ಬ್ಲಾಕ್ ಬಟರ್ಫ್ಲೈ (೨೦೧೩ ಮಲಯಾಳಂ ಚಲನಚಿತ್ರ)
| ಬ್ಲ್ಯಾಕ್ ಬಟರ್ಫ್ಲೈ | |
|---|---|
| ನಿರ್ದೇಶನ | ರಾಜಪುತ್ರ ರಂಜಿತ್ |
| ನಿರ್ಮಾಪಕ | ಮಣಿಯನ್ಪಿಲ್ಲ ರಾಜು |
| ಲೇಖಕ | ಜೆ. ಪಲ್ಲಸ್ಸೆರಿ ಬಾಲಾಜಿ ಶಕ್ತಿವೇಲ್ |
| ಪಾತ್ರವರ್ಗ | ಮಿಥುನ್ ಮುರಳಿ ಮಾಳವಿಕಾ ನಾಯರ್ ನಿರಂಜ್ ಮಣಿಯನ್ಪಿಲ್ಲ ರಾಜು ಸಮ್ಸ್ಕ್ರುತಿ ಶೆನಾಯ್ |
| ಸಂಗೀತ | ಎಂ. ಜಿ. ಶ್ರೀಕುಮಾರ್ ಗೋಪಿ ಸುಂದರ್ |
| ಛಾಯಾಗ್ರಹಣ | ಅಳಗಪ್ಪನ್ |
| ಸಂಕಲನ | ವಿ. ಸಾಜನ್ |
| ಬಿಡುಗಡೆಯಾಗಿದ್ದು |
|
| ದೇಶ | ಭಾರತ |
| ಭಾಷೆ | ಮಲಯಾಳಂ |
'ಬ್ಲ್ಯಾಕ್ ಬಟರ್ಫ್ಲೈ' 2013ರಲ್ಲಿ ರಾಜಪುತ್ರ ರಂಜಿತ್ ನಿರ್ದೇಶಿಸಿದ ಭಾರತೀಯ ಮಲಯಾಳಂ ಭಾಷೆಯ ಚಲನಚಿತ್ರವಾಗಿದೆ.[೧] ಈ ಚಿತ್ರವನ್ನು ಮಣಿಯನ್ಪಿಲ್ಲಾ ರಾಜು ನಿರ್ಮಿಸಿದರು ಮತ್ತು ಮಿಥುನ್ ಮುರಳಿ, ಮಾಳವಿಕಾ ನಾಯರ್, ನಿರಂಜ್ ಮಣಿಯನ್ಪಿಲ್ಲಾ ರಾಜು ಮತ್ತು ಸಂಸ್ಕೃತ ಶೆಣೈ ಮುಖ್ಯ ಪಾತ್ರಗಳಲ್ಲಿ ನಟಿಸಿದ್ದಾರೆ. ಈ ಚಿತ್ರದ ಕಥೆಯನ್ನು ಪಲ್ಲಸ್ಸೆರಿ ಬರೆದಿದ್ದು, ಎಂ. ಜಿ. ಶ್ರೀಕುಮಾರ್ ಸಂಗೀತ ನಿರ್ದೇಶನ ಮಾಡಿದ್ದಾರೆ ಮತ್ತು ಇದು ತಮಿಳು ಚಿತ್ರ "ವಜಕ್ಕು ಎನ್ 18/9" ನ ರಿಮೇಕ್ ಆಗಿದೆ. ಕನ್ನಡದಲ್ಲಿ ಕೇಸ್ ನಂಬರ್ 18/9 ಕೂಡಾ ಇದರ ರಿಮೇಕ್ ಆಗಿದೆ.[೨][೩]
ಕಥಾ ಭಾಗ
