ಪ್ರಾಕ್ಟರ್

The Procter & Gamble Company

ಪ್ರಕಾರ	Public (NYSE: PG) Dow Jones Industrial Average Component
ಸ್ಥಾಪನೆ	1837
ಮುಖ್ಯ ಕಾರ್ಯಾಲಯ	Cincinnati, Ohio, U.S.
ವ್ಯಾಪ್ತಿ ಪ್ರದೇಶ	Worldwide
ಪ್ರಮುಖ ವ್ಯಕ್ತಿ(ಗಳು)	Bob McDonald (President) & (CEO)
ಉದ್ಯಮ	Consumer goods
ಉತ್ಪನ	See List of Procter & Gamble brands
ಆದಾಯ	US$78.9 billion (2010)
ಕಾರ್ಯಕಾರಿ ಆದಾಯ	$16.13 billion (2009)
ನಿವ್ವಳ ಆದಾಯ	$12.74 billion (2010)
ಒಟ್ಟು ಆಸ್ತಿ	$134.83 billion (2009)
ಒಟ್ಟು ಶೇರುಗಳು	$63.099 billion (2009)
ಉದ್ಯೋಗಿಗಳು	127,000 (2010)
ಅಂತರಜಾಲ ತಾಣ	pg.com

ಪ್ರಾಕ್ಟರ್ & ಗ್ಯಾಂಬಲ್ ನ ಕೇಂದ್ರಕಚೇರಿಗಳು

ಪ್ರಾಕ್ಟರ್ & ಗ್ಯಾಂಬಲ್ ಕಂ. (P&G , NYSE: PG) ಒಂದು ಫಾರ್ಚ್ಯೂನ್ 500 ಅಮೆರಿಕದ ಬಹುರಾಷ್ಟ್ರೀಯ ಕಾರ್ಪೊರೇಷನ್ ಆಗಿದ್ದು ಡೌನ್ ಟೌನ್ ಸಿಂಸಿನಾಟಿ, ಓಹಿಯೋ ದಲ್ಲಿ ತನ್ನ ಕೇಂದ್ರಕಚೇರಿಗಳನ್ನು ಹೊಂದಿದೆ ಮತ್ತು ಹಲವಾರುಬಳಕೆದಾರರ ವಸ್ತುಗಳು ಈ ಕಾರ್ಪೊರೇಷನ್ ನಿಂದ ಉತ್ಪಾದನೆಗೊಳ್ಳುತ್ತವೆ. ಫಾರ್ಚ್ಯೂನ್ ನ ಬಹಳ ಮೆಚ್ಚತಕ್ಕ ಕಂಪನಿಗಳ 2010ರ ಪಟ್ಟಿಯಲ್ಲಿ ಅದು ಆರನೆಯ ಸ್ಥಾನದಲ್ಲಿವೆ. P&G ಬ್ರ್ಯಾಂಡ್ ನಿರ್ವಹಣೆ ಮತ್ತು ಸೋಪ್ ಒಪೇರಾದಂತಹ ಹಲವಾರು ಹೊಸ ವ್ಯವಹಾರಗಳನ್ನು ಹುಟ್ಟಿಹಾಕಿರುವ ಗರಿಮೆ ಹೊಂದಿದೆ.

ನೀಲ್ಸನ್ ಕಂಪನಿ ಹೇಳುವಂತೆ, 2007ರಲ್ಲಿ P&G ಬೇರಾವುದೇ ಯು.ಎಸ್. ಸಂಸ್ಥೆಗಳಿಗಿಂತಲೂ ಹೆಚ್ಚಿನ ಹಣವನ್ನು ಜಾಹಿರಾತಿಗಾಗಿ ಖರ್ಚು ಮಾಡಿತು; P&G ಖರ್ಚು ಮಾಡಿದ $2.62 ಬಿಲಿಯನ್ ನೀಲ್ಸನ್ ಪಟ್ಟಿಯಲ್ಲಿ ಇದರ ನಂತರ ಇರುವ ಜನರಲ್ ಮೋಟಾರ್ಸ್ ಗಿಂತಲೂ ಎರಡು ಪಟ್ಟಿಗಿಂತಲೂ ಅಧಿಕವಾದುದು. ಕ್ಯಾನ್ನೆಸ್ ಅಂತರರಾಷ್ಟ್ರೀಯ ಜಾಹಿರಾತು ಉತ್ಸವದಲ್ಲಿ P&Gಯನ್ನು 2008ರ ವರ್ಷದ ಜಾಹಿರಾತುದಾರನೆಂದು ನೇಮಿಸಲಾಯಿತು.

ಪ್ರಾಕ್ಟರ್ & ಗ್ಯಾಂಬಲ್ ಯು.ಎಸ್. ವಿಶ್ವ ಮುಖಂಡತ್ವ ಒಕ್ಕೂಟದ ಒಂದು ಪ್ರಮುಖ ಸದಸ್ಯಸಂಸ್ಥೆಯಾಗಿದ್ದು ಈ ಒಕ್ಕೂಟವು ವಾಷಿಂಗ್ಟನ್ ಡಿ.ಸಿ. ಮೂಲದ ನಾನೂರಕ್ಕೂ ಹೆಚ್ಚು ಪ್ರಮುಖ ಸಂಸ್ಥೆಗಳ ಮತ್ತು NGOಗಳ ಒಕ್ಕೂಟವಾದ ಇದು ಹೆಚ್ಚಿನ ಅಂತರರಾಷ್ಟ್ರೀಯ ವ್ಯವಹಾರಗಳ ಬಜೆಟ್ ಅನ್ನು ಪ್ರತಿಪಾದಿಸುತ್ತದೆ; ಈ ಹಣವು ಅಮೆರಿದಕ ಹೊರಾಂಗಣ ರಾಯಭಾರಿ ಮತ್ತು ಅಭಿವೃದ್ಧಿ ಪ್ರಯತ್ನಗಳಿಗೆ ವ್ಯಯಿಸಲಾಗುತ್ತದೆ.

