ಈಜು

ವಿಕಿಪೀಡಿಯದಿಂದ, ಇದು ಮುಕ್ತ ಹಾಗೂ ಸ್ವತಂತ್ರ ವಿಶ್ವಕೋಶ

ಈಜು ಎನ್ನುವುದು ಕೈ ಮತ್ತು ಕಾಲುಗಳನ್ನು ಬಳಸಿಕೊಂಡು, ದೇಹವನ್ನು ನೀರಿನಲ್ಲಿ ಚಲಿಸುವಂತೆ ಮಾಡುವ ವಯಕ್ತಿಕ ಅಥವಾ ಗುಂಪಿನ ಕ್ರೀಡೆಯಾಗಿದೆ. ಸಾಧಾರಣವಾಗಿ ಈ ಕ್ರೀಡೆಯು ಕೊಳಗಳಲ್ಲಿ ಅಥವಾ ಸಮುದ್ರ ಕೆರೆಗಳಂಥ ಜಲಾಶಯಗಳಲ್ಲಿ ನಡೆಯುತ್ತದೆ. ಸ್ಫರ್ಧಾತ್ಮಕ ಈಜು, ಒಲಿಂಪಿಕ್ ಕ್ರೀಡಾಕೂಟದ ಕ್ರೀಡೆಗಳಲ್ಲೆಲ್ಲ ಸುಪ್ರಸಿದ್ಧವಾದ ಕ್ರೀಡೆಗಳಲ್ಲಿ ಒಂದಾಗಿದೆ. ಒಲಿಂಪಿಕ್ ಕ್ರೀಡಾಕೂಟದಲ್ಲಿ 'ಚಿಟ್ಟೆ ವರಸೆ', 'ಬೆನ್ನಿನ ವರಸೆ', 'ಎದೆ ವರಸೆ', 'ಸ್ವತಂತ್ರ ವರಸೆ' ಮತ್ತು 'ವಯಕ್ತಿಕ ಮಿಶ್ರವರಸೆ' ಮುಂತಾದ ಪ್ರಾಕಾರಗಳಿವೆ. ಈ ವಯಕ್ತಿಕ ಪ್ರಾಕಾರಗಳಲ್ಲದೆ, ಈಜುಗಾರರು ಮಾರೊದಗಿಕೆಯ ಓಟದಲ್ಲೂ ಭಾಗವಹಿಸುತಾರೆ. ಒಂದೊಂದು ವರಸೆ/ಶೈಲಿಯ ಈಜಿಗೂ ತನ್ನದೇ ಆದ ವಿಶೇಷ ಕೌಶಲ್ಯದ ಅವಶ್ಯಕತೆ ಇರುತ್ತದೆ ಮತ್ತು ಸ್ಫರ್ಧೆಗಳಲ್ಲಿ ಪ್ರತಿ ವರಸೆಯನ್ನೂ ಒಪ್ಪಿಕೊಳ್ಳಲು ವಿಶೇಷವಾದ ಮಾನದಂಡಗಳಿರುತ್ತವೆ. ಸ್ಫರ್ಧಾತ್ಮಕ ಈಜು ಪಂದ್ಯಾವಳಿಗಳಲ್ಲಿ ಈಜು-ಉಡುಗೆಗಳ ಉಪಯೋಗದ ಬಗ್ಗೂ ಪ್ರತ್ಯೇಕ ನಿಯಮಾವಳಿಗಳಿರುತ್ತವೆ. ಸ್ಫರ್ಧಾತ್ಮಕವಾಗಿ ಈಜುವುದರಿಂದ ಕೆಲವು ದೈಹಿಕ ಗಾಯಗಳಾಗಬಹುದಾದರೂ, ಈಜುವುದರಿಂದ ಆರೋಗ್ಯಕ್ಕೆ ಹಲವಾರು ಪ್ರಯೋಜನಗಳಿವೆ.

ಇತಿಹಾಸ[ಬದಲಾಯಿಸಿ]

ಐತಿಹಾಸಿಕ ಕಾಲಮಾನಕ್ಕೂ ಮುನ್ನವೇ ಜನರು ವಿನೋದಕ್ಕಾಗಿ ಈಜುತ್ತಿದ್ದರು ಎನ್ನುವುದರ ಬಗ್ಗೆ ಪುರಾವೆಗಳು ಸಿಕ್ಕಿವೆ, ಈವರೆಗೆ ಸಿಕ್ಕಿರುವ ಪುರಾವೆಗಳಲ್ಲಿ ಎಲ್ಲಕ್ಕಿಂತ ಹಳೆಯದೆಂದರೆ ೧೦,೦೦೦ ವರ್ಷಗಳಷ್ಟು ಹಳೆಯದಾದ ಶಿಲಾಯುಗದ ಚಿತ್ರಕಲೆಗಳು. ಲಿಖಿತ ಉಲ್ಲೇಖಗಳು ಇಲಿಯಾಡ್ [[೧]] ಬಿವುಲ್ಫ಼್ ಕವಿತೆ, [[೨]] , ಇಲಿಯಾಡ್, ಒಡಿಸ್ಸಿ ಕವಿತೆ [[೩]], ಕುರಾನ್ ಮುಂತಾದ ಗ್ರಂಥಗಳಲ್ಲಿ ಕ್ರಿ.ಪೂ. ೨೦೦೦ ರಿಂದಲೂ ಕಾಣಸಿಗುತ್ತವೆ. ನಿಕೊಲಾಸ್ ವೈನ್ ಮ್ಯಾನ್ ಎಂಬ ಜರ್ಮನ್ ಭಾಷಾ ಪ್ರಾಧ್ಯಾಪಕರು ೧೫೩೮ರಲ್ಲಿ Der Schwimmer oder ein Zweigespräch über die Schwimmkunst (ಈಜುಗಾರ ಅಥವಾ ಈಜೆಂಬ ಕಲೆಯ ಬಗೆಗಿನ ಸಂಭಾಷಣೆ) ಎಂಬ ಪುಸ್ತಕವನ್ನೂ ಬರೆದಿದ್ದಾರೆ.

