ಶ್ರೀ ಗಂಧದಗುಡಿ (ಕನ್ನಡ ಧಾರಾವಾಹಿ 2025)

ಶ್ರೀ ಗಂಧದಗುಡಿ ಪ್ರಸ್ತುತ ಕಲರ್ಸ್ ಕನ್ನಡದಲ್ಲಿ ಪ್ರಸಾರವಾಗುತ್ತಿರುವ ಭಾರತೀಯ ಕನ್ನಡ ಭಾಷೆಯ ದೈನಂದಿನ ಧಾರಾವಾಹಿ ಆಗಿದೆ. ಈ ಧಾರಾವಾಹಿಯ ಮೊದಲ ಸಂಚಿಕೆಯು 2025ರ ಅಕ್ಟೋಬರ್‌ 6ಕ್ಕೆ ರಾತ್ರಿ 8 ಗಂಟೆಗೆ ಪ್ರಸಾರವಾಯಿತು . ತಾರಾಂಗಣದಲ್ಲಿ ಶಿಶಿರ್ ಶಾಸ್ತ್ರಿ, ಭವಿಷ್, ಸಂಜನಾ ಬುರ್ಲಿ, ಕರಿಸುಬ್ಬು, ಅಶ್ವಥ್ ನೀನಾಸಂ, ಜಯಂತ್, ಗಗನ್ ದೀಪ್ ಮುಂತಾದವರಿದ್ದಾರೆ. ಕಥಾ ಕ್ರಿಯೇಷನ್ಸ್ ಬ್ಯಾನರ್‌ನಲ್ಲಿ ಪರೀಕ್ಷಿತ್ ಎಂ ಎಸ್ ಮತ್ತು ಪ್ರದೀಪ್ ಆಜ್ರಿ ನಿರ್ಮಾಣ ಮಾಡುತ್ತಿದ್ದಾರೆ. ಪ್ರಕಾಶ್ ಮುಚ್ಚಳಗುಡ್ಡ ಈ ಧಾರಾವಾಹಿಯನ್ನು ನಿರ್ದೇಶನ ಮಾಡುತ್ತಿದ್ದಾರೆ .

ಶ್ರೀ ಗಂಧದಗುಡಿ (ಕನ್ನಡ ಧಾರಾವಾಹಿ 2025)
ಟೈಟಲ್ ಕಾರ್ಡ್
ಶೈಲಿ	ದೈನಂದಿನ ಧಾರಾವಾಹಿ
ನಿರ್ದೇಶಕರು	ಪ್ರಕಾಶ್ ಮುಚ್ಚಳಗುಡ್ಡ
ದೇಶ	ಭಾರತ
ಭಾಷೆ(ಗಳು)	ಕನ್ನಡ
ನಿರ್ಮಾಣ
ನಿರ್ಮಾಪಕ(ರು)	ಪರೀಕ್ಷಿತ್ ಎಂ ಎಸ್, ಪ್ರದೀಪ್ ಆಜ್ರಿ
ಸಮಯ	22 ನಿಮಿಷಗಳು
ನಿರ್ಮಾಣ ಸಂಸ್ಥೆ(ಗಳು)	ಕಥಾ ಕ್ರಿಯಷನ್ಸ್
ಪ್ರಸಾರಣೆ
ಮೂಲ ವಾಹಿನಿ	ಕಲರ್ಸ್ ಕನ್ನಡ
ಮೂಲ ಪ್ರಸಾರಣಾ ಸಮಯ	6 ಅಕ್ಟೋಬರ್ 2025 – ಪ್ರಸ್ತುತ

ಕಥಾವಸ್ತು

ಗಂಡು ಮಕ್ಕಳೇ ಇರುವ ಮನೆಗೆ ಹೆಣ್ಣೊಂದು ಸೊಸೆಯಾಗಿ ಬಂದಾಗ ಮನೆಯ ಹೇಗೆ ಬದಲಾಗುತ್ತದೆ. ಊರ ಜನರ ದೃಷ್ಟಿ ಮತ್ತು ಅಭಿಪ್ರಾಯ ಹೇಗೆ ಬದಲಾವಣೆಗೊಳ್ಳುತ್ತದೆ ಎಂಬುವುದು ಕಥಾವಸ್ತು ಆಗಿದೆ.

