ವಂದನಾ ಲೂಥ್ರಾ
ವಂದನಾ ಲೂಥ್ರಾ | |
|---|---|
 | |
| ಜನನ | July 12, 1959 |
| ಶಿಕ್ಷಣ | ಉದ್ಯಮಿ |
| Title | ವಿಎಲ್ಸಿಸಿ ಯ ಸ್ಥಾಪಕಿ |
| Spouse | ಮುಕೇಶ್ ಲೂಥ್ರಾ (m. ೧೯೮೦) |
| ಮಕ್ಕಳು | ಎರಡು ಮಕ್ಕಳು (ಪಲ್ಲವಿ ಲೂಥ್ರಾ, ಮೀರಾ ಭಾಟಿಯಾ) |
| ಗೌರವ | ಪದ್ಮ ಶ್ರೀ ಮಹಿಳಾ ಉದ್ಯಮಿ ಪ್ರಶಸ್ತಿ ಎಫ್ಐಸಿಸಿಐ ಯಶಸ್ವಿ ಉದ್ಯಮಿ ಮಹಿಳೆ ಪ್ರಶಸ್ತಿ ಅಮಿಟಿ ಮಹಿಳಾ ಸಾಧಕರ ಪ್ರಶಸ್ತಿ ರಾಜೀವ್ ಗಾಂಧಿ ಮಹಿಳಾ ಸಾಧಕಿ ಪ್ರಶಸ್ತಿ |
| ಜಾಲತಾಣ | Official website of VLCC |
ವಂದನಾ ಲೂಥ್ರಾ (ಜನನ ಜುಲೈ ೧೨, ೧೯೫೯) ಒಬ್ಬ ಭಾರತೀಯ ಉದ್ಯಮಿ. ಇವರು ಸೌಂದರ್ಯ ಮತ್ತು ಸ್ವಾಸ್ಥ್ಯ ಸಂಘಟಿತ [೧] ವಿಎಲ್ಸಿಸಿ ಹೆಲ್ತ್ ಕೇರ್ ಲಿಮಿಟೆಡ್‌ನ ಸ್ಥಾಪಕಿ.[೨] ಅವರು ಪ್ರಧಾನ ಮಂತ್ರಿ ಕೌಶಲ್ಯ ವಿಕಾಸ ಯೋಜನೆಗಳ ಅಡಿಯಲ್ಲಿ ತರಬೇತಿ ನೀಡುವ ಉಪಕ್ರಮವಾದ ಸೌಂದರ್ಯ ಮತ್ತು ಸ್ವಾಸ್ಥ್ಯ ವಲಯ ಕೌಶಲ್ಯ ಮಂಡಳಿಯ (ಬಿ&ಡಬ್ಲೂಎಸ್‌ಎಸ್‌ಸಿ) ಅಧ್ಯಕ್ಷರೂ ಆಗಿದ್ದಾರೆ.
