ಬಿಟಿಎಸ್ಗೆ ಲಭ್ಯವಾದ ಪ್ರಶಸ್ತಿಗಳು ಮತ್ತು ನಾಮಪತ್ರಗಳು
 | ಈ ಲೇಖನದಲ್ಲಿಪರಿಶೀಲನೆಗಾಗಿ ಹೆಚ್ಚಿನ ಉಲ್ಲೇಖಗಳ ಅಗತ್ಯವಿದೆ. |
ಬಿಟಿಎಸ್ ದಕ್ಷಿಣ ಕೊರಿಯಾದ ಏಳು ಸದಸ್ಯರ ಬಳಗವಾಗಿದ್ದು, ಬಿಗ್ ಹಿಟ್ ಎಂಟರ್ಟೈನ್ಮೆಂಟ್ ಎಂಬ ರೆಕಾರ್ಡ್ ಲೇಬಲ್ನಲ್ಲಿ ರಚಿಸಲಾಯಿತು. ಇದರಲ್ಲಿ ಮೂವರು ರ್ಯಾಪರ್ಗಳು (ಆರ್ಎಂ, ಸುಗಾ ಮತ್ತು ಜೆ-ಹೋಪ್) ಹಾಗೂ ನಾಲ್ಕು ಗಾಯಕರು (ಜಿನ್, ಜಿಮಿನ್, ವಿ ಮತ್ತು ಜಂಗ್ಕುಕ್) ಸೇರಿದ್ದಾರೆ. ಗುಂಪಿನ ಮೊದಲ ಸಿಂಗಲ್ ಆಲ್ಬಮ್ 2 ಕೂಲ್ 4 ಸ್ಕೂಲ್ (2013) ಮತ್ತು ಅದರ ನಂತರ ಬಂದ ಎಕ್ಸ್ಟೆಂಡೆಡ್ ಪ್ಲೇ (EP) O!RUL8,2? (2013) ವ್ಯಾಪಾರಿಕವಾಗಿ ಹೆಚ್ಚಿನ ಯಶಸ್ಸು ಪಡೆಯದಿದ್ದರೂ, 2013ರ ಅಂತ್ಯದಿಂದ 2014ರ ಆರಂಭದವರೆಗೆ ಇವರಿಗೆ ಅನೇಕ ಹೊಸ ಕಲಾವಿದರ ಪ್ರಶಸ್ತಿಗಳು ದೊರಕಿದವು. ಅವರು ನಂತರದ ವರ್ಷದಲ್ಲಿ ತಮ್ಮ ಎರಡನೇ ಇಪಿ ಸ್ಕೂಲ್ ಲವ್ ಅಫೇರ್ (2014) ಹಾಗೂ ಮೊದಲ ಸ್ಟೂಡಿಯೋ ಆಲ್ಬಂ ಡಾರ್ಕ್ & ವೈಲ್ಡ್ (2014) ಅನ್ನು ಬಿಡುಗಡೆ ಮಾಡಿದರು. ಈ ಬಿಡುಗಡೆಯ ನಂತರ ಪ್ರಶಸ್ತಿ ಸ್ವೀಕಾರವು ತುಸು ನಿಧಾನವಾಗಿತ್ತು. ಸ್ಕೂಲ್ ಲವ್ ಅಫೇರ್ ಆಲ್ಬಮ್ನ ಮುಖ್ಯ ಹಾಡಾದ "ಬಾಯ್ ಇನ್ ಲವ್" 2014ರ ಎಮ್ನೆಟ್ ಏಷ್ಯನ್ ಮ್ಯೂಸಿಕ್ ಅವಾರ್ಡ್ಸ್ನಲ್ಲಿ ಉತ್ತಮ ನೃತ್ಯ ಪ್ರದರ್ಶನ (ಪುರುಷ) ವಿಭಾಗಕ್ಕೆ ನಾಮನಿರ್ದೇಶನಗೊಂಡಿತು. ಅದೇ ಸಮಯದಲ್ಲಿ ಡಾರ್ಕ್ & ವೈಲ್ಡ್ ಆಲ್ಬಮ್ಗೆ 2015ರ ಗೋಲ್ಡನ್ ಡಿಸ್ಕ್ ಅವಾರ್ಡ್ಸ್ನಲ್ಲಿ ಡಿಸ್ಕ್ ಬೋನ್ಸಾಂಗ್ ಪ್ರಶಸ್ತಿಯು ದೊರೆಯಿತು. ಬಿಟಿಎಸ್ ಅವರ ಮೂರನೇ ಇಪಿ ದಿ ಮೋಸ್ಟ್ ಬ್ಯೂಟಿಫುಲ್ ಮೊಮೆಂಟ್ ಇನ್ ಲೈಫ್, ಪಿಟಿ. 