ಲೆಂಡ್‌ ಯುದ್ಧ ಸ್ಮಾರಕ ವಸ್ತುಸಂಗ್ರಹಾಲಯ.

ವಲಸೆ ಮತ್ತು ಸ್ವಾಭಾವಿಕ ಜನಸಂಖ್ಯೆಯ ಹೆಚ್ಚಳಗಳ ಮೂಲಕ (ಇವು ಬೆಳವಣಿಗೆಗೆ ಕ್ರಮವಾಗಿ ಸುಮಾರು ಮೂರನೇ-ಒಂದರಷ್ಟು ಹಾಗೂ ಮೂರನೇ-ಎರಡರಷ್ಟು ಕೊಡುಗೆಯನ್ನು ನೀಡುತ್ತಿವೆ)[೬೬] ಆಕ್ಲೆಂಡ್‌ ಗಣನೀಯ ಪ್ರಮಾಣದಲ್ಲಿ ಜನಸಂಖ್ಯೆಯ ಬೆಳವಣಿಗೆಯನ್ನು ನಿರೀಕ್ಷಿಸುತ್ತಿದೆ ಮತ್ತು ೨೦೩೧ರ ವೇಳೆಗೆ ಇದು ೧.೯ ದಶಲಕ್ಷ ವಾಸಿಗಳಷ್ಟು ಸಂಖ್ಯೆಗೆ ಬೆಳೆಯುತ್ತದೆ ಎಂದು ಅಂದಾಜಿಸಲಾಗಿದೆ.[೪೫][೬೭] ಜನಸಂಖ್ಯೆಯಲ್ಲಿನ ಈ ಗಣನೀಯ ಪ್ರಮಾಣದಲ್ಲಿನ ಹೆಚ್ಚಳವು ಸಾರಿಗೆ, ವಸತಿ ವ್ಯವಸ್ಥೆ ಮತ್ತು ಇತರ ಮೂಲಸೌಕರ್ಯಗಳ ಮೇಲೆ ಒಂದು ಪ್ರಮುಖ ಪ್ರಭಾವವನ್ನು ಹೊಂದಲಿದ್ದು, ಅದು ಈಗಾಗಲೇ ಅನೇಕ ನಿದರ್ಶನಗಳಲ್ಲಿ ಒತ್ತಡದ ಅಡಿಯಲ್ಲಿ ಸಿಲುಕಿದೆ ಎಂದು ಪರಿಗಣಿಸಲ್ಪಟ್ಟಿದೆ. ಬೆಳವಣಿಗೆಯ ಫಲವಾಗಿ ನಗರದ ಅವ್ಯವಸ್ಥಿತ ಬೆಳವಣಿಗೆಯು ಉಂಟಾಗಲಿದೆ ಎಂದು ಆಕ್ಲೆಂಡ್‌ ಪ್ರಾದೇಶಿಕ ಪರಿಷತ್ತಿನಂಥ ಕೆಲವೊಂದು ಸಂಘಟನೆಗಳು ಆತಂಕವನ್ನೂ ವ್ಯಕ್ತಪಡಿಸಿದ್ದು, ಕಾರ್ಯನೀತಿಯನ್ನು ಯೋಜಿಸುವ ಸಮಯದಲ್ಲಿಯೇ ಇದರ ಕಡೆಗೆ ಪೂರ್ವ-ನಿಯಾಮಕವಾಗಿ ಗಮನಹರಿಸುವುದು ಅಗತ್ಯ ಎಂದು ಅವು ಅಭಿಪ್ರಾಯಪಟ್ಟಿವೆ.

