ಸ್ತ್ರೀ ಜಾಗೃತಿ ಮಾಸಪತ್ರಿಕೆ

ವಿಕಿಪೀಡಿಯ ಇಂದ
Jump to navigation Jump to search

ಸ್ತ್ರೀ ಜಾಗೃತಿ ಪತ್ರಿಕೆ

ಬೆಂಗಳೂರು-೫೬೦ ೦೧೯  ದೂ: ೦೮೦-೨೬೬೦೦೦೨೨

"ಸ್ವರ್ಗದ ಕಾವ್ಯ ನಕ್ಷತ್ರವಾದರೆ ವಿಶ್ವದ ಕಾವ್ಯ ಮಹಿಳೆ" ಎನ್ನುವ ಹಾಗ್ರೇವ ರವರ ನುಡಿಯ ಅರ್ಥಕ್ಕೆ ಪೂರಕವಾಗಿರುವಂತೆ ಮಹಿಳೆಯರಿಂದ ಮಹಿಳೆಯರಿಗಾಗಿ ಮಹಿಳೆಯರಿಗೋಸ್ಕರ ಕಳೆದ ಹದಿನಾರು (೨೦೦೦ ಇಸವಿ) ವರುಷಗಳಿಂದ  ಬರುತ್ತಿರುವ ರಾಜ್ಯಮಟ್ಟದ  ಮಹಿಳಾ ಪತ್ರಿಕೆಯೇ  ಸ್ತ್ರೀ ಜಾಗೃತಿ ಮಾಸ ಪತ್ರಿಕೆ. ಸಮಾಜದ ಓರೆ-ಕೋರೆಗಳನ್ನು ಎತ್ತಿ ಹಿಡಿಯುವ ಎಲೆ ಮರೆ ಕಾಯಿಯಂತೆ ಸಮಾಜದಲ್ಲಿ ಸೇವೆ ಸಲ್ಲಿಸುತ್ತಿರುವ ಪ್ರತಿಭೆಗಳನ್ನು ಬಿಂಬಿಸುವ, ಕೌಟುಂಬಿಕ ಸಮಸ್ಯೆಗಳಲ್ಲಿ ಸಿಲುಕಿರುವ ಮಹಿಳೆಯರಿಗೊಂದು ಉತ್ತಮವಾದ, ಮಹಿಳಾ ಸಾಧಕಿಯರನ್ನು ಪರಿಚಯಿಸುವ, ಸಾಮಾಜಿಕ ಪಿಡುಗಗಳ ವಿರುದ್ಧ ದನಿಯೆತ್ತುವ ನಮ್ಮ ಪತ್ರಿಕೆಯು ವಿಭಿನ್ನ ವಿಚಾರಗಳು, ರಾಷ್ರ್ಟದ ಉನ್ನತ ಎಲ್ಲ ವಿಚಾರಗಳ ಬಗ್ಗೆ ಚಿಂತನೆ ಆಧ್ಯಾತ್ಮಿಕವಾಗಿ  ಅಂಕಣಗಳನ್ನು ಪ್ರಕಟಿಸುವ, ಯುವ ಪ್ರತಿಭೆಗಳನ್ನು ಹೊರ ಹೊಮ್ಮಿಸುತ್ತಿರುವ ಪತ್ರಿಕೆಯು, ರಾಜ್ಯದಲ್ಲಿರುವ ಎಲ್ಲಾ ಜಿಲ್ಲೆಗಳಲ್ಲಿ ಅದರಲ್ಲೂ  ಉತ್ತರ ಕರ್ನಾಟಕದಲ್ಲಿ ಹೆಚ್ಚಿನ ಓದುಗರನ್ನು ಹೊಂದಿರುವ ಪತ್ರಿಕೆ, ಕಾಲೇಜುಗಳಿಗೆ ಮತ್ತು  ಗ್ರಂಥಾಲಯಗಳಿಗೆ ಸಹ ಎಲ್ಲ ವಿಷಯ ವಿಚಾರಗಳನ್ನೊಳಗೊಂಡಂತೆ ಓದುಗರಿಗೆ ಪ್ರತಿ ತಿಂಗಳು ತಲುಪುತ್ತಿದೆ.

ರಾಜ್ಯಮಟ್ಟದ  ಮಹಿಳಾ ಪತ್ರಿಕೆಯಾಗಿದ್ದು ಇಡೀ ರಾಜ್ಯದಲ್ಲಿ  ಎಲ್ಲಾ ಜಿಲ್ಲೆಗಳಲ್ಲಿ ಅದರಲ್ಲೂ ಉತ್ತರ ಕರ್ನಾಟಕದ ಗಡಿಗಳಲ್ಲಿ ಹೆಚ್ಚಿನ  ಓದುಗರಿದ್ದಾರೆ.

ಪರಿವಿಡಿ

ಅಂತರರಾಷ್ಟ್ರೀಯ ಮಹಿಳಾ ದಿನಾಚರಣೆಯ ಪ್ರಯುಕ್ತ[ಬದಲಾಯಿಸಿ]

ಶ್ರೀಮತಿ ಎಸ್.ಜಿ.ಸುಶೀಲಮ್ಮ ರಾಜ್ಯ ಪ್ರಶಸ್ತಿ ಪ್ರದಾನ ಸಮಾರಂಭ

ಕಳೆದ  ಹದಿನಾರು ವರುಷಗಳಿಂದ ಸ್ತ್ರೀಯರ ಎಲ್ಲ ಸಮಸ್ಯೆಗಳಿಗೆ ದನಿಯಾಗಿ ಹೋರಾಡುತ್ತಿರುವ  ಸ್ತ್ರೀ ಜಾಗೃತಿ ಪತ್ರಿಕೆಯು ಅಂತರರಾಷ್ಟ್ರೀಯ  ಮಹಿಳಾ ದಿನಾಚರಣೆಯ ಪ್ರಯುಕ್ತ  ಇದೇ ಮಾರ್ಚ -೮ ರಂದು (೨೦೧೪), ಮಾದ್ಯಮ ಮತ್ತು  ಸೇವಾಕ್ಷೇತ್ರದಲ್ಲಿ ತಮ್ಮನ್ನು ಅರ್ಪಿಸಿಕೊಂಡು ಬಂದಿರುವ ಇಬ್ಬರು ಹಿರಿಯ ಮಹಿಳೆಯರಿಗೆ  ಶ್ರೀಮತಿ.ಎಸ್.ಜಿ.ಸುಶೀಲಮ್ಮ ರಾಜ್ಯ ಪ್ರಶಸ್ತಿಯನ್ನು  2013 ರಿಂದ ಪ್ರದಾನ ಮಾಡಲಾಗುತ್ತಿದೆ.

ಪ್ರಶಸ್ತಿ ಸ್ವೀಕರಿಸಿದವರು[ಬದಲಾಯಿಸಿ]

೮ ಮಾರ್ಚ -೨೦೧೩[ಬದಲಾಯಿಸಿ]

ಕೃ. ರುಕ್ಮಣಿ,  ರಾಷ್ಟ್ರ ಸೇವಿಕಾ ಸಮಿತಿ(ಸೇವಾ ಕ್ಷೇತ್ರ):[ಬದಲಾಯಿಸಿ]

ಕಳೆದ ಐದು ದಶಕಗಳಿಂದ ಸೇವೆಗಾಗಿ ತಮ್ಮ ಜೀವನವನ್ನೇ ಮುಡಿಪಾಗಿಟ್ಟಿರುವ ಕೃ. ರುಕ್ಮಿಣಿ ಅವರು ೧೯೭೩ರಂದು ಬೆಂಗಳೂರಿನ ಎಂಎಲ್‌ಎ ಕಾಲೇಜಿನಲ್ಲಿ ಉಪನ್ಯಾಸಕಿಯಾಗಿ ಸೇವೆ ಸಲ್ಲಿಸುತ್ತಾ, ೧೯೮೪ರಲ್ಲಿ ಪ್ರಾಂಶುಪಾಲರಾಗಿ ನಿವೃತ್ತಿ ಹೊಂದಿದ ನಂತರ ತಮ್ಮ ಸೇವೆಯನ್ನು ರಾಷ್ಟ್ರ ಸೇವಿಕಾ ಸಮಿತಿಯಲ್ಲಿ ೧೯೬೮ರಿಂದಲೂ ಸಂಘಟನೆಯಲ್ಲಿ ಗುರುತಿಸಿಕೊಂಡಿದ್ದರು. ರಾಜ್ಯ ಪ್ರಾಂತ ಕಾರ್ಯವಾಹಿಕರಾಗಿ ಜವಾಬ್ದಾರಿಯನ್ನು ಪೂರ್ಣಾವಧಿ ಕಾರ್ಯಕರ್ತೆಯಾಗಿ ತಮ್ಮ ಜೀವನವನ್ನು ಮುಡಿಪಿಟ್ಟರು.  ರಾಜ್ಯ ಮತ್ತು ರಾಷ್ಟ್ರದ ಉನ್ನತ ಜವಾಬ್ದಾರಿಗಳನ್ನು ನಿರ್ವಹಿಸುತ್ತಾ, ದೇಶದೆಲ್ಲೆಡೆ ನಿರಂತರ ಪ್ರವಾಸ ಮಾಡಿ, ಮಹಿಳಾ ಸಂಘಟನೆಯಲ್ಲಿ ಇತರರಿಗೂ ಪ್ರೇರಕಶಕ್ತಿಯಾಗಿ ನಿಂತು ದಾರಿಯನ್ನು ತೋರುತ್ತಿದ್ದಾರೆ. ಇವರಿಗೆ  ಸ್ತ್ರೀ ಜಾಗೃತಿ ಪತ್ರಿಕೆ ವತಿಯಿಂದ  ಶ್ರೀಮತಿ ಎಸ್.ಜಿ. ಸುಶೀಲಮ್ಮ ರಾಜ್ಯ ಪುರಸ್ಕಾರ ಪ್ರಶಸ್ತಿಯನ್ನು ನೀಡಿ ೮ ಮಾರ್ಚ-೨೦೧೩ ಗೌರವಿಸಿದೆ.

