ಶ್ರೀದೇವಿ

ವಿಕಿಪೀಡಿಯದಿಂದ, ಇದು ಮುಕ್ತ ಹಾಗೂ ಸ್ವತಂತ್ರ ವಿಶ್ವಕೋಶ
ಶ್ರೀದೇವಿ
ಜನನ
ಶ್ರೀದೇವಿ ಅಯ್ಯಪ್ಪನ್

ಆಗಸ್ಟ್ ೧೩, ೧೯೬೩
ತಮಿಳುನಾಡಿನ ಶಿವಕಾಶಿ
ಮರಣಫೆಬ್ರವರಿ ೨೪ , ೨೦೧೮
ಉದ್ಯೋಗಚಲನಚಿತ್ರ ಅಭಿನೇತ್ರಿ
ಸಕ್ರಿಯ ವರ್ಷಗಳು೧೯೬೭-೧೯೯೭, ೨೦೧೨- ೨೦೧೮
ಜೀವನ ಸಂಗಾತಿಬೋನಿ ಕಫೂರ್
ಮಕ್ಕಳುಜಾಹ್ನವಿ ಕಪೂರ್
ಖುಷಿ ಕಪೂರ್

ಶ್ರೀದೇವಿ(ಆಗಸ್ಟ್ ೧೩, ೧೯೬೩ - ಫೆಬ್ರವರಿ ೨೪, ೨೦೧೮) ಭಾರತ ಚಲನಚಿತ್ರರಂಗದ ಜನಪ್ರಿಯ ನಟಿಯರಲ್ಲೊಬ್ಬರು. ಇವರು ೯೦ರ ದಶಕದಲ್ಲಿ ಬಹಳ ಬೇಡಿಕೆಯ ಹಾಗೂ ಜನಪ್ರಿಯ ನಟಿಯಾಗಿದ್ದವರು. ಕನ್ನಡ ಸಿನೆಮಾಗಳೂ ಸೇರಿದಂತೆ ದಕ್ಷಿಣ ಭಾರತದ ಭಾಷೆಗಳ ಸಿನೆಮಾಗಳಲ್ಲಿ ಹಾಗೂ ಹಿಂದಿ ಸಿನೆಮಾಗಳಲ್ಲಿ ನಟಿಸಿದ್ದಾರೆ. ಇವರು ಹಲವು ಸಿನೆಮಾಗಳ ನಿರ್ಮಾಪಕರೂ ಸಹ ಆಗಿದ್ದರು.ಇವರು ತೆಲುಗು, ಹಿಂದಿ, ತಮಿಳು, ಮಲಯಾಳಂ ಮತ್ತು ಕನ್ನಡ ಚಿತ್ರಗಳಲ್ಲಿ ಕೆಲಸ ಮಾಡಿದ್ದಾರೆ. ಇವರನ್ನ ಭಾರತೀಯ ಚಿತ್ರರಂಗದ "ಮೊದಲ ಮಹಿಳಾ ಸೂಪರ್ ಸ್ಟಾರ್" ಎಂದು ಪರಿಗಣಿಸಲ್ಪಡಲಾಗಿದೆ .[೧] ಇವರು ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿ, ನಂದಿ ಪ್ರಶಸ್ತಿ, ತಮಿಳುನಾಡು ರಾಜ್ಯ ಚಲನಚಿತ್ರ ಪ್ರಶಸ್ತಿ, ಕೇರಳ ರಾಜ್ಯ ಚಲನಚಿತ್ರ ಪ್ರಶಸ್ತಿಸೇರಿದಂತೆ , ಫಿಲ್ಮ್‌ಫೇರ್ ಪ್ರಶಸ್ತಿಗಳು, ಫಿಲ್ಮ್‌ಫೇರ್ ಜೀವಮಾನ ಸಾಧನೆ ಪ್ರಶಸ್ತಿ ಮತ್ತು ಮೂರು ಸೌತ್ ಫಿಲ್ಮ್‌ಫೇರ್ ಪ್ರಶಸ್ತಿಗಳನ್ನು ಪಡೆದಿದ್ದಾರೆ.[೨][೩][೪]

ಜೀವನ[ಬದಲಾಯಿಸಿ]