ಒಂದು 'ಪ್ರಾದೇಶಿಕ ಬೆಳವಣಿಗೆಯ ಕಾರ್ಯತಂತ್ರ'ವನ್ನು ಅಳವಡಿಸಲಾಗಿದ್ದು, ಅಸ್ತಿತ್ವದಲ್ಲಿರುವ ಬಳಕೆಯನ್ನು ಮತ್ತಷ್ಟು ಉಪವಿಭಾಗಗೊಳಿಸುವ ಮತ್ತು ತೀವ್ರಗೊಳಿಸುವುದರ ಮೇಲೆ ಮಿತಿಗಳನ್ನು ಹೇರುವುದನ್ನು ತನ್ನ ಮುಖ್ಯ ಸಮರ್ಥನೀಯತೆಯ ಕ್ರಮಗಳನ್ನಾಗಿ ಅದು ಹೊಂದಿದೆ.[೬೮] ಖಾಸಗಿ ಭೂಮಿಯ ಬಳಕೆಗಳನ್ನು, ಅದರಲ್ಲೂ ವಿಶೇಷವಾಗಿ ಜಿಲ್ಲಾ ಯೋಜನೆಯಂಥ ಯೋಜನಾ ದಸ್ತಾವೇಜುಗಳಲ್ಲಿ 'ಮಹಾನಗರದ ನಗರದ ಪರಿಮಿತಿಗಳನ್ನು' ಸಜ್ಜುಗೊಳಿಸುವ ಮೂಲಕ ನಗರದ ಹೊರ ಎಲ್ಲೆಯ ಸ್ವತ್ತುಗಳನ್ನು[೬೯] ಉಪವಿಭಾಗೀಕರಣವನ್ನು ಇದು ಸ್ವಾಭಾವಿಕವಾಗಿ ಸೀಮಿತಗೊಳಿಸುತ್ತದೆಯಾದ್ದರಿಂದ, ಈ ಕಾರ್ಯನೀತಿಯು ವಿವಾದಾಸ್ಪದವಾಗಿದೆ.[೭೦]

೨೦೦೬ರ ಜನಗಣತಿಯ ಮುನ್ನಂದಾಜುಗಳ ಅನುಸಾರ, ೨೦೩೧ರ ವೇಳೆಗೆ ೧.೯೩ ದಶಲಕ್ಷದಷ್ಟು ಪ್ರಮಾಣವನ್ನು ಮುಟ್ಟುವ ರೀತಿಯಲ್ಲಿ ಜನಸಂಖ್ಯೆಯು ಬೆಳೆಯುತ್ತಲೇ ಇರುತ್ತದೆ ಎಂದು ಮಧ್ಯಮ-ರೂಪಾಂತರ ಚಿತ್ರಣವು ತೋರಿಸಿದೆ. ೨೦೩೧ರ ವೇಳೆಗೆ ಪ್ರದೇಶದ ಜನಸಂಖ್ಯೆಯು ಎರಡು ದಶಲಕ್ಷಕ್ಕಿಂತಲೂ ಮೀರಿ ಬೆಳೆಯುತ್ತದೆ ಎಂಬುದನ್ನು ಉನ್ನತವಾದ-ರೂಪಾಂತರ ಚಿತ್ರಣವು ತೋರಿಸುತ್ತದೆ.[೭೧]

ಪ್ರಸಿದ್ಧ ತಾಣಗಳು[ಬದಲಾಯಿಸಿ]

ಆಕ್ಲೆಂಡ್‌ ಮಹಾನಗರದ ಪ್ರದೇಶದಲ್ಲಿನ ಪ್ರವಾಸಿ ಆಕರ್ಷಣೆಗಳು ಮತ್ತು ಹೆಗ್ಗುರುತುಗಳಲ್ಲಿ ಈ ಕೆಳಗಿನವು ಸೇರಿವೆ:

ಆಕರ್ಷಣೆಗಳು ಮತ್ತು ಕಟ್ಟಡಗಳು
ನಗರದ ಪ್ರಮುಖ ಹೆಗ್ಗುರುತುಗಳು
ಸ್ಕೈ ಟವರ್‌ನಿಂದ ಕಾಣುವ 360-ಡಿಗ್ರಿ ನೋಟವು, CBDಯಲ್ಲಿನ ಅನೇಕ ಹೆಗ್ಗುರುತುಗಳನ್ನು ತೋರಿಸುತ್ತಿರುವುದು.

ಇವನ್ನೂ ನೋಡಿ[ಬದಲಾಯಿಸಿ]

ಆಕರಗಳು[ಬದಲಾಯಿಸಿ]

  1. "GEOnet Names Server (GNS)". Retrieved August 2006. 
  2. ೨.೦ ೨.೧ "Subnational population estimates at 30 June 2010 (boundaries at 1 November 2010)". Statistics New Zealand. 26 October 2010. Retrieved 26 October 2010. 
  3. "Auckland and around". Rough Guide to New Zealand, Fifth Edition. Retrieved 16 February 2010. 
  4. http://www.lboro.ac.uk/gawc/world೨೦೦೮t.html | "The World According to GaWC ೨೦೦೮"
  5. Ferdinand von Hochstetter (1867). New Zealand. p. 243. 
  6. Sarah Bulmer. "City without a state? Urbanisation in pre-European Taamaki-makau-rau (Auckland, New Zealand)". Archived from the original on 2009-03-25. Retrieved 2007-10-03. 
