ಸಿ.ಆರ್. ರಾಜಗೋಪಾಲನ್

ಸಿ. ಆರ್. ರಾಜಗೋಪಾಲನ್
ಜನನ	೧೯೫೭ ಪೆರುಂಪುಲ್ಲಿಸ್ಸೆರಿ, ತ್ರಿಶೂರ್ ಜಿಲ್ಲೆ, ಕೇರಳ, ಭಾರತ
ಮರಣ	31 ಜನವರಿ 2022 (aged 64) ತ್ರಿಶೂರ್, ಕೇರಳ, ಭಾರತ
ವೃತ್ತಿ	ಜಾನಪದ ಸಂಶೋಧಕ, ಬರಹಗಾರ
ಸಂಗಾತಿ	ಶೀತಲ್ ವಿ. ಎಸ್.
ಪೋಷಕ(ರು)	ರಮಾ ಪಣಿಕರ್ ನಾರಾಯಣಿ ಅಮ್ಮ
ಗೌರವ	ಕೇರಳ ಜಾನಪದ ಅಕಾಡೆಮಿ ಪ್ರಶಸ್ತಿ ಕೇರಳ ಸಂಗೀತ ನಾಟಕ ಅಕಾಡೆಮಿ ಪ್ರಶಸ್ತಿ

ಸಿ. ಆರ್. ರಾಜಗೋಪಾಲನ್ (೧೯೫೭ - ೩೧ ಜನವರಿ ೨೦೨೨) ಇವರು ಕೇರಳದ ಭಾರತೀಯ ಬರಹಗಾರ, ಶಿಕ್ಷಕ ಮತ್ತು ಪರಿಸರ ಕಾರ್ಯಕರ್ತರಾಗಿದ್ದಾರೆ. ಇವರು ಜಾನಪದ ಮತ್ತು ಬುಡಕಟ್ಟು ಸಂಸ್ಕೃತಿಯ ಮೇಲ್ವಿಚಾರಣೆ ಮತ್ತು ಸಂರಕ್ಷಣೆಗಾಗಿ ಕೆಲಸ ಮಾಡಿದ್ದಾರೆ. ಅವರು ಪರಂಪರೆ ಮತ್ತು ಜಾನಪದ ಅಧ್ಯಯನಗಳ ಬಗ್ಗೆ ಹಲವಾರು ಪುಸ್ತಕಗಳನ್ನು ಬರೆದಿದ್ದಾರೆ ಹಾಗೂ ಕೇರಳ ಜಾನಪದ ಅಕಾಡೆಮಿ ಮತ್ತು ಕೇರಳ ಸಂಗೀತ ನಾಟಕ ಅಕಾಡೆಮಿಯಿಂದ ಪ್ರಶಸ್ತಿಗಳನ್ನು ಪಡೆದಿದ್ದಾರೆ.