ಇತಿಹಾಸ

ಪ್ರಾಕ್ಟರ್ & ಗ್ಯಾಂಬಲ್ ಅನ್ನು 1837ರಲ್ಲಿ ವಿಲಿಯಂ ಪ್ರಾಕ್ಟರ್ ಎಂಬ ಯುನೈಟೆಡ್ ಸ್ಟೇಟ್ಸ್ ನಿಂದ ವಲಸೆ ಬಂದ ಬ್ರಿಟಿಷ್ ನಾಗರಿಕ ಮತ್ತು ಯು.ಎಸ್. ಮೂಲದ ಐರಿಷ್ ಸಾಬೂನು ತಯಾರಕ ಮತ್ತು ಕೈಗಾರಿಕೋದ್ಯಮಿಯಾದ ಜೇಮ್ಸ್ ಗ್ಯಾಂಬಲ್ ಸ್ಥಾಪಿಸಿದರು. ಈ ಕಂಪನಿಯು ಮೊದಲಿಗೆ ಮೇಣದ ಬತ್ತಿಗಳನ್ನು ಮಾರುತ್ತಿತ್ತು.

ಕಾರ್ಯನಿರ್ವಹಣೆಗಳು

ಜುಲೈ 1, 2007ರಂತೆ, ಈ ಕಂಪನಿಯ ಕಾರ್ಯಚಟುವಟಿಕೆಗಳು ಮೂರು "ವಿಶ್ವ ವ್ಯವಹಾರ ಘಟಕ"ಗಳಾಗಿ ವರ್ಗೀಕರಿಸಲಾಗಿ, ಪ್ರತಿ ವಿಶ್ವ ವ್ಯವಹಾರ ಘಟಕವನ್ನು "ವ್ಯವಹಾರ ವಿಭಾಗಗಳು" ಎಂದು ವಿಂಗಡಿಸಲಾಯಿತೆಂದು ಕಂಪನಿಯ ಮಾರ್ಚ್ 2009ರ ಆಯ ಪ್ರಕಟಣಾ ವರದಿಯು ತಿಳಿಸುತ್ತದೆ.

• ಸೌಂದರ್ಯ ಮತ್ತು ಶೃಂಗಾರ
  • ಸೌಂದರ್ಯ ವಿಭಾಗ
  • ಶೃಂಗಾರ ವಿಭಾಗ
• ಗೃಹವಸ್ತುಗಳ ರಕ್ಷಣೆ
  • ಮಗುವಿನ ಕಾಳಜಿ ಮತ್ತು ಕುಟುಂಬದ ಕಾಳಜಿ ವಿಭಾಗ
  • ವಸ್ತ್ರ ರಕ್ಷಣೆ ಮತ್ತು ಗೃಹ ರಕ್ಷಣಾ ವಿಭಾಗ
• ಆರೋಗ್ಯ ಮತ್ತು ಯೋಗಕ್ಷೇಮ
  • ಆರೋಗ್ಯ ಸಂರಕ್ಷಣಾ ವಿಭಾಗ
  • ತಿನಿಸುಗಳು ಮತ್ತು ಸಾಕುಪ್ರಾಣಿಗಳ ವಿಭಾಗ

ಆಡಳಿತ ವರ್ಗ ಮತ್ತು ಸಿಬ್ಬಂದಿ

ಪ್ರಾಕ್ಟರ್ & ಗ್ಯಾಂಬಲ್ ನ ನಿರ್ದೇಶಕ ಮಂಡಳಿಯು ಹದಿಮೂರು ಸದಸ್ಯರನ್ನು ಹೊಂದಿದೆ: ರಾಬರ್ಟ್ ಎ. ಮೆಕ್ಡೊನಾಲ್ಡ್, ಚಾರ್ಲ್ಸ್ ಲೀ, ರಾಲ್ಫ್ ಸ್ನೈಡರ್ ಮ್ಯಾನ್, ಎಂ.ಡಿ., ಮಾರ್ಗರೇಟ್ ವ್ಹಿಟ್ ಮನ್, ಜೇಮ್ಸ್ ಮೆಕ್ನೆರ್ನೀ, ಜೊನಾಥನ್ ರಾಡ್ಜರ್ಸ್, ಎರ್ನೆಸ್ಟೋ ಝೆಡಿಲೋ, ಸ್ಕಾಟ್ ಕುಕ್, ರಜತ್ ಗುಪ್ತ, ಪ್ಯಾಟ್ರೀಷಿಯಾ ಎ. ವೋರ್ಟ್ಝ್, ಮತ್ತು ಕೆನೆಥ್ ಚೆನಾಲ್ಟ್.

ಅಕ್ಟೋಬರ್ 2008ರಲ್ಲಿ, P&G ಯು "ಕೆನಡಾದ ಮೊದಲ ನೂರು ಉದ್ಯೋಗದಾಯಕರು" ಪಟ್ಟಿಯಲ್ಲಿದೆಯೆಂದು ಮೀಡಿಯಾಕಾರ್ಪ್ ಕೆನಡಾ ಇಂಕ್ ಪ್ರಕಟಿಸಿತು ಹಾಗೂ and was featured in ಮೆಕ್ಲೀನ್ ರ ನ್ಯೂಸ್ ಮ್ಯಾಗಝೀನ್ ನಲ್ಲೂ ಇದು ಉಲ್ಲೇಖಿತವಾಯಿತು. ನಂತರ, ಅದೇ ತಿಂಗಳು P&G ವಿಶಾಲ ಟೊರೊಂಟೋದ ಶ್ರೇಷ್ಠ ಉದ್ಯೋಗದಾಯಕರಲ್ಲಿ ಒಂದೆಂದು ಟೊರೊಂಟೋ ಸ್ಟಾರ್ ಪತ್ರಿಕೆಯು ವರದಿ ಮಾಡಿತು.

ಬ್ರ್ಯಾಂಡ್‌ಗಳು

Main article: List of Procter & Gamble brands

P&Gಯ 23 ಬ್ರ್ಯಾಂಡ್ ಗಳು ವರ್ಷಕ್ಕೆ ನಿವ್ವಳ ಒಂದು ಬಿಲಿಯನ್ ಡಾಲರ್ ಗಿಂತಲೂ ಹೆಚ್ಚು ಮಾರಾಟವಾಗುತ್ತವೆ, ಮತ್ತು ಇನ್ನು 18 ವಸ್ತುಗಳ ಮಾರಾಟವು $500 ಮಿಲಿಯನ್ ನಿಂದ $1 ಬಿಲಿಯನ್ ವರೆಗೆ ಇವೆ.

