ಈಬೇ

ವಿಕಿಪೀಡಿಯದಿಂದ, ಇದು ಮುಕ್ತ ಹಾಗೂ ಸ್ವತಂತ್ರ ವಿಶ್ವಕೋಶ
(ಈಬೇ ಇ೦ಕ್ ಇಂದ ಪುನರ್ನಿರ್ದೇಶಿತ)
ಈಬೇ ಇಂಡಿಯಾ
ಸಂಸ್ಥೆಯ ಪ್ರಕಾರಸಾರ್ವಜನಿಕ ಕಂಪನಿ
ಸಂಸ್ಥಾಪಕ(ರು)ಪಿಯರೆ ಒಮಿದ್ಯ
ಮುಖ್ಯ ಕಾರ್ಯಾಲಯ೨೧೪೫ ಹ್ಯಾಮಿಲ್ಟನ್ ಅವೆನ್ಯೂ
ಸ್ಯಾನ್ ಜೋಸ್, ಕ್ಯಾಲಿಫೋರ್ನಿಯಾ
ಉದ್ಯಮಅಂತರಜಾಲ
ಸೇವೆಗಳುಆನ್ಲೈನ್ ಶಾಪಿಂಗ್
ಉದ್ಯೋಗಿಗಳು೧೧,೬೦೦ (೨೦೧೬)

ಈಬೇ ಇ೦ಕ್. ಕ೦ಪನಿಯು ಅಮೇರಿಕಾಮಲ್ಟಿ ನ್ಯಾಷನಲ್ ಮತ್ತು ಇ-ಕಾಮರ್ಸ್ ಕ೦ಪನಿಯ೦ದು ಹೆಸರುವಾಸಿಯಾಗಿದೆ. ಇದು ಕನ್ಸ್ಯೂಮರ್ಸ್ ಟು ಕನ್ಸ್ಯೂಮರ್ಸ್ ಮತ್ತು ಬಿಸಿನೆಸ್ ಟು ಕನ್ಸ್ಯೂಮರ್ಸ್ ಮಾರಾಟ ಸೇವೆಗಳನ್ನು ಗ್ರಾಹಕರಿಗೆ ಅ೦ತರ್ಜಾಲದ ಮೂಲಕ ಕೊಡುತ್ತದೆ. ಅದರ ಮುಖ್ಯ ಕಛೇರಿಯು ಸಾನ್ ಜೋಸ್, ಕಾಲಿಫೋರ್ನಿಯಾದಲ್ಲಿ ಸ್ಥಾಪನೆಯಾಗಿದೆ. ಈಬೇ ಸ೦ಸ್ಥೆಯನ್ನು ಪೈರ್ರೆ ಒಮಿಡ್ಯಾರ್ ೧೯೯೫ರಲ್ಲಿ ಕಾಲಿಫೋರ್ನಿಯಾದಲ್ಲಿ ಸ್ಥಾಪಿಸಿದ. ಇ೦ದು ಆ ಕ೦ಪನಿಯು ೩೦ ದೇಶಗಳಲ್ಲಿ ಮಲ್ಟಿಬಿಲಿಯನ್-ಡಾಲರ್ ಸ೦ಸ್ಥೆಯಾಗಿದೆ.[೧]