ಜೀವನಚರಿತ್ರೆ

ರಾಜಗೋಪಾಲನ್‌ರವರು ಕೇರಳದ ತ್ರಿಶೂರ್ ಜಿಲ್ಲೆಯ ಪೆರುಂಪುಲ್ಲಿಸ್ಸೆರಿಯಲ್ಲಿ ರಾಮ ಪಣಿಕ್ಕರ್ ಮತ್ತು ನಾರಾಯಣಿ ಅಮ್ಮ ದಂಪತಿಗೆ ಜನಿಸಿದರು. ಅವರು ಸಿ.ಎನ್.ಎನ್ ಹೈಸ್ಕೂಲ್, ತ್ರಿಶೂರ್ ಸರ್ಕಾರಿ ಕಾಲೇಜು ಮತ್ತು ಶ್ರೀ ಕೇರಳ ವರ್ಮಾ ಕಾಲೇಜಿನಲ್ಲಿ ಅಧ್ಯಯನ ಮಾಡಿದರು. ಅವರು ಕ್ಯಾಲಿಕಟ್ ವಿಶ್ವವಿದ್ಯಾಲಯದಿಂದ ತೆಯ್ಯಂ, ಕುಮ್ಮಟ್ಟಿ, ತಿರಪ್ಪಟ್ನಂ, ಕೃಷ್ಣನಾಟಂನಲ್ಲಿ ಬಳಸುವ ಮುಖವಾಡಗಳ ನಾಟಕೀಯ ಅಂಶಗಳು ಮತ್ತು ಆಧುನಿಕ ರಂಗಭೂಮಿ ಅಭ್ಯಾಸಗಳಲ್ಲಿ ಅವುಗಳ ಪ್ರಸ್ತುತತೆಯಲ್ಲಿ ಪಿಎಚ್‌ಡಿ ಮಾಡಿದರು. ಅವರು ತ್ರಿಶೂರ್‌ನ ಕೇರಳ ವರ್ಮಾ ಕಾಲೇಜಿನಲ್ಲಿ ಸಹಾಯಕ ಪ್ರಾಧ್ಯಾಪಕರಾಗಿ ಮತ್ತು ಕೇರಳ ವಿಶ್ವವಿದ್ಯಾಲಯದಲ್ಲಿ ಡೀನ್ ಆಗಿ ಸೇವೆ ಸಲ್ಲಿಸಿದರು. ಅವರು ಭಾರತ ಸರ್ಕಾರದ ಕೇಂದ್ರ ಸಂಸ್ಕೃತಿ ಸಚಿವಾಲಯದಿಂದ ಜೂನಿಯರ್ ಫೆಲೋಶಿಪ್ ಪಡೆದಿದ್ದಾರೆ ಮತ್ತು ಜನಾಂಗೀಯ ಸಂಗೀತದ ಯೋಜನೆ ಮತ್ತು ಯುಜಿಸಿಯ ಜಾನಪದ ರಂಗಭೂಮಿಯ ರಾಷ್ಟ್ರೀಯ ಸೌಂದರ್ಯಶಾಸ್ತ್ರದ ಪ್ರಮುಖ ಯೋಜನೆಯನ್ನು ಮಾಡಿದ್ದಾರೆ. ರಾಜಗೋಪಾಲನ್ ಅವರು ತ್ರಿಶೂರ್‌ನ ಜಾನಪದ ಅಧ್ಯಯನ ಕೇಂದ್ರವಾದ ನಟ್ಟರಿವು ಪದನ ಕೇಂದ್ರದ ನಿರ್ದೇಶಕರಾಗಿಯೂ ಸೇವೆ ಸಲ್ಲಿಸಿದ್ದಾರೆ ಮತ್ತು ಕೇರಳ ವಿಶ್ವವಿದ್ಯಾಲಯದ ಕರಿಯವಟ್ಟಂ ಕ್ಯಾಂಪಸ್‌ನ ಕೇರಳ ಅಧ್ಯಯನಗಳ ಅಂತರರಾಷ್ಟ್ರೀಯ ಕೇಂದ್ರದ (ಐಸಿಕೆಎಸ್) ನಿರ್ದೇಶಕರಾಗಿಯೂ ಸೇವೆ ಸಲ್ಲಿಸಿದ್ದಾರೆ.

ಅವರು ಜಾನಪದದ ಬಗ್ಗೆ ಹಲವಾರು ಪುಸ್ತಕಗಳನ್ನು ಬರೆದಿದ್ದಾರೆ. ಜಾನಪದ ಹಾಡುಗಳ ಆಲ್ಬಂಗಳು ಮತ್ತು ಜಾನಪದದ ಸಾಕ್ಷ್ಯಚಿತ್ರಗಳನ್ನು ನಿರ್ದೇಶಿಸಿದ್ದಾರೆ ಮತ್ತು ಗ್ರೀಸ್, ಚೀನಾ, ಪೋಲೆಂಡ್, ಇಟಲಿ, ಇಂಗ್ಲೆಂಡ್, ಸ್ವಿಟ್ಜರ್ಲೆಂಡ್, ರೋಮ್, ಜಿನೀವಾ ಮತ್ತು ಆಕ್ಸ್ಫರ್ಡ್‌ನಲ್ಲಿ ಪ್ರಬಂಧಗಳನ್ನು ಪ್ರಸ್ತುತಪಡಿಸಿದ್ದಾರೆ. ಅವರು ಜಾನಪದ ಜ್ಞಾನದ ಬಗ್ಗೆ ೨೦ ಪುಸ್ತಕಗಳ ಸರಣಿಯಾದ ಡಿಸಿ ಬುಕ್ಸ್‌ನ ನಟ್ಟರಿವುಕ್ಕಲ್‌ನ ಪ್ರಧಾನ ಸಂಪಾದಕರಾಗಿದ್ದಾರೆ ಮತ್ತು ಕೃಷಿ ಗೀತೆಯ ಸಂಪಾದಕರಾಗಿದ್ದಾರೆ. ಅವರು ಜಿನೀವಾ ಮೂಲದ ವಿಶ್ವ ಬೌದ್ಧಿಕ ಆಸ್ತಿ ಸಂಸ್ಥೆಯ ಪರಂಪರೆ ಜ್ಞಾನ ಸಭೆಯಲ್ಲಿ ಭಾಗವಹಿಸಿದ್ದರು. ಅವರು ಜಾನಪದದ ನಿಯತಕಾಲಿಕಗಳಿಗೆ ನಿಯಮಿತವಾಗಿ ಕೊಡುಗೆ ನೀಡುತ್ತಿದ್ದರು.

