ವಿಷಯಕ್ಕೆ ಹೋಗು

ಸಾವಿತ್ರಿ (ನಟಿ)

ವಿಕಿಪೀಡಿಯದಿಂದ, ಇದು ಮುಕ್ತ ಹಾಗೂ ಸ್ವತಂತ್ರ ವಿಶ್ವಕೋಶ
ಸಾವಿತ್ರಿ
ಜನನ
ಸಾವಿತ್ರಿ

(೧೯೩೪-೧೨-೦೬)೬ ಡಿಸೆಂಬರ್ ೧೯೩೪
ಚಿರಾವೂರು, ಮದ್ರಾಸ್ ಪ್ರೆಸಿಡೆನ್ಸಿ, ಬ್ರಿಟಿಷ್ ಭಾರತ
(ಇಂದಿನ ಆಂಧ್ರಪ್ರದೇಶ, ಭಾರತ)
ಸಾವು26 December 1981(1981-12-26) (aged 47)
ಚೆನ್ನೈ, ಮದ್ರಾಸ್, ತಮಿಳುನಾಡು
Other namesಮಹಾಂತಿ
ನಾಡಿಗಯ್ಯರ್ ತಿಲಗಂ
ಶಿಕ್ಷಣs
  • ನಟಿ
  • ಹಿನ್ನೆಲೆ ಗಾಯಕಿ
  • ನಿರ್ಮಾಪಕಿ
Years active೧೯೫೦-೧೯೮೧
Spouse

ಜೆಮಿನಿ ಗಣೇಶನ್ (ವಿವಾಹ:1952)

ಮಕ್ಕಳು೨
ಗೌರವಕಲೈಮಾಮಣಿ

ನಿಸ್ಶಂಕರ ಸಾವಿತ್ರಿ ಇವರನ್ನು ಸಾವಿತ್ರಿ ಗಣೇಶನ್ ಎಂದೂ ಕರೆಯುತ್ತಾರೆ (೬ ಡಿಸೆಂಬರ್ ೧೯೩೪ [lower-alpha ೧] - ೨೬ ಡಿಸೆಂಬರ್ ೧೯೮೧). ಇವರು ಒಬ್ಬ ಭಾರತೀಯ ನಟಿ ಮತ್ತು ಚಲನಚಿತ್ರ ನಿರ್ಮಾಪಕಿ. ಅವರು ಪ್ರಧಾನವಾಗಿ ತೆಲುಗು ಮತ್ತು ತಮಿಳು ಚಲನಚಿತ್ರಗಳಲ್ಲಿ ಕೆಲಸ ಮಾಡಿದ್ದರು. ಭಾರತೀಯ ಸಿನಿಮಾ ಇತಿಹಾಸದಲ್ಲಿ ಶ್ರೇಷ್ಠ ನಟಿಯರಲ್ಲಿ ಒಬ್ಬರೆಂದು ಪರಿಗಣಿಸಲ್ಪಟ್ಟ ಅವರು, ಮಹಾನಟಿ [೧] ಮತ್ತು ನಾಡಿಗೈಯರ್ ತಿಲಗಂ ಎಂಬ ಬಿರುದನ್ನು ಪಡೆದಿದ್ದರು. ೧೯೫೦ ಮತ್ತು ೧೯೬೦ ರ ದಶಕಗಳಲ್ಲಿ ದಕ್ಷಿಣ ಭಾರತೀಯ ಚಿತ್ರರಂಗದಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆಯುವ ನಟಿ ಸಾವಿತ್ರಿಯವರಾಗಿದ್ದರು ಮತ್ತು ಅವರನ್ನು "ತೆಲುಗು ಚಿತ್ರರಂಗದ ರಾಣಿ" ಎಂದು ಪರಿಗಣಿಸಲಾಗುತ್ತಿತ್ತು.[೨]

ಮೂರು ದಶಕಗಳ ವೃತ್ತಿಜೀವನದಲ್ಲಿ, ಸಾವಿತ್ರಿಯವರು ೨೫೦ ಕ್ಕೂ ಹೆಚ್ಚು ಚಿತ್ರಗಳಲ್ಲಿ ಕಾಣಿಸಿಕೊಂಡರು. ಅವರ ಮೊದಲ ಮಹತ್ವದ ಪಾತ್ರ ೧೯೫೨ ರ ಚಿತ್ರ ಪೆಲ್ಲಿ ಚೆಸಿ ಚೂಡು . ನಂತರ, ಅವರು ದೇವದಾಸು (೧೯೫೩), ಮಿಸ್ಸಮ್ಮ (೧೯೫೫), ಅರ್ಧಾಂಗಿ (೧೯೫೫), ಡೊಂಗ ರಾಮುಡು (೧೯೫೫), ತೊಡಿ ಕೊಡಲು (೧೯೫೭), ಮಾಯಾಬಜಾರ್ (೧೯೫೭), ಮಾಂಗಲ್ಯ ಬಲಂ (೧೯೫೯), ಆರಾಧನಾ (೧೯೬೨), ಡಾಕ್ಟರ್‌ ಚಕ್ರವರ್ತಿ (೧೯೬೪), ಸುಮಂಗಲಿ (೧೯೬೫), ಮತ್ತು ದೇವತಾ (೧೯೬೫) ಸೇರಿದಂತೆ ವಿಮರ್ಶಾತ್ಮಕವಾಗಿ ಮೆಚ್ಚುಗೆ ಪಡೆದ ಮತ್ತು ವಾಣಿಜ್ಯಿಕವಾಗಿ ಯಶಸ್ವಿಗೊಂಡ ಚಿತ್ರಗಳಲ್ಲಿ ನಟಿಸಿದರು.[೩]