  7. "Ngāti Whātua - European contact". Te Ara Encyclopedia of New Zealand. Retrieved 2007-10-03. 
  8. Michael King (2003). The Penguin History of New Zealand. Auckland, N.Z.: Penguin Books. p. 135. ISBN 0-14-301867-1. 
  9. ಜಾರ್ಜ್‌ ವೆಲ್ಲರ್‌’ಸ್‌ ಕ್ಲೇಮ್‌ ಟು ಲ್ಯಾಂಡ್ಸ್‌ ಇನ್‌ ಹೌರಾಕಿ ಗಲ್ಫ್‌ - ಟ್ರಾನ್ಸ್‌ಕ್ರಿಪ್ಟ್‌ ಆಫ್‌ ಒರಿಜಿನಲ್‌ ಇನ್‌ ನ್ಯಾಷನಲ್‌ ಆರ್ಕೀವ್ಸ್‌, ಎಂಎಸ್‌-೦೪೩೯/೦೩ (A-H) HC.
  10. ೧೦.೦ ೧೦.೧ ವಾಟ್‌ ಈಸ್‌ ಡೂಯಿಂಗ್‌ ಇನ್‌; ಆಕ್ಲೆಂಡ್‌ - ದಿ ನ್ಯೂಯಾರ್ಕ್‌ ಟೈಮ್ಸ್‌ , ೨೫ ನವೆಂಬರ್‌ ೧೯೯೦
  11. Russell Stone (2002). From Tamaki-Makau-Rau to Auckland. University of Auckland Press. ISBN 1869402596. 
  12. ಇಯಾನ್‌ E.M. ಸ್ಮಿತ್‌‌ ಮತ್ತು ಶರೋನ್‌ R. Allen, ವಲ್ಕ್ಯಾನಿಕ್‌ ಹಜಾರ್ಡ್ಸ್‌: ಆಕ್ಲೆಂಡ್‌ ವಲ್ಕ್ಯಾನಿಕ್‌ ಫೀಲ್ಡ್‌ , ವಲ್ಕ್ಯಾನಿಕ್‌ ಹಜಾರ್ಡ್ಸ್‌ ವರ್ಕಿಂಗ್‌ ಗ್ರೂಪ್‌, ಸಿವಿಲ್‌ ಡಿಫೆನ್ಸ್‌ ಸೈಂಟಿಫಿಕ್‌ ಅಡ್ವೈಸರಿ ಕಮಿಟಿ. ೨೦೦೯ರ ಏಪ್ರಿಲ್‌ ೧೩ರಂದು ಸಂಪರ್ಕಿಸಲಾಯಿತು.
  13. ೧೩.೦ ೧೩.೧ ೧೩.೨ "Climate Summary for 1971-2000". National Institute of Water and Atmospheric Research. 
  14. ೧೪.೦ ೧೪.೧ "Auckland enjoys hottest day ever". 
  15. "Snowstorms ([[PDF]])". Retrieved August 2006.  Wikilink embedded in URL title (help)
  16. ಆಕ್ಲೆಂಡ್‌, ದಿ ಕ್ಯಾಪಿಟಲ್‌ ಆಫ್‌ ನ್ಯೂಜಿಲೆಂಡ್‌ - ಸ್ವೇನ್ಸನ್‌, ವಿಲಿಯಂ, ಸ್ಮಿತ್‌‌ ಎಲ್ಡರ್‌‌, ೧೮೫೩
  17. "Air pollutants - Fine particles (PM10 and PM2.5)". Auckland Regional Council. Retrieved 3 August 2009. 
  18. "Air pollutants - Carbon monoxide (CO)". Auckland Regional Council. Retrieved 3 August 2009. 
  19. "Auckland's air quality". Auckland Regional Council. Retrieved 3 August 2009. 
  20. "Climate Data and Activities". NIWA Science. 
  21. "New Zealand - A Regional Profile - Auckland" (PDF). Statistics New Zealand. 1999. pp. 19–20. Retrieved 2007-10-03. 
