ಶೆರ್ಲೋಕ್ ಅಕಾಡೆಮಿ

ಶೆರ್ಲೋಕ್ ಅಕಾಡೆಮಿ
シャーロック＋アカデミー (ಶೆರ್ಲೋಕ್ ಅಕಾಡೆಮಿ)
Genre	ಫ್ಯಾಂಟಸಿ,ನಿಗೂಢ ಕಾದಂಬರಿ
Manga
Written by	ಕ್ಯುಸುಕೆ ಕಮಿಶಿರೊ
Illustrated by	ಶಿರಾಬಿ
Published by	ಮೀಡಿಯಾ ಫ್ಯಾಕ್ಟರಿ
Imprint	ಎಂಎಫ್ ಬಂಕೊ ಜೆ
Original run	ಜೂನ್ 23, 2023 – ongoing
Volumes	4
Manga
Written by	ಕ್ಯುಸುಕೆ ಕಮಿಶಿರೊ
Illustrated by	ಅಮೇಚಾಯ
Published by	ಬಂಗೀಶುಂಜು
Magazine	ಬಂಕೋಮಿ

ಶೆರ್ಲೋಕ್ ಅಕಾಡೆಮಿ (シャーロック＋アカデミー, Shārokku Akademī) ಎಂಬುದು ಕ್ಯೋಸುಕೆ ಕಾಮಿಶಿರೋ ಅವರು ರಚಿಸಿ, ಶಿರಾಬಿ ಚಿತ್ರಣ ನೀಡಿರುವ ಜಪಾನೀಸ್ ಲಘು ಕಾದಂಬರಿಯ ಸರಣಿಯಾಗಿದೆ. ಇದು ಜೂನ್ 2023ರಲ್ಲಿ ಮೀಡಿಯಾ ಫ್ಯಾಕ್ಟರಿ ಯ ಎಂಎಫ್ ಬಂಕೊ ಜೆ ಮುದ್ರಣದ ಅಡಿಯಲ್ಲಿ ಪ್ರಕಟಣೆಯನ್ನು ಆರಂಭಿಸಿತು; ಆಗಸ್ಟ್ 2025ರ ವೇಳೆಗೆ ನಾಲ್ಕು ಸಂಪುಟಗಳು ಬಿಡುಗಡೆಯಾಗಿವೆ. ಅಮೆಚಾಯಾ ಚಿತ್ರಣ ನೀಡಿರುವ ಮಂಗಾ ರೂಪಾಂತರವನ್ನು ಘೋಷಿಸಲಾಗಿದ್ದು, ಅದು ಬಂಗೀಶುಂಜು ಸಂಸ್ಥೆಯ ಬಂಕೋಮಿ ಮಂಗಾ ಸೇವೆಯಲ್ಲಿ ಪ್ರಕಟವಾಗಲಿದೆ.

ಕಥಾವಸ್ತು

ಈ ಸರಣಿಯು ಭವಿಷ್ಯದ ತನಿಖಾಧಿಕಾರಿಗಳಿಗಾಗಿ ಇರುವ ಒಂದು ಶಾಲೆಗೆ ಹೊಸದಾಗಿ ಸೇರಿಕೊಳ್ಳುವ ಮಿಸಾಕಿ ಫುಮಿಸಾಕಿ ಮತ್ತು ಶಿಯಾ ಇ. ಹೇಜೆಲ್ಡೈನ್ ಎಂಬ ಇಬ್ಬರು ವಿದ್ಯಾರ್ಥಿಗಳನ್ನು ಅನುಸರಿಸುತ್ತದೆ. ಜಪಾನ್ ಪ್ರಸ್ತುತ ಅಪರಾಧಗಳ ಅಲೆಯೊಂದನ್ನು ಎದುರಿಸುತ್ತಿದ್ದು, ತನಿಖಾಧಿಕಾರಿಗಳ ಬೇಡಿಕೆ ಹೆಚ್ಚುತ್ತಿದೆ. ಇಬ್ಬರೂ ತಮ್ಮ ಕುಟುಂಬ ಹಿನ್ನೆಲೆಯನ್ನು ಅರಿತಾಗ ಕಥೆ ತಿರುವು ಪಡೆಯುತ್ತದೆ: ಮಿಸಾಕಿಯ ಅಜ್ಜನು ಒಬ್ಬ ಪ್ರಸಿದ್ಧ ಅಪರಾಧ ಸಂಘಟನೆಯ ನಾಯಕನಾಗಿದ್ದನು, ಇನ್ನು ಶಿಯಾ ಒಬ್ಬ ಖ್ಯಾತ ತನಿಖಾಧಿಕಾರಿಯ ದತ್ತು ಪುತ್ರಿಯಾಗಿರುತ್ತಾಳೆ. ಪ್ರಕರಣಗಳನ್ನು ಬಗೆಹರಿಸುತ್ತಾ ಹೋಗುವಲ್ಲಿ ಇವರಿಬ್ಬರ ನಡುವೆ ಸ್ಪರ್ಧಾತ್ಮಕ ಸಂಬಂಧ ರೂಪುಗೊಳ್ಳುತ್ತದೆ.