ಸಾವಿತ್ರಿಯವರು ಲೋಕೋಪಕಾರಿ ಕೆಲಸ ಮತ್ತು ಬಡವರ ಕಡೆಗೆ ತೋರಿದ ಔದಾರ್ಯಕ್ಕೂ ಹೆಸರುವಾಸಿಯಾಗಿದ್ದರು. ಭಾರತೀಯ ಚಿತ್ರರಂಗಕ್ಕೆ ಅವರು ನೀಡಿದ ಕೊಡುಗೆಗಳನ್ನು ಗುರುತಿಸಿ, ೧೯೯೯ ರಲ್ಲಿ ನಡೆದ ೩೦ ನೇ ಅಂತರರಾಷ್ಟ್ರೀಯ ಚಲನಚಿತ್ರೋತ್ಸವದಲ್ಲಿ ಅವರಿಗೆ "ಎ ಮೂನ್ ಅಮಾಂಗ್ ಸ್ಟಾರ್ಸ್" ಗೌರವವನ್ನು ನೀಡಲಾಯಿತು.[೪] ಅವರ ಜೀವನ ಮತ್ತು ವೃತ್ತಿಜೀವನವನ್ನು ನಂತರ ಜೀವನಚರಿತ್ರೆಯ ಚಲನಚಿತ್ರ ಮಹಾನಟಿ (೨೦೧೮) ಯಲ್ಲಿ ಚಿತ್ರಿಸಲಾಗಿದೆ, ಇದು ಮೆಲ್ಬೋರ್ನ್‌ನ ಭಾರತೀಯ ಚಲನಚಿತ್ರೋತ್ಸವದಲ್ಲಿ "ಇಕ್ವಾಲಿಟಿ ಇನ್ ಸಿನೆಮಾ ಪ್ರಶಸ್ತಿ"ಯನ್ನು ಗೆದ್ದುಕೊಂಡಿತು.[೫]

ಆರಂಭಿಕ ಜೀವನ

[ಬದಲಾಯಿಸಿ]

ಸಾವಿತ್ರಿ ೧೯೩೪ ರ ಡಿಸೆಂಬರ್ ೬ ರಂದು [lower-alpha ೧] ಇಂದಿನ ಆಂಧ್ರಪ್ರದೇಶದ ಗುಂಟೂರು ಜಿಲ್ಲೆಯ ಚಿರ್ರಾವೂರಿನಲ್ಲಿ ತೆಲುಗು ಕುಟುಂಬದಲ್ಲಿ ಜನಿಸಿದರು.[೬] ಆಕೆಯ ಪೋಷಕರು ನಿಸ್ಶಂಕರ ಸುಭದ್ರಮ್ಮ ಮತ್ತು ಗುರವಯ್ಯ.[೬][೭][೮] ಅವರು ಆರು ತಿಂಗಳ ಮಗುವಾಗಿದ್ದಾಗ ಅವರ ತಂದೆ ತೀರಿಕೊಂಡರು, ನಂತರ ಅವರ ತಾಯಿ ಸಾವಿತ್ರಿ ಮತ್ತು ಅಣ್ಣ ಮಾರುತಿಯನ್ನು ಕರೆದುಕೊಂಡು ಹೋಗಿ ಚಿಕ್ಕಮ್ಮ ಮತ್ತು ಚಿಕ್ಕಪ್ಪನ ಬಳಿ ಬಿಟ್ಟರು. ಸಾವಿತ್ರಿಯವರ ನೃತ್ಯ ಪ್ರತಿಭೆಯನ್ನು ನೋಡಿ ಅವರ ಚಿಕ್ಕಪ್ಪ, ಕೊಮ್ಮರೆಡ್ಡಿ ವೆಂಕಟರಾಮಯ್ಯ ಅವರನ್ನು ನೃತ್ಯ ತರಗತಿಗೆ ಸೇರಿಸಿದರು.

ನಾಟಕಗಳ ಸಮಯದಲ್ಲಿ ಅವಳು ಕಣ್ಣುಗಳಲ್ಲಿ ಮಾಡುತ್ತಿದ್ದ ಅಭಿವ್ಯಕ್ತಿಗಾಗಿ ಅವರು ಹೆಸರುವಾಸಿಯಾದರು. ಅವರು ಅನೇಕ ನಾಟಕಗಳಲ್ಲಿ ಭಾಗವಹಿಸಿದ್ದರು, ಒಂದು ನಾಟಕದಲ್ಲಿ ಅವರಿಗೆ ಪ್ರಸಿದ್ಧ ನಟ ಪೃಥ್ವಿರಾಜ್ ಕಪೂರ್ ಅವರಿಂದ ಹಾರವನ್ನು ಹಾಕಿಸಿ ಗೌರವಿಸಲಾಯಿತು. ಅವರು ತಮ್ಮ ಚಿಕ್ಕಪ್ಪನೊಂದಿಗೆ ಮದ್ರಾಸ್‌ನ ವಿಜಯ ವಾಹಿನಿ ಸ್ಟುಡಿಯೋಗೆ ಚಲನಚಿತ್ರವೊಂದರಲ್ಲಿ ಪಾತ್ರ ಕೇಳಲು ಹೋದರು. ಆದರೆ ಅವರು ನಿರಾಕರಿಸಿದರು. ಬಿಟ್ಟುಕೊಡದೆ, ಅವರು ಮತ್ತೊಮ್ಮೆ ಪ್ರಯತ್ನಿಸಿದರು, ಇನ್ನೊಂದು ಸಿನಿಮಾದಲ್ಲಿ, ಅವರಿಗೆ ಒಂದು ಪಾತ್ರ ಸಿಕ್ಕಿತು, ಆದರೆ ನಾಯಕನೊಂದಿಗೆ ಮಾತನಾಡುವಾಗ ಭಯ ಪಟ್ಟು ಸಂಭಾಷಣೆ ನಡೆಸಲು ಅವರು ಹಿಂಜರಿದರು.