ರಾಜಗೋಪಾಲನ್ ಅವರು ಪರಿಸರ ಮಾಲಿನ್ಯದ ವಿರುದ್ಧದ ವಿವಿಧ ಚಳುವಳಿಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿದ್ದರು ಮತ್ತು ಪರಿಸರ ಸಂರಕ್ಷಣೆ, ಪರ್ಯಾಯ ರಾಜಕೀಯ ಮತ್ತು ಜೀವನಶೈಲಿಯ ಗಂಭೀರ ಬೆಂಬಲಿಗರಾಗಿದ್ದರು. ಜಪಾನಿನ ರೈತ ಮತ್ತು ತತ್ವಜ್ಞಾನಿ ಮಸನೊಬು ಫುಕುವೊಕಾ ಅವರ ಒನ್ ಸ್ಟ್ರಾ ರೆವಲ್ಯೂಷನ್ ಪುಸ್ತಕದ ಮಲಯಾಳಂ ಅನುವಾದವನ್ನು ಪ್ರಕಟಿಸುವಲ್ಲಿ ಅವರ ಬೆಂಬಲವು ಪ್ರಮುಖ ಪಾತ್ರ ವಹಿಸಿತು.

ವೈಯಕ್ತಿಕ ಜೀವನ ಮತ್ತು ಮರಣ

ರಾಜಗೋಪಾಲನ್ ಅವರು ಶೀತಲ್ ವಿ.ಎಸ್ ಅವರನ್ನು ವಿವಾಹವಾದರು. ಅವರು ೨೦೨೨ ರ ಜನವರಿ ೩೧ ರಂದು ೬೪ ನೇ ವಯಸ್ಸಿನಲ್ಲಿ ಕೋವಿಡ್ -೧೯ ನಿಂದ ನಿಧನರಾದರು. ದಿವಂಗತ ರಾಜಗೋಪಾಲನ್ ಅವರು ಜಾನಪದ ಅಧ್ಯಯನಕ್ಕೆ ಸಮಾನಾರ್ಥಕರಾಗಿದ್ದರು ಎಂದು ಕೇರಳ ರಾಜ್ಯ ಉನ್ನತ ಶಿಕ್ಷಣ ಮತ್ತು ಸಾಮಾಜಿಕ ನ್ಯಾಯ ಸಚಿವೆ ಆರ್.ಬಿಂದು ಸಂತಾಪ ಸೂಚಿಸಿದ್ದಾರೆ.

ಕೆಲಸಗಳು

ಪರಂಪರೆ ಮತ್ತು ಜಾನಪದ ಅಧ್ಯಯನದ ಬಗ್ಗೆ ಅವರ ಆಯ್ದ ಪುಸ್ತಕಗಳಲ್ಲಿ ಎಲ್ಲಂ ಕಾಥಿಯೇರಿಯುಕಾಯನು, ಅಲಯುನ್ನಾವರ್, ಮುಡಿಯೆಟ್ಟು, ನಾಡೋಡಿ ನಟ್ಟರಂಗ, ಜಾನಪದ ಸಿದ್ದಂತಂಗಲ್, ಕಾವೆಟ್ಟಂ, ನಾದನ್ ಕಲಾರೂಪಂಗಲ್, ಕರುತನಿಕಲುಡೆ ಕೊಯ್ತ್, ಗೋತ್ರ ಕಲವಾಡಿವುಕಲ್, ದೇಶೀಯಾ ಸೌಂದರಬೋಧಂ, ತಣ್ಣೀರ್ಪ್ಪಂತಲ್, ನಜಟ್ಟುವೆಲಕ್ಕ್ ಪೊಟ್ಟುಕುತೆಂಡ, ಕೃಷಿ ಗೀತಾಯುಂ, ಪ್ರತಿರಿಧಾಮ್, ನಾಟ್ಟುನಾವ್ ಮೊಳಿ, ಮಲಯಾಳತಿಂಟೆ ಕಥೋರಮ್, ಕನ್ನಡಿ ನೊಕ್ಕುಂಪೋಲ್, ಡಯಾಸ್ಫೊರಾ, ಎರುಮದಂಗಲ್ ಮತ್ತು ನಟ್ಟರಿವ್, ೨೦೦೦ ಇಯರ್ಸ್ ಆಫ್ ಮಲಯಾಳಿ ಹೆರಿಟೇಜ್ ಸೇರಿವೆ.