ಪಾತ್ರಗಳು

ಫ್ಯೂಮಿಸಾಕಿ ಮಿಸಾಕಿ : ಇವರು ಪ್ರಸಿದ್ಧ ಅಪರಾಧ ನಾಯಕನ ಮೊಮ್ಮಗ. ಅವನು ತನಿಖಾಧಿಕಾರಿಗಳ ಶಾಲೆಗೆ ಸೇರ್ಪಡೆಯಾಗುತ್ತಾನೆ. ಆರಂಭದಲ್ಲಿ ತನಿಖೆಗಳ ಬಗ್ಗೆ ಅತಿಯಾದ ಆಸಕ್ತಿಯನ್ನು ತೋರಿಸುವ ಸಹಪಾಠಿಗಳಿಂದ ಅವನಿಗೆ ಅಸಹನೆ ಉಂಟಾಗುತ್ತದೆ. ಶಿಯಾದೊಂದಿಗೆ ಅವನಿಗೆ ಸ್ಪರ್ಧಾತ್ಮಕ ಸಂಬಂಧ ಬೆಳೆಯುತ್ತದೆ.

ಶಿಯಾ ಇ. ಹೆಜೆರುಡೈನ್:ಖ್ಯಾತ ತನಿಖಾಧಿಕಾರಿಯ ದತ್ತು ಪುತ್ರಿ. ಬಾಲ್ಯದಿಂದಲೇ ತನಿಖೆಗಳ ಬಗ್ಗೆ ಆಕೆಗೆ ಆಸಕ್ತಿ ಇದ್ದು, ಅವುಗಳಲ್ಲಿ ಪರಿಣತಿ ಹೊಂದಿದ್ದಾಳೆ.

ನಿಹೊಂಗೊ ಹೊಕಾ ಉಶಿನ ಉಶಿನೈ ಹೋಕಾ ನಿಹೊಂಗೊ/ಕೊಯೊಮಿ ಮತ್ಸುರಿಡೇಟ್ ಕೊಯೋಮಿ ನಿಹೊಂಗೊ/ಫಿಯೋನಾ ಬಾಂಜೊ ಬಂಜೊ ಫಿಯೋನಾ

ಅಭಿವೃದ್ಧಿ

ಕಾಮಿಶಿರೋ ಅವರು ತಮ್ಮ ಹಿಂದಿನ ಲೈಟ್ ನವಲ್ ಸರಣಿ "ಮೈ ಸ್ಟೆಪ್ ಮೊಮ್ಸ್ ಡಾಟರ್ ಇಸ್ ಮೈ ಎಕ್ಸ್" (My Stepmom's Daughter Is My Ex) ಯಶಸ್ಸಿನ ನಂತರ ಶೆರ್ಲೋಕ್ ಅಕಾಡೆಮಿ" ಬರೆಯಲು ಆರಂಭಿಸಿದರು. ಆ ಸರಣಿ ಪ್ರೇಮಾತ್ಮಕ ಹಾಸ್ಯವಾಗಿದ್ದರೂ, ಅವರು ಮೊದಲಿನಿಂದಲೂ ರಹಸ್ಯ ಕಥೆಗಳನ್ನು ಬರೆಯುವಲ್ಲಿ ಆಸಕ್ತರಾಗಿದ್ದರು. ಆದರೆ ಕಡಿಮೆ ಮಾರಾಟ ಮತ್ತು ನಿರಂತರ ಕಥಾ ತಿರುವುಗಳನ್ನು ರೂಪಿಸುವ ಕಷ್ಟದ ಕಾರಣದಿಂದ ಅವರು ಈ ಪ್ರಕಾರದ ಬರವಣಿಗೆಯಿಂದ ಹಿಂದೆ ಸರಿದಿದ್ದರು. ನಂತರ Boku ga Kotaeru Kimi no Nazotoki /ಬೊಕು ಗ ಕೊಟೇರು ಕಿಮಿ ನೋ ನಜೋಟೋಕಿಸರಣಿಯನ್ನು ಬರೆಯುವ ಮೂಲಕ, ಕಥಾ ತಿರುವುಗಳ ಮೇಲೆ ಅವಲಂಬಿಸದೇ ಕೂಡ ರಹಸ್ಯ ಕಥೆಗಳನ್ನು ಬರೆಯಲು ಸಾಧ್ಯವೆಂಬ ಆತ್ಮವಿಶ್ವಾಸ ಪಡೆದರು.