ನಾಗಮಣಿ ಎಸ್.ರಾವ್ (ಮಾಧ್ಯಮ ಕ್ಷೇತ್ರ):[ಬದಲಾಯಿಸಿ]

೧೯೫೦ರಲ್ಲಿ ತಾಯ್ನಾಡು ಪತ್ರಿಕೆಯ ಮೂಲಕ ತಮ್ಮ ವೃತ್ತಿ ಜೀವನ ಆರಂಭಿಸಿದ ನಾಗಮಣಿ ಎಸ್.ರಾವ್ ಅವರು ಕನ್ನಡ ಪತ್ರಿಕೋದ್ಯಮದ ಪ್ರಥಮ ಕಾರ್ಯನಿರತ ಪತ್ರಕರ್ತೆ. ಕಳೆದ ಐದು ದಶಕಗಳಲ್ಲಿ ಪತ್ರಿಕೆಗಳಲ್ಲಿನ ಬರಹ, ಆಕಾಶವಾಣಿಯಲ್ಲಿ ವಾರ್ತಾ ವಾಚಕರು, ವಾರ್ತಾ ಸಂಪಾದಕರು ಹಾಗೂ ಸಂದರ್ಶಕರಾಗಿ ತಮ್ಮ ಮಧುರವಾದ ಕಂಠ ಮತ್ತು ಅದ್ಭುತ ಮಾತುಗಾರಿಕೆಯ ಮೂಲಕ ಶ್ರೋತೃಗಳ ಮನಸ್ಸಿನಲ್ಲಿ ಮನೆ ಮಾಡಿದ್ದ ನಾಗಮಣಿಯವರು ಕನ್ನಡ ಪತ್ರಿಕೋದ್ಯಮದ ಒಂದು ದಂತಕಥೆ ಎಂದರೆ ಅತಿಶಯೋಕ್ತಿಯೆನಲ್ಲ. ಇಳಿ ವಯಸ್ಸಿನಲ್ಲೂ ಹರೆಯದ ಕ್ರಿಯಾಶೀಲ ವಿಚಾರ ಸಂಕಿರಣಗಳು, ಕಾರ್ಯಾಗಾರಗಳಲ್ಲಿ ಪಾಲ್ಗೊಂಡು ಇಂದಿನ ಪೀಳಿಗೆಯ ಪತ್ರಕರ್ತರಿಗೆ ಮಾದರಿಯಾಗಿದ್ದಾರೆ. ಅವರಿಗೆ  ಸ್ತ್ರೀ ಜಾಗೃತಿ ಪತ್ರಿಕೆ ವತಿಯಿಂದ  ಶ್ರೀಮತಿ ಎಸ್.ಜಿ. ಸುಶೀಲಮ್ಮ ರಾಜ್ಯ ಪುರಸ್ಕಾರ ಪ್ರಶಸ್ತಿಯನ್ನು ನೀಡಿ ೮ ಮಾರ್ಚ-೨೦೧೩ ಗೌರವಿಸಿದೆ.

೮ ಮಾರ್ಚ -೨೦೧೪[ಬದಲಾಯಿಸಿ]

ಶ್ರೀಮತಿ.ಎಂ.ಸಿ,ಪಂಕಜ (ಸೇವಾ ಕ್ಷೇತ್ರ):[ಬದಲಾಯಿಸಿ]

ಸೇವೆಗಳಲ್ಲಿ ಹಲವು ವಿಧ, ಸಮಾಜದಲ್ಲಿ  ಕಳಕಳಿಯಿಂದ ಸಮಾಜ ಸೇವೆ ಮಾಡುತ್ತಿದ್ದೇವೆ ಅಂತೆಲ್ಲ  ಹೇಳಿ ಬಡಾಯಿ ಕೊಳ್ಳುವವರು ಹಲವು ಜನ ಆದರೆ ನಿಜವಾಗಿಯೂ ಮನಸ್ಸಿಗೆ ಶಾಂತಿ, ನೆಮ್ಮದಿ ವಿಶ್ವಾಸ ಮೂಡುವಲ್ಲಿ  ನಿಜವಾಗಿಯೂ ಮನಸ್ಸಿಗೆ ಶಾಂತಿ, ನೆಮ್ಮದಿ ವಿಶ್ವಾಸ ಮೂಡುವಲ್ಲಿ ಜೀವಮಾನ ಪೂರ್ತಿ ಇತರರಿಗೆ ಅಕ್ಕನಾಗಿ ತಮ್ಮ ಶಕ್ತಿ ಮೀರಿ ಶ್ರಮಿಸಿ ಅದೆಷ್ಟೋ ಸಂಸಾರಗಳನ್ನು ಉಳಿಸಿದಂತಹ ಕೀರ್ತಿ ಇವರದು.  ತಮ್ಮ ಆಪ್ತ ಸಲಹಾ ಕೇಂದ್ರದಲ್ಲಿ ಕಳೆದ ೩ ದಶಕಗಳಿಂದ ಸುಮಾರು ೫೦೦೦ ಮಾನಸಿಕ ಸ್ಥೈರ್ಯ ಕಳೆದುಕೊಂಡು ಜೀವನಕ್ಕೆ ಇತಶ್ರೀ ಹಾಡಲು ಹೊರಟವಂತರಿಗೆ ಸಾಂತ್ವಾನ ಹೇಳಿ ಅವರ ಬಾಳಿನ ನಂದಾ ದೀಪವಾಗಿದ್ದಾರೆ. ತಮ್ಮ ಬಾಳಿನಲ್ಲಿ ೮೦ ವಸಂತಗಳನ್ನು ಏರು ಪೇರುಗಳೊಂದಿಗೆ ಕಳದಿದ್ದರು ಕೂಡಾ. ಈಗಲೂ ನವ ಯುವಕರನ್ನು ನಾಚಿಸುವಂತೆ ಸದಾ ಕ್ರೀಯಾಶೀಲರಾಗಿ ಹಸನ್ನುಮುಖಿಗಳಾಗಿ ಎಲ್ಲರನ್ನು ಹುರಿದುಂಬಿಸುತ್ತಾ, ಎಲ್ಲರಿಗೂ ಒಂದು ಮಾದರಿಯಾಗಿ ಸರಳ ಜೀವನ ನಡೆಸುತ್ತಿರುವುದು ಅವರ ವ್ಯಕ್ತಿತ್ವವನ್ನು ಎತ್ತಿ ತೋರಿಸುತ್ತದೆ. ಇವರ ಸೇವೆಗೊಂದು ಗರಿ ಇವರಿಗೆ ಮಾರ್ಚ - ೨೦೧೪ ರ ಶ್ರೀಮತಿ ಎಸ್.ಜಿ.ಸುಶೀಲಮ್ಮರವರ  ಹೆಸರಿನಲ್ಲಿ ರಾಜ್ಯಪ್ರಶಸ್ತಿಯನ್ನು   ಮಾರ್ಚ - ೮ ರಂದು ಬೆಳಿಗ್ಗೆ ೧೧ ಗಂಟೆಗೆ ಬೆಂಗಳೂರಿನ ಚಾಮರಾಜಪೇಟೆಯ ಕನ್ನಡ ಸಾಹಿತ್ಯ ಪರಿಷತ್ತಿನಲ್ಲಿ ಪ್ರಶಸ್ತಿ ನೀಡಿ ಗೌರವಿಸಿದೆ.

ಪತ್ರಕರ್ತೆ ಸುಶೀಲಾ ಸುಬ್ರಹ್ಮಣ್ಯ (ಮಾಧ್ಯಮ ಕ್ಷೇತ್ರ):[ಬದಲಾಯಿಸಿ]

ಭಾರತದಲ್ಲೇ ಅಪರೂಪ ಎನಿಸಿರುವ ಸದರನ್ ಎಕಾನಾಮಿಸ್ಟ್ ಪತ್ರಿಕೆಯ ಸಂಪಾದಕಿ ಹಾಗೂ ಆರ್ಥಿಕ ಪತ್ರಿಕೆಯನ್ನು ಹೊರತರುತ್ತಿರುವ  ಭಾರತದ ಏಕೈಕ ಮಹಿಳೆ  ಎಂಬ ಕೀರ್ತಿಗೆ  ಪಾತ್ರರಾಗಿರುವ ಹಿರಿಯ ಪತ್ರಕರ್ತೆ ಸುಶೀಲಾ ಸುಬ್ರಹ್ಮಣ್ಯ ಅವರ ಸಾಧನೆ ಅಪಾರ. ವಯಸ್ಸು ೮೦ ಆದರೂ ಅವರ ಹುಮ್ಮಸ್ಸು ಮಾತ್ರ ೨೫ರ ಹರಯದಂತೆ. ವಯೋ ಸಹಜ ಆರೋಗ್ಯ ಸಮಸ್ಯೆಗಳು ಕಾಡುತ್ತಿದ್ದರೂ, ಒಂದು ತಪಸ್ಸಿನ ರೀತಿಯಲ್ಲಿ ಪತ್ರಿಕೆಯನ್ನು ಮುನ್ನಡೆಸಿಕೊಂಡು ಬರುತ್ತಿದ್ದಾರೆ.

ಈಗ ೫೩ನೇ ವರ್ಷಕ್ಕೆ ಅಡಿ ಇಟ್ಟು, ಸುವರ್ಣ ಮಹೋತ್ಸವ ಮುಗಿಸಿದೆ. ಸಂಪೂರ್ಣ ಜವಾಬ್ದಾರಿಯನ್ನು ಹೊತ್ತು, ಕಾಲ ಕಾಲಕ್ಕೆ ತಕ್ಕಂತೆ ಅದನ್ನು ಪ್ರಕಟ ಮಾಡುವುದರಲ್ಲಿ ಸುಶೀಲಾ ಅವರ ಶ್ರಮ,  ಅರ್ಧ ಶತಮಾನದ ಸಾಧನೆ ಶ್ಲಾಘನೀಯ. ಸ್ತ್ರೀ ಜಾಗೃತಿ ಪತ್ರಿಕೆಯು ಮಹಿಳಾ ದಿನಾಚರಣೆಯ ಸಂದರ್ಭದಲ್ಲಿ  ಮಾರ್ಚ - ೨೦೧೪ ರ ಶ್ರೀಮತಿ ಎಸ್.ಜಿ.ಸುಶೀಲಮ್ಮರವರ  ಹೆಸರಿನಲ್ಲಿ ಸ್ತ್ರೀ ಜಾಗೃತಿ ಪತ್ರಿಕೆಯು ಮಹಿಳಾ ದಿನಾಚರಣೆಯ ಸಂದರ್ಭದಲ್ಲಿ  ಮಾರ್ಚ - ೨೦೧೪ ರ ಶ್ರೀಮತಿ ಎಸ್.ಜಿ.ಸುಶೀಲಮ್ಮರವರ  ಹೆಸರಿನಲ್ಲಿ ರಾಜ್ಯಪ್ರಶಸ್ತಿಯನ್ನು  ನೀಡಿ ಗೌರವಿಸಿದೆ.