1 (2015) ಗೆ 2016ರ ಗೋಲ್ಡನ್ ಡಿಸ್ಕ್ ಅವಾರ್ಡ್ಸ್ನಲ್ಲಿ ಡಿಸ್ಕ್ ಬೋನ್ಸಾಂಗ್ ಪ್ರಶಸ್ತಿ ದೊರೆಯಿತು. ಈ ಆಲ್ಬಮ್ನ ಮುಖ್ಯ ಹಾಡಾದ "ಐ ನೀಡ್ ಯು" ಗೆ 2015ರ ಮೆಲನ್ ಮ್ಯೂಸಿಕ್ ಅವಾರ್ಡ್ಸ್ನಲ್ಲಿ ಉತ್ತಮ ಪುರುಷ ನೃತ್ಯ ಪ್ರಶಸ್ತಿ ಲಭಿಸಿತು. ಗುಂಪಿನ ನಂತರದ ಇಪಿ, ದಿ ಮೋಸ್ಟ್ ಬ್ಯೂಟಿಫುಲ್ ಮೊಮೆಂಟ್ ಇನ್ ಲೈಫ್, ಪಿಟಿ. 2 (2015) ಗೆ 2016ರ ಗಾಂವ್ ಚಾರ್ಟ್ ಮ್ಯೂಸಿಕ್ ಅವಾರ್ಡ್ಸ್ನಲ್ಲಿ ವರ್ಷದ ಆಲ್ಬಮ್ ಪ್ರಶಸ್ತಿಗೆ (ನಾಲ್ಕನೇ ತ್ರೈಮಾಸಿಕಕ್ಕಾಗಿ) ನಾಮನಿರ್ದೇಶನ ದೊರೆಯಿತು. ಬಿಟಿಎಸ್ ಅವರ ಮೊದಲ ಕೊರಿಯನ್ ಸಂಗ್ರಹಿತ ಆಲ್ಬಮ್ ನ್ ಸಂಕಲನ ಆಲ್ಬಮ್ ದಿ ಮೋಸ್ಟ್ ಬ್ಯೂಟಿಫುಲ್ ಮೊಮೆಂಟ್ ಇನ್ ಲೈಫ್: ಯಂಗ್ ಫಾರೆವರ್ (2016) ಇವರಿಗೆ ಮೊದಲ ದೈಸಾಂಗ್ ಪ್ರಶಸ್ತಿಯನ್ನು ತಂದುಕೊಟ್ಟಿತು. ಈ ಪ್ರಶಸ್ತಿ 2016ರ ಮೆಲನ್ ಮ್ಯೂಸಿಕ್ ಅವಾರ್ಡ್ಸ್ನಲ್ಲಿ ವರ್ಷದ ಆಲ್ಬಮ್ಗಾಗಿ ಮತ್ತು 2016ರ ಎಮ್ನೆಟ್ ಏಷ್ಯನ್ ಮ್ಯೂಸಿಕ್ ಅವಾರ್ಡ್ಸ್ನಲ್ಲಿ ವರ್ಷದ ಕಲಾವಿದ ಪ್ರಶಸ್ತಿಯಾಗಿ ದೊರೆಯಿತು. ಈ ಆಲ್ಬಮ್ನ ಎರಡನೇ ಗೀತೆಯಾದ "ಫೈರ್" ಗೆ 2016ರ ಮೆಲನ್ ಮ್ಯೂಸಿಕ್ ಅವಾರ್ಡ್ಸ್ನಲ್ಲಿ ಅತ್ಯುತ್ತಮ ನೃತ್ಯ – ಪುರುಷ ವಿಭಾಗದಲ್ಲಿ ನಾಮನಿರ್ದೇಶನ ಲಭಿಸಿತು.
