ಸ್ಪಾಗೆಟ್ಟಿ

ವಿಕಿಪೀಡಿಯ ಇಂದ
Jump to navigation Jump to search
ಪರಿಮಳ ಪರಿಕರಗಳು ಅಥವಾ ಮಸಾಲೆಗಳಿಲ್ಲದ ಪ್ಲೇಟಿನಲ್ಲಿರುವ ಬೇಯಿಸಿದ ಸ್ಪಾಗೆಟ್ಟಿ.

ಸ್ಪಾಗೆಟ್ಟಿ ಎಂದರೆ ಉದ್ದವಾದ, ತೆಳ್ಳಗಿನ ಶ್ಯಾವಿಗೆಯಾಗಿದ್ದು, ಇದು ಮೂಲತಃ ಇಟಾಲಿಯನ್ ಮೂಲದಿಂದ ಬಂದ ಆಹಾರವಾಗಿದೆ.[೧] ಸ್ಪಾಗೆಟ್ಟಿಯನ್ನು ಬೀಸಿದ ರವೆ ಅಥವಾ ಹಿಟ್ಟು ಮತ್ತು ನೀರಿನಿಂದ ಮಾಡಲಾಗುತ್ತದೆ. ಇಟಾಲಿಯನ್ ಪದ್ಧತಿಯ ಒಣಗಿಸಿದ ಸ್ಪಾಗೆಟ್ಟಿಯನ್ನು ಡ್ಯುರುಮ್ ಗೋದಿ ಹಿಟ್ಟಿನಿಂದ ಮಾಡಲ್ಪಡುತ್ತವೆ. ಆದರೆ ಇಟಲಿಯನ್ನು ಬಿಟ್ಟು ಹೊರ ದೇಶಗಳಲ್ಲಿ ಅದನ್ನು ಬೇರೆ ರೀತಿಯ ಹಿಟ್ಟಿನಿಂದ ಮಾಡಲಾಗುತ್ತದೆ. ಸಾಂಪ್ರದಾಯಿಕವಾಗಿ ಹೆಚ್ಚಿನ ಸ್ಪಾಗೆಟ್ಟಿಯು ೫೦ ಸಿ.ಎಂ. (೨೦ins) ಉದ್ದವಿರುತದೆ, ಆದರೆ ೨೦ನೇ ಶತಮಾನದ ಉತ್ತರಾರ್ಧ ಭಾಗದಲ್ಲಿ ಕಡಿಮೆ ಉದ್ದದ ಸ್ಪಾಗೆಟ್ಟಿಯು ಹೆಚ್ಚು ಪ್ರಸಿದ್ಧಿಗೆ ಬಂತು ಮತ್ತು ಈಗ ಅತ್ಯಂತ ಹೆಚ್ಚಾಗಿ ೨೫–೩೦ ಸಿ.ಎಂ. (೧೦–೧೨ in) ಉದ್ದದ ಸ್ಪಾಗೆಟ್ಟಿ ಬಳಕೆಯಲ್ಲಿದೆ. ಅನೇಕ ರೀತಿಯ ಶ್ಯಾವಿಗೆ (ಪಾಸ್ತಾ) ಆಹಾರಗಳು ಇದರ ಮೇಲೆ ಅವಲಂಬಿತವಾಗಿದ್ದು, ಸ್ಪಾಗೆಟ್ಟಿಯೊಡನೆ ಚೀಸ್ ಮತ್ತು ಕಾಳುಮೆಣಸು ಅಥವಾ ಬೆಳ್ಳುಳ್ಳಿ ಮತ್ತು ಎಣ್ಣೆಯಿಂದ ಸ್ಪಾಗೆಟ್ಟಿಯೊಡನೆ ಟೊಮ್ಯಾಟೊ, ಮಾಂಸ, ಮತ್ತು ಇತರ ಸಾಸ್‌ಗಳೊಂದಿಗಿನ ಆಹಾರ ಪದಾರ್ಥಗಳನ್ನು ಮಾಡಲಾಗುತ್ತದೆ.

