ಅಭಿಜಿತ್‌ ಬ್ಯಾನರ್ಜಿ

ಅಭಿಜಿತ್‌ ವಿನಾಯಕ್‌ ಬ್ಯಾನರ್ಜಿ
অভিজিৎ বিনায়ক বন্দ্যোপাধ্যায়
Born	ಅಭಿಜಿತ್‌ ವಿನಾಯಕ್‌ ಬ್ಯಾನರ್ಜಿ ೨೧ ಫೆಬ್ರವರಿ ೧೯೬೧ ಮುಂಬೈ, ಭಾರತ
Citizenship	ಅಮೇರಿಕನ್, ಭಾರತೀಯ
Spouse(s)	ಆರಂಧತಿ ತುಳಿ (divorced) ಎಸ್ತರ್‌ ಡುಫ್ಲೋ(೨೦೧೫)
Institution	ಮೆಸಾಚುಸೆಟ್ಸ್‌ ಇನ್ಸ್ಟಿಟ್ಯೂಟ್‌ ಆಫ್‌ ಟೆಕ್ನಾಲಜಿ ಹಾರ್ವರ್ಡ್ ವಿಶ್ವವಿದ್ಯಾಲಯ ಪ್ರಿನ್ಸ್ಟನ್‌ ವಿಶ್ವವಿದ್ಯಾಲಯ
Field	ಅಭಿವೃದ್ಧಿ ಅರ್ಥಶಾಸ್ತ್ರ ಸಾಮಾಜಿಕ ಅರ್ಥಶಾಸ್ತ್ರ
Alma mater	ಪ್ರೆಸಿಡೆನ್ಸಿ ಕಾಲೇಜು,ಕಲ್ಕತ್ತಾ ಕಲ್ಕತ್ತಾ ವಿಶ್ವವಿದ್ಯಾಲಯ(ಬ್ಯಾಚುಲರ್‌ ಆಫ್‌ ಸೈನ್ಸ್) ಜವಾಹರಲಾಲ್ ನೆಹರು ವಿಶ್ವವಿದ್ಯಾಲಯ(ಮಾಸ್ಟರ್‌ ಆಫ್‌ ಆರ್ಟ್ಸ್) ಹಾರ್ವರ್ಡ್ ವಿಶ್ವವಿದ್ಯಾಲಯ (PhD)
Doctoral advisor	ಎರಿಕ್‌ ಮಸ್ಕಿನ್‌
Doctoral students	ಎಸ್ತರ್‌ ಡುಫ್ಲೊ ಡೀನ್‌ ಕರ್ಲನ್ ಬೆಂಜಮಿನ್ ಜೋನ್ಸ್ ನ್ಯಾನ್ಸಿ ಕಿಯಾನ್
Influences	ಡಾ. ಅಮರ್ತ್ಯ ಸೇನ್
Contributions	ಅಬ್ದುಲ್ ಲತೀಫ್ ಜಮೀಲ್ ಪಾವರ್ಟಿ ಆಕ್ಷನ್ ಲ್ಯಾಬ್ ಬಡತನ ಕ್ರಿಯೆಗೆ ನಾವೀನ್ಯತೆಗಳು
Awards	ಅರ್ಥಶಾಸ್ತ್ರದಲ್ಲಿ ನೊಬೆಲ್‌ ಮೆಮೊರಿಯಲ್‌ ಪ್ರಶಸ್ತಿ (೨೦೧೯)
Information at IDEAS / RePEc

ಅಭಿಜಿತ್ ವಿನಾಯಕ್ ಬ್ಯಾನರ್ಜಿ (೨೧ ಫೆಬ್ರವರಿ ೧೯೬೧)ರವರೊಒಬ್ಬ ಅಮೇರಿಕನ್ ಅರ್ಥಶಾಸ್ತ್ರಜ್ಞ ಹಾಗೂ ಮೆಸಾಚುಸೆಟ್ಸ್‌ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿಯಲ್ಲಿ ಫೋರ್ಡ್ ಫೌಂಡೇಷನ್ ಇಂಟರ್ನ್ಯಾಷನಲ್ ನ ಎಕನಾಮಿಕ್ಸ್ ಪ್ರೊಫೆಸರ್ . ಇವರು ೨೦೧೯ ರಲ್ಲಿ ಅರ್ಥಶಾಸ್ತ್ರದಲ್ಲಿ ನೊಬೆಲ್ ಸ್ಮಾರಕ ಪ್ರಶಸ್ತಿಯನ್ನು ಎಸ್ತರ್ ಡುಫ್ಲೋ ಮತ್ತು ಮೈಕೆಲ್ ಕ್ರೆಮರ್ ಅವರೊಂದಿಗೆ ಜಾಗತಿಕ ಬಡತನವನ್ನು ನಿವಾರಿಸುವ ಪ್ರಾಯೋಗಿಕ ವಿಧಾನಕ್ಕಾಗಿ ಹಂಚಿಕೊಂಡರು.