ಅವರ ಎರಡನೇ ಸ್ಟೂಡಿಯೋ ಆಲ್ಬಮ್ ವಿಂಗ್ಸ್ (2016) ಗೆ 26ನೇ ಸಿಯೋಲ್ ಮ್ಯೂಸಿಕ್ ಅವಾರ್ಡ್ಸ್ನಲ್ಲಿ ವರ್ಷದ ಆಲ್ಬಮ್ ಪ್ರಶಸ್ತಿ ಲಭಿಸಿತು ಮತ್ತು 2017ರ ಗೆಯಾನ್ ಚಾರ್ಟ್ ಮ್ಯೂಸಿಕ್ ಅವಾರ್ಡ್ಸ್ನಲ್ಲಿ ವರ್ಷದ ಆಲ್ಬಮ್ – ನಾಲ್ಕನೇ ತ್ರೈಮಾಸಿಕ ಪ್ರಶಸ್ತಿ ದೊರೆಯಿತು. ಈ ಆಲ್ಬಮ್ನ ಮುಖ್ಯ ಗೀತೆಯಾದ "ಬ್ಲಡ್ ಸ್ವೆಟ್ & ಟಿಯರ್ಸ್" ಗೆ 2016ರ ಎಮ್ನೆಟ್ ಏಷ್ಯನ್ ಮ್ಯೂಸಿಕ್ ಅವಾರ್ಡ್ಸ್ನಲ್ಲಿ ವರ್ಷದ ಹಾಡಿನ ನಾಮನಿರ್ದೇಶನ ದೊರೆಯಿತು. ಬಿಟಿಎಸ್ ಅವರ ವಿಂಗ್ಸ್ ಆಲ್ಬಮ್ನ ಮರುಬಿಡುಗಡೆ ಯು ನೆವರ್ ವಾಕ್ ಅಲೋನ್ (2017) ನಿಂದ ಬಿಡುಗಡೆಯಾದ "ಸ್ಪ್ರಿಂಗ್ ಡೇ" ಹಾಡು, 9ನೇ ಮೆಲನ್ ಮ್ಯೂಸಿಕ್ ಅವಾರ್ಡ್ಸ್ನಲ್ಲಿ ಗುಂಪಿಗೆ ಮೊದಲ ಪ್ರಮುಖ ವರ್ಷದ ಹಾಡಿನ ಪ್ರಶಸ್ತಿಯನ್ನು ತಂದುಕೊಟ್ಟಿತು. ಅವರ ಐದನೇ ಇಪಿ ಲವ್ ಯುವರ್ಸೆಲ್ಫ್: ಹರ್ (2017) ಮತ್ತು "ಡಿಎನ್ಎ" ಸಿಂಗಲ್ ಬಿಟಿಎಸ್ಸಿಗೆ 15ನೇ ಕೊರಿಯನ್ ಮ್ಯೂಸಿಕ್ ಅವಾರ್ಡ್ಸ್ನಲ್ಲಿ ವರ್ಷದ ಸಂಗೀತಕಾರರ ಗೌರವವನ್ನು ನೀಡಿತು. ಇದೇ ಇಪಿ ಗೆ 32ನೇ ಗೋಲ್ಡನ್ ಡಿಸ್ಕ್ ಅವಾರ್ಡ್ಸ್ನಲ್ಲಿ ಡಿಸ್ಕ್ ದೈಸಾಂಗ್ ಮತ್ತು 2018ರ ಗೆಯಾನ್ ಚಾರ್ಟ್ ಮ್ಯೂಸಿಕ್ ಅವಾರ್ಡ್ಸ್ನಲ್ಲಿ ವರ್ಷದ ಆಲ್ಬಮ್ ಮೂರನೇ ತ್ರೈಮಾಸಿಕ ಪ್ರಶಸ್ತಿಯೂ ದೊರೆಯಿತು.