ವ್ಯುತ್ಪತ್ತಿ[ಬದಲಾಯಿಸಿ]

ಸ್ಪಾಗೆಟ್ಟಿ ಶಬ್ದವು ಇಟಾಲಿಯನ್ ಶಬ್ದವಾದ ಸ್ಪಾಗೆಟ್ಟೊ ಎಂಬುದರ ಬಹುವಚನ ರೂಪವಾಗಿದ್ದು, ಅದರ ಮೂಲ ಶಬ್ದ ಸ್ಪಾಗೊ ಆಗಿದೆ, ಮತ್ತು ಅದರ ಅರ್ಥ "ತೆಳ್ಳಗಿನ ತಂತು" ಅಥವಾ "ಸುರುಳಿ" ಎಂದಾಗುತ್ತದೆ.[೧]

ಮೂಲ[ಬದಲಾಯಿಸಿ]

ಪಾಶ್ಚಾತ್ಯರಲ್ಲಿ ಮೊದಲು ಶ್ಯಾವಿಗೆಯನ್ನು ದಕ್ಷಿಣ ಇಟಲಿಯಲ್ಲಿ ಸುಮಾರು ೧೨ನೇ ಶತಮಾನದಲ್ಲಿ ಉದ್ದ ಮತ್ತು ತೆಳ್ಳಗಿನ ಆಕಾರದಲ್ಲಿ ಮಾಡಲಾಗುತ್ತಿತ್ತು.[೨] ೧೯ನೇ ಶತಮಾನದಲ್ಲಿ ಶ್ಯಾವಿಗೆಯ ಫ್ಯಾಕ್ಟರಿಗಳನ್ನು ಸ್ಥಾಪಿಸಿದ ನಂತರದಲ್ಲಿ ಅದು ಇಡೀ ಇಟಲಿ ದೇಶದಲ್ಲಿ ಪ್ರಸಿದ್ಧಿಗೆ ಬಂತು ಮತ್ತು ಆ ಮೂಲಕ ಇಡೀ ದೇಶದ ಅಗತ್ಯಕ್ಕೆ ತಕ್ಕಂತೆ ಫ್ಯಾಕ್ಟರಿಗಳ ಮೂಲಕ ಬೃಹತ್ ಪ್ರಮಾಣದಲ್ಲಿ ಶ್ಯಾವಿಗೆಯ ತಯಾರಿಕೆ ಪ್ರಾರಂಭವಾಯಿತು.[೩]

ಅಮೇರಿಕಾ ಸಂಯುಕ್ತ ಸಂಸ್ಥಾನದಲ್ಲಿ ಸುಮಾರು ೧೯ನೇ ಶತಮಾನದ ಕೊನೆಯಲ್ಲಿ ಸ್ಪಾಗೆಟ್ಟಿಯನ್ನು ರೆಸ್ಟುರಾಂಟ್‌ಗಳಲ್ಲಿ ಸ್ಪಾಗೆಟ್ಟಿ ಇಟಾಲಿಯೆನ್ನೆ (ಇದರಲ್ಲಿ ಅತ್ಯಂತ ಒದ್ದೆಯಾದ ಶ್ಯಾವಿಗೆಯನ್ನು ತಿಳಿಸಾರು ಸೇರಿಸಿದ ಟೊಮೆಟೊ ಸಾಸ್‌ನೊಂದಿಗೆ ನೀಡಲಾಗುತ್ತಿತ್ತು) ಎಂಬ ಹೆಸರಿನಲ್ಲಿ ಮಾರಲಾಗುತ್ತಿತ್ತು ಮತ್ತು ಇದಾದ ದಶಕಗಳ ನಂತರವಷ್ಟೇ ಸ್ಪಾಗೆಟ್ಟಿಯನ್ನು ಬೆಳ್ಳುಳ್ಳಿ ಮತ್ತು ಕಾಳುಮೆಣಸು ಬೆರೆಸಿ ಮಾಡುವ ಪದ್ಧತಿ ಜಾರಿಗೆ ಬಂತು.[೪] ಡಬ್ಬಿಯಲ್ಲಿ ಸಂಗ್ರಹಿಸಿದ ಸ್ಪಾಗೆಟ್ಟಿ, ಸ್ಪಾಗೆಟ್ಟಿ ಮಾಡುವ ಸಾಧನಗಳು, ಮತ್ತು ಮಾಂಸದುಂಡೆಗಳಿರುವ ಸ್ಪಾಗೆಟ್ಟಿ ಬಹಳ ಪ್ರಸಿದ್ಧವಾದವು, ಮತ್ತು ಇದು ಯು.ಎಸ್.ನಲ್ಲಿ ಒಂದು ಮುಖ್ಯ ಆಹಾರವಾಗಿ ಮಾರ್ಪಟ್ಟಿತು.[೪]

ಸಿದ್ಧತೆ[ಬದಲಾಯಿಸಿ]

ಪಾತ್ರೆಯಲ್ಲಿ ಕುದಿಯುವ ನೀರಿನಲ್ಲಿ ಹಾಕಿ ಬೇಯಿಸಲು ಇಟ್ಟಿರುವ ಸ್ಪಾಗೆಟ್ಟಿ.

