ಮೊಟ್ಟೆಯ ಕಾಫಿ

Egg coffee

Cà phê trứng.jpg
ಮೂಲ
ಪರ್ಯಾಯ ಹೆಸರು(ಗಳು)	Vietnamese: Cà phê trứng
ಮೂಲ ಸ್ಥಳ	Vietnam
ಪ್ರಾಂತ್ಯ ಅಥವಾ ರಾಜ್ಯ	Hanoi
ವಿವರಗಳು
ನಮೂನೆ	Beverage
ಮುಖ್ಯ ಘಟಕಾಂಶ(ಗಳು)	eggs, sugar, milk, and coffee

ಹನೋಯ್‌ನಲ್ಲಿ ಮೊಟ್ಟೆ ಕಾಫಿ

ಮೊಟ್ಟೆಯ ಕಾಫಿಯು ( Vietnamese: Cà phê trứng ) ಒಂದು ವಿಯೆಟ್ನಾಮೀಸ್ ಪಾನೀಯವಾಗಿದೆ. ಇದನ್ನು ಸಾಂಪ್ರದಾಯಿಕವಾಗಿ ಮೊಟ್ಟೆಯ ಹಳದಿ ಭಾಗ, ಸಕ್ಕರೆ, ಮಂದಗೊಳಿಸಿದ ಹಾಲು ಮತ್ತು ರೋಬಸ್ಟಾ ಕಾಫಿಯಿಂದ ಮಿಶ್ರಣದಿಂದ ತಯಾರಿಸಲಾಗುತ್ತದೆ. ಈ ಪಾನೀಯವನ್ನು ತಯಾರಿಸಲು ಮೊಟ್ಟೆಯ ಹಳದಿ ಭಾಗದೊಂದಿಗೆ ಸಕ್ಕರೆ ಮತ್ತು ಮಂದಗೊಳಿಸಿದ ಹಾಲಿನೊಂದಿಗೆ ಹೊಡೆದು, ತದ ನಂತರ ಕಾಫಿಯನ್ನು ಕಪ್‌ನಲ್ಲಿ ಪ್ರತ್ಯೇಕವಾಗಿ ಇರಿಸಿ, ಅದೇ ಪ್ರಮಾಣದ ಮೊಟ್ಟೆಯ ಕೆನೆ ಅಥವಾ ಮೊಟ್ಟೆಯ ಹಳದಿ ಭಾಗವನ್ನು ಬಿಸಿ ಮಾಡಿ ಅಥವಾ ಹೊಡೆದು ತಯಾರಿಸಲಾಗುತ್ತದೆ.

ಈ ಪಾನೀಯವನ್ನು ವಿಯೆಟ್ನಾಂನಾದ್ಯಂತ ಕೆಫೆಗಳಲ್ಲಿ ನೀಡಲಾಗುತ್ತದೆ, ಇದು ಹನೋಯಿ ನಿಂದ ಹುಟ್ಟಿಕೊಂಡಿದೆ. ಗಿಯಾಂಗ್ ಕೆಫೆ ( Vietnamese: Cà Phê Giảng ) ಹನೋಯ್‌ನಲ್ಲಿ ಇರುವ ಪ್ರಖ್ಯಾತ ಕೆಫೆ ಆಗಿದ್ದು, ಇಲ್ಲಿ ಮೊಟ್ಟೆಯ ಹಳದಿ ಲೋಳೆ, ಕಾಫಿ ಪುಡಿ, ಮಂದಗೊಳಿಸಿದ ಹಾಲು ಮತ್ತು ಐಚ್ಛಿಕವಾಗಿ ಚೀಸ್‌ನೊಂದಿಗೆ ತಯಾರಿಸುವ ಪಾನೀಯವನ್ನು ಬಡಿಸಲು ಬಹಷ್ಟು ಹೆಸರುವಾಸಿಯಾಗಿದೆ. ಇಲ್ಲಿ ಕಪ್ ಅನ್ನು ಕೆಲವೊಮ್ಮೆ ಬಿಸಿನೀರಿನ ಬಟ್ಟಲಿನೊಳಗೆ ಅದರ ತಾಪಮಾನವನ್ನು ಉಳಿಸಿಕೊಳ್ಳಲು ಸಣ್ಣ ಮೇಣದಬತ್ತಿಯ ಮೇಲೆ ಇಡಲಾಗುತ್ತದೆ. ಕೆಫೆಯ ಸಂಸ್ಥಾಪಕ ನ್ಗುಯೆನ್ ಗಿಯಾಂಗ್ ಅವರ ಮಗ ಹೇಳುವಂತೆ 1940 ರ ದಶಕದ ಉತ್ತರಾರ್ಧದಲ್ಲಿ ವಿಯೆಟ್ನಾಂನಲ್ಲಿ ಹಾಲಿನ ಕೊರತೆಯಿದ್ದಾಗ ತನ್ನ ತಂದೆ ಪಾನೀಯದ ಪಾಕವಿಧಾನವನ್ನು ಅಭಿವೃದ್ಧಿಪಡಿಸಿದರು, ಹಾಲನ್ನು ಮೊಟ್ಟೆಯ ಹಳದಿ ಲೋಳೆಯಿಂದ ಬದಲಾಯಿಸಿದರು.