ಶ್ರೀದೇವಿ ಅವರು ಆಗಸ್ಟ್ ೧೩, ೧೯೬೩ರ ವರ್ಷದಲ್ಲಿ ಜನಿಸಿದರು. ತಂದೆ ಅಯ್ಯಪ್ಪನ್ ಮತ್ತು ತಾಯಿ ರಾಜೇಶ್ವರಿ ಅವರು.[೫] ಊರು ತಮಿಳುನಾಡಿನ ಶಿವಕಾಶಿ.[೬]

ಚಿತ್ರರಂಗದ ಜೀವನ[ಬದಲಾಯಿಸಿ]

ನಾಲ್ಕು ವರ್ಷವಿದ್ದಾಗಲೇ ಅವರು ಚಿತ್ರರಂಗದಲ್ಲಿ ಬಾಲನಟಿಯಾಗಿ ಹೊರಹೊಮ್ಮಿದ್ದರು. ೧೯೭೫ರ ಸಮಯದಲ್ಲಿ ತೆರೆಕಂಡ ಪ್ರಖ್ಯಾತ ಹಿಂದಿ ಚಲನಚಿತ್ರ ‘ಜೂಲಿ’ಯಲ್ಲಿಯೂ ಅವರು ಬಾಲನಟಿಯಾಗಿ ಅಭಿನಯಿಸಿದ್ದರು. ಕನ್ನಡ ಚಿತ್ರರಂಗದಲ್ಲಿಯೂ ಅವರು ಬಾಲನಟಿಯಾಗಿ ಭಕ್ತಕುಂಬಾರ, ಬಾಲಭಾರತ, ಸಂಪೂರ್ಣ ರಾಮಾಯಣ, ಯಶೋಧ ಕೃಷ್ಣ ಚಿತ್ರಗಳಲ್ಲಿ ನಟಿಸಿದ್ದಲ್ಲದೆ ಹೆಣ್ಣು ಸಂಸಾರದ ಕಣ್ಣು ಎಂಬ ಚಿತ್ರದಲ್ಲಿ ನಾಯಕನ ತಂಗಿಯ ಪಾತ್ರದಲ್ಲಿ ನಟಿಸಿದ್ದರು. ರಜನೀಕಾಂತ್, ಅಂಬರೀಷ್ ಮುಂತಾದವರು ನಟಿಸಿದ್ದ ‘ಪ್ರಿಯಾ’ ಎಂಬ ಕನ್ನಡ ಚಿತ್ರದಲ್ಲಿ ಅವರು ನಾಯಕಿಯಾಗಿಯೂ ಅಭಿನಯಿಸಿದ್ದರು.

ಮುಂದೆ ಶ್ರೀದೇವಿ ತಮಿಳು ಮತ್ತು ತೆಲುಗು ಚಿತ್ರರಂಗದ ಪ್ರಖ್ಯಾತ ಚಿತ್ರಗಳಾದ ಮೂಂಡ್ರು ಮುಡಿಚ್ಚು, ಪಡಿನಾರು ವಯದಿನಿಲೆ, ಸಿಗಪ್ಪು ರೋಜಾಕ್ಕಳ್, ಮೀನ್ಡುಂ ಕೋಕಿಲಾ, ಮೂನ್ರಾಂ ಪಿರೈ, ವರುಮಯಿನ್ ನಿರಂ ಸಿವಪ್ಪು, ಪ್ರೆಮಾಭಿಷೇಕಂ, ಆಖರೀ ಪೋರಾಟಂ, ಜಗದೇಕ ವೀರುಡು ಅತಿಲೋಕ ಸುಂದರಿ, ಕ್ಷಣಂ ಕ್ಷಣಂ ಮುಂತಾದ ಅನೇಕ ಚಿತ್ರಗಳಲ್ಲಿ ಅಭಿನಯಿಸಿ ಪ್ರತಿಭೆ ಮತ್ತು ಜನಪ್ರಿಯತೆ ಎರಡರಲ್ಲೂ ತಾವೊಬ್ಬ ಮಹತ್ವದ ನಟಿ ಎಂದು ಸಾಬೀತು ಪಡಿಸಿದರು.https://en.wikipedia.org/wiki/Sridevi_filmography