ಅವರು ೨೦೧೪ ರಲ್ಲಿ ಸೌಂದರ್ಯ ಮತ್ತು ಸ್ವಾಸ್ಥ್ಯ ವಲಯ ಕೌಶಲ್ಯ ಮಂಡಳಿಯ ಮೊದಲ ಅಧ್ಯಕ್ಷರಾಗಿ ನೇಮಕಗೊಂಡರು. ಈ ಉಪಕ್ರಮವು ಭಾರತ ಸರ್ಕಾರದ ಬೆಂಬಲದೊಂದಿಗೆ, ಸೌಂದರ್ಯ ಉದ್ಯಮ ಮಾಡುವವರಿಗೆ ಕೌಶಲ್ಯ ತರಬೇತಿಯನ್ನು ನೀಡುತ್ತದೆ.[೩]
ಆರಂಭಿಕ ಜೀವನ ಮತ್ತು ಶಿಕ್ಷಣ
[ಬದಲಾಯಿಸಿ]ವಂದನಾ ಲೂಥ್ರಾ ೧೯೫೯ ರಲ್ಲಿ ನವದೆಹಲಿಯಲ್ಲಿ ಜನಿಸಿದರು. ಅವರ ತಂದೆ ಮೆಕ್ಯಾನಿಕಲ್ ಎಂಜಿನಿಯರ್ ಆಗಿದ್ದರು ಮತ್ತು ತಾಯಿ ಆಯುರ್ವೇದ ವೈದ್ಯೆಯಾಗಿದ್ದು, ಅವರು ಅಮರ್ ಜ್ಯೋತಿ ಎಂಬ ದತ್ತಿ ಉಪಕ್ರಮವನ್ನು ನಡೆಸುತ್ತಿದ್ದರು. ವಂದನಾ ಅವರು ನವದೆಹಲಿಯ ಮಹಿಳೆಯರ ಪಾಲಿಟೆಕ್ನಿಕ್‌ನಿಂದ ಪದವಿ ಪಡೆದ ನಂತರ ಸೌಂದರ್ಯ, ಆಹಾರ ಮತ್ತು ಪೋಷಣೆ ಮತ್ತು ಚರ್ಮದ ಆರೈಕೆಯಲ್ಲಿ ಪರಿಣತಿಯನ್ನು ಪಡೆಯಲು ಯುರೋಪಿಗೆ ಹೋದರು.[೪]
ವಿಎಲ್ಸಿಸಿ (ವಂದನಾ ಲುಥ್ರಾ ಕರ್ಲ್ಸ್ ಆಂಡ್ ಕರ್ವ್ಸ್)
[ಬದಲಾಯಿಸಿ]ಲೂಥ್ರಾ ೧೯೮೯ ರಲ್ಲಿ ನವದೆಹಲಿಯ ಸಫ್ದರ್ಜಂಗ್ ಅಭಿವೃದ್ಧಿ ಪ್ರದೇಶದಲ್ಲಿ ಸೌಂದರ್ಯ ಮತ್ತು ಕ್ಷೇಮ ಸೇವಾ ಕೇಂದ್ರವಾಗಿ ವಿಎಲ್ಸಿಸಿ ಅನ್ನು ಪ್ರಾರಂಭಿಸಿದರು. ಇದು ಆಹಾರ ಮಾರ್ಪಾಡು ಮತ್ತು ವ್ಯಾಯಾಮ ಕಟ್ಟುಪಾಡು ಆಧಾರಿತ ತೂಕ ನಿರ್ವಹಣಾ ಕಾರ್ಯಕ್ರಮಗಳ ಮೇಲೆ ಕೇಂದ್ರೀಕರಿಸಿತು. ವಿಎಲ್ಸಿಸಿ ಬಲವಾದ ರಾಷ್ಟ್ರೀಯ ಮತ್ತು ಅಂತರರಾಷ್ಟ್ರೀಯ ಅಸ್ತಿತ್ವವನ್ನು ಹೊಂದಿದೆ. ಇದು ತೂಕ ನಿರ್ವಹಣೆ ಮತ್ತು ಸೌಂದರ್ಯ ಕಾರ್ಯಕ್ರಮಗಳನ್ನು (ಚರ್ಮ, ದೇಹ ಮತ್ತು ಕೂದಲ ರಕ್ಷಣೆ ಚಿಕಿತ್ಸೆಗಳು, ಚರ್ಮರೋಗ ಮತ್ತು ಕಾಸ್ಮೆಟಾಲಜಿ ಪರಿಹಾರಗಳು) ನಡೆಸುತ್ತದೆ.[೫]
