ಸದಸ್ಯ:Rajat Bammigatti/ನನ್ನ ಪ್ರಯೋಗಪುಟ2

ಸಾಜು ಬಾಲಕೃಷ್ಣನ್

ಏರ್ ಮಾರ್ಷಲ್ ಸಾಜು ಬಾಲಕೃಷ್ಣನ್ ಅವರು ಭಾರತೀಯ ವಾಯುಪಡೆಯ ಅಧಿಕಾರಿಯಾಗಿದ್ದಾರೆ. ಅತಿ ವಿಶಿಷ್ಟ ಸೇವಾ ಮೆಡಲ(AVSM) ಹಾಗೂ ವಾಯು ಸೇನಾ ಮೆಡಲ್(VM) ಪ್ರಶಸ್ತಿಗೆ ಭಾಜನರಾಗಿರುವ ಅವರು ಪ್ರಸ್ತುತ ಅಂಡಮಾನ್ ಮತ್ತು ನಿಕೋಬಾರ್ ಕಮಾಂಡಿನ(CINCAN) 17ನೇ ಕಮಾಂಡರ್-ಇನ್-ಚೀಫ್ ಆಗಿ ಸೇವೆ ಸಲ್ಲಿಸುತ್ತಿದ್ದಾರೆ. ಅವರು 1 ಮೇ 2023ರಂದು ಲೆಫ್ಟಿನೆಂಟ್ ಜನರಲ್ ಅಜಯ್ ಸಿಂಗ್ ಅವರ ಉತ್ತರಾಧಿಕಾರಿಯಾಗಿ ಅಧಿಕಾರ ವಹಿಸಿಕೊಂಡರು.

ಶಿಕ್ಷಣ

ಸಾಜು ಬಾಲಕೃಷ್ಣನ್ ಅವರು ಪುಣೆಯ ನ್ಯಾಷನಲ್ ಡಿಫೆನ್ಸ್ ಅಕಾಡೆಮಿಯ ಹಳೆಯ ವಿದ್ಯಾರ್ಥಿಯಾಗಿದ್ದು, ಅವರು ಯುನೈಟೆಡ್ ಕಿಂಗ್ಡಂನ ರಾಯಲ್ ಕಾಲೇಜ್ ಆಫ್ ಡಿಫೆನ್ಸ್ ಸ್ಟಡೀಸನಲ್ಲಿ ಸ್ಟಾಫ ಕೋರ್ಸನ್ನೂ ಸಹ ಮಾಡಿದ್ದಾರೆ.

ವೃತ್ತಿ ಜೀವನ

ವೃತ್ತಿ ಜೀವನದ ಆರಂಭದಲ್ಲಿ ಸಾಜು ಬಾಲಕೃಷ್ಣನ್ ಅವರನ್ನು ಭಾರತೀಯ ವಾಯುಪಡೆಯ ಫೈಟರ್ ಪೈಲಟ್ ಆಗಿ ನೇಮಿಸಲಾಗಿತ್ತು. ತಮ್ಮ ೩೭ ವರ್ಷಗಳ ಸುದೀರ್ಘ ವೃತ್ತಿಜೀವನದಲ್ಲಿ ಅವರು ಸುಮಾರು ೩೨೦೦ ಗಂಟೆಗಳ ಕಾಲ ವಿವಿಧ ಬಗೆಯ MiG-21 ಮತ್ತು ಕಿರಣ ಯುದ್ದವಿಮಾನಗಳ ಹಾರಾಟದ ಅನುಭವವನ್ನು ಹೊಂದಿದ್ದಾರೆ.

ಅವರನ್ನು ಓರ್ವ ನಿಪುಣ ಫೈಟರ್ ಯುದ್ಧನಾಯಕ ಮತ್ತು ಪ್ರಾಯೋಗಿಕ ಪರೀಕ್ಷಾ ಟೆಸ್ಟ್ ಪೈಲಟ್ ಆಗಿ ತಮ್ಮ ಛಾಪನ್ನು ಮೂಡಿಸಿದ್ದಾರೆ. ಅವರು MiG-21 ಬೈಸನನ್ನು ಒಳಗೊಂಡ ನಂ.32 ಸ್ಕ್ವಾಡ್ರನ್‌ನ ಕಮಾಂಡಿಂಗ್ ಆಫಿಸರ್ ಆಗಿ ಸೇವೆ ಸಲ್ಲಿಸಿದರು ಹಾಗೂ AWACS ವಿಮಾನವನ್ನು ಒಳಗೊಂಡಿರುವ ನಂ.50 ಸ್ಕ್ವಾಡ್ರನ್‌ನ ಮೊದಲ ಕಮಾಂಡಿಂಗ್ ಆಫಿಸರ್ ಆಗಿದ್ದರು.

