ಅಖ್ರೋಟ್

ವಿಕಿಪೀಡಿಯ ಇಂದ
ಇಲ್ಲಿಗೆ ಹೋಗು: ಸಂಚರಣೆ, ಹುಡುಕು



ಅಖ್ರೋಟ್ ಅನ್ನು ಇಂಗ್ಲೀಷಿನಲ್ಲಿ ವಾಲ್ನಟ್ ಎಂದು ಕರೆಯುತ್ತಾರೆ. ಇದು ಒಂದು ಬೀಜವಾಗಿದ್ದು, ಇದರಲ್ಲಿ ಪ್ರೋಟೀನ್ ಮತ್ತು ಕೊಬ್ಬಿನ ಆಮ್ಲಗಳಿದ್ದು ತುಂಬ ಪೌಷ್ಟಿಕ ಆಹಾರವಾಗಿದೆ. ಪ್ರತಿ ನೂರು ಗ್ರಾಂ ಅಖ್ರೋಟಿನಲ್ಲಿ ೧೫.೨ ಗ್ರಾಂ ಪ್ರೋಟೀನ್ , ೬೫.೨ ಗ್ರಾಂ ಕೊಬ್ಬಿನ ಅಂಶ , ಮತ್ತು ೬.೭ ಗ್ರಾಂ ಖಾದ್ಯ ನಾರಿನಂಶ ಇರುತ್ತದೆ. ಇದರಲ್ಲಿ ಅತೀ ಹೆಚ್ಚು ಪ್ರಮಾಣದಲ್ಲಿ ಉತ್ಕರ್ಷಣ ನಿರೋಧಕ ( ಅಂಟಿ-ಒಕ್ಸಿಡಂಟ್) ಗಳಿವೆ.

ಇಂಗ್ಲೀಷ್ ವಾಲ್ನಟ್ ಮತ್ತು ಕಪ್ಪು ವಾಲ್ನಟ್ ಎಂಬ ಎರಡು ಮುಖ್ಯ ಬಗೆಗಳು ಇವೆ. ಇಂಗ್ಲೀಷ್ ವಾಲ್ನಟ್ ವ್ಯಾಪಕವಾಗಿ ಲಭ್ಯ ಇರುತ್ತದೆ. ಇಂಗ್ಲೀಷ್ ವಾಲ್ನಟ್ ಪರ್ಶಿಯಾ ಮೂಲವನ್ನು ಹೊಂದಿದ್ದರೆ ಕಪ್ಪು ವಾಲ್ನಟ್ ಅಮೇರಿಕದ್ದು .

ಇದನ್ನು ಸರಿಯಾದ ರೀತಿಯಲ್ಲಿ ಸಂಸ್ಕರಿಸಿ ಸಂರಕ್ಷಿಸಬೇಕು ಇಲ್ಲದಿದ್ದಲ್ಲಿ ಬೂಷ್ಟು ಉಂಟಾಗುತ್ತದೆ.

ಇದು ನಿರಿಗೆಗಳಿಂದ ಕೂಡಿದ್ದು ಗಂಟುಗಂಟಾಗಿ ಕಾಣುವುದು. ಹೊರಕವಚವು ಬಹಳ ಗಟ್ಟಿಯಾಗಿರುವುದು. ಚೀನಾದಲ್ಲಿ ಅತ್ಯಂತ ಹೆಚ್ಚಿನ ಪ್ರಮಾಣದಲ್ಲಿ ವಾಲ್ನಟ್ ಬೀಜಗಳ ಉತ್ಪಾದನೆ ಆಗುತ್ತದೆ. ನಂತರದ ಸ್ಥಾನಗಳಲ್ಲಿ ಅಮೆರಿಕ, ಇರಾನ್, ಟರ್ಕಿ ಮುಂತಾದ ದೇಶಗಳಿವೆ. ಭಾರತದಲ್ಲೂ ಉತ್ತರ ಭಾರತದಲ್ಲಿ ಹಿಮಾಲಯ ಪ್ರದೇಶಗಳಲ್ಲಿ ಅಖ್ರೋಟ್ ಉತ್ಪಾದನೆ ಇದೆ.

ಒಂದು ವಾಲ್ನಟ್ ಅಥವಾ ಅಖ್ರೋಟು.
"http://kn.wikipedia.org/w/index.php?title=ಅಖ್ರೋಟ್&oldid=272761" ಇಂದ ಪಡೆಯಲ್ಪಟ್ಟಿದೆ