ವಿಎಲ್ಸಿಸಿ ಭಾರತದಲ್ಲಿ ಸೌಂದರ್ಯ ಮತ್ತು ಸ್ವಾಸ್ಥ್ಯ ಸೇವೆಗಳ ಉದ್ಯಮದಲ್ಲಿ ವಿಸ್ತಾರವಾದ ಕಾರ್ಯಾಚರಣೆಗಳನ್ನು ಹೊಂದಿದೆ. ಪ್ರಸ್ತುತ ವಿಎಲ್‌ಸಿಸಿಯು ದಕ್ಷಿಣ ಏಷ್ಯಾ, ಆಗ್ನೇಯ ಏಷ್ಯಾ, ಜಿಸಿಸಿ ಪ್ರದೇಶ ಮತ್ತು ಪೂರ್ವ ಆಫ್ರಿಕಾದ ೧೫೩ ನಗರಗಳು ಮತ್ತು ೧೩ ದೇಶಗಳಲ್ಲಿ ೩೨೬ ಸ್ಥಳಗಳಲ್ಲಿ ಕಾರ್ಯನಿರ್ವಹಿಸುತ್ತಿದೆ. ಪೌಷ್ಟಿಕಾಂಶ ಸಲಹೆಗಾರರು, ವೈದ್ಯಕೀಯ ವೃತ್ತಿಪರರು, ಭೌತಚಿಕಿತ್ಸಕರು, ಕಾಸ್ಮೆಟಾಲಜಿಸ್ಟ್‌ಗಳು ಮತ್ತು ಸೌಂದರ್ಯ ವೃತ್ತಿಪರರು ಸೇರಿದಂತೆ ೪,೦೦೦ ಕ್ಕೂ ಹೆಚ್ಚು ಉದ್ಯೋಗಿಗಳೊಂದಿಗೆ, ವಿಎಲ್ಸಿಸಿ ಮಾರುಕಟ್ಟೆ ಪಾಲಿನ ಪ್ರಕಾರ ಭಾರತೀಯ ಸೌಂದರ್ಯ ಮತ್ತು ಸ್ವಾಸ್ಥ್ಯ ಉದ್ಯಮದಲ್ಲಿ ಮುಂಚೂಣಿಯಲ್ಲಿದೆ.
ಕಂಪನಿಯು ತನ್ನ ಉತ್ಪನ್ನಗಳ ವ್ಯವಹಾರವನ್ನು ಭಾರತದಲ್ಲಿ ವಿಎಲ್ಸಿಸಿ ಪರ್ಸನಲ್ ಕೇರ್ ಲಿಮಿಟೆಡ್ ಮೂಲಕ ನಿರ್ವಹಿಸುತ್ತದೆ. ಪ್ರಸ್ತುತ, ಅದರ ಜಿ‌ಎಂಪಿ-ಪ್ರಮಾಣೀಕೃತ ಉತ್ಪಾದನಾ ಘಟಕಗಳು ಭಾರತದ ಹರಿದ್ವಾರ ಮತ್ತು ಸಿಂಗಾಪುರದಲ್ಲಿವೆ. ಕಂಪನಿಯು ೧೭೦ ತರಹದ ಕೂದಲ ರಕ್ಷಣೆ, ತ್ವಚೆ ಮತ್ತು ದೇಹದ ಆರೈಕೆ ಉತ್ಪನ್ನಗಳನ್ನು ತಯಾರಿಸುತ್ತದೆ ಮತ್ತು ಮಾರಾಟ ಮಾಡುತ್ತದೆ, ಜೊತೆಗೆ ಮನೆಯಲ್ಲೇ ಸೇವಿಸುವ ಬಲವರ್ಧಿತ ಆಹಾರಗಳನ್ನು ತಯಾರಿಸುತ್ತದೆ. ಈ ಉತ್ಪನ್ನಗಳನ್ನು ಭಾರತದಲ್ಲಿ ೧೦೦,೦೦೦ ಮಳಿಗೆಗಳಲ್ಲಿ, ಜಿಸಿಸಿ ಪ್ರದೇಶಗಳಲ್ಲಿ ಮತ್ತು ಆಗ್ನೇಯ ಏಷ್ಯಾದಾದ್ಯಂತ ೧೦,೦೦೦ ಕ್ಕೂ ಹೆಚ್ಚು ಮಳಿಗೆಗಳಲ್ಲಿ ಮತ್ತು ಇ-ಕಾಮರ್ಸ್ ಚಾನೆಲ್‌ಗಳ ಮೂಲಕವೂ ಮಾರಾಟ ಮಾಡಲಾಗುತ್ತದೆ.