  22. ರೆಸಿಡೆನ್ಸ್‌ ಇನ್‌ ನ್ಯೂಜಿಲೆಂಡ್‌ (PDF) (ಪುಟ ೮, ಇಮಿಗ್ರೇಷನ್‌ ನ್ಯೂಜಿಲೆಂಡ್‌ ವೆಬ್‌ಸೈಟ್‌ನಿಂದ ಪಡೆದಿರುವುದು. ೨೦೦೮-೦೧-೧೮ರಂದು ಸಂಪರ್ಕಿಸಲಾಯಿತು)
  23. 2001 ರೀಜನಲ್‌ ಸಮರಿ (ಸ್ಟ್ಯಾಟಿಸ್ಟಿಕ್ಸ್‌ ನ್ಯೂಜಿಲೆಂಡ್‌ ವೆಬ್‌ಸೈಟ್‌ನಿಂದ ಪಡೆದಿರುವಂಥದ್ದು)
  24. ೨೪.೦ ೨೪.೧ Quickstats about Auckland Region
  25. ಪೋಪ್‌ ಷೆನೌಡಾ III ವಿಸಿಟ್ಸ್‌ ನ್ಯೂಜಿಲೆಂಡ್‌ (೨}ನ್ಯೂಜಿಲೆಂಡ್‌ನ ಟೆ ಅರಾ ಎನ್‌ಸೈಕ್ಲೋಪೀಡಿಯಾ‌ದಿಂದ ಪಡೆದಿರುವಂಥದ್ದು. ೨೦೦೮-೦೫-೨೫ರಂದು ಸಂಪರ್ಕಿಸಲಾಯಿತು)
  26. "What we look like locally". Statistics New Zealand. p. 7. 
  27. "Auckland Hebrew Community ~ Introduction page". Retrieved 2008-09-18. 
  28. ಸೆಂಟ್ರಲ್‌ ಟ್ರಾನ್ಸಿಟ್‌ ಕಾರಿಡಾರ್‌ ಪ್ರಾಜೆಕ್ಟ್‌‌ (ಆಕ್ಲೆಂಡ್‌ ನಗರದ ವೆಬ್‌ಸೈಟ್‌, ಸಾರ್ವಜನಿಕ ಸಂತೃಪ್ತಿಯ ಮೇಲೆ ಸಾರಿಗೆಯ ಪ್ರಭಾವಗಳ ಉಲ್ಲೇಖವನ್ನು ಇದು ಒಳಗೊಂಡಿದೆ)
  29. "Crime and safety profile - 2003". Auckland City Council. Retrieved 2007-06-08. 
  30. ಸಿಟಿ ಮೇಯರ್ಸ್‌: ಬೆಸ್ಟ್‌ ಸಿಟೀಸ್‌ ಇನ್‌ ದಿ ವರ್ಲ್ಡ್‌ (ಮರ್ಸೆರ್‌)
  31. ಕ್ವಾಲಿಟಿ ಆಫ್‌ ಲಿವಿಂಗ್‌ ಗ್ಲೋಬಲ್‌ ಸಿಟಿ ರ್ಯಾಂಕಿಂಗ್ಸ್‌ 2009 (ಮರ್ಸೆರ್‌ ಮ್ಯಾನೇಜ್‌ಮೆಂಟ್‌ ಕನ್ಸಲ್ಟಿಂಗ್‌, ೨೦೦೯ರ ಮೇ ೨ರಂದು ಸಂಪರ್ಕಿಸಲಾಯಿತು).
  32. ಸಿಟಿ ಮೇಯರ್ಸ್‌: ವರ್ಲ್ಡ್ಸ್‌ ರಿಚೆಸ್ಟ್‌ ಸಿಟೀಸ್‌ (UBS, www.citymajors.com ವೆಬ್‌ಸೈಟ್‌ ಮೂಲಕ, ಆಗಸ್ಟ್‌ ೨೦೦೬)
  33. ಪಂಟರ್ಸ್‌ ಲವ್‌ ಸಿಟಿ ಆಫ್‌ ಸೈಲ್ಸ್‌ - ದಿ ನ್ಯೂಜಿಲೆಂಡ್‌ ಹೆರಾಲ್ಡ್‌ , ಶನಿವಾರ ೧೪ ಅಕ್ಟೋಬರ್‌‌ ೨೦೦೬
  34. ೩೪.೦ ೩೪.೧ ಪ್ಯಾಷನ್‌ ಫಾರ್‌ ಬೋಟಿಂಗ್‌ ರನ್ಸ್‌ ಡೀಪ್‌ ಇನ್‌ ಆಕ್ಲೆಂಡ್‌ - ದಿ ನ್ಯೂಜಿಲೆಂಡ್‌ ಹೆರಾಲ್ಡ್‌ , ಗುರುವಾರ ಜನವರಿ ೨೬, ೨೦೦೬
  35. "The Hauraki Gulf Marine Park, Part 2". Inset to The New Zealand Herald. 2 March 2010. p. 4. 