ಆಗ ಅವರು ಜೆಮಿನಿ ಗಣೇಶನ್ ಎಂದೂ ಕರೆಯಲ್ಪಡುವ ರಾಮಸ್ವಾಮಿ ಗಣೇಶನ್ ಅವರನ್ನು ಭೇಟಿಯಾದರು. ಅವರು ಸಾವಿತ್ರಿಯ ಚಿತ್ರಗಳನ್ನು ತೆಗೆದುಕೊಂಡು ಎರಡು ತಿಂಗಳ ನಂತರ ಬರಲು ಅವರಿಗೆ ಸೂಚಿಸಿದರು. ಸೋತ ನಂತರ, ಸಾವಿತ್ರಿ ತಮ್ಮ ಹಳ್ಳಿಗೆ ಹಿಂತಿರುಗಿ ನಾಟಕಗಳನ್ನು ಆಡುವುದನ್ನು ಮುಂದುವರೆಸಿದರು. ಒಂದು ನಿರ್ದಿಷ್ಟ ದಿನ ಒಬ್ಬ ವ್ಯಕ್ತಿ ಅವರ ಮನೆಗೆ ಬಂದು ಸಾವಿತ್ರಿಯವರನ್ನು ತಮ್ಮ ಸಿನಿಮಾದಲ್ಲಿ ಒಂದು ಪಾತ್ರವನ್ನು ನಿರ್ವಹಿಸುವಂತೆ ಕೇಳಿಕೊಂಡರು. ಸಾವಿತ್ರಿಯವರ ವೃತ್ತಿಜೀವನ ಹೀಗೆ ಆರಂಭವಾಯಿತು. ಸಾವಿತ್ರಿ ೧೯೫೨ ರಲ್ಲಿ ತಮಿಳು ನಟ ಜೆಮಿನಿ ಗಣೇಶನ್ ಅವರನ್ನು ವಿವಾಹವಾದರು. ಅವರನ್ನು ಮೊದಲು ಭೇಟಿಯಾದದ್ದು ೧೯೪೮ ರಲ್ಲಿ. ಗಣೇಶನ್ ಈಗಾಗಲೇ ಮದುವೆಯಾಗಿದ್ದರು ಮತ್ತು ಅವರಿಗೆ ನಾಲ್ಕು ಹೆಣ್ಣು ಮಕ್ಕಳಿದ್ದರು ಮತ್ತು ಪುಷ್ಪವಲ್ಲಿ ಎಂಬವಳ ಜೊತೆ ಸಂಬಂಧ ಹೊಂದಿದ್ದರು ಎಂಬ ಕಾರಣದಿಂದಾಗಿ ಅವರ ಚಿಕ್ಕಪ್ಪನಿಗೆ ಈ ಮದುವೆಯಲ್ಲಿ ಒಮ್ಮತವಿರಲಿಲ್ಲ.[೯] ಅವರು ಸಾವಿತ್ರಿ ಗಣೇಶ್ ಎಂದು ಛಾಯಾಚಿತ್ರಕ್ಕೆ ಸಹಿ ಹಾಕಿದಾಗ ಅವರ ಮದುವೆ ಸಾರ್ವಜನಿಕವಾಗಿ ಎಲ್ಲರಿಗೂ ತಿಳಿಯಿತು.[೧೦] ಗಣೇಶನ್ ಅವರಿಗೆ ಸಾವಿತ್ರಿ ಅವರಿಂದ ಒಬ್ಬ ಮಗಳು ಮತ್ತು ಒಬ್ಬ ಮಗನಿದ್ದರು. ಆದರೆ ಪುಷ್ಪವಲ್ಲಿ ಅವರಿಂದ ಇಬ್ಬರು ಹೆಣ್ಣುಮಕ್ಕಳಿದ್ದರು ಎಂದು ಒಪ್ಪಿಕೊಂಡರು.[೧೧]