ಬಿಟಿಎಸ್ ಅವರ ಮೂರನೇ ಕೊರಿಯನ್ ಸ್ಟೂಡಿಯೋ ಆಲ್ಬಮ್ ಲವ್ ಯುವರ್ಸೆಲ್ಪ್: ಟಿಯರ್ (2018) ಗೆ 2018ರ ಮೆಲನ್ ಮ್ಯೂಸಿಕ್ ಅವಾರ್ಡ್ಸ್ ಮತ್ತು 2018ರ ಎಮ್ನೆಟ್ ಏಷ್ಯನ್ ಮ್ಯೂಸಿಕ್ ಅವಾರ್ಡ್ಸ್ ಎರಡರಲ್ಲೂ ವರ್ಷದ ಆಲ್ಬಮ್ ಪ್ರಶಸ್ತಿ ಲಭಿಸಿತು. ಈ ಆಲ್ಬಮ್ನ ಮುಖ್ಯ ಗೀತೆಯಾದ "ಫೇಕ್ ಲವ್" ಗೆ 16ನೇ ಕೊರಿಯನ್ ಮ್ಯೂಸಿಕ್ ಅವಾರ್ಡ್ಸ್ನಲ್ಲಿ ವರ್ಷದ ಹಾಡು ಹಾಗೂ ಅತ್ಯುತ್ತಮ ಪಾಪ್ ಹಾಡು ಎಂಬ ಎರಡು ಪ್ರಶಸ್ತಿಗಳು ದೊರೆಯಿತು. ಅವರ ಎರಡನೇ ಕೊರಿಯನ್ ಸಂಗ್ರಹಿತ ಆಲ್ಬಮ್ ಲವ್ ಯುವರ್ಸೆಲ್ಫ್: ಆನ್ಸರ್ (2018) ಬಿಟಿಎಸ್ಸಿಗೆ ಮೂರನೇ ವರ್ಷದ ಕಲಾವಿದ ಪ್ರಶಸ್ತಿಯನ್ನು 2018ರ ಎಮ್ನೆಟ್ ಏಷ್ಯನ್ ಮ್ಯೂಸಿಕ್ ಅವಾರ್ಡ್ಸ್ನಲ್ಲಿ ಮತ್ತು 33ನೇ ಗೋಲ್ಡನ್ ಡಿಸ್ಕ್ ಅವಾರ್ಡ್ಸ್ನಲ್ಲಿ ಡಿಸ್ಕ್ ದೈಸಾಂಗ್ನ್ನು ತಂದುಕೊಟ್ಟಿತು. 2019ರ ಮೆಲನ್ ಮ್ಯೂಸಿಕ್ ಅವಾರ್ಡ್ಸ್ನಲ್ಲಿ, ಬಿಟಿಎಸ್ ತಮ್ಮ ಆರನೇ ಇಪಿ ಮ್ಯಾಪ್ ಆಫ್ ದಿ ಸೋಲ್: ಪರ್ಸೋನಾ ಮತ್ತು ಅದರ ಮುಖ್ಯ ಗೀತೆಯಾದ "ಬಾಯ್ ವಿತ್ ಲವ್" (2019) ಮೂಲಕ ಒಂದು ವರ್ಷದ ಅಂತ್ಯದ ಕಾರ್ಯಕ್ರಮದಲ್ಲಿ ಎಲ್ಲ ದೈಸಾಂಗ್ಗಳನ್ನು ಗೆದ್ದ ಮೊದಲ ಗುಂಪಾಗಿ ಹೊರಹೊಮ್ಮಿದರು. ಅವರು 2019ರ ಎಮ್ನೆಟ್ ಏಷ್ಯನ್ ಮ್ಯೂಸಿಕ್ ಅವಾರ್ಡ್ಸ್ನಲ್ಲೂ ಎಲ್ಲಾ ನಾಲ್ಕು ದೈಸಾಂಗ್ಗಳನ್ನು ಗೆದ್ದರು, ಇದರಿಂದ ಅವರು ಎಮ್ನೆಟ್ ಏಷ್ಯನ್ ಮ್ಯೂಸಿಕ್ ಅವಾರ್ಡ್ಸ್ನ ಇತಿಹಾಸದಲ್ಲೇ ದೈಸಾಂಗ್ಗಳನ್ನು ಹೆಚ್ಚು ಗೆದ್ದ ಕಲಾವಿದರಾಗಿ ಉಳಿದರು. ನಂತರದ ವರ್ಷ, 2020ರ ಮೆಲನ್ ಮ್ಯೂಸಿಕ್ ಅವಾರ್ಡ್ಸ್ ಮತ್ತು 2020ರ ಎಮ್ನೆಟ್ ಏಷ್ಯನ್ ಮ್ಯೂಸಿಕ್ ಅವಾರ್ಡ್ಸ್ ಎರಡರಲ್ಲೂ ಮತ್ತೆ ಎಲ್ಲಾ ದೈಸಾಂಗ್ಗಳನ್ನು ಗೆದ್ದು ತಮ್ಮ ದಾಖಲೆಯನ್ನು ಇನ್ನಷ್ಟು ವಿಸ್ತರಿಸಿದರು. ನವೆಂಬರ್ 2023ರ ವೇಳೆಗೆ, ಅವರು ಒಟ್ಟು 67 ದೈಸಾಂಗ್ ಪ್ರಶಸ್ತಿಗಳನ್ನು ಗೆದ್ದಿದ್ದು, ದಕ್ಷಿಣ ಕೊರಿಯಾದ ಇತಿಹಾಸದಲ್ಲೇ ಅತ್ಯಧಿಕ ಪ್ರಶಸ್ತಿಗಳನ್ನು ಪಡೆದ ಕಲಾವಿದರಾಗಿ ಉಳಿದಿದ್ದಾರೆ.