  36. [ಸೈಲಿಂಗ್‌ ಕ್ಲಬ್‌] ಡೈರೆಕ್ಟರಿ (yachtingnz.org ವೆಬ್‌ಸೈಟ್‌ನಿಂದ ಪಡೆದದ್ದು)
  37. ಹಾರ್ಬರ್‌‌ ಕ್ರಾಸಿಂಗ್‌ (ಆಕ್ಲೆಂಡ್‌ ಸಿಟಿ ಕೌನ್ಸಿಲ್‌‌ ವೆಬ್‌ಸೈಟ್‌ನಿಂದ. ೨೦೦೭-೧೦-೨೪ರಂದು ಮರು ಸಂಪಾದಿಸಲಾಯಿತು.)
  38. "Eden Park to host Final and Semi-Finals". 22 February 2008. 
  39. ಆಕ್ಲೆಂಡ್‌'ಸ್‌ CBD ಅಟ್‌ ಎ ಗ್ಲಾನ್ಸ್‌ (ಆಕ್ಲೆಂಡ್‌ ಸಿಟಿ ಕೌನ್ಸಿಲ್‌ನ CBD ವೆಬ್‌ಸೈಟ್‌)
  40. "Regional Gross Domestic Product". Statistics New Zealand. 2007. Retrieved 18 February 2010. 
  41. ಆಕ್ಲೆಂಡ್‌ ರೀಜನಲ್‌ ಪ್ರೊಫೈಲ್‌ (labourmarket.co.nzನಿಂದ, ಹಲವಾರು ಮೂಲಗಳಿಂದ ಸಂಯೋಜಿಸಿದ್ದು)
  42. ಕಂಪ್ಯಾರಿಸನ್‌ ಆಫ್‌ ನ್ಯೂಜಿಲೆಂಡ್‌'ಸ್‌ ಸಿಟೀಸ್‌ (ENZ ಎಮಿಗ್ರೇಷನ್‌ ಕನ್ಸಲ್ಟಿಂಗ್‌ನಿಂದ ಪಡೆದದ್ದು)
  43. ಸರ್ವೆ ಆಫ್‌ ಇಂಗ್ಲಿಷ್‌ ಲಾಂಗ್ವೇಜ್‌ ಪ್ರೊವೈಡರ್ಸ್‌ - ಇಯರ್‌ ಎಂಡೆಡ್‌ ಮಾರ್ಚ್‌ 2006 (ಸ್ಟಾಟಿಸ್ಟಿಕ್ಸ್‌ ನ್ಯೂಜಿಲೆಂಡ್‌‌‌ನಿಂದ ಪಡೆದದ್ದು. ರಾಷ್ಟ್ರೀಯ ಮಾದರಿಯನ್ನು ಆಕ್ಲೆಂಡ್‌ ಅನುಸರಿಸಲಿದೆ ಎಂದು ಭಾವಿಸಲಾಗಿದೆ)
  44. ಇಂಗ್ಲಿಷ್‌ ಲಾಂಗ್ವೇಜ್‌ ಸ್ಕೂಲ್ಸ್‌ ಇನ್‌ ನ್ಯೂಜಿಲೆಂಡ್‌ - ಆಕ್ಲೆಂಡ್‌ (ಇಮಿಗ್ರೇಷನ್‌ ನ್ಯೂಜಿಲೆಂಡ್‌ ವೆಬ್‌ಸೈಟ್‌ನಿಂದ ಪಟ್ಟಿಯ ಸಂಪರ್ಕವನ್ನು ಪಡೆಯಲಾಗಿದೆ)
  45. ೪೫.೦ ೪೫.೧ ೪೫.೨ ಎಕ್ಸಿಕ್ಯುಟಿವ್‌ ಸಮರಿ (PDF) (ಆಕ್ಲೆಂಡ್‌ ರೀಜನಲ್‌ ಗ್ರೋತ್‌ ಸ್ಟ್ರಾಟಜಿ ಡಾಕ್ಯುಮೆಂಟ್‌ನಿಂದ ಪಡೆದದ್ದು, ARC, ನವೆಂಬರ್‌ ೧೯೯೯. ೨೦೦೭-೧೦-೧೪ರಂದು ಮರುಸಂಪಾದಿಸಲಾಯಿತು.)
  46. ಸೆಕ್ಷನ್‌ 7.6.1.2 - ಸ್ಟ್ರಾಟಜಿ (PDF) (ಆಕ್ಲೆಂಡ್‌ ಸಿಟಿ ಕೌನ್ಸಿಲ್‌ ಜಿಲ್ಲಾ ಯೋಜನೆ - ಭೂಸಂಧಿ ವಿಭಾಗದಿಂದ ಪಡೆದದ್ದು)
  47. ಆಕ್ಲೆಂಡ್‌ ಗವರ್ನೆನ್ಸ್‌ ಇನ್‌ಕ್ವೈರಿ ವೆಲ್‌ಕಮ್ಡ್‌ - NZPA, 'stuff.co.nz' ಮೂಲಕ, ಮಂಗಳವಾರ ೩೧ ಜುಲೈ ೨೦೦೭. ೨೦೦೭-೧೦-೨೯ರಂದು ಮರು ಸಂಪಾದಿಸಲಾಯಿತು.
  48. ರಾಯಲ್‌ ಕಮಿಷನ್‌ ಆಫ್‌ ಇನ್‌ಕ್ವೈರಿ ಫಾರ್‌‌ ಆಕ್ಲೆಂಡ್‌ ವೆಲ್‌ಕಮ್ಡ್‌ - NZPA, 'infonews.co.nz' ಮೂಲಕ, ಮಂಗಳವಾರ ೩೧ ಜುಲೈ ೨೦೦೭. ೨೦೦೭-೧೦-೨೯ರಂದು ಮರು ಸಂಪಾದಿಸಲಾಯಿತು.
  49. ಮಿನಿಸ್ಟರ್‌ ರಿಲೀಸಸ್‌ ರಿಪೋರ್ಟ್‌ ಆಫ್‌ ರಾಯಲ್‌ ಕಮಿಷನ್‌ - Scoop.co.nz , ಶುಕ್ರವಾರ ೨೭ ಮಾರ್ಚ್‌ ೨೦೦೯
  50. Gay, Edward (7 April 2009). "'Super city' to be in place next year, Maori seats axed". The New Zealand Herald. 
  51. "Making Auckland Greater" (PDF). 7 April 2009. 
  52. Auckland Transport Plan - June 2007. Auckland Regional Transport Authority. 2007. p. 8. 
  53. ಆಕ್ಲೆಂಡ್‌'ಸ್‌ ಟ್ರಾನ್ಸ್‌‌ಪೋರ್ಟ್‌ ಚಾಲೆಂಜಸ್‌ (ಕರಡು ೨೦೦೯/೧೦-೨೦೧೧/೧೨ ಆಕ್ಲೆಂಡ್‌ ರೀಜನಲ್‌ ಲ್ಯಾಂಡ್‌ ಟ್ರಾನ್ಸ್‌ಪೋರ್ಟ್‌ ಪ್ರೋಗ್ರ್ಯಾಮ್‌, ಪುಟ ೮, ARTA, ಮಾರ್ಚ್‌ ೨೦೦೯. ೨೦೦೯-೦೪-೧೦ರಂದು ಸಂಪರ್ಕಿಸಲಾಯಿತು.