ವೃತ್ತಿಜೀವನ

[ಬದಲಾಯಿಸಿ]
ಮಾಯಾಬಜಾರ್‌ಗಾಗಿ ಹಾಡನ್ನು ರೆಕಾರ್ಡ್ ಮಾಡುತ್ತಿರುವ ತಂಡದೊಂದಿಗೆ ಸಾವಿತ್ರಿ

ಬಾಲ್ಯದಲ್ಲಿ ಸಾವಿತ್ರಿ ನೃತ್ಯ ನಾಟಕಗಳಲ್ಲಿ ನಟಿಸಿದರು. ೧೪ ನೇ ವಯಸ್ಸಿನಲ್ಲಿ ಅವರು ನಾಯಕಿ ಪಾತ್ರಗಳನ್ನು ನಿರ್ವಹಿಸಲು ತುಂಬಾ ಚಿಕ್ಕವರೆಂದು ಪರಿಗಣಿಸಲ್ಪಟ್ಟಾಗ, ಚಲನಚಿತ್ರ ಕೆಲಸ ಹುಡುಕಲು ಮದ್ರಾಸ್‌ಗೆ ಒಂದು ವಿಫಲ ಊಹಾತ್ಮಕ ಪ್ರವಾಸ ಮಾಡಿದರು. ಆದರೆ ೧೯೫೦ ರಲ್ಲಿ ಸಂಸಾರಂ (೧೯೫೦) ನಲ್ಲಿ ನಾಯಕಿಯಾಗಿ ಆಯ್ಕೆಯಾದರು. ಆ ಪಾತ್ರ ಕೈಗೂಡಲಿಲ್ಲ ಮತ್ತು ಹಲವಾರು ರೀಟೇಕ್‌ಗಳನ್ನು ತೆಗೆದುಕೊಳ್ಳಬೇಕಾಯಿತು. ಅಂತಿಮವಾಗಿ ಆ ಪಾತ್ರದಲ್ಲಿ ಅವರನ್ನು ಬದಲಿಸುವ ಅಗತ್ಯವಿತ್ತು. ಆ ಚಿತ್ರದಲ್ಲಿ ಅವರಿಗೆ ಸ್ವಲ್ಪ ಸಂಭಾಷಣೆ ಇರುವ ಪಾತ್ರವನ್ನು ನೀಡಲಾಯಿತು. ಮುಂದಿನ ವರ್ಷ ರೂಪಾವತಿ ಮತ್ತು ಪಾತಾಳ ಭೈರವಿ (ಎರಡೂ ೧೯೫೧ ರಲ್ಲಿ) ಎಂಬ ಎರಡು ಸಣ್ಣ ಪಾತ್ರಗಳಲ್ಲಿ ನಟಿಸಿದರು. ನಂತರ ಪೆಲ್ಲಿ ಚೆಸಿ ಚೂಡು (೧೯೫೨) ಚಿತ್ರದಲ್ಲಿ ಎರಡನೇ ನಾಯಕಿಯಾಗಿ ನಟಿಸಿದರು. ನಂತರ, ಅವರು ದೇವದಾಸು (೧೯೫೩),[೧೨][೧೩][೧೪] ಮತ್ತು ಮಿಸ್ಸಮ್ಮ (೧೯೫೫) ನಂತಹ ಬ್ಲಾಕ್‌ಬಸ್ಟರ್‌ಗಳಲ್ಲಿ ವಿಮರ್ಶಾತ್ಮಕವಾಗಿ ಮೆಚ್ಚುಗೆ ಪಡೆದ ಪಾತ್ರಗಳೊಂದಿಗೆ ತಾರೆಯಾಗಿ ಬೆಳೆದರು.[೯]

"ಸಾವಿತ್ರಿ" ಚಿತ್ರವನ್ನು ನಿರ್ದೇಶಿಸಿದ ನಿರ್ದೇಶಕ ಪಿ. ಚಂದ್ರಶೇಖರ ರೆಡ್ಡಿ ಹೇಳುವಂತೆ, "ಅವರ ಸೌಂದರ್ಯ ಮತ್ತು ಪ್ರತಿಭೆಗೆ ಸರಿಸಾಟಿ ಯಾರೂ ಇಲ್ಲ. ಅವರು ಯಾರ ಸಲಹೆಯನ್ನೂ ಕೇಳುತ್ತಿರಲಿಲ್ಲ ಮತ್ತು ಬಹಳ ಬೇಗನೆ ಮದುವೆಯಾದರು. ಸೆಟ್‌ಗಳಲ್ಲಿಯೂ ಸಹ ಅವರು ಕುಡಿಯುವುದಕ್ಕೆ ತುಂಬಾ ವ್ಯಸನಿಯಾಗಿದ್ದರು ಎಂದು ನನಗೆ ನೆನಪಿದೆ; ಚಿತ್ರೀಕರಣದ ಸಮಯದಲ್ಲಿ ಅವರು ನನ್ನ ಶರ್ಟ್ ಮೇಲೆಯೇ ವಾಂತಿ ಮಾಡಿಕೊಂಡರು. ಮರುದಿನ ಅವರು ನನಗಾಗಿ ಹೊಸ ಶರ್ಟ್ ಅನ್ನು ತರಿಸಿದರು. ಅವರು ಉದಾರ ಮಹಿಳೆಯಾಗಿದ್ದರು." ಸಾವಿತ್ರಿ ಬಾಲಿವುಡ್ ಚಿತ್ರಗಳಲ್ಲಿಯೂ ಕೆಲಸ ಮಾಡಿದರು, ಆದರೂ ಅವರಿಗೆ ಹೆಚ್ಚಿನ ಯಶಸ್ಸು ಸಿಗಲಿಲ್ಲ.[೯] ಅವರು ಮೂರು ಮಲಯಾಳಂ ಚಿತ್ರಗಳಲ್ಲಿ ನಟಿಸಿದ್ದಾರೆ, ವಿಶೇಷವಾಗಿ ಚುಝಿ (೧೯೭೩).[೧೫]

