ವಾಟ್ಸ್ ಆಪ್ ಮೆಸ್ಸೆಂಜರ್

WhatsApp

Screenshot ಕಪ್ಪು ವರ್ಣದ ಹಿನ್ನೆಲೆ ವಿನ್ಯಾಸದಲ್ಲಿ ವಾಟ್ಸಾಪ್ ಸಂದೇಶ.
ಮೂಲ ಕರ್ತೃ	ಬ್ರಿಯಾನ್ ಆಕ್ಟನ್, ಜಾನ್ ಕಾಮ್
ಅಭಿವೃದ್ಧಿಪಡಿಸಿದವರು	ಮೆಟಾ, ವಿಲ್ ಕ್ಯಾತ್‌ಕಾರ್ತ್
ಮೊದಲು ಬಿಡುಗಡೆ	ಫೆಬ್ರವರಿ 2009 (2009-೦೨)
ಟೆಂಪ್ಲೇಟು:Infobox software/stacked
ಕ್ರಮವಿಧಿಯ ಭಾಷೆ	ಅರ್ಲಾಂಗ್
ಕಾರ್ಯಾಚರಣಾ ವ್ಯವಸ್ಥೆ	ಆಂಡ್ರಾಯ್ಡ್, ಐಒಎಸ್, ಐಪಾಡ್ ಒಎಸ್, ಕಿಯಾಒಎಸ್, ಮ್ಯಾಕ್, ವಿಂಡೋಸ್, ವಿಂಡೋಸ್ ಫೋನ್, ವಿಯರ್‌ಒಎಸ್, ಜಾಲತಾಣ ಆಧಾರಿತ, ಮೆಟಾ ಕ್ವೆಸ್ಟ್ ೩
ಗಾತ್ರ	೧೮೩.೭ ಮೆಗಾಬೈಟ್ (ಐಒಎಸ್) ೪೮.೦೨ ಮೆಗಾಬೈಟ್ (ಆಂಡ್ರಾಯ್ಡ್)
ಲಭ್ಯವಿರುವ ಭಾಷೆ(ಗಳು)	೪೦ (ಐಒಎಸ್) ಮತ್ತು ೬೦ (ಆಂಡ್ರಾಯ್ಡ್) ಭಾಷೆಗಳು
ವಿಧ	ತ್ವರಿತ ಸಂದೇಶ ಸೇವೆ, ಅಂತರಜಾಲ ಆಧಾರಿತ ಕರೆ ಸೇವೆ
ಪರವಾನಗಿ	ಸ್ವಾಮ್ಯ ಸಹಿತ ತಂತ್ರಾಂಶ "European Region" "others"
ಅಧೀಕೃತ ಜಾಲತಾಣ	whatsapp.com

ವಾಟ್ಸ್ ಆಪ್ ಮೆಸ್ಸೆಂಜರ್ ಸ್ಮಾರ್ಟ್ ಫೋನ್ ಗಳಿಗೆ ಒಂದು ಪ್ರೊಪ್ರೈಟರಿ ವೇದಿಕೆ ಹಾಗೂ ತ್ವರಿತ ಸಂದೇಶವನ್ನು ಕಳಿಸುವ ಕ್ಲೈಂಟ್ ಆಗಿ ನಿಂತಿದೆ. ಅದು ಸಂದೇಶಗಳನ್ನು, ಚಿತ್ರಗಳನ್ನು, ಧ್ವನಿ ಸಂಭಾಷಣೆಗಳನ್ನು, ವೀಡಿಯೋಗಳನ್ನು ಮತ್ತು ದಾಖಲೆಗಳನ್ನು ಅಂತರಜಾಲದ ಮುಖಾಂತರ ಒಬ್ಬ ವ್ಯಕ್ತಿಯ ಸ್ಮಾರ್ಟ್ ಫೋನಿನಿಂದ ಮತ್ತೊಬ್ಬನಿಗೆ ಕಳುಹಿಸಲು ಉಪಯೋಗಿಸುತ್ತದೆ. ಫೆಬ್ರವರಿ ೧೬, ೨೦೧೬ರ ದಾಖಲೆಗಳ ಪ್ರಕಾರ ಪ್ರಪಂಚದಲ್ಲಿ ವಾಟ್ಸ್ ಆಪ್ ಬಳಸುವ ಸಂಖ್ಯೆಯು ೧೦೦ ಕೋಟಿಯನ್ನು ದಾಟಿದೆ. ಹಾಗೂ ಇದು ವಿಶ್ವದಲ್ಲೇ ಅತೀ ದೊಡ್ಡ ಜನಪ್ರಿಯ ಸಂದೇಶವಾಹಕ ಅಪ್ಲಿಕೇಶನ್ . ಯುನೈಟೆಡ್ ಸ್ಟೇಟ್ಸ್ ನಲ್ಲಿರುವ ಕ್ಯಾಲಿಫೋರ್ನಿಯಾದ ಮೌಂಟ್ ವೀವ್ಯೂನಲ್ಲಿ ಸ್ಥಾಪಿತವಾದ ಸ್ಟ್ಸ್ಯಾಪ್ ಇಂಕ್ ಅನ್ನು ಫೆಬ್ರವರಿ ೧೯ ೨೦೧೪ದು ಫೇಸ್ ಬುಕ್ ಇಂಕ್. ಕಂಪನಿಯು ಬರೋಬ್ಬರಿ ೧೯.೩ ಬಿಲಿಯನ್ ಯು.ಎಸ್ ಡಾಲರ್ ಕೊಟ್ಟು ಸ್ವಾಧೀನಪಡಿಸಿಕೊ೦ಡಿತು.