  54. ವೆಲ್‌ಕಮ್‌ ಟು ಅವರ್‌ ಟ್ರಾಫಿಕ್‌ ನೈಟ್‌ಮೇರ್‌‌ - ದಿ ನ್ಯೂಜಿಲೆಂಡ್‌ ಹೆರಾಲ್ಡ್‌ , ಭಾನುವಾರ ೨೯ ಜುಲೈ ೨೦೦೭
  55. ರೆಫರೆನ್ಸಸ್‌ ಪ್ರೊವೈಡೆಡ್‌ ಇನ್‌ ಟ್ರಾನ್ಸ್‌ಪೋರ್ಟ್‌ ಇನ್‌ ಆಕ್ಲೆಂಡ್‌ ಅಂಡ್‌ ಪಬ್ಲಿಕ್‌ ಟ್ರಾನ್ಸ್‌ಪೋರ್ಟ್‌ ಇನ್‌ ಆಕ್ಲೆಂಡ್‌
  56. ಆಕ್ಲೆಂಡ್‌ ಟ್ರಾನ್ಸ್‌‌ಪೋರ್ಟ್‌ ಪ್ಲಾನ್‌ ಲ್ಯಾಂಡ್‌ಮಾರ್ಕ್‌ ಫಾರ್‌ ಟ್ರಾನ್ಸ್‌ಪೋರ್ಟ್‌ ಸೆಕ್ಟರ್‌‌ (ಆಕ್ಲೆಂಡ್‌ ರೀಜನಲ್‌ ಟ್ರಾನ್ಸ್‌ಪೋರ್ಟ್‌ ಅಥಾರಿಟಿ ವೆಬ್‌ಸೈಟ್‌ನಿಂದ ಪಡೆದದ್ದು, ೧೧ ಆಗಸ್ಟ್‌‌ ೨೦೦೭)
  57. ಹೋಪ್ಸ್‌ ಆಫ್‌ ಇಲೆಕ್ಟ್ರಿಕ್‌ ಟ್ರೇನ್ಸ್‌ ಫಾರ್‌ ಕಪ್‌ ಫೇಡ್‌ - ದಿ ನ್ಯೂಜಿಲೆಂಡ್‌ ಹೆರಾಲ್ಡ್‌ , ಬುಧವಾರ ೧೮ ಮಾರ್ಚ್‌ ೨೦೦೯
  58. ಕೌನ್ಸಿಲ್‌ ಟು ಗಿವ್‌ ಅಪ್‌ ಇಟ್ಸ್‌ ರೈಲ್‌ ಸ್ಟೇಷನ್ಸ್‌ - ದಿ ನ್ಯೂಜಿಲೆಂಡ್‌ ಹೆರಾಲ್ಡ್‌ , ಶನಿವಾರ ೨೧ ಮಾರ್ಚ್‌ ೨೦೦೯
  59. ದಿ $2ಬಿ ರೋಡ್‌ ಅಹೆಡ್‌ - ದಿ ಡೊಮಿನಿಯನ್‌ ಪೋಸ್ಟ್‌, ದಿನಾಂಕ ತಿಳಿದಿಲ್ಲ. ೨೦೦೯-೦೪-೦೬ರಂದು ಸಂಪರ್ಕಿಸಲಾಯಿತು.
  60. ರೈಲ್‌ 'ಟ್ರೆಂಚ್‌' ವರೀಸ್‌ ನ್ಯೂ ಲಿನ್‌ - ದಿ ನ್ಯೂಜಿಲೆಂಡ್‌ ಹೆರಾಲ್ಡ್‌ , ಶುಕ್ರವಾರ ೨೦ ಮಾರ್ಚ್‌ ೨೦೦೯
  61. 2006.pdf ಬ್ಯಾಕ್‌ಟ್ರಾಕಿಂಗ್‌ ಆಕ್ಲೆಂಡ್‌: ಬ್ಯೂರೋಕ್ರಾಟಿಕ್‌ ರ್ಯಾಷನಾಲಿಟಿ ಅಂಡ್‌ ಪಬ್ಲಿಕ್‌ ಪ್ರಿಫರೆನ್ಸಸ್‌ ಇನ್‌ ಟ್ರಾನ್ಸ್‌ಪೋರ್ಟ್‌ ಪ್ಲಾನಿಂಗ್‌‌ - ಮೀಸ್‌, ಪಾಲ್‌; ಡಾಡ್ಸನ್‌, ಜಾಗೋ; ಅರ್ಬನ್‌ ರಿಸರ್ಚ್‌ ಪ್ರೋಗ್ರಾಂ ಇಷ್ಯೂಸ್‌ ಪೇಪರ್‌‌ ೫, ಗ್ರಿಫಿತ್‌ ವಿಶ್ವವಿದ್ಯಾಲಯ, ಏಪ್ರಿಲ್‌ ೨೦೦೬
  62. US ಅರ್ಬನ್‌ ಪರ್ಸನಲ್‌ ವೆಹಿಕಲ್‌ & ಪಬ್ಲಿಕ್‌ ಟ್ರಾನ್ಸ್‌ಪೋರ್ಟ್‌ ಮಾರ್ಕೆಟ್‌ ಷೇರ್‌ ಫ್ರಂ 1900 (ವೆಂಡೆಲ್‌ ಕಾಕ್ಸ್‌‌ ಕನ್ಸಲ್‌ಟೆನ್ಸಿಯ ಒಂದು ವೆಬ್‌ಸೈಟ್‌ ಆಗಿರುವ publicpurpose.comನಿಂದ ಪಡೆದದ್ದು)