[ಬದಲಾಯಿಸಿ]ಈ ಸಿನಿಮಾದಲ್ಲಿ, ಕಥೆಯು ಫ್ಲಾಶ್ ಬ್ಯಾಕ್ ನೊಂದಿಗೆ ಪ್ರಾರಂಭವಾಗುತ್ತದೆ. ಇನ್ಸಪೆಕ್ಟರ್ ನಂದಕುಮಾರನ್ ನಾದಾರ್ ನಿಂದ ಪ್ರಶ್ನಿಸಲ್ಪಟ್ಟ ಬೆನ್ನಿ ತನ್ನ ಜೀವನ ಕಥೆಯನ್ನು ವಿವರಿಸುತ್ತಾನೆ. ಅವರ ಕುಟುಂಬವು ಮಾಡಿದ ಸಾಲದಿಂದಾಗಿ ಅವರು ಚಿಕ್ಕ ವಯಸ್ಸಿನಲ್ಲಿಯೇ ತಮಿಳುನಾಡಿನ ರಸ್ತೆಬದಿಯ ಅಂಗಡಿಯಲ್ಲಿ ಅಡುಗೆಯವನಾಗಿ ಕೆಲಸ ಮಾಡಲು ಪ್ರಾರಂಭಿಸಿದರು. ಅವನು ಎಂಟು ವರ್ಷಗಳ ಕಾಲ ಅಂಗಡಿಯಲ್ಲಿ ಕೆಲಸ ಮಾಡುತ್ತಿದ್ದನು ಮತ್ತು ಅಪಘಾತದಿಂದ ಸಾವನ್ನಪ್ಪಿದ ತನ್ನ ತಾಯಿಯನ್ನು ಆತನಿಗೆ ಕೊನೆಯ ಬಾರಿಗೆ ನೋಡಲು ಸಾಧ್ಯವಾಗಲಿಲ್ಲ. ಹಾಗಾಗಿ ಅವನು ತನ್ನ ತಾಯಿಯ ಸಾವಿನ ಮಾಹಿತಿಯನ್ನು ಮರೆಮಾಚಿದ ಅಂಗಡಿಯ ಮಾಲೀಕನ ಮೇಲೆ ದಾಳಿ ಮಾಡುತ್ತಾನೆ ಮತ್ತು ತನ್ನ ತವರು ರಾಜ್ಯವಾದ ಕೇರಳಕ್ಕೆ ಓಡಿಹೋಗುತ್ತಾನೆ, ಅಲ್ಲಿ ಅವನು ಪೆಟ್ರೋಲ್ ನಿಲ್ದಾಣದಲ್ಲಿ ಕೆಲಸ ಮಾಡಲು ಪ್ರಾರಂಭಿಸುತ್ತಾನೆ. ಪೆಟ್ರೋಲ್ ನಿಲ್ದಾಣದಲ್ಲಿ ಕೆಲಸ ಮಾಡುವಾಗ, ಬೆನ್ನಿ ಹತ್ತಿರದ ಅಪಾರ್ಟ್ಮೆಂಟ್ ಕಟ್ಟಡಗಳಲ್ಲಿ ಕೆಲಸ ಮಾಡುತಿದ್ದ ರೀನಾಳನ್ನು ಭೇಟಿಯಾಗಿ, ಪರಿಚಯ ಸಲುಗೆಗೆ ತಿರುಗಿ ಆ ಬಳಿಕ ಬೆನ್ನಿ ರೀನಾಳನ್ನು ತುಂಬಾ ಪ್ರೀತಿಸತೊಡಗುತ್ತಾನೆ.
ಆರತಿಯು ವಿದ್ಯಾರ್ಥಿಯಾಗಿದ್ದು, ರೀನಾ ಕೆಲಸ ಮಾಡುವ ಅಪಾರ್ಟ್ಮೆಂಟ್ ಕಟ್ಟಡವೊಂದರಲ್ಲಿ ವಾಸಿಸುತ್ತಾಳೆ. ದೀಪಕ್ ಕೂಡ ಅದೇ ಅಪಾರ್ಟ್ಮೆಂಟ್ನಲ್ಲಿ ವಾಸಿಸುವ ವಿದ್ಯಾರ್ಥಿಯಾಗಿದ್ದಾನೆ. ದೀಪಕ್ ಒಬ್ಬ ಹಾಳಾದ , ಕೆಟ್ಟ ದಾರಿಯಲ್ಲಿ ಹೋಗುತ್ತಿದ್ದ ಹುಡುಗನಾಗಿದ್ದಾನೆ, ಮತ್ತು ಅವನು ಮೊದಲ ಬಾರಿಗೆ ಆರತಿಯನ್ನು ಭೇಟಿ ಮಾಡುತ್ತಾನೆ. ಆರತಿಯು ಅವನ ನಿಜವಾದ ಉದ್ದೇಶಗಳನ್ನು ತಿಳಿಯದೆ ಅವನನ್ನು ಪ್ರೀತಿಸುತ್ತಾಳೆ ಮತ್ತು ದೀಪಕ್ ಕೂಡ ಆರತಿಯತ್ತ ಆಕರ್ಷಿತನಾಗುತ್ತಾನೆ.