ಸಂಪಾದಕರಾಗಿ

ಡಿಸಿ ಬುಕ್ಸ್‌ನ ನಟ್ಟರಿವುಕಲ್ ಸರಣಿಯ ೨೦ ಪುಸ್ತಕಗಳ ಪೈಕಿ, ಕಟ್ಟರಿವುಕಲ್ (ಅರಣ್ಯ ಜ್ಞಾನದ ಪುಸ್ತಕ), ನಾಟ್ಟು ಭಕ್ಷನಂ (ಸ್ಥಳೀಯ ಆಹಾರಗಳ ಪುಸ್ತಕ), ನಾಟ್ಟು ವೈದ್ಯಂ (ಸಾಂಪ್ರದಾಯಿಕ ಔಷಧದ ಪುಸ್ತಕ), ನಾಡು ಸಂಗೀತಂ (ಸಾಂಪ್ರದಾಯಿಕ ಸಂಗೀತದ ಪುಸ್ತಕ), ಸಶ್ಯಂಗಲುಡೆ ನಟ್ಟರಿವ್ (ಸ್ಥಳೀಯ ಸಸ್ಯ ಪ್ರಭೇದಗಳ ಮಾಹಿತಿ), ಕಡಲರಿವುಕಲ್ (ಸಮುದ್ರ ಮಾಹಿತಿಗಳ ಪುಸ್ತಕ), ಕ್ರಿಶ್ ನಟ್ಟರಿವುಕಲ್ (ಸಾಂಪ್ರದಾಯಿಕ ಕೃಷಿ ಜ್ಞಾನದ ಪುಸ್ತಕ) ಪುಸ್ತಕಗಳನ್ನು ಸಂಪಾದಿಸಿದ್ದಾರೆ. ನಾಡೋಡಿ ಕೈವೇಲಾ (ಜಾನಪದ ಕೈಕೃತಿಗಳ ಪುಸ್ತಕ), ಪೂಕ್ಕಲಂ ಪಕ್ಷಿಕಾಲಂ (ಹೂವುಗಳು ಮತ್ತು ಪಕ್ಷಿಗಳ ಪುಸ್ತಕ), ಜಂತುಕ್ಕಲುಮ್ ನಟ್ಟರಿವುಕ್ಕಲಂ (ಸ್ಥಳೀಯ ಪ್ರಾಣಿಗಳ ಪುಸ್ತಕ), ನೀರಾರಿವುಕಲ್ (ನೀರಿನ ಜ್ಞಾನದ ಪುಸ್ತಕ) ಮತ್ತು ಪುಜಯುಡೆ ನಾಟ್ಟಾರಿವುಕಲ್ (ನದಿಗಳ ಬಗ್ಗೆ ಸ್ಥಳೀಯ ಜ್ಞಾನದ ಪುಸ್ತಕ) ಆಗಿವೆ.

ಅವರು ಸಮ್ಮರ್ ರೈನ್, ಕೇರಳದ ಸ್ಥಳೀಯ ಜ್ಞಾನದ ಕೊಯ್ಲು, ಪಿಳ್ಳೆರ್ಥಾಲಂ, ನಾಟ್ಟಾರಿವಿಂಟೆ ನಿನಾವ್, ಉಪ್ಪುಮ್ ಚೋರಮ್ ನಾಟ್ಟುಚರಿತ್ರಂ, ಪಿರವಿ ಮತ್ತು ವಯಲಕ್ಕಲಕಲ್ ಪುಸ್ತಕಗಳನ್ನು ಸಂಪಾದಿಸಿದ್ದಾರೆ.

ಪ್ರಶಸ್ತಿಗಳು ಮತ್ತು ಗೌರವಗಳು

• ಕೇರಳ ಜಾನಪದ ಅಕಾಡೆಮಿ ಪ್ರಶಸ್ತಿ ೨೦೦೨
• ಕೇರಳ ಸಂಗೀತ ನಾಟಕ ಅಕಾಡೆಮಿ ಪ್ರಶಸ್ತಿ
• ಅಂತರರಾಷ್ಟ್ರೀಯ ಜಾನಪದ ಚಲನಚಿತ್ರೋತ್ಸವದಲ್ಲಿ ಜೀವಮಾನ ಸಾಧನೆ ಪ್ರಶಸ್ತಿ.