ಆಯೆಷಾ ಝುಲ್ಕಾ

ವಿಕಿಪೀಡಿಯದಿಂದ, ಇದು ಮುಕ್ತ ಹಾಗೂ ಸ್ವತಂತ್ರ ವಿಶ್ವಕೋಶ
ಆಯೆಷಾ ಝುಲ್ಕಾ

Ayesha Jhulka in 2009.
ಹುಟ್ಟು ಹೆಸರು
ಹುಟ್ಟಿದ ದಿನ
ಹುಟ್ಟಿದ ಸ್ಥಳ
ಆಯೆಷಾ ಝುಲ್ಕಾ
(1975-07-28) ೨೮ ಜುಲೈ ೧೯೭೫ (ವಯಸ್ಸು ೪೮)
Srinagar, Kashmir,  ಭಾರತ
ವೃತ್ತಿ Film actress
ವರ್ಷಗಳು ಸಕ್ರಿಯ 1983–present
ಪತಿ/ಪತ್ನಿ Sameer Vashi

ಆಯೆಷಾ ಝುಲ್ಕಾ (ಹಿಂದಿ: आयेशा झुल्का, ಜನನ: 1975ರ ಜುಲೈ 28ರಂದು, ಭಾರತಕಾಶ್ಮೀರದ ಶ್ರೀನಗರದಲ್ಲಿ[೧]) ಓರ್ವ ಬಾಲಿವುಡ್‌ ನಟಿಯಾಗಿದ್ದಾಳೆ. ಈಕೆ ಭಾರತೀಯ ವಾಯುಪಡೆಯಲ್ಲಿ ಓರ್ವ ಅಧಿಕಾರಿಯಾದ ವಿಂಗ್‌ ಕಮಾಂಡರ್‌ ಝುಲ್ಕಾ ಎಂಬಾತನ ಮಗಳು. ತನ್ನ ವೃತ್ತಿಜೀವನದ ಅವಧಿಯಲ್ಲಿ, ಅವಳು ಪ್ರಮುಖ ತಾರೆಯರೊಂದಿಗೆ ಕಾರ್ಯನಿರ್ವಹಿಸಿದ್ದಾಳೆ. ಮಿಥುನ್‌ ಚಕ್ರವರ್ತಿ, ಗೋವಿಂದ, ಜಾಕಿ ಶ್ರಾಫ್‌‌, ನಾನಾ ಪಾಟೇಕರ್‌‌‌, ಆಮೀರ್‌ ಖಾನ್‌‌, ಸಲ್ಮಾನ್‌‌‌ ಖಾನ್‌‌, ಅಜಯ್‌ ದೇವ್‌ಗನ್‌‌, ಸುನೀಲ್‌ ಶೆಟ್ಟಿ, ಅಕ್ಷಯ್‌ ಕುಮಾರ್‌‌, ಶಾರುಖ್‌ ಖಾನ್‌‌ ಮೊದಲಾದವರು ಈ ಪಟ್ಟಿಯಲ್ಲಿ ಸೇರಿದ್ದಾರೆ.