ಬಿಟಿಎಸ್ ಒಟ್ಟು 26 ಗಿನ್ನೆಸ್ ವರ್ಲ್ಡ್ ದಾಖಲೆಗಳನ್ನು ಸಾಧಿಸಿದ್ದಾರೆ. ಇವರಲ್ಲಿ ಅತ್ಯಧಿಕ ಟ್ವಿಟ್ಟರ್ ಎಂಗೇಜ್ಮೆಂಟ್ಗಳು ಮತ್ತು ಯೂಟ್ಯೂಬ್ನಲ್ಲಿ 24 ಗಂಟೆಗಳಲ್ಲಿ ಅತ್ಯಧಿಕ ವೀಕ್ಷಿಸಲ್ಪಟ್ಟ ವೀಡಿಯೋ/ಸಂಗೀತ ವೀಡಿಯೋ ಸೇರಿದಂತೆ ಹಲವು ದಾಖಲೆಗಳಿವೆ. 2018 ರಿಂದ ಪ್ರತಿ ವರ್ಷ ಈ ದಾಖಲೆಯನ್ನು ಕಾಯ್ದುಕೊಂಡಿದ್ದು, "ಬಟರ್" ಹಾಡಿನ ಮೂಲಕವೂ ಈ ಸಾಧನೆ ಮರುಕಳಿಸಿದೆ. 2021ರಲ್ಲಿ ಮಾತ್ರ 13 ವಿಶ್ವ ದಾಖಲೆಗಳನ್ನು ಸಾಧಿಸಿದ ಬಳಿಕ, 2022ರಲ್ಲಿ ಗಿನ್ನೆಸ್ ವರ್ಲ್ಡ್ ರೆಕಾರ್ಡ್ಸ್ 'ಹಾಲ್ ಆಫ್ ಫೇಮ್'ಗೆ ಈ ಗುಂಪನ್ನು ಸೇರಿಸಲಾಯಿತು. ಬಿಟಿಎಸ್ 2017ರಿಂದ ನಿರಂತರವಾಗಿ ಬಿಲ್ಲ್ಬೋರ್ಡ್ ಮ್ಯೂಸಿಕ್ ಅವಾರ್ಡ್ಸ್ನ ಟಾಪ್ ಸೋಶಿಯಲ್ ಆರ್ಟಿಸ್ಟ್ ಪ್ರಶಸ್ತಿಯನ್ನು ಗೆದ್ದು ಬರುತ್ತಿದ್ದಾರೆ. 2019ರ ಬಿಲ್ಲ್ಬೋರ್ಡ್ ಮ್ಯೂಸಿಕ್ ಅವಾರ್ಡ್ಸ್ನಲ್ಲಿ ಟಾಪ್ ಡ್ಯುಯೊ/ಗ್ರೂಪ್ ಪ್ರಶಸ್ತಿಯನ್ನು ಗೆದ್ದ ಏಕೈಕ ಕೆ–ಪಾಪ್ ಗುಂಪು ಇವರೇ. 2022ರ ವೇಳೆಗೆ ಒಟ್ಟು 12 ಪ್ರಶಸ್ತಿಗಳೊಂದಿಗೆ, ಬಿಬಿಎಮ್ಎ ಇತಿಹಾಸದಲ್ಲೇ ಅತ್ಯಧಿಕ ಪ್ರಶಸ್ತಿಗಳನ್ನು ಪಡೆದ ಗುಂಪಾಗಿಯೂ ಉಳಿದಿದ್ದಾರೆ. ಅಮೆರಿಕನ್ ಮ್ಯೂಸಿಕ್ ಅವಾರ್ಡ್ಸ್ನಲ್ಲಿ ಫೇವರೆಟ್ ಡ್ಯುಯೊ ಅಥವಾ ಗ್ರೂಪ್ - ಪಾಪ್/ರಾಕ್ ಮತ್ತು ಫೇವರೆಟ್ ಸೋಶಿಯಲ್ ಆರ್ಟಿಸ್ಟ್ ಪ್ರಶಸ್ತಿಗಳನ್ನು ಗೆದ್ದ ಏಕೈಕ ಕೆ–ಪಾಪ್ ಗುಂಪು ಬಿಟಿಎಸ್ ಮಾತ್ರ. 2021ರಲ್ಲಿ ಈ ಕಾರ್ಯಕ್ರಮದ ಇತಿಹಾಸದಲ್ಲಿ ವರ್ಷದ ಕಲಾವಿದ ಪ್ರಶಸ್ತಿಯನ್ನು ಗೆದ್ದ ಮೊದಲ ಏಷ್ಯನ್ ಕಲಾವಿದರಾಗಿ ಅವರು ದಾಖಲೆ ನಿರ್ಮಿಸಿದರು.