ಬ್ಯಾನರ್ಜಿಯವರು ಅಬ್ದುಲ್ ಲತೀಫ್ ಜಮೀಲ್ ಪಾವರ್ಟಿ ಆಕ್ಷನ್ ಲ್ಯಾಬ್‌ನ ಸಹ-ಸಂಸ್ಥಾಪಕ (ಅರ್ಥಶಾಸ್ತ್ರಜ್ಞರಾದ ಎಸ್ತರ್ ಡುಫ್ಲೋ ಮತ್ತು ಸೆಂಧಿಲ್ ಮುಲೈನಾಥನ್ ರವರೊಂದಿಗೆ) . ಇವರು ಇನೋವೇಷನ್ಸ್‌ ಫಾರ್‌ ಪೊವರ್ಟಿ ಆಕ್ಷನ್, ಹಣಕಾಸು ವ್ಯವಸ್ಥೆಗಳು ಮತ್ತು ಬಡತನದ ಒಕ್ಕೂಟದ ಸದಸ್ಯರಾಗಿದ್ದಾರೆ . ನ್ಯಾಷನಲ್ ಬ್ಯೂರೋ ಆಫ್ ಎಕನಾಮಿಕ್ ರಿಸರ್ಚ್‌ನ ಸಂಶೋಧನಾ ಸಹವರ್ತಿಯಾದ ಬ್ಯಾನರ್ಜಿ ಬ್ಯೂರೋ ಫಾರ್ ದಿ ರಿಸರ್ಚ್ ಇನ್ ದಿ ಎಕನಾಮಿಕ್ ಅನಾಲಿಸಿಸ್ ಆಫ್ ಡೆವಲಪ್‌ಮೆಂಟ್‌ನ ಅಧ್ಯಕ್ಷರಾಗಿದ್ದರು. ಇವರು ಸೆಂಟರ್ ಫಾರ್ ಎಕನಾಮಿಕ್ ಪಾಲಿಸಿ ರಿಸರ್ಚ್ ನಲ್ಲಿ ಸಂಶೋಧನಾ ಸಹೋದ್ಯೋಗಿ , ಕೀಲ್ ಇನ್ಸ್ಟಿಟ್ಯೂಟ್ ನ ಅಂತರರಾಷ್ಟ್ರೀಯ ಸಂಶೋಧನಾ ಸಹೋದ್ಯೋಗಿ , ಅಮೇರಿಕನ್ ಅಕಾಡೆಮಿ ಆಫ್ ಆರ್ಟ್ಸ್ ಅಂಡ್ ಸೈನ್ಸಸ್ ನಲ್ಲಿ ಸಹವರ್ತಿ ಮತ್ತು ಎಕೋನೊಮೆಟ್ರಿಕ್ ಸೊಸೈಟಿಯಲ್ಲಿ ಸಹವರ್ತಿ.

ಆರಂಭಿಕ ಜೀವನ

ಬ್ಯಾನರ್ಜಿ ಭಾರತದ ಮುಂಬೈಯಲ್ಲಿ ಜನಿಸಿದರು . ಇವರ ತಂದೆ ದೀಪಕ್‌ ಬ್ಯಾನರ್ಜಿ ಮತ್ತು ತಾಯಿ ನಿರ್ಮಲಾ ಬ್ಯಾನರ್ಜಿ . ಇವರು ಕೋಲ್ಕತ್ತಾದ ಪ್ರಸಿದ್ಧ ಶಿಕ್ಷಣ ಸಂಸ್ಥೆಯಾದ ಸೌತ್ ಪಾಯಿಂಟ್ ಪ್ರೌಢ ಶಾಲೆಯಲ್ಲಿ ಶಾಲಾ ಶಿಕ್ಷಣವನ್ನು ಪಡೆದರು.