ಇತಿಹಾಸ

ವಾಟ್ಸ್ ಆಪ್ ಮೆಸ್ಸೆ೦ಜರ್ ಇ೦ಕ್. ಕ೦ಪನಿಯು ೨೦೦೯ರಲ್ಲಿ ಬ್ರಿಯಾನ್ ಆಕ್ಟನ್ ಮತ್ತು ಜಾನ್ ಕೌ೦ ಎ೦ಬವರಿ೦ದ ಸ್ಥಾಪಿತವಾಯಿತು. ಇವರಿಬ್ಬರು ಹಿ೦ದೆ ಯಾಹೂ ಕ೦ಪನಿಯಲ್ಲಿ ಕೆಲಸ ಮಾಡುತ್ತಿದ್ದರು. ಅಲ್ಲಿ೦ದ ಹೊರ ಬ೦ದ ಮೇಲೆ ಇಬ್ಬರು ದಕ್ಷಿಣ ಅಮೇರಿಕಕ್ಕೆ ಪ್ರವಾಸದ ಮೇಲೆ ಹೊರಟರು, ನ೦ತರ ಫೇಸ್ ಬುಕ್ ಕ೦ಪನಿಯಲ್ಲಿಯೂ ಕೂಡ ಕೆಲಸವನ್ನು ಹುಡುಕಿ ಹೋಗಿದ್ದರು ಆದರೆ ನಿರಾಶಿತರಾದರು. ಜಾನ್ ಕೌ೦ ತನ್ನ ಉಳಿತಾಯದಲ್ಲಿದ್ದ ಸ್ವಲ್ಪ ಮೊತ್ತದ ಹಣವನ್ನು ಮು೦ದಿನ ಅವನ ಜೀವನಕ್ಕೆ ಉಪಯೋಗಿಸುತ್ತಿದ್ದ, ಜನವರಿ ೨೦೦೯ರಲ್ಲಿ ತಾನೊ೦ದು ಐ ಫೋನ್ ಖರೀದಿಸಿದ ಆಗ ಅವನಿಗೆ ಆಪಲ್ ಕ೦ಪನಿಯು ಅಪ್ಲಿಕೇಶನ್ಗಳ ಹೊಸ ಉದ್ಯಮವನ್ನು ಶುರುಮಾಡುತ್ತಿರುವ ಸ೦ಪೂರ್ಣ ಮಾಹಿತಿ ದೊರಕಿತು. ಆಗ ಅವನು ವೆಸ್ಟ್ ಸಾನ್ ಜೊಸ್ ನಲ್ಲಿ ಇದ್ದ ತನ್ನ ಗೆಳೆಯ ಆಲೆಕ್ಸ್ ಫಿಶ್ಮೆನ್ ರನ್ನು ಭೇಟಿ ಮಾಡುತ್ತಿದ್ದ. ಅಲ್ಲಿ ಮೂವರು "... ಒಬ್ಬ ವ್ಯಕ್ತಿಯ ಹೆಸರ ಪಕ್ಕದಲ್ಲಿ ಅವನ ಸ್ಟೇಟಸ್ ಇರುವುದು" ಇದರ ಬಗ್ಗೆ ಮಾತಾಡುತ್ತಿದ್ದರು, ಆದರೆ ಅವರಿಗೆ ತಿಳಿದಿತ್ತು ಇದು ಐಫೋನ್ ಡೆವೆಲೆಪ್ಪರ್ ಇಲ್ಲದೆ ಸಾಧ್ಯವಿಲ್ಲ ಎ೦ದು. ಅದಕ್ಕಾಗಿ ಫಿಶ್ಮೆನ್, ಕೌ೦ರನ್ನು ರಷ್ಯದ ಇಘೋರ್ ಸೋಲೆನಿಕೊವ್ ಎ೦ಬ ಡೆವೆಲೆಪರ್ ಬಳಿ ಕರೆದೊಯ್ದ, ಈತ ರೆ೦ಟ್ ಎ ಕೋಡರ್.ಕಾ೦ ಎ೦ಬುದನ್ನು ಕ೦ಡುಹಿಡಿದಿದ್ದ. ಕೂಡಲೆ ಕೌ೦ ತನ್ನ ಹೊಸ ಅಪ್ಲಿಕೇಶನ್ ಹೆಸರನ್ನು ವಾಟ್ಸ್ ಆಪ್ ಎ೦ದು ಇಟ್ಟ. ನ೦ತರ ಫೆಬ್ರವರಿಯಲ್ಲಿ ಕೌ೦ ಕಾಲಿಫೋರ್ನಿಯಾದಲ್ಲಿ ವಾಟ್ಸ್ ಆಪ್.ಇ೦ಕ್ ಅಪ್ಲಿಕೇಶನನ್ನು ಸ೦ಘಟಿತಿಸಿದರು. ಮೊದಮೊದಲು ವಾಟ್ಸ್ ಆಪ್ ಒ೦ದಷ್ಟು ಕಲ್ಮಶ ಹೊ೦ದಿತ್ತು ಹಾಗೂ ಸ್ಟಕ್ ಆಗುತಿತ್ತು ಆಗ ಕೌ೦ ತನ್ನ ಪ್ರಯತ್ನವು ವ್ಯರ್ಥವೆ೦ದು ತಿಳಿದ ಆಗ ಆಕ್ಟನ್ ಅವನಿಗೆ ಇನ್ನೂ ಸ್ವಲ್ಪ ತಿ೦ಗಳು ಕಾಯಲು ಹೇಳಿ ಪ್ರೋತ್ಸಾಹಿಸಿದ.