ಪದಾರ್ಥಗಳು ಮತ್ತು ತಯಾರಿಕೆ

ಮೊಟ್ಟೆಯ ಕಾಫಿ ತಯಾರಿಸಲು ಬೇಕಾದ ಪದಾರ್ಥಗಳಲ್ಲಿ ತಾಜಾ ಕೋಳಿ ಮೊಟ್ಟೆಗಳು, ಸಕ್ಕರೆ, ಹಾಲು ಮತ್ತು ಕಾಫಿ ಪ್ರಮುಖವಾದವುಗಳು. ಮೊಟ್ಟೆಯ ಹಳದಿ ಭಾಗವನ್ನು ಹಾಲು ಮತ್ತು ಸಕ್ಕರೆಯೊಂದಿಗೆ ಕೈಯಿಂದ ಹೊಡೆದು ನಂತರ ಅದನ್ನು ಕುದಿಸಲಾಗುತ್ತದೆ. ಹೊಡೆದ ಮೊಟ್ಟೆಗಳಿಗೆ ಬಿಸಿ ಅಥವಾ ಐಸ್ಡ್ ಕಾಫಿಯನ್ನು ಸುರಿಯಲಾಗುತ್ತದೆ, ಇದು ಆರೊಮ್ಯಾಟಿಕ್ ಫೋಮ್ ಅನ್ನು ರೂಪಿಸುತ್ತದೆ. ಕೆಳಭಾಗದಲ್ಲಿರುವ ಕಾಫಿ ಕುಡಿಯುವ ಮೊದಲು, ಫೋಮ್ ಅನ್ನು ತಿನ್ನಲು ಒಂದು ಸಣ್ಣ ಚಮಚವನ್ನು ನೀಡಲಾಗುತ್ತದೆ.

ಮೊಟ್ಟೆಯ ಕಾಫಿಯನ್ನು ಸಣ್ಣ ಕಪ್‌ನಲ್ಲಿ ನೀಡಲಾಗುತ್ತದೆ. ಪಾನೀಯವನ್ನು ಬೆಚ್ಚಗಿಡಲು, ಮಾಣಿ ಒಂದು ಕಪ್ ಕಾಫಿಯನ್ನು ಬೆಚ್ಚಗಿನ ನೀರಿನ ಬಟ್ಟಲಿನಲ್ಲಿ ಇಟ್ಟಿರುತ್ತಾನೆ. ಮೊಟ್ಟೆಗಳಿಂದ ಮಾಡಿದ ಕ್ರೀಮ್ ಮೇಲೆ ಸುರಿದ ನಂತರ, ಅದು ಕಪ್‌ನ ಕೆಳಭಾಗದಲ್ಲಿರುವ ಕಾಫಿಯು ಉತ್ಕೃಷ್ಟ ರುಚಿಯನ್ನು ಪಡೆಯು ಕಾರಣವಾಗುತ್ತದೆ. ಹಿಂದೆ, ಮೊಟ್ಟೆಗಳನ್ನು ಕೈಯಿಂದ ಹೊಡೆಯಲಾಗುತ್ತಿತ್ತು, ಆದ್ದರಿಂದ ಇದು ಸಮಯ ತೆಗೆದುಕೊಳ್ಳುತ್ತಿತ್ತು ಮತ್ತು ಮೊಟ್ಟೆಗಳ ನೊರೆಯನ್ನು ಪಡೆಯಲು ಸಾಧ್ಯವಾಗುತ್ತಿರಲಿಲ್ಲ. ಪ್ರಸ್ತುತ ಎಲೆಕ್ಟ್ರಿಕ್ ಮಿಕ್ಸರ್‌ಗಳ ಲಭ್ಯತೆಯೊಂದಿಗೆ, ಕಾಫಿಯನ್ನು ಕೋಕೋ, ಬಿಳಿ ಬೀನ್ಸ್ ಮತ್ತು ಮಚ್ಚಾ (ಚಹಾ ಪುಡಿ) ನೊಂದಿಗೆ ಸೇರಿಸಿ ಹೆಚ್ಚಿನ ರೂಪಾಂತರಗಳನ್ನು ರಚಿಸಲು ಸಾದ್ಯವಿದೆ. ಇದನ್ನು ಬಿಸಿಯಾಗಿ ಅಥವಾ ಐಸ್‌ನಲ್ಲಿ ಗ್ರಾಹಕರಿಗೆ ಬಡಿಸಬಹುದು.

ವಿಯೆಟ್ನಾಮೀಸ್ ಅಲ್ಲದ "ಎಗ್ ಕಾಫಿಗಳು"

ಮೊಟ್ಟೆಯನ್ನು ಒಳಗೊಂಡಿರುವ ಕಾಫಿಯನ್ನು ಇತರ, ವಿಭಿನ್ನವಾದ ಪಾಕವಿಧಾನಗಳಿಂದ ತಯಾರಿಸಲಾಗುತ್ತದೆ. ವಿವಿಧ ಪ್ರದೇಶಗಳಲ್ಲಿ ಇವುಗಳನ್ನು ಬೇರೆ ಬೇರೆ ರೀತಿಯಲ್ಲಿ ಗುರುತಿಸಲಾಗಿದೆ.