ದೀಪಕ್ ಈ ಅವಕಾಶವನ್ನು ಬಳಸಿಕೊಂಡು ಆಕೆಯನ್ನು ಬೀಚ್ ರೆಸಾರ್ಟ್ಗೆಗೆ ಆಹ್ವಾನಿಸುತ್ತಾನೆ. ಈ ಸಮಯದಲ್ಲಿ, ಅವನು ಕಡಲತೀರದಲ್ಲಿ ಅವಳ ಖಾಸಗಿ ಕ್ಷಣಗಳ ವೀಡಿಯೊ ತುಣುಕುಗಳನ್ನು ಚಿತ್ರೀಕರಿಸುತ್ತಾನೆ ಮತ್ತು ರೆಸಾರ್ಟ್ನಲ್ಲಿರುವ ಅವರ ಮಲಗುವ ಕೋಣೆಯಲ್ಲಿ ತನ್ನ ಫೋನ್ ಅನ್ನು ಅಡಗಿಸಿ ಇಟ್ಟು, ಅಲ್ಲಿ ಅವಳ ನಗ್ನ ದೇಹದ ಚಿತ್ರೀಕರಣ ಮಾಡಿ ದಾಖಲಿಸುತ್ತದೆ. ನಂತರ ದೀಪಕ್ ಮತ್ತು ಆರತಿ ಮನೆಗೆ ಹಿಂತಿರುಗುತ್ತಾರೆ. ಆಕೆ ತನ್ನ ಪ್ರೀತಿಯನ್ನು ದೀಪಕ್ ಗೆ ಪ್ರಪೋಸ್ ಮಾಡಲು ಹೊರಟಿದ್ದಾಗ, ಆತನ ಕಾರು ರಸ್ತೆಯಲ್ಲೇ ಹಾಳಾಗುತ್ತದೆ. ಆಗ ದೀಪಕ್, ಮೆಕ್ಯಾನಿಕ್ ಕರೆಯಲು ಕಾರಿನಿಂದ ಹೊರಬರುವಾಗ, ಆರತಿ ತಿಳಿಯದೆ ದೀಪಕ್ ನ ಫೋನಿಗೆ ದೃಷ್ಥಿ ಹಾಯಿಸಿತ್ತಾಳೆ. ಮತ್ತು ಅದರಲ್ಲಿ ತನ್ನದೇ ನಗ್ನ ವೀಡಿಯೊಗಳನ್ನು ನೋಡಿದಾಗ ಗಾಬರಿಯಾಗುತ್ತಾಳೆ. ಅವಳು ಅದನ್ನು ಅಳಿಸಿಹಾಕುತ್ತಾಳೆ ಮತ್ತು ಅವನ ಫೋನ್ನ ಮೆಮೊರಿ ಕಾರ್ಡ್ ನ್ನು ತೆಗೆದುಕೊಂಡು ಹೋಗುತ್ತಾಳೆ ಮತ್ತು ಅವನೊಂದಿಗಿನ ಎಲ್ಲಾ ರೀತಿಯ ಸ್ನೇಹವನ್ನು ಕಡಿದುಕೊಳ್ಳುತ್ತಾಳೆ.