೮ ಮಾರ್ಚ -೨೦೧೫[ಬದಲಾಯಿಸಿ]

ಪತ್ರಕರ್ತೆ ಶ್ರೀಮತಿ ಇಂದು ರಮೇಶ್(ಮಾಧ್ಯಮ ಕ್ಷೇತ್ರ):[ಬದಲಾಯಿಸಿ]

ಕರ್ನಾಟಕ ಮಾಧ್ಯಮ ಕ್ಷೇತ್ರದಲ್ಲಿ ಶ್ರೀಮತಿ ಇಂದು ರಮೇಶ್ ಅವರ ಹೆಸರು ಚಿರಪರಿಚಿತ. ೫೦ ರ ದಶಕದ ಅತಿ ವಿರಳ ಮಹಿಳಾ ಪತ್ರಕರ್ತೆಯರ ಸಾಲಿನಲ್ಲಿ ಇಂದು ರಮೇಶ್ ಕೂಡ ಒಬ್ಬರು. ಆಕಾಶವಾಣಿಯ ಮೂಲಕ ಮಾಧ್ಯಮ ಕ್ಷೇತ್ರಕ್ಕೆ  ಬಂದವರು, ಸತತ ಮೂವತ್ತು ವರುಷಗಳ ಕಾಲ ದೆಹಲಿ, ಮದ್ರಾಸ್, ಬೆಂಗಳೂರು... ಇಲ್ಲೆಲ್ಲ ಆಕಾಶವಾಣಿಯ ವಿವಿಧ ಭಾರತಿ ವಿಭಾಗದಲ್ಲಿ ಅತ್ಯುತ್ತಮ ಸೇವೆ ಸಲ್ಲಿಸಿ, ಬೆಂಗಳೂರು ಆಕಾಶವಾಣಿಯ ವಿವಿಧ ಭಾರತಿ ವಿಭಾಗಕ್ಕೆ ೨ ಬಾರಿ ಉತ್ತಮ ಕೇಂದ್ರ ಪ್ರಶಸ್ತಿ ತಂದುಕೊಟ್ಟಿದ್ದಾರೆ.

೧೯೯೫ರಲ್ಲಿ ಬೆಂಗಳೂರು ಆಕಾಶವಾಣಿಯ ನಿರ್ದೇಶಕರಾಗಿ ನಿವೃತ್ತಿ ಪಡೆದ ನಂತರವೂ ಬಾನುಲಿಯ ಮೇಲಿನ ಒಲವಿನಿಂದ ಆಕಾಶವಾಣಿಗೆ ಸಾಕಷ್ಟು ಕೆಲಸ ಮಾಡಿದ್ದಾರೆ. ಕೆನಡಾ ಮೂಲದ ಅಂತರರಾಷ್ಟ್ರೀಯ ಸಂಸ್ಥೆಯೊಂದಿಗೆ ಸೇರಿ ಮಹಿಳೆಯರು ಎದುರಿಸುತ್ತಿರುವ ಸಮಸ್ಯೆಗಳು ಮತ್ತು ಅವುಗಳಿಂದ ಹೊರಬರುವದರತ್ತ ದೃಷ್ಟಿ ಎಂಬ ವಿಷಯದ ಮೇಲೆ ಮಾಡಿದ ರೇಡಿಯೋ ಕಾರ್ಯಕ್ರಮಗಳಿಗೆ ಅಂತರಾಷ್ಟ್ರೀಯ ಪ್ರಶಸ್ತಿ ಗಳಿಸಿದ್ದಾರೆ.  ಐದು ವರುಷಗಳ ಕಾಲ ಜರ್ಮನಿಯಲ್ಲಿದ್ದ ಇವರು ತಾವು ಸುತ್ತಿದ ದೇಶಗಳಲೆಲ್ಲ ಆಕಾಶವಾಣಿಗೆ ಬೇಟಿ ಕೊಟ್ಟು ಅಲ್ಲಿನ ಕಾರ್ಯವೈಖರಿ ಬಗ್ಗೆ ಸಾಕಷ್ಟು ಮಾಹಿತಿ  ಕಲೆ ಹಾಕಿದ್ದಾರೆ.  ಇಂದು ರಮೇಶ್ ರವರ ಸುರ್ದೀಘ ಮಾದ್ಯಮ ಸೇವೆಗೆ ಈ ಬಾರಿ ಸ್ತ್ರೀ ಜಾಗೃತಿ ಪತ್ರಿಕೆಯು  ಮಹಿಳಾ ದಿನಾಚರಣೆಯ ಅಂಗವಾಗಿ ಮಾದ್ಯಮ ಕ್ಷೇತ್ರದ ವತಿಯಿಂದ ಶ್ರೀಮತಿ.ಎಸ್.ಜಿ.ಸುಶೀಲಮ್ಮ -೨೦೧೫ ರಾಜ್ಯ ಪುರಸ್ಕಾರವನ್ನು ನೀಡಿ ಇದೇ ಮಾರ್ಚ-೮ ರಂದು ಗೌರವಿಸುತ್ತಿದೆ.

ಸುಶ್ರೀ.ವಿ.ಎಸ್.ಶಾಂತಾಬಾಯಿ(ಸೇವಾ ಕ್ಷೇತ್ರ):[ಬದಲಾಯಿಸಿ]

೮೩ ವಯಸ್ಸಿನ ವಿ.ಎಸ್.ಶಾಂತಬಾಯಿ, ಬೆಂಗಳೂರಿನ  ಚಾಮರಾಜ ಪೇಟೆಯ ಕರ್ನಾಟಕ ಮಹಿಳಾ ಹಿಂದಿ ಸೇವಾ ಸಮಿತಿಯಲ್ಲಿ ಓಡಾಡುತ್ತಾರೆ. ಪ್ರಸ್ತುತ ಸಮಿತಿಯ ಪ್ರಧಾನ ಕಾರ್ಯದರ್ಶಿಗಳಾಗಿ ಸೇವೆ ಸಲ್ಲಿಸುತ್ತಿದ್ದಾರೆ. ಅಕ್ಕ ಮತ್ತು ಸ್ವಾತಂತ್ರ್ಯ ಹೋರಟಾಗಾರ ಅಣ್ಣನ ಮಾರ್ಗದರ್ಶನದಲ್ಲಿ ೧೯೪೨ರಲ್ಲಿ ಹಿಂದಿ ಸೇವೆ ಆರಂಭಿಸಿದ ಇವರು ಇಂದಿಗೂ ಆ ಸೇವೆಯನ್ನು ಮುಂದುವರೆಸಿಕೊಂಡು ಬಂದಿದ್ದಾರೆ. ೧೯೫೭ರಲ್ಲಿ ಸರ್ಕಾರಿ ಶಾಲೆಯಲ್ಲಿ ೧೫ರೂಗಳ ವೇತನ ತೆಗೆದುಕೊಂಡು ಹಿಂದಿ ಶಿಕ್ಷಕಿಯಾಗಿದ್ದರು,  ೧೯೫೩ ರಲ್ಲಿ ಕರ್ನಾಟಕ ಮಹಿಳಾ ಹಿಂದಿ ಸೇವಾ ಸಮಿತಿಯ ಸಂಪರ್ಕಕ್ಕೆ  ಬಂದವರು,

ಹಿಂದಿ ಸಮಿತಿಯ ಸ್ಥಾಪಕ ಅಧ್ಯಕ್ಷೆ ಶ್ರೀಮತಿ ಮುತ್ತೂಬಾಯಿ ಮಾನೆರವರ ಒತ್ತಾಯದ ಮೇರೆಗೆ ೧೯೫೮ ರಲ್ಲಿ ಪೂರ್ಣಕಾಲೀನ ಸೇವಾ ಕಾರ್ಯಕರ್ತೆಯಾಗಿ ಸಮಿತಿಗೆ ಸೇರ್ಪಡೆಗೊಂಡರು. ಹಾಗೆ ಯಾವುದೇ ವೇತನವಿಲ್ಲದೇ ತನು-ಮನ-ಧನ ಎಲ್ಲವನ್ನು ಸಮರ್ಪಿಸಿದ್ದಾರೆ.   ವರುಷಕ್ಕೆ ಸರಾಸರಿ ೫೦-೬೦ ಸಾವಿರ ವಿದ್ಯಾರ್ಥಿಗಳು ಇಲ್ಲಿ ಪದವಿ ಗಳಿಸುತ್ತಾರೆ.

ಸಮಿತಿಯು ತರುವ ಹಿಂದಿ ಪ್ರಚಾರ ವಾಣಿ ಮಾಸಿಕ ಮುಖ ಪತ್ರಿಕೆಯ ಸಂಪಾದಕಿಯಾಗಿ ಸಹ ಸೇವೆ ಸಲ್ಲಿಸುತ್ತಿದ್ದಾರೆ.  ೧೯೭೫ರಲ್ಲಿ ನಾಗಪುರದಲ್ಲಿ  ನಡೆದ ಪ್ರಥಮ ಹಿಂದಿ ವಿಶ್ವ ಸಮ್ಮೇಳನದಲ್ಲಿ ಭಾಗವಹಿಸಿದ್ದಾರೆ.

ಐದು ಪುಸ್ತಕಗಳನ್ನು ರಚಿಸಿರುವ ಶಾಂತಬಾಯಿ ಇಡೀ ದೇಶದಲ್ಲಿ ತಮ್ಮ ಪ್ರವಾಸ ಮಾಡುತ್ತಾರೆ, ಅನೇಕಾ ಬಾರಿ ಕೆನಡಾ ಪ್ರವಾಸದ ಜೊತೆಗೆ ಅಮೇರಿಕಾ, ದಕ್ಷಿಣ ಆಫ್ರಿಕಾ, ವಿದೇಶಗಳ ಪ್ರವಾಸ ಮಾಡಿದ್ದಾರೆ.  ಇವರ ಸುದೀರ್ಘ ಶಿಕ್ಷಣ ಸೇವೆಗೆ ಈ ಬಾರಿ ಸ್ತ್ರೀ ಜಾಗೃತಿ ಪತ್ರಿಕೆಯು  ಮಹಿಳಾ ದಿನಾಚರಣೆಯ ಅಂಗವಾಗಿ ಸೇವಾ  ಕ್ಷೇತ್ರದ ವತಿಯಿಂದ ಶ್ರೀಮತಿ.ಎಸ್.ಜಿ.ಸುಶೀಲಮ್ಮ -೨೦೧೫ ರಾಜ್ಯ ಪುರಸ್ಕಾರವನ್ನು ಡಿ ಇದೇ ಮಾರ್ಚ-೮ ರಂದು ಗೌರವಿಸಿದೆ.