ವೃತ್ತಿಜೀವನ[ಬದಲಾಯಿಸಿ]

ಸಲ್ಮಾನ್‌‌‌ ಖಾನ್‌‌‌‌‌ಗೆ ಎದುರಾಗಿ ಕುರ್ಬಾನ್‌‌ ಎಂಬ ಚಿತ್ರದಲ್ಲಿ ನಟಿಸುವುದರೊಂದಿಗೆ, 1991ರಲ್ಲಿ ಝುಲ್ಕಾ ತನ್ನ ಪ್ರಥಮ ಪ್ರವೇಶವನ್ನು ಮಾಡಿದಳು; ಈ ಚಿತ್ರವು ಯಶಸ್ವಿ ಎನಿಸಿಕೊಂಡಿತು. ಆಮೀರ್‌ ಖಾನ್‌‌ ಜೊತೆಯಲ್ಲಿ ನಟಿಸಿದ ಜೋ ಜೀತಾ ವೊಹಿ ಸಿಕಂದರ್‌‌ ಹಾಗೂ ಅಕ್ಷಯ್‌ ಕುಮಾರ್‌‌ ಜೊತೆಯಲ್ಲಿ ನಟಿಸಿದ ಖಿಲಾಡಿ ಚಿತ್ರಗಳು, 1992ರಲ್ಲಿ ಅದ್ಭುತ ಯಶಸ್ಸನ್ನು ದಾಖಲಿಸಿದ ಅವಳ ಎರಡು ಜನಪ್ರಿಯ ಚಿತ್ರಗಳು ಎನಿಸಿಕೊಂಡವು. ಚಾಲ್ತಿಯಲ್ಲಿರುವ ಓರ್ವ ಹೊಸ ತಾರೆ ಎಂಬ ಕೀರ್ತಿಯು ಅವಳಿಗೆ ಬಾಲಿವುಡ್‌ನಲ್ಲಿ ದಕ್ಕಿತು. ದಲಾಲ್‌‌ ಮತ್ತು ರಂಗ್‌‌ ಎಂಬ ಅವಳ ಚಲನಚಿತ್ರಗಳು ಅದ್ಭುತ ಯಶಸ್ಸನ್ನು ದಾಖಲಿಸಿದ್ದರಿಂದ, 1993ರ ವರ್ಷವೂ ಸಹ ಅವಳ ಪಾಲಿಗೆ ಉತ್ತಮವೆನಿಸಿಕೊಂಡಿತು. ದಲಾಲ್‌ ಚಿತ್ರವು ಗಲ್ಲಾ ಪೆಟ್ಟಿಗೆಯಲ್ಲಿ ಯಶಸ್ಸು ಕಂಡಿತಾದರೂ, ಅದರ ನಿರ್ಮಾತೃವೊಂದಿಗೆ ಆಯೇಷಾಗೆ ಸಮಸ್ಯೆಗಳಿದ್ದವು; ನಿರ್ದಿಷ್ಟ ದೃಶ್ಯವೊಂದರಲ್ಲಿ ಅವಳ ಜಾಗದಲ್ಲಿ ಬದಲಿ ಕಲಾವಿದೆಯನ್ನು (ಬಾಡಿ-ಡಬಲ್‌) ಚಿತ್ರೀಕರಣದ ಸಮಯದಲ್ಲಿ ಬಳಸಿದ್ದು ಈ ಸಮಸ್ಯೆಗಳಿಗೆ ಕಾರಣವಾಗಿತ್ತು. ಸಿನಿ ಕಲಾವಿದರ ಸಂಘ ಮತ್ತು ಚಲನಚಿತ್ರ ನಿರ್ಮಾಪಕರ ಸಂಘಗಳಲ್ಲಿ ಝುಲ್ಕಾ ದೂರುಗಳನ್ನು ಸಲ್ಲಿಸಿದಳು. ಮೂರು ವಿವಾದಾತ್ಮಕ ದೃಶ್ಯಗಳ ಪೈಕಿ ಎರಡು ದೃಶ್ಯಗಳನ್ನು ತರುವಾಯದಲ್ಲಿ ತೆಗೆದುಹಾಕಲಾಯಿತು. ಆದರೆ ಯಾವಾಗಲೂ ನೆರೆಮನೆಯ ಹುಡುಗಿಯ ಥರದ ಪಾತ್ರಗಳಲ್ಲೇ ಕಾಣಿಸಿಕೊಳ್ಳುತ್ತಿದ್ದ ಅವಳು, ಈ ಘಟನೆಯಿಂದ ಅಗಾಧವಾಗಿ ಘಾಸಿಗೊಂಡಳು. 