ಗ್ರ್ಯಾಮಿ ಪ್ರಶಸ್ತಿಗೆ ನಾಮನಿರ್ದೇಶನಗೊಂಡ ಮೊದಲ ಕೊರಿಯನ್ ಪಾಪ್ ಕಲಾವಿದರು ಬಿಟಿಎಸ್ ಮತ್ತು ಬ್ರಿಟ್ ಅವಾರ್ಡ್ಗೆ ನಾಮನಿರ್ದೇಶನಗೊಂಡ ಮೊದಲ ಕೊರಿಯನ್ ಕಲಾವಿದರೂ ಅವರೇ. ಒಟ್ಟು 30 ಪ್ರಶಸ್ತಿಗಳೊಂದಿಗೆ, ಅದರಲ್ಲಿ ನಾಲ್ಕು ಸತತ ವರ್ಷದ ಕಲಾವಿದ (ಏಷ್ಯಾ) ಪ್ರಶಸ್ತಿಗಳನ್ನು ಒಳಗೊಂಡಂತೆ, ಬಿಟಿಎಸ್ ಜಪಾನ್ ಗೋಲ್ಡ್ ಡಿಸ್ಕ್ ಅವಾರ್ಡ್ಸ್ನ ಇತಿಹಾಸದಲ್ಲೇ ಅತಿ ಹೆಚ್ಚು ಪ್ರಶಸ್ತಿಗಳನ್ನು ಪಡೆದ ವಿದೇಶಿ ಕಲಾವಿದರಾಗಿ ಗುರುತಿಸಿಕೊಂಡಿದ್ದಾರೆ. ಈ ವಿಭಾಗದಲ್ಲಿ ಇಷ್ಟು ಸತತ ಜಯಗಳನ್ನು ಸಾಧಿಸಿದ ಏಕೈಕ ವಿದೇಶಿ ಕಲಾವಿದರೂ ಅವರೇ, ಮತ್ತು ಒಂದೇ ವರ್ಷದಲ್ಲಿ (2022) ಅತಿ ಹೆಚ್ಚು ಪ್ರಶಸ್ತಿಗಳನ್ನು ಪಡೆದ ವಿದೇಶಿ ಕಲಾವಿದರೂ ಇವರೇ. 2019ರಲ್ಲಿ ಬಿಟಿಎಸ್ ಟೈಮ್ 100 ಪಟ್ಟಿಯಲ್ಲಿ ಸ್ಥಾನ ಪಡೆದಿದ್ದು, ದಕ್ಷಿಣ ಕೊರಿಯಾದ ಆರ್ಡರ್ ಆಫ್ ಕಲ್ಚರಲ್ ಮೆರಿಟ್ನ ಗೌರವವನ್ನು ಪಡೆದ ಅತ್ಯಂತ ಕಿರಿಯ ಕಲಾವಿದರೂ ಅವರು.2021ರ ಜುಲೈನಲ್ಲಿ, ದಕ್ಷಿಣ ಕೊರಿಯಾದ ಅಧ್ಯಕ್ಷ ಮೂನ್ ಜೇ-ಇನ್ ಅವರು ಬಿಟಿಎಸ್ ಅನ್ನು ಸಾರ್ವಜನಿಕ ರಾಜತಾಂತ್ರಿಕತೆಗೆ ವಿಶೇಷ ರಾಷ್ಟ್ರಪತಿ ರಾಯಭಾರಿಗಳಾಗಿ ನೇಮಿಸಿದರು.[೧] [೨]