ಮಾಯಾಬಜಾರ್ ಸೆಟ್‌ನಲ್ಲಿ ಸಾವಿತ್ರಿ

೧೯೫೭ ರ ಮಾಯಾಬಜಾರ್ ಚಿತ್ರದಲ್ಲಿನ ಅವರ ಅಭಿನಯವು ಅವರನ್ನು ತಾರೆ ಸ್ಥಾನದ ಎತ್ತರಕ್ಕೆ ಏರಿಸಿತು. ನಂತರ ಅವರು ತಮ್ಮ ಪೀಳಿಗೆಯ ಅತಿ ಹೆಚ್ಚು ಸಂಭಾವನೆ ಪಡೆಯುವ ಮತ್ತು ಹೆಚ್ಚು ಬೇಡಿಕೆಯ ದಕ್ಷಿಣ ಭಾರತದ ನಟಿಯಾದರು. ಸಾವಿತ್ರಿಯವರು ಆತಿಥ್ಯ, ಪರೋಪಕಾರಿ ಗುಣಗಳು ಮತ್ತು ಆಸ್ತಿ ಮತ್ತು ಆಭರಣಗಳನ್ನು ಖರೀದಿಸುವ ಪ್ರೀತಿಗೆ ಹೆಸರುವಾಸಿಯಾಗಿದ್ದರು. ಆದರೆ ಅವರು ತಮ್ಮ ಖರ್ಚಿನ ಮೇಲೆ ಹೆಚ್ಚಿನ ನಿಯಂತ್ರಣವನ್ನು ಹೊಂದಿರಲಿಲ್ಲ. ೧೯೬೦ ರಲ್ಲಿ, ಅವರು ತೆಲುಗು ಚಲನಚಿತ್ರ ಚಿವರಕು ಮಿಗಿಲೆಡಿಯಲ್ಲಿನ ಅಭಿನಯಕ್ಕಾಗಿ ರಾಷ್ಟ್ರಪತಿಯಿಂದ ವಿಶೇಷ ಉಲ್ಲೇಖವನ್ನು ಪಡೆದರು. ೧೯೬೩ ರಲ್ಲಿ, ಅವರು ಜಕಾರ್ತಾದಲ್ಲಿ ನಡೆದ ಆಫ್ರೋ-ಏಷ್ಯನ್ ಚಲನಚಿತ್ರೋತ್ಸವದಲ್ಲಿ ಪ್ರದರ್ಶಿಸಲಾದ ನರ್ತನಶಾಲಾ (೧೯೬೩) ಚಿತ್ರದಲ್ಲಿ ನಟಿಸಿದರು. ೧೯೬೮ ರಲ್ಲಿ, ಅವರು ತೆಲುಗು ಚಿತ್ರ ಚಿನ್ನಾರಿ ಪಾಪಲು ನಿರ್ಮಿಸಿ ನಿರ್ದೇಶಿಸಿದರು. ಇದಕ್ಕಾಗಿ ಅವರು ಅತ್ಯುತ್ತಮ ಚಲನಚಿತ್ರಕ್ಕಾಗಿ (ಬೆಳ್ಳಿ) ರಾಜ್ಯ ನಂದಿ ಪ್ರಶಸ್ತಿಯನ್ನು ಪಡೆದರು. ೧೯೬೦ ರ ದಶಕದ ಉತ್ತರಾರ್ಧದಲ್ಲಿ ಅವರ ವೃತ್ತಿಜೀವನವು ಕುಸಿತ ಕಂಡಿತು. ೧೯೭೦ ರ ದಶಕದಲ್ಲಿ ತೆರಿಗೆ ಅಧಿಕಾರಿಗಳು ಅವರ ಆಸ್ತಿಗಳನ್ನು ಮುಟ್ಟುಗೋಲು ಹಾಕಿಕೊಂಡರು. ಆದರೆ ಸಿಕೋಫಂಟ್‌ಗಳು ಅವರನ್ನು ವಿಫಲವಾದ ಮತ್ತು ಆರ್ಥಿಕವಾಗಿ ಬರಿದಾಗುತ್ತಿದ್ದ ಚಲನಚಿತ್ರಗಳನ್ನು ನಿರ್ದೇಶಿಸಲು ಮತ್ತು ನಿರ್ಮಿಸಲು ಪ್ರೋತ್ಸಾಹಿಸಿದರು. ಅವರ ಆರ್ಥಿಕ ಸಂಕಷ್ಟದ ಸಮಯದಲ್ಲಿ ಅವರ ಕೆಲವೇ ಬೆಂಬಲಿಗರಲ್ಲಿ ದಾಸರಿ ನಾರಾಯಣ ರಾವ್ ಕೂಡ ಒಬ್ಬರು. ಅವರು ಗೋರಿಂಟಾಕು (೧೯೭೯) ನಂತಹ ಅವರ ಹೆಚ್ಚಿನ ಚಿತ್ರಗಳಲ್ಲಿ ಅವರನ್ನು ನಟಿಸುವಂತೆ ಮಾಡಿದರು ಮತ್ತು ನಿರ್ದಿಷ್ಟವಾಗಿ ದೇವದಾಸು ಮಲ್ಲಿ ಪುಟ್ಟದು (೧೯೭೮) ಚಿತ್ರವನ್ನು ಅವರಿಗಾಗಿ ನಿರ್ಮಿಸಿದರು.[೧೬]

ಸಾವಿತ್ರಿ, ಅವರ ಕಾಲದ ಅಗ್ರ ತಮಿಳು ನಟಿಯರಲ್ಲಿ ಒಬ್ಬರು. ಅವರು ಎಂಜಿಆರ್, ಶಿವಾಜಿ ಗಣೇಶನ್ ಅವರಂತಹ ಪ್ರಮುಖ ನಾಯಕರೊಂದಿಗೆ ಮತ್ತು ಹೆಚ್ಚಾಗಿ ಅವರ ಪತಿ ಜೆಮಿನಿ ಗಣೇಶನ್ ಅವರೊಂದಿಗೆ ನಟಿಸಿದರು. ಆಕೆಯ ಗಮನಾರ್ಹ ತಮಿಳು ಕೃತಿಗಳೆಂದರೆ ಕಳತ್ತೂರ್ ಕಣ್ಣಮ್ಮ (೧೯೫೯), ಪಾಸಮಲರ್ (೧೯೬೧), ಪಾವ ಮನ್ನಿಪ್ಪು (೧೯೬೧), ಪಾರ್ತಲ್ ಪಾಸಿ ತೀರುಮ್ (೧೯೬೨), ಕರ್ಪಗಮ್ (೧೯೬೩), ಕರ್ಣನ್ (೧೯೬೩), ಕೈ ಕೊಡುತ್ತ ಧೈವಂ, ನವರಾತ್ರಿ (೧೯೬೪), ಮತ್ತು ತಿರುವಿಲಾಯದಾಳ್ (೧೯೬೪).