1993ರಲ್ಲಿ ಬಿಡುಗಡೆಯಾದ, ವಕ್ತ್‌ ಹಮಾರಾ ಹೈ ಮತ್ತು ಮೆಹೆರ್‌‌ಬಾನ್‌‌ ಎಂಬ ಸಾಧಾರಣ ಯಶಸ್ಸಿನ ಮತ್ತೆರಡು ಚಿತ್ರಗಳಲ್ಲಿ ಅವಳೂ ಭಾಗೀದಾರಳಾಗಿದ್ದಳು. ಬಲ್‌ಮಾ ಮತ್ತು ಸಂಗ್ರಾಮ್‌ ಎಂಬ ಚಲನಚಿತ್ರಗಳಲ್ಲಿನ ಅವಳ ಪಾತ್ರನಿರ್ವಹಣೆಗಳು ಮೆಚ್ಚುಗೆಯನ್ನು ಪಡೆದವು; ಈ ಚಿತ್ರಗಳಲ್ಲಿ ಅಜಯ್‌ ದೇವ್‌ಗನ್‌‌ ಮತ್ತು ಕರಿಷ್ಮಾ ಕಪೂರ್‌‌ ಜೊತೆಯಲ್ಲಿ ಅವಳು ಪ್ರಮುಖ ಪಾತ್ರಗಳನ್ನು ನಿರ್ವಹಿಸಿದ್ದಳು. ಈ ಮಧ್ಯೆ, ಅರ್ಮಾನ್‌ ಕೊಹ್ಲಿಯ ಜೊತೆಯಲ್ಲಿ ಅವಳ ಪ್ರೇಮಪ್ರಸಂಗ ಬೆಳೆಯಿತು. ಅವನನ್ನು ಮದುವೆಯಾಗಲು ಅವಳು ಎಲ್ಲ ರೀತಿಯಲ್ಲಿ ಸಿದ್ಧತೆಯನ್ನು ಮಾಡಿಕೊಂಡಿದ್ದಳು ಹಾಗೂ ದಲಾಲ್‌‌ ಚಿತ್ರದ ಸಂದರ್ಭದಲ್ಲಿ ತನಗಾದ ಕೆಟ್ಟ ಅನುಭವದ ನಂತರ ಚಲನಚಿತ್ರಗಳನ್ನು ಬಿಟ್ಟುಬಿಡಲು ಅವಳು ನಿರ್ಧರಿಸಿದ್ದಳು. ತನ್ನೆಲ್ಲಾ ಕಾರ್ಯಭಾರಗಳನ್ನು ಅವಳು ಸಂಪೂರ್ಣಗೊಳಿಸಿದಳಾದರೂ, ಅರ್ಮಾನ್‌‌ ಜೊತೆಗಿನ ಅವಳ ಸಂಬಂಧ ಅಂತ್ಯಗೊಂಡಿತು, ಅದೇ ರೀತಿಯಲ್ಲಿ ಆಯೇಷಾಳ ಉಜ್ಜ್ವಲ ವೃತ್ತಿಜೀವನವೂ ಕೊನೆಗೊಂಡಿತು. 