ಪಗೋಡಾ (ನಾಣ್ಯ)
ಪಗೋಡಾ ಚಲಾವಣೆಯ ಒಂದು ಏಕಮಾನವಾಗಿತ್ತು. ಈ ನಾಣ್ಯವನ್ನು ಚಿನ್ನ ಅಥವಾ ಅರ್ಧ ಚಿನ್ನದಿಂದ ತಯಾರಿಸಲಾಗುತ್ತಿತ್ತು. ಭಾರತೀಯ ರಾಜವಂಶಗಳು, ಜೊತೆಗೆ ಬ್ರಿಟಿಷರು, ಫ಼್ರೆಂಚರು ಮತ್ತು ಡಚ್ಚರು ಈ ನಾಣ್ಯವನ್ನು ಟಂಕಿಸುತ್ತಿದ್ದರು. ಇದನ್ನು ೪೨ ಫಣಮ್‍ಗಳಾಗಿ ವಿಭಜಿಸಲಾಗಿತ್ತು. ಮಧ್ಯಯುಗದ ದಕ್ಷಿಣ ಭಾರತದಲ್ಲಿನ ವಿವಿಧ ರಾಜವಂಶಗಳು ಪಗೋಡಾ ನಾಣ್ಯಗಳನ್ನು ಹೊರಡಿಸಿದ್ದವು. ಇವುಗಳಲ್ಲಿ ಹಾನಗಲ್ಲಿನ ಕದಂಬರು, ಗೋವಾದ ಕದಂಬರು, ಮತ್ತು ವಿಜಯನಗರ ಸಾಮ್ರಾಜ್ಯ ಸೇರಿವೆ.[೧]
ವಿದೇಶಿ ವ್ಯಾಪಾರಿಗಳು ಟಂಕಿಸಿದ ಪಗೋಡಾಗಳಲ್ಲಿ ಎರಡು ಪ್ರಕಾರಗಳಿದ್ದವು:
- ನಕ್ಷತ್ರ ಪಗೋಡಾ ಅತ್ಯಂತ ಬೆಲೆಬಾಳುವಂಥದ್ದಾಗಿತ್ತು, ೧೦೦ ಪಗೋಡಾಗಳು ೩೫೦ ರೂಪಾಯಿಗಳಷ್ಟು ಬೆಲೆಬಾಳುತ್ತಿದ್ದವು. ಇವನ್ನು ಮದ್ರಾಸಿನಲ್ಲಿ ಈಸ್ಟ್ ಇಂಡಿಯ ಕಂಪನಿ ಹೊರಡಿಸಿತ್ತು.[೨]
- ಪೋರ್ಟೊ ನೋವೊ ಪಗೋಡಾ ಎರಡನೆ ಬಗೆಯದು. ಇದನ್ನು ಟ್ಯೂಟಿಕಾರಿನ್‍ನಲ್ಲಿ ಡಚ್ಚರು ಮತ್ತು ಆರ್ಕಟ್‍ನ ನವಾಬರು ಕೂಡ ಹೊರಡಿಸಿದ್ದರು. ಇದು ನಕ್ಷತ್ರ ಪಗೋಡಾಕ್ಕಿಂತ ಶೇಕಡ ೨೫ ರಷ್ಟು ಕಡಿಮೆ ಬೆಲೆಬಾಳುತ್ತಿತ್ತು.[೩]
ಉಲ್ಲೇಖಗಳು
[ಬದಲಾಯಿಸಿ]- ↑ "Southern India Coins". Med.unc.edu. Archived from the original on 2007-02-04. Retrieved 2007-03-20.
- ↑ "European East India Companies coins". Chennai Museum. Retrieved 2007-03-20.
- ↑ "glossary - pagoda". Archived from the original on 2007-01-26. Retrieved 2007-03-20.
{{cite web}}: Unknown parameter|dead-url=ignored (help)