ಸಾರಾಂಶ

ನಟ ಡಾ. ರಾಜಕುಮಾರ್ ಅವರ ದೊಡ್ಡ ಅಭಿಮಾನಿಯಾಗಿರೋ ಅಪ್ಪ ನಟರಾಜ ತನ್ನ ಮಕ್ಕಳಿಗೆ ಮುತ್ತುರಾಜ, ಸತ್ಯ ಹರಿಶ್ಚಂದ್ರ, ಕಂಠೀರವ, ಮಯೂರ ಎಂದು ಹೆಸರು ಇಡುತ್ತಾನೆ. ಈ ನಾಲ್ಕು ಗಂಡು ಮಕ್ಕಳು ನಾಲ್ಕು ದಿಕ್ಕುಗಳಂತೆ. ಒಬ್ಬೊಬ್ರದ್ದು ಒಂದೊಂದು ಹಾದಿಯಾಗಿರುತ್ತದೆ. ತಂದೆ ನಟರಾಜ ಕುಡುಕನಾಗಿದ್ದು, ಬೇಜವಾಬ್ದಾರಿಯ ಮನುಷ್ಯನಾಗಿರುತ್ತಾನೆ. ನಟರಾಜ ಸಂಪಾದಿಸಿರೋದು ಕೆಟ್ಟ ಹೆಸರು ಮಾತ್ರವಾಗಿರುತ್ತದೆ. ತಂದೆಯಿಂದ ಮನೆಯ ಮಕ್ಕಳಿಗೂ ಕೆಟ್ಟ ಹೆಸರು ಬಂದಿರುತ್ತದೆ. ಇಂಥ ಮನೆಗೆ ಯಾವ ಹೆಣ್ಣೂ ಬರೋಕೆ ಸಾಧ್ಯವಿಲ್ಲ, ಬಂದರೂ ಬದುಕೋಕೆ ಅಸಾಧ್ಯ ಅಂತ ಊರಿನ ಜನ ಮಾತಾನಾಡುತ್ತಿರುತ್ತಾರೆ.

ಈ ಮನೆಗೆ ಹುಡುಗಿಯೊಬ್ಬಳು ಬರ್ತಾಳೆ. ಅವಳು ಯಾಕೆ ಬರ್ತಾಳೆ? ಯಾವ ಕಾರಣಕ್ಕೆ? ಬಂದ ಮೇಲೆ ಅದೇ ಮನೆಯಲ್ಲಿ ಯಾಕೆ ಉಳೀತಾಳೆ? ಉಳಿದ ಮೇಲೆ ಯಾವ ಕಾರಣಕ್ಕಾಗಿ ಆ ಮನೆಯನ್ನ ಸರಿ ಮಾಡ್ತಾಳೆ? ಹೇಗೆ ಸರಿ ಮಾಡ್ತಾಳೆ?. ಒಂದು ಹೆಣ್ಣು ಮನೆಗೆ ಬಂದಾಗ ಅಲ್ಲಿ ಆ ಮನೆಗೆ ತಾಯಿ, ತಂಗಿ, ಅಕ್ಕ, ಅತ್ತಿಗೆ, ಸೊಸೆ, ಮಡದಿಯೊಬ್ಬಳು ಸಿಗ್ತಾಳೆ.

ಸೋದರ ನಂಟು ಹೀಗೆ ಮುಂದುವರೆಯುತ್ತದೆಯೋ ಇಲ್ಲವೋ ಎಂಬುವುದನ್ನು ಕ್ತಥೆ ಮುಂದುವರೆದಂತೆ ಕಾಣಬಹುದು.

ಪ್ರಸಾರ

ಈ ಧಾರಾವಾಹಿಯ ಮೊದಲ ಸಂಚಿಕೆಯು 2025ರ ಅಕ್ಟೋಬರ್‌ 6ಕ್ಕೆ ರಾತ್ರಿ 8 ಗಂಟೆಗೆ ಪ್ರಸಾರವಾಯಿತು. ಪ್ರಸ್ತುತ ಪತ್ರಿದಿನ ರಾತ್ರಿ 8:30ಗೆ ಕಲರ್ಸ್ ಕನ್ನಡದಲ್ಲಿ ಪ್ರಸಾರವಾಗುತ್ತಿದೆ.