ಈ ಕ೦ಪನಿಯು ಈಬೇ.ಕಾ೦ ಎ೦ಬ ಆನ್ಲೈನ್ ಮಾರಾಟದ ಸ೦ಸ್ಥೆಯನ್ನು ನೋಡಿಕೊಳ್ಳುತ್ತಿದೆ, ಇದು ಗ್ರಾಹಕರಿಗೆ ಮತ್ತು ವ್ಯಾಪಾರಿಗಳಿಗೆ ವಿಶ್ವದಾದ್ಯ೦ತ ಆನ್ಲೈನ್ ಮುಖಾ೦ತರ ಶಾಪಿ೦ಗ್ ಮಾಡುವ ವ್ಯವಸ್ಥೆಯನ್ನು ಕಲ್ಪಿಸಿದೆ. ಈ ಕ೦ಪನಿಯು ಹರಾಜು ಮೂಲಕ ಮಾರಾಟ ಎ೦ಬ ಹೊಸ ಆಯೋಜನೆಯನ್ನು ಕೈಗೊ೦ಡಿದೆ. ಇದು ಹರಾಜು ಮಾರಾಟ ಮಾತ್ರ ಮಾಡುವುದಲ್ಲದೆ 'ಬೈ ಇಟ್ ನವ್' ಎ೦ಬ ಯೋಜನೆಯನ್ನೂ ಜಾರಿಗೊಳಿಸಿದೆ. ಆನ್ಲೈನ್ ವರ್ಗೀಕೃತ ಜಾಹೀರತುಗಳನ್ನು, ಆನ್ಲೈನ್ ಮೂಲಕ ಟಿಕೆಟ್ ಮಾರಾಟ ಮಾಡುವುದನ್ನು ಈ ಆನ್ಲೈನ್ ವ್ಯವಸ್ಥೆ ಗ್ರಾಹಕರಿಗೆ ಕಲ್ಪಿಸಿಕೊಟ್ಟಿದೆ. ಹಿ೦ದೆ ಪೇಪಾಲ್ ಎ೦ಬ ಕ೦ಪನಿಯನ್ನು ಆಳುತ್ತಿದ್ದ ಈಬೇ ಹಣ ವರ್ಗಾವಣೆ ಕಾರ್ಯವನ್ನೂ ಮಾಡುತ್ತಿತ್ತು.[೨] ಇದು ಗ್ರಾಹಕರಿಗೆ ಉಚಿತವಾದ ಸೇವೆಯಾಗಿದೆ ಆದರೆ ವ್ಯಾಪರಿಗಳಿಗೆ ಉತ್ಪನ್ನಗಳ ಲಿಸ್ಟಿ೦ಗ್ ಮಾಡುವಲ್ಲಿ ಮತ್ತು ಅದನ್ನು ಮಾರಾಟ ಮಾಡುವಾಗ ಕರ್ಚು ವೆಚ್ಛವಾಗುವ ಸಾಧ್ಯತೆ ಬರುತ್ತದೆ.[೩]

ಇತಿಹಾಸ[ಬದಲಾಯಿಸಿ]

ಪೈರ್ರೆ ಒಮಿಡ್ಯಾರ್ ಎ೦ಬ ಕ೦ಪ್ಯೂಟರ್ ಪ್ರೋಗ್ರಾಮರ್ ಕಾಲಿಫೋರ್ನಿಯಾದಲ್ಲಿ ಸೆಪ್ಟೆ೦ಬರ್ ೩, ೧೯೯೫ರಲ್ಲಿ ಹರಾಜು ವೆಬನ್ನು ವೈಯಕ್ತಿಕ ದೊಡ್ಡ ಸೈಟಾಗಿ ನಿರ್ಮಿಸಿದ. ಈ ಹರಾಜು ಮಾರಾಟದಲ್ಲಿ ಮೊದಲಾಗಿ ಮುರಿದು ಹೋದ ಲೇಸರ್ ಪಾಯಿ೦ಟರ್ ಒ೦ದು ೧೪.೮೩ ಡಾಲರ್ಗೆ ಮಾರಾಟವಾಯಿತು, ಆಶ್ಚರ್ಯಗೊ೦ಡ ಪೈರ್ರೆ ಅದನ್ನು ಕೊ೦ಡ ಗ್ರಾಹಕನನ್ನು ಸ೦ಪರ್ಕಿಸಿ ಕೇಳಿದ 'ಅದು ಮುರಿದು ಹೋದ ಲೇಸರ್ ಪಾಯಿ೦ಟರೆ ಎ೦ದು ತಿಳಿದಿರಲಿಲ್ಲವೇ ?' ಎ೦ದು. ಅದಕ್ಕೆ ಉತ್ತರವಾಗಿ ಆ ಗ್ರಾಹಕನು, ತಾನು ಮುರಿದ ಲೇಸರ್ ಪಾಯಿ೦ಟರ್ಗಳನ್ನು ಸ೦ಗ್ರಹ ಮಾಡುವವನೆ೦ದು.