ಹಿಂದಿ ಚಿತ್ರರಂಗದಲ್ಲಿ ಸೊಲ್ವ ಸಾವನ್, ಹಿಮ್ಮತ್ ವಾಲಾ, ಮಾವಾಲಿ, ತೋಹ್ಫ, ಮಾಸ್ಟರ್ಜಿ, ಕರ್ಮ, ಮಿಸ್ಟರ್ ಇಂಡಿಯಾ, ವಕ್ತ್ ಕಿ ಆವಾಜ್, ಚಾಂದನಿ, ಸದ್ಮಾ, ನಗೀನ, ಚಾಲ್ ಬಾಜ್, ಲಮ್ಹೆ, ಖುದಾ ಗವಾಹ್, ಗುಮ್ರಾಹ್, ಲಾಡ್ಲಾ, ಜುದಾಯಿ ಮುಂತಾದ ಪ್ರಸಿದ್ಧ ಚಿತ್ರಗಳಲ್ಲಿ ತಮ್ಮ ಪ್ರತಿಭೆ, ಯಶಸ್ಸುಗಳಿಂದ ರಾರಾಜಿಸಿದ್ದರು. ಹಿರಿಯ ನಿರ್ಮಾಪಕ ಬೋನಿ ಕಫೂರ್ ಅವರನ್ನು ವರಿಸಿದ ಶ್ರೀದೇವಿ ಅವರು 1997ರ ನಂತರದಲ್ಲಿ ಸುಮಾರು ಹದಿನೈದು ವರ್ಷಗಳ ನಂತರದಲ್ಲಿ ೨೦೧೨ರ ವರ್ಷದಲ್ಲಿ ‘ಇಂಗ್ಲಿಷ್ ವಿಂಗ್ಲಿಷ್’ ಎಂಬ ಯಶಸ್ವೀ ಚಿತ್ರದಲ್ಲಿ ತಮ್ಮ ಸುಂದರ ಅಭಿನಯದೊಂದಿಗೆ ಮೋಡಿ ಮಾಡಿ ಮತ್ತೊಮ್ಮೆ ತಾನೆಷ್ಟು ಪ್ರತಿಭಾವಂತೆ ಎಂದು ಸಾಬೀತುಪಡಿಸಿದ್ದಾರೆ.

ಹಾಸ್ಯ, ಸಂವೇದನೆ, ಭಾವನಾತ್ಮಕ, ಸಾಹಸ, ಪ್ರೇಮ, ಪ್ರಣಯ, ನೃತ್ಯ ಹೀಗೆ ಎಲ್ಲ ರೀತಿಯ ಪಾತ್ರಗಳಲ್ಲಿ ಶ್ರೀದೇವಿ ಅವರಷ್ಟು ಪ್ರೇಕ್ಷಕರು ಮತ್ತು ವಿಮರ್ಶಕರ ಮೆಚ್ಚುಗೆಗೆ ಪಾತ್ರರಾದ ಕಲಾವಿದೆಯರು ವಿರಳ.

ಫ್ಯಾಷನ್[ಬದಲಾಯಿಸಿ]

ಶ್ರೀದೇವಿಯನ್ನು ಮಾಧ್ಯಮ ಪ್ರಕಟಣೆಗಳು ಫ್ಯಾಷನ್ ಐಕಾನ್ ಎಂದು ಉಲ್ಲೇಖಿಸಿವೆ. ಬಟ್ಟೆಗಳಲ್ಲಿನ ಅವಳ ಅಭಿರುಚಿ ವೈವಿಧ್ಯಮಯವಾಗಿತ್ತು ಮತ್ತು ಸ್ಟೈಲಿಶ್ ಕ್ಯಾಶುಯಲ್ ನಿಂದ ಭವ್ಯವಾದ ಭವ್ಯವಾಗಿತ್ತು. ಅವರು ೨೦೦೮ ರಲ್ಲಿ ಫ್ಯಾಶನ್ ಮಾಡೆಲ್ ಆಗಿ ಪಾದಾರ್ಪಣೆ ಮಾಡಿದರು. ನಟಿ ಲಕ್ಮೆ ಫ್ಯಾಶನ್ ವೀಕ್‌ನಲ್ಲಿ ವಿನ್ಯಾಸಕರಾದ ಪ್ರಿಯಾ ಮತ್ತು ಚಿಂತನ್ ಅವರಿಗೆ ಬಟ್ಟೆಗಳನ್ನು ರೂಪಿಸಿದರು.[೭] ಮುಂದಿನ ವರ್ಷ, ಅವರು ಎಚ್ಡಿಐಎಲ್ ಇಂಡಿಯಾ ಕೌಚರ್ ವೀಕ್ನಲ್ಲಿ ಆಭರಣ ವಿನ್ಯಾಸಕ ಕ್ವೀನಿ ಧೋಡಿ ಅವರ ಕೆಲಸವನ್ನು ಪ್ರದರ್ಶಿಸಿದರು.[೮] ಅವರು ೨೦೧೦ ರಲ್ಲಿ ಮತ್ತೆ ಲಕ್ಮೆ ಫ್ಯಾಶನ್ ವೀಕ್‌ನಲ್ಲಿ[೯] ಮತ್ತು ದೆಹಲಿ ಕೌಚರ್ ವೀಕ್ ೨೦೧೨ ರಲ್ಲಿ ಕೆಲಸ ಮಾಡಿದರು, ಸಬಿಯಾಸಾಚಿ ಮುಖರ್ಜಿ ವಿನ್ಯಾಸಗೊಳಿಸಿದ ಬಟ್ಟೆಗಳನ್ನು ತೋರಿಸಿದರು.

