ಹಾಲ್ ಖಾತಾ

ಹಾಲ್ ಖಾತಾ

ಹಾಲ್ ಖಾತಾ ಎಂಬುದು ಬಂಗಾಳಿ ವ್ಯಾಪಾರಿಗಳು, ಅಂಗಡಿಯವರು ಮತ್ತು ಪೊಯಿಲಾ ಬೋಯಿಸಾಖ್ (ಬಂಗಾಳಿ ಕ್ಯಾಲೆಂಡರ್‌ನ ಮೊದಲ ದಿನ) ರಂದು ಹೊಸ ಖಾತೆ ತೆರೆಯುವ ಮೂಲಕ ಆಚರಿಸುವ ಹಬ್ಬವಾಗಿದೆ.

ಇತಿಹಾಸ

ಮೊಘಲ್ ಚಕ್ರವರ್ತಿ ಅಕ್ಬರ್ ೧೫೮೪ ರಲ್ಲಿ, ಹಳೆಯ ಸೌರ ಬಂಗಾಳಿ ಕ್ಯಾಲೆಂಡರ್ ಅನ್ನು ಆಧರಿಸಿ ಹೊಸ ಕ್ಯಾಲೆಂಡರ್ ಅನ್ನು ಸ್ಥಾಪಿಸಿದರು. ಮೊಘಲರು ತೆರಿಗೆಗಳನ್ನು ಸಂಗ್ರಹಿಸಲು "ಹಾಲ್ ಖಾತಾ ಮಹೂರ್ತ" ವನ್ನು ಬಳಸಿದರು ಮತ್ತು ಹಾಲ್ ಖಾತಾ ಸಂಪ್ರದಾಯವು ಇದರಿಂದ ಹುಟ್ಟಿಕೊಂಡಿತು ಎಂದು ನಂಬಲಾಗಿದೆ. ಹಾಲ್ ಖಾತಾ ೪೩೦ ವರ್ಷಗಳಿಗಿಂತಲೂ ಹಳೆಯದಾದ ಬಂಗಾಳಿ ಸಂಪ್ರದಾಯವಾಗಿದೆ. ಹಾಲ್ ಎಂದರೆ ನವೀಕರಣ ಮತ್ತು ಖಾತಾ ಎಂದರೆ ಖಾತೆ.

ಆಚರಣೆಗಳು

ಬಂಗಾಳಿ ವರ್ಷದ ಮೊದಲ ದಿನದಂದು, ವ್ಯಾಪಾರಿಗಳು ಹಳೆಯ ಖಾತೆಗಳನ್ನು ಮುಚ್ಚುತ್ತಾರೆ ಮತ್ತು ಹೊಸ ವರ್ಷಕ್ಕೆ ಹೊಸ ಖಾತೆಯನ್ನು ತೆರೆಯುತ್ತಾರೆ. ಹಳೆಯ ಸಾಲಗಳನ್ನು ತೀರಿಸಲು ಮತ್ತು ಹೊಸದನ್ನು ಪ್ರಾರಂಭಿಸಲು ಗ್ರಾಹಕರನ್ನು ಆಹ್ವಾನಿಸಲಾಗುತ್ತದೆ. ಈ ದಿನದಂದು, ಮುಸ್ಲಿಂ ಉದ್ಯಮಿಗಳು ತಮ್ಮ ಹೊಸ ಖಾತೆ ಪುಸ್ತಕಗಳಲ್ಲಿ 'ಬಿಸ್ಮಿಲ್ಲಾ' ಅಥವಾ 'ಇಲಾಹಿ ಭರ್ಸಾ' ಎಂದು ಬರೆಯುವ ಮೂಲಕ ಹೊಸದಾಗಿ ಪ್ರಾರಂಭಿಸುತ್ತಾರೆ ಮತ್ತು ಈ ಘಟನೆಯನ್ನು ಹಾಲ್ ಖಾತಾ ದವಾತ್ ಎಂದು ಗುರುತಿಸುತ್ತಾರೆ. ಈ ಘಟನೆಯನ್ನು ಹಿಂದೂ ವ್ಯಾಪಾರಿಗಳು ಮತ್ತು ಅಂಗಡಿಯವರು ವಿಶೇಷ ಪೂಜೆಯೊಂದಿಗೆ ಗುರುತಿಸುತ್ತಾರೆ. ಗ್ರಾಹಕರೊಂದಿಗಿನ ತಮ್ಮ ಸಂಬಂಧವನ್ನು ಸುಧಾರಿಸಲು, ವ್ಯಾಪಾರಿಗಳು ಅವರಿಗೆ ಸಿಹಿತಿಂಡಿಗಳು, ತಿನಿಸುಗಳು ಅಥವಾ ಉಡುಗೊರೆಗಳನ್ನು ನೀಡುತ್ತಾರೆ. ಈ ಹಬ್ಬವನ್ನು ಬಾಂಗ್ಲಾದೇಶ ಮತ್ತು ಪಶ್ಚಿಮ ಬಂಗಾಳ, ಅಸ್ಸಾಂನ ಬರಾಕ್ ಕಣಿವೆ ಮತ್ತು ಭಾರತದ ತ್ರಿಪುರಾದಲ್ಲಿ ಆಚರಿಸಲಾಗುತ್ತದೆ. ಇದು ವ್ಯವಹಾರಕ್ಕೆ ಅದೃಷ್ಟವನ್ನು ತರುತ್ತದೆ ಎಂದು ನಂಬಲಾಗಿದೆ.