1994ರಲ್ಲಿ ಬಿಡುಗಡೆಯಾದ ಅವಳ ಚಿತ್ರಗಳ ಪೈಕಿ ಜೈ ಕಿಶನ್‌‌ ಚಿತ್ರವು ಯಶಸ್ಸಿನ ಸವಿಯುಂಡರೆ, ಮಿಕ್ಕೆಲ್ಲಾ ಚಿತ್ರಗಳು ವಿಫಲಗೊಂಡವು. ಈಗ ಅವಳ ಕೈನಲ್ಲಿ ಯಾವ ಚಲನಚಿತ್ರಗಳೂ ಇರಲಿಲ್ಲ. ಅಕೇಲೇ ಹಮ್‌ ಅಕೇಲೇ ತುಮ್‌‌ ಚಿತ್ರದಲ್ಲಿನ ಕೆಲವೊಂದು ಕಿರುದೃಶ್ಯಗಳಲ್ಲಿ ಅವಳು ಕಾಣಿಸಿಕೊಂಡಳು, ಇದು 1995ರಲ್ಲಿ ಬಿಡುಗಡೆಗೊಂಡ ಅವಳ ಏಕೈಕ ಚಿತ್ರವಾಗಿತ್ತು. ಅದರ ಜೊತೆಗೆ, ಅವಳ ಕಿಸೀ ಸೆ ದಿಲ್‌ ಲಗಾ ಕೆ ದೇಖೋ ಚಲನಚಿತ್ರದ ಶಾರುಖ್‌ ಖಾನ್‌‌ ಮತ್ತು ಮಧೂ ಜೊತೆಗಿನ ಪ್ರಚಾರ ಸಾಮಗ್ರಿಗಳು ಅದೇ ವರ್ಷದಲ್ಲಿ ಮಾಧ್ಯಮದಲ್ಲಿ ಪ್ರಸಾರವಾದವು. ಆದರೆ ಆ ಚಲನಚಿತ್ರವು ಸಾರ್ವಜನಿಕರ ಗಮನ ಸೆಳೆಯುವಲ್ಲಿ ವಿಫಲವಾಯಿತು. ಒಂದು ಅಂತರದ ನಂತರ, ಮಾಸೂಮ್‌‌ ಎಂಬ ಯಶಸ್ವಿ ಚಿತ್ರದೊಂದಿಗೆ 1996ರಲ್ಲಿ ಅವಳು ಚಲನಚಿತ್ರಗಳಿಗೆ ಹಿಂದಿರುಗಿದಳು. ಮಿಥುನ್‌‌ ಜೊತೆಯಲ್ಲಿ ಅವಳು ನಟಿಸಿದ ಸೂರಜ್‌‌‌ ಎಂಬ ಮತ್ತೊಂದು ಚಲನಚಿತ್ರವು ಜನಸಮೂಹವನ್ನು ಆಕರ್ಷಿಸಿತಾದರೂ, ಅವಳ ವೃತ್ತಿಜೀವನಕ್ಕೆ ಅದರಿಂದ ಅಂಥಾ ಸಹಾಯವೇನೂ ಆಗಲಿಲ್ಲ. ಮಾಸೂಮ್‌‌ ಚಿತ್ರದ ಯಶಸ್ಸಿನ ನಂತರ, ವಿಶ್ವವಿಧಾತ ಮತ್ತು ಘೂಂಘಟ್‌ ಎಂಬ ಎರಡು ಪ್ರಮುಖ ಚಲನಚಿತ್ರಗಳು ಅವಳ ತೆಕ್ಕೆಗೆ ಬಂದುಬಿದ್ದವು. ಈ ಎರಡೂ ಚಲನಚಿತ್ರಗಳಲ್ಲಿ, ಅವಳಿಗೆ ಗಟ್ಟಿತಿರುಳಿನ ಪಾತ್ರಗಳಿದ್ದವಾದರೂ, ಎರಡೂ ಚಲನಚಿತ್ರಗಳು ಗಲ್ಲಾ ಪೆಟ್ಟಿಗೆಯಲ್ಲಿ ವಿಫಲವಾದವು. ಕಮಲ್‌ ಹಸನ್‌‌‌ನ ಚಾಚಿ 420 ಚಿತ್ರದಲ್ಲಿ ಅವಳು ಒಂದು ಕಿರುಪಾತ್ರವನ್ನು ನಿರ್ವಹಿಸಿದಳು; ಈ ಚಲನಚಿತ್ರವು ಯಶಸ್ವಿಯಾಗಿ ಗುಣಾತ್ಮಕ ವಿಮರ್ಶೆಗಳನ್ನು ಸ್ವೀಕರಿಸಿತಾದರೂ, ಅವಳಿಗೆ ದೊರೆಯುತ್ತಿದ್ದ ಚಲನಚಿತ್ರಗಳ ಪಾತ್ರಗಳು ಮಿಥುನ್‌ಗೆ ಎದುರಾಗಿ ಇರುತ್ತಿದ್ದವು ಅಥವಾ ಆ ವೇಳೆಗೆ ಹೆಣಗಾಡುತ್ತಿದ್ದ ಹೊಸಬರೊಂದಿಗೆ ಇರುತ್ತಿದ್ದವು. 1999ರಲ್ಲಿ ಎರಡು ಪ್ರಮುಖ ಚಲನಚಿತ್ರಗಳು ಅವಳಿಗೆ ದಕ್ಕಿದವು: ಮೊದಲನೆಯದು ಕೊಹ್ರಾಮ್‌‌ ಎಂಬ ಚಲನಚಿತ್ರವಾಗಿದ್ದು, ಇದರಲ್ಲಿ ರಾಣಿ ಮುಖರ್ಜಿಗೆ ಈ ಮುಂಚೆ ನೀಡಲಾಗಿದ್ದ ಪಾತ್ರವನ್ನು ಅವಳಿಗೆ ನೀಡಲಾಯಿತು; ಹೋತೆ ಹೋತೆ ಪ್ಯಾರ್‌ ಹೋ ಗಯಾ ಎಂಬ ಒಂದು ವಿಳಂಬಗೊಂಡ ಚಲನಚಿತ್ರವು ಎರಡನೆಯ ಚಿತ್ರವಾಗಿದ್ದು, ಇದರಲ್ಲಿ ಆಕೆ ಜಾಕಿ ಶ್ರಾಫ್‌‌ ಮತ್ತು ಕಾಜೋಲ್‌‌ ಜೊತೆಯಲ್ಲಿ ನಟಿಸಿದಳು. ಅವಳ ವೃತ್ತಿಜೀವನವು ಮುಂಚಿನಂತೆ ಹೊಳೆಯುತ್ತಿರಲು ಸಾಧ್ಯವಾಗಲಿಲ್ಲವಾದರೂ, ಸಣ್ಣ ಚಲನಚಿತ್ರಗಳು ಅವಳನ್ನು ಅರಸಿಕೊಂಡು ಬರುತ್ತಲೇ ಇದ್ದವು; ವಿದೇಶದಲ್ಲಿ ಉತ್ತಮ ಯಶಸ್ಸನ್ನು ದಾಖಲಿಸಿದ ಖಾಲ್ಸಾ ಮೇರೋ ರೂಪ್‌ ಹೈ ಖಾಸ್‌‌‌ ನಂಥ ಪಂಜಾಬಿ ಪ್ರಾದೇಶಿಕ ಚಲನಚಿತ್ರಗಳೂ ಇದರಲ್ಲಿ ಸೇರಿದ್ದವು. ಉತ್ತಮ ಪಾತ್ರಗಳೊಂದಿಗಿನ ಚಲನಚಿತ್ರಗಳು ಅವಳಿಗೆ ದಕ್ಕಿದವು; ಸಂವೇದನಾ (ಸಲಿಂಗಕಾಮಿಗಳನ್ನು ಆಧರಿಸಿದ ಒಂದು ಚಲನಚಿತ್ರ), ಅಮ್ಮಾ (ಈ ಚಿತ್ರದಲ್ಲಿ, ತನ್ನ ಗಂಡನಿಗಾಗಿ ಕಾಯುತ್ತಿರುವ 60 ವರ್ಷ ವಯಸ್ಸಿನ ಮಹಿಳೆಯ ಪಾತ್ರವನ್ನು ಅವಳು ನಿರ್ವಹಿಸಿದಳು) ಮತ್ತು ಜನನಿ ಚಿತ್ರಗಳು