ಶೆರ್ಲೋಕ್ ಅಕಾಡೆಮಿ" ಹಲವಾರು ಪ್ರಭಾವಗಳಿಂದ ಪ್ರೇರಿತವಾಗಿದೆ, ವಿಶೇಷವಾಗಿ 07ನೇ ವಿಸ್ತರಣೆಯ ಉಮಿನೆಕೊ ವೆನ್ ದೆ ಕ್ರೈ ಸರಣಿ. ಪಾಶ್ಚಾತ್ಯ ಶೈಲಿಯ ಮಹಲ್ಗಳು ಮತ್ತು ಲಾಕ್‌ಡ್ ರೂಮ್‌ಗಳಂತಹ ರೂಢಿಪದ್ಧತಿಗಳು ಅನಿವಾರ್ಯವೇ ಎಂಬ ಪ್ರಶ್ನೆ ಅವರನ್ನು ಕಾಡಿದ್ದು, ಅದಕ್ಕಿಂತ ವಿಭಿನ್ನವಾಗಿ ತನಿಖಾಧಿಕಾರಿಗಳ ಶಾಲೆಯನ್ನು ಕೇಂದ್ರವನ್ನಾಗಿ ಮಾಡಿಕೊಂಡ ಕಥೆಯನ್ನು ಬರೆಯಲು ಅವರು ನಿರ್ಧರಿಸಿದರು. ಮುಖ್ಯ ಪಾತ್ರಗಳ ವಿಷಯದಲ್ಲಿ, ಮಿಸಾಕಿ ಆರಂಭದಲ್ಲಿ ತನಿಖೆಗಳ ಬಗ್ಗೆ ನಿರ್ಲಿಪ್ತನಾಗಿರುವುದು ಮತ್ತು ಶಿಯಾ ಬುದ್ಧಿವಂತ ಹಾಗೂ ನಿಪುಣ ತನಿಖಾಧಿಕಾರಿಯಾಗಿರುವುದರ ನಡುವಿನ ವ್ಯತ್ಯಾಸವನ್ನು ತೋರಿಸಲು ಅವರು ಬಯಸಿದರು.

ಮಾಧ್ಯಮ

ಲೈಟ್ ನವಲ್

ಈ ಸರಣಿಯನ್ನು ಕ್ಯೋಸುಕೆ ಕಾಮಿಶಿರೋ ಅವರು ರಚಿಸಿದ್ದು, ಶಿರಭಿ ಚಿತ್ರಣ ನೀಡಿದ್ದಾರೆ. ಇದು ಮೀಡಿಯಾ ಫ್ಯಾಕ್ಟರಿ ಯ ಎಂಎಫ್ ಬಂಕೊ ಜೆ ಮುದ್ರಣದ ಅಡಿಯಲ್ಲಿ ಪ್ರಕಟವಾಗಿದ್ದು, ಮೊದಲ ಸಂಪುಟ ಜೂನ್ 23, 2023ರಂದು ಬಿಡುಗಡೆಯಾಯಿತು. ಮಾರ್ಚ್ 24, 2025 ರ ಹೊತ್ತಿಗೆ ನಾಲ್ಕು ಸಂಪುಟಗಳನ್ನು ಬಿಡುಗಡೆ ಮಾಡಲಾಗಿದೆ.

No.	Release date	ISBN
1	June 23, 2023	978-4-04-682446-2
2	August 25, 2023	978-4-04-682774-6
3	March 25, 2024	978-4-04-683343-3
4	March 24, 2025	978-4-04-684638-9

ಮಂಗಾ

ಅಮೆಚಾಯಾ ಚಿತ್ರಣ ನೀಡಿರುವ ಮಂಗಾ ರೂಪಾಂತರವನ್ನು ಮಾರ್ಚ್ 18, 2025ರಂದು ಘೋಷಿಸಲಾಗಿದ್ದು, ಅದು ಬಂಗೀಶುಂಜುಯ ಬಂಕೋಮಿ ಮಂಗಾ ಸೇವೆಯಲ್ಲಿ ಪ್ರಕಟವಾಗಲಿದೆ.

ಸ್ವಾಗತ

ಈ ಸರಣಿ 2024ರ ಕೋನೋ ಲೈಟ್ ಕಾದಂಬರಿ ಗಾ ಸುಗೋಯ್ ಸಂಚಿಕೆಯಲ್ಲಿ ಪ್ರಸ್ತುತಗೊಂಡಿದ್ದು, ಪೇಪರ್‌ಬ್ಯಾಕ್ ವಿಭಾಗದಲ್ಲಿ 22ನೇ ಸ್ಥಾನ ಮತ್ತು ಹೊಸ ಬಿಡುಗಡೆಗಳ ವಿಭಾಗದಲ್ಲಿ 10ನೇ ಸ್ಥಾನ ಪಡೆದಿದೆ. ಜೂನ್ 2023ರಲ್ಲಿ ಬಿಡುಗಡೆಯಾದ ಅತ್ಯುತ್ತಮ ಜಪಾನೀಸ್ ರಹಸ್ಯ ಕಾದಂಬರಿಗಳ ಪಟ್ಟಿಯಲ್ಲಿಯೂ ಮೊದಲ ಸಂಪುಟವನ್ನು ಉಲ್ಲೇಖಿಸಲಾಗಿದೆ.

ಇದನ್ನೂ ನೋಡಿ

• My Stepmom's Daughter Is My Ex – ಕ್ಯೋಸುಕೆ ಕಾಮಿಶಿರೋ ಅವರು ಬರೆದ ಮತ್ತೊಂದು ಲೈಟ್ ನವಲ್ ಸರಣಿ