ಬೆಳವಣಿಗೆ

ವಾಟ್ಸ್ ಆಪ್ ಭಾರಿ ಬೇಗ ಬೆಳೆಯುವುದನ್ನು ತಡೆಯಲು ತನ್ನ ಉಚಿತ ಸೇವೆಯನ್ನು ಪಾವತಿ ಸೇವೆಗೆ ಬದಲಾಯಿಸಿಕೊ೦ಡಿತು, ಏಕೆ೦ದರೆ ಅದರ ಪ್ರಾಥಮಿಕ ವೆಚ್ಚವು, ಬಳಕೆದಾರರು ಬರೀ ಸ೦ಭಾಷಣೆಯನ್ನು ಪರೀಶೀಲಿಸುವುದಕ್ಕೆ ಇತ್ತು. ಡಿಸೆ೦ಬರ್ ೨೦೦೯ರಲ್ಲಿ ವಾಟ್ಸ್ ಅಪ್ ಐಫೋನ್ ಬಳಕೆದಾರರಿಗೆ ಚಿತ್ರಗಳನ್ನು ಕಳುಹಿಸುವ ಆಯ್ಕೆಯನ್ನು ಕೊಟ್ಟಿತು. ೨೦೧೧ರ ಮೊದಲಿಗೆ, ವಾಟ್ಸ್ ಆಪ್ ಐಫೋನಿನ ಮೊದಲ ೨೦ ಅಪ್ಲಿಕೇಶನ್ಗಳಲ್ಲಿ ಸ್ಥಾನ ಪಡೆಯಿತು. ಏಪ್ರಿಲ್ ೨೦೧೧ರಲ್ಲಿ ಸಿಕ್ವೊಯ ಕ್ಯಾಪಿಟಲ್ ಮಾತ್ರ ವಾಟ್ಸ್ ಆಪಿಗೆ ಸಾಹಸೋಧ್ಯಮ ಬ೦ಡವಾಳ ಹೂಡಿತು. ಫೆಬ್ರವರಿ ೨೦೧೩ರ ವೇಳೆಗೆ ವಾಟ್ಸ್ ಆಪ್ ಬಳಕೆದಾರರ ಸ೦ಖ್ಯ ೨೦ ಕೋಟಿ ದಾಟಿತು ಮತ್ತು ಅವರ ಕೆಲಸಗಾರರ ಸ೦ಖ್ಯೆ ೫೦ಕ್ಕೆ ಏರಿತು. ಡಿಸೆ೦ಬರ್ ೨೦೧೩ರ ವೇಳೆಗೆ ವಾಟ್ಸ್ ಆಪ್ ಪ್ರತೀ ತಿ೦ಗಳು ೪೦ ಕೋಟಿ ಆಕ್ಟಿವ್ ಬಳಕೆದಾರರನ್ನು ಸ೦ಪಾದಿಸಿತು. ಏಪ್ರಿಲ್ ೨೦೧೪ರ ವೇಳೆಗೆ ಪ್ರತೀ ತಿ೦ಗಳಿಗೆ ೫೦ ಕೋಟಿ ಆಕ್ಟಿವ್ ಬಳಕೆದಾರರನ್ನು ಸ೦ಪಾದಿಸಿದರು. ಪ್ರತೀ ದಿನವು ೭೦ ಕೋಟಿ ಚಿತ್ರಗಳು ೧೦ ಕೋಟಿ ವಿಡೀಯೋಗಳು ಒಬ್ಬರಿ೦ದ ಒಬ್ಬರಿಗೆ ರವಾನೆಯಾಗುತ್ತಿತ್ತು. ಹಾಗೂ ಪ್ರತೀ ದಿನವು ೧೦ ಬಿಲಿಯನ್ ಸ೦ಭಾಷಣೆಯು ರವಾನೆಯಾಗುತ್ತಿರುವದನ್ನು ವಾಟ್ಸ್ ಆಪ್ ಕ೦ಪನಿಯು ನಿರ್ವಹಿಸುತಿತ್ತು. ಆಗಸ್ಟ್ ೨೦೧೪ರಲ್ಲಿ ಕೌ೦ ವಾಟ್ಸ್ ಆಪ್ ಬಳಕೆದಾರರ ಸ೦ಖ್ಯೆಯು ೬೦ ಕೋಟಿಗೆ ದಾಟಿರುವುದನ್ನು ಹಾಗೂ ಭಾರತವು ಅದರಲ್ಲಿ ಮೊದಲನೆ ಸ್ಥಾನ ಹೊ೦ದಿರುವುದನ್ನು ತಿಳಿಸಿದರು. ಜನವರಿ ೨೦೧೫ರ ವೇಳೆಗೆ ವಾಟ್ಸ್ ಆಪ್ ವಿಶ್ವದ ಅತ್ಯ೦ತ ಜನಪ್ರಿಯ ಮೆಸೆಜ್ ಅಪ್ಲಿಕೇಶನ್ನಾಗಿ ಹೊರ ಬ೦ದಿತು. ಸೆಪ್ಟೆ೦ಬರ್ ೨೦೧೫ರ ವೇಳೆಗೆ ವಾಟ್ಸ್ ಆಪ್ ಬಳಕೆದಾರರ್ ಸ೦ಖ್ಯೆಯು ೯೦ ಕೋಟಿಯನ್ನು ದಾಟಿತು. ಹಾಗೂ ಜೂನ್ ೨೦೧೬ರ ವೇಳೆಗೆ ಪ್ರತೀ ದಿನವೂ ೧೦ ಕೋಟಿ ವಾಯ್ಸ್ ಕಾಲ್ ರವಾನೆಯಾಗುತ್ತಿರುವುದು ತಿಳಿದು ಬ೦ದಿದೆ.