ವೃತ್ತಿ

ಬ್ಯಾನರ್ಜಿ ಯವರು ಪ್ರಸ್ತುತವಾಗಿ ಮೆಸಾಚುಸೆಟ್ಸ್‌ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿಯಲ್ಲಿ ಫೋರ್ಡ್ ಫೌಂಡೇಶನ್ ಇಂಟರ್ನ್ಯಾಷನಲ್ ಪ್ರೊಫೆಸರ್ ಆಫ್ ಎಕನಾಮಿಕ್ಸ್ ಆಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ; ಇವರು ಹಾರ್ವರ್ಡ್ ವಿಶ್ವವಿದ್ಯಾಲಯ ಮತ್ತು ಪ್ರಿನ್ಸ್ಟನ್ ವಿಶ್ವವಿದ್ಯಾಲಯದಲ್ಲೂ ಕಾರ್ಯ ನಿರ್ವಹಿಸಿದ್ದಾರೆ .

ಪ್ರಕಟಣೆಗಳು

ಪುಸ್ತಕಗಳು

• ವೊಲಟಿಲಿಟಿ ಅಂಡ್‌ ಗ್ರೋತ್‌ (ಚಂಚಲತೆ ಮತ್ತು ಬೆಳವಣಿಗೆ) .
• ಅಂಡರ್ಸ್ಟ್ಯಾಂಡಿಗ್ ಪೊವರ್ಟಿ .
• ‌ ಮೇಕಿಂಗ್‌ ಅಂಡ್‌ ವರ್ಕ್‌ .
• ಪೂವರ್‌ ಎಕನಾಮಿಕ್ಸ್‌ : ಎ ರ‍್ಯಾಡಿಕಲ್ ರಿಥಿಂಕಿಂಗ್‌ ಆಫ್‌ ದಿ ವೇ ಟು ಫೈಟ್‌ ಗ್ಲೋಬಲ್‌ ಪೊವರ್ಟಿ .
• ಹ್ಯಾಂಡ್ ಬುಕ್‌ ಆಫ್‌ ಫೀಲ್ಡ್‌ ಎಕ್ಸ್ಪರಿಮೆಂಟ್ಸ್ , ಸಂಪುಟ ೧ .
• ಹ್ಯಾಂಡ್ ಬುಕ್‌ ಆಫ್‌ ಫೀಲ್ಡ್‌ ಎಕ್ಸ್ಪರಿಮೆಂಟ್ಸ್ , ಸಂಪುಟ ೨ .
• ಎ ಶೋರ್ಟ್‌ ಹಿಸ್ಟರಿ ಆಫ್‌ ಪೊವರ್ಟಿ ಮೆಷರ್ಮೆಂಟ್ಸ್‌ .
• ಗುಡ್‌ ಎಕನಾಮಿಕ್ಸ್‌ ಫಾರ್‌ ಹಾರ್ಡ್‌ ಟೈಮ್ಸ್‌ .

ಪ್ರಶಸ್ತಿಗಳು

ಅರ್ಥಶಾಸ್ತ್ರದಲ್ಲಿ ನೊಬೆಲ್ ಪ್ರಶಸ್ತಿ

ಅಭಿಜಿತ್ ಬ್ಯಾನರ್ಜಿಯವರಿಗೆ ೨೦೧೯ ರಲ್ಲಿ ಅರ್ಥಶಾಸ್ತ್ರದಲ್ಲಿ, ಅವರ ಇಬ್ಬರು ಸಹ-ಸಂಶೋಧಕರಾದ ಎಸ್ತರ್ ಡುಫ್ಲೋ ಮತ್ತು ಮೈಕೆಲ್ ಕ್ರೆಮರ್ ಅವರೊಂದಿಗೆ ಜಾಗತಿಕ ಬಡತನವನ್ನು ನಿವಾರಿಸುವ ಪ್ರಾಯೋಗಿಕ ವಿಧಾನಕ್ಕಾಗಿ ನೊಬೆಲ್‌ ಪ್ರಶಸ್ತಿಯನ್ನು ನೀಡಲಾಯಿತು .