ಸ್ಪಾಗೆಟ್ಟಿಯನ್ನು ಬೇಯಿಸಲು, ಮೊದಲು ಒಂದು ದೊಡ್ಡ ಪಾತ್ರೆಯಲ್ಲಿ ನೀರನ್ನು (ಸುಮಾರು ೫ ಲೀಟರ್ ೨ ಜನರಿಗೆ) ಕುದಿಸಲಾಗುತ್ತದೆ. ನಂತರ ಒಂದು ಅಥವಾ ಎರಡು ಚಮಚದಷ್ಟು ಉಪ್ಪನ್ನು ಸೇರಿಸಿ, ಎರಡು ನಿಮಿಷಗಳ ನಂತರ ಶ್ಯಾವಿಗೆಯನ್ನು ಸೇರಿಸಲಾಗುತ್ತದೆ. ೧೦ ರಿಂದ ೧೫ ನಿಮಿಷಗಳ ನಂತರ (ಸಮಯವನ್ನು ಹೆಚ್ಚಾಗಿ ಪ್ಯಾಕೇಟುಗಳ ಮೇಲೆ ಬರೆಯಲಾಗಿರುತ್ತದೆ) ಸ್ಪಾಗೆಟ್ಟಿಯನ್ನು ಸೋಸುವ ಪಾತ್ರೆಗೆ ಹಾಕುವ ಮೂಲಕ ನೀರಿನಿಂದ ಹೊರ ತೆಗೆಯಲಾಗುತ್ತದೆ (ಇಟಾಲಿಯನ್ ಭಾಷೆಯಲ್ಲಿ ಇದನ್ನು ಸ್ಕೊಲಾಪಾಸ್ಟಾ ಎನ್ನುತ್ತಾರೆ).

ಹೆಚ್ಚು ಪ್ರಸಿದ್ಧವಾದ ಶ್ಯಾವಿಗೆಯ ತಿನಿಸಿನ ಪ್ರಕಾರವನ್ನು ಅಲ್ ಡೆಂಟೆ (ಇಟಾಲಿಯನ್ ಅರ್ಥ to the tooth ಎಂದಾಗುತ್ತದೆ) ಎಂದು ಕರೆಯುತ್ತಿದ್ದು, ಅದು ಮೆತ್ತಗಿದ್ದು ತಮ್ಮದೇ ಆಕಾರ ಹೊಂದಿರುತ್ತವೆ. ಹಾಗಿದ್ದರೂ, ಸ್ಪಾಗೆಟ್ಟಿಯನ್ನು ಇನ್ನೂ ಹೆಚ್ಚು ಮೃದುವಾಗಿರುವಂತೆ ಬೇಯಿಸಲಾಗುತ್ತದೆ. ಸ್ಪಾಗೆಟ್ಟೋನಿ ಎಂಬುದು ಇನ್ನೂ ದಪ್ಪವಾದ ಸ್ಪಾಗೆಟ್ಟಿಯಾಗಿದ್ದು, ಅದನ್ನು ಬೇಯಿಸಲು ಹೆಚ್ಚು ಸಮಯ ಬೇಕಾಗುತ್ತದೆ. ಸ್ಪಾಗೆಟ್ಟಿನಿ ಮತ್ತು ವೆರ್ಮಿ ಸೆಲ್ಲಿ ಅತ್ಯಂತ ತೆಳ್ಳಗಿನ ಸ್ಪಾಗೆಟ್ಟಿಗಳಾಗಿದ್ದು, (ಇವೆರಡನ್ನೂ ಏಂಜೆಲ್ ಹೇರ್ ಸ್ಪಾಗೆಟ್ಟಿ ಎಂದು ಇಂಗ್ಲೀಷಿನಲ್ಲಿ ಕರೆಯಲಾಗುತ್ತದೆ) ಅವುಗಳನ್ನು ಬೇಯಿಸಲು ಹೆಚ್ಚು ಸಮಯ ಬೇಕಾಗುತ್ತದೆ.

ಬಡಿಸುವಿಕೆ[ಬದಲಾಯಿಸಿ]

ಕ್ಲಾಸಿಕ್ ಸ್ಪಾಗೆಟ್ಟಿ ಆ ಲಾ ಕಾರ್ಬೊನಾರಾ.