ಕಲಾವಿದರು

ಮುಖ್ಯ ಕಲಾವಿದರ ಪಾತ್ರಗಳು

ನಾಲ್ವರು ಗಂಡು ಮಕ್ಕಳು

• ಶಿಶಿರ್ ಶಾಸ್ತ್ರಿ : ಮುತ್ತುರಾಜ್ ಆಲಿಯಾಸ್ ಮುತ್ತು ಪಾತ್ರದಲ್ಲಿ.
• ಭವಿಷ್ : ಸತ್ಯ ಹರಿಶ್ಚಂದ್ರ ಆಲಿಯಾಸ್ ಹರಿ ಪಾತ್ರದಲ್ಲಿ, ಚಂದನಾ ಗಂಡನಾಗಿ.
• ಜಯಂತ್: ಕಂಠೀವ ಆಲಿಯಾಸ್ ಕಂಠೀ ಪಾತ್ರದಲ್ಲಿ
• ಗಗನ್ ದೀಪ್: ಮಯೂರ ಪಾತ್ರದಲ್ಲಿ

ನಾಲ್ವರು ಗಂಡು ಮಕ್ಕಳ ಜೋಡಿ

• ದೃಷ್ಟಿ ನಾಯಕ್  : ಮಹಿಮ ಪಾತ್ರದಲ್ಲಿ
• ಸ್ನೇಹ ಮಂಜುನಾಥ್ : ಚಂದನಾ ಪಾತ್ರದಲ್ಲಿ (ಪಾತ್ರಧಾರಿ ಬದಲಾವಣೆ ನಂತರ), ಹರಿ ಹೆಂಡತಿಯಾಗಿ,
  • ಸಂಜನಾ ಬುರ್ಲಿ  : (ಪಾತ್ರಧಾರಿ ಬದಲಾವಣೆ ಮೊದಲು)

• ಮಧುರಾ: ವೈಭವಿ ಪಾತ್ರದಲ್ಲಿ

ಸಹಾಯಕ ಕಲಾವಿದರ ಪಾತ್ರಗಳು

• ಭುವನ ಮುರಳಿ: ಭಾರತಿ ಪಾತ್ರದಲ್ಲಿ
• ಪರೀಕ್ಷಿತ್ ಎಂ ಎಸ್: ಚಂದನಾ ಅಣ್ಣನ ಪಾತ್ರದಲ್ಲಿ
• ಕರಿಸುಬ್ಬು: ನಟರಾಜ ಪಾತ್ರದಲ್ಲಿ, ನಾಲ್ವರು ಗಂಡು ಮಕ್ಕಳ ತಂದೆಯಾಗಿ.
• ಅಶ್ವಥ್ ನೀನಾಸಂ: ಚಂದನಾ ಅಪ್ಪನ ಪಾತ್ರದಲ್ಲಿ
• ಸಾರಿಕಾ ಮ್ಯಾಥಿವ್: ಭಾರತಿ ಅಮ್ಮನಾಗಿ

ರೂಪಾಂತಾರಗಳು

ಭಾಷೆ(ಗಳು)	ಶೀರ್ಷಿಕೆ	ಮೂಲಬಿಡುಗಡೆ	ವಾಹಿನಿ(ಗಳು)	ಕೊನೆಯ ಪ್ರಸಾರ	ಟಿಫ್ಫಣಿಗಳು	Ref.
ತಮಿಳು	ಅಯ್ಯನರ್ ಥುನೈ அய்யனார் துணை	27 ಜನವರಿ2025	ಸ್ಟಾರ್ ವಿಜಯ	ಪ್ರಸ್ರಾರವಾಗುತ್ತಿದೆ	ಮೂಲ
ಕನ್ನಡ	ಶ್ರೀ ಗಂಧದಗುಡಿ	6 ಅಕ್ಟೋಬರ್ 2025	ಕಲರ್ಸ್ ಕನ್ನಡ		ರೀಮೇಕ್
ಮಲಯಾಳಂ	ಕಟ್ಟಥೆ ಕಿಲಿಕ್ಕೊಡು കാറ്റത്തെ കിളിക്കൂട്	10 ನವೆಂಬರ್ 2025	ಏಷ್ಯಾನೆಟ್
ತೆಲುಗು	ಪೊದರಿಲ್ಲು పొదరిల్లు	8 ಡಿಸೆಂಬರ್ 2025	ಸ್ಟಾರ್ ಮಾ
ಮರಾಠಿ	ಬಾಯಿ ತುಝಾ ಆಶೀರ್ವಾದ್ बाई तुझा आशीर्वाद	27 ಏಪ್ರಿಲ್ 2026	ಸ್ಟಾರ್ ಪ್ರವಾಹ್
ಹಿಂದಿ	ಬರೆಲಿ ಕೇ ಬಚ್ಚನ್ बरेली के बच्चन	ಪ್ರಸಾರವಾಗಬೇಕು	ಕಲರ್ಸ್ ಟಿವಿ

ಬಾಹ್ಯಕೊಂಡಿಗಳು

• ಶ್ರೀ ಗಂಧದಗುಡಿ @ ಜಿಯೋ ಹಾಟ್ಸ್ಟಾರ್ ನಲ್ಲಿ ವೀಕ್ಷಣೆ ಮಾಡಬಹುದು