೮ ಮಾರ್ಚ -೨೦೧೬[ಬದಲಾಯಿಸಿ]

ಶ್ರೀಮತಿ. ವಿಜಯಲಕ್ಷ್ಮೀ ಅರಸ್(ಸೇವಾ ಕ್ಷೇತ್ರ):[ಬದಲಾಯಿಸಿ]

ಮೈಸೂರು ಜಿಲ್ಲೆ, ಕೆ.ಆರ್. ನಗರ ತಾಲ್ಲೂಕಿನ ಬೇಡರಹಳ್ಳಿ ಗ್ರಾಮದ ವಿಜಯಲಕ್ಷ್ಮೀ ಅರಸ್,  ಮಹಿಳಾ ಶಕ್ತಿಯಾಗಿ, ಯುಕ್ತಿಯಾಗಿ, ಆದರ್ಶಪ್ರಾಯಳಾಗಿ, ಒಬ್ಬ ನಾಯಕಿಯಾಗಿ, ಸಮಾಜ ಸೇವಕಿಯಾಗಿ ತಮ್ಮನ್ನು ಗುರುತಿಸಿಕೊಳ್ಳಲು ಇಚ್ಛಿಸುವ ವಿಜಯಲಕ್ಷ್ಮಿ ಅರಸ್ ಆರ್ಥಿಕವಾಗಿ ಮತ್ತು ಸಾಮಾಜಿಕವಾಗಿ ಹಿಂದುಳಿದಿರುವ ಹಳ್ಳಿಗಳನ್ನು ದತ್ತು ತೆಗೆದುಕೊಂಡು ಅಭಿವೃದ್ಧಿ ಪಡಿಸಿದ್ದಾರೆ. ಪತಿ ಶಂಕರರಾಜೆ ಅರಸ್‌ರವರ ಪೂರ್ಣ ಬೆಂಬಲದೊಂದಿಗೆ ಗ್ರಾಮೀಣ ದೇಶದ ನೂರಾರು ಬಡ ಮಕ್ಕಳ ಜಾತಿ-ಲಿಂಗ ಬೇಧವಿಲ್ಲದೆ ವಿದ್ಯಾಭ್ಯಾಸ ಮಾಡಿಸಿರುತ್ತಾರೆ. ಹಳ್ಳಿಗಳಿಗೆ ಉತ್ತಮ ಕುಡಿಯುವ ರಿನ ಸೌಲಭ್ಯ ಮಾಡಿಸಿರುತ್ತಾರೆ. ಸರ್ಕಾರಿ ಸೌಲಭ್ಯಗಳ ವಂಚಿತರಿಗೆ, ಅವರಿಗೆ ಆ ಸೌಲಭ್ಯಗಳು ಮನೆ ಬಾಗಿಲುಗಳಿಗೆ ತಲುಪುವ ವ್ಯವಸ್ಥೆ ಮಾಡಿದ್ದಾರೆ. ಪರಿಸರ ಕ್ಷೇತ್ರದಲ್ಲಿ ಹಲವಾರು ಕೆಲಸಗಳನ್ನು ಮಾಡಿದ್ದಾರೆ. ಸಮಾಜಸೇವೆಯೇ ಬದುಕಿನ ಗಮ್ಯ ಹಾಗೂ ಧ್ಯೇಯ ಎಂಬ ಧೋರಣೆಯ ಆಶಯದೊಂದಿಗೆ ಸೇವೆ ಸಲ್ಲಿಸುತ್ತಿರುವ ಅಪರೂಪದ ಮಹಿಳಾಶಕಿ. ತಮ್ಮ ೭೨ರ ಹರೆಯದಲ್ಲೂ ಸಕ್ರಿಯವಾಗಿರುವ ವಿಜಯಲಕ್ಷ್ಮೀ ಅರಸ್ ಅವರಿಗೆ,  ಕೈತೋಟದಲ್ಲಿ ಮಾಡಿದ ಅಪರಿಮಿತ ಚಮತ್ಕಾರಕ್ಕೆ, ತೋಟಗಾರಿಕೆ, ಚಲನಚಿತ್ರ, ಹಲವಾರು ಸಮಾಜ ಸೇವಾ ಸಂಸ್ಥೆಗಳಿಂದ ಪ್ರಶಸ್ತಿ ಪುರಸ್ಕಾರಗಳು ಲಭಿಸಿವೆ. ಜಪಾನ್ ನಲ್ಲಿ ಬೆಸ್ಟ್ ಗಾರ್ಡಂಗ್ ಆಫ್ ಇಕೆಬಾನ್ ಪ್ರಶಸ್ತಿ ಲಭಿಸಿದೆ. ತಜವಾನ್‌ನ ಸಾಮಾಜಿಕ ಶಾಂತಿ ಪ್ರಶಸ್ತಿ ಲಭಿಸಿದೆ. ಅವರ ಸೇವೆ ರಂತರವಾಗಿ ಸದ್ದಿಲ್ಲದೇ ಸಾಗುತ್ತಿದೆ.

ಸ್ತ್ರೀ ಜಾಗೃತಿ ಪತ್ರಿಕೆಯು  ಪ್ರತಿ ವರ್ಷ ಕೊಡಮಾಡುವ ಸೇವಾ ಕ್ಷೇತ್ರದ ವತಿಯಿಂದ ಶ್ರೀಮತಿ.ಎಸ್.ಜಿ.ಸುಶೀಲಮ್ಮ -೨೦೧೬ ರಾಜ್ಯ ಪ್ರಶಸ್ತಿ ಯನ್ನು  ಈ ಬಾರಿ  ವಿಜಯಲಕ್ಷ್ಮೀ ಅರಸ್ ರವರ ಸೇವೆಯನ್ನು ಗುರುತಿಸಿ ಈ ಬಾರಿ ಮಹಿಳಾ ದಿನಾಚರಣೆಯ ಅಂಗವಾಗಿ ಇದೇ ಮಾರ್ಚ-೮ ರಂದು ಪ್ರಶಸ್ತಿ ನೀಡಿ ಗೌರವಿಸಿದೆ.

ಶ್ರೀಮತಿ ಯಮುನಾ ಮೂರ್ತಿ(ಮಾಧ್ಯಮ ಕ್ಷೇತ್ರ):[ಬದಲಾಯಿಸಿ]

೧೯೬೩ರಲ್ಲಿ ನಾಟಕ ಕಲಾವಿದೆಯಾಗಿ ಬೆಂಗಳೂರು ಆಕಾಶವಾಣಿಗೆ ಆಯ್ಕೆಯಾದಾಗ ವೃತ್ತಿಪ್ರವೃತ್ತಿ ಎರಡೂ ಒಂದೇ.  ೧೯೬೬ರಲ್ಲಿ ಆಕಾಶವಾಣಿ ಧಾರವಾಡಕ್ಕೆ ವರ್ಗವಾಗಿ, ೨೩ವರ್ಷಗಳ ಕಾಲ ನಾಟಕಗಳಿಗೆ ಧ್ವಯಾಗಿ, ರ್ಮಾಪಕರಾಗಿ ಆಗಿ ಸೇವೆಸಲ್ಲಿಸಿ, ಸಾಕಷ್ಟು ನಾಟಕಗಳನ್ನು ಪ್ರಸ್ತುತಪಡಿಸಿ, ಸುಮಾರು ೫೦ ಬಾನುಲಿ ನಾಟಕಗಳನ್ನು ರಚಿಸಿ ಹೆಸರುಗಳಿಸಿದರು. ಹೊಸ ಪ್ರಯೋಗಗಳನ್ನು ಮಾಡುವುದರಲ್ಲಿ ಇವರಿಗೆ ಬಹಳ ಆಸಕ್ತಿ.

ಹುಟ್ಟಿದ್ದು ಬೆಂಗಳೂರಿನಲ್ಲಿ ಮಾರ್ಚ್ ೮ನೇ ತಾರೀಖು ೧೯೩೩. ಬಿ.ಎಸ್.ಸಿ ವಿಜ್ಞಾನ ಪದವೀಧರೆಯಾದ ಇವರ ಮಾಸ್ತಿಯವರ ಕಿರುಗತೆಯನ್ನಾಧರಿಸಿದ ಬಾನುಲಿ ನಾಟಕ ಬ್ಯೆಚೇಗೌಡ ಮತ್ತು ಡಾ.ಕೃಷ್ಣಮೂರ್ತಿ ಪುರಾಣಿಕ್‌ರವರ ಕಿರುಗತೆಯ ಬಾನುಲಿ ರೂಪ ಶಹನಾಯಿ ಎರಡೂ,  ಹಿಂದಿ ಭಾಷೆಯಲ್ಲಿ ಭಾರತದ ಎಲ್ಲ ಬಾನುಲಿ ಕೇಂದ್ರಗಳಿಂದಲೂ ಪ್ರಸಾರಗೊಂಡವು. ೧೯೯೧ರಲ್ಲಿ ಸಹಾಯಕ ಕೇಂದ್ರ ರ್ದೇಶಕಿಯಾಗಿ ಬೆಂಗಳೂರಿನ ಆಕಾಶವಾಣಿಯಲ್ಲಿ  ವೃತ್ತಿಯಾದರು. ಉತ್ತಮ ರ್ದೇಶನಕ್ಕಾಗಿ ೬ ಬಾರಿ, ಅಖಿಲ ಭಾರತ ಆಕಾಶವಾಣಿ ವಾರ್ಷಿಕ ಸ್ಪರ್ಧೆಯಲ್ಲಿ, ಬಹುಮಾನ ಹಾಗೂ ಪ್ರಶಸ್ತಿ ಪಡೆದಿದ್ದಾರೆ.

ಇವರು ಬರೆದ ಲಘು ಭಾಷಣ ಲಟ್ಟಣಿಗೆ ಪುರಾಣ, ಕೆಲವು ವರ್ಷಗಳ ಹಿಂದೆ ಆಕಾಶವಾಣಿ ಬೆಂಗಳೂರಿಂದ ಪ್ರಸಾರವಾಗಿದ್ದು, ೬ವರ್ಷಗಳಿಂದ ೧೦ನೇ ತರಗತಿ ಕನ್ನಡ ಪುಸ್ತಕದಲ್ಲಿ ಸೇರ್ಪಡೆಯಾಗಿರುವುದು ಹೆಮ್ಮೆಯ ವಿಷಯ.

ಮಕ್ಕಳಿಗೆ ಕಥೆ ಹೇಳುವುದೂ ಇವರ ಊobbies ಗಳಲ್ಲಿ ಒಂದು. ಇವರ ಸುದೀರ್ಘ ಮಾಧ್ಯಮ ಮತ್ತಯ ಕಲಾ ಸೇವೆಗೆ ಈ ಬಾರಿ ಸ್ತ್ರೀ ಜಾಗೃತಿ ಪತ್ರಿಕೆಯು  ಮಹಿಳಾ ದಿನಾಚರಣೆಯ ಅಂಗವಾಗಿ ಸೇವಾ  ಕ್ಷೇತ್ರದ ವತಿಯಿಂದ ಶ್ರೀಮತಿ.ಎಸ್.ಜಿ.ಸುಶೀಲಮ್ಮ -೨೦೧೬ ರಾಜ್ಯ ಫ್ರಶಸ್ತಿ ಡಿ ಇದೇ ಮಾರ್ಚ-೮ ರಂದು ಗೌರವಿಸಿದೆ.

