ಹೋಟ್ಜೆನ್

ವಿಕಿಪೀಡಿಯ ಇಂದ
ಇಲ್ಲಿಗೆ ಹೋಗು: ಸಂಚರಣೆ, ಹುಡುಕು
ಹೋಟ್ಜೆನ್
Opisthocomus hoazin.jpg
Conservation status
Scientific classification
Kingdom: Animalia
Phylum: Chordata
Class: Aves
Order: Gruiformes
Family: Opisthocomidae
Species: O. hoazin
Binomial name
Opisthocomus hoazin

ಹೋಟ್ಜೆನ್ (Hoatzin) ದಕ್ಷಿಣ ಅಮೇರಿಕದಲ್ಲಿ ವಾಸಿಸುವ, ಪಕ್ಷಿ ವರ್ಗದಲ್ಲೇ ಅತ್ಯಂತ ಪ್ರಾಚೀನ ಸ್ವರೂಪದ ಪಕ್ಷಿ. Opisthocomidae ಕುಟುಂಬಕ್ಕೆ ಸೇರಿದ ಈ ಪಕ್ಷಿಯ ವೈಜ್ಞಾನಿಕ ಹೆಸರು Opisthocomus hoazin.

ಸಂಸ್ಕೃತಿಯಲ್ಲಿ[ಬದಲಾಯಿಸಿ]

Rurrenabaque Bolivia - The Amazon.jpg ಈ ಪಕ್ಷಿಯ ಪಳಯುಳಿಕೆಗಳು ಐವತ್ತು ಮಿಲಿಯ ವರ್ಷಗಳ ಹಿಂದಿನ ಆಲಿಗೋಸೀನ್ ಯುಗದ ಪಳಯುಳಿಕೆಗಳೊಡನೆ ಸಿಕ್ಕಿವೆ. ಇಂತಹ ಪುರಾತನ ಪಕ್ಷಿ ಇನ್ನೂ ಜೀವಂತವಾಗಿದೆ ಎಂದು ತಿಳಿದಿದ್ದು ಮಧ್ಯ ಅಮೇರಿಕದ ಅಜಟೆಕ್ ಜನಾಂಗದಿಂದ. ರಯೋ ಉಕಾಯಲಿ ನದಿಯ ಸುತ್ತಮುತ್ತ ಇರುವ ಕಾಡುಗಳಲ್ಲಿದ್ದ ಈ ಪಕ್ಷಿಗಳನ್ನು ಮೊದಲು ಸಂಶೋಧಿಸಿ ಜಗತ್ತಿಗೆ ತಿಳಿಸಿದವರು ಡಾ.ಕೆ.ಹೆಚ್.ಲುಲಿಂಗ್ ಎಂಬ ಪಕ್ಷಿಶಾಸ್ತ್ರಜ್ಞ.

ಆಹಾರ[ಬದಲಾಯಿಸಿ]

Opisthocomus hoazin -Peru -three-8.jpg ಸುಮಾರು 2ಕಿ.ಗ್ರಾಂ ತೂಗುವ ಹೋಟ್ಜೆನ್, ಉಕಾಯಲಿ ನದಿ ತೀರದಲ್ಲಿ ಬೆಳೆಯುವ ಅರುಮ್ ಜಾತಿಯ ಮರದೆಲೆಗಳನ್ನು ಮಾತ್ರ ತಿನ್ನುತ್ತದೆ. ಈ ಎಲೆಗಳನ್ನು ಜಗಿದು ಉಂಡೆಮಾಡಿ ನುಂಗುತ್ತವೆ. ಆರುಮ್ ಮರದ ಎಲೆಗಳಿಗಿರುವ ದುರ್ವಾಸನೆ ಈ ಹಕ್ಕಿಗಳಲ್ಲೂ ಇರುವುದರಿಂದ ಇವನ್ನು ಯಾರೂ ತಿನ್ನುವುದಿಲ್ಲ. ಬಹುಶಃ ಈ ಹಕ್ಕಿ ಇಲ್ಲಿಯ ವರೆಗೂ ಬದುಕಿರಲು ಈ ದುರ್ವಾಸನೆಯೇ ಕಾರಣವೆನ್ನಬಹುದು.

ನಡವಳಿಕೆ[ಬದಲಾಯಿಸಿ]

Hoatzin chick.jpg

ಇದು ಮರದ ಮೇಲೆ ವಾಸಿಸುವ ಹಕ್ಕಿಯಾದರೂ ಹಾರುವುದನ್ನು ಹೊಸದಾಗಿ ಕಲಿಯುತ್ತಿರುವ ಹಕ್ಕಿಯಂತೆ ತಡಬಡಾಯಿಸುತ್ತ ಹಾರುತ್ತದೆ. ಇದರ ಮರಿಗಳಿಗೆ ಆರ್ಕಿಯೋಪ್ಟೆರ ಡೈನೊಸಾರ್ ಗಳಿಗೆ ಇದ್ದಂತೆ ರೆಕ್ಕೆಗಳ ತುದಿಯಲ್ಲಿ ಉಗುರುಗಳಿರುತ್ತವೆ. ಮರಿಗಳು ಉಗುರುಗಳ ಸಹಾಯದಿಂದ ನೇತಾಡಿಕೊಂಡು ಚಲಿಸುತ್ತವೆ. ಮರಿಗಳು ಬೆಳೆದಂತೆ ಈ ಉಗುರುಗಳು ಉದುರಿ ಹೋಗುತ್ತವೆ. ಉರಗಗಳ ಮುಂಗಾಲುಗಳು ಮಾರ್ಪಟ್ಟು ಹಕ್ಕಿಗಳಲ್ಲಿ ರೆಕ್ಕೆಗಳಾಗಿದ್ದಕ್ಕೆ ಇದೊಂದು ಸ್ಪಷ್ಟ ಉದಾಹರಣೆ.

  1. {{{assessors}}} ({{{year}}}). {{{title}}}. In: IUCN 2008. IUCN Red List of Threatened Species. Retrieved {{{downloaded}}}.
"http://kn.wikipedia.org/w/index.php?title=ಹೋಟ್ಜೆನ್&oldid=323959" ಇಂದ ಪಡೆಯಲ್ಪಟ್ಟಿದೆ