ವಿಎಲ್ಸಿಸಿ, ವಿಎಲ್ಸಿಸಿ ಇನ್ಸ್ಟಿಟ್ಯೂಟ್ ಆಫ್ ಬ್ಯೂಟಿ & ನ್ಯೂಟ್ರಿಷನ್ ಎಂಬ ವೃತ್ತಿಪರ ತರಬೇತಿ ಸಂಸ್ಥೆಗಳನ್ನು ಸಹ ನಡೆಸುತ್ತಿದೆ.
ಲೋಕೋಪಕಾರ
[ಬದಲಾಯಿಸಿ]ಲೂಥ್ರಾ ಅವರು ಖುಷಿ ಎಂಬ ಎನ್‌ಜಿಒದ ಉಪಾಧ್ಯಕ್ಷೆಯಾಗಿದ್ದು, ಇದು ಟೆಲಿಮೆಡಿಸಿನ್ ಕೇಂದ್ರಗಳು, ೩,೦೦೦ ಮಕ್ಕಳಿಗೆ ಊಟದ ಸೌಲಭ್ಯವಿರುವ ಪರಿಹಾರ ಶಾಲೆ ಮತ್ತು ವೃತ್ತಿಪರ ತರಬೇತಿ ಸೌಲಭ್ಯದಂತಹ ಯೋಜನೆಗಳನ್ನು ಹೊಂದಿದೆ. ಅವರು ಮೊರಾರ್ಜಿ ದೇಸಾಯಿ ರಾಷ್ಟ್ರೀಯ ಯೋಗ ಸಂಸ್ಥೆಯ ಸದಸ್ಯರಾಗಿದ್ದಾರೆ ಮತ್ತು ಪ್ರಧಾನ ಮಂತ್ರಿ ಕೌಶಲ ವಿಕಾಸ ಯೋಜನೆಯ ಕುರಿತು ಭಾರತದ ಕೌಶಲ್ಯ ಅಭಿವೃದ್ಧಿ ಮತ್ತು ಉದ್ಯಮಶೀಲತೆ ಸಚಿವಾಲಯವು ರಚಿಸಿದ ಸ್ಟೀರಿಂಗ್ ಸಮಿತಿ ಮತ್ತು ಉಪಸಮಿತಿಯ ಸದಸ್ಯರಾಗಿದ್ದಾರೆ.
ಪ್ರಶಸ್ತಿಗಳು ಮತ್ತು ಮನ್ನಣೆಗಳು
[ಬದಲಾಯಿಸಿ]ಲೂಥ್ರಾ ಅವರು ತಮ್ಮ ಉದ್ಯಮಶೀಲತೆಗಾಗಿ ಹಲವಾರು ಪ್ರಶಸ್ತಿಗಳನ್ನು ಪಡೆದಿದ್ದಾರೆ. ಇದರಲ್ಲಿ ವ್ಯಾಪಾರ ಮತ್ತು ಕೈಗಾರಿಕೆಗಳಿಗೆ ನೀಡಿದ ಕೊಡುಗೆಗಾಗಿ ೨೦೧೩ ರಲ್ಲಿ ಪಡೆದ ಪದ್ಮಶ್ರೀ (ಭಾರತದ ನಾಲ್ಕನೇ ಅತ್ಯುನ್ನತ ನಾಗರಿಕ ಗೌರವ) ಪ್ರಶಸ್ತಿಯೂ ಸೇರಿದೆ.[೬] ಇತರ ಪ್ರಶಸ್ತಿಗಳು :
- ೨೦೧೨ ರಲ್ಲಿ ಏಷ್ಯನ್ ಬಿಸಿನೆಸ್ ಲೀಡರ್ಸ್ ಫೋರಮ್ ಟ್ರೈಲ್‌ಬ್ಲೇಜರ್ ಪ್ರಶಸ್ತಿ
- ೨೦೧೦ ರಲ್ಲಿ ಎಂಟರ್‌ಪ್ರೈಸ್ ಏಷ್ಯಾ ಮಹಿಳಾ ಉದ್ಯಮಿ ಪ್ರಶಸ್ತಿ [೭]
- ಲೂಥ್ರಾ ಅವರು ಎಪಿಎಸಿ ಪ್ರದೇಶದ (ಏಷ್ಯಾ, ಆಸ್ಟ್ರೇಲಿಯಾ ಮತ್ತು ನ್ಯೂಜಿಲೆಂಡ್ ಸೇರಿದಂತೆ) ೫೦ ಪವರ್ ಉದ್ಯಮಿ ಮಹಿಳೆಯರ ವಿಶೇಷ ವಾರ್ಷಿಕ ಫೋರ್ಬ್ಸ್ ಏಷ್ಯಾ ೨೦೧೬ ಪಟ್ಟಿಯಲ್ಲಿ ೨೬ ನೇ ಸ್ಥಾನದಲ್ಲಿದ್ದಾರೆ.[೮]
- ೨೦೧೧ ರಿಂದ ೨೦೧೫ ರವರೆಗೆ ಸತತ ಐದು ವರ್ಷಗಳ ಕಾಲ ಫಾರ್ಚೂನ್ ನಿಯತಕಾಲಿಕೆಯ 'ಭಾರತದ ವ್ಯವಹಾರದಲ್ಲಿ ೫೦ ಅತ್ಯಂತ ಶಕ್ತಿಶಾಲಿ ಮಹಿಳೆಯರು' ಎಂಬ ವಾರ್ಷಿಕ ಪಟ್ಟಿಯಲ್ಲಿ ಅವರು ಕಾಣಿಸಿಕೊಂಡಿದ್ದಾರೆ.
ಪ್ರಕಟಣೆಗಳು