ಬಿಲಿಯನ್ ಡಾಲರ್ ಬ್ರ್ಯಾಂಡ್ ಗಳು

• ಏರಿಯಲ್ ಒಂದು is a brand of ಬಟ್ಟೆ ಒಗೆಯಲು ಬಳಸುವ ದ್ರಾವಣದ ಬ್ರ್ಯಾಂಡ್ ಆಗಿದ್ದು, ಹಲವಾರು ರೂಪಗಳು ಮತ್ತು ಸುಗಂಧಗಳ ವಿಧಗಳಲ್ಲಿ ದೊರೆಯುತ್ತದೆ.
• ಬೌಂಟಿ ಎಂಬ ಬ್ರ್ಯಾಂಡ್ ನ ಕಾಗದದ ಟವಲ್ ಗಳು ಯುನೈಟೆಡ್ ಸ್ಟೇಟ್ಸ್ ಮತ್ತು ಕೆನಡಾಗಳಲ್ಲಿ ದೊರೆಯುತ್ತವೆ.
• {೦)ಬ್ರಾವ್ನ್{/0} ಒಂದು ಚಿಕ್ಕ ಸಲಕರಣೆಗಳನ್ನು ತಯಾರಿಸುವುದರಲ್ಲಿ ಪರಿಣತಿ ಹೊಂದಿದ ಸಂಸ್ಥೆಯಾಗಿದ್ದು, ಇದು ಎಲೆಕ್ಟ್ರಿಕ್ ಶೇವರ್ ಗಳು, ಎಪಿಲೇಟರ್ ಗಳು, ಕೇಶವರ್ಧಕ ಸಾಧನಗಳು ಮತ್ತು ಹೊಂದಿಸುವ ಸಾಧನಗಳನ್ನು ತಯಾರಿಸುತ್ತದೆ.
• ಕೋವ್ ಗರ್ಲ್ಎಂಬುವುದು ಮಹಿಳೆಯರ ಸೌಂದರ್ಯವರ್ಧಕಗಳ ಬ್ರ್ಯಾಂಡ್.
• ಕ್ರೆಸ್ಟ್/ಓರಲ್ B ಎನ್ನುವುದು ಟೂತ್ ಪೇಸ್ಟ್ ಮತ್ತು ದಂತದ ಹೊಳಪನ್ನು ಹೆಚ್ಚಿಸುವ ವಸ್ತು.
• ಡಾನ್/ಫೇರಿ ಎನ್ನುವುದು ಪಾತ್ರೆ ತೊಳೆಯುವಸೋಪು ಪುಡಿ.
• ಡೌನಿ/ಲೆನಾರ್ ಒಂದು ನೂಲು ನಯಕಾರಕ.
• ಡ್ಯೂರಾಸೆಲ್ ಎನ್ನುವುದು ಬ್ಯಾಟರಿಗಳು ಮತ್ತು ಇಣುಕುದೀಪಗಳ ಬ್ರ್ಯಾಂಡ್.
• ಫ್ಯೂಷನ್ ಪುರುಷರ ತೇವದ ಷೇವಿಂಗ್ ರೇಝರ್ ಆಗಿದ್ದು ವರ್ಷಕ್ಕೆ ಒಂದು ಬಿಲಿಯನ್ ಮಾರಾಟವನ್ನು ಅತಿ ಶೀಘ್ರವಾಗಿ ತಲುಪಿದ P&G ಬ್ರ್ಯಾಂಡ್ ಆಯಿತು.
• ಗೇಯ್ನ್ ಲಾಂಡ್ರಿ ಸೋಪ್ ಪುಡಿಯಾಗಿದ್ದು, ಬಟ್ಟೆಯನ್ನು ಮೃದುಗೊಳಿಸುವಂತಹವು ಮತ್ತು ಪಾತ್ರೆ ತೊಳೆಯುವ ದ್ರಚ ರೂಪಿ ಸೋಪ್ ಗಳಾಗಿವೆ.
• ಜಿಲೆಟ್ ರೇಝರ್ ಮತ್ತು ಪುರುಷರ ಶೃಂಗಾರ ಸಾಧನ.
• ಹೆಡ್ & ಶೋಲ್ಡರ್ಸ್ ಒಂದು ಶಾಂಪೂ ಮತ್ತು ಕಂಡೀಷನರ್.
• ಓಲೇ ಮಹಿಳೆಯರ ತ್ವಚೆ ರಕ್ಷಕ ಉತ್ಪನ್ನ.
• ಓಲ್ಡ್ ಸ್ಪೈಸ್ ಒಂದು ಉರುಷರ ಶೃಂಗಾರ ಸಾಧನ.
• ಓರಲ್-B ಟೂತ್ ಬ್ರಷ್ ಗಳು ಮತ್ತು ಬಾಯಿ ಸ್ವಸ್ಥ್ಯತೆಯ ಸಂಬಂಧಿತ ವಸ್ತುಗಳ ಬ್ರ್ಯಾಂಡ್.
• ಪ್ಯಾಂಪರ್ಸ್ ಬಳಸಿ ಎಸೆಯಬಲ್ಲ ಡಯಾಪರ್ ಮತ್ತು ಇತರ ಮಕ್ಕಳ ವಸ್ತುಗಳ ಬ್ರ್ಯಾಂಡ್.
• ಪ್ಯಾಂಟೀನ್ ಕೇಶ ಸ್ವಾಸ್ಥ್ಯ ಉತ್ಪಾದಕ (ಕಂಡೀಷನರ್s/ವಿನ್ಯಾಸ ಸಹಾಯಕ).
• ಪ್ರಿಂಗಲ್ಸ್ ಆಲೂಗಡ್ಡೆ ಚಿಪ್ಸ್ ನ ಒಂದು ಬ್ರ್ಯಾಂಡ್.
• ಏಸ್/ಟೈಡ್ ಬಟ್ಟೆ ಒಗೆಯುವ ಸೋಪಿನ ಪುಡಿ.
• ವೆಲ್ಲಾ ಎಂಬುವುದು ಕೇಶಸ್ವಾಸ್ಥ್ಯದ ವಸ್ತುಗಳ ಬ್ರ್ಯಾಂಡ್ ನ ಹೆಸರು (ಶಾಂಪೂ, ಕಂಡೀಷನರ್, ವಿನ್ಯಾಸಕ ಮತ್ತು ಕೇಶವರ್ಣ).
• ಆಲ್ವೇಸ್/ವಿಸ್ಪರ್ ಪ್ರಮುಖವಾಗಿ ಏಷ್ಯಾದಲ್ಲಿ ಮಾರಲ್ಪಡುವ ಪ್ಯಾಂಟಿಯೊಳಗೆ ಧರಿಸುವ ಹೀರುವ ವಸ್ತುವಿನ ಬ್ರ್ಯಾಂಡ್.
• ಫ್ಲ್ಯಾಷ್/ಮಿಸ್ಲಟರ್ ಕ್ಲೀನ್ ಒಂದು ವಿವಿದೋದ್ಧೇಶ ಸ್ವಚ್ಛಗೊಳಿಸುವ ವಸ್ತು ಹಾಗೂ ಸಿಂಪಡಕವಾಗಿದ್ದು ಯುನೈಟೆಡ್ ಸ್ಟೇಟ್ಸ್ ಮತ್ತು ಬ್ರಿಟನ್ ಗಳಲ್ಲಿ ಮಾರಲ್ಪಡುವ ಬ್ರ್ಯಾಂಡ್.