  63. ಸಸ್ಟೇನಬಲ್‌ ಟ್ರಾನ್ಸ್‌ಪೋರ್ಟ್‌ ಉತ್ತರ ತೀರದ ನಗರ ಪರಿಷತ್ತಿನ ವೆಬ್‌ಸೈಟ್‌
  64. ೬೪.೦ ೬೪.೧ ಬಿಗ್‌ ಸ್ಟೆಪ್ಸ್‌ ಟು ಚೇಂಜ್‌ ಸಿಟಿ ಆಫ್‌ ಕಾರ್ಸ್‌ - ದಿ ನ್ಯೂಜಿಲೆಂಡ್‌ ಹೆರಾಲ್ಡ್‌ , ಶುಕ್ರವಾರ ಅಕ್ಟೋಬರ್‌ ೨೪, ೨೦೦೮
  65. ಸೈಕಲ್‌ವೇ ಫಾರ್‌ ಬ್ರಿಜ್‌ ಕುಡ್‌ ಪ್ರೂವ್‌ ಟೂ ಪ್ರೈಸಿ - ದಿ ನ್ಯೂಜಿಲೆಂಡ್‌ ಹೆರಾಲ್ಡ್‌ , ಬುಧವಾರ ೩ ಸೆಪ್ಟೆಂಬರ್‌‌ ೨೦೦೮
  66. ಕೆನ್‌ ವೀ ಸ್ಟಾಪ್‌ ಗ್ರೋತ್‌? (ARC ವೆಬ್‌ಸೈಟ್‌ನಿಂದ)
  67. ಸ್ಟಾಟಿಸ್ಟಿಕ್ಸ್‌ ನ್ಯೂಜಿಲೆಂಡ್‌ ಸ್ಟಾಟಿಸ್ಟಿಕ್ಸ್‌ ನ್ಯೂಜಿಲೆಂಡ್‌, ೨೦೧೦. ಮರುಸಂಪಾದಿಸಿದ್ದು ೨೦೧೦)
  68. ಫ್ರಂ ಅರ್ಬನ್‌ ಸ್ಪ್ರಾಲ್‌ ಟು ಕಾಂಪ್ಯಾಕ್ಟ್‌ ಸಿಟಿ: ಆನ್‌ ಅನಾಲಿಸಿಸ್‌ ಆಫ್‌ ಆಕ್ಲೆಂಡ್‌'ಸ್‌ ಅರ್ಬನ್‌ ಗ್ರೋತ್‌ ಮ್ಯಾನೇಜ್‌ಮೆಂಟ್‌ ಸ್ಟ್ರಾಟಜೀಸ್‌ - ಆರ್ಬರಿ, ಜೋಶುವಾ - MA ಪ್ರೌಢಪ್ರಬಂಧ, ಆಕ್ಲೆಂಡ್‌ ವಿಶ್ವವಿದ್ಯಾಲಯ
  69. ಗ್ರೀನ್‌ ಬೆಲ್ಟ್‌ ಅಂಡರ್‌ ಸೀಜ್‌ - ದಿ ನ್ಯೂಜಿಲೆಂಡ್‌ ಹೆರಾಲ್ಡ್‌ , ಶನಿವಾರ ೨೮ ಏಪ್ರಿಲ್‌ ೨೦೦೭
  70. ಗ್ರೋತ್‌ ಸ್ಟ್ರಾಟಜಿ: ಗ್ಲಾಸರಿ ಅಂಡ್‌ ರೆಫರೆನ್ಸಸ್‌ (PDF) (ಆಕ್ಲೆಂಡ್‌ ಸಿಟಿ ಕೌನ್ಸಿಲ್‌ನಿಂದ ಪಡೆದದ್ದು)
  71. "Mapping Trends in the Auckland Region". Statistics New Zealand. Retrieved 11 March 2010. 
  72. "Venue allocation options a challenge". Official RWC 2011 Site. Retrieved 11 March 2010. 

ಹೆಚ್ಚಿನ ಓದಿಗಾಗಿ[ಬದಲಾಯಿಸಿ]

  • Gordon McLauchlan (1992). The Illustrated Encyclopedia of New Zealand. David Bateman Ltd, Glenfield, NZ. ISBN 1-86953-007-1. 

ಬಾಹ್ಯ ಕೊಂಡಿಗಳು[ಬದಲಾಯಿಸಿ]