ಅವರು ಹಲವಾರು ಫ್ಯಾಷನ್ ನಿಯತಕಾಲಿಕೆಗಳ ಮುಖಪುಟದಲ್ಲಿ ಕಾಣಿಸಿಕೊಂಡಿದ್ದಾರೆ. ೨೦೦೭ ರಲ್ಲಿ, ಹಾಯ್ ಬ್ಲಿಟ್ಜ್‌ನ ಮುಖಪುಟದಲ್ಲಿ "ದಿ ಗಾಡೆಸ್ ರಿಟರ್ನ್ಸ್" ಎಂಬ ಟ್ಯಾಗ್‌ಲೈನ್‌ನೊಂದಿಗೆ ಅವಳು ಕಾಣಿಸಿಕೊಂಡಳು. ೨೦೧೧ ರಲ್ಲಿ, ಅವರು ಮೇರಿ ಕ್ಲೇರ್, ಮುಖಪುಟದಲ್ಲಿ ಕಾಣಿಸಿಕೊಂಡರು ಮತ್ತು ೨೦೧೨ ರಲ್ಲಿ ಅವರು ಎಲ್'ಓಫಿಸಿಯಲ್ ಮುಖಪುಟದಲ್ಲಿದ್ದರು. ೨೦೧೩ ರಲ್ಲಿ, ಶ್ರೀದೇವಿ ವೋಗ್ ಮುಖಪುಟದಲ್ಲಿ ಕಾಣಿಸಿಕೊಂಡರು, ಇದನ್ನು ಹಿಂದೂಸ್ತಾನ್ ಟೈಮ್ಸ್, ದಿ ಟೈಮ್ಸ್ ಆಫ್ ಇಂಡಿಯಾ, ಮತ್ತು ಇಂಡಿಯಾ ಟುಡೆಗಳಲ್ಲಿ ಉಲ್ಲೇಖಿಸಲಾಗಿದೆ.[೧೦]

ಶ್ರೀದೇವಿ ೨೦೧೫ ರಲ್ಲಿ ಸಿರೋಕ್ ಫಿಲ್ಮ್‌ಫೇರ್ ಗ್ಲಾಮರ್ ಮತ್ತು ಸ್ಟೈಲ್ ಪ್ರಶಸ್ತಿಗಳಲ್ಲಿ 'ಅಲ್ಟಿಮೇಟ್ ದಿವಾ' ಪ್ರಶಸ್ತಿಯನ್ನು ಪಡೆದರು.[೧೧]

ನಿಧನ[ಬದಲಾಯಿಸಿ]

ಫೆಬ್ರವರಿ ೨೪ , ೨೦೧೮ ರಂದು ದುಬೈನ ಹೋಟೆಲೊಂದರ ಕೋಣೆಯ ಬಾತ್ ಟಬ್ ನಲ್ಲಿ ಮುಳುಗಿ ಮರಣ ಹೊಂದಿದರು. ಸಂಬಂಧಿಕರಾದ ಮೋಹಿತ್ ಮರ್ವಾಹ್ ಅವರ ಮದುವೆ ಸಮಾರಂಭದ ವೇಳೆ ಈ ಘಟನೆ ಸಂಭವಿಸಿತು. ಪತಿ ಬೋನಿ ಕಪೂರ್ ಹಾಗೂ ಪುತ್ರಿ ಖುಷಿ ಜತೆಗಿದ್ದರು.[೧೨][೧೩][೧೪]

ಗ್ಯಾಲರಿ[ಬದಲಾಯಿಸಿ]

ಪ್ರಶಸ್ತಿ ಗೌರವಗಳು[ಬದಲಾಯಿಸಿ]