ಬೌಂಟಿ, ಕ್ರೆಸ್ಟ್, ಪ್ರಿಂಗಲ್ಸ್, ಮತ್ತು ಟೈಡ್ ಒಳಗೊಂಡಂತೆ ಇದರ ಬಹುತೇಕ್ ಬ್ರ್ಯಾಂಡ್ ಗಳು ಜಗತ್ತಿನ ಹಲವಾರು ಖಂಡಗಳಲ್ಲಿ ದೊರೆಯುವ ಉತ್ಪನ್ನಗಳಾಗಿವೆ. ಪ್ರಾಕ್ಟರ್ & ಗ್ಯಾಂಬಲ್ ಉತ್ಪನ್ನಗಳು ಉತ್ತರ ಅಮೆರಿಕ, ಲ್ಯಾಟಿನ್ ಅಮೆರಿಕ, ಯೂರೋಪ್, ಮಧ್ಯಪೂರ್ವ ದೇಶಗಳು, ಆಫ್ರಿಕಾ, ಏಷ್ಯಾ, ಆಸ್ಟ್ರೇಲಿಯಾ ಮತ್ತು ನ್ಯೂಝಿಲೆಂಡ್ ಗಳಲ್ಲಿ ದೊರೆಯುತ್ತವೆ.

ಉತ್ಪಾದನಾ ಚಟುವಟಿಕೆಗಳು ಈ ಕೆಳಕಂಡ ಸ್ಥಳಗಳಲ್ಲಿ ಕೈಗೊಳ್ಳಲಾಗುತ್ತವೆ:

• ಅಮೆರಿಕ ಸಂಯುಕ್ತ ಸಂಸ್ಥಾನಗಳು
• ಕೆನಡಾ
• ಮೆಕ್ಸಿಕೋ
• ಲ್ಯಾಟಿನ್ ಅಮೆರಿಕ          

• ಯುರೋಪ್‌
• ಚೀನಾ (31 ಸಂಪೂರ್ಣ ಮಾಲಿಕತ್ವದ ಕಾರ್ಖಾನೆಗಳು) ಮತ್ತು ಏಷ್ಟಾದ ಇತರ ಭಾಗಗಳು
• ಆಫ್ರಿಕಾ
• ಆಸ್ಟ್ರೇಲಿಯಾ

ಉತ್ಪಾದನೆಗಳು

ಚಿತ್ರ:Pgproductions.jpg

1986ರ ಆದಿಯಿಂದ 2007ರವರೆಗೆ ಬಳಸಿದ P&G ಉತ್ಪಾದನಾ ಚಿಹ್ನೆ.

ಪ್ರಾಕ್ಟರ್ & ಗ್ಯಾಂಬಲ್ ಮೊದಲ ರೇಡಿಯೋ ಸೋಪ್ ಓಪ್ರಾ1930ರ ದಶಕದಲ್ಲಿ ನಿರ್ಮಿಸಿ, ಪ್ರಾಯೋಜನೆ ಮಾಡಿತು (ಪ್ರಾಕ್ಟರ್ & ಗ್ಯಾಂಬಲ್ ಸೋಪ್ ಗಳಿಗೆ ಪ್ರಸಿದ್ಧವಾದುದರಿಂದಲೇ ಪ್ರಾಯಶಃ ಕಾರ್ಯಕ್ರಮಗಳಿಗೆ "ಸೋಪ್ ಓಪ್ರಾ" ಎಂಬ ನುಡಿಗಟ್ಟು ಹೊಂದಿಸಲಾಯಿತು"). ಮಾಧ್ಯಮವು ಟೆಲಿವಿಷನ್ ರೀತಿಗೆ 1950ರ ಮತ್ತು 1960ರ ದಶಕದಲ್ಲಿ ವರ್ಗವಾದಾಗ, ಬಹುತೇಕ ನೂತನ ಸೀರಿಯಲ್ ಗಳನ್ನು ಈ ಕಂಪನಿಯು ಪ್ರಾಯೋಜಿಸುತ್ತಿತ್ತು. ದ ಯಂಗ್ ಎಂಡ್ ದ ರೆಸ್ಟ್ ಲೆಸ್ ಎಂಬ ಧಾರವಾಹಿಯು ಈಗಲೂ CBS ವಾಹಿನಿಯಲ್ಲಿ ಪ್ರಾಕ್ಟರ್ & ಗ್ಯಾಬಲ್ ನಿಂದ ಪ್ರಾಯೋಜಿಸಲಾಗುತ್ತಿದೆ. ಆಸ್ ದ ವರ್ಲ್ಡ್ ಟರ್ನ್ಸ್ ಸೆಪ್ಟೆಂಬರ್ 17, 2010ರಂದು ಬಿತ್ತರಗೊಳ್ಳುವುದು ನಿಂತಾಗ, ದ ಯಂಗ್ ಎಂಡ್ ದ ರೆಸ್ಟ್ ಲೆಸ್ , ಪ್ರಾಕ್ಟರ್ ಮತ್ತು ಗ್ಯಾಂಬಲ್ ಭಾಗಶಃ ಪ್ರಯೋಜಿಸುತ್ತಿರುವ ಏಕೈಕ ಸೋಪ್ ಆಗಿ ಉಳಿಯಿತು.