೧೮೩೦ರ ದಶಕದಲ್ಲಿ ಈಜು ಸ್ಫರ್ಧಾತ್ಮಕ ಮತ್ತು ಮನರಂಜನಾ ಚಟುವಟಿಕೆಯಾಗಿ ಇಂಗ್ಲೆಂಡಿನಲ್ಲಿ ಹೊರಹೊಮ್ಮಿತು. ೧೮೨೮ರಲ್ಲಿ ಮೊತ್ತ ಮೊದಲಬಾರಿಗೆ ಒಳಾಂಗಣ ಈಜುಕೊಳ 'ಸಂತ ಜಾರ್ಜ್ ಬಾತ್ಸ್'ನ್ನು ಸಾರ್ವಜನಿಕರ ಉಪಯೋಗಕ್ಕಾಗಿ ಮುಕ್ತಗೊಳಿಸಲಾಯಿತು. ೧೮೩೭ರ ವೇಳೆಗಾಗಲೇ ರಾಷ್ಟ್ರೀಯ ಈಜು ಸೊಸೈಟಿ ([[೪]] ಈಜು ಸ್ಪರ್ಧೆಗಳನ್ನು ಲಂಡನ್ ಸುತ್ತಮುತ್ತ ತಾನು ಕಟ್ಟಿದ ಆರು ಕೃತಕ ಈಜುಕೊಳಗಳಲ್ಲಿ ನಡೆಸಿಕೊಂಡು ಬರುತ್ತಿತ್ತು. ಮನರಂಜನೆಗಾಗಿ ಈಜುವ ಪ್ರವೃತ್ತಿ ಆ ವೇಳೆಗೆ ತುಂಬಾ ಪ್ರಸಿದ್ಧವಾಯಿತು. ೧೮೮೦ರಲ್ಲಿ ಮೊತ್ತ ಮೊದಲ ರಾಷ್ಟ್ರೀಯ ನಿಯಂತ್ರಣ ಮಂಡಳಿಯಾದ ಹವ್ಯಾಸಿ ಈಜುಗಾರರ ಸಂಘಟನೆ ಹುಟ್ಟಿಕೊಳ್ಳುವ ಸಮಯಕ್ಕೆ ಸುಮಾರು ೩೦೦ ಪ್ರಾದೇಶಿಕ ಗುಂಪುಗಳು ಇಂಗ್ಲೆಂಡಿನ ತುಂಬೆಲ್ಲಾ ಹುಟ್ಟಿಕೊಂಡಿದ್ದವು.

೧೮೪೪ರ ಈಜು ಸ್ಫರ್ಧೆಯಲ್ಲಿ ಇಬ್ಬರು ಅಮೆರಿಕನ್ ಮೂಲನಿವಾಸಿಗಳು ಮುಂದೆ-ತೆವಳುವ ಶೈಲಿಯನ್ನು ಯುರೋಪಿನ ಸಭಾಸದರ ಮುಂದೆ ಪ್ರಸ್ತುತಪಡಿಸಿದರು. ಸರ್ ಜಾನ್ ಅರ್ಥರ್ ಟ್ರಡ್ಗೆನ್ ಎಂಬುವರು ಕೈ-ಮೇಲಾಟ ಶೈಲಿಯನ್ನು ದಕ್ಷಿಣ ಅಮೆರಿಕದ ಮೂಲನಿವಾಸಿಗಳಿಂದ ಕಲಿತುಕೊಂಡು ೧೮೭೩ರಲ್ಲಿ ನಡೆದ ಪ್ರಾದೇಶಿಕ ಈಜು ಸ್ಫರ್ಧೆಯಲ್ಲಿ ಹೊಸ-ಶೈಲಿಯನ್ನು ತೋರ್ಪಡಿಸಿ ವಿಜೇತರಾದರು. ಈ ಸಂಶೋಧನೆಯನ್ನು ಈಗಲೂ ಅತ್ಯಂತ ಶಕ್ತಿಯುತವಾದ ಶೈಲಿ ಎಂದು ಪರಿಗಣಿಸಲಾಗುತ್ತದೆ.

ಉಲ್ಲೇಖಗಳು[ಬದಲಾಯಿಸಿ]

"https://kn.wikipedia.org/w/index.php?title=ಈಜು&oldid=767406" ಇಂದ ಪಡೆಯಲ್ಪಟ್ಟಿದೆ