ವೀಡಿಯೊಗಳ ಬಗ್ಗೆ ಆರತಿಗೆ ತಿಳಿದಿದೆ ಎಂದು ತಿಳಿದಾಗ ದೀಪಕ್ ನಿರಾಶೆಗೊಳ್ಳುತ್ತಾನೆ ಮತ್ತು ಆಕೆ ದೀಪಕ್ ಅವರ ಕೃತ್ಯಗಳಿಗೆ ಸಂಬಂಧಿಸಿದಂತೆ ಪೊಲೀಸರನ್ನು ಸಂಪರ್ಕಿಸುವುದಾಗಿ ಬೆದರಿಕೆ ಹಾಕುತ್ತಾಳೆ. ದೀಪಕ್ ಕಾರು ಅಪಘಾತ ಮಾಡಿ ಆರತಿಯನ್ನು ಕೊಲ್ಲಲು ಯೋಜಿಸುತ್ತಾನೆ ಆದರೆ ಅವಳು ತಪ್ಪಿಸಿಕೊಳ್ಳುವಲ್ಲಿ ಯಶಸ್ವಿಯಾಗುತ್ತಾಳೆ. ನಂತರ ಅವನು ಅವಳ ಮುಖದ ಮೇಲೆ ಆಸಿಡ್ ಎರಚಲು ಯೋಚನೆ ಮಾಡಿ ಇರುತ್ತಾನೆ. ಆದರೆ ಆ ಸಂದರ್ಭದಲ್ಲಿ ರೀನಾ ಆಕಸ್ಮಿಕವಾಗಿ ಮಧ್ಯಪ್ರವೇಶಿಸುತ್ತಾಳೆ ಮತ್ತು ಆಸಿಡ್ ದಾಳಿಗೆ ಬಲಿ ಆಗುತ್ತಾಳೆ. ಈ ಪ್ರಕ್ರಿಯೆಯಲ್ಲಿ ರೀನಾಳಿಗೆ ಗಂಭೀರವಾದ ಗಾಯಗಳಾಗುತ್ತವೆ. ನಾದರ್ ತನಿಖೆಯನ್ನು ಪ್ರಾರಂಭಿಸಿದಾಗ ಚಲನಚಿತ್ರವು ವೇಗವನ್ನು ಪಡೆಯುತ್ತದೆ. ನಾದರ್, ದೀಪಕ್ ಅವರ ತಾಯಿ ಸೇತುಲಕ್ಷ್ಮಿ ಅವರೊಂದಿಗೆ ಮಾತುಕತೆ ನಡೆಸುತ್ತಾನೆ, ಆದರೆ ಆಕೆಯ ಮೊಂಡುತನದ ಸ್ವಭಾವದಿಂದಾಗಿ ನಂತರ ನಿರಾಕರಿಸುತ್ತಾನೆ.ಆತ ದೀಪಕ್ ನನ್ನು ಅಪರಾಧಿ ಎಂದು ಪರಿಗಣಿಸಿ ತನಿಖೆಯನ್ನು ಪೂರ್ಣಗೊಳಿಸುತ್ತಾನೆ ಮತ್ತು ಆತನ ಮೇಲೆ ಕೊಲೆ ಯತ್ನದ ಆರೋಪ ಹೊರಿಸುತ್ತಾನೆ.