೧೯೫೮ ರಲ್ಲಿ ಎಂ.ಜಿ. ರಾಮಚಂದ್ರನ್ ಅವರ ಎರಡನೇ ನಿರ್ದೇಶನದ ಚಿತ್ರ ಪೊನ್ನಿಯಿನ್ ಸೆಲ್ವನ್‌ಗೆ ಸಾವಿತ್ರಿ ಅವರನ್ನು ಬುಕ್ ಮಾಡಲಾಯಿತು.[೧೭] ಕಲ್ಕಿ ಕೃಷ್ಣಮೂರ್ತಿಯವರ ಪೊನ್ನಿಯಿನ್ ಸೆಲ್ವನ್ ಅವರ ಮೊದಲ ಪರದೆಯ ರೂಪಾಂತರಗಳಲ್ಲಿ ಒಂದಾದ ಈ ಚಿತ್ರವು ವೈಜಯಂತಿಮಾಲಾ, ಪದ್ಮಿನಿ, ಜೆಮಿನಿ ಗಣೇಶನ್, ಸರೋಜಾ ದೇವಿ, ಎಂಎನ್ ರಾಜಂ ಮತ್ತು ನಾಗೇಶ್ ಅವರನ್ನು ಒಳಗೊಂಡ ಬೃಹತ್ ತಾರಾಗಣವನ್ನು ಹೊಂದಿತ್ತು .[೧೮] ಆ ಚಿತ್ರದಲ್ಲಿ, ಅವರಿಗೆ ಪೂಂಗುಳಲಿ ಮತ್ತು ಸೇಂಥನ್ ಅಮುತನ್ ಅವರ ಪತ್ನಿಯ ಪಾತ್ರವನ್ನು ನೀಡಲಾಯಿತು.[೧೮] ಆದಾಗ್ಯೂ, ೧೯೫೮ ರ ಮಧ್ಯದಲ್ಲಿ ಅಪರಿಚಿತ ಕಾರಣಗಳಿಂದಾಗಿ ಚಲನಚಿತ್ರವನ್ನು ಸ್ಥಗಿತಗೊಳಿಸಲಾಯಿತು.[೧೭]

ವೈಯಕ್ತಿಕ ಜೀವನ

[ಬದಲಾಯಿಸಿ]

ಸಾವಿತ್ರಿ ೧೯೫೨ ರಲ್ಲಿ ತಮಿಳು ನಟ ಜೆಮಿನಿ ಗಣೇಶನ್ ಅವರನ್ನು ವಿವಾಹವಾದರು, ಅವರನ್ನು ಮೊದಲು ಭೇಟಿಯಾದದ್ದು ೧೯೪೮ ರಲ್ಲಿ. ಗಣೇಶನ್ ಅದಾಗಲೇ ಮದುವೆಯಾಗಿದ್ದರು, ನಾಲ್ಕು ಹೆಣ್ಣು ಮಕ್ಕಳಿದ್ದರು ಮತ್ತು ಪುಷ್ಪವಲ್ಲಿ ಜೊತೆ ಸಂಬಂಧ ಹೊಂದಿದ್ದರು ಎಂಬ ಕಾರಣದಿಂದಾಗಿ ಈ ಮದುವೆಗೆ ಅವರ ಚಿಕ್ಕಪ್ಪನ ಒಮ್ಮತವಿರಲಿಲ್ಲ.[೧೯] ಅವರು ಸಾವಿತ್ರಿ ಗಣೇಶ್ ಎಂದು ಛಾಯಾಚಿತ್ರಕ್ಕೆ ಸಹಿ ಹಾಕಿದಾಗ ಅವರ ಮದುವೆಯ ಕುರಿತು ಎಲ್ಲರಿಗೂ ತಿಳಿಯಿತು.[೧೦] ಗಣೇಶನ್ ಅವರು ತಾವು ಸಾವಿತ್ರಿಯವರೊಂದಿಗೆ ವಿವಾಹವಾಗುವ ಮೊದಲು ತಮಗೆ ಪುಷ್ಪವಲ್ಲಿ ಅವರಿಂದ ಇಬ್ಬರು ಹೆಣ್ಣುಮಕ್ಕಳಿದ್ದರು ಎಂದು ಒಪ್ಪಿಕೊಂಡರು. ಸಾವಿತ್ರಿಯವರಿಂದ ಅವರಿಗೆ ಒಬ್ಬ ಮಗಳು ಮತ್ತು ಒಬ್ಬ ಮಗನಿದ್ದರು. ಸಾವಿತ್ರಿ ಮತ್ತು ಗಣೇಶನ್ ನಂತರ ೧೯೮೧ ರಲ್ಲಿ ಬೇರ್ಪಟ್ಟರು.[೧೧] ಈ ದಂಪತಿಗೆ ವಿಜಯ ಚಾಮುಂಡೇಶ್ವರಿ ಎಂಬ ಮಗಳು ಮತ್ತು ಸತೀಶ್ ಕುಮಾರ್ ಎಂಬ ಮಗ ಇದ್ದರು.[೧೯] ಚಾಮುಂಡೇಶ್ವರಿಗೆ ಅಭಿನಯ್ ವಡ್ಡಿ ಎಂಬ ಮಗನಿದ್ದಾನೆ, ಅವನು ರಾಮಾನುಜನ್ (೨೦೧೪) ಚಿತ್ರದಲ್ಲಿ ನಟಿಸಿದ್ದನು.[೨೦]

