ಚೈತನ್ಯ ಮಹಾಪ್ರಭು

ಚೈತನ್ಯ ಮಹಾಪ್ರಭು (೧೪೮೬-೧೫೩೪) ಕೃಷ್ಣನ ಪೂರ್ಣಾವತಾರವೆಂದು ಗೌಡೀಯ ವೈಷ್ಣವ ಪಂಥದ ಅನುಯಾಯಿಗಳಿಂದ ಪೂಜಿಸಲ್ಪಡುವ ೧೬ನೇ ಶತಮಾನದಲ್ಲಿ ಪೂರ್ವ ಭಾರತದಲ್ಲಿನ ಒಬ್ಬ ಸಂತನಾಗಿದ್ದನು. ಕೃಷ್ಣ ಚೈತನ್ಯ ಭಾಗವತ ಪುರಾಣ ಹಾಗು ಭಗವದ್ಗೀತೆಯ ತತ್ವಶಾಸ್ತ್ರವನ್ನು ಆಧರಿಸಿದ್ದ ಭಕ್ತಿ ಯೋಗದ ವೈಷ್ಣವ ಪರಂಪರೆಗೆ ಒಬ್ಬ ಪ್ರಮುಖ ಪ್ರತಿಪಾದಕನಾಗಿದ್ದನು ಮತ್ತು ವೇದಾಂತದ ಅಚಿಂತ್ಯ ಭೇದ ಅಭೇದವನ್ನು ಸ್ಥಾಪಿಸಿದನು. ನಿರ್ದಿಷ್ಟವಾಗಿ, ಅವನು ಕೃಷ್ಣನ ರೂಪಗಳನ್ನು ಆರಾಧಿಸಿದನು, ಹರೇ ಕೃಷ್ಣ ಮಹಾ ಮಂತ್ರದ ಪಠನವನ್ನು ಜನಪ್ರಿಯಗೊಳಿಸಿದನು ಮತ್ತು ಸಂಸ್ಕೃತದಲ್ಲಿ ಶಿಕ್ಷಾಷ್ಟಕವನ್ನು ರಚಿಸಿದನು.