ಆದರೆ ಸೇತುಲಕ್ಷ್ಮಿ ಅವರು ನಾದರ್ ಅವರೊಂದಿಗೆ ನಿಕಟ ಸಂಬಂಧ ಹೊಂದಿರುವ ಉನ್ನತ ಶ್ರೇಣಿಯ ಮಂತ್ರಿಯೊಬ್ಬರನ್ನು ಸಂಪರ್ಕಿಸಿ ಮಧ್ಯಪ್ರವೇಶಿಸುವಂತೆ ಕೇಳಿಕೊಳ್ಳುತ್ತಾರೆ. ಸಚಿವರು ಮತ್ತು ನಾದರ್ ಮಾತುಕತೆ ನಡೆಸುತ್ತಾರೆ, ನಾದರ್ ಅವರು ತನಿಖೆಯಿಂದ ದೀಪಕ್ ಅವರನ್ನು ಬಿಡುಗಡೆ ಮಾಡಲು ಒಪ್ಪುತ್ತಾರೆ. ನಂತರ ಅವರು ಬೆನ್ನಿಯನ್ನು ಕೊಲೆ ಯತ್ನಕ್ಕೆ ಸಿಕ್ಕಿಸಿ ಕೊಳ್ಳುವ ಹಾಗೆ ಮಾಡಲು ಪ್ರಯತ್ನಿಸುತ್ತಾರೆ. ಆ ಕೂಡಲೇ ಬೆನ್ನಿಯನ್ನು ಬಂಧಿಸಲಾಗುತ್ತದೆ, ಆದರೆ ಕೊಲೆ ಯತ್ನಕ್ಕೆ ತಾನೇ ಕಾರಣ ಎಂದು ಒಪ್ಪಿಕೊಳ್ಳಲು ಬೆನ್ನಿ ನಿರಾಕರಿಸುತ್ತಾನೆ. ತಾನು ಜವಾಬ್ದಾರನೆಂದು ಒಪ್ಪಿಕೊಳ್ಳುವಂತೆ ಒತ್ತಾಯಿಸುವ ಸಲುವಾಗಿ ಪೊಲೀಸರು ಆತನನ್ನು ಹಿಂಸಾತ್ಮಕವಾಗಿ ಥಳಿಸಿದರೂ ಬೆನ್ನಿ ನಿರಾಕರಿಸುತ್ತಾನೆ. ನಂದಕುಮಾರ್ ನಾದರ್, ರೀನಾಳನ್ನು ಗುಣಪಡಿಸಲು ಬಯಸಿದರೆ ನ್ಯಾಯಾಲಯದ ಮುಂದೆ ಆರೋಪಿ ಎಂದು ಒಪ್ಪಿಕೊಳ್ಳಬೇಕೆಂದು ಬೆನ್ನಿಯನ್ನು ಬ್ಲ್ಯಾಕ್ಮೇಲ್ ಮಾಡುತ್ತಾನೆ. ಕೊನೆಗೆ ಬೆನ್ನಿ ಒಪ್ಪಿಕೊಳ್ಳುತ್ತಾನೆ ಮತ್ತು ಹಲವಾರು ವರ್ಷಗಳ ಜೈಲು ಶಿಕ್ಷೆಗೆ ಗುರಿಯಾಗುತ್ತಾನೆ. ನಂತರ, ಬೆನ್ನಿನ ಸ್ನೇಹಿತ ಸಮೀರ್ , ರೀನಾಗೆ ಬೆನ್ನಿ ಅವಳನ್ನು ತುಂಬಾ ಪ್ರೀತಿಸುತ್ತಿದ್ದಾನೆ ಎಂದೂ ಮತ್ತು ಅವಳನ್ನು ಗುಣಪಡಿಸುವ ಸಲುವಾಗಿ ಅವನ ಮೇಲೆ ಸುಳ್ಳು ಆರೋಪ ಹೊರಿಸಲಾಗಿದೆ ಎಂದು ಬಹಿರಂಗಪಡಿಸುತ್ತಾನೆ. ನಾದರ್ ಬೆನ್ನಿಗೆ ಮೋಸ ಮಾಡಿದ್ದಾನೆಂದು ಆಕೆಗೆ ಅರಿವಾಗುತ್ತದೆ. ಕೋಪಗೊಂಡ ಆಕೆ ನ್ಯಾಯಾಲಯಕ್ಕೆ ಬಂದು ಬೆನ್ನಿಯನ್ನು ಪೊಲೀಸ್ ಬಸ್ನಲ್ಲಿ ಮರಳಿ ಜೈಲಿಗೆ ಕರೆದೊಯ್ಯುವುದನ್ನು ನೋಡುತ್ತಾಳೆ. ಸೇತುಲಕ್ಷ್ಮಿಗೆ ಕರೆ ಮಾಡಿ ನಾದರ್ ಪ್ರಕರಣದ ಮುಕ್ತಿಯನ್ನು ಆಚರಿಸಿದ ನಂತರ, ರೀನಾ ಅವನಿಗೆ ಒಂದು ಸಂದೇಶವನ್ನು ನೀಡುತ್ತಾಳೆ, ಅದರಲ್ಲಿ ಅವಳು ಬೆನ್ನಿ ಮತ್ತು ಅವಳಿಗೆ ಮೋಸ ಮಾಡಿದ್ದಕ್ಕಾಗಿ ಅವನನ್ನು ಶಿಕ್ಷಿಸುವುದಾಗಿ ಪ್ರತಿಜ್ಞೆ ಮಾಡುತ್ತಾಳೆ. ನಾದರ್ ಪ್ರತಿಕ್ರಿಯಿಸಿದಾಗ, ರೀನಾ ಅವನ ಮೇಲೆ ಆಸಿಡ್ ನ್ನು ಎರಚುತ್ತಾಳೆ. ಘಟನಾ ಸ್ಥಳದಲ್ಲಿರುವ ಪೊಲೀಸ್ ಅಧಿಕಾರಿಗಳು ತಕ್ಷಣವೇ ಆಕೆಯ ಮೇಲೆ ದಾಳಿ ಮಾಡುತ್ತಾರೆ, ಆದರೆ ಹತ್ತಿರದ ವಕೀಲರು ಆಕೆಯನ್ನು ರಕ್ಷಿಸಿ, ಆಕೆಯನ್ನು ಸುರಕ್ಷಿತ ಸ್ಥಳಕ್ಕೆ ಕರೆದುಕೊಂಡು ಹೋಗುತ್ತಾರೆ. ಆ ಬಳಿಕ ರೀನಾಳನ್ನು ಬಂಧಿಸಿ ಮತ್ತು ವಿಚಾರಣೆಗಳು ನಡೆಯುತ್ತಿದ್ದಂತೆ, ನ್ಯಾಯಾಂಗವು ಬೆನ್ನಿಯನ್ನು ನಿರಪರಾಧಿಯೆಂದು ಕಂಡು ಅವನನ್ನು ಬಿಡುಗಡೆ ಮಾಡುತ್ತದೆ. ನಾದರ್ ಮೇಲೆ ಆಸಿಡ್ ದಾಳಿ ಮಾಡಿದ್ದಕ್ಕಾಗಿ ರೀನಾಗೆ ಏಳು ವರ್ಷಗಳ ಜೈಲು ಶಿಕ್ಷೆ ವಿಧಿಸಲಾಗಿದೆ. ಕೊನೆಯ ದೃಶ್ಯದಲ್ಲಿ, ಬೆನ್ನಿ ಸೆರೆಮನೆಯಲ್ಲಿ ರೀನಾಳನ್ನು ಭೇಟಿಯಾಗುತ್ತಾನೆ ಮತ್ತು ತನ್ನ ಪ್ರೀತಿಯನ್ನು ಪ್ರಸ್ತಾಪಿಸುತ್ತಾನೆ ಮತ್ತು ತಾನು ಅವಳಿಗಾಗಿ ಕಾಯುತ್ತಿರುತ್ತೇನೆ ಎಂದು ಕಣ್ಣೀರಿನಿಂದ ಅವಳಿಗೆ ಹೇಳುತ್ತಾನೆ. ಸೆರೆಮನೆಯಿಂದ ಹೊರಬರುವಾಗ ರೀನಾಳ ವಿರೂಪಗೊಂಡ ಮುಖವು ಪರದೆಯ ಮೇಲೆ ಕಾಣಿಸಿಕೊಳ್ಳುವುದರೊಂದಿಗೆ ಚಿತ್ರವು ಕೊನೆಗೊಳ್ಳುತ್ತದೆ.