ಅವರು ಏರ್ ಕಮೋಡೋರ್ ಆಗಿ , ಸೌತ್ ವೆಸ್ಟರ್ನ್ ಏರ್ ಕಮಾಂಡನಲ್ಲಿ ಜೋಧ್‌ಪುರ ಸೆಕ್ಟರಿನಲ್ಲಿ ೩೨ನೇ ವಿಂಗ್‌ನ ಏರ್ ಆಫೀಸರ್ ಕಮಾಂಡಿಂಗ್ ಆಗಿ ಸೇವೆ ಸಲ್ಲಿಸಿದರು . ನಂತರ, ಯುನೈಟೆಡ್ ಕಿಂಗ್‌ಡಂನ ರಾಯಲ್ ಕಾಲೇಜ್ ಆಫ್ ಡಿಫೆನ್ಸ್ ಸ್ಟಡೀಸನಲ್ಲಿ ಸ್ಟಾಫ ಕೋರ್ಸನ್ನೂ ಸಹ ಮಾಡಿದ್ದಾರೆ.

ಏರ್ ವೈಸ್ ಮಾರ್ಷಲ್ ಹುದ್ದೆಯನ್ನು ಅಲಂಕರಿಸಿದ ಅವರು ಇಂಟಿಗ್ರೇಟೆಡ್ ಡಿಫೆನ್ಸ್ ಸ್ಟಾಫ್, ACIDS(ಪರ್ಸ್ ಪ್ಲಾನ್ಸ್ ಮತ್ತು ಫೋರ್ಸ್)ನ ಸಹಾಯಕ ಮುಖ್ಯಸ್ಥರಾಗಿ ಸೇವೆ ಸಲ್ಲಿಸಿದರು. ಹಾಗೂ ನಂತರದಲ್ಲಿ, ನವದೆಹಲಿಯಲ್ಲಿರುವ ವಾಯುರಕ್ಷಣಾ ಪಡೆಯ ಸಹಾಯಕ ಮುಖ್ಯಸ್ಥರಾಗಿಯೂ ಸೇವೆ ಸಲ್ಲಿಸಿದರು.

ಮಾರ್ಚ್ ೮, ೨೦೨೨ರಂದು ಏರ್ ಮಾರ್ಷಲ್ ಆಗಿ ಬಡ್ತಿ ಪಡೆದ ಅವರು, ಟ್ರೇನಿಂಗ ಕಮಾಂಡಿನ ಹಿರಿಯ ಏರ್ ಸ್ಟಾಫ್ ಅಧಿಕಾರಿ ಆಗಿ ಏಪ್ರಿಲ್ ೩೦, ೨೦೨೩ ರವರೆಗೆ ಸೇವೆ ಸಲ್ಲಿಸಿದರು.

ಸಾಜು ಬಾಲಕೃಷ್ಣನ್ ಅವರು ಮೇ ೧, ೨೦೨೩ರಂದು ಲೆಫ್ಟಿನೆಂಟ್ ಜನರಲ್ ಅಜಯ್ ಸಿಂಗ್ ಅವರ ಉತ್ತರಾಧಿಕಾರಿಯಾಗಿ ಅಂಡಮಾನ್ ಮತ್ತು ನಿಕೋಬಾರ್ ಕಮಾಂಡಿನ(CINCAN) 17ನೇ ಕಮಾಂಡರ್-ಇನ್-ಚೀಫ್ ಆಗಿ ಅಧಿಕಾರ ವಹಿಸಿಕೊಂಡರು.ಅವರು ಕಳೆದ ಒಂದು ದಶಕದಲ್ಲಿ CINACನ ಮುಖ್ಯಸ್ಥರಾದ ಮೊದಲ ಭಾರತೀಯ ವಾಯುಪಡೆಯ ಏರ್ ಮಾರ್ಷಲ್ ಆಗಿದ್ದಾರೆ.

ಗೌರವಗಳು ಮತ್ತು ಪ್ರಶಸ್ತಿಗಳು

ದೇಶಕ್ಕೆ ಅವರು ನೀಡಿರುವ ಕೊಡುಗೆಯನ್ನು ಪರಿಗಣಿಸಿ, ೨೦೨೧ ರಲ್ಲಿ ಅತಿ ವಿಶಿಷ್ಟ ಸೇವಾ ಮೆಡಲ್ ಹಾಗೂ ೨೦೧೨ ರಲ್ಲಿ ವಾಯು ಸೇನಾ ಮೆಡಲ್ ನೀಡಿ ಗೌರವಿಸಲಾಗಿದೆ.