ಹದಿ ಹರೆಯದ ಸಮಸ್ಯೆಗಳಲ್ಲಿ ಸಿಲುಕಿದ ಮಕ್ಕಳು ಎಷ್ಟು ಸುರಕ್ಷಿತ? - ಚರ್ಚೆ[ಬದಲಾಯಿಸಿ]

ಅಂತರಾಷ್ಟ್ರೀಯ ಮಹಿಳಾ ದಿನಾಚರಣೆಯ ಪ್ರಯುಕ್ತ ಇಂದು ಮಾರ್ಚ ೮ ೨೦೧೫ ರಂದು ಬೆಳಿಗ್ಗೆ ೧೦ ೩೦ ಕ್ಕೆ ಹದಿ ಹರೆಯದ ಸಮಸ್ಯೆಗಳಲ್ಲಿ ಸಿಲುಕಿದ ಮಕ್ಕಳು ಎಷ್ಟು ಸುರಕ್ಷಿತ ಎಂಬ ಮತ್ತು ಹಲವು ಸಾಧಕಿಯರ ಗಾಥೆಗಳನ್ನೊಳಗೊಂಡ ಸ್ತ್ರೀ ಜಾಗೃತಿ ಪತ್ರಿಕೆಯ ವಿಶೇಷ ಸಂಚಿಕೆ ಬಿಡುಗಡೆ ಸಮಾರಂಭ ವಿಚಾರ ಸಂಕಿರಣ ಮತ್ತು ಸೇವಾ ಕ್ಷೇತ್ರದಲ್ಲಿ ಹಾಗೂ ಮಾಧ್ಯಮ ಕ್ಷೇತ್ರದಲ್ಲಿ ತಮ್ಮನ್ನೇ ಅರ್ಪಿಸಿಕೊಂಡು ಅಗಾಧ ಸಾಧನೆ ಮಾಡಿದ ಇಬ್ಬರು ಮಹಿಳೆಯರಿಗೆ ಶ್ರೀಮತಿ ಎಸ್ ಜಿ ಸುಶೀಲಮ್ಮ ರಾಜ್ಯ ಪುರಸ್ಕಾರ ಪ್ರಶಸ್ತಿ ಪ್ರದಾನ ಸಮಾರಂಭ ನಡೆಯಿತು.

ಹಿರಿಯ ನ್ಯಾಯವಾದಿಗಳಾದ ಶ್ರೀಮತಿ ಮಂಗಳಾಂಬಾ ರಾವ್ ಅವರು ಎಲ್ಲ ಅತಿಥಿ ಅಭ್ಯಾಗತರನ್ನು ಸ್ವಾಗತಿಸಿದರೆ, ಸ್ತ್ರೀ ಜಾಗೃತಿ ಪತ್ರಿಕೆ ಸಂಪಾದಕರಾದ ಶ್ರೀಮತಿ ಶೋಭಾ.ಹೆಚ್.ಜಿ ಅವರು ಪ್ರಾಸ್ತಾವಿಕ ನುಡಿಗಳನ್ನು ಆಡಿದರು ಹಾಗೂ ಪತ್ರಿಕೋದ್ಯಮ ಮತ್ತು ಪತ್ರಕರ್ತರ ಪ್ರಸ್ತುತ ಪರಿಸ್ಥಿತಿ ಹಾಗೂ ಪತ್ರಕರ್ತರನ್ನು ನೋಡುವ ದೃಷ್ಟಿಕೋನದ ಕುರಿತು ತಮ್ಮ ಮನದ ನೋವನ್ನು  ಹಂಚಿಕೊಂಡರು.

ಚಾಮರಾಜ ಪೇಟೆಯ ಕನ್ನಡ ಸಾಹಿತ್ಯ ಪರಿಷತ್ ಸಭಾಂಗಣದಲ್ಲಿ ಕರ್ನಾಟಕ ಸರ್ಕಾರದ ಮಾನ್ಯ ಉಪಲೋಕಾಯುಕ್ತರಾದ ನ್ಯಾಯಮೂರ್ತಿ ಶ್ರೀ ಎಸ್ ಬಿ ಮಜ್ಜಿಗೆ ಅವರು ಉದ್ಘಾಟಿಸಿದ ಬೃಹತ್ ಕಾರ್ಯಕ್ರಮಕ್ಕೆ ನೂರಾರು ಜನರು ಸಾಕ್ಷಿಯಾದರು. ಇದೇ ವೇಳೆ ಭಾರತಾಂಬೆಗೆ ಪೂಜೆ ಸಲ್ಲಿಸಿ ಪುಷ್ಪಾರ್ಚನೆ ಮಾಡುವ ಮೂಲಕ ಸಭೆಗೆ ವಿಶೇಷತೆಯನ್ನು ಕಲ್ಪಿಸಲಾಯಿತು.

ಉದ್ಘಾಟನಾ ಭಾಷಣವನ್ನು ಮಾಡಿದ ನ್ಯಾಯಮೂರ್ತಿ ಶ್ರೀ ಎಸ್ ಬಿ ಮಜ್ಜಿಗೆ ಅವರು ಸಮಸ್ಯೆ ಎಲ್ಲರಲ್ಲಿ ಎಲ್ಲ ಸ್ತರಗಳಲ್ಲಿ ಇರುತ್ತೆ ಆದರೆ ಅದಕ್ಕೆ ಪರಿಹಾರ ಕಂಡುಕೊಳ್ಳುವುದು ನಮ್ಮ ಕೈಲಿದೆ. ವಯಸ್ಸಿನ ಅಂತರ, ಜನರೇಶನ್ ಗ್ಯಾಪ್ ನಡುವೆ ಕೂಡಾ ಸಾಮರಸ್ಯ ಸಾಧ್ಯ, ಮಕ್ಕಳನ್ನು ವಿಶ್ವಾಸಕ್ಕೆ ತೆಗೆದುಕೊಂಡು ಸರಿದಾರಿ ತೋರುವುದು ಅವಶ್ಯ ಎಂದು ಕಿವಿ ಮಾತು ಹೇಳಿದರು.

ಹಿಂದಿ ಭಾಷೆಯ ಬೆಳವಣಿಗೆ ಮತ್ತು ಮಕ್ಕಳಿಗೆ ಹಿಂದಿ ಭಾಷೆಯನ್ನು ಕಲಿಸುವ ನಿಟ್ಟಿನಲ್ಲಿ ಜೀವನವನ್ನೇ ಮುಡಿಪಾಗಿಟ್ಟು ಅಗಾಧ ಸೇವೆ ಸಲ್ಲಿಸಿದ ಶ್ರೀಮತಿ ಬಿ ಎಸ್ ಶಾಂತಾಬಾಯಿಯವರ ಸೇವೆಯನ್ನು ಗುರುತಿಸಿ ಶ್ರೀಮತಿ.ಎಸ್.ಜಿ.ಸುಶೀಲಮ್ಮ -೨೦೧೫ ರಾಜ್ಯ ಪುರಸ್ಕಾರವನ್ನು ನೀಡಿ ಗೌರವಿಸಲಾಯಿತು. ಹಟ್ಟಿ ಚಿನ್ನದ ಗಣಿ ಅಧ್ಯಕ್ಷರಾದ ಶ್ರೀಮತಿ ರಾಣಿ ಸತೀಶ್ ಅವರು ಪ್ರಶಸ್ತಿ ಪ್ರದಾನ ಮಾಡಿದರು. ತಮಗೆ ನೀಡಿದ ಪ್ರಶಸ್ತಿಯ ಗೌರವ ಧನವನ್ನು ಶಾಂತಾಬಾಯಿಯವರು ಸ್ತ್ರೀ ಜಾಗೃತಿ ಪತ್ರಿಕೆ ಬೆಳವಣಿಗೆಗೆ ಬಳಸಬೇಕೆಂದು ಅರ್ಪಿಸಿದರೆ  ಧನರಾಶಿಯನ್ನು ಹಿಂದಿ ಕಲಿಯುವ ಆಸಕ್ತ ಮಕ್ಕಳಿಗಾಗಿ ವಿನಿಯೋಗಿಸಬೇಕಾಗಿ ವಿನಯದಿಂದ ಸ್ತ್ರೀ ಜಾಗೃತಿ ಪತ್ರಿಕೆ ಸಂಪಾದಕರಾದ ಶ್ರೀಮತಿ ಶೋಭಾ ಅವರು ಮರಳಿ ಶ್ರೀಮತಿ ಬಿ ಎಸ್ ಶಾಂತಾಬಾಯಿಯವರಿಗೆ ತಲುಪಿಸಿದ್ದು ಹೆಣ್ಣಿನ ಮಮತೆಯೇ ಮೂರ್ತವೆತ್ತತ್ತಿಂತು. ಶಾಂತಾಬಾಯಿಯವರು ತಮ್ಮ ಸುದೀರ್ಘ ಜೀವನಾನುಭವವನ್ನು ಸಭಿಕರೊಂದಿಗೆ ಹಂಚಿಕೊಂಡರು.

ಆಕಾಶವಾಣಿಯ ವಿವಿಧ ವಿಭಾಗಗಳಲ್ಲಿ ಕಾರ್ಯನಿರ್ವಹಿಸುವ ಮೂಲಕ ಮತ್ತು ಹೆಚ್.ಐ.ವಿ.ಏಡ್ಸ್ ಪೀಡಿತರ ಮಧ್ಯೆ ಕೆಲಸ ಮಾಡುವವರಿಗೆ ಅರಿವು ಕಾರ್ಯಾಗಾರಗಳನ್ನು ನಡೆಸಿ ಸಮಾಜಕ್ಕೆ ತಮ್ಮದೇ ರೀತಿಯಲ್ಲಿ ಸೇವೆ ಸಲ್ಲಿಸಿದ ಶ್ರೀಮತಿ ಇಂದು ರಮೇಶ್ ಅವರಿಗೆ ಕೂಡಾ ಶ್ರೀಮತಿ.ಎಸ್.ಜಿ.ಸುಶೀಲಮ್ಮ -೨೦೧೫ ರಾಜ್ಯ ಪುರಸ್ಕಾರವನ್ನು ನೀಡಿ ಗೌರವಿಸಲಾಯಿತು. ಇಂದು ರಮೇಶ್ ಅವರು ಕೂಡಾ ತಮ್ಮ ಸಾಧನೆಯನ್ನು ಗುರುತಿಸಿ ಸನ್ಮಾನಿಸಿದ್ದನ್ನು ಮನಸಾರೆ ಸ್ವೀಕರಿಸಿ ಅತ್ಯಂತ ಮುಗ್ಧತೆಯಿಂದ ತಮ್ಮದು ಸಾಧನೆಯೇನೂ ಅಲ್ಲ ಅಳಿಲು ಸೇವೆ ಮಾತ್ರ ಎಂದು ನುಡಿದರು.