ಇವುಗಳಲ್ಲಿ ಸೇರಿದ್ದವು. ಆದರೆ, ಜನನಿ ಚಿತ್ರವನ್ನು ಹೊರತುಪಡಿಸಿದರೆ ಉಳಿದ ಎರಡು ಚಲನಚಿತ್ರಗಳು ಬಿಡುಗಡೆಯಾಗಲಿಲ್ಲ. ಈ ಮಧ್ಯೆ, ನಿರ್ಮಾಣ ವಲಯದ ಉದ್ಯಮಿಯಾದ ಸಮೀರ್‌ ವಾಶಿ ಎಂಬಾತನನ್ನು ಅವಳು ಮದುವೆಯಾದಳು. ಪೋಷಕಪಾತ್ರದ ಸ್ವರೂಪದಲ್ಲಿದ್ದರೂ ಪ್ರಮುಖವಾಗಿದ್ದ ಪಾತ್ರಗಳನ್ನು ಅವಳು ರನ್‌‌ (2004), ಸೋಚಾ ನ ಥಾ (2005) ಮತ್ತು ಉಮ್ರಾವ್‌ ಜಾನ್‌‌ (2006) ಚಿತ್ರಗಳಲ್ಲಿ ನಿರ್ವಹಿಸಿದಳು. ಇತ್ತೀಚೆಗೆ, ಅವಳು ನಾಟಕ ನಿರ್ಮಾಣವನ್ನು ಆರಂಭಿಸಿದ್ದು, ಪುರುಷ್‌ ಮತ್ತು ಪ್ರಕೃತಿ ಯಂಥ ನಾಟಕಗಳನ್ನು ನಿರ್ಮಿಸಿದ್ದಾಳೆ.

ಚಲನಚಿತ್ರಗಳ ಪಟ್ಟಿ[ಬದಲಾಯಿಸಿ]

ವರ್ಷ ಚಲನಚಿತ್ರ ಪಾತ್ರ ಇತರ ಟಿಪ್ಪಣಿಗಳು
1983 ಕೈಸೆ ಕೈಸೆ ಲೋಗ್‌‌ ಪೂಜಾ
1990 ಮೀತ್‌‌ ಮೇರೆ ಮನ್‌ ಕೆ
1991 ಕುರ್ಬಾನ್‌‌ ಚಂದ್ರಾ ಸಿಂಗ್‌‌
ಹಾಯೆ ಮೇರೆ ಜಾನ್‌‌ ನೀಲಮ್‌‌‌
1992 ಮಾಶೂಕ್‌‌ ನಿಶಾ ರೈ
ಖಿಲಾಡಿ ನೀಲಮ್‌‌‌ ಚೌಧುರಿ
ಜೋ ಜೀತಾ ವೊಹಿ ಸಿಕಂದರ್‌‌ ಅಂಜಲಿ
ಬಲ್‌ಮಾ
ಅನಾಮ್‌‌ ಮೇಘನಾ
ಕೊಹ್ರಾ ನಿಶಾ
1993 ಕೈಸೆ ಕೈಸೆ ರಿಷ್ತೆ
ಸಂಗ್ರಾಮ್‌
ದಲಾಲ್‌‌ ರೂಪಾಲಿ
ರಂಗ್‌‌ ಪೂಜಾ
ವಕ್ತ್‌ ಹಮಾರಾ ಹೈ ಆಯೇಷಾ
ದಿಲ್‌ ಕಿ ಬಾಝಿ ಆರತಿ
ಔಲಾದ್‌ ಕೆ ದುಷ್ಮನ್‌‌ ಶಾಲು ಕುಮಾರ್‌‌
1994 ಬ್ರಹ್ಮಾ
ಎಕ್ಕಾ ರಾಜಾ ರಾಣಿ
ಜೈ ಕಿಶನ್‌‌ ಅನಿತಾ
ಮಹಾ ಶಕ್ತಿಶಾಲಿ
