ಸದಸ್ಯ:Anusha Serrao/sandbox1

ವಿಕಿಪೀಡಿಯ ಇಂದ
Jump to navigation Jump to search

ಚೌಳಿಕಾಯಿ[ಬದಲಾಯಿಸಿ]

ಒಂದು ಜಾತಿಯ ತರಕಾರಿ. ಕೆಲವು ಕಡೆ ಇದನ್ನು ಗೋರಿಕಾಯಿ ಎಂದು ಕರೆಯುತ್ತಾರೆ. ಇದರ ಸಸ್ಯ ಶಾಸ್ತ್ರೀಯ ಹೆಸರು ಸಯಾಮಾಪ್ಸಿಸ್ ಟೆಟ್ರಾಗೋನೊಲೋಬ(cyamopsis tetragonolova). ಇದರ ಕುಟುಂಬ ಫ್ಯಾಬೆಸಿ (fabaceae).ಇದು ಮಧ್ಯ ಏಷ್ಯಾಖಂಡದ ಸ್ವಾಭಾವಿಕ ಬೆಳೆಯಾಗಿದೆ.ಇದರ ಮೂಲ ಹೆಸರುಗಳು ಗುಅರ್,ಕುವಾರ,ಕೌರಿ ಎಂದಿವೆ[೧].

ಔಷದೀಯ ಗುಣಗಳು[ಬದಲಾಯಿಸಿ]

ಬಾಯಿಯ ಕೆಟ್ಟ ಗುಣಗಳು ನಿವಾರಣೆಯಾಗುತ್ತದೆ. ಹಲ್ಲು ಮತ್ತು ನಾಲಗೆ ಶುಚಿಯಾಗುತ್ತದೆ.

ಬೇಸಾಯ[ಬದಲಾಯಿಸಿ]

ಎಲ್ಲಾ ರೀತಿಯ ಮಣ್ಣುಗಳಿಗೆ ಹೊಂದಿಕೊಂಡು ಬೆಳೆಯುತ್ತದೆ.ಮಳೆಗಾಲ ಮತ್ತು ಬೇಸಿಗೆ ಕಾಲದಲ್ಲಿ ಉತ್ತಮವಾಗಿ ಬೆಳೆಸಬಹುದು. ಹೆಚ್ಚು ಉಷ್ಣ ಮತ್ತು ಕಡಿಮೆ ಮಳೆ ಇರುವ ಪ್ರದೇಶಗಳಲ್ಲಿ ಬೆಳೆಯುತ್ತದೆ. ಈ ಬೆಳೆಯನ್ನು ಪ್ರಾರಂಭಿಸಲು ಜೂನ್-ಜುಲಾಯ್, ಫೆಬ್ರವರಿ-ಮಾರ್ಚ್ ತಿಂಗಳುಗಳು ಸೂಕ್ತ.

  • ಬೀಜ ಮತ್ತು ಬಿತ್ತನೆ

ಪ್ರತಿ ಎಕರೆಗೆ ೬-೮ಗ್ರಾಂ ಬಿತ್ತನೆ ಬೀಜ ಬೇಕು. ೨-೩ ಭಾರಿ ಉತ್ತು ಹದ ಮಾಡಿದ ನಂತರ ೧.೫ ಅಡಿ ಅಂತರದಲ್ಲಿ ಸಾಲುಗಳನ್ನು ಮಾಡಿ, ಈ ಸಾಲುಗಳಲ್ಲಿ ಎಕರಗೆ ೪ಟನ್ ಗೊಬ್ಬರ, ೫ಕಿ.ಗ್ರಾಂ ಸಾರಜನಕ(೧೧ಕಿ.ಗ್ರಾಂ ಯೂರಿಯಾ, ೩೦ಕಿ.ಗ್ರಾಂ ರಂಜಕ(೧೮೭.೫ಕಿ.ಗ್ರಾಂ ಫಾಸ್ಫೇಟ್) ಮತ್ತು ೨೪ಕಿ.ಗ್ರಾಂ ಪೊಟ್ಯಾಷ್ (೪೦ಕಿ.ಗ್ರಾಂ ಮ್ಯೂರೆಟ್ ಆಫ್ ಪೊಟ್ಯಾಷ್) ಸತ್ವ ಒದಗಿಸುವ ಗೊಬ್ಬರಗಳನ್ನು ಹಾಕಿ ಮಿಶ್ರ ಮಾಡಿದ ನಂತರ ೨೦-೨೫ಸೆಂ.ಮೀ(೮-೧೦ ಅಂಗುಲ) ಅಂತರಕ್ಕೆ ಒಂದರಂತೆ ಬೀಜ ಬಿತ್ತಬೇಕು. ಬೀಜ ಬಿತ್ತಿದ ೬ ವಾರಗಳ ತರುವಾಯ ೫ಕಿ.ಗ್ರಾಂ ಸಾರಜನಕ(೧೧ಕಿ.ಗ್ರಾಂ ಯೂರಿಯಾ)ವನ್ನು ಮೇಲುಗೊಬ್ಬರವಾಗಿ ಒದಗಿಸಬೇಕು.

  • ನೀರಾವರಿ

ಈ ಬೆಳೆಯು ಬರ ನಿರೋಧಕ ಗುಣ ಹೊಂದಿದೆ. ವಾರಕ್ಕೊಂದು ಬಾರಿ ನೀರು ಹಾಯಿಸುವುದರಿಂದ ಇಳುವರಿ ಹೆಚ್ಚಾಗುವುದು. ಗೋರಿಕಾಯಿ ತೋಟದಲ್ಲಿ ಕಳೆ ಇರಬಾರದು.

  • ಕೊಯ್ಲು ಮತ್ತು ಇಳುವರಿ

೪ರಿಂದ ೫ದಿನಗಳ ಅಂತರದಲ್ಲಿ ಕೊಯ್ಲು ಮಾಡಿದರೆ ಪ್ರತಿ ಎಕರೆಗೆ ಸುಮಾರು ೨೪೦೦ರಿಂದ ೩೨೦೦ಕಿ.ಗ್ರಾಂ ಇಳುವರಿ ಸಿಗುತ್ತದೆ.

ತಳಿಗಳು[ಬದಲಾಯಿಸಿ]

  1. ಪೂಸ ಸದಾಬಹಾರ್
  2. ಪೂಸಾ ಮೌಸಮಿ
  3. ಪೂಸ ನೌಬಹಾರ್

ಉಲ್ಲೇಖ[ಬದಲಾಯಿಸಿ]

  1. ಡಾ.ಪಿ ನಾರಯಣಸ್ವಾಮಿ, ಡಾ.ಎಲ್ ವಸಂತ,ಗಿಡ ತರಕಾರಿಗಳು,೨೦೦೬