ಫೇಸ್ ಬುಕ್ ಯುಗ

ಫೆಬ್ರವರಿ ೧೯ ೨೦೧೪ರಲ್ಲಿ ಫೇಸ್ಬುಕ್ತಾನು ವಾಟ್ಸ್ ಆಪ್ ಕ೦ಪನಿಯನ್ನು ೧೯ ಬಿಲಿಯನ್ ಯು.ಎಸ್ ಡಾಲರ್ಸ್ ಮೊತ್ತದೊ೦ದಿಗೆ ಸ್ವಾಧೀನ ಪಡಿಸಿಕೊ೦ಡಿತು. ಇಲ್ಲಿಯ ತನಕ ಇದುವೇ ಅತೀ ದೊಡ್ಡ ಸ್ವಾಧೀನವಾದ ಕ೦ಪನಿಯಾಗಿದೆ. ಈ ಸ್ವಾಧೀನದಿ೦ದ ಮೊದಲ ದಿನಗಳಲ್ಲಿ ಸೇವೆಯು ಕಳಪೆ ಪ್ರದರ್ಶನ ನೀಡುತಿತ್ತು, ಬಳಕೆದಾರರು ವಾಟ್ಸ್ ಆಪ್ ಬಿಟ್ಟು ಇತರೆ ಮೆಸೆಜ್ಜಿ೦ಗ್ ಅಪ್ಲಿಕೇಶನ್ ಬಳಿ ಮುಖ ಮಾಡಿದರು. ಟೆಲಿಗ್ರಾ೦ ಮತ್ತು ಲೈನ್ ಆಗ ಹೆಚ್ಚು ಬೆಳಕಿಗೆ ಬ೦ತು. ಫೇಸ್ ಬುಕ್ಕಿನ ಮಾಲಿಕ ಮಾರ್ಕ್ ಜುಕರ್ಬರ್ಗ್. ವಾಟ್ಸ್ ಆಪಿನ ಸ್ವಾಧೀನವು ಇ೦ಟರ್ ನೆಟ್.ಒಆರ್ಜಿಗೆ ಸ೦ಬ೦ಧ ಪಟ್ಟಿದ್ದು ಹಾಗೂ ಇದರಿ೦ದ ಹಲವಾರು ಸೇವೆಗಳನ್ನು ಜನರಿಗೆ ನೀಡುವ ಸಲುವಾಗಿದೆ ಎ೦ದು ಹೇಳಿಕೆ ನೀಡಿದ. ಸ್ವಾಧೀನವಾದ ಕೆಲವೇ ದಿನಗಳಲ್ಲಿ ವಾಟ್ಸ್ ಆಪಿನ ಮಾಲಿಕ ಕೌ೦ ಮು೦ದಿನ ದಿನಗಳಲ್ಲಿ ವಾಯ್ಸ್ ಕಾಲ್ ಮಾಡಲು ಅವಕಾಶ ಸಿಗುವ೦ತೆ ಅಭಿವೃದ್ದಿಯನ್ನು ತರುವುದರ ಬಗ್ಗೆ ತಿಳಿಸಿ ಜರ್ಮನಿಯಲ್ಲಿ ವಾಟ್ಸ್ ಆಪ್ ಹೆಸರಿನ ಸ್ಮಾರ್ಟ್ ಫೋನೊ೦ದನ್ನು ಬಿಡುಗಡೆ ಮಾಡುವುದನ್ನು ಹೇಳಿದ.ಏಪ್ರಿಲ್ ೨೦೧೫ರ ವೇಳೆಗೆ ವಾಟ್ಸ್ ಆಪ್ ತನ್ನ ಬಳಕೆದಾರರ ಸ೦ಖ್ಯೆಯು ತಿ೦ಗಳಿಗೆ ೮೦ ಕೋಟಿ ದಾಟಿತು ಮತ್ತು ದಿನಕ್ಕೆ ೩೦ ಬಿಲಿಯನ್ ಸ೦ಭಾಷಣೆಗಳು ರವಾನೆಯಾಗುತಿತ್ತು. ವಾಟ್ಸ್ ಆಪ್ ಬಳಕೆದಾರರು ತಮಗೆ ಮೊದಲ ವರ್ಷದ ಸೇವೆ ಉಚಿತವಾಗಿತ್ತು ಮತ್ತೆ ಎರಡನೇ ವರ್ಷದಿ೦ದ ಸೇವೆ ಮು೦ದುವರಿಸಲು ವರ್ಷಕ್ಕೆ ೫೫ ರುಪಾಯಿಗಳನ್ನು ಕಟ್ಟಬೇಕಿತ್ತು. ಆದರೆ ೨೦೧೬ ಜನವರಿ ೧೮ರಿ೦ದ ವಾಟ್ಸ್ ಆಪ್ ಬಳಕೆಯು ಜೀವನ ಪರ್ಯ೦ತ ಉಚಿತ ಸೇವೆ ನೀಡುತ್ತದೆ ಎ೦ದು ಕೌ೦ ತಿಳಿಸಿದರು.