ಪ್ರಶಸ್ತಿ ಪ್ರದಾನ ಮಾಡಿದ ಹಟ್ಟಿ ಚಿನ್ನದ ಗಣಿ ಅಧ್ಯಕ್ಷರು ಶ್ರೀಮತಿ ರಾಣಿ ಸತೀಶ್ ಅವರು ತಾವು ಇಂಥ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದು ತುಂಬ ಸಂತೋಷ ಮತ್ತು ಹೆಮ್ಮೆ ಎನಿಸುತ್ತಿದೆ ಅಲ್ಲದೆ ಎಲ್ಲ ಹೆಣ್ಣು ಮಕ್ಕಳಿಗೂ ಆರಂಭದಲ್ಲಿ ಅವಮಾನ ಸಹಜ. ಸಾಧನೆಯ ಹಾದಿಯಲ್ಲಿ ನಡೆಯುವವರು ಅದಕ್ಕೆ ಜಗ್ಗದೇ ಮುನ್ನಡೆದಾಗ ಅದೇ ಜನರಿಂದ ಅಭಿಮಾನ ವ್ಯಕ್ತವಾಗತ್ತೆ ಮುಂದೊಂದು ದಿನ ಸನ್ಮಾನವೂ ಲಭಿಸತ್ತೆ ಎಂದು ಎಲ್ಲರಲ್ಲಿ ಜೀವನೋತ್ಸಾಹ ತುಂಬಿದರು. ಅಲ್ಲದೇ ಮನೆ, ಮಕ್ಕಳ ಜವಾಬ್ದಾರಿ ಜೊತೆಗೆ ತನ್ನತನ ಉಳಿಸಿಕೊಂಡು ಜೀವಿಸುತ್ತಿರುವ ಪ್ರತಿ ಗೃಹಿಣಿ ಕೂಡಾ ಯಾವ ಮುಖ್ಯ ಮಂತ್ರಿ, ಪ್ರಧಾನ ಮಂತ್ರಿಗೆ ಕಮ್ಮಿಯಿಲ್ಲ ಎಂದು ಹೆಮ್ಮೆಯಿಂದ ಹೇಳಿದರು.

ಸ್ತ್ರೀ ಜಾಗೃತಿ ಪತ್ರಿಕೆಯ ವಿಶೇಷ ಸಂಚಿಕೆಯನ್ನು ನಿವೃತ್ತ ನ್ಯಾಯಾಧೀಶರಾದ  ಶ್ರೀ ಎಸ್ ಎನ್ ಕೆಂಪಗೌಡರ್ ಬಿಡುಗಡೆ ಮಾಡಿದರು. ನಂತರ ಮಾತನಾಡಿದ ಅವರು ವಾಸ್ತವ ಅಂಶಗಳನ್ನು ಅರಿತು ಎಲ್ಲರೂ ವಾಸ್ತದಲ್ಲಿ ಜೀವನ ಮಾಡಿದರೆ ಸಮಸ್ಯೆಗಳಿಗೆ ಸ್ಥಳವೇ ಇರುವುದಿಲ್ಲ ಎಂದು ನುಡಿದರು.

ಇದೇ ಸಂದರ್ಭದಲ್ಲಿ ಅರುಣ ಉದಂiiಭಾಸ್ಕರ್ ಅವರು ಬರೆದ ಮಾತೃಭಾಷೆ ಶಿಕ್ಷಣದ ಮಹತ್ವ ಕುರಿತ ಪುಸ್ತಕವನ್ನು ಶ್ರೀಮತಿ.ಎಸ್.ಜಿ.ಸುಶೀಲಮ್ಮ ಬಿಡುಗಡೆ ಮಾಡಿ ಯುವ ಬರಹಗಾರರಿಗೆ ಶುಭ ಹಾರೈಸಿದರು.

ನೆರೆ ರಾಜ್ಯಗಳಲ್ಲಿದ್ದಾಗ ಭಾಷಾ ಸಮಸ್ಯೆ ಎಷ್ಟು ಗಾಢವಾಗಿ ತಮ್ಮನ್ನು ಕಾಡಿತ್ತು ಮತ್ತು ಅದೇ ಈ ಪುಸ್ತಕ ಬರೆಯಲು ಪ್ರೇರಣೆಯಾಯಿತು ಎಂದು ಮಾತೃಭಾಷೆ ಶಿಕ್ಷಣದ ಮಹತ್ವ ಪುಸ್ತಕದ ಲೇಖಕಿ ಅರುಣ ಉದಂiiಭಾಸ್ಕರ್ ತಮ್ಮ ಅನುಭವ ಹಂಚಿಕೊಂಡರು.

ಹದಿ ಹರೆಯದ ಸಮಸ್ಯೆಗಳಲ್ಲಿ ಸಿಲುಕಿದ ಮಕ್ಕಳು ಎಷ್ಟು ಸುರಕ್ಷಿತ ಎಂಬ ವಿಷಯ ಪ್ರಸ್ತಾವನೆ ಮಾಡಿದ ಬೆಂಗಳೂರಿನ ಅಂತರಾಷ್ಟ್ರೀಯ ಮಾಹಿತಿ ತಂತ್ರಜ್ಞಾನ ಸಂಸ್ಥೆ ಕುಲಸಚಿವರಾದ ಶ್ರೀ ವಿ ಎಸ್ ಪ್ರಕಾಶ್ ಅವರು ಆಧುನಿಕತೆ ಜೊತೆಗೆ ಹೆಜ್ಜೆ ಹಾಕುತ್ತಲೇ ನಾವು ಇಂದಿನ ಪೀಳಿಗೆಯ ಮನಸ್ಥಿತಿ ಜೊತೆಗೆ ಹೊಂದಿಕೊಳ್ಳುತ್ತಾ ಅವರಿಗೆ ಸರಿ ದಾರಿ ತೋರುವ ಅವಶ್ಯಕತೆಯಿದೆ ಅಲ್ಲದೆ ಅವರಿಂದಲೂ ನಾವು ಕಲಿಯುವ ಅವಶ್ಯಕತೆಯಿದೆ ಎಂದು ಕಿವಿಮಾತು ಹೇಳಿದರು

ವಿಷಯ ಮಂಡನೆ ಮಾಡಿದ ಬೆಂಗಳೂರಿನ ಜಿಲ್ಲಾ ಯುವ ಸಬಲೀಕರಣ, ಕ್ರೀಡಾ ಇಲಾಖೆ ಸಹಾಯಕ ನಿರ್ದೆಶಕರಾದ ಎಂ ಎಲ್ ದೇವಿಕಾ ಅವರು ತಮ್ಮ ಖಾಸಗಿ ಜೀವನದ ಘಟನೆಗಳನ್ನೇ ಉದಾಹರಣೆಯಾಗಿ ನೀಡಿ ಹದಿಹರೆಯದವರಿಗೆ ಸ್ವಂತ ನಿರ್ಧಾರಗಳನ್ನು ತೆಗೆದುಕೊಳ್ಳಲು ಅವಕಾಶ ನೀಡಬೇಕು ಆದರೆ ತಮ್ಮ ಇತಿಮಿತಿಗಳ ಸಂಸ್ಕೃತಿ ಸಂಸ್ಕಾರಗಳ ಪರಿಚಯವನ್ನೂ ನೀಡಬೇಕು ಎಂದು ತಿಳಿಸಿದರು.

ಆಗಮಿಸಿದ ಎಲ್ಲ ಸಭಿಕರಿಗೂ ಹದಿ ಹರೆಯದ ಸಮಸ್ಯೆಗಳಲ್ಲಿ ಸಿಲುಕಿದ ಮಕ್ಕಳು ಎಷ್ಟು ಸುರಕ್ಷಿತ ಎಂಬ ವಿಷಯ ಕುರಿತು ಚರ್ಚೆಯಲ್ಲಿ ಪಾಲ್ಗೊಳ್ಳಲು ಅವಕಾಶ ಕಲ್ಪಿಸಲಾಯಿತು.

ಉತ್ಸಾಹದಿಂದ ಪಾಲ್ಗೊಂಡ ಸಭಿಕರು ತಮ್ಮ ಅನಿಸಿಕೆ ಅಭಿಪ್ರಾಯ ಸಲಹೆಗಳನ್ನು ಹಂಚಿಕೊಂಡರು.

ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದ ಸುಮಂಗಲಿ ಸೇವಾ ಆಸ್ರಮದ ಅಧ್ಯಕ್ಷರೂ ಆದ ಶ್ರೀಮತಿ.ಎಸ್.ಜಿ.ಸುಶೀಲಮ್ಮ ಅವರು ಅಧ್ಯಕ್ಷೀಯ ಭಾಷಣ ಮಾಡಿ ಆಗಮಿಸಿದ ಎಲ್ಲ ಅತಿಥಿ ಅಭ್ಯಾಗತರ ಮಾತುಗಳನ್ನು ಮೆಲುಕು ಹಾಕಿ ಧನ್ಯವಾದ ಅರ್ಪಿಸಿದರಲ್ಲದೆ ಪತ್ರಿಕೆ ಎಲ್ಲ ಅಡೆತಡೆಗಳನ್ನು ಮೀರಿ ಬೆಳೆಯಲಿ ಅದನ್ನು ಬೆಳೆಸುವ ಶಕ್ತಿಯನ್ನು ಸರ್ವರೂಪದಲ್ಲೂ ಭಗವಂತ ಕರುಣಿಸಲಿ ಎಂದು ಹರಸಿದರು.

- ವರದಿ: ರೇಖಾ ಸತ್ಯ

ಸಂಪಾದಕೀಯ - ನವಂಬರ್ -2016[ಬದಲಾಯಿಸಿ]

ಮಹಿಳಾ ಜಾತಿಯನ್ನೇ ದಲಿತವೆಂದು ನೋಡುವ ಪುರುಷ ವರ್ಗ :  ಮಹಿಳೆಯರಲ್ಲಿ  ಮತ್ತೇ ದಲಿತ ಜಾತಿಯೆಲ್ಲಿ...?[ಬದಲಾಯಿಸಿ]

ದೇಶದ ಅಭಿವೃದ್ಧಿಯಲ್ಲಿ ಮಹಿಳೆಯರ ಪಾತ್ರ ಮಹತ್ವದ್ದಾಗಿದ್ದು, ಇಂತಹ ಮಹಿಳೆಯರನ್ನು ಕೀಳಾಗಿ ಕಾಣಬೇಡಿ. ಭಾರತದಲ್ಲಿ ಮಹಿಳೆಯರ ಸ್ಥಾನಮಾನ ಅತ್ಯಂತ ಕೆಟ್ಟದಾಗಿದ್ದು, ೧೮ನೇ ಶತಮಾನದ ಸ್ತ್ರೀಯರ ಸ್ಥಾನಮಾನಕ್ಕೂ ಈಗಿನ ೨೧ನೇ ಶತಮಾನದ ಸ್ತ್ರೀಯರ ಸ್ಥಾನಮಾನಕ್ಕೂ ಯಾವುದೇ ವ್ಯತ್ಯಾಸವಿಲ್ಲ ಎಂದು  ಇತ್ತೀಚೆಗೆ ನಮ್ಮ ದೇಶದ ಪ್ರಧಾನ ಮಂತ್ರಿ ಮೋದಿಯವರು ಹೇಳಿದರು.