ಸಾವು

[ಬದಲಾಯಿಸಿ]

೧೯ ತಿಂಗಳುಗಳ ಕಾಲ ಕೋಮಾದಲ್ಲಿದ್ದ ಸಾವಿತ್ರಿ ೧೯೮೧ ರ ಡಿಸೆಂಬರ್ ೨೬ ರಂದು ತಮ್ಮ ೪೭ ನೇ ವಯಸ್ಸಿನಲ್ಲಿ ನಿಧನರಾದರು. ಅವರಿಗೆ ಮಧುಮೇಹ ಮತ್ತು ಅಧಿಕ ರಕ್ತದೊತ್ತಡ ಇತ್ತು.[೧೯][೨೧]

ಪರಂಪರೆ

[ಬದಲಾಯಿಸಿ]
೨೦೧೧ ರ ಭಾರತದ ಅಂಚೆಚೀಟಿಯಲ್ಲಿ ಸಾವಿತ್ರಿ

"ಸಾವಿತ್ರಿ ಒಬ್ಬ ಹಠಮಾರಿ, ದೃಢನಿಶ್ಚಯೆ, ಯಾವುದೇ ಪಾತ್ರಕ್ಕೆ ಸುಲಭವಾಗಿ ಹೊಂದಿಕೊಳ್ಳಬಲ್ಲವಳು, ಚಿಲಿಪಿಲಿ ಮಾಡುವವಳು ಮತ್ತು ಹೆಸರಾಂತ ಲೋಕೋಪಕಾರಿ" ಎಂದು ದಿ ಪ್ರಿಂಟ್‌ನ ರಿಷಿಕಾ ಸದಮ್ ಬರೆದಿದ್ದಾರೆ. "ಪುರುಷ ತಾರೆಯರನ್ನು ಮಾತ್ರ ಗಮನದಲ್ಲಿಟ್ಟುಕೊಂಡು ಚಿತ್ರಕಥೆಗಳು, ಚಿತ್ರೀಕರಣಗಳನ್ನು ಯೋಜಿಸಲಾಗುತ್ತಿದ್ದ ಸಮಯದಲ್ಲಿ, ಸಾವಿತ್ರಿಯವರ ಅಭಿನಯ, ಅವರ ಅಭಿವ್ಯಕ್ತಿಗಳು ಮತ್ತು ಅವರ ಸೌಂದರ್ಯವು ಬರಹಗಾರರು ಮತ್ತು ನಿರ್ದೇಶಕರನ್ನು ಬೇರೆ ರೀತಿಯಲ್ಲಿ ಯೋಚಿಸುವಂತೆ ಮಾಡಿತು. ಪುರುಷ ಪ್ರಾಬಲ್ಯದ ಮನರಂಜನಾ ಉದ್ಯಮದಲ್ಲಿ ಅವರು 'ನಿತ್ಯಹರಿದ್ವರ್ಣ' ತಾರೆಯಾಗಿ ಬೆಳೆದರು" ಎಂದು ಅವರು ಹೇಳಿದರು.[೨೨]

೨೦೧೧ ರಲ್ಲಿ, ಭಾರತ ಸರ್ಕಾರವು ಸಾವಿತ್ರಿಯವರ ಸ್ಮರಣಾರ್ಥವಾಗಿ ಅವರ ಮುಖವನ್ನು ಹೊಂದಿರುವ ಅಂಚೆ ಚೀಟಿಯನ್ನು ಬಿಡುಗಡೆ ಮಾಡಿತು.[೨೩]

ಜನಪ್ರಿಯ ಸಂಸ್ಕೃತಿಯಲ್ಲಿ

[ಬದಲಾಯಿಸಿ]
  • ೨೦೧೮ ರಲ್ಲಿ, ನಟಿ ಕೀರ್ತಿ ಸುರೇಶ್ ಸಾವಿತ್ರಿ ಪಾತ್ರದಲ್ಲಿ ನಟಿಸಿದ ಸಾವಿತ್ರಿ ಅವರ ಜೀವನ ಚರಿತ್ರೆಯ ' ಮಹಾನಟಿ' ಬಿಡುಗಡೆಯಾಯಿತು. ಇದು ವಿಮರ್ಶಾತ್ಮಕ ಮೆಚ್ಚುಗೆ ಮತ್ತು ವಾಣಿಜ್ಯಿಕ ಯಶಸ್ಸನ್ನು ಗಳಿಸಿತು.[೨೪][೨೫]
  • ೨೦೧೯ ರಲ್ಲಿ, NTR ಅವರ ಬಯೋಪಿಕ್ ಎನ್‌ಟಿಆರ್:ಕಥಾನಾಯಕುಡು ನಲ್ಲಿ, ನಟಿ ನಿತ್ಯಾ ಮೆನನ್ ತೆರೆಯ ಮೇಲೆ ಸಾವಿತ್ರಿ ಪಾತ್ರವನ್ನು ನಿರ್ವಹಿಸಿದ್ದರು.[೨೬][೨೭]

ಟಿಪ್ಪಣಿ

[ಬದಲಾಯಿಸಿ]
  1. ↑ ೧.೦ ೧.೧ Savitri's birth date is misrecorded at many places as 4 January 1936. V. R. Murthy and V. Soma Raju in their book A Legendary Actress: Mahanati Savitri have determined the exact birth date as 6 December 1934 after extensive research.


