ಡಿಂಗ್ ಶಿಯಾ

ಡಿಂಗ್ ಶಿಯಾ

Personal information
Native name	丁霞
Nationality	ಚೀನಾ
Born	13 ಜನವರಿ 1990 ಶಿಜಿಯಾಜುವಾಂಗ್, ಹೆಬೈ, ಚೀನಾ
Years active	2014–ಪ್ರಸ್ತುತ
Height	1.80 ಮೀ
Weight	67 ಕೆಜಿ
Sport
Sport	ವಾಲಿಬಾಲ್
Position	ಸೆಟರ್
Club	ಲಿಯಾವೋನಿಂಗ್ ಮಹಿಳಾ ವಾಲಿಬಾಲ್ ತಂಡ

ಡಿಂಗ್ ಶಿಯಾ (ಚೀನೀ: 丁霞; ಜನನ 13 ಜನವರಿ 1990) ಚೀನಾದ ಪ್ರಸಿದ್ಧ ವಾಲಿಬಾಲ್ ಆಟಗಾರ್ತಿ. ಅವರು ಚೀನಾ ಮಹಿಳಾ ರಾಷ್ಟ್ರೀಯ ವಾಲಿಬಾಲ್ ತಂಡದ ಪ್ರಮುಖ ಸೆಟರ್ ಆಗಿದ್ದಾರೆ. 2016ರ 2016 ರಿಯೋ ಒಲಿಂಪಿಕ್ಸ್ನಲ್ಲಿ ಚೀನಾ ತಂಡ ಚಿನ್ನದ ಪದಕ ಗೆಲ್ಲುವಲ್ಲಿ ಅವರು ಮಹತ್ವದ ಪಾತ್ರ ವಹಿಸಿದ್ದರು.

ಪ್ರಾರಂಭಿಕ ಜೀವನ

ಡಿಂಗ್ ಶಿಯಾ ಅವರು 1990ರ ಜನವರಿ 13ರಂದು ಚೀನಾದ ಹೆಬೈ ಪ್ರಾಂತ್ಯದ ಶಿಜಿಯಾಜುವಾಂಗ್ ನಗರದಲ್ಲಿ ಜನಿಸಿದರು. ಅವರು ಹತ್ತು ವರ್ಷದ ವಯಸ್ಸಿನಲ್ಲಿ ವಾಲಿಬಾಲ್ ತರಬೇತಿಯನ್ನು ಪ್ರಾರಂಭಿಸಿದರು. ನಂತರ ಲಿಯಾವೋನಿಂಗ್ ಮಹಿಳಾ ವಾಲಿಬಾಲ್ ತಂಡದ ಗಮನಕ್ಕೆ ಬಂದು ಅಲ್ಲಿ ವೃತ್ತಿಜೀವನ ಆರಂಭಿಸಿದರು.

ರಾಷ್ಟ್ರೀಯ ತಂಡದ ವೃತ್ತಿಜೀವನ

2014 ಏಷ್ಯನ್ ಗೇಮ್ಸ್

ಡಿಂಗ್ ಶಿಯಾ 2014ರಲ್ಲಿ 2014 ಏಷ್ಯನ್ ಗೇಮ್ಸ್(ಇಂಚಿಯನ್ ಏಷ್ಯನ್ ಗೇಮ್ಸ್)ನಲ್ಲಿ ಭಾಗವಹಿಸಿ ಬೆಳ್ಳಿ ಪದಕ ಗೆದ್ದ ತಂಡದ ಸದಸ್ಯರಾಗಿದ್ದರು.

2015 ವಿಶ್ವಕಪ್

2015ರ FIVB ಮಹಿಳಾ ವಿಶ್ವಕಪ್(FIVB ವಿಶ್ವಕಪ್)ನಲ್ಲಿ ಅವರು ಉತ್ತಮ ಪ್ರದರ್ಶನ ನೀಡಿ ಚೀನಾ ತಂಡಕ್ಕೆ ಚಿನ್ನದ ಪದಕ ಗೆಲ್ಲಲು ಸಹಾಯ ಮಾಡಿದರು.

2016 ರಿಯೋ ಒಲಿಂಪಿಕ್ಸ್

2016 ರಿಯೋ ಒಲಿಂಪಿಕ್ಸ್ನಲ್ಲಿ ಚೀನಾ ತಂಡ ಫೈನಲ್‌ನಲ್ಲಿ ಸರ್ಬಿಯಾ ತಂಡವನ್ನು ಸೋಲಿಸಿ ಚಿನ್ನದ ಪದಕ ಗೆದ್ದಿತು.

2017 ವರ್ಲ್ಡ್ ಗ್ರ್ಯಾಂಡ್ ಚಾಂಪಿಯನ್ಸ್ ಕಪ್

2017ರಲ್ಲಿ ನಡೆದ FIVB ಮಹಿಳಾ ವರ್ಲ್ಡ್ ಗ್ರ್ಯಾಂಡ್ ಚಾಂಪಿಯನ್ಸ್ ಕಪ್ನಲ್ಲಿ ಚೀನಾ ಚಾಂಪಿಯನ್ ಆಯಿತು.

2018 ಏಷ್ಯನ್ ಗೇಮ್ಸ್

2018ರಲ್ಲಿ ಏಷ್ಯನ್ ಗೇಮ್ಸ್(ಜಕಾರ್ತಾ-ಪಲೆಂಬಾಂಗ್ ಏಷ್ಯನ್ ಗೇಮ್ಸ್)ನಲ್ಲಿ ಚೀನಾ ತಂಡ ಚಿನ್ನದ ಪದಕ ಗೆದ್ದಿತು.

2019 ವಿಶ್ವಕಪ್

2019ರ FIVB ಮಹಿಳಾ ವಿಶ್ವಕಪ್ನಲ್ಲಿ ಚೀನಾ ತಂಡ 11 ಪಂದ್ಯಗಳಲ್ಲಿ ಜಯ ಸಾಧಿಸಿ ಚಿನ್ನದ ಪದಕ ಗೆದ್ದಿತು. ಡಿಂಗ್ ಶಿಯಾ ಅವರಿಗೆ “ಅತ್ಯುತ್ತಮ ಸೆಟರ್” ಪ್ರಶಸ್ತಿ ದೊರೆಯಿತು.

ಆಟದ ಶೈಲಿ

ಡಿಂಗ್ ಶಿಯಾ ಅವರ ವೇಗ ಮತ್ತು ಎಡಗೈ ಆಟದ ಶೈಲಿ ಅವರನ್ನು ವಿಶಿಷ್ಟಗೊಳಿಸುತ್ತದೆ. ಅವರು ಸೆಕೆಂಡ್ ಟಚ್ ಸ್ಪೈಕ್ ಮೂಲಕ ಅಪ್ರತೀಕ್ಷಿತ ದಾಳಿ ನಡೆಸುವಲ್ಲಿ ಪರಿಣತರು.