ಕೇವಲ ಮೋದಿಯವರಷ್ಟೇ ಅಲ್ಲ ವಚನ ಕಾಲ ೧೨ನೇ ಶತಮಾನದಲ್ಲಿ ಕೂಡಾ ಶಿವಶರಣರ ಆಲೋಚನೆಗಳು ಸಮತಾ ದೃಷ್ಟಿಯಿಂದ ಕೂಡಿದ್ದವು. ಯಾವುದೇ ಜೀವಿಯಲ್ಲಿ ಅವರು ತಾರತಮ್ಯ ಭಾವನೆಯನ್ನು ವ್ಯಕ್ತಪಡಿಸದೆ ಸಮಾನತೆಯಿಂದ ಕಂಡರು. ಗಂಡಿರಲಿ, ಹೆಣ್ಣಿರಲಿ ಅವರ ವ್ಯಕ್ತಿತ್ವದ ಆಧಾರದ ಮೇಲಿಂದ ಗುರುತಿಸಿದರು. ಸಮಾನ ಕಾಯಕ, ಸಮಾನವಾದ ಮಾನಸಿಕ ನೆಮ್ಮದಿಯನ್ನು ಪಡೆಯಲು ದಾಸೋಹವನ್ನು ರೂಢಿಗೆ ತಂದರು. ಹೀಗಾಗಿ ಶಿವಶರಣರ ವಚನಗಳಲ್ಲಿ ಮಹಿಳಾ ಸಂವೇದನೆಗಳು ಹಾಸು ಹೊಕ್ಕಾಗಿರುವುದನ್ನು ಕಾಣುತ್ತೇವೆ.  ೧೨ನೇ ಶತಮಾನದಲ್ಲಿ ಸಾಕ್ಷರತೆ ಅಷ್ಟಾಗಿ ಇಲ್ಲದಿದ್ದರೂ ಅನುಭವ ಮಂಟಪದಲ್ಲಿ ೩೦ಕ್ಕೂ ಹೆಚ್ಚು ಮಹಿಳಾ ವಚನಕಾರರು ಇದ್ದರು. ಅವರು ವಚನ ಸಾಹಿತ್ಯಕ್ಕೆ ಅಪಾರ ಕೊಡುಗೆ ನೀಡಿದ್ದಾರೆ. ತೊಟ್ಟಿಲು ತೂಗುವ ಕೈ ದೇಶವನ್ನೇ ಮುನ್ನಡೆಸಬಲ್ಲದು ಎಂಬುದನ್ನು ೧೨ನೇ ಶತಮಾನದಲ್ಲೇ ಸಾಕಷ್ಟು ಮಹಿಳಾಮಣಿಗಳು ಸಾಧಿಸಿ ತೋರಿಸಿದ್ದಾರೆ

ಕಾಲಾನಂತರ ಸ್ವಾತಂತ್ರ್ಯ ಪೂರ್ವದ ಸಮಯದಲ್ಲಿ ಹೆಣ್ಣನ್ನು(ಎಲ್ಲರೂ) ಎಲ್ಲೋ ಒಂದು ಕಡೆ ಶೋಷಿಸುತ್ತಾರೆ, ತುಳಿತಕ್ಕೊಳಪಡುತ್ತಾಳೆ ಎಂದಾಗ ೧೯೮೦ರ ನಂತರ ಸ್ತ್ರೀ ಸಮಾನತೆಯ ಚಳಿವಳಿಗಳು, ಹೋರಾಟಗಳು, ಆರಂಭವಾದವು.  ಅಗಲೂ ಮಹಿಳೆ ಅಂದರೆ ಎಲ್ಲರೂ, ಅಲ್ಲಿ ದಲಿತ ಮಹಿಳೆ ಬೇರೆ ಇರಲಿಲ್ಲ.  ಇತ್ತೀಚೆಗೆ ಮೈಸೂರಿನಲ್ಲಿ ನಡೆದ ದಲಿತಾ ಮಹಿಳಾ ಸಮ್ಮೇಳನವೊಂದನ್ನು (ಒಳಪುಟದಲ್ಲಿ ವರದಿಯಿದೆ) ಈ ಬಾರಿಯ ಸಂಪಾದಕೀಯಕ್ಕೆ ವಸ್ತುವೊಂದನ್ನು ಒದಗಿಸಿಕೊಟ್ಟಿದೆ.

ಭಾರತೀಯ ಸಂಸ್ಕೃತಿಯಲ್ಲಿ ಮಹಿಳೆಗೆ ಅತ್ಯಂತ ಉನ್ನತ ಸ್ಥಾನವಿದೆ. ಆದರೆ ನಮ್ಮ ಸಮಾಜದಲ್ಲಿರುವ ಹಲವು ಕೆಟ್ಟ ಸಂಪ್ರದಾಯಗಳು ಮಹಿಳೆಯರನ್ನು ದೌರ್ಜನ್ಯಕ್ಕೆ ದೂಡುತ್ತಿವೆ. ಭಾರತೀಯ ಸಾಮಾಜಿಕ ವ್ಯವಸ್ಥೆಯಲ್ಲಿ ಪುರುಷ ಮಹಿಳೆಯನ್ನು ಶೋಷಣೆಗೆ ಗುರಿಮಾಡಿದನು. ಕಾಲ್ಪನಿಕ ವಿಚಾರಗಳನ್ನು ಸೃಷ್ಟಿ ಮಾಡುವುದರ ಮೂಲಕ ಅವಳ ಸುತ್ತ ಹೀಗೆ ಇರಬೇಕೆಂಬ ವೇದ ಶಾಸ್ತ್ರಗಳ ಮೂಲಕ ದಿಗ್ಬಂದನವನ್ನು ಹಾಕಿದನು. ತತ್ಪರಿಣಾಮವಾಗಿ ಭಾರತೀಯ ನಾರಿ ಪುರುಷನ ದೃಷ್ಟಿಯಲ್ಲಿ ಬಲಹೀನಳಾದಳು.  ಅಂದಿನ ಕಾಲಘಟ್ಟದಲ್ಲಿ ಮಹಿಳೆ ಪುರುಷನ ದೃಷ್ಟಿಯಲ್ಲಿ ಭೋಗದ ಮತ್ತು ಅಲಂಕಾರದ ವಸ್ತುವಾಗಿ ಪರಿಣಮಿಸಿದಳು.

ಪುರುಷರಿಗಿಂತಲೂ ಸ್ತ್ರೀ ಅತ್ಯಂತ ಸಾರ್ಥಕದ ಬದುಕನ್ನು ಈ ಸಮಾಜದಲ್ಲಿ ನಡೆಸಬಹುದಾಗಿದೆ.  ಅದಕ್ಕೆ ಅನೇಕ ವ್ಯಕ್ತಿನಿದರ್ಶನಗಳನ್ನು ನಾವು ನೀಡಬಹುದಾಗಿದೆ.  ಸ್ವತಃ ಮಹಿಳೆಗೆ ಇಚ್ಛಾಶಕ್ತಿ ಬೇಕಿದೆಯಷ್ಟೇ.  ೧೨ನೇ ಶತಮಾನದಲ್ಲಿ ಅಂದಿನ ಸಂಪ್ರದಾಯ ಸಮಾಜವನ್ನು ಧಿಕ್ಕರಿಸಿ ನಡೆದ ಅಕ್ಕಮಹಾದೇವಿ  ನಂತರದಲ್ಲಿ  ಮಧ್ಯಪ್ರದೇಶದಲ್ಲಿ ಮೀರಾ, ತಮಿಳುನಾಡಿನ ಅಂಡಾಳ್, ಕಾಶ್ವೀರದ ಲಲ್ಲೇಶ್ವರಿ ಇರಬಹುದು.  ಹಾಗೆಯೇ  ಸ್ವಾತಂತ್ರ್ಯ ಪೂರ್ವದಲ್ಲಿ  ಹೋರಾಟದಲ್ಲಿ, ಚಳುವಳಿಯಲ್ಲಿ ಭಾಗವಹಿಸಿದವರು ಮಹಿಳೆ ಮತ್ತು ಮಹಿಳಾ ಶಕ್ತಿ ಅಷ್ಟೇ. ಅಲ್ಲೇನು ದಲಿತ ಮಹಿಳೆ ಎಂದಿರಲಿಲ್ಲ.

ಸ್ತ್ರೀ ಮತ್ತು ಪುರುಷರನ್ನು ನಾವು ನೋಡಬೇಕೆ ವಿನ: ದೈಹಿಕವಾಗಿ ಮಾನವನನ್ನು ಗುರುತಿಸುವುದು ಮುಖ್ಯವಲ್ಲ. ಮಾನಸಿಕವಾಗಿ ಆ ವ್ಯಕ್ತಿ ಉತ್ತಮನೋ ಅಥವಾ ಇಲ್ಲವೋ ಎಂಬುದನ್ನು ಗುರುತಿಸಬೇಕು. ದೈಹಿಕವಾಗಿ ಭೇದ-ಭಾವ ಮಾಡುವುದನ್ನು ಅಂದೇ ಶಿವಶರಣರು ಖಂಡಿಸುವುದರ ಮೂಲಕ ತೆಗೆದುಹಾಕಿದರು. ಲಿಂಗ ಭೇದ ಮಾಡುವುದು ಮಾನವನಿಗೆ ಶೋಭೆ ತರುವಂಥದಲ್ಲವೆಂಬ ಸಂದೇಶವನ್ನು ಸಾರಿದ್ದರು. ಆ ಮೂಲಕ ಮಾನವ ಸಮಾನತೆಗೆ ಹೆಚ್ಚು ಬೆಲೆಯನ್ನು ಕೊಟ್ಟರು.