• ಸ್ವೀಡಿಷ್ ಎಗ್ ಕಾಫಿ ಒಂದು ಅಮೇರಿಕನ್ ಪಾನೀಯ (ಅದರ ಹೆಸರಿನ ಹೊರತಾಗಿಯೂ), ಕೌಬಾಯ್ ಕಾಫಿಯಂತೆ ಪುಡಿಮಾಡಿದ ಕಾಫಿ ಬೀಜಗಳನ್ನು ಮೊಟ್ಟೆಯೊಂದಿಗೆ ಬೆರೆಸಿ ಕುದಿಸುವ ಮೂಲಕ ತಯಾರಿಸಲಾಗುತ್ತದೆ. ಮೊಟ್ಟೆಯು ಕಾಫಿ ಬೀಜಗಳನ್ನು ಮುಳುಗುವಂತೆ ಮಾಡಿ, ನಯವಾದ ಕಾಫಿಯನ್ನು ಬಿಡುಗಡೆ ಮಾಡುತ್ತದೆ.
• ಶ್ರೀಲಂಕಾದ ಎಗ್ ಬ್ರಾಂಡಿ ಕಾಫಿ
• ಸ್ಥಳೀಯವಾಗಿ "ಕೆಫೆ ಎ ಲಾ ಕ್ರಿಯೊಲ್ಲಾ" ಎಂದು ಕರೆಯಲ್ಪಡುವ ಕ್ಯೂಬನ್ ಎಗ್ ಕಾಫಿಯನ್ನು ಬಿಸಿ ಎಸ್ಪ್ರೆಸೊ ಕಾಫಿಯನ್ನು ಹಸಿ ಮೊಟ್ಟೆಯ ಹಳದಿ ಲೋಳೆ, ಸಕ್ಕರೆ ಮತ್ತು ಬಿಳಿ ರಮ್‌ನೊಂದಿಗೆ ಬೆರೆಸಿ ತಯಾರಿಸಲಾಗುತ್ತದೆ.
• ಕೋಪಿ ಟೆಲೂರ್ ಎಂಬುದು ಇಂಡೋನೇಷ್ಯಾ ಮೂಲದ ಮೊಟ್ಟೆಯ ಕಾಫಿ. (ಇಂಡೋನೇಷ್ಯಾದ ಪದಾಂಗ್‌ನಿಂದ ಬಂದಂತಹ, ಇದು ಮೊಟ್ಟೆಯ ಹಳದಿ ಲೋಳೆಯನ್ನು ಸಿಹಿಗೊಳಿಸಿದ ಮಂದಗೊಳಿಸಿದ ಹಾಲಿನೊಂದಿಗೆ ಬೆರೆಸಲಾಗುತ್ತದೆ. ಆಗಾಗ್ಗೆ ದಾಲ್ಚಿನ್ನಿಯಂತಹ ಮಸಾಲೆಗಳೊಂದಿಗೆ, ಪರಿಮಳಯುಕ್ತ, ಕೆನೆ ಪಾನೀಯಕ್ಕಾಗಿ ಬಲವಾದ ಕಾಫಿಯ ಮೇಲೆ ಸುರಿಯಲಾಗುತ್ತದೆ.
• ಕ್ಯೂಬನ್ ಎಗ್ ಕಾಫಿಯು (ಕೆಫೆ ​​ಎ ಲಾ ಕ್ರಿಯೊಲ್ಲಾ) ಮತ್ತೊಂದು ಶ್ರೀಮಂತ, ಉತ್ಸಾಹಭರಿತ ಪಾನೀಯ. ಬಿಸಿ ಎಸ್ಪ್ರೆಸೊ ಅನ್ನು ಮೊಟ್ಟೆಯ ಹಳದಿ ಲೋಳೆ, ಸಕ್ಕರೆ ಮತ್ತು ಬಿಳಿ ರಮ್‌ನೊಂದಿಗೆ ಬೆರೆಸಿ ಇದನ್ನು ತಯಾರಿಸಲಾಗುತ್ತದೆ.

ಗ್ಯಾಲರಿ

• 
• 
• 
• 
• 

 

• ವಿಯೆಟ್ನಾಮೀಸ್ ಐಸ್ಡ್ ಕಾಫಿ
• ತೆಹ್ ತಲುವಾ
• ಮೊಟ್ಟೆ ಸೋಡಾ
• ಎಗ್‌ನಾಗ್
• ಜಬಯೋನೆ
• ಉವೊ ಸಬಟುಟೊ
• ಕಾಫಿ ಪಾನೀಯಗಳ ಪಟ್ಟಿ
• ಮೊಟ್ಟೆ ಪಾನೀಯಗಳ ಪಟ್ಟಿ