ಈ ಹಿಂದೆ ಪ್ರಾಕ್ಟರ್ & ಗ್ಯಾಂಬಲ್ ನಿರ್ಮಿಸಿದ ಧಾರವಾಹಿಗಳೆಂದರೆ:

• ಅನದರ್ ವರ್ಲ್ಡ್
• ಆಸ್ ದ ವರ್ಲ್ಡ್ ಟರ್ನ್ಸ್
• ದ ಬ್ರೈಟರ್ ಡೇ
• ದ ಕ್ಯಾಟ್ಲಿನ್ಸ್
• ದ ಎಡ್ಜ್ ಆಫ್ ನೈಟ್
• ದ ಫಸ್ಟ್ ಹಂಡ್ರೆಡ್ ಇಯರ್ಸ್           
• ಫ್ರಂ ದೀಸ್ ರೂಟ್ಸ್

• ಗೈಡಿಂಗ್ ಲೈಟ್
• ಲವರ್ಸ್ ಎಂಡ್ ಫ್ರೆಂಡ್ಸ್ / ಫಾರ್ ರಿಚ್ಚರ್, ಫಾರ್ ಪೂರರ್
• ಅವರ್ ಪ್ರೈವೇಟ್ ವರ್ಲ್ಡ್
• ಸರ್ಚ್ ಫಾರ್ ಟುಮಾರೋ
• ಸಾಮರ್ಸೆಟ್
• ಟೆಕ್ಸಾಸ್
• ಯಂಗ್ ಡಾಕ್ಟರ್ ಮೆಲೋನ್

ಪ್ರಾಕ್ಟರ್ & ಗ್ಯಾಂಬಲ್ ಪ್ರಮುಖ ಸಮಯದಲ್ಲಿ ಬಿತ್ತರವಾಗುವ ಪ್ರದರ್ಶನವನ್ನು ಮಿರ್ಮಿಸಿ ಪ್ರಾಯೋಜಿಸಿದ ಮೊದಲ ಕಂಪನಿಯಾಗಿತ್ತು, 1965ರ ದೈನಿಕ ಸೋಪ್ ಓಪ್ರಾ ಆಸ್ ದ ವರ್ಲ್ಡ್ ಟರ್ನ್ಸ್ ನ ರೂಪಾಂತರವಾದ ಅವರ್ ಪ್ರೈವೇಟ್ ವರ್ಲ್ಡ್ ಅನ್ನು ಇದು ನಿರ್ಮಿಸಿ ಪ್ರಾಯೋಜಿಸಿತು. ಪ್ರಾಕ್ಟರ್ & ಗ್ಯಾಂಬಲ್ also produced ಶಿರ್ಲೀ , ಎಂಬ ಅರೆ-ಕಾಲಿಕ NBC ಧಾರವಾಹಿಯನ್ನು ನಿರ್ಮಿಸಿತು; ಇದರಲ್ಲಿ ಶಿರ್ಲೀ ಜೋನ್ಸ್ ನಟಿಸಿದ್ದು, ಇದನ್ನು 1979ರಲ್ಲಿ ನಿರ್ಮಿಸಲಾಯಿತು; ಇದು ಹದಿಮೂರು ಕಂತುಗಳಲ್ಲಿ ಪ್ರಸಾರವಾಯಿತು. TBSನ ಮೊದಲ ಅಸಲಿ ಹಾಸ್ಯ ಧಾರವಾಹಿಯಾದ ಡೌನ್ ಟು ಅರ್ಥ್ ಎಂಬ, 1984ರಿಂದ 1987ರ ವರೆಗೆ ನಡೆದ (110 ಕಂತುಗಳ)ಧಾರವಾಹಿಯನ್ನು ಇದು ಪ್ರಾಯೋಜಿಸಿತು. ಸಿಂಡಿಕೇಟೆಡ್ ಕಾಮಿಡಿ ಧಾರವಾಹಿಯಾದ ಥ್ರಾಬ್ ಅನ್ನೂ ಇದು ವಿತರಿಸಿತು. ಪ್ರಾಕ್ಟರ್ & ಗ್ಯಾಂಬಲ್ ನಿರ್ಮಾಪಕ ವಿಭಾಗವು ಮೊದಲಿಗೆ ಸೋನಿ ಪಿಕ್ಚರ್ಸ್ ಟೆಲಿವಿಷನ್ ನ ಸಹ-ನಿರ್ಮಾಣದಲ್ಲಿ ಡಾಸನ್ಸ್ ಕ್ರೀಕ್ ಎಂಬ ಧಾರವಾಹಿಯನ್ನು ನಿರ್ಮಿಸಿತು, ಆದರೆ ಅದರ ಬಿಡುಗಡೆಗೆ ಮುಂಚೆಯೇ ಪತ್ರಿಕಾ ವಿಮರ್ಶೆಗಳ ಟೀಕೆಯನ್ನು ಕಂಡು ಆ ಧಾರವಾಹಿಯಿಂದ ಹೊರಗುಳಿಯಿತು. 1991ರಲ್ಲಿ TV ಚಿತ್ರವಾದ ಎ ಟ್ರಯಂಫ್ ಆಫ್ ದ ಹಾರ್ಟ್: ದ ರಿಕಿ ಬೆಲ್ ಸ್ಟೋರಿ ಯನ್ನು ದ ಲ್ಯಾಂಡ್ಸ್ ಬರ್ಗ್ ಕಂಪನಿಯೊಡನೆ ಸಹ-ನಿರ್ಮಿಸಿತು. ಅದು ಪೀಪಲ್ಸ್ ಚಾಯ್ಸ್ ಅವಾರ್ಡ್ಸ್ ಅನ್ನು ಸಹ ನಿರ್ಮಿಸುತ್ತದೆ.