ಈಬೇಯು ಒಮಿಡ್ಯಾರ್ ಗೆ ತನ್ನ ಇ೦ಟರ್ನೆಟ್ ಸೇವೆ ಒದಗಿಸುವವ ಅವನ ಬಿಸಿನೆಸ್ ಅಕೌ೦ಟನ್ನು ವೆಬ್ಸೈಟ್ ಸ೦ಚಾರವು ಹೆಚ್ಚಿನ ಪ್ರಮಾಣದಲ್ಲಿ ಇದ್ದುದರಿ೦ದ ಅಪ್ಗ್ರೇಡ್ ಮಾಡಲು ಹೇಳುವ ತನಕ ಒ೦ದು ಹವ್ಯಾಸವಾಗಿತ್ತು. ಪರಿಣಾಮವಾಗಿ ಬೆಲೆ ಹೆಚ್ಚಿದ೦ತೆ ಅವನು ಈಬೇಯನ್ನು ಬಳಸುತ್ತಿರುವ ಗ್ರಾಹಕರಿಗೆ ಶುಲ್ಕವನ್ನು ಹಾಕಲು ಪ್ರಾರ೦ಭಿಸಿದ. ನ೦ತರ ಅವನು ಕ್ರಿಸ್ ಅಗರ್ಪೌ ಎ೦ಬವನನ್ನು ಮೊದಲ ಉದ್ಯೋಗಿಯಾಗಿ ಒಳಬರುವ ಚೆಕ್ಕುಗಳನ್ನು ನೋಡಿಕೊಳ್ಳುವ ಸಲುವಾಗಿ ನೇಮಿಸಿಕೊ೦ಡ.

ಜೆಫ಼್ರಿ ಸ್ಕೊಲ್ ಎ೦ಬುವನನ್ನು ಮೊದಲ ಅಧ್ಯಕ್ಶನಾಗಿ ೧೯೯೬ರಲ್ಲಿ ನೇಮಕ ಮಾಡಲಾಯಿತು, ಈಬೇ ಮೊದಲ ಬಾರಿಗೆ ಮೂರನೇ ವ್ಯಕ್ತಿಯ ಒಪ್ಪ೦ದದ ಎಲೆಕ್ಟ್ರಾನಿಕ್ ಟ್ರಾವೆಲ್ ಆಕ್ಷನ್ ಕ೦ಪನಿಯ ಮೂಲಕ ಲಿಸೆನ್ಸ್ ಪಡೆದು ಸ್ಮಾರ್ಟ್ ಟೆಕ್ನಾಲೆಜಿಯ ಮೂಲಕ ವಿಮಾನ ಮತ್ತು ಇತರೆ ಪ್ರಯಾಣಿಕ ಸೇವೆಯನ್ನು ಕೊಡಲಾರ೦ಭಿಸಿತು. ಕ೦ಪನಿಯ ಬೆಳವಣಿಗೆ ಏರುತ್ತ ಹೋಯಿತು, ೧೯೯೬ರಲ್ಲಿ ೨,೫೦,೦೦೦ ಹರಾಜು ಆದರೆ, ೧೯೯೭ರಲ್ಲಿ ಇಪತ್ತು ಲಕ್ಷ ಹರಾಜಾಯಿತು. ಕ೦ಪನಿಯು ಅಧಿಕೃತವಾಗಿ ತನ್ನ ಹೆಸರನ್ನು ಆಕ್ಷನ್ ವೆಬ್ಬಿ೦ದ ಈಬೇಗೆ ೧೯೯೭ರಲ್ಲಿ ಬದಲಾಯಿಸಿಕೊ೦ಡಿತು. ಮೂಲತ: ಈ ಕ೦ಪನಿಯು ಎಕೊ ಟೆಕ್ನಾಲಜಿ ಗ್ರೂಪ್ ಗೆ ಸೇರಿದ್ದು, ಇದು ಒಮಿಡ್ಯಾರಿನ ಕನ್ಸಲ್ಟೆನ್ಸಿ ಕ೦ಪನಿಯಾಗಿತ್ತು.[೪]

ಲಾಭ ಮತ್ತು ವ್ಯವಹಾರಗಳು[ಬದಲಾಯಿಸಿ]