ಉಲ್ಲೇಖಗಳು

[ಬದಲಾಯಿಸಿ]
  1. ↑ "These are the qualities that made yesteryear actress Savitri a 'Mahanati'". The Times of India. Retrieved 29 November 2021.
  2. ↑ "Mahanati Savitri: Remembering the late actress on her birth anniversary". Economic Times. Retrieved 28 November 2022.
  3. ↑ "Directorate of Film Festival" (PDF). Iffi.nic.in. Retrieved 25 August 2012.
  4. ↑ Devipriya (January 1999). "Savitri: A Moon Among Stars" (PDF). 30th International Film Festival of India '99. Directorate of Film Festivals. p. 150. Archived from the original (PDF) on 30 January 2013. Retrieved 23 March 2018.
  5. ↑ "Mahanati: 100 glorious days of an undisputed classic!". in.com. Archived from the original on 8 November 2018.
  6. ↑ ೬.೦ ೬.೧ Premchand, V. K. (25 December 2016). "మసకబారని మహానటి". Sakshi (in ತೆಲುಗು). Retrieved 6 December 2020.
  7. ↑ "Kapu community says no to 'Chandranna' samkshema bhavan". The Times of India. 2016-05-22. ISSN 0971-8257. Retrieved 2023-04-08.
  8. ↑ "Election promises haunt Chandrababu Naidu". Deccan Chronicle. 2 February 2016. Retrieved 14 May 2023.
  9. ↑ ೯.೦ ೯.೧ ೯.೨ Kalyanam, Rajeshwari (22 December 2013). "Drama In Real Life". The Hans India. Retrieved 23 March 2018.
  10. ↑ ೧೦.೦ ೧೦.೧ "Star and a versatile actor". The Hindu. Chennai, India. 15 August 2003. Archived from the original on 29 September 2003. Retrieved 11 July 2011.
  11. ↑ ೧೧.೦ ೧೧.೧ "Meet late actor who was once highest-paid actress, got into troubled marriage and witnessed downfall due to alcoholic life". PINKVILLA (in ಇಂಗ್ಲಿಷ್). 2024-06-28. Retrieved 2024-07-16.
  12. ↑ "::Directorate Of Film Festivals::". Archived from the original on 28 May 2015.
  13. ↑ "4th National Film Awards" (PDF). Directorate of Film Festivals. Retrieved 2 September 2011.
  14. ↑ "33rd International Film Festival of India" (PDF). Directorate of Film Festivals. 2002. Archived from the original (PDF) on 23 December 2017. Retrieved 23 December 2017.
  15. ↑ Vijayakumar, B. (12 October 2014). "Chuzhi: 1973". The Hindu. Retrieved 1 March 2018.
  16. ↑ Chowdhary, Y. Sunita (3 May 2018). "Savitri: a legend like none other". The Hindu (in Indian English). Retrieved 8 January 2021.
  17. ↑ ೧೭.೦ ೧೭.೧ A. Srivathsan (19 October 2011). "Age hardly withers charm of Ponniyin Selvan". The Hindu. Retrieved 21 January 2012.
  18. ↑ ೧೮.೦ ೧೮.೧ "Ponniyin Selvan Movie Attempts – is it a curse or lack of purse : MGR – Gemini Ganeshan – Vyjayanthimala Bali". 600024.com. 31 May 2011. Retrieved 21 January 2012.
  19. ↑ ೧೯.೦ ೧೯.೧ ೧೯.೨ Kalyanam, Rajeshwari (22 December 2013). "Drama In Real Life". The Hans India. Retrieved 23 March 2018.Kalyanam, Rajeshwari (22 December 2013). "Drama In Real Life". The Hans India. Retrieved 23 March 2018.
  20. ↑ "Gemini Ganesan and Savithri's grandson Abhinay Vaddi to be next seen in a thriller film!". In.com. 18 July 2019. Archived from the original on 11 October 2020. Retrieved 24 January 2020.
  21. ↑ Adivi, Sashidhar (26 April 2017). "I never watched amma's films: Vijaya Chamundeswari". Deccan Chronicle. Retrieved 1 March 2018.
  22. ↑ "Savitri stood out when South film was ruled by NTR, Nageswara Rao. Movies waited for her". Govt postage stamps. 6 December 2021. Retrieved 25 September 2023.
  23. ↑ "Stamp depicting Savtri issued by the Government". Govt postage stamps. Archived from the original on 22 ಜೂನ್ 2018. Retrieved 31 December 2015.
  24. ↑ "Mahanati actor Keerthy Suresh on playing Savirtri: I'm glad I convinced her daughter with my portrayal". Firstpost. 11 May 2018. Archived from the original on 24 May 2018. Retrieved 21 May 2018.
  25. ↑ Pudipeddi, Haricharan (2 July 2018). "Mahanati completes 50-day theatrical run, becomes highest grossing woman-led South Indian film". Firstpost. Archived from the original on 14 July 2018. Retrieved 24 May 2018.
  26. ↑ "NTR biopic: Meet Nithya Menen as legendary actor Savitri". The Indian Express (in ಇಂಗ್ಲಿಷ್). 5 November 2018. Archived from the original on 14 September 2021. Retrieved 14 September 2021.
  27. ↑ Manoj Kumar R. (2019-01-09). "NTR Kathanayakudu movie review: Tribute to the legend of NT Rama Rao". The Indian Express (in ಇಂಗ್ಲಿಷ್). Archived from the original on 29 November 2022. Retrieved 2023-01-25.


ಬಾಹ್ಯ ಕೊಂಡಿಗಳು

[ಬದಲಾಯಿಸಿ]
"https://kn.wikipedia.org/w/index.php?title=ಸಾವಿತ್ರಿ_(ನಟಿ)&oldid=1300614" ಇಂದ ಪಡೆಯಲ್ಪಟ್ಟಿದೆ