ಆದರೆ ತದನಂತರ ಕೆಲವು  ಪಟ್ಟಭದ್ರ ಹಿತಾಸಕ್ತಿಗಳ, ಸಂಪ್ರದಾಯವಾದಿಗಳ  ಹಿಡಿತದಲ್ಲಿ ಸಿಕ್ಕ ಮಹಿಳೆ ನಲುಗಿದಳು.  ಅಂತಹ ಎಲ್ಲರ ವಿರುದ್ಞ ನಾವಿವತ್ತು ಹೋರಾಡಬೇಕಿದೆಯೇ ಹೊರತು, ಅದರಲ್ಲಿ ಮತ್ತೇ ದಲಿತ ಮಹಿಳಾ ಗುಂಫು ಎನ್ನುವುದು ಬೇಕೇ..? ಎನ್ನುವ ಪ್ರಶ್ನರ ಏಳುತ್ತದೆ.

ಇನ್ನು ಮಹಿಳಾ ಮೀಸಲಾತಿಗಾಗಿ ಹೋರಾಡುತ್ತಿರುವ ಸಂದರ್ಭದಲ್ಲಿ, ಅದರಲ್ಲಿ ಮತ್ತೇ ಮೀಸಲಾತಿ ಕೇಳುವುದು ಅಸಂಬದ್ಧ. ಮಹಿಳಾ ಮೀಸಲಾತಿಯ(ಸ್ವಾತಂತ್ರ್ಯ) ಕುರಿತು ಶಿವಶರಣರಂತೆ ಬುದ್ಧನು ಸಹ ಮೃದು ಧೋರಣೆಯನ್ನು ತಾಳಿದ್ದನು. ಸಂಘದ ಸ್ಥಾಪನೆಯ ಸಂದರ್ಭದಲ್ಲಿ ತನ್ನ ಶಿಷ್ಯ ಆನಂದನ ಮಾತುಗಳನ್ನು ಮನ್ನಿಸಿ, ಬುದ್ಧ ಬಿಕ್ಷುಣಿ ಸಂಘವನ್ನು ರಚಿಸಿದ್ದನು. ಭಿಕ್ಷುಗಳಂತೆ ಭಿಕ್ಷುಣಿಯರಿಗೂ ಸಮಾನ ಅವಕಾಶಗಳನ್ನು ಕೊಟ್ಟನು. ಯಾವುದೇ ರೀತಿಯಿಂದ ಮಹಿಳೆಗೆ ಶೋಷಣೆ ಆಗಬಾರದೆಂದು ತನ್ನ ಬೋಧನೆಯಿಂದ ಸಾರಿದನು.   ಜೊತೆಗೆ ಸಾಮ್ರಾಟ ಅಶೋಕನ ಧರ್ಮ ಪತ್ನಿ ಧಮ್ಮಾದೇವಿಯ ಧರ್ಮನೀತಿಯನ್ನು ಕುರಿತು ನೋಡಿದಾಗ ಮಹಿಳೆಯರಿಗೆ ಅಶೋಕನೂ ಕೊಟ್ಟ ಮಹಿಳಾ ಪ್ರಾಶಸ್ತ್ಯವನ್ನು ಗಮನಿಸಬಹುದು. ಹಾಗೆಯೇ ಇದೆ ಸಂದರ್ಭದಲ್ಲಿ ಥೇರಿಗಾಥಾ ಒಂದು ಉತ್ತಮ ಉದಾಹರಣೆಯಾಗುತ್ತದೆ. ಇಂತಹ ಅನೇಕ ಪ್ರಸಂಗ ಮತ್ತು ಘಟನೆಗಳು ಬೌದ್ಧರ ಸಾಂಸ್ಕ್ರಿತಿಕ ಲೋಕದಲ್ಲಿ, ಮಹಿಳಾ ಮೀಸಲಾತಿ ಮತ್ತು ಚಿಂತನೆಗೆ ಸಂಬಂಧಿಸಿದಂತೆ ನಿದರ್ಶನಗಳು ಕಾಣಸಿಗುತ್ತವೆ.

ಮೀಸಲಾತಿಯ ಕಾರ್ಯ ಯಾವುದೇ ಸಮಾಜ ಇಲ್ಲವೆ ಜನಾಂಗದಲ್ಲಿ ಎಲ್ಲ ಅವಕಾಶಗಳಿಂದ ವಂಚಿತನಾದ ವ್ಯಕ್ತಿಗೆ ಅವಕಾಶವನ್ನು ಕಲ್ಪಿಸಿ ಕೊಡಬೇಕೆಂದ ಸದುದ್ದೇಶ ಇರಬೇಕೇ ಹೊರತು ಜಾತಿಗೆ ಸೀಮೀತವಾಗಬಾರದು.

ಡಾ.ಬಾಬಾ ಸಾಹೇಬ ಅಂಬೇಡ್ಕರ್ ಅವರ ಆಲೋಚನೆ ಕೂಡಾ ಹೀಗಿದೆ. ಮಹಿಳೆ ಅಕ್ಷರಲೋಕ ಪ್ರವೇಶ ಮಾಡಿದರೆ ಅವಳು ತೃತೀಯ ಜಗತ್ತಿನಲ್ಲಿ ನಡೆಯುವ ಸಮಾಚಾರ ತಿಳಿದುಕೊಂಡು. ಮುಂದುವರೆದರೆ ಪುರುಷನ ಹಿಡಿತದಿಂದ ದೂರಹೋಗಿ ಸ್ವಚ್ಛಂದವಾಗಿ ಹಾರಾಡುವುದು ಕಲಿತುಕೊಂಡು, ಸ್ವಂತ ವಿಚಾರ ಮಾಡುವುದನ್ನು ಕಲಿಯುತ್ತಾಳೆ. ಮತ್ತು ತನ್ನ ವ್ಯಕ್ತಿತ್ವವನ್ನು ತಾನೇ ರೂಪಿಸಿಕೊಂಡು ಸಬಲಳಾಗುತ್ತಾಳೆ.  ಅಂಬೇಡ್ಕರ್‌ರವರು ಮಹಿಳೆ ಎಂದರೆ ಹೊರತು ಅಲ್ಲಿ ದಲಿತ ಮಹಿಳೆ ಎಂದು ಉಪಯೋಗಿಸಲಿಲ್ಲ. ಅಲ್ಲವೇ..?  ಇನ್ನಾದರೂ ಬದಲಾಗೋಣವೇ..? ಮಹಿಳೆಯರೆಲ್ಲ ಒಂದೇ ಒಗ್ಗಟ್ಟಾಗೋಣವೇ

ಶೋಭಾ.ಹೆಚ್.ಜಿ

ಸಂಪಾದಕಿ-ಪ್ರಕಾಶಕಿ

ವಿಶೇಷ ಸಂಚಿಕೆಗೆ  ಬರಹಗಳ ಆಹ್ವಾನ[ಬದಲಾಯಿಸಿ]

ಆತ್ಮೀಯರೇ ಸಪ್ರೇಮ ನಮಸ್ತೆ

ಮಹಿಳೆಯರಿಂದ ಮಹಿಳೆಯರಿಗಾಗಿ ಮಹಿಳೆಯರಿಗೋಸ್ಕರ ಕಳೆದ ಹದಿಮೂರು ವರುಷಗಳಿಂದ " ಸ್ವರ್ಗದ ಕಾವ್ಯ ನಕ್ಷತ್ರವಾದರೆ ವಿಶ್ವದ ಕಾವ್ಯ ಮಹಿಳೆ" ಎನ್ನುವ ಖ್ಯಾತ ಕವಿ ಹಾಗ್ರೇವ್ ರವರ ನುಡಿಗೆ ಅರ್ಥವಾಗಿ ಪೂರಕವಾಗಿ ಬರುತ್ತಿರುವ ಪತ್ರಿಕೆಯೇ " ಸ್ತ್ರೀ ಜಾಗೃತಿ" ಮಾಸಪತ್ರಿಕೆ.

ಪ್ರತಿ ವರುಷದಂತೆ ಈ ವರುಷವೂ  ಮಾಚ - ೮ ಅಂತರರಾಷ್ಟ್ರೀಯ ಮಹಿಳಾ ದಿನಾಚರಣೆಯ ಅಂಗವಾಗಿ ವಿಶೇಷ ಸಂಚಿಕೆಯನ್ನು ಹೊರತರುತ್ತಿದ್ದೇವೆ.  ಅದಕ್ಕೆ ಸಂಬಂಧಪಟ್ಟಂತೆ  ಈ ಕೆಳಗಿನ ಯಾವುದೇ ವಿಚಾರಗಳಲ್ಲಿ ತಮ್ಮಿಂದ ಬರಹಗಳನ್ನು ಅಪೇಕ್ಷಿಸುತ್ತಿದ್ದೇವೆ.

ಸಮಾಜದ ಓರೆ ಕೋರೆಗಳನ್ನು  ಎತ್ತಿ ಹಿಡಿಯುವ ಹಾಗೂ ಸಮಾಜದಲ್ಲಿ ಎಲೆ ಮರೆಯ ಕಾಯಿಯಂತೆ ಸೇವೆ ಸಲ್ಲಿಸುತ್ತಿರುವ ಪ್ರತಿಭೆಗಳನ್ನು ಬಿಂಬಿಸುವ, ಕೌಟುಂಬಿಕ ಸಮಸ್ಯೆಗಳಲ್ಲಿ ಮಹಿಳೆಯರಿಗೊಂದು ಉತ್ತಮವಾದ, ಮಹಿಳಾ ಸಾಧಕಿಯರನ್ನು ಪರಿಚಯಿಸುವ ಸಾಮಾಜಿಕ ವಿರುದ್ಧ ದನಿಯೆತ್ತುವ ನಮ್ಮ ಪತ್ರಿಕೆಯು, ವಿಭಿನ್ನ ವಿಚಾರಗಳು, ರಾಷ್ಟ್ರದ ಉನ್ನತ ವಿಚಾರಗಳ ಬಗ್ಗೆ ಚಿಂತನೆ ಆಧ್ಯಾತ್ಮಿಕವಾಗಿ  ಬರಹಗಳು ಇರಲಿ.

ಬರಹಗಳು ೩-೪ ಪುಟದಲ್ಲಿರಲಿ, ಸಂಬಂಧಪಟ್ಟ ಪೋಟೋಗಳೊಂದಿಗೆ ನಿಮ್ಮ ಭಾವಚಿತ್ತವೂ ಇರಲಿ.  ಬರಹಗಳು ನಮಗೆ ತಲುಪಲು ಕೊನೆಯ ದಿನಾಂಕ 10 ಫೆಬ್ರವರಿ 2017   ಇ-ಮೇಲ್ ನಲ್ಲೂ ನುಡಿ ಫಾಂಟ್ ನಲ್ಲಿ ಬರೆದು ಕಳಿಸಬಹುದು.

Email: sthree.jagruthi@gmail.com /