ತಾನು ಸ್ವಯಂ ಉತ್ಪಾದಿಸುವ ಉತ್ಪನ್ನಗಳಲ್ಲದೆ, ಪ್ರಾಕ್ಟರ್ & ಗ್ಯಾಂಬಲ್ ಹಲವಾರು ಸ್ಪ್ಯಾನಿಷ್ ಭಾಷೆಯ ನಾವೆಲ್ಲಾಗಳನ್ನು ಜಾಹಿರಾತು ಜಾಲಗಳಲ್ಲಿ ಜಾಹಿರಾತು ನೀಡುವ ಮೂಲಕ ಬೆಂಬಲಿಸುತ್ತದೆ; ಅವುಗಳೆಂದರೆ ಯೂನಿವಿಷನ್, ಟೆಲಿಮಂಡೋ, ಟೆಲಿಫ್ಯೂಚರಾ, ಮತ್ತು ಆಝ್ಟೆಕಾ ಅಮೆರಿಕ ಜಾಹಿರಾತು ಸಂಸ್ಥೆಗಳು. ಪ್ರಾಕ್ಟರ್ & ಗ್ಯಾಂಬಲ್ 1980ರ ದಶಕದ ಮಧ್ಯಭಾಗದಲ್ಲಿ ಸ್ಪ್ಯಾನಿಷ್ ಭಾಷಾ ಟಿ.ವಿ.ಯ ಮುಖ್ಯವಾಹಿನಿಯ ಜಾಹಿರಾತುದಾರರಲ್ಲಿ ಒಂದಾಗಿತ್ತು.

2008ರಲ್ಲಿ P&G ಐಲ್ಯಾಂಡ್ ಡೆಫ್ ಜ್ಯಾಂರೊಡನೊಡಗೂಡಿ, ತಾವು ಜಿಲೆಟ್ ನಿಂದ ಹಕ್ಕನ್ನು ಪಡೆದು ಉತ್ಪಾದಿಸುವ ದೇಹ ಸಿಂಪದಣಾ ವಸ್ತುವಾದ ಟ್ಯಾಗ್ ರೆಕಾರ್ಡ್ಸ್ ಎಂಬ ಹೆಸರಿನಲ್ಲೇ ಒಂದು ರೆಕಾರ್ಡ್ ಸೃಷ್ಟಿಸುವ ಮೂಲಕ ತನ್ನ ಪ್ರಯಾಜಕತ್ವವನ್ನು ಸಂಗೀತ ಕ್ಷೇತ್ರಕ್ಕೂ ವಿಸ್ತರಿಸಿತು. ಏಪ್ರಿಲ್ 2010ರಲ್ಲಿ, ಆಸ್ ದ ವರ್ಲ್ಡ್ ಟರ್ನ್ಸ್ ರದ್ದಾದ ನಂತರ, PGP ತಾವು ಕ್ರಮೇಣ ಸಾಬೂನು ಉದ್ಯಮದಿಂದ ಹಂತಹಂತವಾಗಿ ಹೊರಹೋಗುತ್ತಿರುವುದಾಗಿ ಘೋಷಿಸಿತು ಹಾಗೂ ಹೆಚ್ಚು ಕುಟುಂಬಕ್ಕೆ ಸೂಕ್ತವಾದ ಚಟುವಟಿಕೆಗಳಲ್ಲಿ ವಿಸ್ತಾರಗೊಳ್ಳುವುದಾಗಿ ಹೇಳಿತು.

ವಿವಾದಗಳು

ಚಿಹ್ನೆಯ ವಿವಾದಗಳು

P&Gಯ ಹಿಂದಿನ ಲಾಂಛನವು 1851ರ ಒಂದು P&g ಯ ಸ್ಟಾರ್ ಮೇಣದ ಬತ್ತಿಗಳನ್ನು ಗುರುತಿಸಲು ಓಹಿಯೋ ನದಿಯ ದಂಡೆಯಲ್ಲಿನ ನೌಕಾ ನೌಕರರು ಬಳಿಯುತ್ತಿದ್ದ ನಾಜೂಕಿಲ್ಲದ ಕ್ರಾಸ್ ನಿಂದ ಉಗಮವಾಯಿತು. P&G ನಂತರ ಈ ಚಿಹ್ನೆಯನ್ನು ಕೊಂಚ ಬದಲಾಯಿಸಿ ತನ್ನ ಲಾಂಛನವನ್ನಾಗಿಸಿಕೊಂಡಿತು; ಇದರಲ್ಲಿ ಒಬ್ಬ ಮನುಷ್ಯನು ಹದಿಮೂರು ನಕ್ಷತ್ರಗಳತ್ತ ನೋಡುತ್ತಿರುವ ಚಿತ್ರವಿದ್ದು, ಇದು 13 ಮೂಲ ವಸಾಹತುಗಳ ಪ್ರತೀಕವೆನ್ನಲಾಗಿದೆ.

ಚಿತ್ರ:P&G logo.jpg

ಹಿಂದಿನ P&G ಚಿಹ್ನೆ

ಈ ಲಾಂಛನದಲ್ಲಿನ ಚಂದ್ರ ಮತ್ತು ನಕ್ಷತ್ರಗಳು ಸೈತಾನನ ಸಂಕೇತವೆಂದು ಪುಕಾರಗಳು ಹರಡಿದಾಗ, 1980ರ ದಶಕದಲ್ಲಿ, ಈ ಕಂಪನಿಯು ಬೇಡವಾದ ರೀತಿಯ ಮಾಧ್ಯಮದ ಪ್ರಚಾರವನ್ನು ಪಡೆಯಿತು. ಈ ಆರೋಪಕ್ಕೆ ಬೈಬಲ್ ನ ಒಂದು ಒಕ್ಕಣಿಕೆಯನ್ನು ಸೂಚಿಸಲಾಗಿತ್ತು, ವಿಶೇಷತಃ ರಿವಿಲೇಷನ್ 12:1, ಅದೇನೆಂದರೆ: "ಮತ್ತು ಸ್ವರ್ಗದಲ್ಲಿ ಒಂದು ಅದ್ಭುತವು ಗೋಚರಿಸಿತು; ಒಂದು ಸ್ತ್ರೀ ಸೂರ್ಯನನ್ನೇ ವಸ್ತ್ರವಾಗಿ ಹೊಂದಿದ್ದಳು, ಅವಳ ಕಾಲ ಬಳಿ ಚಂದ್ರ, ಮತ್ತು ಶಿರದಲ್ಲಿ ಹನ್ನೆರಡು ನಕ್ಷತ್ರಗಳ ಕಿರೀಟ." P&Gಯ ಲಾಂಛನದಲ್ಲಿ ಒಬ್ಬ ಮನುಷ್ಯನ ಮುಖವು ಚಂದ್ರನ ಮೇಲಿದ್ದು, ಅದರ ಸುತ್ತ ಹದಿಮೂರು ನಕ್ಷತ್ರಗಳಿದ್ದು,ಇದು ಬೈಬಲ್ ನಲ್ಲಿ ಉಲ್ಲೇಖಿಸಿದ ಸಂಕೇತದ ಅಣಕವೆಂದು ಕೆಲವರು ಆರೋಪಿಸಿ, ಆದ್ದರಿಂದ ಇದು ಸೈತಾನನದು ಎಂದು ಅಭಿಪ್ರಾಯ ಪಟ್ಟರು. ಉದ್ದನೆಯ ಗಡ್ಡವು ಪರಿಧಿಯನ್ನು ಸಂಧಿಸುವ ಜಾಗದಲ್ಲಿ ಮೂರು ಸುರುಳಿಗಳು ಉಂಟಾಗಿ ಅವು ಸಂಖ್ಯೆ666 ರ ಪ್ರತಿಬಿಂಬಗಳೆಂದೂ, ಆ ಸಂಖ್ಯೆಯು ಪ್ರಾಣಿಯ ಸಂಖ್ಯೆಯೆಂದೂ ವಾದಿಸಿದರು. ಮೇಲೆ ಮತ್ತು ಕೆಳಗೆ, ಕೂದಲು ತನ್ನ ಮೇಲೆ ತಾನೇ ಸುರುಳಿಯಾಗುತ್ತದೆ, ಇದು ನಕಲಿ ಪ್ರವಾದಿಯನ್ನು ಪ್ರತಿನಿಧಿಸುವ ಆಡಿನ ಎರಡು ಕೊಂಬುಗಳನ್ನು ಹೋಲುತ್ತವೆ ಎಂದರು.