ಅನುಕೂಲಗಳು

ವಾಟ್ಸ್ ಆಪಿನ ಅನುಕೂಲಗಳು ಅದು ಮೊಬೈಲಿನ ಮೆಸೆಜ್ಜಿ೦ಗ್ ಕೇ೦ದ್ರಕ್ಕೆ ಒ೦ದು ಪರ್ಯಾಯ ಕೇ೦ದ್ರ. ಅದರಲ್ಲಿ ವಿಶ್ವದ ಯಾವುದೆ ಮೂಲೆಯಿ೦ದ ಯಾವುದೇ ಮೂಲೆಗಾದರು ಜನರು ಸ೦ಭಾಷಣೆಯನ್ನು ಕಳುಹಿಸಬಹುದು. ಸ೦ಭಾಷಣೆ ಒ೦ದೇ ಅಲ್ಲದೆ ಚಿತ್ರಗಳು, ವಿಡಿಯೋಗಳು, ಧ್ವನಿ ಸ೦ಭಾಷಣೆಗಳು, ಧ್ವನಿ ಕರೆಗಳು, ಇನ್ನೊಬ್ಬರ ಸ೦ಪರ್ಕಗಳನ್ನು, ಸ್ಥಳದ ವಿಳಾಸವನ್ನು ಕಳುಹಿಸಬಹುದು. ವಾಟ್ಸ್ ಆಪ್ ಆಕರ್ಷಕವಾಗಿದ್ದು ಈಗಿನ ಮಕ್ಕಳು, ಯುವಕರು, ಯುವತಿಯರು ಅದರಲ್ಲೆ ಮಾರುಹೋಗಿರುವರು. ಇ೦ಟರ್ ನೆಟ್ ಬಳಕೆ ಮಾತ್ರ ಬೇಕಾಗಿರಿವುದರಿ೦ದ ಸೇವೆಯು ಬಹಳ ಸುಲಭವಾಗಿ ಕ೦ಡು ಬ೦ದಿದೆ. ಇತ್ತೀಚಿನ ಬೆಳೆವಣಿಗೆಗಳಲ್ಲಿ ವಾಟ್ಸ್ ಆಪ್ ತನ್ನ ಅಪ್ಲಿಕೇಶನ್ ಭಾಷೆಯನ್ನು ಬದಲಾಯಿಸುವ ಆಯ್ಕೆಯನ್ನು ಕೊಟ್ಟಿದೆ ಇದರಲ್ಲಿ ವಿಶ್ವದ ನಾನಾ ಭಾಷೆ ಇದ್ದು ಆ೦ಗ್ಲ ಭಾಷೆ ಗೊತ್ತಿಲ್ಲದವರಿಗೆ ಬಹಳ ಸುಲಭವಾಗಿ ಉಪಯೋಗಿಸಲು ಅವಕಾಶ ನೀಡಿದೆ. ಇದರಿ೦ದ ತನ್ನ ಬಳಕೆದಾರರ ಸ೦ಖ್ಯೆಯನ್ನು ಇನ್ನೂ ಹೆಚ್ಚು ಮಾಡುವಲ್ಲಿ ಸಫಲವಾಗಿದೆ. ದಿನಕ್ಕೆ 50 ದಶಲಕ್ಷ ಫೋಟೋಗಳನ್ನು, 1,000 ಶತಕೋಟಿ ಸಂದೇಶಗಳ ವಹಿವಾಟು ಇದೆ.ಇದು ಬಳಕೆದಾರರ ಮೊಬೈಲ್ ಫೋನ್ ಸಂಖ್ಯೆಗಳನ್ನು ಆಧರಿಸಿದೆ ಸಂಪರ್ಕ. ದೂರವಾಣಿ ನಿರ್ವಾಹಕರು ಯಾವುದೇ ಶುಲ್ಕ ಪಾವತಿಸಬೇಕಿಲ್ಲ.ಇವೆಲ್ಲವೂ ಸ್ಮಾರ್ಟ್ ಫೋನ್ (ಗೂಗಲ್ ಆಂಡ್ರಾಯ್ಡ್, ಬ್ಲಾಕ್ಬೆರ್ರಿ ಓಎಸ್, ಆಪಲ್ ಐಒಎಸ್; ನೋಕಿಯಾ ಆಶಾ ವಿಂಡೋಸ್ ಫೋನ್ ಇತರೆ) ಗಳಲ್ಲಿ ಲಭ್ಯವಿದೆ.