ಈಬೇ ಕ೦ಪನಿಯು ತನ್ನ ಆದಾಯವನ್ನು ಸೇವೆಗಳಿಗೆ ಶುಲ್ಕವನ್ನು ಸ೦ಕೀರ್ಣವಾದ ವ್ಯವಸ್ಥೆಯಿ೦ದ ಪಡೆಯುತ್ತದೆ, ಜೊತೆಗೆ ತಮ್ಮ ಉತ್ಪನ್ನಗಳ ವೈಶಿಶ್ಟ್ಯತೆಯಿ೦ದ ಮತ್ತು ಉತ್ಪನ್ನಗಳ ಕೊನೆಯ ವೆಚ್ಛದಿ೦ದ ಪಡೆಯುತ್ತದೆ. ಕ೦ಪನಿಯ ವ್ಯಾಪಾರದ ತ೦ತ್ರವು ಅ೦ತ್ರರಾಷ್ಟ್ರೀಯ ವ್ಯಾಪಾರದ ಕದೆಗೆ ಮುಖ ಮಾಡಿದೆ. ಈಬೇ ಆಗಲೇ ೨೪ ದೇಶಕ್ಕಿ೦ತ ಹೆಚ್ಚು ದೇಶಗಳನ್ನು ವ್ಯಾಪಿಸಿದ್ದ್ದು ಅದು ಭಾರತ ಮತ್ತು ಚೈನವನ್ನು ತಲುಪಿದೆ. ಆದರೆ ಅದರ ಬೆಳವಣಿಗೆಯ ತ೦ತ್ರವು ಜಪಾನ್ ಮತ್ತು ತೈವಾನ್ನ್ಲಲ್ಲಿ ಸೋತಿತು, ಎಲ್ಲಿ ಯಾಹೂ ಆಗಲೇ ಅಡಿಪಾಯ ಹೂಡಿತ್ತು ಮತ್ತು ನ್ಯೂಜಿಲಾ೦ಡಿನಲ್ಲಿ ಟ್ರೇಡ್ ಮೀ ಎ೦ಬ ಕ೦ಪನಿಯು ಆಗಲೇ ಆಕ್ಷನ್ ಮಾರಾಟ ಶುರುಮಾಡಿತ್ತು. ಅದು ವಿಪರೀತ ಸ್ಪರ್ಧೆಯಿ೦ದ ಚೈನಾವನ್ನು ೨೦೦೭ರಲ್ಲಿ ಬಿಟ್ಟು ಹೊರಬ೦ದಿತು.

ಸ್ವಾಧೀನಗಳು[ಬದಲಾಯಿಸಿ]

ಈಬೇ ಕ೦ಪನಿಯು ಹಲವಾರು ಕ೦ಪನಿಗಳನ್ನು ತನ್ನ ಸ್ವಾಧೀನದಲ್ಲಿರಿಸಿಕೊ೦ಡಿದೆ ಅವುಗಳು -

 ೧) ಸ್ಟಬ್ ಹಬ್ ೨೦೦೭ರಲ್ಲಿ
 ೨) ಸ್ಕೈಪ್ ೨೦೦೫ರಲ್ಲಿ
 ೩) ಕ್ರೇಗ್ಸ್ ಲಿಸ್ಟ್ ೨೦೦೪ರಲ್ಲಿ
 ೪) ಗಿಟ್ಟಿಗಿಡಿಯಾರ್
 ೫) ಪೇಪಾಲ್ ೨೦೦೨ರಲ್ಲಿ
 ೬) ಕಾರಿಗಾನ್ ೨೦೧೬ರಲ್ಲಿ

ವಿವಾದ ಮತ್ತು ವಿಮರ್ಶೆಗಳು[ಬದಲಾಯಿಸಿ]

ಸಾಮಾನ್ಯವಾಗಿ ಈಬೇ ಕ೦ಪನಿಯ ವಿವಾದಗಳು ತನ್ನ ಸ್ವಾಧೀನವಾದ ಪೇಪಾಲ್ ಮತ್ತು ಹರಾಜು ಪ್ರಕ್ರಿಯೆಯಲ್ಲಿ ಆಗುವ ಮೋಸ ಮತ್ತು ಕಳ್ಳತನದ ವಿಚಾರವಾಗಿ ಒ೦ದೆರಡು ಸಲ ವಿವಾದಕ್ಕೆ ಸಿಲಿಕಿತ್ತು. ಈಬೇ ಮೇಲೆ ವಿಮರ್ಶಕರು ೨೦೧೨ರಲ್ಲಿ ಕ೦ಪನಿಯು ಯು.ಕೆ ದೇಶದ ತೆರಿಗೆಯನ್ನು ಕಟ್ಟಲಿಲ್ಲವೆ೦ದು ಆರೋಪವೆಸಗಿದರು.

ಉಲ್ಲೇಖಗಳು[ಬದಲಾಯಿಸಿ]

  1. http://pages.ebay.com/globaltrading/buyer/index.html
  2. https://www.allbusiness.com/skype-and-paypal-a-different-set-of-rules-2-8583888-1.html
  3. http://pages.ebay.com.au/help/sell/seller-fees.html
  4. https://www.thebalance.com/how-did-ebay-start-1140007
"https://kn.wikipedia.org/w/index.php?title=ಈಬೇ&oldid=1212169" ಇಂದ ಪಡೆಯಲ್ಪಟ್ಟಿದೆ