ಈ ರೀತಿಯ ಹೇಳಿಕೆಗಳನ್ನು ಕಂಪನಿಯ ಅಧಿಕಾರಿಗಳು ಅಲ್ಲಗಳೆದರು ಹಾಗೂ ಚರ್ಚ್ ಆಫ್ ಸಟಾನ್ ಅಥವಾ ಯಾವುದೇ ಇತರ ವಾಮಾಚಾರದ ಸಂಸ್ಥೆಗಳೊಡನೆ ಕಂಪನಿಯು ಸಂಬಂಧವಿರಿಸಿಕೊಂಡಿದೆ ಎಂಬುದಕ್ಕೆ ಯಾವುದೇ ಪುರಾವೆ ಇಂದಿನವರೆಗೆ ಯಾರೂ ನೀಡಲಾಗಲಿಲ್ಲ. ಕಂಪನಿಯು ಆಮ್ವೇ ಮೇಲೆ 1995-2003ರವರೆಗೆ ಕಂಪನಿಯ ವಾಯ್ಸ್ ಮೇಯ್ಲ್ ಮೂಲಕ 1995ರಲ್ಲಿ ಹರಡಿದ ವದಂತಿಯ ಬಾಬ್ತಿನಲ್ಲಿ ಹಾಕಿದ ದಾವೆಯನ್ನು ಸೋತಿತು. 2007ರಲ್ಲಿ ಕಂಪನಿಯು ಸುಳ್ಳು ಸುದ್ದಿಗಳನ್ನು ಮರುಸೃಷ್ಟಿಸಿ ಪ್ರಚಾರ ಮಾಡಿದುದರ ವಿರುದ್ಧ ಆಮ್ವೇಯ ವ್ಯಕ್ತಿಗಳ ಮೇಲೆ ದಾವೆ ಹೂಡಿ ಗೆದ್ದಿತು.

ಉದ್ದೀಪಕ ಗಾಬರಿ ಲಕ್ಷಣಗಳು ಮತ್ತು ಟ್ಯಾಂಪೂನ್ ಗಳು

ಉದ್ದೀಪಕ ಗಾಬರಿ ಲಕ್ಷಣಗಳು (TSS) ಎಂಬುವುದು ಸ್ಟಫೈಲೋಕೋಕಸ್ ಆರಿಯಸ್ ಬ್ಯಾಕ್ಟೀರಿಯಾ ಗಳಿಂದ ಉಂಟಾಗುವ ಒಂದು ರೋಗ. ಈ ಬ್ಯಾಕ್ಟೀರಿಯಾಗಳು ಸಾಮಾನ್ಯವಾಗಿ ಪ್ರತಿಯೊಬ್ಬರ ದೇಹದಲ್ಲೂ ಬಾಧಕವಲ್ಲದ ಆರಂಭಕಗಳಾದಿ ಮೂಗು, ಚರ್ಮ ಮತ್ತು ಯೋನಿಗಳಲ್ಲಿರುತ್ತವೆ. ಈ ರೋಗವು ಯಾರಿಗೆ ಬೇಕಾದರೂ ಸೋಂಕಬಹುದು, ಕೇವಲ ಸ್ತ್ರೀಯರನ್ನಲ್ಲ, ಆದರೆ ಈ ರೋಗವು ಸಾಮಾನ್ಯವಾಗಿ ಟ್ಯಾಂಪೂನ್ ಗಳೊಡನೆ ಸಂಬಂಧಿತವಾಗಿರುವುದೆನ್ನಲಾಗಿದೆ. 1980ರಲ್ಲಿ, 814 ಮುಟ್ಟು-ಸಂಬಂಧಿತ TSS ರೋಗಗಳ ವರದಿಯಾಗಿತ್ತು; 38 ಸಾವುಗಳು ಸಂಭವಿಸಿದವು. ಈ ಸ್ತ್ರೀಯರ ಪೈಕಿ ಹೆಚ್ಚಿನವರು ಹೆಚ್ಚು ಹೀರುವ ಕೃತಕವಸ್ತುಗಳಿಂದ ತಯಾರಾದ ಟ್ಯಾಂಪೂನ್ ಗಳನ್ನು ಬಳಸಿದ್ದರೆಂದು ದಾಖಲಾಗಿದೆ, ವಿಶೇಷತಃ ಪ್ರಾಕ್ಟರ್ & ಗ್ಯಾಂಬಲ್ ನವರ ರಿಲೈಟ್ಯಾಂಪೂನ್ ಗಳು. ರಿಲೈ ಟ್ಯಾಂಪೂನ್ ಒಂದು ಸ್ತ್ರೀಯು ತನ್ನ ಮುಟ್ಟಿನ ಅವಧಿಯಲ್ಲಿ ಸ್ರವಿಸುವ ಇಡೀ ಸ್ರಾವವನ್ನು ಹೀರಿಕೊಳ್ಳುವಷ್ಟು ಮಹತ್ತರವಾದ ಹೀರಿಕೊಳ್ಳುವ ಸಾಮರ್ಥ್ಯವನ್ನು ಹೊಂದಿದ್ದಿತು. ಹತ್ತಿ ಮತ್ತು ರೆಯಾನ್ ಗಳಿಂದ ಇತರ ಟ್ಯಾಂಪೂನ್ ಗಳಂತಲ್ಲದೆ, ರಿಲೈ ಕಾರ್ಬಾಕ್ಸಿಮಿಥೈಲ್ ಸೆಲ್ಯುಲೋಸ್ ಅನ್ನು ಬಳಸಿತು ಮತ್ತು ಪಾಲಿಸ್ಟರ್ ಮಣಿಗಳನ್ನು ಒತ್ತಿ ಹಾಕಿ ಹೀರುವಿಕೆಯನ್ನು ಹೆಚ್ಚಿಸಿತ್ತು. ಇವುಗಳಿಂದ ಯೋನಿಯೊಳಗಿನ ದ್ರವವು ಮಂದವಾಗುತ್ತಿತ್ತು, ಕೆಲವು ವಿಷಕಾರಕಗಳ ಉತ್ಪನ್ನಕ್ಕೆ ಇದು ಕಾರಣವಾಗುತ್ರಿತ್ತು.