ಇಟಾಲಿಯನ್ ರುಚಿಗಳ ಲಾಂಚನವಾದ ಸ್ಪಾಗೆಟ್ಟಿಯನ್ನು ಹೆಚ್ಚಾಗಿ ಟೊಮ್ಯಾಟೋ ಸಾಸ್‌ ಜೊತೆಗೆ ಬಡಿಸಲಾಗುತ್ತಿದ್ದು, ಇದರಲ್ಲಿ ಅನೇಕ ರೀತಿಯ ಮೂಲಿಕೆಗಳು (ವಿಶೇಷವಾಗಿ ಓರೆಗಾನೊ ಮತ್ತು ಬಾಸಿಲ್), ಆಲಿವ್ ಎಣ್ಣೆ, ಮಾಂಸ, ಅಥವಾ ತರಕಾರಿಗಳನ್ನು ಸೇರಿಸಿ ನೀಡಲಾಗುತ್ತದೆ. ಇತರೆ ಸ್ಪಾಗೆಟ್ಟಿ ತಯಾರಿಕೆಗಳಲ್ಲಿ ಬೊಲೊಗ್ನೆಸ್ ಸಾಸ್, ಅಲ್ಫ್ರೆಡೊ ಮತ್ತು ಕಾರ್ಬೊನಾರಾಗಳನ್ನು ಸೇರಿಸಲಾಗುತ್ತದೆ. ತುರಿದ ಗಟ್ಟಿ ಚೀಸ್, ಅಂದರೆ ಪೆಕೊರಿನೊ ರೊಮ್ಯಾನೊ, ಪರ್ಮೆಸನ್, ಮತ್ತು ಏಷಿಯಾಗೊ ಚೀಸ್ ಗಳನ್ನು ಹೆಚ್ಚಾಗಿ ಸೇರಿಸಲಾಗುತ್ತದೆ.

ದಾಖಲೆಗಳು[ಬದಲಾಯಿಸಿ]

ಅತ್ಯಂತ ದೊಡ್ಡ ಸ್ಪಾಗೆಟ್ಟಿ ಬೌಲ್‌ನ ವಿಶ್ವ ದಾಖಲೆಯನ್ನು ಮಾರ್ಚ್ ೨೦೦೯ ರಲ್ಲಿ ಮಾಡಲಾಯಿತು ಮತ್ತು ಮಾರ್ಚ್ ೨೦೧೦ ರಲ್ಲಿ ಲಾಸ್ ಏಂಜಲೀಸ್‌ನ ಗಾರ್ಡನ್ ಗ್ರೋವ್ ನಲ್ಲಿರುವ ಬೂಕಾ ಡಿ ಬೆಪ್ಪೊ ರೆಸ್ಟೋರೆಂಟ್ ದಲ್ಲಿ ಒಂದು ಈಜು ಕೊಳದ ತುಂಬ 13,780 pounds (6,251 kg) ರಷ್ಟೂ ಶ್ಯಾವಿಗೆಯನ್ನು ತುಂಬುವ ಮೂಲಕ ಹೊಸ ದಾಖಲೆ ನಿರ್ಮಿಸಲಾಯಿತು.[೫]

ಇವನ್ನೂ ಗಮನಿಸಿ‌[ಬದಲಾಯಿಸಿ]

ಉಲ್ಲೇಖಗಳು‌[ಬದಲಾಯಿಸಿ]

  1. ೧.೦ ೧.೧ spaghetti. Dictionary.com. Dictionary.com Unabridged (v ೧.೦.೧). ರೇಂಡಮ್ ಹೌಸ್, ಇಂಕ್. http://dictionary.reference.com/browse/spaghetti (ಪಡೆದದ್ದು: ಜೂನ್ ೦೩, ೨೦೦೮).
  2. http://www.theatlantic.com/doc/198607/pasta
  3. ಕೇಟ್ ವೈಟ್‌ಮನ್, ಜೆನಿ ರೈಟ್ ಮತ್ತು ಆಂಜೆಲಾ ಬೊಗ್ಗಿಯಾನೊ, ದ ಇಟಾಲಿಯನ್ ಕಿಚನ್ ಬೈಬಲ್ , ಹರ್ಮ್ಸ್ ಹೌಸ್, ಪು.೧೨-೧೩
  4. ೪.೦ ೪.೧ Levenstein, Harvey (2002). Food in the USA: A Reader. Routledge. pp. 77–89. ISBN 0-415-93232-7. Unknown parameter |coauthors= ignored (|author= suggested) (help)
  5. KTLA News (March 12, 2010). "Restaurant Sets World Record with Pool of Spaghetti". KTLA.