1995 ಅಕೇಲೇ ಹಮ್‌ ಅಕೇಲೇ ತುಮ್‌‌ (ಸ್ನೇಹಪೂರ್ವಕ ಪಾತ್ರನಿರ್ವಹಣೆ)(ಪ್ರಶಸ್ತಿ ಪ್ರದಾನ ಮಾಡುವುದು)(ದಾಖಲಿಸಲ್ಪಡಲಿಲ್ಲ)
ಆಶಿಕ್‌‌ ಮಸ್ತಾನೆ ಮಾಲತಿ
1996 ಮಾಸೂಮ್ ಚಂದಾ
ಮುಕದ್ದರ್‌‌‌
1997 ಚಾಚಿ 420 ರತ್ನಾ (ವಿಶೇಷ ಪಾತ್ರದಲ್ಲಿ)
ವಿಶ್ವವಿಧಾತ ರಾಧಾ ಖನ್ನಾ
ಜಡ್ಜ್‌‌ ಮುಜ್ರಿಮ್‌‌ ನರ್ತಕಿ/ಗಾಯಕಿ (ವಿಶೇಷ ಪಾತ್ರದಲ್ಲಿ)
ಸೂರಜ್‌‌‌
ಘೂಂಘಟ್‌
1998 ದಂಡ್‌ನಾಯಕ್‌‌ ನೈನಾ
ಬಾರೂದ್‌‌ ನರ್ತಕಿ
1999 ಪುರುಷ್‌(ರಂಗಪ್ರಯೋಗ)
ಫೂಲ್‌ ಔರ್‌ ಆಜ್‌‌ "ಮೈ ಗಾವೋ ದಿಲ್‌ ಗಾಯೆ" ಎಂಬ ಹಾಡಿನಲ್ಲಿನ ಕಿರುಪಾತ್ರ
ಹೋತೆ ಹೋತೆ ಪ್ಯಾರ್‌ ಹೋಗಯಾ ಶೋಭಾ
Kohram: The Explosion ಸ್ವೀಟಿ
2000 ಖಾಲ್ಸಾ ಮೇರೋ ರೂಪ್‌ ಹೈ ಖಾಸ್‌ ಚನ್ನಿ
ಶಿಕಾರ್‌‌‌ ಅಂಜು ಗುಪ್ತಾ
2001 Hadh: Life On the Edge of Death
ಸೆನ್ಸಾರ್‌‌‌ ಶಕೀಲಾ
2002 ಅಮ್ಮಾ ರೂಪಾ
2003 ಆಂಚ್‌‌ ದೇವಾಂಗಿ M. ಠಾಕುರ್‌‌
2004 ರನ್‌ ಶಿವಾನಿ
2005 ಸೋಚಾ ನ ಥಾ ವಿರೇನ್‌ನ ಅತ್ತಿಗೆ
ಡಬಲ್‌ ಕ್ರಾಸ್‌: ಏಕ್‌ ಧೋಕಾ ಸೋನಿಯಾ
2006 ಜಾಕ್‌ಪಾಟ್‌‌
ಉಮ್ರಾವ್‌ ಜಾನ್‌‌ ಖುರ್ಷಿದ್‌‌
ಜನನಿ
2009 ಕೇಶ್‌ಯೋಗ್‌‌

ಉಲ್ಲೇಖಗಳು[ಬದಲಾಯಿಸಿ]

  1. "ಆಯೆಷಾ ಝುಲ್ಕಾ ಜೀವನಚರಿತ್ರೆ ಮತ್ತು ವ್ಯಕ್ತಿಚಿತ್ರ". Archived from the original on 15 ಸೆಪ್ಟೆಂಬರ್ 2010. Retrieved 6 ಸೆಪ್ಟೆಂಬರ್ 2010.

ಬಾಹ್ಯ ಕೊಂಡಿಗಳು[ಬದಲಾಯಿಸಿ]