ಪ್ರಾಕ್ಟರ್ & ಗ್ಯಾಂಬಲ್ ಇದಕ್ಕೆ ಬಳಸುತ್ತಿದ್ದ ಘೋಷಣೆ "ಭರವಸೆಯಿಡಿ. ಅದು ಚಿಂತೆಯನ್ನೂ ಹೀರುತ್ತದೆ."

1980ರ ಬೇಸಿಗೆಯಲ್ಲಿ ಸೆಂಟರ್ಸ್ ಫಾರ್ ಡಿಸೀಸ್ ಕಂಟ್ರೋಲ್ ಈ ಬ್ಯಾಕ್ಟೀರಿಯಾಗಳ ವ್ಯವಸ್ಥೆಗಳು ಹೇಗೆ TSSಗೆ ಕಾರಣವಾಗುವುದೆಂದು ವಿವರಿಸುವ ಪತ್ರವನ್ನು ಬಿಡುಗಡೆ ಮಾಡಿದರು. ಬೇರೆಲ್ಲಾ ಟ್ಯಾಂಪೂನ್ ಗಳಿಗಿಂತಲೂ ರಿಲೈ ಟ್ಯಾಂಪೂನ್ ಬಳಸಿದವರಿಗೇ ಹೆಚ್ಚಾಗಿ TSS ತಗುಲಿರುವುದನ್ನೂ ಅದು ಪ್ರಕಟಿಸಿತು. ಸೆಪ್ಟೆಂಬರ್ 1980ರಲ್ಲಿ, ಪ್ರಾಕ್ಟರ್ & ಗ್ಯಾಂಬಲ್ ಈ ಟ್ಯಾಂಪೂನ್ ಗಳನ್ನು ಮಾರುಕಟ್ಟೆಯಿಂದ ಹಿಂತೆಗೆದುಕೊಂಡಿತು ಬಳಕೆದಾರರಿಗೆ ಸೂಚನೆಗಳನ್ನು ನೀಡುವ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಲು ಸಹ ಸಮ್ಮತಿಸಿತು. 1980ರ ದಶಕದಿಂದೀಚೆಗೆ, TSS ರೋಗಪೀಡಿತರ ಸಂಖ್ಯೆಯು ಗಮನೀಯವಾಗಿ ಕಡಿಮೆಯಾಗಿದೆ.

ಇತರ ಉತ್ಪನ್ನಗಳು

ಡಿಸೆಂಬರ್ 2005ರಲ್ಲಿ P&Gಯ ಔಷಧಗಳ ವಿಭಾಗವು ಮೂಳೆಸಮೆತದ ರೋಗನಿವಾರಕ ಆಕ್ಟೋನೆಲ್ ನ ಸಂಶೋಧನೆಯ ವಿಷಯದಲ್ಲಿ ವಿವಾದದ ಸುಳಿಗೆ ಸಿಲುಕಿತು. ಇದು ಮಾಧ್ಯಮಗಳಲ್ಲಿ ಚರ್ಚೆಗೊಳಪಟ್ಟಿತು ಮತ್ತು ಸಂಶೋದಕರೊಬ್ಬರ ಬ್ಲಾಗ್ನಲ್ಲೂ ಈ ಚರ್ಚೆ ಮುಂದುವರೆಯಿತು.

ಅಕ್ಟೋಬರ್ 2007ರಲ್ಲಿ, ಕ್ರೆಸ್ಟ್ ಪ್ರೋ-ಹೆಲ್ತ್ ಮೌತ್ ವಾಷ್ ಬಳಸಿದವರು ಕಲೆಗಳುಳ್ಳ ಹಲ್ಲುಗಳು ಮತ್ತು ರುಚಿಯನ್ನು ಕಳೆದುಕೊಳ್ಳುವ ಅಸ್ವಸ್ಥತೆಗಳಿಗೆ ಒಳಗಾದರೆಂದು ಜಾರ್ಜಿಯಾ ರಾಜ್ಯದಲ್ಲಿ ಒಂದು ಕ್ಲಾಸ್ ಆಕ್ಷನ್ ದಾವೆಯನ್ನು ಹೂಡಲಾಯಿತು. ಈ ಅಡ್ಡ ಪರಿಣಾಮವು ಕೇವಲ ಮೂರು ಪ್ರತಿಶತ ಬಳಕೆದಾರರಲ್ಲಿ ಸಂಭವಿಸುತ್ತದೆಂದು ಪ್ರಾಕ್ಟರ್ & ಗ್ಯಾಂಬಲ್ ನ ವಾದವಾಗಿತ್ತು. ದಾವೆಯು ಬಳಕೆದಾರರಿಗೆ ಈ ಪರಿಣಾಮಗಳ ಬಗ್ಗೆ ವಸ್ತುವಿನ ಪ್ಯಾಕೆಟ್ ನ ಮೇಲೆ ಎಚ್ಚರಿಕೆಯನ್ನು ಮುದ್ರಿಸಬೇಕೆಂದು ಕೋರುತ್ತದೆ.

ಬಾಹ್ಯ ಕೊಂಡಿಗಳು

• ಅಧಿಕೃತ ಜಾಲತಾಣ