ಚಿತ್ರರಂಗದಲ್ಲಿ ಪ್ರಸಿದ್ಧಿಗೆ ದ್ಯೋತಕವಾಗಿರುವ ಹಲವಾರು ರೀತಿಯ ನೂರಾರು ಪ್ರಶಸ್ತಿಗಳನ್ನು ಉತ್ತರ ಮತ್ತು ದಕ್ಷಿಣ ಭಾರತಗಳಲ್ಲಿ ಸ್ವೀಕರಿಸಿರುವ ಶ್ರೀದೇವಿ ಪ್ರಸಕ್ತ ವರ್ಷದಲ್ಲಿ ‘ಪದ್ಮಶ್ರೀ’ ಪ್ರಶಸ್ತಿಯನ್ನು ಸ್ವೀಕರಿಸಿದ್ದಾರೆ .[೧೫]

ಉಲ್ಲೇಖಗಳು[ಬದಲಾಯಿಸಿ]

  1. "India's first female superstar: The incredible journey of Sridevi". The Economic Times. 26 February 2018. Retrieved 17 March 2020.
  2. aninews.in/news/entertainment/bollywood/64th-filmfare-awards-sridevi-conferred-with-lifetime-achievement-award20190324005558/
  3. "SRIDEVI: A HUMBLE TRIBUTE TO THE 1ST FEMALE SUPERSTAR OF BOLLYWOOD". nasheman.in. Retrieved 17 March 2020.
  4. "Five Filmfare award-winning performances of Late superstar Sridevi". The New Indian Express. Archived from the original on 20 ಅಕ್ಟೋಬರ್ 2019. Retrieved 17 March 2020.
  5. "Sridevi - Indian Actress Sridevi Biography - Sreedevi Life History - Works of Sri Devi". www.iloveindia.com. Retrieved 17 March 2020.
  6. "Sridevi's native village in Tamil Nadu teary-eyed as 'mayil' bids adieu". The New Indian Express. Archived from the original on 29 ಅಕ್ಟೋಬರ್ 2019. Retrieved 17 March 2020.
  7. "sridevi | Sridevi oozes oomph | Photos Entertainment | - hindustantimes.com". web.archive.org. 21 September 2013. Archived from the original on 21 ಸೆಪ್ಟೆಂಬರ್ 2013. Retrieved 21 March 2020.
  8. "Couture Week: Sridevi takes to the ramp". Rediff (in ಇಂಗ್ಲಿಷ್). Retrieved 21 March 2020.
  9. Hungama, Courtesy: Bollywood (13 October 2010). "Sridevi walks the ramp for Neeta Lulla". https://www.filmibeat.com (in ಇಂಗ್ಲಿಷ್). Retrieved 21 March 2020. {{cite web}}: External link in |website= (help)
  10. "Is she really 49? Sridevi looks drop dead gorgeous in a magazine's photoshoot". India Today (in ಇಂಗ್ಲಿಷ್). Retrieved 21 March 2020.
  11. "Filmfare Glamour & Style Awards Winners 2015". PINKVILLA (in ಇಂಗ್ಲಿಷ್). Archived from the original on 20 ಜನವರಿ 2016. Retrieved 21 March 2020.
  12. ಬಾಲಿವುಡ್​ ನಟಿ ಶ್ರೀದೇವಿ ನಿಧನ , ಪ್ರಜಾವಾಣಿ ವಾರ್ತೆ, ೨೫ಫೆಬ್ರವರಿ೨೦೧೮
  13. ಬಹುಭಾಷಾ ನಟಿ, ಮೋಹಕ ತಾರೆ ಶ್ರೀದೇವಿ ಇನ್ನಿಲ್ಲ, ಒನ್‍ಇಂಡಿಯಾ ಕನ್ನಡ
  14. "Sridevi's demise: How things unfolded | Sridevi Death, news, last video, funeral and all you need to know about Sridevi's Untimely Death". The Times of India (in ಇಂಗ್ಲಿಷ್). 27 February 2018. Retrieved 17 March 2020.
  15. "'Sridevi was awarded Padma Shri by the UPA': Twitter slams Cong for politicising death, tweet deleted". Hindustan Times (in ಇಂಗ್ಲಿಷ್). 25 February 2018. Retrieved 18 March 2020.

ಬಾಹ್ಯ ಕೊಂಡಿಗಳು[ಬದಲಾಯಿಸಿ]