ಪಾತ್ರ ಪರಿಚಯ
[ಬದಲಾಯಿಸಿ]- ಬೆನ್ನಿ ಪಾತ್ರದಲ್ಲಿ ಮಿಥುನ್ ಮುರಳಿ
- ಯುವ ಬೆನ್ನಿ ಪಾತ್ರದಲ್ಲಿ ಧನಂಜಯ್
- ರೀನಾ ಪಾತ್ರದಲ್ಲಿ ಮಾಳವಿಕಾ ನಾಯರ್ (ದೇವಿ ಎಸ್. ಅವರ ಧ್ವನಿ)
- ದೀಪಕ್ ಪಾತ್ರದಲ್ಲಿ ನಿರಂಜ್ ಮಣಿಯನಪಿಳ್ಳ ರಾಜು (ಶರತ್ ದಾಸ್ ಧ್ವನಿ)
- ಆರತಿ ಪಾತ್ರದಲ್ಲಿ ಸಂಸ್ಕೃತಿ ಶೆಣೈ
- ಲೇಜರ್ ಆಗಿ ಜನಾರ್ದನನ್
- ಬೆನ್ನಿಯ ತಾಯಿ ಪಾತ್ರದಲ್ಲಿ ರೋಹಿಣಿ
- ಆರತಿಯ ತಂದೆ ಮಹದೇವನ್ ಪಾತ್ರದಲ್ಲಿ ಮಣಿಯನ್ಪಿಳ್ಳ ರಾಜು
- ಆರತಿಯ ತಾಯಿ ಪಾತ್ರದಲ್ಲಿ ಸಿತಾರಾ (ಭಾಗ್ಯಲಕ್ಷ್ಮಿಯವರ ಧ್ವನಿ)
- ಮೇರಿ ಪಾತ್ರದಲ್ಲಿ ಸೀಮಾ ಜಿ.ನಾಯರ್, ರೀನಾಳ ತಾಯಿ
- ರಮಣಿ ಪಾತ್ರದಲ್ಲಿ ಸುರಭಿ ಲಕ್ಷ್ಮಿ
- ಕಂಜಾವು ವಾಸು ಪಾತ್ರದಲ್ಲಿ ನೆಲ್ಸನ್ ಶೂರಂಡು
- ಆರೈಕೆಯಲ್ಲಿದ್ದ ವೃದ್ಧ ಅನಾಥೆ ಪಾತ್ರದಲ್ಲಿ ಸುಕುಮಾರಿ ರೀನಾ
- ಸಮೀರ್ ಪಾತ್ರದಲ್ಲಿ ಗಣಪತಿ ಎಸ್ ಪೊದುವಾಳ್
- 'ಸಿಐ ನಂದಕುಮಾರನ್ ನಾಡರ್ ಪಾತ್ರದಲ್ಲಿ ಮುತ್ತುರಾಮನ್ (ಶಮ್ಮಿ ತಿಲಕನ್ ಅವರಿಂದ ಧ್ವನಿ)
ವಿಮರ್ಶೆ
[ಬದಲಾಯಿಸಿ]ದಿ ಟೈಮ್ಸ್ ಆಫ್ ಇಂಡಿಯಾ ದ ವಿಮರ್ಶಕರೊಬ್ಬರು ಹೀಗೆ ಬರೆದಿದ್ದಾರೆ, "ಒಂದು ನವಿರಾದ ಪ್ರಣಯವು ಅಪೂರ್ಣವಾಗುತ್ತದೆ, ಭರವಸೆಯನ್ನು ಉಳಿಸಲಾಗುವುದಿಲ್ಲ, ನಂಬಿಕೆಗೆ ದ್ರೋಹವಾಗುತ್ತದೆ ಮತ್ತು ಈ ತೋರಿಕೆಯ ಸರಳವಾದ ಚಿತ್ರದಲ್ಲಿ ಇನ್ನೂ ಹೆಚ್ಚಿನವುಗಳು ನಡೆಯುತ್ತವೆ. ಇದು ಮಧುರವಾಗಿ ಖಿನ್ನತೆಯನ್ನುಂಟುಮಾಡುತ್ತದೆ ಮತ್ತು ಅದು ಎಂದಿಗೂ ವೀಕ್ಷಕರ ಮೇಲೆ ತನ್ನನ್ನು ತಾನು ಹೇರಿಕೊಳ್ಳುವುದಿಲ್ಲ ".[೪]
ಉಲ್ಲೇಖಗಳು
[ಬದಲಾಯಿಸಿ]- ↑ Rajaputhra Ranjith to direct Black Butterflies. In.com.
- ↑ "No glitz, no gimmicks". The Hindu. 17 February 2013. Retrieved 19 February 2013.
- ↑ "Black Butterfly". Sify. Archived from the original on 16 March 2013. Retrieved 19 February 2013.
- ↑ Kumar, Aswin J (15 February 2013). "BLACK BUTTERFLY MOVIE REVIEW". The Times of India.