[ಬದಲಾಯಿಸಿ]ವಂದನಾ ಲೂಥ್ರಾ ಅವರು ಕ್ಷೇಮ ಮತ್ತು ಫಿಟ್‌ನೆಸ್ ಕುರಿತು ಕಂಪ್ಲೀಟ್ ಫಿಟ್‌ನೆಸ್ ಪ್ರೋಗ್ರಾಂ [೯] ಮತ್ತು ಎ ಗುಡ್ ಲೈಫ್,[೧೦] ಎಂಬ ಎರಡು ಪುಸ್ತಕಗಳನ್ನು ಬರೆದಿದ್ದಾರೆ.
- Vandana Luthra (2011). Complete Fitness Programme. Sangam Books. p. 152. ISBN 978-8125906919.
- Vandana Luthra (2013). A Good Life. HarperCollins India. p. 240. ISBN 978-9351160113.
ಉಲ್ಲೇಖಗಳು
[ಬದಲಾಯಿಸಿ]- ↑ "VLCC". VLCC. 2014. Retrieved 19 October 2014.
- ↑ "BBC Interview of VLCC Founder & Mentor Vandana Luthra". BBC World News - YouTube video. 18 October 2013. Retrieved 19 October 2014.
- ↑ "Anti-Obesity Entrepreneur Vandana Luthra Debuts On Asia's Power Businesswomen 2016 List". dropout dudes (in ಅಮೆರಿಕನ್ ಇಂಗ್ಲಿಷ್). 2017-11-27. Retrieved 2020-05-07.
- ↑ "The queen of wellness in India – Dr Vandana Luthra". Inventiva.
- ↑ "After-hours with the boss: Vandana Luthra". Live Mint.
- ↑ "Padma 2013". 26 January 2013. Retrieved 10 October 2014.
- ↑ "Hall of Fame 2010 | APEA - Asia Pacific Enterprise Awards" (in ಅಮೆರಿಕನ್ ಇಂಗ್ಲಿಷ್). 2018-08-10. Archived from the original on 2021-11-29. Retrieved 2021-11-29.
- ↑ Scott, Mary E. "Asia's 50 Power Businesswomen 2016". Forbes (in ಇಂಗ್ಲಿಷ್). Retrieved 2017-12-01.
- ↑ Vandana Luthra (2011). Complete Fitness Programme. Sangam Books. p. 152. ISBN 978-8125906919.
- ↑ Vandana Luthra (2013). A Good Life. HarperCollins India. p. 240. ISBN 978-9351160113.